diber

dibra-1.jpg
G. P.17:00 | 28/03/2019

Një mjek është dhunuar gjatë kohës që po ushtronte detyrën në ambientet e spitalit rajonal të Dibrës. Agron Mezenxhiu u godit disa herë me grushte nga një 43-vjeçar dhe vëllai i tij.

Njeri prej tyre u arrestua nga policia, kurse tjetri u shpall në kërkim. Ndaj tyre rëndon vepra penale “Goditje për shkak të detyrës”. Ende nuk dihen motivet pse mjeku u dhunua nga dy vëllezërit në Dibër./abcnews.al

dibra-1280x716.jpg
ent ela16:00 | 18/03/2019

800 familjet e fshatit Brezhdan të Dibrës furnizohen me ujë të pijshëm vetëm 10 minuta në ditë. Për këtë arsye ata protestuan para bashkisë dhe kërcënojnë se do te bllokojnë rrugën kryesore.

Brezhdani është fshati më i madh i Dibrës me mbi 800 familje. Rrjeti i brendshëm shpërndarës mungon. Kurse pranë këtyre çezmave lagjesh  çdo familje vendos një tub për të çuar ujë në shtëpi.

Por e keqja në këtë vend nuk ndalon këtu. Banoret janë të alarmuar nga  kanalet e zeza që derdhen rrugëve të fshatit.

Një prej tyre vjen nga Llixhat dhe kalon mes për mes shtëpive. Përgjatë gjithë gjatësisë së tij, shkarkohen plehra të periferisë së qytetit, mbetjet spitalore si dhe ujërat e zeza të lagjes Kamen. E gjithë sasia grumbullohet në Brezhdan, aty ku nuk ekziston asnjë kosh apo sistem kullimi.

Për këtë qellim banoret mëngjesin e kësaj të hëne protestuan para Bashkisë se Dibrës. Ata kërcënojnë se nëse kërkesat e tyre nuk merren parasysh, 800 familjet do te bllokojnë rrugën kryesore dhe se në fshat nuk do te lejojnë asnjë kuti votimi.

Gazetar: Neki Feta

lulzim-bahsa-ne-diber.jpg
G. P.15:13 | 13/03/2019

Ndërsa parlamenti ishte mbledhur në seancë plenare, Lulzim Basha ndodhej në Dibër, në turin e komunikimit me qytetarë, duke dëgjuar problematikat e qarkut e duke paraqitur zgjidhjet e PD. Kreu i PD-së i ka ftuar të bashkohen në protestën e 16 Marsit në Tiranë.

Turi i takimeve të kreut të PD, Basha vijoi gjatë së mërkurës me banorët dhe tregtarët të qarkut të Dibrës, të cilët nuk ngurruan të ndanin me të hallet e tyre. Sipas kreut të demokratëve, kjo situatë në Dibër dhe në të gjithë vendin është produkt i një njeriu për të cilin e gjithë Shqipëria vidhet nga mëngjesi deri në darkë.

Lulzim Basha: Tash dy vjet e gjysmë, dibranët e dinë se zot në shtëpinë e tyre nuk janë vetë ata, se zot në shtëpitë e tyre, bizneset e tyre është bërë Edi Rama dhe Ymer Lala. Janë horrat dhe kriminelët. Burrat dhe gratë e ndershme dhe punëtore nuk kanë asnjë mundësi të punojnë me dinjitet dhe me djersën e ballit.

Basha ftoi dibranët që t’i bashkohen protestës së 16 Marsit për të shembur sipas tij qeverinë e krimit dhe hajdutërisë.

Lulzim Basha:Lexova dhe dëgjova vendosmërinë e Dibrës për ta shprehur zemërimin dhe papajtueshmërinë me krimin në pushtet vendimin e marrë prej Dibrës për t’i prirë lëvizjes popullore për largimin e qeverisë së krimit. Për ta zbuar këtë turp të madh kombëtar dhe për të marrë në dorë fatin tuaj. Ju ftoj më 16 Mars t’i japim fund. Bashkohemi në bashkimin më të madh të forcës dhe të shpresës për Shqipërinë si gjithë Europa./abcnews.al

motiiii.jpg
G. P.13:45 | 12/03/2019

Temperaturat janë ulur ndjeshëm dhe rajoni i Korçës dhe ai i Dibrës është përfshirë nga reshjet e borës. Ndërkohë në det ka erë të forte dhe për këtë shkak është pezulluar lundrimi.

Kur banorët po besonin se e lanë pas dimrin, Dibra u zbardh nga bora këtë të martë. Brenda në qytet, trashësia e saj arriti deri në 10 centimetra, kurse në lartësinë mbi 800 metra mbi nivelin e detit, shkoi deri në 20 centimetra. Megjithatë nuk pati probleme me qarkullimin rrugor dhe as mungesë të energjisë elektrike.

Borë edhe në juglindje. Orëve të mëngjesit nisën reshje të dendura në lartësitë mbi një mijë metër. Në Dardhë, Voskopojë dhe Vithkuq u regjistrua mbi 10 centimetra borë, por rrugët drejt këtyre destinacioneve turistike janë të hapura dhe mjetet qarkullojnë normalisht. Të hapura janë edhe segmentet nacionale që lidhin Korçën me Kapshticën, Qafë Thanën dhe Kolonjën.

Në Ultësirë nuk pati borë, por era e fortë ka krijuar probleme për lundrimin. Në portin e Durrësit dhe të Vlorës u urdhërua pezullimi i lundrimit për anijet e tonazhit të mesëm dhe të ulët. Përkeqësimi i kushteve atmosferike pas mesnate solli vështirësi për anijet e peshkimit dhe në përpunimin e mallrave. Për këtë arsye u është kërkuar operatorëve të bëjnë kujdes në 24 orët e fundit pasi era në orët në vijim do të rrisë intensitetin e saj. /abcnews.al

bora-ne-diber.jpg
G. P.09:04 | 12/03/2019

Me uljen e temperaturave gjatë natës, rajoni i Dibrës është përfshirë nga reshjet e dendura të borës. Siç informon gazetari ynë Neki Feta brenda ne qytet, trashësia ka arritur deri në 10 centimetra, kurse në lartësinë mbi 800 metra mbi nivelin e detit, bora ka shkuar deri në 20 centimetra.

Megjithatë nuk ka probleme për sa i përket qarkullimit rrugor dhe nuk ka mungesë të energjisë elektrike. Edhe ARRSH ka njoftuar se nga bora në verilindje të vendit nuk ka probleme./abcnews.al

DIBER-MATURANET-PROTESTA-MBULIM_ABC-M1-T1.mpg_snapshot_00.02-1280x720.jpg
ent ela11:15 | 07/03/2019

Këtë 7 Mars në gjimnazin “Said Najdeni” në Dibër nuk është festuar. Maturantët kanë protestuar duke bojkotuar mësimin. Shkak për protestën, e cila ka nisur prej dy ditësh, është bërë largimi pa arsye i mësueses së Anglishtes. Për ta kjo mësuese njihet për integritet të lartë moral dhe profesional dhe e përkushtuar në profesionin e saj.  Maturantët kanë kërkuar shpjegim nga Drejtoria Arsimore për këtë largim të pamotivuar, por askush nuk i ka përfillur. Ndërkohë ata tregojnë se prindërit e tyre janë kërcënuar me telefonata nga mësuesit e tjetë të shkollës, për shkak të bojkotit që i është bërë mësimit. Gjatë protestës Drejtoria e Shkollës, urdhëroi rojet të largojnë me forcë nxënësit. /abcnews.al

BORA-NE-DIBER-MBULIM_ABC-M1-T1.mpg_snapshot_00.02-1280x696.jpg
ent ela10:20 | 12/02/2019

Reshje dëbore kanë rënë natën në pjesën më të madhe të Dibrës dhe Bulqizës. Trashësia në qytetin e Peshkopisë shkon gati 10 cm kurse në lartësine mbi 800 metra mbi nivelin e detit dhe në zona të thella deri në 30 cm. Nuk ka patur probleme në rrugë, por megjithatë kompania kontraktore që mirëmban rrugën Peshkopi – Kala e Dodës ka nxjerrë mjetet borëpastruese dhe kalimi bëhet pa probleme. E njëjtë situata është edhe me rrugën Ura e Çerenecit – Librazhd ku kalimi bëhet pa probleme. Edhe nëpër fshatra nuk ka bllokime apo vështirësi në qarkullim. /abcnews.al

ujerat-termale.jpg
G. P.12:22 | 05/02/2019

Këshilli i Basenit Ujor Drin-Bunë në Prefekturën e Shkodrës anuloi lejen e dhënë në muajin Dhjetor për shfrytëzimin e ujërave termale në Dibër.

Mbledhja është zhvilluar me dyer të mbyllura. Një ditë me parë, Ministrja e Mbrojtjes, Olta Xhaçka, gjatë vizitës në Peshkopi në cilësinë e të deleguarës së Partisë Socialiste për Qarkun Dibër u premtoi banorëve anulimin e kontratës koncensionare të këtij burimi.

Qendra e ujërave termale frekuentohet çdo vit nga pothuajse 10 mijë vizitorë dhe prej vitesh përbën një burim të madh të ardhurash për ekonominë jo vetëm të qytetit të Peshkopisë, por edhe të gjithë qarkut të Dibrës./abcnews.al

bankomat.jpg
G. P.09:49 | 27/01/2019

Dy persona janë vënë në pranga pasi tentuan të vidhnin një bankomat të një filiali banke të nivelit të dytë në Bulqizë. Policia njoftoi se ka arretuar 31-vjeçarin E.A. dhe 35-vjeçarin F.L. si dy autorët e dyshuar të kësaj ngjarje.

“Këta dy shtetas në bashkëpunim me njëri-tjetrin në orët e para të mëngjesit të datës 26.01.2019, të maskuar dhe me sende të forta tentuan të vjedhin bankomatin e  filialit të një banke të nivelit të dytë në “Lagjen e Re” Bulqizë”, shkruhet në njoftimin e policisë.

Dy të rinjtë janë dënuar edhe më parë për vjedhje. Materialet hetimore i kaluan Prokurorisë Dibër dhe mbi ta rëndon vepra penale “Vjedhje e bankave dhe arkave të kursimit”.

Ky është rasti i tretë, ku gjatë Janarit grabitësit kanë tentuar të vjedhin bankomate. Më 8 Janar u tentua të grabitet bankomati në bulevardin “Blu” në Kamëz . Ngjarja ndodhi rreth orëve të para të mëngjesit. Persona të paidentifikuar ende tentuan të hapnin bankomatin, por u larguan pa marrë gjë për shkak të alarmit të bankës.

Më 18 Janar u tentua të grabitej një bankomat në Vorë. Grabitësit e dëmtuan atë me mjete të forta. Sipas policisë, autorët nuk mundën të marrin para gjatë grabitjes, por dyshimet flasin për të kundërtën.

Banorë të zonës i thanë uniformave blu se janë gjetur të dëmtuar disa kartmonedha me prerje 5 mijë lekëshe që dyshohen se janë marrë nga bankomati. Grupi hetimor dyshon se është përdorur e njëjta metodë grabitjeje që ndodhi në bulevardin “Blu” të Kamzës./abcnews.al

boreee.jpg
ent ela18:55 | 25/01/2019

Gjatë gjithë ditës në Dibër ka patur reshje dëbore, por me intensitet të ulet. Rrugët nacionale janë të gjitha të qarkullueshme.
Qyteti i Peshkopisë vazhdon të furnizohet me 30 minuta ujë në 24 orë, ndërsa pjesa më e madhe nuk ka fare për shkak të ngricës.
Në Bulqizë ka probleme në aksin nacional nga zona e quajtur Pishat deri në Qafën e Buallit. Ngricë ka edhe në rrugët e brendshme të qytetit të Bulqizës dhe atë të spitalit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono