Ditmir Bushati

stef-brok.jpg
G. P.14:32 | 17/01/2019

Holanda nuk do të shprehet për hapjen e negociatave të Shqipërisë me Bashkimin Evropian pa parë fillimisht raportin që do të hartojë Komisioni Evropian. Kështu është shprehur ministri i Jashtëm i Mbretërisë së Holandës, Stef Blok në konferencën e përbashkët për shtyp me homologun shqiptar Ditmir Bushati.

Vazhdojnë të jenë skeptikë për hapjen e negociatave të Shqipërisë me Bashkimin Evropian. Holanda nuk e ka gati një përgjigje as në këtë villim viti pasi presin të shohin raportin e Komisionit Evropian.

“Ne ramë dakord Qershorin e shkuar që të marrim një raport të ri nga KE këtë verë sa i takon versionit që do bëjë Shqipëria për të parë nëse ky progres do jetë i mjaftueshëm për të çelur bisedimet për anëtarësim. Si gurisht pa pasur këtë raport në dorë unë nuk mund të them do asgjë rreth vendimit tonë përfundimtar sepse nëse duhet që të jemi të drejtë duhet të shikojmë progres”, tha ai.

Me këtë deklaratë ministri i Jashtëm holandez nuk e dekurajon homologun shqiptar, Ditmir Bushati, përkundrazi, e fton të arrjnë progresin e kërkuar nga shtetet evropiane. Optimist u shpreh Ministri në detyrë për Evropën dhe Punët e Jashtme, Ditmir Bushati për një vendim pozitiv të Komisionit Evropian dhe vendeve anëtare në Qershor.

“Unë jam shpresëplotë që KE dhe vendet anëtare mbi bazën e logjikës mbi vendimin e logjikës së 2018-s do t’i japin dritën e gjelbër nisjes së bisedimeve për anëtarësim me Shqipërinë”, tha Bushati.

Temë e disktimeve midis dy homologëve ishte edhe migrimi dhe fenomeni i azilkërkimit. Për ministrin holandez orvatje të tilla nga njerëzit do të jenë të pafrytshme në thuajse të gjitha rastet. Ndërsa ministri në detyrë Ditmir Bushati nuk mundi t’i shpëtojë pyetjeve mbi largimin e tij nga Ministria për Evropën dhe Punët e Jashtme.

“Duhet të kem nderin më shumë se sa një gabim, por periudha e reflektimit ende s’ka filluar por të garantoj që do të jetë i plotë”, tha ai./abcnews.al

ilir-meta.jpg
G. P.13:26 | 15/01/2019

Presidenti i Republikës do t’i japë një përgjigje brenda 7 ditëve kërkesës së kryeministrit për të drejtuar edhe Ministrinë për Evropën dhe Punët e Jashtme. Në intervistën e tij për emisionin “Opinion”, Presidenti Meta ka folur edhe lidhur me zhvillimet e fundit politike e përplasjet mes tij dhe Kryeministrit Rama për çështjen e Ministrit të Jashtëm.

Është në dijeni të vetëpropozimit të kryeministrit për të marrë detyrën e ministrit të Jashtëm por nuk sheh arsye të ngutet për t’i dhënë përgjigje.

“Më duhet pak kohë, por në çdo rast më pak se 7 ditë”.

Presidenti i Republikës, Ilir Meta, në emisionin opinion të gazetarit Blendi Fevziu  në televizionin Klan nuk pranon të thotë as po e as jo për kandiatin e radhës për postin e ministrit të Jashtëm, ajo për të cilën shprehet i bindur është se Gent Cakajt nuk mund t’i besojë detyrën e ministrit të Jashtëm.

“Për një njeri që shkel ligjin: gjashtë muaj zëvendësministër, nuk merr certifikatat e sigurisë, nuk mund ta kuptoj dot se si mund të promovohet! Mirë që nuk shkarkohet… E ka pasur detyrim ai këtë gjë dhe e ka detyrë çdo zëvendësministër i Jashtëm që tëpajiset me këto çertifikata të sigurisë. E ka pasur edhe pjesë të punës së tij, sepse e ka pasur pjesë të punës së tij me Bashkimin Europian. Kështu që kjo nuk ka asnjë justifikim”.

Kjo nuk do të thotë se është kundër emërimit të Gent Cakajt si ministër në qeverinë Rama se është shtetas i Kosovës.

“Zero, por unë nuk kam refuzuar Veton Surroin, nuk kam refuzuar as Hasan Prishtinën, më vjen keq dhe jo vetëm kaq, por unë i kam thënë kryeministrit në takimin paraprak, se kam dashur ta shmang këtë debat”.

Madje është i gatshëm ta dekretojë si të parin e një tjetër ministrie tjetër si ajo e Kulturës për shembull.

“Po, patjetër, sepse për mua një post tjetër nuk është i një rrezikshmërie të tillë siç mund të jetë në postin e Ministrit të Jashtëm, sepse një ministër i Jashtëm mund të hedhë një firmë dhe një shtet mund të përfundojë për dekada të tëra në gjykata zotëri. Dhe pastaj Presidenti do t’ia linin fajin, do thoshin ai e dekretoi, nuk kemi ne përgjegjësi. Presidentit do t’ia linin përgjegjësinë prapë”.

Kryeministri Rama e akuzoi se ka shkelur afatet kushtetuese duke mos e çdekretuar ministrin e Jashtëm. Por këto komente thotë se e argëtojnë Presidentin Meta, pavarësisht kësaj nuk pranon të ketë asnjë shkelje të afatit në kundërshtimin me Kushtetutën.

“Dhe përsa i takon çështjes së dekretimit, dua të sqaroj se lidhur me afatet ka një vendim të Gjykatës Kushtetuese në të kaluarën, në rastin kur Kuvendi nuk ka respektuar afatin e 10 ditëve për t’u shprehur për dekretetet e Presidentit me propozim të kryeministrit, e ka bërë të qartë se kur nuk ka pasoja nga tejkalimi i afatit, nuk ka problem”.

Nuk sheh të sjellë pasojë mosdekretimi i ministrit Ditmir Bushati. E kundërta është shqetësuese për kryetarin e shtetit.

“Pasojë mund të kishte në rast se unë do ta kisha shkarkuar zotin Bushati dhe në krye të MEPJ-së për momentin do të kishim një situatë kur do të kishim një zëvendësministër, i cili nuk do të kishte përgjegjësi të plota kushtetuese për këtë institucion aq të rëndësishëm të sigurisë kombëtare gjithashtu”.

Nuk i trembet as paralajmërimeve të institucionit të kryeministrisë se ndëshkimin e merituar të kësaj sjelljeje do ta marrë nga Gjykata Kushtetuese, kur të ngrihet.

“Së pari, neni 98 pika 1, ministri emërohet dhe shkarkohet nga Presidenti i Republikës me propozim të Kryeministrit brenda shtatë ditëve. Dy, dekretet, pra dekreti i Presidentit shqyrtohet brenda dhjetë ditëve nga Kuvendi.

kjo është tërësisht absurde dhe tregon qartë që kemi për fat të keq politikanë, të cilët duhet të tregonin përgjegjësi të larta shtetërore, madje edhe kombëtare, sepse bëhet fjalë për një post jashtëzakonisht të rëndësishëm, dhe që e shikojnë edhe Gjykatën Kushtetuese si një komision të garancive statutore në një parti të caktuar”.

Gjithçka po ndodh është vetëm për t’i treguar institucioneve të tjera se presidenca është një filtër kushtetues e jo një procedurë rutinë e kërkesave të kryeministrit. Kjo nuk do të thotë se marrëdhënia mes tij e kreut të qeverisë është tensionuar-thotë presidenti Meta.

“Për mua nuk ekziston asnjë problem personal. Problemi është që zoti Rama nuk i respekton dot institucionet. Për të, çdo gjë që i pëlqen është kushtetuese dhe e ligjshme. Çdo gjë që nuk i pëlqen është anti-kushtetuese dhe e paligjshme”.

Duke nxjerrë në pah të shkuarën se nga vjen, kreu i shtetit nuk i fsheh ndjesitë për ish-aleatin e tij.

“Prisnim të përmirësohej. Tani, rastet e fundit flasin për përkeqësim për fat të keq”./abcnews.al

mentor-kiikiia.jpg
G. P.15:47 | 11/01/2019

Mosdekretimi i Gent Cakajt si ministër i Jashtëm ka përplasur Kryeministrin dhe Presidentin i vendit. I ftuar në ABC News, gazetari Mentor Kikia, tha se Genti Cakaj është emër i sponsorizuar. Sipas tij, nuk kishte arsye për lëvizjen e Bushati, por është larguar sepse duhej t’i hapej rruga Cakajt.

“Pas shkarkimit, në protestat e studentëve u duk një meme ku studentët thonin “duam Linditën prapë”. Kjo ishte ironi për të treguar që zgjedhjet e reja ishin më të këqija. Për mendimin tim Bushati ka qenë një Ministër i mirë i Jashtëm. Me gjithë kontestimet me marrëveshjen me Greqinë ka qenë një nga ministrat që i ka avancuar negociatat. Ajo që duhte të pranojmë është që ndryshe nga Ministrja e Arsimit që u hoq për të kompensuar protestën, Ministri i Infrastrukuturës për problemet me tenderat, ministri i Jashtëm nuk kishte arsye për t’u hequr. Këtu duket që emërimi i Cakajt është një sponsorizim. Emri që e ka këshilluar dhe mbrojtur fort është këshilltari i Ramës, Baton Haxhiu, por se cila është prapavija se pse duhej krijuar kjo centrifugë politike është e paqartë. Mesa di unë Bushati nuk do ikte, por Bushati është lëvizur sepse duhej t’i hapej rruga Cakajt”.

Përsa i përket përplasjes Meta-Rama, Kikia u shpreh se Metae ka argumentuar vendimin e tij ndaj Cakajt, ndërkohë nga ana tjetër Rama nuk ka sqaruar asgjë.

“Është çështje ekspertëve, por nga analizat e juristëve Meta është në fushën e veprimit si President dhe e ka argumentuar mosdekretimin e Cakajt. Dhe kjo është arma e tij. Ai i referohet Cakajt me mospajisje me certifikatë sigurie. Për njerëzit që drejtojnë, ky është një minus i madh për Cakajn për t’u katapultuar si ministër i Jashtëm. Meta ka argumentuar përvojën dhe mungesa e përvojës për një njeri që nesër do duhet të ulet me kolegun grek është një barrë që në njeri mund të ndihet. Argumenti i Ramës që është i zgjuar nuk është me vlerë në këtë rast. Meta është duke luajtur me argumente kushtetuese. Rama nuk e dimë çfarë argumentash i ka dërguar Metës në atë që e quajti paketa e argumenteve”.

Më tej, Kikia u shpreh se Rama ka dy zgjidhje për Ministrinë e Jashtme.

“Rama ka dy zgjidhje, ose ta drejtojë Ministrinë e Jashtme me zëvendësministër ose të dërgojë një kandidaturë tjetër, por që në Shqipëri do përkthehej si ulje hunde”.

Drejtori i lajmeve në Klan Plus tha gjithashtu se Meta do të vazhdojë të ruajë marrëdhënie të ftohta me kryeministrinë duke parë më vemendje çdo propozim.

“Unë mund të them se më shumë se sa pamë sot nuk mund të degradojë. Në aspektin institucional unë mendoj se Meta do vazhdojë të shikojë me lupë çdo marrëdhënie që ekziston mes predisencës dhe kryeministrisë për të ndaluar çdo gjë që mund t’i vijë nga kryeministrisë brenda normave të Kushtetutës. Kthimi mbrapsht i Ministrit të Jashtëm ka një miratim nga opinioni publik, dhe nëse Meta e kthen në një trend do ulte shumë pikë”./abcnews.al

edi-rama-qeverria.jpg
G. P.17:12 | 28/12/2018

7 ministra të rinj kanë marrë poste drejtuese në qeveri. Disa prej tyre kanë qenë zv/ministra në të njejtët dikastere, kurse të tjerë vijnë nga eksperienca në administratë.

E dinin apo e dëgjuan aty për aty që nuk do të jenë më pjesë e bashkëqeverisjes, në një farë mënyre e treguan edhe përjetimet e tyre. Ministrja e Arsimit, Lindita Nikolla u përlot teksa dëgjonte falenderimet e kryeministrit për punën e bërë. Megjithatë stafetën duhet tia dorëzonte zëvendësministres së Arsimit, Besa Shahini.

Zyrtarja nga Kosova është njëherazi edhe analiste dhe hulumtuese e çështjeve të integrimit evropian dhe politikave arsimore ka punuar deri në verë të vitit 2015 si analiste në Inciativën Europiane për Stabilitet (ESI), organizatë kjo me bazë në Berlin. Gjithçka mundi të thotë ministrja Nikolla për gazetarët ishte vetëm një urim.

“Ditë më të mira do të vijnë“, tha ajo.

Të njëjtën përgjigje dha edhe një tjetër ministër në largim.

“Gëzuar”, tha Bushati.

Detyrën e Ministrit për evropën dhe Punët e Jashtme, Ditmir Bushati, do ta marrë zëvendësi i tij, një tjetër zyrtar nga Kosova, Gent Cakaj ka qenë edhe këshilltar i kryeministrit për politikën e jashtme. Shifrat në rritje të ekonomisë nuk e mbajtën dot në detyrë ministrin e Financave Arben Ahmetaj. Vendin e tij do ta zërë Anila Denaj e cila drejton Fondin e Sigurimit të Detyrueshëm të Kujdesit Shëndetësor.

Në të njëjtën mënyrë si ministri Ahmetaj u largua edhe ministri Gjiknuri. Bëri atë që askush tjetër nuk do ta bënte krye të këasj ministrie për reformën e energjisë elektrike tha Edi Rama, por sot ai ka një emër që e zëvendëson. Belinda Balluku një tjetër bashkëpunëtore e vjetër e kryeministrit Edi Rama që nga koha e drejtimit të Bshkisë së Tiranës. Nga viti 2015 e deri më tani, Belinda Balluku ka mbajtur postin e drejtoreshës së “Albcontrol sh.a’.

Lë detyrën edhe ministrja e Kulturës, Mirela Kumbaro dhe në vend të saj vendoset Elva Margariti, e cila aktualisht është këshilltare në kryeministri dhe koordinatore e projektit të “100 Fshatrave”. Vendin e Ministrit të Bujqësisë, Niko Peleshi, do ta zërë Bledi Çuçi, i cili ka mbajtur funksione të rëndësishme në Partinë Socialise, së fundi ishte ekspert i kësaj partie në Komisionin e Posaçëm Parlamentar për Reformën Zgjedhore.

Edhe pse nuk i kishte mbushur 5 vjet në detyrën e ministres së Shtetit për Mbrojtjen e Sipërmarrjes, Sonila Qato do të kalojë në një detyrë tjetër të rëndësishme. Në detyrën e ministrit u vendos Eduard Shalsi, i cili ka punuar ngushtë me kryeministrin Edi Rama veçanërisht në kohën kur ishte shef kabineti e më pas nënkryetar i Bashkisë së Tiranës.

Rikthimi i ministrisë për Marrëdhëniet me Parlamentin do të sjellë edhe një emër të ri në qeveri. Elisa Spiropali! Pasi e kreu me sukses detyrën e Drejtoreshës së Përgjithshme të Doganave nga viti 2013 deri në vitin 2015, Spiropali është përzgjedhur nga kryeministri si kandidatja e duhur për këtë ministri që rregullon marrëdhëniet me parlamentin.

Më i emocionuari në këtë grup zëvendësimesh duket Erjon Braçe. Pasi kryeministri vendos largimin e znj. Senida Mesi, një ndër anëtarët më të vjetër të kësaj partie, Ejon Braçe i ka idetë e qarta për punën që do të bëjë.

“S’ka lidhje me lumturinë kjo gjë. Ajo duartrokitje në sallë ishte shumë më tepër se çdo gjë tjetër”, tha ai.

Që kanineti i riformatuar i Këshillit të Ministrave të nisë punë, pritet dekretimi i emërimeve nga Presidenti i Republikës, Ilir Meta./abcnews.al

BUSHATI-XHACKA-NATO.mpg_snapshot_00.36-1280x720.jpg
G. P.20:16 | 14/12/2018

Shqetësimin për vendimin e Kosovës për krijimin e Ushtrisë, numri 2 i NATO-s e shprehu në Tiranë, pas takimeve që zhvilloi me ministrin e Jashtëm Ditmir Bushati dhe ate të Mbrojtjes Olta Xhaçka.

Vendimi i institucioneve të Kosovës nuk duhet të rrisë më tej tensionet në rajon. Është kjo këshilla që jep zëvendës sekretarja e përgjithshme e NATO-s nga shqipëria ku ndodhet për një vizitë zyrtare.

Rose Gottemoeller, zv/sekretare e Përgjithshme e NATO-s: “Institucionet e Kosovës njoftuan miratimin e tre ligjeve të reja që iniciojnë procesin e tranzicionit të Forcave të Sigurisë së Kosovës. Sekretari i Përgjithshëm, Stoltenberg ka thënë se ne na vjen keq që ky vendim është marrë pavarësisht shqetësimeve të NATO-s. Në të njëjtën kohë unë dua të theksoj se të gjitha palët duhet të sigurojnë që ky vendim nuk duhet të rrisë më tej tensionet në rajon. Të gjithë aktorët e përgjegjshëm politikë në rajon duhet të fokusohen mbi përparimin me reforma dhe dialog”.

Në krah të saj ministrja e mbrojtjes Olta Xhaçka e përshëndeti duke e cilësuar vendim historik.

Olta Xhaçka, ministre e Mbrojtjes: “Në emër të Ministrisë së Mbrojtjes së Republikës së Shqipërisë, dua të përshëndes këtë vendim historik që do t’i shërbejë frymës euroatlantike dhe paqes në rajon. Njëherësh vlerësojmë vendosmërinë e Autoriteteve Kosovare për të vazhduar bashkërendimin e ngushtë me Aleancën si dhe politikën e dyerve të hapura”.

Para se të nisë pushimet e dimrit, zëvendës sekretarja e përgjithshme e Nato-s është ndalur në Shqipëri për të diskutuar cështjet që kanë të bëjnë me sfidat në fushën e mbrojtjes dhe sigurisë së Aleancës.

Rose Gottemoeller, zv/sekretare e Përgjithshme e NATO-s: “NATO,është angazhuar për të kontribuar në sigurinë e Shqipërisë. Ne kemi ndërmend të investojmë 51 milionë euro për të modernizuar bazën e forcave ajrore në Kuçovë dhe ky investim prek sidomos aspektin me furnizimin me karburant apo anë të tjera logjistike. Ky projekt synon për të modernizmin dhe rrit nivelin e sigurisë”.

Zv.sek e përgjithshme e NATO-s është takuar më herët me ministrin për Evropën dhe Punët e Jashtme Ditmir Bushati. Kreu i diplomacisë shqiptare deklaroi se Shqipëria është e gatshme të bashkëpunojë me NATO-n.

Ditmir Bushati, ministër për Evropën dhe Punët e Jashtme: “Ne kemi shprehur gatishmërinë tonë për të bashkëpunuar më tej, në mënyrë që rrezja e stabilitetit të NATO-s në rajonin tonë dhe më gjerë të jetë e pacënueshme”.

Zëvendës sekretarja e përgjithshme e NATO-s vlerësoi projeksionin pozitiv që ka Shqipëria për shpenzimet në fushën e mbrojtjes, bazuar mbi angazhimet e samitit të Uellsit dhe hartën e rrugës që u ra dakord në samitin e qershorit./abcnews.al

ditmir-bushati.jpg
G. P.16:03 | 07/12/2018

Kryesimi i OSBE-së në vitin 2020 është fitorja më e madhe e politikës së jashtme ka deklaruar Ministri për Evropën dhe punët e jashtme Ditmir Bushati. Ministri Bushati tha se angazhimet e Shqipërisë do të fillojnë kryesisht në Ballkan, duke ushtruar përgjegjësi si vend pjesëtar i Trojkës.

“Ky është një vendim i madh për Shqipërinë. Është një fitore e madhe për politikën e jashtme për kursin tonë konstruktiv në Ballkan, në Mesdhe. Mund të them pa drojë që është fitorja më e madhe pas anëtatrësimit në Nato sepse OSBe është një organizatë me dimension Mesdhetar-europian, euroatlantik dhe me dimension euroaziatik, për pasojë do testohen jovetëm kapacitetet politike dhe diplomatike të vendit tonë gjatë ushtrimit të përgjegjësive gjatë drejtimit të OSBE-së, por njëkohësisht edhe aftësitë tona për të ndërvepruar me të gjitha vendet anëtare të kësaj organizate, partnerët, me institucionet autonome që operojnë brenda arkitekturës institucionale të OSBE-së që kanë impakt pozitiv në hapësirën OSBE”, tha Bushati./abcnews.al

ditmir-bushatii123.jpg
G. P.22:15 | 05/12/2018

Më 4 dhe 5 Dhjetor, Ministrat e Punëve të Jashtme të vendeve të NATO-s u mblodhën në Bruksel, ku diskutuan një sërë çështjesh të rëndësishme për sigurinë e Aleancës. Ministri për Evropën dhe Punët e Jashtme, Ditmir Bushati, solli në vëmendje rëndësinë strategjike të Ballkanit Perëndimor për NATO-n.

Në tryezën e punës së Ministrave të Punëve të Jashtme të vendeve të NATO-s që u mblodhën në Bruksel u diskutuan edhe zhvillimet e fundit në Ballkanin Perëndimor. Aleatët dhe Përfaqësuesja e lartë e BE ritheksuan rëndësinë e Ballkanit Perëndimor për të dy organizatat, duke riafirmuar vullnetin për angazhimin dhe bashkëpunimin në ndihmë të vendeve të rajonit, në rrugën e integrimit evropian dhe euroatlantik.

Në këtë kuadër, Ministri për Evropën dhe Punët e Jashtme, Ditmir Bushati solli në vëmendje rëndësinë strategjike të Ballkanit Perëndimor për NATO-n, bazuar në vlerat e përbashkëta, rëndësinë gjeopolitike të rajonit dhe ndikimin malinj të aktorëve të tretë në Ballkanin Perëndimor.

Duke u ndalur tek Kosova, Ministri Bushati riafirmoi mbështetjen për dialogun mes Kosovës dhe Serbisë, i cili duhet të normalizojë plotësisht marrëdhëniet mes dy vendeve, t’i hapë rrugën procesit të pajtimit dhe më tutje afrimit të Kosovës në familjen euro-atlantike. Gjatë zhvillimit të Ministerialit, Ministri Bushati zhvilloi takime bilaterale me homologët nga Hungaria, Norvegjia dhe Greqia./abcnews.al

KRONIKE-BUSHATI-ME-SLLOVENIN.mpg_snapshot_01.47-1280x720.jpg
G. P.12:47 | 27/11/2018

Ministri i punëve të jashtme të Republikës së Sllovenisë, Miro Cerar u prit në një vizitë zyrtare nga homologu i tij shqiptar Ditmir Bushati. Në përfundim të takimit, dy ministrat në konferencën e përbashkët për shtyp folën për përforcim të bashkëpunimit ekonomik mes dy vendeve.

Ditmir Bushati: “Së bashku me komunitetin e biznesit në dy vendet tona, të mbajmë një forum biznesiu në Tiranë. Të jetë dhe një sinjal i qartë, një shkëndijë inkurajuese, për të shtuar vëllimet tregtare ndërmjet dy vendeve tona.”

Miro Cerar: “Faktikisht unë kam ardhur këtu me një grup të shquar biznesmenësh sllovenë e përfaqësues të dhomës sonë të tregtisë dhe unë besoj se takimi i njerëzve nga biznesi do të kontribuojë për një bashkëpunim më të mirë ekonomik që për momentin është ende modest.”

Sllovenia, e rreshtuar në kampin “pro zgjerimit” mes antarëve të Bashkimit Europian, theksoi mbështetjen ndaj Shqipërisë si për hapjen e negociatave qershorin e ardhshëm, ashtu edhe për kandidaturën e Shqipërisë në OSBE.

“Siç dihet vendi ynë ka shprehur ambicjen për të marrë drejtimin e OSBE-së në vitin 2020 dhe jemi të gëzuar që Sllovenia e mbështet zyrtarisht kandidaturën e Shqipërisë.”

“Ne në mënyrë konstante dhe aktive mbështesim integrimin në BE të Shqipërisë dhe do të vazhdojmë ta bëjmë diçka të tillë. Presim që negociatat do të nisin qershorin e vitit tjetër. Do ta mbështesim Shqipërinë, kandidaturën e kryesisë së Shqipërisë në OSBE për vitin 2020.”

Shkëmbimi tregtar mes Shqipërisë dhe Sllovenisë kap shifrën 53 milionë euro, modeste kjo sipas dy ministrave Bushati – Cerar sipas të cilëve potenciali për rritjen e këtij shkëmbimi është ende i pashfrytëzuar./abcnews.al

ditmir-bushati.jpg
ent ela17:17 | 14/11/2018

Shqipëria ka marrë vlerësime positive në takimin e 10-të të Këshillit të Stabilizim Asociimit në Bruksel. Në konferencën e përbashkët për shtyp, shefja e diplomacisë së BE, Mogerini renditi pritshmëritë për thellim të reformave, duke e vëne theksin tek ajo në drejtësi dhe reforma zgjedhore.

Në përfundim të takimit të 10-të të Këshillit të Stabilizim Asociimit, ministri për Europën dhe Punën e jashtme Ditmir Bushati në një konferencë të përbashkët me përfaqësuesen e lartë të BE-së Federicha Mogherini dhe komisionerin Johanes Hahn zbardhi pikat mbi të cilët u zhvilluan bisedimet, e frytshme sipas të dyja palëve.

Ditmir Bushati: “Ka një vlerësim për sa i përket ecurisë së reformave sfidave që kemi përpara. Procesi i refromës në drejtësi po sjell frytet e para. Gjithashtu diskutuam për progresin që Shqipëria ka patur kundër krimit të organizuar dhe korrupsionit. Pata mundësi që të konfirmoj qëndrimin e qeverisë shqiptare, gadishmërinë e kryeministrit Rama si lider i mazhornacës, për të mbajtur hapur derën e dialogut me të gjithë aktorët politikë parlamentarë dhe aktorëve të tjerë institucional në funksion të jetësimit të atyre prioriteteve që janë të rëndësishmë për fatet e vendit, e kam fjalën kryesisht për reformën zgjedhore.”

Përfaqësuesja e lartë e unionit Federicha Mogherini deklaroi vlerësimin për Shqipërinë në konsolidimin e sundimit të ligjit duke vënë theksin tek reforma në drejtësi por duke marrë edhe shkas nga dënimet e dhëna vetëm një ditë më parë ndaj Emiliano Shullazit dhe 4 antarëve të bandës së tij.

Federicha Mogherini: “Nuk ka kushte të reja, si e dini. Ajo që është thelbësorë është që Shqipëria të thellojë këtë moment reformash dhe të mbajë të njëjtin nivel përkushtimi që ka treguar deri më tani. Kemi parë rezultatë konkrete, si p.sh. dënimet me burg të disa anëtarëve të organizatave kriminale një ditë më parë. Këto janë shenjat vitale të përkushtimit të arritjes së një rekordi të rëndësishëm në luftën kundër krimit të organizuar, gjithashtu ramë bashkakrisht dakord se dialogu politik i vazhdueshëm dhe konstruktiv mbetet i rëndësishmë për plotësimin e axhendës që është por edhe qytetarët. Ndaj presim që të gjitha partitë politike të angazhohen në të.”

Komisioneri Hahn theksoi përparimin në fushën ekonomike të Shqipërisë.

Johanes Hahn: “Shqipëria ka krijuar kredencaiale të mira në fushën e qeverisjes ekonomike. ekonomia e tregut ka bërë progres. Pamë me kënaqësi rezultate të rritjes së vazhdueshme të ekonomisë dhe punësimet si dhe klima ekonomike jep mundësi për nxitje të reformave ekonomike”.

ABC News ngriti përpara përfaqësuesve të BE-së çështjen e boshllëkut të krijuar në Ministrinë e Brendshme për shkak të mungesës së dekretit të presidentit ndaj propozimit të kryeministrit, çështje për të cilën përfaqësuesi i Unionit Luigi Soreca bëri apeli për zgjidhje të situatës, apel të cilin Federicha Mogherini përsëriti.

“Është thelbësore për BE-në dhe vendet anëtarë për ta parë punën e ministrisë së brendshme plotësisht funksionale dhe aktive në mënyrë që punët e rëndësisshme të çështjeve kryesore për ne mund të zhvillohen plotësisht”.

Roli i Shqipërisë në rajon, ai i nxitjes së bashkëpunimit aktiv në ballkanin perëndimor dhe linjëzimi i politikës së jashtme 100% me atë të unionit ishin pjesë e vlerësimit ndaj vendit tonë gjatë takimit të 10-të të Këshillit të Stabilizim Asociimit./abcnews.al

bushati-2.jpg
G. P.15:43 | 09/11/2018

Ministri për Evropën dhe Punët e jashtme, Ditmir Bushati shprehu sot besimin se prokuroria, policia, organet hetimore ta thonë fjalën e tyre me profesionalizëm. I pyetur nga banorët e Gjegjanit në Pukë, gjatë një dëgjese në kuadër të llogaridhënies me qytetarët, ministri Bushati tha se nga pikëpamja e detyrave shtetërore janë kryer një më një detyrat për incidentin fatkeq në Bularat.

Sipas ministrit Bushati një gjë e dinë të gjithë, që po vure dorën mbi polici, kudo qofsh nga demokracitë më të zhvilluara, vendet më problematike, dihet se cili duhet të jetë reagimi dhe përgjigja e forcave të rendit. Numri një i diplomacisë shqiptare kërkoi që për të gjithë ata njerëz të cilët kanë konsumuar akte të kundraligjshme, të ndiqet rruga ligjore./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono