djali

salvini-1.jpg
G. P.14:10 | 31/07/2019

Në Itali ndizen polemikat pas publikimit të një video ku djali i ministrit të Brendshëm Salvini është në një motor uji që i përket forcave të policisë. Zv/Kryeministri italian ka reaguar se gabimi ishte i tij si baba dhe se askush nuk duhej të fajësonte policinë.

Polemika në Itali pas videos së publikuar nga “La Republica”, ku tregohet djali i ministrit të Brendshëm, Matteo Salvini, i cili ndodhet në bordin e një motori uji të forcave të policisë së bashku me një agjent, teksa bën një xhiro në det.

Zv/Kryeministri italian ka reaguar menjëherë duke thënë se ishte një gabim i tij si prind, ndërsa hetuesit në Ravena kanë nisur hetimet për sa i përket përdorimit të papërshtatshëm të mjetit.

Ndërsa Partia Demokratike në opozitë e ka cilësuar veprimin si të papranueshëm, duke shtuar se mjetet e policisë shërbejnë për të garantuar sigurinë dhe jo për të zbavitur familjen e Salvinit. Ndërsa të tjerë anëtarë të Partisë Demokratike akuzojnë Salvinin se i përdor forcat e rendit si lodra.

Ndërsa ministri i Drejtësisë Alfonso Bonafede u shpreh se nuk besonte se italianët do të rrinin pa gjumë për të zbuluar nëse djali i Salvinit kishte bërë ose jo një xhiro me motorin e ujit të policisë. Sipas tij agjentët e policisë ishin vendosur në një situatë të vështirë dhe ndërkohë hetuesit po bëjnë detyrën e tyre./ABC News Albania 24/7

LUSHNJE-1.jpg
G. P.08:54 | 17/07/2019

Një 30-vjeçar në Lushnje pas një sherri të çastit me të atin e ka qëlluar këtë të fundit me sëpatë në kokë duke e plagosur rëndë. Mësohet se konflikti ka ndodhur në hyrjen e pallatit ku banonin babë e bir për shkak se 60-vjeçari nuk i ka dhënë paratë që kërkonte djali.

Djali qëllon babain me sëpatë në kokë pasi ky i fundit nuk i dha paratë që i kërkoi i biri. Ngjarja ka ndodhur rreth orës 7:30 të mëngjesit në lagjen “Xhevdet Nepravishta” të qytetit Lushnje.

Sipas policisë në vendngjarje, at e bir Kujtim dhe Dritan Veliaj, kanë debatuar fillimisht në banesë, pastaj në hyrjen e pallatit djali 30-vjeçar pasi ka marrë sëpatën e ka qëlluar disa herë.

Kujtim Veliaj, 60 vjeç, mori plagë të rënda. I plagosuri fillimisht u transportua në spitalin e Lushnjes dhe më pas u dërgua drejt Tiranës dhe ndodhet në reanimacion.

Sipas policisë, autori i këtij krimi, Dritan Veliaj që u kap në flagrance njihet si person i dhunshëm në familje. Babai i tij ishte me urdhër mbrojtjeje ndaj të birit, megjithëse jetonin nën të njëjtin apartament në katin e pestë të këtij pallati.

Madje 30-vjeçari pesë vite më parë ka qenë i dënuar për dhunë në familje dhe sot ngjarja përsëritet. /ABC News Albania 24/7

roberti-933x445.jpg
Sej rie20:15 | 07/07/2019

Brunilda ka sjellë në seancën e ndërmjetësimit djalin e hallës Robertin, pasi ajo pretendon se ai ka braktisur mamanë pas divorcit. Nga ana tjetër, si pasojë e divorcit të prindërve, Robertit i kanë lindur një serë problemesh. A do të ketë një zgjidhje situata për Robertin, mamanë e tij dhe Brunildën?

Brunilda: Kam thirrur djalin e hallës, Robertin se ai duhet ta kthejë kokën pas, se nuk ka qenë nëna e tij shkak i të gjitha këtyre rrethanave që ka ai. Kjo mua më ka shqetësuar shumë. E telefonoja shumë herë dhe gjatë dhe i thoja duhet të vish, pasi nuk i kam asnjë gjë për borxh, por ai nuk pranonte të vinte.

Roberti: Unë kam vetëm një muaj që e kam lënë nënën vetëm dhe jo një jetë. E kam lënë vetëm për një arsye se më ka lindur një problem shumë i madh. Kam 10 vjet që kam probleme me babai. Nuk e kam fajin për asnjë atyre. Kam 22 vite që jam larguar nga shtëpia dhe jetoj në Athinë dhe këtë muaj kam 1 muaj që nuk bëj asnjë telefonatë. Ndërkohë që nëna me babain ka 10 vjet që nuk shkojnë mirë dhe gjithë këto vite kam hasur me problematika aq të mëdha saqë nuk i prisja në jetën time. Jam dënuar 2 herë nga babai me burg dhe i pranova për sy të publikut. Luftova vetëm deri në Gjykatën e Apelit. Babi im nuk e ka trajtuar mirë mamanë time dhe as unë nuk e di si hyra në burg.

Roberti tregoi sherrin mes prindërve, i cili e çoi në burg për 2 muaj.

“Një mëngjes babai po bënte fjalë me nënë time. Unë isha në gjumë, u zgjova dhe pashë sesi babai po i nxirrte rrobat dhe i thoshte asaj do sjell grua tjetër dhe largohu. I thashë, hajde shkojmë në polici ta denoncojmë, por nuk pranoi. Unë i ndava në kohën që po ziheshin dhe në vend që ta merrja unë policinë, e mori babai dhe me akuzoi se e kam goditur atë mëngjes. Erdhi policia më mori dhe më arrestoi. Babai solli dëshmitarë, motrën dhe vëllain e tij dhe folën kundra meje, pa parë dhe diskutuar asnjë gjë me ata. Kjo ngjarje ka ndodhur para 3 vitesh. Ai mori një urdhër mbrojtje nga Gjykata dhe unë nuk shkova për një vit në shtëpi. Gjykata më dënoi me 2 muaj”.

Prindërit e Robertit pas 10 vitesh debatesh dhe konfliktesh janë divorcuar 3 vite më parë. Ai rrëfeu një pjesë nga jeta e tij.

“Unë vetëm të mira i kam bërë babait në këtë jetë. Kam 22 vite në Greqi dhe pothuajse 10 vite paratë ja kam dorëzuar babit tim të gjitha dhe kurrë nuk i kam kërkuar llogari se ku i çonte lekët, por edhe vitet e fundit të gjitha paratë jam kam dhënë babait për ti investuar për shtëpinë tonë në Sul të Devollit. Unë një djalë i vetëm jam dhe atë shtëpi kemi. Nuk e kisha menduar ndonjëherë se gjërat do të shkonin deri në këtë pikë”.

Juristja Eni Çobani tha se Roberti është dënuar sërish nga Gjykata me 5 muaj burg.

“Roberti është dënuar nga Gjykata e Rrethit Gjyqësor Korçë me 5 muaj burg. Të them të drejtën në momentin e parë kur Bruna ma ka sjellë si rast dhe jam befasuar sesi një baba investohet prej vitesh për të dënuar djalin e tij. Që këtu qëndrojmë jashtë ligjit dhe jemi tek familja, morali. Një baba është investuar prej vitesh të dënojë djalin e tij. Juve moralisht ju ka dënuar babai juaj. Se çfarë ndodh brenda një familje i dini vetëm ju të tre, babai nëna dhe ju. Nëna juaj nuk është në gjendje të flasë ndërsa me babain jam befasuar nga ftohtësia e bisedës me mua, kur përmendej emri tuaj. Ne të gjithë jemi prindër dhe tek fëmijët jemi shumë të ndjeshëm dhe sidomos kur ju merr një njeri i huaj siç jam unë edhe pse jam bërë e afërt për familjarët”.

Zonja Eni Çobani tregoi momentin kur telefonoi babain e Robertit dhe akuzat e tij për djalin ishin të pafundme.

“Kur e ftova ka qenë një moment shumë i veçantë dhe këtë dua ta ndaj me publikun. Zoti Xhezmi të ftoj të dalësh para dalit tuja, dhe më tha, Zonja Eni unë kam disa bagëti këtu dhe do merrem me ato, ndërsa djalin ta kam lënë ty të merresh. I thashë, po më befason sesi një baba në moshën tuaj të flasë për djalin e tij në këtë mënyrë”.

Roberti tregoi se ka bërë një gabim shumë të madh kur prindërit e tij u ndanë. Ai u largua ditën tjetër menjëherë për në Greqi dhe nëna e tij nuk mori një avokat për të bërë ndarjen e pasurisë.

“Nuk ja fal vetes së nuk e kam atë zemër, atë shpirt. Por duhet ta kisha bërë. Të nesërmen duhet të kisha kapur një avokat dhe ta kisha vënë në program për ndarjen e pasurisë, unë nuk e bëra këta dhe u largova për në Greqi. Ky muhabet ka ndodhur para tre vitesh. Ai nuk i është përgjigjur nënës sime për asnjë gjë”.

Juristja Eni Çobani i telefoni nga studio zotit Xhezmi dhe e pyeti nëse janë të vërteta akuzat e ngritura apo është xheloz pasi djali ndihmon më shumë bashkëshorten e tij.

“Unë nuk jam xheloz, i kam ndihmuar dhe i ndihmoj dhe sot. I kam paguar ujin, dritat si dhe drutë i kanë marrë tek mua”.

Gjithashtu, Xhezmi tregoi dhe arsyen e divorcit nga bashkëshortja.

“Në 3 Qershor 2006, pësova një disfatë. Unë rashë nga një tarracë dhe isha shumë rëndë. Erdhën motrat dhe vëllain të më shikonin në spital, me të cilët nuk kisha patur muhabet prej disa kohësh për hatrin e gruas dhe që nga ajo ditë gruaja ime u mënjanua, duke më thënë se e hodha poshtë”.

Por pretendimet e Xhezmiut u hodhën poshtë nga djali i tij Roberti ku tha se është kujdesur për babain.

 “Kam ardhur nga Greqia, kam ndenjur 40 ditë në spital dhe jam kujdesur për atë dhe po e hodhi poshtë dhe këtë gjë, ai nuk është njeri”.

Gjatë telefonatës me babain e tij, Roberti hodhi disa akuza mbi të atin. Ai e pyeti babain se çfarë lidhje kishte ky i fundit me një vajzë të re. Roberti tha se si pasojë e veprimeve nga ana e babit të tij, ai dhe mamaja nuk kanë më “fytyrë” të shkojnë në fshat.

Roberti: Po një vajzë 35 vjeçare nga fshati Çipan i Devollit, çfarë lidhje kishte me ty që keni 4-5 vite që rrini bashkë me atë vajzë që e mbaje me vete dhe na i ke sjellë dhe në shtëpi?

Babai: Unë atë dhe disa të tjera i kam mbajtur për punë… ajo kërkonte punë se nuk ka bukë të hajë njerëzia. Kërkonte punë ajo, se unë marr toka me qira të motrave dhe i punësoj.

Roberti: Babai ka patur një lidhje me një vajzë 35-vjeçare dhe flet i gjithë fshati, nuk na la fytyrë më të hymë në fshat.

Pas debatit mes babait dhe djalit, juristja Eni Çobani e ftoi Zotin Xhezmi të vinte në studio dhe të përballej me djalin e tij, pasi ka disa vendime gjykate.

“Ti do vish publikisht përballë Roberit se ke vendime Gjykate dhe do vish patjetër. Shikoje mundësinë dhe shëndetin si e ke dhe do vish. Ta dëgjojë, Korça, Devolli dhe i plotfuqishmi i zonës tënde. Nëse ky djali të ka prekur një qime floku unë do i them, Robert dil nga këtu dhe drejtohu burgut, se djali që godet babain nuk është djalë, por në të kundërt ndryshe do e bëjmë muhabetin bashkë. Hajde po të jesh burrë, unë jam grua, jam këtu, të pres në Klan, më thuaj kur të duash, ditën dhe orën. Po ta them burrash. Nëse ky djalë të ka prekur një qime floku do e çoj vetë në burg. Nuk mund të gjuajë djali babain, kurrë, asnjëherë por nëse ti ke bërë kallëzim të rremë unë po të them bëj llogaritë mirë se mua do më kesh përballë ti dhe drejtësia e Korçës. Ku e ke sëpatën, mjetin prerës që të ka goditur djali? Kush polic të ka ardhur dhe të ka gjetur, se do vij unë dhe ti jap dorën. Unë lexoj vendimet e gjykatës, por indinjata ime është sesi një baba 70 vjeçar, babai i dy fëmijëve i divorcuar prej 3 vitesh nga bashkëshortja nuk vjen këtu përballë djalit të tij. Kjo është indinjata ime. Ju bëj thirrje baballarëve, nënave, fëmijëve që të shikojnë dhe të përballen dhe zgjidhin problemet brenda familjes. Jo gjithçka zgjidhet me prokurori dhe ligj. Po e deformojmë shoqërinë dhe familjen”.

Juristja Eni Çobani tha se nga dosja që ajo ka lexuar lidhur me dënimin e fundit që ka marrë Roberti  nuk ka asnjë provë dhe asnjë mjet, përveçse një dëshmitari që nuk është ndodhur në vendngjarje por ka vajtur dhe ka folur për Xhezmiu.

“Besoj se ky vend ka ligj dhe njerëz që dinë të interpretojnë ligjin”.

Ndërsa Brunilda e cila ishte pjesë e seancës së ndërmjetësimit i kërkoi Robertit që të kthejë kokën pas nënës, pasi ajo nuk është pjesë e këtij konflikti./tvklan.al

15147286-0-image-a-25_1561297123548.jpg
Sej rie21:15 | 23/06/2019

Një djalë 5-vjeçar autik vdiq pasi mjekët i  injektuan dhjetë herë doza insuline, pasi e keq-diagnostikuan. Sipas prindërve mjekët i bënë insulina djalit pasi dyshonin se vuante nga diabeti për shkak të nivelit të lartë të sheqerit në gjak.

Shay Turner u shtrua në spitalin e përgjithshëm të Rotherham vitin e kaluar, por vdiq pak ditë më vonë, pasi  pësoi një dëmtim katastrofik në tru.

Prindërit e tij, Laura, 28-vjeç dhe Martyn, 29-vjeç, pohojnë se mjekët e diagnostikuan gabim dhe i kishin injektuar 10 doza insuline gjatë qëndrimit në spital.

Çifti tani po bën apel për ndihmë pasi do të mbledhë një shumë prej  12.000 £ për të paguar avokatët për t’i përfaqësuar ato në seancën që do të mbahet në muajin Tetor për djalin e tyre.

“Deri më tani askush nuk na ka thënë të vërtetën dhe ne duam të dimë se çfarë ka ndodhur me djalin tonë”, është apeli i prindërve./abcnews.al

819_20176_20176349_41835080.jpg
Sej rie10:45 | 29/05/2019

Një çift u largua nga vendi ynë dhe shkoi në Gjermani bashkë me tre fëmijët, për të siguruar kujdes më të mirë mjekësor për djalin e tyre me aftësi të kufizuara. Por kërkimi për një banesë në Linden është i vështirë. Chris Meier, i cili kujdeset për familjen me pesë anëtarë, është i bindur se: “Kthimi në Shqipëri do të ishte një lloj dënimi me vdekje për fëmijën me aftësi ndryshe”.

Chris Meier, kujdeset për familjen nga Shkodra dhe po bën të pamundurën që ta ndihmojë atë. Çifti dhe tre fëmijët e tyre aktualisht jetojnë në një apartament në rrethin e Giessen në Leihgestern dhe po kërkojnë për një shtëpi të re, raporton giessener-anzeiger.de. 

“Pas një udhëtimi të gjatë dhe të lodhshme, kësaj familje e vetmja gjë që i mungon është një apartament me katër dhoma. Një apartament në Leihgestern ose Großen-Linden do të ishte ideal, sepse atëherë nëna Marjana mund ta kishte më të lehte të shkonte në qendrën e shëndetit në Linden, pasi punon aty si kujdestare”, thotë më tej Chris Meier.

Familja S.  mbërriti në Hessen të Gjemanisë në fund të verës së vitit 2015, ku për një kohë të gjatë jetuan në qendrën pritësve të azilkërkuesve.

Babai ishte një oficer policie në Shqipëri, nëna një menaxhere në një fasoneri dhe të dy kishin një jetë shumë të mirë këtu. Arsyeja pse familja shkoi në Gjermani është Gledis, i cili ka edhe një motër binjake. Motër e vëlla kanë ardhur para kohe në jetë në Maj të vitit 2011. Ndërsa motra e tij pësoi vetëm humbje të dëgjimit, Gledis lindi me probleme të theksuara shëndetësore.

“Familja erdhi në Gjermani vetëm për shkak të tij, sepse në Shqipëri nuk kishte as kujdes të duhur mjekësor, as kujdes edukativ dhe terapeutik”, shpjegon Chris Meier, i cili është një mësues, vullnetar në organizatën Medinetz Gießen dhe aty u njoh me familjen.

Kur Gledis kishte shkuar në Gjermani, ai nuk kishte qenë në gjendje të lëvizte. Ndërkohë, pas seancave terapeutike të bëra, ai arrin të ulet dhe ngihet në mënyrë të pavarur. Ai ka arritur të komunikojë dhe madje të ketë një jetë aktive.

Ai shkon në shkollën Sophie në Giessen, dhe tre herë në javë janë vullnetarët që i bëjnë terapi fizike dhe psikologjike. Mjeku i cili e ka marrë nën kujdes 4 vite më parë ende nuk mund ta besojë përmirësimin e ndjeshëm të djalit.

Por një moment mjaft e vështirë për Gledisin ka qenë Maji i vitit 2016, kur ai ishte sëmurë rëndë nga një infeksion në mushkëri.

“Vetëm në sajë të kujdesit të shkëlqyer intensive arriti që Gledisi të mbijetojë. Ai edhe sot e kësaj ditë ka nevojë për kujdes të vazhdueshëm mjekësor në rrugët e frymëmarrjes. Kthimi në Shqipëri me siguri do të jetë si dënim me vdekje për fëmijën”, thekson Chris Meier.

Si një polic, babai i familjes ishte përgjegjës për mbikëqyrjen e një centrali të madh hidroelektrik pranë Shkodrës për shumë vite. Ai është shumë i aftë në zejtari, por për shkak se bashkëshortja e tij është në punë ai është i detyruar të qëndrojë në shtëpi me fëmijët.

Nëna e familjes ka punuar për shumë vite në menaxhimin e një fabrike të madhe këpucësh, ajo flet dhe shkruan – përveç gjuhës amtare – edhe gjuhën italiane, angleze dhe gjatë qëndrimit të saj në Gjermani ka filluar të njohë gjuhën gjermane. Për ta mësuar sa më shpejt ajo po ndjek edhe kurse intensive.

Të dy vajzat e familjes janë integruar shumë mirë dhe tani flasin gjermanisht dhe janë nxënëse të mirë. Të gjithë familjes i është dhënë e drejta për të qëndruar për arsye humanitare.

Nëna Marjana shprehte se: “Unë punoj që nga shtatori i 2018 në qendrën e të moshuarve, më pëlqen sepse është një punë shumë e mirë”.

“Ata janë prindër shumë të dashur, të ndershëm dhe të përkushtuar, të cilët kujdesen për të shkollaur fëmijët e tyre dhe meritojnë respekt të madh. Si katolikë të devotshëm, ata gjithashtu përpiqen t’u japin atyre vlera dhe norma”, thotë Chris Meier.

Për një apartament, tani varet fati i familjes.

“Kemi një muaj që kërkojmë për një apartament. Kemi nxjerrë njoftime në internet, nëpër supermarkete, u kemi thënë edhe miqve por më kot”, thotë vullnetari që po ndihmon familjen shqiptare.

Edhe banesat sociale në madhësinë e kërkuar aktualisht janë të gjitha të zëna. Për shkak se çifti nuk ka patentën e shoferit dhe për shkak të punës së Marjanës, familja kërkon një shtëpi në zonë.

“Pagesa e qirasë nuk është problem, sepse Marjana punon me kohë të plotë”, tha Chris Meier. Por familja shqiptare nuk do heqë dorë edhe ende shpreson se do gjejë një zgjidhje. Si përfundim, të gjithë ata që mund t’u vijnë në ndihmë mund t’i kontaktoni në Chris Meier (0172/6714662)./abcnews.al

13241720-7004967-image-a-82_1557316417512.jpg
Sej rie14:18 | 08/05/2019

Merr fund pritja! Princ Harry dhe Meghan Markle sapo i prezantuan botës fëmijën e tyre të parë.

“Unë kam dy djemtë më të mirë në botë kështu që unë jam me të vërtetë e lumtur. Ai ka temperamentin më të ëmbël, ai është vërtet i qetë, ai ka qenë ëndërr”, tha Meghan.

Ndërsa ata të dy qeshin, Princi Harry tha: “Nuk e di se nga kush e merr këtë.” 

Kjo është dalja e parë e Dukës dhe Dukeshës së Sussex me djalin e tyre. Një javë më parë ata u tërhoqën nga daljet publike pasi Markel do sillte në jetë vogëlushin.

/abcnews.al

1556438063-7388198-1280x960.jpg
Sej rie19:21 | 29/04/2019

Katër shqiptarë më 26 Prill kishin hyrë për të grabitur një shtëpi në Monterotondo, Itali. Por planet nuk u kishin shkuar si duhet dhe për pasojë njëri prej tyre ka mbetur i plagosur. Ishte djali i familjes italiane ai i cili plagosi hajdutin shqiptar. I plagosuri mbeti një 16 vjeçar shqiptar ndërsa autor është  Andrea Pulone, 29 vjeç.

“Ne kemi një detyrim për të mbrojtur të dyshuarin që plagosi shqiptari”, është shprehur sot  kryeprokurori i Tivolit, Francesco Menditto.

“Hetimi ynë gjithashtu synon të identifikojë autorët e tjerë të tentativës së vjedhjes. Disa minuta më parë kam dëgjuar se i riu i plagosur ka dalë nga gjendja kritike për jetën. Ky padyshim është një lajm i mirë”, tha më tej kryeprokurori.

Bazuar në atë që është mësuar, hetuesit kanë rindërtuar dinamikën e fakteve. Ndërsa ditët në vijon do të merret edhe dëshmia e të lënduarit.

Ndërsa sot karabinierët kanë gjetur  makinën që përdori banda për të hyrë në shtëpinë e Monterotondos në periferi të Romës të premten në mbrëmje. Por kjo grabitje nuk arrit të finalizohej pasi hajdutët shqiptarë u përballën me djalin e pronarit të banesën, i cili qëlloi dhe plagosi një nga grabitësit, një 16 vjeçar me origjinë shqiptare.

Ndërsa hetimet tashmë janë përqendruar në makinën e gjetur për të zbuluar gjurmë të lëna nga autorët, të cilat mund të çojnë në identifikimin e tyre.

Automjeti ishte marrë me qira dhe në tentativën për grabitje thuhet se kanë qenë të përfshirë 4 persona.

Ishte ora 19:00 kur një telefonatë shkoni në numrin112: “Hajdutët hynë në shtëpinë time, më duhej t’i qëlloja, por unë nuk mendoj se i kam vrarë”.

Ai që tha këtë fjalë ishte Andrea Pulone, 29 vjeç, shumë i njohur në Monterotondo, sepse ai drejton një lokal, është dhe pjesë e një shoqate, konsiderohet një djalë shumë i mirë, babai i tij është një astrofizikant i njohur, nëna e tij është kandidate për këshillin bashkiak me koalicionin e qendrës. Në orën 7:40, 30 kilometra nga Monterotondo, një makinë ndalon para dhomës së urgjencës Gemelli dhe la një person të plagosur, pastaj iku.  Më pas një telefonatë anonime kishte njoftuar babanë e të lënduarit: “Djali yt është tek Gemelli”.

Çfarë ndodhi në vilën e Monterotondos, në një zonë banimi, ku vitet e fundit ka pasur shumë vjedhje në shtëpi?

Prindërit e Pulone kishin shkuar për pushime në Portugali. Grupi, i cili mund të ketë qenë duke mbikëqyrur lagjen, ka menduar se në shtëpi nuk kishte njeri.  Ata hynë nga një derë anësore në oborr, hoqi grilën mbrojtëse dhe hynë në banesë.

Andrea kishte qenë në katin lart dhe ishte frikësua sepse bashkë me të ishte edhe  dashura e tij. Ai mori armë, të cilën e kishte me dokumentacion, një Glock 21 kalibrit 45. Ai zbriti, dhe i kërkoi grupit të vjedhësve të largohen, por ata nuk iu bindën. Ai në ato momente kishte menduar edhe për fakti se kishte të dashurën e tij lart dhe kishte qëlluar 5 herë. Ai kishte tentuar të trembe bandën e grabitësve, por ai nuk kishte vënë re se njërin nga grabitësit e kishte qëlluar në bark.

Ata të tre nuk ishin të armatosur por thjesht kishin në duar mjete të cilat i përdornin për grabitje. Ata më pas ishin largua nga një maminë në të cilën ishte një bashkëpunëtor i 4 që i priste. Ata e dërguan në qendrën shëndetësore në Gemelli djalin e lënduar dhe më pas ishin larguar. Si pasojë e plagës së marrë adoleshenti shqiptar i ishte nënshtruar një ndërhyrje kirurgjikale dhe për pasojë ka dalë me sukses. Ndërsa dosja për këtë ngjarje tashmë është në duart e Prokurorisë në Romë./abcnews.al

thumb-pjesa-2.mp4_snapshot_07.20-1280x720.jpg
ent ela18:58 | 27/04/2019

E ftuara e kësaj jave në “Thumb” të Aulona Mustës dhe Fatma Haxhialiut ishte gazetarja e njohur, Fjodora Fjora.

Përtej profesionit, vite më parë Fjodora vendosi të adoptojë një fëmijë dhe tashmë është nëna e Alteos 5 vjeçar. Ajo ka treguar që nuk është aspak e lehtë të jesh mama single, dhe e vetmja “pendesë” që ka është se tashmë i biri ka filluar të pyesë e të kërkojë figurën e një babai.

“Nuk është e thjeshtë. Çdo gjë duhet ta mendosh dy herë, edhe kur merr një vendim ndjen atë mungesën që “Shiko, ndoshta do ishte më mirë ta ndërmerrja këtë gjë bashkë me një mendje të dytë”. Mirëpo e di si është puna? Ndonjëherë, ne nuk zgjedhim si jeta jonë do vijë. Ndonjëherë zgjedhim të jemi vetëm, po fati e sjell të jemi vetë i dytë. Jemi vetë i dytë dhe unë kam mikesha të miat që s’ka rëndësi arsyeja, por tani janë mama të vetme. Për mua më me rëndësi është që ai brenda familjes sonë të vogël që ne e cilësojmë “mami, unë, daja, gjyshi, nëna…”, pra njerëzit që ai i ka shumë afër, të jetë i lumtur. Sigurisht do përballesh dhe me pyetje, dhe me sfida, dhe me faktin që je e vetme, por do kuptosh që je përpjekur të bësh një gjë të mirë dhe shpreson që fëmija kur të rritet do ta vlerësojë këtë gjë.

Unë mendoj që është si t’i hysh pak detit në këmbë.

E vetmja pendesë që kam, ose keqardhje është që Alteo e do këtë gjë. E kërkon ai këtë gjë, sepse po rritet dhe pyet. Përpiqem t’i shpjegoj që ka familje me babin dhe mamin, ka familje vetëm me mamin, ka familje vetëm me babin.”– ka përfunduar Fjodora.

Dhe tashmë të gjithë e dimë që nuk ekzistojnë vetëm familjet tradicionale, dhe është e mundur që një fëmijë të rritet i lumtur dhe i shëndetshëm dhe pa pasur një model të tillë. /abcnews.al

vjolca-1280x706.jpg
ent ela14:00 | 20/03/2019

Vjollca Arapaj gruaja e tregtarit të vrarë dy vite më parë në Durrës thotë se Jurgen Kurtaj nuk e vrau djali i saj. Ajo u tha gazetarëve se drejtësia ka marrë fund dhe se kishte frikë për të birin.

Lajmi për shpalljen në kërkim të 33-vjeçarit Dervis Arapi u dha fillimisht nga nëna e tij, Vjollca. Që pas vrasjes se Jugen Kurtit ajo ka kërkuar vëmendjen e gazetarëve  për të mohuar kategorish që familja e saj të ketë lidhje me ngjarjen.

Vjollca Arapaj, gruaja e biznesmenit që u vra dy vite më pare ne Durres  thotë se djali i saj i dha fjalën të atit.

“I dha fjalën babait të vetë që nuk do të bëjë gjë. Edhe nuk e bëjmë dot se nuk ja dalim dot me milionat që kanë ato. Kush ja del atyre. Kjo duhet të jetë vrasje mafioze shtetërore, vrasje për probleme droge, nuk e di çfarë mund të ketë se nuk e di me çfarë merren ato edhe nuk më intereson”.

Ajo kërkon ndihmë nga policia, nga gazetarët, që familja e saj të mos ndëshkohet kot për një krim që nuk e kanë bërë. Por kur gazetarët e pyesin nëse ka besim te drejtësia, Arapaj  tha:

 “Ka marrë fund kjo drejtësi. Nuk gjetën vdekjen e burrit tim me prova, e blenë drejtësinë, frika ime më e madhe është mos i bëjnë gjë çunit. Shpresa ime e vetme, është vetëm ai”.

Jurgen Kurti akuzohej nga familja Arapi, si autori i vrasjes se kryefamiljarit të tyre pas një konflikti ku u përfshinë disa persona. Për këtë heshtje ata ndoqën një maratonë gjyqesh, por pa mundur të gjejnë drejtësinë e pretenduar.

Enkeleda Arapaj

Adi Domi

PRINDERIT-1280x710.jpg
ent ela11:43 | 19/03/2019

Gjykata e Tiranës shtyu për në 26 Mars dhënien e vendimit për autorët e dyshuar të vrasjes së 22-vjeçarit Marvi Mihalit 2 vjet më parë në kryeqytet. Prokuroria gjatë paraqitjes së pretencës së saj, në seancë e 4 Marsit, kishte kërkuar  25 vite burg për Kridens Allën, 24 vite burg për Dejvi Bitrajn, 20 vite për Marsel Allën dhe 18 vite burg për Eugen Bitrajn. Dhënia e vendimit u shty pasi në sallë pati tension mes prindërve të viktimës dhe atyre të të pandehurve gjatë paraqitjes së konkluzioneve të mbrojtjes nga avokatët e të akuzuarve. Prindërit e te riut Marvi Mihali që humbi jetën gjatë sulmit me thikë nga disa bashkëmoshatarë, paralajmëruan vetëgjyqësi nëse nuk funksionon drejtësia.

“Në mënyrën më absolute ne nuk kemi kërkuar asnjëlloj dëmshpërblimi. Nuk mundet kurrë ta laj gjakun e djalit tim me lekë. Këto janë shpifjet e asaj familje kriminale. Familje që ka pjellë kriminelë. Dënoj gjestin e tij dhe hedh me neveri të gjitha deklaratat që ka thënë ky njeri. Sepse bashkëshortja ime duke u përgjigjur në sallën e gjyqit për problematikat që kishte ai çohet dhe e ndalon duke shkelur etikën e një gjyqi që zhvillohet normalisht.

Katër kriminelë ma vranë, e deri të avokatët e deri te Prokurori Artan Lulaj. Ky degracion duhet të marrë fund njëherë e përgjithmonë. Në qoftë se nuk bëhet drejtësi do të funksionojë ligji i Kuranit dhe Kanunit”, tha i ati i të ndjerit.

“Që javës tjetër që u dha pretenca, dhe që kur ndodhi ngjarja ai e ka quajtur gjest kalamajsh. Vrasja ishte me paramendim në bashkëpunim. Ata jo vetëm që e vranë dhe nuk e pranuan krimin. Ata kanë luajtur ping-pong. Njëherë e vrau njëri njëherë tjetri. Drejtësinë do e vendosim vetë. Ata vinin në gjyq duke na pështyrë te këmbët. Ata bëjnë pushime nëpër ishujt e Greqisë ndërsa djali im u fut në dhe. E provofshin dhimbjen e madhe që po provoj unë çdo ditë. Nuk pranojmë gjyq dëmshpërblimi”, u shpreh nëna e Marvi Mihalit në një deklaratë për mediat./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono