diber

bora-diber.jpg
ger ta15:06 | 04/12/2019

Pas Kukësit, bora ka zbrdhur edhe Qarkun e Dibrës. Në qytetin e Peshkopisë intensiteti i reshjeve të borës ka qenë i dobët, ndërsa në zonat më të thella ka kaluar 10 centimetra.

Temperaturat janë ulur ndjeshëm duke kapur vlerën -5 gradë celcius. Dëbora ka rënë gjatë gjithë natës dhe në orët e para të mëngjesit ka pasur ngrica.

Gjithsesi në rrugët nacionale që lidhin Peshkopinë me Tiranën dhe Kukësin nuk raportohen problem me qarkullimin e mjeteve./abcnews.al

 

Screenshot_8-1.png
R D13:51 | 04/12/2019

Pas Kukësit, bora ka zbrdhur edhe Qarkun e Dibrës. Në qytetin e Peshkopisë intensiteti i reshjeve të borës ka qenë i dobët, ndërsa në zonat më të thella ka kaluar 10 centimetra. Temperaturat janë ulur ndjeshëm duke kapur vlerën -5 gradë celcius. Dëbora ka rënë gjatë gjithë natës dhe në orët e para të mëngjesit ka pasur ngrica. Gjithsesi në rrugët nacionale që lidhin Peshkopinë me Tiranën dhe Kukësin nuk raportohen problem me qarkullimin e mjeteve./abcnews.al


s.jpg
in a20:54 | 16/11/2019

Gjendet i vrarë në banesë Xheladin Mandri 68 vjeç. Mësohet se ngjarja ka ndodhur në fshatin Shumbat të Dibrës.

Nga informacionet paraprake dihet se i moshuari jetonte i vetëm. Ndërkohë Policia po kryen veprimet hetimore, dyshohet se mund të jetë vetëvrarë me armë automatike. Arma është gjetur pranë tij./abcnews.al

 

policia-diber.jpg
ger ta16:34 | 14/11/2019

Policia e Dibrës ka ndaluar 7 siriane pasi po përpiqeshin të kalonin ilegalisht kufirin.

Sipas uniformave blu sirianët kishin hyrë ilegalisht në Shqipëri,  me qëllim për të kaluar në drejtim të Maqedonisë dhe më pas në një nga vendet e BE-së.

Njoftimi i plotë: 

Bashkëpunimi me qytetarët parandalon një rast të kontrabandimit të klandestinëve nga vendet e Lindjes së Mesme.

Policia e Dibrës, pas informacionit të marë nga qytetarët për disa shtetas të huaj që po tentonin të largoheshin në drejtim të Pikës së Kalimit Kufitar Bllatë, për të kaluar kufirin në mënyrë të paligjshme, ka organizuar punën duke bërë lokalizimin dhe vendndodhjen e tyre.

Policia ka bërë shoqërimin e 7 shtetasve sirianë, të cilët dyshohet se kishin hyrë ilegalisht në Shqipëri,  me qëllim për të kaluar në drejtim të Maqedonisë dhe më pas në një nga vendet e BE-së.

Shtetasit sirianë janë shoqëruar në Qendrën e Rehabilitimit në Kukës, ndërkohë që Policia vijon hetimet për identifikimin dhe arrestimin e personit që i ka sjellë në Dibër dhe që do t’i transportonte në drejtim të kufirit me Maqedoninë, kundrejt fitimit./abcnews.al

 

policia-diber-1280x709.jpg
nev ila14:30 | 09/11/2019

Një ndër pistat që po hetohet për shpërthimin me tritol që ndodhi një ditë më parë në Maqellarë është ajo e hakmarrjes. Pronarit të shtëpisë një vit më parë i kanë vrarë djalin e tij, ngjarje e cila ka mbetur pa autor. Lënda plasëse dyshohet të ketë shpërthyer me telekomandë.

Policia e Dibrës dhe ekspertë të lëndëve plasëse po hetojnë për zbardhjen e shpërthimit të një sasie tritoli në murin e stallës së Gazmir Kosiqit. Ngjarja ka ndodhur mëngjesin e së premtes në Maqellarë të Dibrës.

Lënda plasëse dyshohet të ketë shpërthyer me telekomandë, kjo pasi në momentin e shpërthimit djali i tretë i familjes Ismail Kosiqi ka qenë duke kaluar aty pranë për të ushqyer bagëtinë.

Nga shpërthimi Ismaili ka pësuar disa gërvishtje gjatë largimit  nga blloqet e betonit, si dhe janë lënduar 4 mushka .

Policia po heton në disa pista, ku ndër më kryesoret është ajo e hakmarrjes.

Kujtojmë se një vit më parë në 20 mars 2018 u vra djali i madh Elsi Kosiqi 32 vjeç në oborrin e shtëpisë, vrasje e cila ende është pa autor./abcnews.al

vjedhje.jpg
ent ela12:47 | 02/11/2019

Arrestohet autori i tretë i grabitjes së një shume parash në një banesë në fshatin Grykë Nokë të Dibrës. Ndërsa në kërkim është edhe grabitësi i fundit. Disa persona nën kërcënimin e armës hynë në një banesë të fshatit dhe morën prej aty 300.000 lekë.

Menjëherë u njoftua policia e Dibrës, e cila u vu në kërkim të autorëve.

Hajdutët në momentin që kanë konstatuar se po ndiqeshin nga policia kanë braktisur mjetin e tyre në malin e fshatit Shumbat.

Policia fillimisht ka ndaluar dy prej autorëve, më pas autorin e tretë. Efektivët kanë bllokuar mjetin e grabitësve./abcnews.al

vjedhja1.jpg
ent ela10:10 | 02/11/2019

Dy persona kanë rënë në prangat e Policisë, pasi voshën një shumë parash nën kërcënënimin e armës në një banesë në fshatin Shumbat, ndërsa shpallen në kërkim dy të tjerë.

Policia e Dibrës pas marrjes së informacionit se disa persona, nën kërcënimin e armës ishin futur në një banesë  në fshatin Grykë Nokë  dhe nën kërcënimin e armës kishin marrë një shumë parash, menjëherë ka shkuar në vendngjarje dhe është vënë në ndjekje të autorëve.

Në momentin që kanë konstatuar se po ndiqeshin nga  policia, autorët kanë braktisur mjetin e tyre duke u fshehur në malin e fshatit Shumbat.

Shërbimet e Komisariatit  të Policisë Dibër në bashkëpunim dhe me agjentët e Hetimit të Krimit në DVP,kanë rrethuar autorët në një perimetër të gjerë dhe kanë vijur ndjekjen dhe krehjen e zonës  për të bërë të mundur kapjen e tyre.

 

Pas disa orë ndjekje dhe mbajtje nën  rrethim  është bërë e mundur kapja dhe arrestimi i shtetasve  :

M.M, 26 vjeç dhe D.M, 26 vjeç, banues në Kukës.

Ndërsa shtetasi M.K, 25 vjeç, banues në Dibër, dhe F.H, 20 vjeç, banues në Kukës,  kanë mundur të largohen duke marrë  me vete edhe shumën e parave të vjedhura, të cilët janë shpallur në kërkim  dhe vijon puna për kapjen  e tyre.

Këta shtetas në bashkëpunim me njëri-tjetrin në fshatin Grykë Nokë, Dibër, dyshohet se nën kërcënimin e një arme, kanë vjedhur në banesën e shtetasit I.H,  shumën prej 300.000 lekë, dhe më pas janë larguar me një automjet tip ‘Opel’.

Vijon krehja e zonës për kapjen e dy personave  të shpallur në kërkim dhe  të gjetjes së armës  që dyshohet se autorët e kanë hedhur  porsa kanë parë që ndiqeshin nga policia.

Në cilësinë e provës materiale është sekuestruar mjeti i përdorur nga autorët.

Materialet hetimore do ti referohen Prokurorisë Dibër për veprën penale “Vjedhje me armë”, e kryer në bashkëpunim. /abcnews.al

diber.jpg
Autor E11:20 | 15/10/2019

Dy motra të zemëruara kanë rrahur dhe kërcënuar me armë kunatën e tyre të vogël. Pas denoncimit, policia arrestoi motrën e madhe 45 vjeçe dhe procedoi në gjendje të lirë motrën tjetër, e cila mbante në dorë armën e gjahut me qëllim për ta trembur.

27 vjeçarja, nusja e vëllait të dy motrave është rrahur fillimisht e më pas është kërcënuar me çifte e cila ishte me leje dhe nuk kishte fishekë. Nuk dihet shkaku i konfliktit mes kunatave, por dyshohet se ato kanë lindur pas një debati brenda në shtëpinë ku jetonte vëllai, nusja e tij dhe babai i tyre.

Njoftimi i Policisë Dibër

Ushtron dhunë ndaj kunatës, arrestohet në flagrancë 45 vjeçarja, si dhe procedohet në gjendje të lirë motra e saj pasi kanosi kunatën me armë.
Sekuestrohet nga policia arma e gjahut.
Nga specialistët për Hetimin e Krimit në Komisariatin e Policisë Dibër, u arrestua në flagrancë shtetasja :
Sh.D, 45 vjeçe, banuese në Dibër të Madhe
Si dhe u procedua penalisht në gjendje të lirë shtetasja Z.M, 31 vjeçe, banuese në Kukës (motra e shtetases Sh.D).
Arrestimi i saj u bë pasi për motive të dobëta ka ushtruar dhunë fizike ndaj nuses së vëllait të saj shtetases A.D 28 vjeçe banuese në Dibër. Në konflikt është përfshirë edhe shtetasja Z.M e cila ka kanosur me armë gjahu, pa fishek shtetasen A.D.
Arma e gjahut, në momentin e sekuestrimit rezultoi  pa fishek.
Arma është  me leje dhe në pronësi të babait të dy motrave.
Materialet proceduriale do ti referohen Prokurorisë Dibër për hetime të mëtejshme./abcnews.al

pergjime-2.jpg
ad min12:38 | 23/09/2019

Prokuroria e Dibrës ka zgjatur me 3 muaj hetimet për dosjen 184. Drejtuesi i kësaj prokurorie, Rifat Kojku sëbashku me prokuroren Belina Zeneli vendosën që të ndryshojnë numrin e dosjes nga 184 në 385.

Këta dy prokurorë u caktuan më shumë se dy javë më parë për të hetuar këtë dosje, që objekt hetimi ka shitblerjen e votave në zgjedhjet e pjesshme lokale në Dibër në vitin 2016.

Dosja 184 ose siç do njihet tashmë pas vendimit të prokurorëve si dosja 385, u regjistrua 3 vjet më parë në Prokurorinë e Krimeve të Rënda, por kohët e fundit, ky organ i akuzës shpalli moskompetencën, me argumentin se objekt hetimesh nuk është një grup i strukturuar kriminal, por bashkëpunimi i thjeshtë.

Kjo dosje u bë objekt diskutimi midis institucioneve të hetimit pasi organi i akuzës Dibër i kërkoi Prokurorisë së Përgjithshme që dosjen ta hetojë organi i akuzës për Krime të Rënda, duke e kundërshtuar faktin se bëhej fjalë për bashkëpunim të thjeshtë.

Në përgjimet telefonike të publikuara nga gazeta gjermane “Bild” dëgjohen në biseda deputetë dhe zyrtarë të lartë të Partisë Socialiste, të cilët flasin me drejtues të policisë lokale dhe eksponentë të tjerë të njohur në Dibër për blerje votash. /abcnews.al

SHKOLLAT-MESIMI-DIBER_ABC-N2-T1.mpg_snapshot_00.05-1280x720.jpg
ent ela15:45 | 20/09/2019

Rreth 100 nxënës të fshatrave Kërçisht i Poshtëm dhe Kërçisht i Epërm në Dibër nuk kanë nisur shkollën. Në godinën ekzsituese nuk është ndërhyrë prej vitesh dhe banorëve u është kërkuar që fëmijët t’i çojnë në një ambjent tjetër, rreth 4 km larg. Por prindërit e tyre thonë se nuk do t’i dërgojnë fëmijët në atë shkollë deri sa t’u ndërtohet ajo e fshatit.

Fëmijët e fshatrave Kërçisht i Poshtëm dhe Kërçisht i Epërm ende nuk e kane nisur procesin mësimor. Atyre u mungon një shkollë. Ndërtesa ekzistuese nuk është rikonstruktuar që prej disa vitesh kur tavani ra duke rrezikuar jetën e të vegjëlve.

100 nxënësve të këtyre fshatrave u është kërkuar të shkojnë dhe të zhvillojnë mësimin në ish- gjimnazin e Maqellarës ku ka ambjente boshe. Përveç nxënësve të klasave 9-vjeçare në Maqellarë duhet të shkojnë edhe rreth 25 fëmijë të kopështit.

Prindërit  thonë se nuk do të lejojnë fëmijët e tyre ndjekin procesin mësimor deri sa të ndërtohet shkolla e fshatit.

Nga Drejtoria Arsimore dhe Bashkia u është premtuar ndërtimi i shkollës, por ende nuk dihet se kur do të fillojnë punimet. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono