divorcet

MARTESA-DHE-DIVORCET-ABC-1280x720.jpg
ent ela16:00 | 08/11/2018

Numri i martesave është ulur ndjeshëm vitet e fundit në vendin tonë, ndërsa numri i divorceve është rritur në kufijtë e shifrave alarmante. Të rinjtë dhe sociologët japin mendimet e tyre në lidhje me këtë situatë që ndikon jo pak në demografinë e popullsisë.

Shqiptarët po martohen më pak. Të dhënat zyrtare flasin për ulje të ndjeshme të martesave gjatë dekadës së fundit. 25 mijë martesa figurojnë në vitin 2010 në regjistrin e gjendjes civile. Ndërsa në 2018-ën, deri në muajin shtator janë regjistruar vetem 16 mijë e 848 lidhje në martesë. Si e shikojnë të rinjtë institucionin e martesës?

Student 1: E mira është që të martohen në moshë më të re, por edhe kushtet, ekonomike e sociale ndikojnë, pamundësia e një pune.

Student 2: Po martohen në krahasim me vitet e tjera që martoheshin më të rinj, për shkak të obligimeve, karries  dhe financave në vendin tonë ka edhe faktorë të tjerë si emigrimi.

Sociologët identifikojnë faktorët që po çojnë në uljen e numrit të martesave vitet e fundit.

Gëzim Tushi, sociolog: Padiskutim është një problem social i rëndësishëm, që nuk ka të bëjë vetëm aspektin demokratik që lidhet me martesën si institucion i riprodhimit, por edhe ka të bëjë edhe me martesën, rënia e tyre për flet krizë të brendshme të saj, si divorci konflikte dhe probleme të tjera të saj që e gërryejnë nga brenda, bie kredibiliteti i saj dhe kjo bën që të rinjtë t’i tërhiqen martesë e të kenë frikë prej saj.

Situata bëhet edhe më serioze kur krahas uljes së numrit të martesave, ka një rritje alarmante të numrit të divorceve. Sipas shifrave zyrtare, vetëm në 2017 janë regjistruar 7.956 divorce, një tjetër sfidë sipas sociologut Tushi.

Gëzim Tushi, sociolog: Një martesë që nuk ka hapësira lirie e besueshmëri reciproke nuk funksionon. Kjo bën që të ketë dhe shkaqe të tjera si prishja e lidhjeve, humbja e sentimentalizmit bashkëshortor. Pavarësisht problemeve që ka martesa une dua t’u them të rinjve që martesa është institucion i rëndësishëm i jetës.

Nëse numri i martesave vijon të ulet dhe numri i divorceve të rritet, sipas sociologut, situata mund të kthehet në një kërcënim serioz për demografinë e vendit tonë, e në një të ardhme jot ë largët do të grupohemi tek popullsitë e plakura. /abcnews.al

DIVORCET-NE-VITE.mpg_snapshot_00.16-1280x720.jpg
G. P.15:14 | 12/08/2018

Është rritur numri i divorceve në Shqipëri që nga viti 2008. Rekordin e shënon viti 2017 me 7,956 divorce. Në analizën statistikore të Ministrisë së Drejtësisë tregohet edhe grafikisht numri i çështjeve familjare që kanë përfunduar me zgjidhje martese.

Në vitin 2012 janë regjistruar 6,737 divorce.

Në vitin 2013 pësojnë një rënie të lehtë me 25 zgjidhje martese më pak.

Në vitin 2015 i drejtohen më shumë çifte bashkëshortësh dyerve të gjykatës.

Nga 10,084, 7,080 vendosin ti japin fund martesës së tyre.

Pas këtij viti trendi i problemeve familjare vazhdon të pësojë rritje.

Për 7,645 familje vendoset zgjidhja e martesës së prindërve.

565 divorce më shumë se në vitin 2015.

Rekordin e shënon viti 2017. Numri i çështjeve familjare të regjistruara gjithsej është 11,522. Nga ky numër, 7,956 janë regjistruar për zgjidhje martese. Janë në këtë vit 311 zgjidhje martese të regjistruara më shumë se në vitin 2016. Po ashtu janë 876 zgjidhje martese të regjistruara më shumë sesa në vitin 2015. Në krahasim me vitin 2014 janë 742 zgjidhje martese më shumë për vitin 2017. Dhe duke i krahasuar me vitin 2013, janë 1,244 zgjidhje martese të regjistruara më shumë.

Raporti statistikor i Ministrisë së Drejtësisë ka arritur në përfundimin se numri i divorceve të regjistruara nga gjykatat ka ardhur në rritje. Rrethet në të cilat vihet re një numër më i madh i çështjeve të regjistruara për zgjidhje martese për vitin 2016, janë: Tirana, Vlora, Elbasani, Fieri, Shkodra dhe Korça. Por gjithashtu, vihet re se ka një tendencë në rritje edhe në rrethet e tjera për paditë për zgjidhje martese në vitin 2016./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono