dhuna

Johnny-Depp-Amber-Heard-Fight-Domestic-Violence-Confession-Audio-Recording-860x599-1.jpg
So Nila09:30 | 05/02/2020

Ekziston një regjistrim ku Amber Heard pranon se ka dhunuar ish-bashkëshortin e saj Johnny Depp.

Në incizim dëgjohet të thuhet nga aktorja: “Unë nuk mund të premtoj se nuk do të bëhem e dhunshme sërish nga ana fizike, bëhem aq e çmendur sa nuk kontrolloj dot nervat”.

Ndërkohë, Depp i është lutur t’i japë fund dhunës fizike, situatë që e ka detyruar ҫiftin të shkojnë në një terapi për të diskutuar martesën e tyre.

Sipas “Daily Mail” në incizim dëgjohet edhe Jonny, i cili kërkon të zgjidhin problemet sepse ai e do dhe nuk ka ndërmend ta lërë Amber./abcnews.al

 

dhunohet-italianja.jpg
nev ila09:26 | 29/01/2020

Policia e Lezhës ka arrestuar një 54 vjeçar i cili dhunonte gruan dhe e kërcënonte se do ta vriste.

54 vjeçari nga Dragusha e Lezhës ushtronte dhunë fizike dhe psikologjike në mënyrë sistematike ndaj bashkëshortes së tij e cila ditën e djeshme ka njoftuar policinë.

Nga kontrolli i ushtruar në shtëpinë e 54 vjeçarit policia sekuestroi një armë zjarri dhe disa fishekë.

Me ndryshimin e Kodit Penal 54 vjeçari rrezikon dënim deri në 7 vjet për armëmbajtje pa leje.

Njoftimi i policisë:

“Lezhë

Policia parandalon një ngjarje rë rëndë kriminale në familje

Ushtronte  dhunë fizike dhe psikologjike ndaj bashkëshortes dhe e kërcënonte se do ta vriste por arrestohet në flagrancë nga Policia

Sekuestrohet një armë zjarri dhe municion luftarak

Specialistët  e Seksionit për  Hetimin e  Krimit në Komisariatin e Policisë Lezhë  arrestuan në flagrancë shtetasin B. L.,54 vjeç, banues në Dragushë, Lezhë

Ky shtetas në banesë, në mënyrë sistematike ushtronte  dhunë fizike dhe psikologjike ndaj bashkëshortes së tij duke e kërcënuar se do ta vriste me armë zjarri,   e cila mbrëmjen e djeshme ka njoftuar Policinë.

Shërbimet e Policisë kanë shkuar menjëherë në  banesën e shtetasit B.L.,  ku gjatë  kontrollit gjetën dhe sekuestruan një armë zjarri tip “Pushkë” dhe 19 copë fishekë

Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje”, ku me ndryshimet e fundit në Kodin Penal, mbajtja e armëve në automjete,në banesë apo në mjedise publike, pa lejen e organeve kompetente shtetërore, dënohet me burgim deri në 7 vjet”./abcnews.al

dhune-ne-familje.jpg
nev ila10:38 | 28/01/2020

Policia e Fierit ka njoftuar se ka arrestuar në flagrancë dy persona nën akuzën e dhunës në familje dhe përndjekjes.

Të dy personat, një 40 vjeçar dhe një 44 vjeçar kanë ushtruar dhunë në mënyrë të përsëritur, në sy të fëmijëve, ndaj bashkëshorteve të tyre.

Dhuna në familje kohët e fundit është kthyer në një problem kryesor për policinë e shtetit pasi janë shtuar rastet e tilla në zona të ndryshme të vendit.

Njoftimi i policisë:

“Fier

Ushtrojnë dhunë ndaj bashkëshorteve të tyre, arrestohen në flagrancë nga policia.

Specialistët për Hetimin e Krimeve në Komisariatin e Policisë Fier, arrestuan në flagrancë shtetasit:

  • A. Th., 40 vjeç, banues në Lushnje.

Arrestimi i këtij shtetasi u bë pasi ka përndjekur bashkëshorten e tij, shtetasen B. TH., 40 vjeçe, banuese në Fier (të cilët janë në proces divorci) si edhe ka kërcënuar djalin e tyre të mitur 13 vjeç.

  • I. M., 44 vjeç, banues në Fier.

Arrestimi i këtij shtetasi u bë pasi në mënyrë të përsëritur ka ushtruar dhunë fizike dhe psikologjike në prani të fëmijëve të tyre të mitur ndaj bashkëshortes së tij, shtetases A. M., 30 vjeçe.

Materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje” dhe “Përndjekja””, thuhet  në njoftimin e policisë./abcnews.al

policia-sarande.jpg
nev ila23:38 | 20/01/2020

Mbrëmjen e sotme u publikua rasti i një gruaje nga Saranda që dhunon barbarisht të bijën e saj për shkak se nuk ka larë enët apo se ka dalë të luaj me shoqet.

Videoja e dhunës u publikua në emisionin “Fiks Fare” dhe menjëherë pas transmetimit të pamjeve, policia e Sarandës thotë se ka shoqëruar shtetasen me iniciale E.M, 41- vjeçe, banuese në Sarandë.

Njoftimi i policisë:

Në lidhje me rastin e publikuar mbrëmjen e sotme në emisionin investigativ “Fiks Fare”, ku bëhej fjalë për dhunë e ushtruar nga mamaja ndaj vajzës së saj të mitur, menjëherë Policia ka bërë shoqërimin e shtetases E.M., 41 vjeçe, banuese në Sarandë, për veprime të mëtejshme.

Në bashkëpunim të ngushtë me Prokurorinë e Sarandës, vijojnë veprimet për sqarimin dhe zbardhjen e rrethanave në lidhje me rastin konkret./abcnews.al

Mal.jpg
Igli Nikolli10:54 | 12/01/2020

Dhuna nuk njeh kampionat, fushë apo shtet. Kësaj radhe ka ndodhur në Maltë dhe një lojtar e ka ekzagjeruar dhe bërë baltë. Antoine Camilleri është ndëshkuar me karton të kuq nga arbitri kryesor dhe e ka humbur fare.

Lojtari i Sannat FC i është turrur kryesorit, por shokët e skuadrës kanë ndërhyrë dhe kanë e kanë frenuar. Në momentin që dukej sikur u qetësua, ai ka sulmuar me grushte arbitrin anësor. Reagim i dhunshëm dhe skena të turpshme.

Camilleri ka filluar t’i ofendojë të gjithë sipas raportimeve të TVM përpara se të dhunonte arbitrin anësor, të cilin e ka lënë të shtrirë në tokë. Siç dallohet në video, Camilleri e ka humbur totalisht dhe është e pamundur për ta qetësuar. /abcnews.al

Shkumbini-1.jpg
Veronik Istrefaj10:31 | 27/12/2019

Janë publikuar nga Federata Shqiptare e Futbollit vendimet e Komisionit të Apelit dhe ekipi i Shkumbinit nuk është falur. Në takimin kundër Dinamos, gjyqtari Sokol Bebja u dhunua fizikisht dhe Disiplina dënoi ashpër Shkumbinin.

Dënimi që mori Shkumbini, me datë 19 dhjetor 2019

1- KF Shkumbini, për dështim në përmbushjen e përgjegjësive në organizimin e ndeshjes kundër KF Dinamo, duke mos zbatuar rregullat e sigurisë dhe duke mos garantuar sigurinë e zyrtarëve të ndeshjes dhe zbatimin e ligjit si dhe kërcënimin e zyrtarëve të ndeshjes, në bazë të nenit 10/1/o, 31, 57/2, 63/1/b, 63/1/c, 63/1/e, 64/1, 62/2 dhe neni 65 të KDS dënohet me përjashtimin nga çdo aktivitet futbollistik për sezonet 2019-2020 si dhe gjobë në masën 1.000.000 leke. Në bazë të nenit 116 të KDS, gjoba të aplikohet në masën 50%.

Ekipi nga Peqini nuk e pranoi këtë vendim dhe apeloi. Sot, Komisioni i Apelit hodhi poshtë apelimin e klubit dhe la në fuqi dënimin fillestar, duke i dhënë një goditje shumë të rëndë skuadrës së Kategorisë së Parë.

Vendimet e Komisionit të Apelit (27.12.2019)

1- Lënien në fuqi të vendimit Nr. 17 të Komisionit të Disiplinës, datë 19.12.2019 (pika 1).

2- Kundër këtij vendimi lejohet ankim në Gjykatën e Arbitrazhit Sportiv (CAS/TAS), Lozanë Zvicër.

shulku-air-albania.jpg
Vladimir Prenga22:30 | 26/12/2019

Dhuna dhe stadiumet, temë tjetër e diskutuar në Pressing. Ilir Shulku, Sekretari i Përgjithshëm i FSHF, bën thirrje që të zbatohet ligji për personat që bëjnë shkelje, ndërkohë që në lidhje me infrastrukturën, ai thekson se nuk është detyrë e FSHF të ndërtojë stadiume. Qeveria dhe pushteti lokal duhet të ndihmojnë për diçka të tillë.

DHUNA DHE LIGJI I RI – “Nuk dua të flas për çështjen e Shkumbinit, e kanë apeluar dhe është çështje në proces. Klubet janë ndërgjegjësuar. Kemi pasur raste ku flitet për dënime individuale. Nuk kemi infrastrukturën për të siguruar identifikimin e personave, që më pas të mos lejohen të hyjnë në stadium. Klubet duhet ta kuptojnë që zyrtarët e ndeshjet janë të paprekshëm, pavarësisht vendimeve.

Ka komisione që i dënojnë. Kodi Penal është i qartë, Policia dhe Prokuroria duhet të zbatojnë ligjin. Të bëhen shembull, pasi kështu do të edukohen personat dhe klubet. Rastet nuk i ngjajnë njëri-tjetrit. Kemi pasur rastin e Tiranës, që janë dënuar persona të veçantë. Ne do ndjekim çdo rast.

Jemi të prirur të bëjmë të mundur që incidente të tilla të mos ndodhin, ose t’i minimizojmë. Nëse Prokuroria nuk i çon para drejtësisë këto persona, ne do kërkojmë që të behet diçka e tillë. Ligji ka dalë dhe është i qartë: kushdo që hyn në fushë dënohet. Në çdo rast”.

GJENDJA E STADIUMEVE – “Folëm në fillim për Arenën Kombëtaren. Po përfundon stadiumi i Kukësit. Në Fier është bërë një investim, se bashku me klubin Apolonia. Nuk është detyrë e FSHF që të investojë pambarimisht në infrastrukturën e gjithë klubeve. Është detyrë e klubeve, e bashkive. Sigurisht edhe me ndihmën tonë”.

“Në Kategorinë Superiore kushtet janë shumë të mira, kurse në Kategorinë e Parë dhe të Dytë lë për të dëshiruar. Kemi investuar, por nuk kemi fonde aq të mëdha sa të rregullojmë gjithë infrastrukturën e futbollit shqiptar. Meqë përmendet Lushnjën, stadiumi i Lushnjës është në kushte jo të mira. Do goxha investim. Infrastruktura e penalizon të mos luajë në shtëpi, nëse futet në Superiore”.

“Kostoja e ndeshjeve në Air Albania Stadium? Për t’u mbajtur stadiumi do goxha investim. Mirëmbajtja kushton shumë. Duhet të gjenerojë të ardhura. Zhvillimi i ndeshjeve të Superiores dhe aktivitetet e tjera janë të mirëpritura. Janë propozuar disa opsione. Pyesni Partizanin sa ka përfituar nga derbi. Kemi pasur një përqindje të ndarë në derbi. Ashtu u ra dakord. Ose mund të bëhet një pagesë fikse.

Nuk është e thënë që stadiumi të mbushet. Në derbi u shitën 19 mijë bileta. Me një menaxhim të mirë, që çdo klub duhet ta ketë, mund të ketë tifozë. Asnjë marrëveshje nuk ua penalizon anën financiare. Do jenë të ardhura plus për klubin”.

“Kombëtarja, ku do i luajë ndeshje? Patjetër do ketë ndeshje edhe në stadiumet e tjera. Shqipëria do të luajë në “Air Albania Stadium”. Nga rëndësia e ndeshjeve, nuk përjashtohet Elbasani dhe Shkodra. E kemi treguar edhe më parë diçka të tillë. Jemi kthyer në Elbasan, edhe pasi u bë ‘Loro Boriçi’. Stadiumet do përdoren edhe nga ekipet e tjera kombëtare, që janë shumë. Do përdoret edhe i Kukësit, pa asnjë diskutim”. /abcnews.al

linda-e-dhunuara.jpeg
nev ila09:36 | 26/12/2019

Gazetarja e “Abc News” Linda Karadaku, ka siguruar dëshminë tronditëse të një gruaje të dhunuar seksualisht, nga forcat serbe gjatë pushtimit të Kosovës në vitin 1999.

Dëshmia është pjesë e emisionit “Ballkan”, në të cilën gruaja dëshmon se janë përdhunuar për pesë ditë me radhë, pasi janë kapur robër nga forcat serbe në Kosovë.

Më tronditës është fakti se, gruaja tregon se janë dhunuar seksualisht nga serbët, në sy të burrave dhe fëmijëve, që ishin të pranishëm aty, ndërkohë që thekson se disa prej kriminelëve që i dhunuan, ishin persona që jetonin në të njëjtin fshat me ta.

“Jemi dhunuar për pesë ditë.  Aty kishte gra, fëmijë pleq dhe na dhunonine edhe në sy të fëmijëve. Ata që ishin nga zona jonë mbanin maska në fytyrë“, tregon gruaja në intervistën për emisionin “Ballkan”.

Intervista e plotë:

Viktima e dhunimit:Ka qenë 27 mars 1999, kur na mori policia serbe. Na kanë mbajtur si rob për 5 ditë. Aty ka qenë një numër i madh grash, burrash pleq e fëmijë. Aty serbët nuk kanë kursyer asgjë. Kanë kryer cdo lloj dhune mbi ne. Na kanë dhunuar në sy të fëmijëve, në sy të prindërve. Nuk kursyen asnjë, as vajzat e reja, as gratë dhe as të moshuarat. Na dhunuan e na plackitën, na morën gjithçka.

Linda Karadaku: A ju kanë dhunuar seksualisht?

Viktima e dhunimit: Po…

Linda Karadaku: Policët serbë?

Viktima e dhunimit:Po policët serbë dhe ata që kanë qenë më të njohur kanë patur maska në fytyrë. Ne i kemi njohur se kanë qenë të rrethit tonë aty, të rritur në Kosovë, ata kanë qenë me maska.

Linda Karadaku: Kjo ka ndodhur vazhdimisht gjatë gjithë atyre 5 ditëve?

Viktima e dhunimit:Po, ka ndodhur vazhdimisht.

Linda Karadaku:Ka ndodhur edhe në sy të fëmijëve?

Viktima e dhunimit:Po ka ndodhur edhe në sy të fëmijëve, në sy të prindërve por edhe në sy të burrave të grave.

Linda Karadaku:Pastaj ju kanë liruar?

Viktima e dhunimit:Pastaj na kanë liruar, por sepse tha dikush që të liroheshim. Ne në fakt na kishin marrë për të na ekzekutuar të gjithëve. I ndanë burrat prej grave. Aty u zhdukën 60 burra dhe nuk dihet asgjë për fatin e tyre, ndërsa ne na dëbuan në Shqipëri. Në fakt ishim duke menduar se po na conin në varreza masive sepse nuk i kemi njohur ato rrugë, por kur kemi parë flamurin shqiptar, aty kemi kuptuar se po shkonim në Shqipëri.

Linda Karadaku: Pastaj kaluat kufirin?

Viktima e dhunimit:Po pastaj kaluam kufirin ndërsa gjatë gjithë rrugës u keqtrajtuam.

Linda Karadaku: A ke folur me dikë nga familja për këtë që ju ka ndodhur?

Viktima e dhunimit: PO , kam folur me burrin.

Linda Karadaku: Të ka mbështetur?

Viktima e dhunimit: Po më mbështeti.

Linda Karadaku: Burri nuk ka qenë me ty kur ju morën serbët?

Viktima e dhunimit: JO nuk ishte me mua. Ai ishte ushtar, e dinte se cfarë kishte ndodhur aty pasi kishte 3 vëllezërit dhe babain e tij aty.

Linda Karadaku: Besoj se ju shihni lajme, e shihni cfarë thotë Vucic edhe në Beograd? Po e mohojnë që kanë ndodhur krime lufte në Kosovë. Po  mohojnë Recakun dhe të tjerat.

Viktima e dhunimit: Vucic e ka të lehtë ta thotë i ulur në karrige. Ato gjëra nuk i mohon dot askush. Masakrat i kanë parë të gjithë, OSBE, e të tjerë, si duan ti mohojnë?

Linda Karadaku: Nëse ju që e keni vuajtur vetë dhunën seksuale gjatë luftës, nëse do e kishit Vucicin përballë cfarë do ti thonit?

Viktima e dhunimit: Nëse do e kisha përballë… nuk e di …për të folur dicka jo por mbase do i prisja kokën me brisk..Edhe pse ska qenë personalisht ai vetë por duke e parë që bën gjithë këto manipulime, duke i mohuar të drejtat tona….Ne kemi qenë në vendin tonë, nuk kemi shkuar në Serbi, të shkelim të drejtat e tyre. Ajo që është bërë në Kosovë në asnjë luftë nuk bëhet.

Linda Karadaku: Si ka vazhduar jeta juaj pas kësaj?

Viktima e dhunimit: Shumë keq, pas dhunës seksuale mbeta shtatzënë dhe abortova, e abortova në mënyrë private jo te mjekët. Rrezikova jetën me këtë por falë zotit burri më ka mbështetur. Pastaj gjeta një organizatë dhe prej 2002 falë tyre, jam krejt tjetër njeri. Megjithë rrethanat, thashetheme të njerëzve, të rrethit të afërt.. sdi cfarë të them, shumë e vështirë ka qenë. Po tani jam shumë mirë megjithëse më ka mbetur një lloj traume, sa herë përmendet, sa herë shohim lajmet, që nuk po bëhet asgjë, që kriminelët akoma janë të lirë…ndihemi keq.

Linda Karadaku: Ju i keni njohur një pjesë të atyre që ju dhunuan?

Viktima e dhunimit: Po, po i kemi njohur. Shumë njerëz i kanë njohur. Burrat kanë dhënë edhe dëshmi në Hagë, s’kanë marrë parasysh asgjë. Aty kanë qenë edhe burra të zhdukur…

Linda Karadaku: Nuk janë gjetur?

Viktima e dhunimit: JO, asnjë nuk është gjetur. Aty flitet edhe për një vajzë që është zhdukur. Ka patur edhe vende të tjera, është gjetur varri masiv afër shkollës aty me vajza. Asgjë nuk është bërë. Kemi bërë denoncime në eulex dhe prapë se prapë Eulex dëshmitë tona i ka cuar në Serbi. Ne kemi pritur që Eulex të na mbështesë ndërsa ata mbështesin Serbët. Këta kanë ardhur tek ne, me rrogat majme dhe përkrahin Serbinë.

Krimet e luftës dhe dhunimet në veçanti, bëhen që ta mposhtin njeriun, megjithatë ju e keni vazhduar jetën, e keni gjetur forcën që ta vazhdosh jetën. Keni një familje shumë të bukur që të do dhe të respekton, pavarësisht nga cfarë ka ndodhur, të kanë mbështetur me të gjitha.

Viktima e dhunimit: Po më kanë mbështetur me të gjitha por kam vuajtur me shëndetin. Jam me diabet, me tension por të gjitha i tejkaloj për familjen, kam nipër e mbesa tani që ma mbushin plotë shtëpinë.

Linda Karadaku: Dmth ata nuk fituan mbi ty…

Viktima e dhunimit: JO, mua jo por shumica e grave shqiptare nuk kanë mundur të fitojnë. Ato akte u bënë për të mposhtur moralin e shqiptarëve e përballë kësaj më përpara do vdekjen. Tani jemi gjallë, mundemi të dëshmojmë. Urojmë të vijë koha që të kapën ata kriminelë, ata janë të lirë, fshihen në Malin e Zi, kanë bërë biznese.

Linda Karadaku: A keni një mesazh për gra dhe vajza që kanë përjetuar përvojën tuaj të dhimbshme ?

Viktima e dhunimit: Po kam shumë mesazhe, të mos ngurojnë të flasin. Ne jemi shqiptare, jemi nëna, jemi motra bija të dikujt. Edhe familjarët duhet ti përkrahin, nëse nuk kanë mundur ti mbrojnë, atëherë duhet të thonë shyqyr që kanë shpëtuar gjallë. Ka qenë një dobësi shumë e madhe atë kohë, ka patur burra që i kanë lënë gratë dhe u kanë marrë fëmijët, ky ka qenë krim edhe më i madh. Si mund tja marrësh fëmijët një nëne dhe e hedh në rrugë?! Këta burra i kam dënuar. Ata nuk e dinë se në atë vend nuk mundesh të mbrohesh. Si ja merr fëmijët dhe e hedh në rrugë, ata e dinë se këto gra për ata fëmijë mbijetuan për ti mbrojtur. Këta lloj nuk janë burra, janë të dobët. Ka patur edhe vajza që kanë qenë të fejuara dhe kur janë dhunuar nga serbët, janë braktisur nga të fejuarit e tyre, këta lloj janë burreca dhe jo burra!

Linda Karadaku: Ju falenderoj shumë…/abcnews.al

dhuna-ne-argjentine.jpg
Vladimir Prenga12:54 | 19/12/2019

Ajo që ndodhi në Teuta-Partizani nuk është asnjë para asaj që ka ndodhur në Argjentinë, në një ndeshje futbolli që degjeneroi në sherr masiv. Shkak është bërë një ndërhyrje e rëndë, që u pasua me grushte të shumta.

Bëhet fjalë për një ndeshje të nivelit amator dhe pamjet janë me të vërtetë të turpshme. Lojtarët tregohen të papërmbajtshëm dhe për disa minuta ishte e pamundur të ndalej dhuna. Pamjet kanë publikuar online dhe shikohet qartë çfarë katrahure është krijuar. /abcnews.al

PEQIN.jpg
Igli Nikolli19:52 | 14/12/2019

Sot u rikthye dhuna në futbollin shqiptar. Ndeshja e Kategorisë së Parë mes Shkumbinit dhe Dinamos u mbyll në barazim 1-1, rezultat që u prit keq në kampin vendas. Skenat e dhunës u rikthyen në Peqin dhe arbitri Sokol Bebja u sulmua në mes të fushës.

Shoqata e Arbitrave ndihet e shqetësuar nga dhuna dhe shpreh indinjatën e thellë për ngjarjen e turpshme të ndodhur ditën e sotme. Kjo shoqatë ka një kërkesë për Policinë e Shtetit dhe shpreson që përgjegjësit të arrestohen sa më shpejt.

REAGIMI I PLOTË

Shoqata e Arbitrave e indinjuar nga dhuna ndaj arbitrit Sokol Bebja në Peqin. Shoqata e Arbitrave shpreh sot shqetësimin dhe indinjatën e thellë lidhur me dhunën e ushtruar ndaj arbitrit Sokol Bebja, gjatë ndeshjes Shkumbini-Dinamo në Peqin. Shoqata e konsideron të turpshme dhe të papranueshme hyrjen e agresorëve në fushën e blertë ku duhet të luhet vetëm futboll dhe dhunimin e paprecedentë të një arbitri.

Shoqata shpreh indinjatën e thellë për këtë ngjarje të rëndë e të dënueshme me ligj. Gjithashtu, Shoqata e Arbitrave kërkon nga policia e shtetit arrestimin urgjent të dhunuesve dhe nxjerrjen para gjykatës si dhe marrjen e masave për garantimin e punës dhe sigurisë së arbitrave. Shoqata e Arbitrave solidarizohet me arbitrin Sokol Bebja dhe i uron shërim të shpejtë“. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono