dixhitalizimi

rr-1-1280x763.jpg
G. P.21:23 | 14/01/2019

Mbi 200 milionë dokumente arkivore për shqiptarët dhe historinë e shtetit shqiptar, sot janë lehtësisht të aksesueshme pas hedhjes së tyre në sistemin dixhital. Ndërsa përdoruesit kanë mundësinë që për 20 sekonda të pajisen me kartë duke u mundësuar aksesin në çdo dokument.

Në fund të kësaj procedure duket sikur do të pajisesh me kartë identiteti por në fakt merrkartën e përdoruesit në arkivën e shtetit.

 “Ajo çfarë bëhet, në fakt, është shumë e thjeshtë. Mjafton një fotografi. Vendoset për printim kjo kartë dhe mbaron e gjithë procedura në një periudhë prej 20 sekondash. Karta do vetëm 20 sekonda që të printohet. Printohet vetëm 1 herë në vit. Është falas. Arkivi online mund të bëhet nga shtëpia dhe është me pagesë”.

Sistemi i dixhitalizimit të dokumenteve arkivore ka bërë të mundur që mbi 200 milionë dokumente arkivore për shqiptarët dhe historinë e shtetit shqiptar, të jenë lehtësisht të aksesueshme. Diferencën e të sotmes me të djeshmes e bën historiani Paskal Milo.

“Pas Luftës së Dytë Botërore arkivi, siç u ndërtua si strukturë, i hapur ka qenë për studiuesit, por ka qenë shumë i kufizuar në numër dhe në shfrytëzim dhe në rregullat e shfrytëzimit të arkivit. Ka qenë trajtuar pak a shumë si institucion sekret. Që të hyje në Arkivin e Shtetit para 50 vitesh, d.m.th., duhet të kishe autorizime të veçanta dhe kaloje në vrimën e gjilpërës”.

Ndërsa sot gjithcka mendojnë të bëjnë historianët është të ulen në ambientet e transoformuara të arkivave të shtetit.

“Tani është sfida jonë e publikut dhe sidomos e historianëve që të ngjishemi të ngulemi pas atyre karrigeve. Ato karrige nuk janë karrige karriere janë karrige pasioni, vullneti dhe përkushtimi. Dhe kënaqësia pavarëshit nga sfilitja është kur zbulon një dokument që të tjerët nuk e dinë”, tha historiania.

Është investuar gjatë vitit të kaluar sa në 20 vite bashkë tha drejtori i arkivave por ka ende për të bërë i tha ai kryeministrit Rama.

“Pjesa e fundit e cila unë gjykoj se është e nevojshme dhe është investimi i fundit madhor që ka nevojë është që në të krijojmë një muzearkivo”, tha drejtori i Arkivës.

“Fakti që tani gjithçka është e digjitalizueshme, edhe origjinalet nuk janë më e vetmja mundësi, është garanci e madhe për ruajtjen e tyre. Ndërkohë që patjetër duhet të përfundojmë atë të garantimit të të gjithë dokumenteve origjinalë në atë territorin e Shkozës dhe sigurisht të vazhdojmë me elementët e tjera që kanë të bëjnë me krijimin e të gjithë hapësirës komplekse dhe gjysmë rekreative për orët, ose momentet e pushimit. Por gjëja më e rëndësishme është që u arrit të mbrohet ajo që i mbijetoi deklasifikimit, nga pikëpamja materiale, jo nga pikëpamja përmbajtjesore”, tha Rama.

Drejtoria e Përgjithshme është bërë pjesëtare me të drejta të plota e Fondacionit të Portalit të Arkivave Evropiane. Kjo e bën arkivin shqiptar të parin vend të Ballkanit Perëndimor pjesë e Portalit të Arkivave Europiane./abcnews.al

ama.jpg
G. P.18:32 | 11/01/2019

Autoriteti i Mediave Audiovizive njoftoi se mbyllja e transmetimeve analoge televizive në qarqet Tiranë dhe Durrës shtyhet për në datën 1 Shtator 2019.

Në këto dy qarqe, ekzistojnë të dyja teknologjitë e transmetimit, si ato analoge ashtu edhe ato numerike. AMA sqaron se për familjet tashmë të pajisura me dekoder, vijojnë transmetimet dixhitale tokësore të cilat sigurojnë cilësi të lartë në 36 kanale televizive pa pagesë.

Ndërsa argumenton se kjo shtyrje afati erdhi për shkak se në qarqet Tiranë dhe Durrës është përqëndruar numri më i madh i banorëve dhe bazuar në të dhënat e deritanishme nga operatorët ekonomikë tregtarë, evidentohet se ende nuk është siguruar sasia e mjaftueshme e dekoderave të tipit DVB-T2.

AMA vijon të nxisë operatorët e tregut që të sigurojnë sasinë e mjaftueshme të këtyre pajisjeve. Ndërkohë, AMA po finalizon zbatimin e procesit të dixhitalizimit të transmetimeve televizive edhe në qarkun e Vlorës, ku është i njëjti afat i mbylljes së sinjalit analog, 1 Shtator 2019./abcnews.al

DIXHITALIZIMI-I-SHERBIMEVE-ABC-M5-T1.mpg_snapshot_00.19-1280x720.jpg
G. P.14:20 | 22/12/2018

Drejtoria e Përgjithshme e Tatimeve ka bërë bilancin një vjeçar të shërbimeve që ofrohen nga platforma online e-Albania. Përmes këtij sistemi janë gjeneruar rreth 620 mijë vërtetime.

Një vit më parë nisi shërbimi on line pa asnjë kosto për bizneset, individët dhe institucionet publike.

Arben Ahmetaj: “Funksionon në dy mënyra kryesore pikë se pari, që këtu operatorët dhe specialistët informojnë sipërmarrjen për të gjitha problematikat që mund të dalin gjatë punës se përditshme. në të njëjtën kohë sipërmarrja ka mundësi që të pyesi specialistët online.”

Një vit më pas Drejtoria e Përgjithshme e Tatimeve deklaron se përmes platformës e-Albania janë gjeneruar rreth 620 mijë vërtetime.
Pjesa më e madhe janë vërtetime për pagesat e kontributeve të sigurimeve shoqërore dhe shëndetësore, të marra nga individë apo subjekte, por edhe për pagim detyrimesh. Janë rreth 10 shërbime që mund të merren në rrugë elektronike. Tatimpaguesit, individët dhe nënpunësit e Administratës Publike duhet të logohen në portalin e-Albania me anë të kredencialeve të tyre dhe më pas vërtetimet shkarkohen on line.

Dixhitalizimi i shërbimeve publike nisi në vitin 2015 me firmosjen e marrëveshjes së qeverisë me Bankën Botërore e cila financoi 32 milionë dollarë për programin “Inovacioni kundër korrupsionit – Ngritja e një modeli shërbimesh me në qendër qytetarin”. Prej tre vjetësh kryeministri Edi Rama ka premtuar ta sjellë shtetin në telefon, ndërsa sportelet të mbeten vetëm si një alternativë e dytë./abcnews.al

GJIKNURI-NE-FIER-PER-HIDROKARBURET.mpg_snapshot_00.43-1280x720.jpg
G. P.16:05 | 09/12/2018

Fondi 100 vjeçar i të dhënave të hidrokarbureve në Fier do të dixhitalizohet. Është kompania SHELL që do të realizojë fazën e parë të këtij procesi. Ministri i Infrastrukturës dhe Energjisë Damian Gjiknuri, tha se ky investim do të shërbejë si marketim për investitorët e huaj.

Ky është Arkivi teknik për hidrokarburet në Fier. Mban brenda tij materiale që e kanë fillesën prej vitit 1927. Nuk do të jenë më të arkivuara njëra mbi tjetrën pasi kompania SHELL ka vendosur të financojë në fazën e parë të dixhitalizimit 500 mijë paund sipas marrëveshjes që ka nënshkrayr me shtetin shqiptar.

Ardian Bylyku, drejtori i AKBN-së: “Ky projekt synon kopjimin dhe dixhitalizimin e të dhënave dhe përbën fazën e parë të dixhitalizimit. Kjo fazë do të pasohet më tej dhe nga ndërhyrjet e tjera që kërkon të ndërmarrë Ministria dhe AKBN-ja deri tek projekti për “multi client data”, duke i dhënë një perspektivë shumë të rëndësishme kërkimit dhe zbulimit të hidrokarbureve në vendin tonë”.

Jo vetëm kaq, por sipas ministrit të Infrastrukturës dhe Energjisë Damian Gjiknuri mbi të gjitha kjo vlen që që të marketohen më mirë pasuritë e vendit për investitorët e huaj.

Damian Gjiknuri, ministër i Infrastrukturës dhe Energjisë: “Shumë shpejt do të hapim dhe garat për blloqet “off shore”, pra në detin Adriatik dhe Jon. Pasja e këtyre të dhënave elektronik dhe formatimi i tyre në mënyrën e duhur do të bëjë që ne të kemi mundësi të negociojmë kontrata më të mira, por edhe investitorët të njihen me të dhënat historike të të gjithë pasurive, në këtë rast pasurive hidrokarbure shqiptare”.

Përfaqësuesi i SHELL tha se puna është në vijim dhe se kanë zgjedhur tashmë kontraktorin që do të mund të kryejë punën për dixhitalizimin në bashkëpunim me Agjencinë Kombëtare të Burimeve Natyrore./abcnews.al

vlcsnap-error531-1-1280x720.jpg
us er11:50 | 16/12/2017

Presidenti Meta mori pjesë në Kongresin e dytë të Noterisë, që kishte si temë kryesore procesin e dixhitalizmit . Pavarësisht kostove, dixhitalizimi I noterisë ndihmon në luftën kundër krimit të organizuar dhe pastrimit të parave, theksoi kreu i Shtetit, duke mbështetur kështu këtë projekt.

Dixhitalizimi, ishte tema e Kongresit të dytë të Noterisë, ku Presidenti Meta tregoi përse, sipas tij, ia vlen përballimi i kostove financiare që sjell ky proces. Si shembull, kreu i Shtetit mori luftën ndaj krimit të organizuar.

Presidenti theksoi nevojën për monitorimin e shërbimit noterial në funksion të besimit të publikut dhe këtu – shtoi ai – dixhitalizimi mund të luajë një rol të rëndësishëm.

Sipas Presidentit, thelbësor mbetet krijimi I një procesi transparent të procedimit disiplinor të noterëve, në bashkëpunim mes Ministrisë së Drejtësisë dhe Dhomës Kombëtare të Noterëve.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono