detyre

kpk123.jpg
G. P.10:11 | 18/07/2018

Komisioni i Pavarur i Kualifikimit rikonfirmoi në detyrë prokuroren e Tiranës, Antoneta Sevdari. Seanca dëgjimore me prokuroren Sevdari u zhvillua dje, pasi kjo prokurore u verifikua me përparësi për shkak të kandidimit të saj në Këshillin e Lartë të Prokurorisë. Sevdari ka rezultuar e pastër në verifikimin e tre komponentëve, pasurinë, figurën dhe aftësitë profesionale.

Sipas raportit të ILDKPI, deklarimi i prokurores Antoneta Sevdari është i saktë. Ajo ka burime të ligjshme pasurie. Pjesë e pasurisë është një tokë are 350 m2 në bashkëpronësi të bashkeshortit dhe familjarëve të tij, ndërsa nga puna e bashkëshortit në emigracion ka një apartament prej 96 mijë euro, me të ardhura të justifikuara.
Në kontrollin e figurës, sipas Drejtorise se Sigurimit te Informacionit te Klasifikuar, prokurorja Antoneta Sevdari rezultonte e përshtatshme për vijimin e detyrës. Edhe në lidhje me aftësitë profesionale u paraqit një raport pozitiv nga Prokuroria e Përgjithshme./abcnews.al

kostaq-beluri.jpg
G. P.12:08 | 12/07/2018

Ndërkohë po sot, Komisioni i Pavarur i Kualifikimit konfirmoi në detyrë prokurorin e Prokurorisë së Përgjithshme, Kostaq Beluri. Trupa gjykuese përbëhej nga Olsi Komici, Lulzim Hamitaj dhe Brunilda Bekteshi.

Në seancën e kaluar dëgjimore, trupa deklaroi se prokurori Beluri kishte pushuar një çështje për korrupsion ndaj gjyqtarit Admir Thanza. KPK ndërkaq vendosi që procedimi penal ndaj Admir Thanzës të shkojë për inspektim pranë institucionit kompetent, për të parë nëse ka pasur apo jo shkelje.

Kurse për shtyllat e tjera të Vettingut, sipas KPK, prokurori Beluri ka qenë në përputhje me ligjin. Ai  ka bërë deklarime të sakta të pasurise dhe pasuritë e tij janë të justifikuara. Edhe nga raporti i Drejtorisë së Sigurimit të Informacionit të Klasifikuar, ai rezulton i përshtatshëm për vazhdimin e detyrës.

Gjithashtu pozitiv ishte edhe raporti i Prokurorisë së Përgjithshme për aftësitë profesionale./abcnews.al

gjytarja.jpg
G. P.10:45 | 11/07/2018

Komisioni i Pavarur i Kualifikimit shkarkoi nga detyra gjyqtarin e Gjykatës Tiranë, Artan Lazaj. Përmes avokatit gjyqtari paralajmëroi ankimimin e këtij vendimi në Kolegjin e Posaçëm të Apelimit.

Gjyqtari i Gjykatës së Tiranës, Artan Lazaj, rezultoi ngelës në procesin e vettingut. Sipas këtij vendimi, pas hetimit të thelluar të bërë nga ana e Komisionit të Pavarur të Kualifikimit dhe shqyrtimit të pretendimeve të gjyqtarit, Lazaj u vlerësua si i papërshtatshëm për sistemin.

Verdikti u dëgjua nga vetë gjyqtari, i cili nuk pranoi të flasë për mediat. Për avokatin e tij, Sokol Hazizaj, vendimi ishte i papritur, por theksoi se do ta ankimojë në Kolegjin e Posaçëm të Apelimit.

Gjatë seancës dëgjimore, KPK listoi si pasuri të Lazes dy apartamente në Tiranë, një në Vlorë të trashëguar nga i ati dhe një në Bulqizë, të trashëguar nga vjehrri, një truall në Porto Palermo dhe një automjet “Mercedes-Benz”. Sipas komisionit ishin konstatuar parregullsi në sigurimin e ketyre pasurive.

Në nisje të procesit Lazaj kërkoi përjashtimin e trupës gjykuese të çështjes e më tej të anëtares Brunulda Bekteshi për papajtueshmëri, kërkesa që iu refuzuan./abcnews.al

kpa.jpg
G. P.12:28 | 01/06/2018

Fatos Lulo, ish -gjyqtari i Kushtetueses, kërkon një seancë dëgjimore me dyer të hapura në Kolegjin e Posaçëm të Apelimit. Lulo ka ankimuar vendimin e 23 marsit të KPK, që e shkarkoi nga detyra për mosjustifikim të pasurisë. Ish-gjyqtari i Kushtetueses ka depozituar një kërkesë para Kolegjit të Posaçëm të Apelimit që shqyrtimi i ankimit të bëhet në një seancë me dyer të hapura. Burime pranë Kolegjit të Posaçëm të Apelimit bënë të ditur se në rastet e ankimit nga subjekti i rivlerësimit, ligji nuk përcakton qartë nëse seanca është publike apo jo.

Në ankimin e bërë në Kolegj, Lulo kërkon prishjen e vendimit të Komisionit të Pavarur të Kualifikimit dhe rikthimin e tij në detyrë./abcnews.al

kld.jpg
G. P.12:05 | 14/05/2018

Magjistratët e rinj i kanë drejtuar një letër KLD-së dhe Prokurores së Përgjithshme të Përkohshme, Arta Marku, përmes së cilës u kërkojnë këtyre institucioneve të ushtrojnë kompetencat kushtetuese për emërimin e tyre në detyrë.

Magjistratët e rinj bëjnë të ditur në letrën e tyre se në 30 Qershor, ata ndërpresin marrëdhënien me shkollën e magjistraturës.

Sipas ndryshimeve ligjore pas reformës në drejtësi, magjistratët duhet të emërohen nga  Këshilli i Lartë i Prokurorisë dhe Këshilli i Lartë Gjyqësor.

Por për shkak të vonesave të procesit të Vettingut për trupën e gjyqtarëve dhe prokurorëve, këto dy institucione të reja të sistemit të drejtësisë nuk janë ngritur ende./abcnews.al

edi-paloka-1.jpg
G. P.16:08 | 09/05/2018

Për lirimin e kreut të krimeve të rënda reagoi Partia Demokratike përmes nënkryetarit Edi Paloka. Në një postim në Facebook, Paloka shkruan se çështja u zgjidh pasi prokurori i Krimeve të Rënda që 6 muaj më parë kërkoi arrestimin e Tahirit, sot u shkarkua.

“Gjashtë muaj më parë u sulmuan e kërcënuan nga kazani dhe deputetët e Ramës. I sulmuan si “tropojanë” dhe i kërcënuan publikisht me Vettingun. Sot ka ardhur akti i fundit. Gjithçka e paralajmëruar nga PD po vërtetohet pikë për pikë. Rama kapi prokurorinë pikërisht për të shpëtuar Tahirin dhe kokën e tij. Vettingu nuk po përdoret për të pastruar drejtësinë, por si mjet presioni ndaj prokurorëve dhe gjyqtarëve. Ky ështeë fundi”, përfundon qëndrimin nënkryetari demokrat, Edi Paloka./abcnews.al

besim-hajdarmataj123445678.jpg
G. P.15:42 | 09/05/2018

Prokurorja e Përgjithshme e Përkohshme, Arta Marku, ka larguar nga detyra kreun e Prokurorisë së Krimeve të Rënda, Besim Hajdarmataj. Në vend të tij është emëruar Donika Prela, e cila prej disa muajsh ka drejtuar Prokurorinë e Durrësit.

Besim Hajdarmataj nuk do të jetë më drejtues i Prokurorisë se Krimeve të Rënda. Prokurorja e Përgjithshme, Arta Marku, ka caktuar në këtë detyrë kryeprokuroren e Durrësit, Donika Prela.

Në njoftimin e Prokurorisë së Përgjithshme thuhet zyrtarisht se, “Emërimi i znj. Donika Prela si kreu i Krimeve të Rënda, do të sjellë ndryshim në drejtim të rezultatit të ndjekjes penale më të shpejtë dhe më të efekshme të çështjeve me përparësi të lartë. Ndjekja penale e krimit dhe korrupsionit, mbetet prioritet më i lartë i kryeprokurores”.

Besim Hajdarmataj, i cili mbetet me detyrën e prokurorit tek Krimet e Rënda, është një nga prokurorët e çështjes në hetim ndaj ish-ministrit të Brendshëm, Saimir Tahiri.

Burimet bënë të ditur për ABC News gjithashtu se Donika Prela, në Prokurorinë e Durrësit ka pasur në dorë dosjen e hetimit ndaj ish-Prokurorit të Përgjithshëm, Adriatik Llalla, dosje e cila nga Durrësi i ka kaluar për kompetencë Prokurorisë së Krimeve të Rënda.

Ndërkohë, vendin e Donika Prelës në krye të Prokurorisë së Durrësit do ta zërë Anila Jella. Prela është prokurore karriere dhe mori drejtimin e Prokurorisë së Durrësit, pak muaj më parë, pas ardhjes së Arta Markut në krye të organit qendror të akuzës.

Ndërsa Besim Hajdarmataj ishte emëruar drejtues në Prokurorinë e Krimeve të Rënda me firmën e Adriatik Llallës në Maj 2016. Më parë, ai ka qenë prokuror në Tropojë dhe në Krujë./abcnews.al

skenderbeu-11-1280x720.jpg
G. P.19:49 | 14/03/2018

Skënderbeu respektoi garën në ndeshjen e Superligës të luajtur në Durrës. Barazoi në minutat e fundit duke bërë që Teuta të mbetet seriozisht e rrezikuar për të rënë nga kategoria

Në Durrës gara u nderua, por skuadra vendase u rrezikua. Skënderbeu nuk lejoi të hidheshin edhe më shumë dyshime në një kampionat të tronditur nga arbitrimet, duke i hequr Teutës fitoren nga dora në minutat e fundit.

Kryesuesit e Superligës, thuajse të shpallur kampionë, mund të pranonin edhe një humbje për t’i bërë nder durrsakëve që rrezikojnë të bien nga kategoria, por nuk e bënë.

Nuk dihet se çfarë ndikoi, karakteri i dyshes së stolit Daja-Mema, apo marrëdhëniet jo të mira mes drejtuesve të dy klubeve, por fakt është se Teuta mbeti 4 pikë prapa Vllaznisë, sërish kandidate kryesore për në Kategorinë e Parë.

Të dyja skuadrat luajtën fort në “Niko Dovana”, duke pasur raste, ndonëse golat erdhën vetëm në pjesën e dytë.
Një penallti u dha menjëherë për Teutën dhe Hila nuk gaboi, ndërsa më pas sërish pati raste në të dyja portat.

Pasi u dhanë 3 minuta shtesë, Xhejms Adeniji shtangu vendasit me golin në minutën e 92-të. Në Vlorë, gjithashtu pati barazim dhe sërish Flamurtati pati pretendime ndaj gjyqtarëve. Kundër vlonjatëve u dha një penallti, në favor të Kamzës, dhe një karton i kuq për mbrojtësin Bicaj. Raçiç kaloi Kamzën në epërsi me penallti, ndërsa vendasit barazuan me golin e afrikanit Sidibe.

Më pas, Plaku shfrytëzoi epërsinë numerike duke kaluar sërish në epërsi Kamzën e trajnerit Ndreu, por në fund u dha edhe një penallti në favor të vlonjatëve dhe Zhufo nuk gaboi.

Përsa i përket renditjes, Teuta ka tani 23 pikë, ndaj 27 të Vllaznisë, ndërsa Skënderbeu u shkëput edhe më shumë, duke pasur tani 57 pikë ndaj 42 të Kukësit që u mund në fushën e Luftëtarit.

Flamurtari, ndërkaq, është plotësisht i rrezikuar për kualifikimin në Europë, duke pasur 37 pikë, po aq sa Luftëtari në vend të tretë, ndërsa Partizani ka 36 e Kamza 34.

vlcsnap-error036-1-1280x720.jpg
G. P.21:11 | 05/02/2018

Një detyrë e re e pret. I shoqëruar nga ai që e ka propozuar, ministri i Brendshëm, Fatmir Xhafaj, nga kjo e hënë, Ardi Veliu është Drejtori i Përgjithshëm i Policisë së Shtetit.

Angazhimin e ri thotë se e ka marrë me përgjegjësi, por edhe me shumë emocion, të cilin nuk mundi ta fshehë.

Ardi Veliu: “Kjo është një ditë shumë e veçantë për mua. Sot më është besuar detyra e rëndësishme e Drejtorit të Përgjithshëm të Policisë së Shtetit.
Çdo oficer policie e ëndërron këtë detyrë dhe nuk dua ta fsheh, e kam menduar dhe unë
Por sot, e shoh si sfidën e jetës sime, përgjegjësi ndaj qytetarëve dhe atyre që ma besuan këtë detyrë”.

Sipas Drejtorit të ri të Përgjithshëm të Policisë së Shtetit, uniformat blu kanë nevojë për një ritëm të ri, më dinamik për të përballuar sfidat.

Emërimi i Ardi Veliut u firmos këtë të hënë nga Kryeministri Edi Rama.

Ai më parë mbante postin e drejtorit të Policisë Tiranë.

Në një konkurs të zhvilluar pak ditë më parë për zëvendësuesit e ish-drejtuesit të këtij posti, Haki Çakos, Veliu doli i pari në listë, ku iu dha dhe grada “drejtues i parë” pasi mori pikët maksimale. Kujtojmë që posti mbeti vakant pas shkarkimit në fillim të muajit Janar të Haki Çakos nga detyra e Drejtorit të Përgjithshëm i Policisë së Shtetit. Pas një periudhe prej më pak se 3 vjetësh në krye të uniformave blu, drejtues madhor, Haki Çako, u lirua nga detyra nga Këshilli i Ministrave me propozim të ministrit të Brendshëm, Fatmir Xhafaj.

Ish-Drejtori i Drejtorisë Vendore të Policisë Tiranë, Drejtues Ardi Veliu, ka lindur në 2 Mars të vitit 1972 në Delvinë. Nga viti 1987 deri në vitin 1991, kreu shkollën e mesme ushtarake “Skënderbej”, ndërsa nga viti 1991 deri në vitin 1993 ka vazhduar studimet në Akademinë Ushtarake “Skënderbej”, në Tiranë. Nga muaji Janar i 1994 deri në Qershor 1998 kryen studimet në Akademinë e Policisë në Ankara – Turqi.

Krahas këtyre studimeve, diplomohet edhe në Fakultetin e Manxhimit të Biznesit, Universiteti “Ismail Qemali”, Vlorë, studime të cilat i kreu në vitet 2003 -2007 pa shkëputje nga puna. Eshtë diplomuar gjithashtu edhe në Bachelor Fakulteti Juridik.

KARRIERA PROFESIONALE
Komandant i “Postës së Policisë”, Memaliaj, Tepelenë (1998-1999)
Shefi i Policisë së Rendit, Vlorë (1993-2002)
Shefi i sektorit të “Policisë me Uniformë”, Drejtoria e Policisë, Vlorë (2002-2004)
Shefi i sektorit të Rendit, Drejtoria e Policisë, Vlorë (2004-2006)
Shefi i komisariatit të Policisë, Durrës (2013-2014)
Zëvendësdrejtor për Sigurinë, Drejtoria e Policisë, Tiranë (2014-2015)
Drejtor i Kolegjit të Policisë (2015 -2016)
Drejtor i Policisë Rrugore në Drejtorinë e Policisë së Shtetit (2016 –2017)
Nga data 28.04.2017 Drejtor i Drejtorisë Vendore të Policisë Tiranë.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono