dialog

josepborrelitelef.jpg
eri Ida16:43 | 21/02/2020

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, pas bisedës telefonike me Vuçiç ka diskutuar me udhëheqësit e Kosovës lidhur me vendimin për të emëruar një Përfaqësues të Posaçëm të BE-së për Dialogun dhe Ballkanin Perëndimor.

“Përfaqësuesi i Lartë nënvizoi se ky emërim pasqyron rëndësinë që BE-ja dhe ai personalisht i kushtojnë stabilizimit të rajonit dhe përparimit në rrugën drejt BE-së. Josep Borrell kujtoi se ai mbetet personalisht i angazhuar dhe i përkushtuar fuqimisht për të mbështetur perspektivën evropiane të Ballkanit Perëndimor dhe për të luajtur rolin e tij si lehtësues i dialogut Beograd-Prishtinë’, thuhet në njoftimin nga zyra e Borrell.

Në këtë njoftim ndër të tjera bëhet me dije se Borrell ka theksuar se në këtë komunikim ka përditësuar diskutimin që ka pasur me udhëheqësit, gjatë vizitës së tij në Prishtinë dhe Beograd, në muajin janar.

Në Beograd, Borell kishte thënë se BE-ja duhet të angazhohet më shumë në marrëdhëniet midis Serbisë dhe Kosovës.

“Bashkimi Evropian duhet të emërojë një përfaqësues të posaçëm, i cili do të jetë shumë i angazhuar sepse unë nuk jam i sigurt se do të kem kohë të mjaftueshme për t’u angazhuar dhe për ta shtyrë dialogun përpara”, ka thënë Borell, pas takimit me presidentin serb.

Dialogu midis Kosovës dhe Serbisë është ndërprerë në fund të vitit 2018 kur Kosova u ka vënë taksë 100 për qind importeve të Serbisë dhe Bosnje Hercegovinës. Serbia e ka kushtëzuar rikthimin në dialog me heqjen e taksës, por Kosova përkundër thirrjeve të komunitetit ndërkombëtar vazhdon ta mbajë në fuqi këtë masë.

Ndërkohë në tetor të vitit të kaluar, presidenti amerikan, Donald Trump ka emëruar ambasadorin e SHBA-së në Gjermani, Richard Grenell, si të dërguarin e posaçëm për dialogun mes Kosovës dhe Serbisë./abcnews.al

Grenell-A1.png
eri Ida17:45 | 20/02/2020

Ambasadori Richard Grenell do të vazhdojë të jetë emisar special për dialogun ndërmjet Kosovës dhe Serbisë. Mediat kosovare raportojnë se lajmi është konfirmau nga zësënësi i Grenellit, Dick Custin.

“Mund të konfirmojmë se Ambasadori Grenell do të shërbejë si ambasador i SHBA-së në Gjermani, emisar special për negociatat e paqes ndërmjet Kosovës dhe Serbisë, dhe tani, si ushtrues detyre i drejtorit të Inteligjencës Kombëtare, në të njëjtën kohë”, ka thënë Custin.

Ndër të tjera zëdhënësi është shprehur se Grenell është pajtuar që të marrë detyrën e re përkohësisht, derisa të bëhet një nominim zyrtar nga Shtëpia e Bardhë.

“Theksoj se ambasadori Grenell është pajtuar me kërkesën e presidentit Trump për të marrë pozitën e ushtruesit të detyrës së drejtorit për Inteligjencë Kombëtare, dhe se Shtëpia e Bardhë së shpejti do të konfirmojë nominimin e tij”, ka thënë ai.

Gjithashtu Custin, ka deklaruar ndër të tjera se Grenell do të jetë i përkushtuar 100 për qind për dialogun ndërmjet Kosovës dhe Serbisë./abcnews.al

auto_auto_Josep_Borrell-Reuters15621043101579088838.jpg
R D16:28 | 16/02/2020

Shefi i Politikës së Jashtme të Bashkimit Evropian, Josep Borrell jep sinjale se dialogu politik ndërmjet Kosovës dhe Serbisë do të nisë së shpejti. Në një intervistë për Radion Evropa e Lirë, Borrell thotë se tani Kosova ka qeveri të re dhe se pret që dialogu të rinisë. Shefi i diplomacisë europiane shprehet se për të ndërmjetësuar dialogun ndërmjet Prishtinës dhe Beogradit BE-ja do të duhet të emëronte një të dërguar të posaçëm.

I pyetur nëse do të jetë ministri i Jashtëm sllovak, Miroslav Lajçak në këtë pozitë, Borrell ka thënë se këtë detyrë duhet ta marrë dikush që ka njohuri për rajonin. Shtëpia e Bardhë ka emëruar ambasadorin Richard Grenell si të dërguar në dialogun ndërmjet Kosovës dhe Serbisë. Sipas Borrell, duhet pyetur SHBA-ja se pse është përfshirë në këtë proces, pasi sipas tij, BE-ja e ndihmon shumë Kosovën me burime financiare.

Shefi i diplomacisë së BE-së tha se unioni do të ndihmojë Kosovën dhe Serbinë në procesin e bisedimeve, por ai thekson se u mbetet palëve që të punojnë drejt arritjes së një marrëveshjeje. /abcnews.al

borrell.jpg
eri Ida07:36 | 15/02/2020

Përfaqësuesi i Lartë i Bashkimit Evropian, Josep Borrell, është shprehur se dialogu është e vetmja mënyrë për zgjidhjen e mosmarrëveshjeve mes Serbisë dhe Kosovës.

“Na duhet zbutje e tensioneve dhe nisje nga e para, përndryshe bisedimet nuk do të jenë të mundshme”, ka shkruar kryediplomati i BE’së, në rrjetin social Twitter.

Komentet e spanjollit vijnë pas takimit të përbashkët të tij me udhëheqësit e gjashtë vendeve të Ballkanit Perëndimor, në Munih, ku po mbahet Konferenca për Sigurinë.

Përmes një postimi në profilin e tij në Tëitter Borrell shkruan se negociatat duhet të fillojnë sa më shpejt të jetë e mundur. “Na duhet zbutje e tensioneve dhe nisje nga e para, përndryshe bisedimet nuk do të jenë të mundshme”.

Borrell ka folur edhe për procesin e zgjerimit të BE’së në të ardhmen.

“Zgjerimi – na është dashur të ndalemi. Të riorganizohemi. Të rimendojmë. Qëllimi i metodologjisë sonë të re është që tani ta bëjmë procesin më të besueshëm, më dinamik dhe më të parashikueshëm”, ka shkruar ai në Twitter./abcnews.al

1000x-1-1.jpg
eri Ida10:45 | 13/02/2020

Ambasadori rus në Serbi, Alexander Botsan-Kharchenko është shprehur se Rusia është e gatshme të angazhohet për arritjen e një zgjidhjeje për çështjen e Kosovës, nëse i kërkohet nga Serbia.

Harchenko kab theksuar ndër të tjera se të gjitha përpjekjet e deritanishme ta sjellin në mendje vrapimin në korsi – harxhon shumë energji, por nuk ka asnjë lëvizje të vërtetë përpara.

Duke komentuar mesazhet nga Prishtina pas formimit të qeverisë së re, ambasadori rus thotë se nuk ka dëgjuar asgjë inkurajuese nga Albin Kurti.

“Në anën tjetër, unë mund të kem dëgjuar më shumë gjëra që nuk janë ikurajuese, nuk japin ndonjë impuls për dialog. Gjëja më e rëndësishme është heqja pa kushte e taksës doganore. Ëhtë detyra e parë dhe më e rëndësishmja. Kemi dëgjuar diçka, por me disa kushte, gjë që nuk është e qartë. Dhe çështja thelbësore politike – për sa i përket dialogut dhe të gjitha përpjekjeve nga Perëndimi – Unë nuk mendoj se ka ndonjë gjë të re tani që do të sigurojë një mundësi kompromisi, dhe një zgjidhje është e mundur vetëm në bazë të kompromisit. Kjo është e qartë për të gjithë”, ka thene ai.

Diplomati rus në Beograd rithekson se qëndrimi i Rusisë për Kosovën nuk ka ndryshuar dhe shton se nuk e sheh Rezolutën 1244 si pjesë të përpjekjeve dhe diskutimeve ekzistuese, dhe duhet të jetë.

1540563133-vucic-necu-prevariti-angelu-merkel-i-reci-nesto-protiv-nje-600x360-1.jpg
eri Ida16:31 | 09/02/2020

Presidenti i Serbisë Aleksandër Vuçiç është shprehur se në takimin e ardhshëm me kancelarin  gjermane Angela Merkel pret që të bisedojë për metodologjinë e bisedimeve për zgjidhjen e çështjes së Kosovës.

Mediat serbe raportojnë se presidenti serb ka theksuar se në këtë takim nuk pret që të shpaloset ndonjë plan të zgjidhjes së çështjes së Kosovës si spekulohet në media.

“Nuk mendoj se do flitet për ndonjë plan të ri. Askush nuk mund të sjell plan dhe të thotë ‘merre ose lëre.  Për ne gjithsesi do të jetë rëndë, sepse secila zgjidhje që vjen nga jashtë do të ketë pranim kështu  apo ashtu të pavarësisë. Për këtë duhet të gjejmë formën e normalizimit, që do shkonte pa këtë…apo do ofroj diçka të mirë serbëve, në çka nuk besoj” tha Vuçiç.

Ndërkohë kancelarja gjermane të shtunën i ka dërguar një letër kryeministrit të Kosovës, Albin Kurti për t’u takuar në Berlin.

Në letrën e Kancelares thuhet se para qeverisë së re janë detyra të rëndësishme si sundimi i ligjit, luftimi i korrupsionit dhe krimit të organizuar. Duke theksuar ndër të tjera se kryeministrin e ri e presin punë të vështira në luftimin e krimit dhe korrupsionit dhe përmirësimin e gjendjes ekonomike. /abcnews.al

borrell.jpg
So Nila17:43 | 30/01/2020

Ishte kundërshtar i pavarësisë së Kosovës, kryediplomati i BE-së, spanjolli  Josep Borrelli këtë të enjte ka vizituar Kosovën për të qartësuar pozicionin e Bashkimit Evropian në kuadër të dialogut Kosovë Serbi.

Borrell në fjalën e tij me zyrtarët e Kosovës është shprehur se bashkë me amerikanët do të punojnë për të mundësuar arritjen e marrëveshjes finale Prishtinë- Beograd.

“Amerikanët kanë shumë plane, për çdo gjë. Është një çështje që të kesh plan dhe një tjetër që të angazhohesh që të kesh sukses. Ne kemi qenë të angazhuar dhe kemi shpenzuar 1 miliardë në Kosovë. Por unë nuk po bëj garë me amerikanët. Ne do të punojmë bashkërisht dhe nuk do të ketë diferenca mes nesh që t’i zgjidhin problemet. Nuk jemi këtu që t’i hedhim fajin njëri tjetrit. Nuk jemi larg procesit por brenda në proces”, ka thënë Borrell.

Ndërsa në lidhje me pyetjen se 5 vendet e BE-së të cilat ende nuk e kanë njohur shtetin e Kosovës, ai tha se nuk është detyre e tij që ti bind ato për ta njohur Kosovën.

Ndërsa presidenti i Kosovës, Hashim Thaçi, ka thënë se uniteti i Bashkimit Evropian dhe koordinimi i ngushtë me SHBA-në është çelësi i arritjes së marrëveshjes përfundimtare Kosovë – Serbi.

“E para që duhet të jetë jetike është ajo që BE të jetë unik në raportin me dialogun Kosovë Serbi.  Angazhimet e zotit Borrell të jenë të mbështetura nga të gjithë shtetet reale që të kete sukses. Që të ndodhë suksesi real duhet të ndodhë koordinimi i plotë mes BE-së dhe SHBA-së”, është shprehur Thaçi.

Thaci ka kritikuar ashpër BE-në duke thënë se ka bërë gabim strategjik me mosliberalizimin e vizave për qytetarët e Kosovës. Derisa Borrelli tha se nuk mund të premtoj se kur do të ndodh ajo pasi që varet kryekëput nga shtetet anëtare të BE-së.

Ndërsa ka kërkuar formimin sa më të shpejtë të qeverisë së re të Kosovës.

Ai ka takuar edhe përfaqësuesit e partive politike. Por AAK-ja përfaqësohej nga Besnik Tahiri ndërsa PDK-ja ka refuzuar të marrë pjesë në këtë takim.

“Takimi sot është i pakuptimtë në kushtet e mosekzistencës së qeverisë dhe institucioneve te reja dhe çfaredolloj iniciative për  nisjen e dialogut me Serbinë është i pakuptimtë, për sa kohë Kosova është peng i inateve dhe paaftësive për të gjetur zgjidhje politike midis dy forca politike”, ka thenë kryetari i PDK-së Veseli.

Boreli në kuadër të vizitës së tij në Kosovë po qëndron edhe në Obiliq dhe Prizren. Ai nesër pritet të vizitojë Beogradin./abcnews.al

Screenshot_9-1.png
R D16:18 | 24/01/2020

Gazetari i Abc News në Beograd Idro Seferi thotë se ambasadori Grenell i ka dhënë shenja jete një dialogu pothuaj të vdekur mes Kosovës e Serbisë. Sipas tij, ekonomia mund të ishte shtytje për zgjidhjen e problemit mes dy vendeve.

I dërguari i SHBA- ambasadori Richard Grenell, ka dërguar porositë e pritura në kryeqytetin serb: Heqja e tarifës në Kosovë dhe ndalimi i lobimit kundër pavarësisë nga Serbia. Ai ka qenë i prerë se kjo duhet të ndalojë. Politikën e madhe do t’ua lë Beogradit dhe Prishtinës, por duhet punuar çdo ditë. Ai ka thënë se të hënën do të flitet për hekurudhat, pas marrëveshjes së linjës ajrore. Është pyetur nga gazetarët serb nëse kërkesat e tij ndaj Serbinë janë korekte. Grenell ka thënë se si i mbijetuar nga sëmundja e kancerit, beson se për progres duhet punuar cdo ditë.

“Faleminderit për pyetjen. Nëse diçka është ferr apo jo nuk më takon mua ta vendos. Unë nuk kam një agjendë, përveç të shtyjë palët bashkë dhe i takon palëve ta vendosin dhe do ta bëjnë e të na thonë. Unë do të fokusohem për një të ardhme të ndritshme për njerëzit e Kosovës dhe Serbisë dhe të sjellim një energji që e kemi në SHBA, duke lënë cështjet politike dhe duke u koncentruar në rritje. Ka shumë biznese që duan të vinë këtu”, tha ai.

Vuçiç ka thënë se Serbia ka qendrim tjetër ndaj pavarësisë së Kosovës, por dialogut nuk i shmanget. Të gjithë mund të ndalojnë lobimet që gjithcka të bëhet me marrëveshje. Ai ka thënë se Serbia është e interesuar të punojë me shqiptarët, por nuk mund të pranojë tarifat.

“Nëse kjo e ndihmon popullin në Kosovë ne mund të flasim për këtë. Por, ne nuk do të mund të bëjmë punën tonë nese pastaj na thonë se duan të anëtarësohen në organizata ndërkombëtare. Puna jonë është ta kundërshtojmë këtë pasi në çështjen statusore kemi qëndrime të ndryshme. Kjo duhet të jetë një marrëveshje. Ne do të vazhdojmë të bisedojmë dhe do ta shohim”, u shpreh ai.

Grenell ka thënë se Presidenti Trump do të impresionohej nga numri i kamerave në konferencë për shtyp. Vuçiç ia ka kthyer batutën, duke i thënë se “presidenti amerikan askund nuk do të ketë pritje më të mirë se në Serbi”. /abcnews.al

ilir-meta.jpg
ger ta16:07 | 09/01/2020

Presidenti Ilir Meta ka reaguar për raportin “Fitch Ratings”, i cili vlerëson se kriza politike në vend kanë përkeqësur risqet për ekonominë shqiptare.

Kreu i shtetit shpreh shqetësimin për këtë raport, ndërsa tërheq vëmendjen e aktorëve politikë. Meta kërkon me urgjencë vendosjen e dialogut politik dhe bashkëpunimit për adresimin e menjëhershëm dhe të besueshëm të kushteve të Bundestagut.

Reagimi i plotë:

Dua të shpreh shqetësimin për raportin e agjencisë prestigjoze ndërkombëtare Fitch për vitin 2019, sipas së cilës Shqipëria është përkeqësuar në vlerësimin e shkallës së perceptimit të investitorëve, nga niveli 59.8, në 53.5.

Pa u ndalur sot në shqetësimet që kanë të bëjnë me faktorët ekonomikë dhe financiarë, dua të tërheq vëmendjen ndaj aktorëve politikë, që faktori kryesor i këtij përkeqësimi është kriza e rëndë politike në vend.

Ndaj duhet urgjentisht vendosja e dialogut politik dhe bashkëpunimit për adresimin e menjëhershëm dhe të besueshëm të kushteve të Bundestagut.

Përndryshe, jo vetëm çelja e negociatave me Bashkimin Europian pamundësohet, por vendi ynë do humbasë më shumë besueshmërinë e investitorëve të huaj seriozë./abcnews.al

 

296cac24-d630-4594-9778-9a3102e775ef.jpg
R D18:16 | 30/11/2019

Lideri i opozitës, Lulzim Basha i është përgjigjur negativisht Kryeministrit Rama i cili e ftoi të uleshin në tryezë për situatën e jashtëzakonshme të krijuar nga termeti. Nga Shkozeti ku po vizitonte banorët, ai tha se ” fokusi ynë është të ndihmojmë gjithë personat në nevojë… nuk bëhet politikë me njerëzit. Jo propagandë dhe manovra politike”, u shpreh ai në një prononcim për TCH.

Pyetje: Keni inspektuar zonën e Shkozetit, keni inspektuar edhe shumë zona të Durrësit sot, si paraqitet situate në këto zona?

Lulzim Basha: Gjendja është e rëndë, siç nuk ka nevojë për koment, mjafton t’ia drejtoni kamerën. Po të pyesni banorët, do t’ju thonë se askush nuk ka ardhur t’i pyesë si janë, t’u ofrojë ndohmën më minimale dhe ndokush që është pajisur me një letër për të tërhequr ndihma nga Pallati i Sportit, nuk ka arritur dot të tërheqë ndihma. Pra, është një komunitet i madh, i cili është tërësisht I braktisur, pa asnjë vëmendje, pa asnjë mundësi për t’u strehuar. Ndonjërit që I është ofruar ndonjë mundësi për t;u strehuar larg prej këtej, faktikisht, nuk I është dhënë asnjë zgjidhje për vendin e punës që mund ta ketë në drejtim te kundërt me atë që i është ofruar për strehim. Pjesa tjetër që me shqetëson shumë është mungesa totale e një koordinimi për t’u dhënë strehë dhe për t’i pajisur me ushqime, me batanije. Në një vend me thanë se “na kanë dhënë miell dhe patate, por mielli dhe patatet nuk hyjnë në punë, sepse ne jemi jashtë shtëpive.” Pra, duket qartë që ka një ç’organizim total, kaos total dhe, për fat të keq, këtë po e vuajnë banorët, të cilët, unë po u jap zë shqetësimeve që m’i thanë mua, por ju i keni këtu, mund t’i pyesni edhe vetë.

Pyetje: Zoti Basha, ditën e sotme kryeministri i vendit ju ka bërë thirrje për t’u ulur në një tryezë të përbashkët për të dhënë zgjidhje konkrete dhe propozime, sa i takon situatës së jashtëzakonshme. Ai tha “unë e mirëpres vetëpërmbajtjen e kryetarit demokrat sa i takon fjalëve, por është e pamjaftueshme, duhen veprime konkrete”. A jeni të gatshëm të uleni me të për veprime konkrete?

Lulzim Basha: E gjithë energjia jonë, ajo që po bëjmë dhe do të vazhdojmë të bëjmë është të jemi afër njerëzve dhe t’i ndihmojmë sa të jetë e mundur. Jemi gjendur pranë komuniteteve, njerëzve në nevojë dhe do të vazhdojmë ta bëjmë këtë. Ky është prioriteti ynë tani. Tani nuk është koha për politikë. Njerëzit janë në nevojë ekstreme, njerëzit kanë nevojë për strehë, njerëzit kanë nevojë për ushqim, shumë kanë nevojë për vëmendje mjekësore, që nuk po e marrin, të tjerë kanë nevojë për siguri, se i kanë shpëtuar një fatkeqësie dhe duhet të bëhemi gati që të përballojmë çdo gjë tjetër, qoftë me kaq! Pra, tani nuk është koha as për politikë, as për propagandë. Gjëja e vetme me të cilën po merremi ne, është të jemi afër njerëzve dhe kjo është ajo që duhet të bëjë çdokush tjetër.

Pyetje: Prej ditësh, ju keni shpërndarë edhe një udhëzim, strukturat e PD janë në terren për të evidentuar problematikat, po ashtu edhe për të dhënë zgjidhje për banorët. A do të ishte mirë t’i bashkërendonit forcat për t’u dhënë zgjidhje konkrete banorëve të prekur nga tërmeti?

Lulzim Basha: Ne jemi pranë banorëve dhe udhëzimet e mia jo vetëm për strukturat e PD, por çdokujt që mund të ndihmojë, të ndihmojë, të jemi afër njerëzve, sepse njerëzit janë në nevojë ekstreme. Shikojini këta njerëz, janë prej 5 netësh jashtë, thonë “nuk kemi ku të fusim kokën, jemi pa ushqim, jemi pa mbështetje”. Prandaj, ky është fokusi ynë, kjo është vëmendja jonë. Nuk kemi kohë sot as për manovra politike, as për propagandë dhe ky duhet të jetë shqetësimi i çdokujt e, në veçanti, i qeverisë.

Pyetje: Ka kaluar 4 ditë nga tërmeti, i cili shkaktoi shkaktoi viktima të shumta, po ashtu, edhe të lënduar. Ju si e shihni situatën? Si e ka menaxhuar qeveria këtë situatë? A ka bërë aq sa duhet për banorët e dëmtuar?

Lulzim Basha: Këto ditë, që kanë qënë ditë të tmerrshme për shqiptarët dhe sot Durrësi ka përcjellë shumë viktima, duke përfshirë dhe 8 viktimat e familjes Lala, nuk kanë qënë ditë për t’u marrë me analizën dhe përgjegjësitë. Natyrisht, ka një ditë, ka një kohë ku do merremi edhe me përgjegjësitë dhe me analizën se çfarë u bë, çfarë mund të bëhej më mirë dhe çfarë duhet bërë më mirë. Tani, fokusi ynë është si t’i ndihmojmë këta njerëz. Nuk bëhet politikë. A mund të bëhet politikë me këta njerëz?! Këta janë pa strehë sonte, janë pa ushqim, fëmijët i kanë rrugëve, vetë janë rrugëve. Prandaj, prioriteti im, prioriteti i gjithë opozitës është të bëjmë ç’është e mundur për t’i ndihmuar. Ky duhet të jetë prioriteti i çdokujt. Jo protagonizmi, jo propaganda dhe as manovrat politike.

Lexo edhe

A do të bashkojë termeti, politikën? Ja çfarë kërkon Rama nga Lulzim Basha

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono