dialogu

KRONIKE-THIRRJET-PER-KUSHTETUESEN-ABC-M1-T1.mpg_snapshot_00.39-1280x720.jpg
ent ela16:34 | 18/11/2019

Bashkimi Evropian në Shqipëri, nuk rreshtohet përkrah kryeministrit, në debatin mbi anëtaret e reja të gjykatës Kushtetuese, duke thënë se BE ofron ekspertizë, por nuk interpreton kushtetutën tonë. Soreca ju bëri thirrje palëve të ulen në dialog për institucione të besueshme.

Edi Rama tha në Parlament se veprimet e mazhorancës për të dërguar Arta Vorpsin në Gjykatën Kushtetuese ishin 100 % në dakordësi me SHBA dhe BE, por Luigi Soreca nuk pranon të mbajë anë, nëse karrigia e gjyqtares i takon Vorpsit apo Xhaferllarit.

Në vend të kësaj, Soreca, kërkon dialog.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe  të ngrenë një institucione të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

Ndërkohë, në komisionin e ligjeve, sekretari i përgjithshëm i Gjykatës Kushtetuese u përball me akuzat se po paguan dy persona për një vend pune.

Aktualisht, me vendim të drejtueses së kësaj gjykate, Vitore Tusha, Arta Vorpsi punon në institucion si më parë, në pozicionen e këshilltares ligjore, ndërsa Marsida Xhaferllari ka marrë statusin e gjyqtares. /abcnews.al

 

lulzim-basha-3.jpg
ad min15:29 | 25/10/2019

OSBE përmes Sekretarit të Përgjithshëm të saj, Thomas Greminger pritet të jenë ndërmjetës mes palëve politike për miratimin e reformës zgjedhore. Lulzim Basha dhe aleatët e tij zhvilluan një takim paraditen e të premtes në selinë blu me Greminger, ku në fund të takimit Basha shprehu besimin se OSBE do të jap kontribut të rëndësishëm për krizën politike. Basha rikujtoi se kriza politike mund të zgjidhet përmes zgjedhjeve të parakohshme, ndërkohë që garantoi se dialogu me maxhorancën do të bëhet vetëm jashtë parlamentit. 

Sekretari i Përgjithshëm i OSBE, Thomas Greminger gëzon mbështetjen e aktorëve kryesore politike në Shqipëri për të qenë pikërisht ai ndërmjetësi për krizën politike.

Greminger zhvilloi një takim në selinë blu me kreun e opozitës, Lulzim Basha dhe aleatët e tij në koalicionin opozitar ku kryefjala ishin zgjedhjet. Mbështetjen e tij për të pasur Thomas Greminger si ndërmjetës për krizën, Lulzim Basha e shprehu edhe në fund të takimit.

Deri në momentin që Shqipëria do të ketë një parlament të ri të dalë nga zgjedhje të njohura nga opozita, dialogu mes socialistëve dhe demokratëve nuk do të zhvillohet në Kuvend.

Demokratët nuk do të marrin pjesë as në mbledhjet e Komisionit të Posaçëm të Reformës Zgjedhore, ndërkohë që produkti i grupit të ekspertëve të ngritur prej tyre duket se do të kaloj nga OSBE.

Brenda 30 ditëve Partia Demokratike dhe aleatët e saj do të përgatisin një draft për reformën zgjedhore me propozimet e tyre se ku duhet ndryshuar në Kodin Zgjedhor./ABC News Albania 

oher-750x405.jpeg
ad min11:42 | 25/10/2019

Në Ohër ka filluar dialogu lidhur me diskutimin e zgjidhjeve për çështjet më të rëndësishme me të cilat përballet Maqedonia e Veriut dhe rajoni. Marrin pjesë një numër i madh diplomatësh dhe përfaqësuesish evropianë dhe amerikanë.

Në Ohër filloi të premten Dialogu i Ohrit, i cili drejtohet nga kryeministri Zoran Zaev dhe organizohet në organizim të përbashkët me Këshillin Atlantik dhe Grupin e Ohrit. Ai filloi me një pritje joformale me të cilën u shënua fillimi i dialogut strategjik për zhvillimin e zgjidhjeve progresive për sfidat me të cilat ballafaqohet Maqedonia e Veriut dhe rajoni.

Ministri i Jashtëm Nikolla Dimitrov foli për këto sfida para një numri të madh të diplomatëve dhe përfaqësuesve të sektorit qeveritar dhe joqeveritar nga Evropa dhe Shtetet e Bashkuara. Të pranishëm janë edhe ish-sekretari i përgjithshëm i NATO-s, Xhorxh Robertson dhe Dejmon Uillson nga Këshilli atlantik i cili udhëheq diskutimin joformal. /ABC News Albania

gjykim.jpg
ad min12:28 | 18/10/2019

Shtetet e Bashkuara u kanë shprehur udhëheqësve të të gjitha partive në Kosovë pritshmërinë për të formuar një qeveri pro-dialogut me Serbinë dhe të gatshme për të hequr taksën.

Arritja e marrëveshjes së paqes mes Kosovës dhe Serbisë është prioritet strategjik për Shtetet e Bashkuara të Amerikës, ka thënë David Kostelançik, zëvendës i të dërguarit të posaçëm për Ballkanin Perëndimor, Matheë Palmer. Kostelançik ka theksuar kërkesat që i janë parashtruar udhëheqësve të Kosovës pas zgjedhjeve të 6 tetorit.

“Kosova sapo doli nga zgjedhjet dhe SHBA-ja ka shprehur tek liderët e të gjitha partive shpresën dhe pritjen se do të formojnë një qeveri pro dialogut, të gatshme për të pezulluar taksën, e cila ka bllokuar procesin”, ka thënë Kostelancik të enjten, në Forumin e Sigurisë në Beograd.

Kostelançik, i cili është edhe drejtor i Zyrës për Evropën Jugore dhe Qendrore, ka theksuar domosdoshmërinë e njohjes së ndërsjellë mes dy vendeve dhe ka nënvizuar se SHBA-ja do të qëndrojë gjithmonë në mbrojtje të sovranitetit të Kosovës.

Koha Ditore citoi zotin Kostelançik të ketë thënë se fushata e Serbisë për të anuluar njohjet dhe për të penguar anëtarësimin e Kosovës në organizata ndërkombëtare, është duke dëmtuar përpjekjet për dialog dhe arritjen e rezultateve.

“Prandaj ajo duhet t’i ndalë këto veprime. Të dyja e kanë vëmendjen e plotë dhe përkushtimin e SHBA-së për arritjen e marrëveshjes. Nuk duhet të humbet mundësia për njohje reciproke dhe një marrëveshje ligjërisht të pranueshme që mundëson paqen e qëndrueshme”, ka theksuar diplomati amerikan./ABC News Albania 

tumpii.jpg
nev ila16:59 | 07/10/2019

Nëse Shtetet e Bashkuara të Amerikës nuk ndryshojnë qëndrimin e tyre armiqësor, Koreja e Veriut nuk ka ndërmend të vazhdojë negociatat për sa i përket programit bërthamor.

Një ditë pas dështimit të negociatave në Stockholm, Peniani shpjegon se nuk ka asnjë dëshirë për të vazhduar negociata të kota si këto; të paktën deri sa Shtetet e Bashkuara të Amerikës të ndërmarrin masa praktike dhe t’i japin fund politikave të tyre armiqësore.

Sipas një zëdhënësi, fati i dialogut është në duart e Uashingtonit./ABC News Albania 24/7

josep-borell-1280x720.jpg
nev ila15:57 | 07/10/2019

Përfaqësuesi i ri i caktuar për politikën e jashtme dhe të sigurisë së Bashkimit Europian, Josep Borrel kalon ” testin” e komisionit të punëve të jashtme të Parlamentit Evropian.

Në dëgjesë në këtë komision, Josep Borrell është shprehur që në fillim se ka si qëllim që të angazhohet në procesin e reformave të integrimit të vendeve të Ballkanit Perëndimor, të mbështesë demokracinë dhe integritetin territorial të Ukrainës, të përballet me sfidat në vendet fqinje, të zhvillojë një strategji gjithëpërfshirëse për Afrikën, një strategji me Azinë, të forcojë marrëdhëniet me Amerikën Jugore dhe adaptojmë marrëdhëniet transatlantike me SHBA-të, me zotin Pompeo.

“Kosova dhe Serbia duhet të gjejnë një marrëveshjë dhe do të bëj ç’është e mundur për këtë. Vizita ime e parë do jetë në Kosovë”, tha Borell./abcnews.al

grenell.jpg
ad min15:26 | 06/10/2019

Vendimi i presidentit amerikan Donald Trump që të caktojë ambasadorin Richard Grenell të dërguar special për dialogun Kosovë-Serbi, interpretohet si një dëshmi se çështja po rikthehet në qendër të vëmendjes së Shtëpisë së Bardhë. Në të njëjtën kohë, ekspertët shprehen se Grenell, si njeri i besueshëm i presidentit Trump mund të rikthejë në tryezë idenë për shkëmbim të territoreve.

Sinisha Vukoviç, profesor në Universitetin John Hopkins të Uashingtonit është i mendimit se ndonëse Richard Grenell nuk ka ndonjë përvojë me rajonin, prapëseprapë është një njeri që ka rol tepër serioz në zhvillimet në Shtëpinë e Bardhë. Caktimi i tij i dërguar i posaçëm në dialogun Kosovë-Serbi, thotë Vukoviç, është paralajmërim për përfshirjen direkte të Shteteve të Bashkuara në këto negociata.

“Ky është sinjal i drejtpërdrejt se Amerika dëshiron të marrë një pozicion sa më qendror. Nga ana tjetër, thuhet po ashtu se ky nuk është më vetëm problem evropian. Pra, ky ka qenë problem evropian deri tani, kështu e ka trajtuar edhe Amerika, ndërkohë që Evropa kishte përparësi. Ky tani po bëhet problem amerikan. Përse ky po bëhet problem amerikan, përkatësisht çështje me të cilën Amerika dëshiron të merret, mbetet të shihet”, thotë profesori Vukoviç duke mos përjashtuar mundësinë që vendimi i Presidentit Trump të acarojë marrësit e vendimeve në Bashkimin Evropian, por edhe disa vende evropiane, përfshirë këtu Gjermaninë.

Kolegu i tij nga po i njëjti universitet, Daniel Server, po për seksionin serb të Zërit të Amerikës, shprehet se caktimi i Grenellit në fakt është përpjekje për të ringjallur idenë për shkëmbim territoresh mes Kosovës e Serbisë.

“Zoti Grenell ka një rang më të lartë nga Palmeri për dy arsye: Ai është ambasador dhe ka lidhje direkte me Shtëpinë e Bardhë. Për mua është krejtësisht e qartë se planifikojnë që ai të marrë funksionin kryesor të përfaqësuesit të posaçëm për Ballkanin, pra që të merret me çështjen e Beogradit dhe Prishtinës. Vërtet është bizarre. Supozoj se ky është paralajmërim që të ringjallet ideja e shkëmbimit të territoreve mes Beogradit dhe Prishtinës që është një ide e tmerrshme që u shua nga vdekja natyrore, para disa muajsh dhe është plan i keq tentimi për ringjalljen e saj”, thotë Daniel Server./ABC News Albania 24/7

zgjedhje-kosova-1280x853.jpg
ad min11:31 | 06/10/2019

Edhe mediat ndërkombëtare raportojnë për zgjedhjet e parakohshme në vend ku kryesisht konsiderohen si një mundësi e mirë për rifillimin e dialogut me Serbinë.

Në ditën e zgjedhjeve të parakohshme në Kosovë dhe mediat ndërkombëtare kanë kthyer vëmendjen duke bërë një pasqyrim të shkurtër kryesisht të kandidatëve për kryeministër.

Rrjeti televiziv, Euronews, shkruan se zgjedhjet erdhën pasi Ramush Haradinaj dha dorëheqje nga posti i kryeministrit pas ftesës që mori nga Gjykata Speciale.

Ndërsa BBC, i ka kushtuar një artikull të gjatë situatës politike në vend duke prezantuar kandidatët për kryeministër.

BBC shkruan edhe për zhvillimet e fundit politike në vend, duke përmendur tensionet midis Prishtinës dhe Beogradit si dhe taksën prej 100 për qind që është vendosur ndaj produkteve që vijnë nga Serbia dhe Bosnje e Hercegovina.

Ndërsa televizioni indian News18 tregon për rrugëtimin që Kosova ka bërë që nga koha e luftës e deri te shpallja e pavarësisë./ABC News Albania 24/7

drashkovicx.jpg
ad min15:35 | 26/09/2019

Vuk Drashkoviç, lider i një partie të vogël opozitare dhe ish-Ministër i Jashtëm i federates serbo-malazeze, deklaroi se Serbia e ka humbur Kosovën që në vitin 1999 dhe këtë realitet të vrazhdët serbët duhet ta pranojnë. Ai këshilloi presidentin serb Aleksandar Vuçic që të jetë një De Gol serb.

Ish-ministri i JASHTËM i bashkësisë shtetërore të Serbisë dhe Malit të Zi, Vuk Drashkoviç ka deklaruar se Kosova është një realitet i vrazhdët të cilin serbët dhe Serbia duhet ta pranojnë. Duke folur për televizionin e pavarur N1, Drashkoviç ka rikujtuar se ka qenë Këshilli i Sigurimit i Kombeve të Bashkuara ai që, edhe me pëlqimin e Rusisë dhe të Kinës, me rezolutën që miratoi më 1999 ai që dëboi Serbinë nga Kosova.

“Realitet i vrazhdët. Me Rezolutën 12-44 të Këshillit të Sigurimit të Kombeve të Bashkuara, më 10 qershor të vitit 1999, pas kapitullimit të regjimit të Slobodan Milosheviçit në luftën me Aleancën e NATO-s, shteti i Serbisë u përzu njëherë e përgjithmonë nga Kosova. U përzu! Dhe ne këtë fakt duhet të pranojmë dhe ta njohim, patjetër. Për këtë rezolutë votoi Rusia dhe luajti një rol të rëndësishëm në hartimin e saj. Kina nuk ishte kundër. I gjithë Këshilli i Sigurimit ishte për këtë dëbim të shtetit të Serbisë nga Kosova”.

Vuk Drashkoviç lë të kuptohet se është i pakuptueshëm angazhimi i tanishëm i Moskës dhe Pekinit zyrtar për gjoja mbrojtjen e sovranitetit serb mbi Kosovën për shkak se, thotë ai, për heqjen e tij ata dhanë kontribut të rëndësishëm: ‘Cili është qëllimi i kësaj politike që populli serb këtu të mbahet në një hipnozë, në një bindje të rrejshme se Kosova është edhe më tej krahinë autonome e Serbisë? Pra, Kosova është e humbur. Ky është realiteti.’

Politikani dhe shkrimtari Drashkoviç çmon se pavarësisht kësaj, nuk është humbur populli serb në Kosovë, thesari kulturor, kishat, manastiret për ruajtjen dhe mbrojtjen e të cilave duhet të angazhohet shteti serb, por tërheq vërejtjen ai, kjo mund të bëhet vetëm në një bashkëpunim strategjik me Evropën dhe Amerikën, por edhe me një marrëveshje të sinqertë me shqiptarët në Kosovë.

Duke folur për zgjidhjen e kontestit Kosovë-Serbi, ish kryediplomati jugosllav, ka riargumentuar idenë e tij të moçme se Kosova dhe Serbia mund të jetojnë ashtu siç kanë jetuar dy Gjermanitë, pas Luftës së Dytë Botërore.

“Ky është një propozim që ka ardhur nga gjermanët, si përvojë e tyre: nuk është e thënë që Serbia dhe Kosova të shkëmbejnë formalisht ambasadorë dhe që të publikohet njohja zyrtare, por duhet të arrihet pajtjetër një marrëveshje juridikisht e detyrueshme për pranimin e realitetit dhe bashkëpunimit të gjithanshëm. Në këtë bashkëpunim të gjithanshëm mund të arrihet kompromisi”,  thotë Drashkoviq. Sipas tij, në rrethana të këtilla edhe mund të ketë ndonjë korrigjim të vogël të vijës kufitare, por kjo nuk nënkupton shkëmbim të territoreve./ABC News Albania 24/7

luan-rama.jpg
ad min12:20 | 26/09/2019

Zv/kryetari i LSI-së, Luan Rama i ka bërë edhe njëherë apel mazhorancës të reflektojë për krizën në të cilën ndodhet vendi dhe të angazhohet për një bashkëpunim me opozitën në funksion të zgjidhjes së krizës politike.

Në një dalje për mediat, Rama theksoi se kushtet e vendosura nga grupet parlamentare të CDU/CSU për çeljen e negociatave duhet të jenë një moment reflektimi për mazhorancën dhe kryeministrin Rama.

“Në emër të LSI duke e lexuar me realizëm mesazhin që na vjen nga parlamenti gjerman apelojmë mbi domosdoshmërinë që merr në këto kushte dialogu politik jo si farsë por si institucion në një shoqëri demokratike, ku interesat e vendit dhe prioriteti për integrimin evropian të Shqipërisë prevalon dhe vihet mbi gjithçka tjetër. Është për të ardhur keq që vullnetit të mirë të shprehur nga opozita për të ulur në dialog, për të marrë të gjitha kushtet që duhet të përmbushë Shqipëria një për një, përgjegjësinë dhe për t’ua angazhuar në plotësimin e tyre ka gjetur një qëndrim refraktar dhe të papërgjegjshëm nga ana e kryeministrit të vendit”, tha Luan Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono