donal trump

TRUMP-PROKURORI.mpg_snapshot_00.02.jpg
G. P.23:37 | 11/10/2018

Donald Trump dhe presidenti kinez do të përpiqen të sheshojnë mosmarrëveshjet tregtare muajin e ardhshëm, kur pritet të zhvillojnë një takim kokë më kokë. Lajmi bëhet i ditur në një kohë kur Trump ka deklaruar se ka në dorë masa të tjera që mund të dëmtojnë më shumë ekonominë kineze.

Presidenti Donald Trump dhe homologu kinez Xi Jinping mund të zhvillojnë një takim dypalësh muajin e ardhshëm, në përpjekje për të tejkaluar mosmarrëveshjet tregtare mes tyre. Takimi mund të zhvillohet në kuadër të samitit të G20-s që mbahet në Argjentinë dhe këshilltari për ekonominë në Shtëpinë e Bardhë, Lerri Kudlou ka deklaruar se dy administratat janë në kontakt me njëra-tjetrën. Duke folur për kontestin me Kinën ditën e enjte, presidenti Trump ka deklaruar se mund të marrë masa të tjera që mund të dëmtojnë edhe më tej ekonominë kineze, nëse kjo e fundit merr masa reciproke. Muajin e kaluar Trump vendosi tarifa 200 miliardë dollarë tarifa për produktet kineze dhe Pekini u kundërpërgjigj duke vendosur 60 miliardë taksa për ato amerikane.

“Ka patur një impakt të fuqishëm. Ekonomia e tyre është dëmtuar ndjeshëm dhe unë kam shumë mjete të tjera për ta dëmtuar më tej”, ka thënë Trump. Ndërkohë, bizneset amerikane, të bashkuara në siglën “Tarifat dëmtojnë atdheun”, i janë drejtuar kreut të shtetit përmes një letre. Në të bëhet e ditur se tarifat e reja po u kushtojnë bizneseve dhe konsumatorëve amerikanë 1.4 miliardë dollarë në muaj. Në letër saktësohet se në Miçigan, një shtet ku gara elektorale e nëntorit pritet të jetë e ashpër, ka patur një trefishim të çmimeve; ndërsa në Illinois, Teksas dhe Virxhinian Perëndimore çmimet dhe tarifat janë dyfishuar.

uai1ddlo_donald-trump_625x300_06_August_18.jpg
ent ela22:43 | 28/08/2018

Pasi akuzoi motorin e kërkimit Google për manipulime, presidenti Donald Trump ka paralajmëruar edhe rrjetet sociale Facebook dhe Twitter. “Nëse shohim ato që po bën Google, po bën Twitter-i dhe Facebook-u them se bëjnë mirë të bëjnë kujdes”, ka thënë Trump. Për presidentin amerikan, motori i kërkimit dhe mediat sociale po punojnë të ndikuara politikisht, duke censuruar të vërtetën dhe pa dhënë prova për ndjekësit e tyre. “Mendoj se Google, Twitter dhe Facebook po veprojnë në një terren të minuar dhe u duhet të bëjnë kujdes. Nuk është e drejtë t’ia bësh këtë pjesës dërrmuese të popullsisë”, ka thënë Trump. Ndërkohë, Shtëpia e Bardhë ka bërë me dije se ka nisur një hetim ndaj motorit të kërkimit në internet./abcnews.al

TRUMP-LEJON-STAFIN-TE-BASHKEPUNOJE-PER-RUSSIAGATE.mpg_snapshot_00.49-1280x665.jpg
G. P.14:16 | 21/08/2018

Presidenti amerikan Donald Trump ka pranuar se frikësohet nga ndonjë dëshmi të mundshme që mund të japë për prokurorin special që heton për Russiagate. Sipas tij, deklarata mund të përdoret për të ngritur akuza false.

Presidenti amerikan Donald Trump ka thënë se është i shqetësuar se mund të përballet me akuza të rremë, nëse ai jep deklarata nën betim për hetimin mbi rolin e dyshuar të Rusisë në fitoren e tij zgjedhore. Ai i tha agjensisë së lajmeve Reuters se kishte frikë se çdo mospërputhje midis deklaratës së tij dhe të tjerëve mund të përdoreshin kundër tij. Trump gjithashtu sugjeroi që ai të mund të merrte kontrollin mbi hetimet e drejtuara nga prokurori i posaçëm Robert Mueller, por tha se ka vendosur të qëndronte jashtë saj.

Kreu i Shtëpisë së Bardhë ripërsëriti qëndrimin e tij duke e quajtur hetimin një “gjueti shtrigash”. Gjithashtu edhe Rusia mohon pretendimet për ndërhyrje në zgjedhjet e 2016-s, në të cilat Trump mposhti rivalen demokrate Hilari Klinton. Në intervistën për Rojters, presidenti amerikan shprehu shqetësim për çdo deklaratë që ai mund të jepte për hetuesit, të cilat do të krahasoheshin me ato të të tjerëve që kanë dëshmuar, si ish-kreu i FBI Xhejms Komi.

Trump ripërsëriti fjalët e avokatit të tij dhe tha se nëse dëshmon mund të futet në kurthin e drejtësisë. “Nëse unë them diçka dhe Komi thotë diçka, atëherë është fjala ime kundër tij, dhe ai është shumë i afërt me Mueller. Dhe kështu Mueller mund të thotë: Unë i besoj Komit”, tha presidenti amerikan duke parashikuar se në këtë situatë ai do të quhej gënjeshtar.

Ndërkohë, prokurori i posaçëm Mueller po heton për çështjen Russiagate, më saktësisht bashkëpunimin e ekipit të fushatës së Trump me Moskën dhe ndërhyrjen e dyshuar të kremlinit në zgjedhje. Deri më tani në hetime janë përfshirë 32 persona, përfshirë 4 anëtarë të ekipit të presidentit amerikan./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono