detaje

ko-3-1.jpg
eri Ida17:07 | 18/02/2020

Policia e Kosvës përmes një deklarate për mediat ka konfirmuar para mediave se zyrtarja policore në Gjilan ka vrarë prindërit, vëllezërit  dhe më pas vetën. Në deklaratën për mediat zëdhënësi i Policisë në Gjilan, Ismet Hashani, ka folur pas tragjedisë që ndodhi sot atje e ku mbetën të vdekur 5 persona. Policja V.B vrau prindërit, më pas vëllezërit e në fund kreu vetëvrasje.

Ndërkohë prokurori i rastit Arben Kadriu, tha se vrasja nga policja V.B ka ndodhur me armë zyrtare.

“Dyshohet se një zyrtare policore në shtëpinë e saj ka vrarë nënën babën dhe dy vëllezërit dhe pastaj veten. Ishte zyrtare policore aktive dhe dyshohet se ka përdorur armën zyrtare. Për të gjitha detajet tjera iu informojmë ndërkohë sepse jemi duke e hetuar”, tha prokurori./abcnews.al

jan-prenga.jpg
nev ila13:34 | 29/01/2020

Vijojnë hetimet lidhur me gjetjen e trupit të 49-vjeçarit Jak (Jani) Prenga, i marrë peng 12 ditë më parë në qendër të Kamzës. Deri më tani, për pengmarrjen dhe vrasjen e tij Policia e Tiranës ka arrestuar 5 persona, i fundit i identifikuar si Festim Bexhdili 30 vjeç, banues në Kavajë.

Për këtë ngjarje të rëndë detaje të reja janë zbuluar ku, Prokuroria e Tiranës në bashkëpunim me policinë kanë sekuestruar kamerat e sigurisë, si të resortit të Hajrajve, po ashtu edhe të një biznesi përballë, ku është filmuar një fugon që qëndron për disa orë.

Burime për abcnews.al raportojnë se personat e arrestuar, kanë dalë nga resorti, me vegla pune, që dyshohet se kanë dalë për të bërë varrosjen e trupit të Jan Prengës.

Të përfshirë në këtë ngjarje janë persona me rrezikshmëri të lartë kriminale, që janë të përfshirë në trafikun e drogave të forta.

Gjithashtu burime për abcnews.al, kanë bërë me dije se, rrëmbimi i Prengës, është bërë për shkak se i vëllai që ndodhet në Angli, ka marrë një sasi të konsiderueshme lëndë narkotike, dhe nuk e ka dorëzuar në destinacion.

Ndërkohë përveç 5 personave të arrestuar janë shpallur në kërkim policor edhe disa presona të tjerë.

Prokuroria do të lexojë ditën e nesërme në Gjykatë, kërkesën për caktim të masës së sigurisë, ku do kërkojë “arrest në burg” për 5 të arrestuarit.

ABC News ka mësuar se janë shpallur në kërkim të dyshuarit si urdhëruesit e pengmarrës së Jan Prengës:

M.B, G.D K.G  këta të tre janë nga Shkodra, dhe D.R nga Vlora.

Vëllai i viktimës Astrit Penga, është përgjuar me urdhër të gjykatës penale të Tiranës, dhe bazë të përgjimeve, rezulton se ai ka komunikuar me familjarët, dhe u ka thënë se Jani është mirë, dhe droga është dorëzuar në destinacion, dhe po ashtu edhe të tjerët do të bëjnë dorëzimin e lëndës narkotike.

Gjithashtu pamjet kanë fiksur Jan Prengen duke e nxjerrë të zhveshur nga makina.

Astrit Prenga, vëllai i Janit, ka kërkuar që familjarët të mos bashkëpunojnë me Policinë.

Ngjarja u zbardh nga Policia e Shtetit dy ditë më parë, ku u dhanë detaje për operacionin që u zhvillua në Shijak.

49-vjeçari i rrëmbyer, si pasojë e goditjeve të marra në Kamzë dhe humbjes së gjakut ka ndërruar jetë rrugës për në resort, aty ku do mbahej peng.

Rrëmbimi i Prengës ka ndodhur si pasojë e një konflikti që një nga vëllezërit e viktimës ka pasur me pengmarrësit, si pasojë e prishjes së disa pazareve të drogës në Britaninë e Madhe, të cilëve do t’ju jepte 60 kilogramë kokainë.

Policia ka ndaluar të dyshuarit kryesorë për ngjarjen.

Bëhet fjalë për dy vëllezërit  Elton, Leonard dhe babain e tyre, Bajram Hajri, respektivisht 32, 35 dhe 64 vjeç dhe 36-vjeçarin Olsi Turja, të gjithë banues në Shijak.

Mbi të ndaluarit rëndojnë akuzat e “rrëmbimit të personit”, “fshehja e kufomës”, “moskallëzim krimi” dhe “pengimi i zbardhjes të së vërtetës. Në to shtohet edhe “armëmbajtja pa leje .

Pas rrëmbimit të 49-vjeçarit, pengmarrësit janë nisur menjëherë drejt resortit të Altin Hajrit për të mbajtur aty viktimën.

Të ndaluarve u janë sekuestruar armë zjarri, municione luftarake, aparate celularë, automjete dhe një shumë parash në euro./abcnews.al

pengu-1280x720.jpg
So Nila14:35 | 18/01/2020

Detaje të reja kanë dalë në dritë në lidhje me pengmarrjen Jak Prengës paraditen e së premtes në rrugën “London” në Kamëz.

Gazetari Andi Qosja bën me dije për abcnews.al se Prenga rezulton i regjistruar me letra edhe me emrin Jurgen dhe dyshohet se rrëmbimi ka të bëjë me mosshlyerjen e një borxhi që 49-vjecari i kishte marr personave që iu kishte blerë automjetin.

Kjo është një nga pistat më të forta që po hetohet nga policia e Tiranës.

Ngjarja ndodhi në orën 11:44, në rrugën “London”, në Kamzë të Tiranës, ku dëshmitarët u kanë treguar shërbimeve të Policisë se dy persona, të cilët dyshohet të kenë qenë të maskuar, kanë rrahur një person e më pas e kanë futur me forcë në makinë e janë larguar.

Ndërkohë dyshohet se autorët e rrëmbimit janë parë për herë të fundit në drejtim të Fushë Krujës në vendin e quajtur Ura  Gjoles./abcnews.al

 

devis.jpg
R D10:55 | 22/12/2019

Gjykata e Korçës vendosi sot të lërë në arrest me burg 18-vjeçarin Devis Hoti, i cili dyshohet se është autori i vrasjes së Flamur Duçit në fshatin Mbroje të Korçës, mëngjesin e 19 dhjetorit. Ai ka mohuar autorësinë e krimit, por prokuroria thotë se ka prova që e fajësojnë të riun.

Në dosjen e prokurorisë thuhet se “viktima është qëlluar 8 herë me thikë në pjesën e fytyrës dhe në zemër, më pas është djegur pjesërisht”. Autori i dyshuar është pyetur nga hetuesit për disa shenja që kishte në fytyrë dhe ka pretenduar se është rrëzuar në mal. Ndërsa prindërit kanë thënë se djali i tyre s’kishte shenja ditën e ngjarjes. Sakaq, ai është përgjuar në ambientet e paraburgimit, teksa fliste me xhaxhain, të cilit i ka kërkuar të pohojë se shenjat i janë shkaktuar, kur është rrëzuar në mal”.

Deklaratat e tij janë tërësisht kontradiktore thanë burime nga prokuroria, të cilët kanë dyshime të forta se autori i vrasjes është Devis Hoti, ndërsa vetë ai nuk e pranoi fajësinë në seancën për masën e sigurisë. Viktima, Flamur Duçi 45-vjeç është goditur me thikën që kishte në dyqanin ushqimor, në fshatin Mbroje të Korçës. Arma e ftohtë e krimit ende nuk është gjetur nga policia, ndërsa do të analizohen në laboratorin e kriminalistikës disa materiale biologjike të gjetura në vendngjarje. /abcnews.al

Lexo edhe:

Vrasja makabre e Flamur Duçit, gjykata lë në burg 18-vjeçarin

arjan-ndoja.jpg
ent ela20:27 | 07/11/2019

Prokuroria për krime të rënda ka marrë në duar disa nga dosjet gjyqësore të mbivendosjes së pronave në Durrës, ku janë të përfshirë edhe emra të njohur të botës së krimit. Në sitën e Prokurorisë për Krime të rënda, janë duke kaluar disa prona që dyshohet se i ka përvetësuar familja Muharremi.

ABC News zbulon detaje të reja nga hetimet për atentatin ndaj makinës së prokurorit Arjan Ndoj, pasditen e 1 nëntorit në mbikalimin e Shkozetit. Burime nga grupi hetimor bëjnë të ditur janë sekuestruar pamjet e kamerave të sigurisë se një biznesi fare pranë vendit të ngjarjes, ku duken qartë dy makinat nga të cilat është qëlluar si dhe automjetit me të cilin udhëtonin prokurori Ndoj, shoferi i tij andi Maloku dhe Pëllumb Muharremi, i njohur me nofkën “Rrumi i Sukthit.

Po sipas grupit hetimor, nga hetimet e deritanishme ka dalë se njëri nga kallshanikovët ishte bllokuar në momentin e atentatit. ABC Neës mëson gjithashtu se ne makinen Mercedes benz eshte gjetur nje tjeter gjume gishti qe nuk i perket Redjan Rrajes, kushëririt të deputetit socialist Rrahman Rraja.

Grupi hetimor ka marrë në pytetje të dashurën e Rrajës, me inicialet K.K., për të mësuar më tepër se ku ndodhej 35-vjeçari në momentin e atentatit.

Gjithashtu prokurorët Anton Martini dhe Besim Hajdarmataj, që po merren me hetimin e kësaj ngjarjeje, pistë kryesore kanë perplasjen e grupeve kriminale në Durrës për të zotëruar pronat në Gjirin e Lazit. Burime kanë bërë me dije për ABC News se prokurorët kanë në duar disa nga dosjet e proceseve gjyqësore për tjetërsimin e pronave në qytetin bregdetar, të cilat kanë pasur në thelb të tyre emra të njohur të botës së krimit të organizuar.

Në sitën e grupit të hetimit të Krimeve të Rënda, janë duke kaluar edhe disa prona që dyshohet se familja Muharremi i ka përvetësuar. Kryesisht janë prona shtetërore, por që rezultojnë të regjistruara në emrin e tyre. Gjithashtu po hetohen nga Krimet e Renda dosja për pronat e Palë Selcukut i cili pasi fitoi betejën gjyqësore me Bashkinë e Durrësit, ia shiti më pas pronën e tij prej 45 hektarësh “Rrumit”. Interesat e Selcukut janë mbrojtur në gjykatë nga bashkëshortja e prokurorit Arjan Ndoj.

Ndërkohë përsa i përket makinës së autorëve të atentati Mercedez Benz  ngjyre gri me targë AA 342 LM, autorët nuk kanë mundur ta djegin pasi gjatë atentatit ndaj prokurorit Ndoj dhe dy miqve të tij ata kanë vëne re se një makinë tjetër po i ndiqte nga pas.

Ky dyshim ka bërë autorët që ta braktisin makinën tip Benz në fshatin Shkafan të ishimit dhe të largohen. Organi i akuzës ka të arrestuarin e parë, Rredjan Rrajën, si të dyshuarin kryesor që qëlloi mbi automjetin e prokurorit duke plagosur 3 persona. Burimet thonë se Rraja është lokalizuar nga antenat e kompanive celulare shumë pranë zonës ku ka ndodhur atentati, të Premten e 1 Nëntorit. /abcnews.al

Redian-rraja-atentati-1280x720.jpg
ent ela19:38 | 07/11/2019

Është marrë në pyetje mikesha e Redjan Rrajës, i arrestuari si autor i dyshuar i atentatit ndaj makinës së prokurorit Ndoj.

Bëhet fjalë Kejvina Kthellën, një vajzë mjaft e njohur në botën e showbiz-it dhe modelingut.

Hetimet kanë zbuluar se modelja e njohur kishte miqësi me Redjan Rrajën, i cili u arrestua pak ditë më parë, në pikën kufitare të Hanit të Hotit, në tentativë për t’u larguar nga Shqipëria. /abcnews.al

gjergj-krygja-logo-1280x720.jpg
nev ila09:40 | 07/11/2019

Për vrasjen që ndodhi një ditë më parë në Dukagjin po hetohet në dy pista , në atë të shfrytëzimit të pyjeve dhe  të trafikut të drogës. Dyshohet se Gjergj Krygja merrej edhe me lëndë narkotike. Autorët mendohet se kanë lëvizur me një fuoristradë. Viktima mësohet se ka qenë një eksponent i partisë socialiste në zonën e Sumës.

Një banor i zonës së Sumës e ka gjetur të vrarë Gjergj Krygjen në derën e shtëpisë së tij. Ai ka njoftuar policinë nga e cila është mësuar se ekzekutuesi ka vepruar nga një distancë e afërt. Nuk përjashtohet mundësia që viktima  të njihej me autorin ose autoret e ngjarjes.

Nga burime të abc neës mësohet se një fuoristradë ka qarkulluar në zonë ditën e mërkurë dhe në të ndodheshin tre persona. Dyshohet se pas kryerjes së krimit mjeti është larguar me shpejtësi.

Të vetmet mjete që arrijnë të qarkullojnë në zonë janë makinat e larta  të cilat merren me furnizimin me dru. Duke shfrytëzuar motin e keq, autoret janë arratisur pa lënë gjurmë.

Gazetari i ABC Neës Simon Shkreli ka mësuar se për krimin po hetohet në dy pista. 43 vjeçari dyshohet se është vrarë për një konflikt për shfrytëzimin e lëndës drusore pasi Suma është nga zonat që shfrytëzohet më ë shumti kjo lëndë.

Sipas burimeve një pistë tjetër që po hetohet është edhe aktiviteti në kultivimin e lëndës narkotike, nëse viktima ka patur ndonjë konflikt për trafikant droge.

Policia mori në pyetje banorë dhe të afër të viktimës por nuk ka arritur të përvetësojë ndonjë detaj të rëndësishëm. Të afërmit kanë deklaruar se ai kishte shkuar në bjeshkë për të marrë zahiret e dimrit.

Policia është rikthyer sërish në vendngjarje për të gjetur prova të tjera që mund të kenë shpëtuar nga moti i keq.  Viktima  Gjergj Krygja ka qenë  eksponent i Partisë Socialiste në zonë ku në vitin 2015 së bashku me komisionerët tjerë është filmuar duke manipuluar votat në Qendren e Votimit 0092 e cila ndodhet në ambientet e shkollës 9 vjeçare në Bruçaj të Sumës, pjesë e njësisë administrative Pult të Dukagjinit.

Kjo është vrasja e dytë brenda një muaji në Shkodër, me 21 tetor në Shosh të Dukagjinit është vrarë me armë zjarri Lazer Arra, për këtë vrasje prokuroria ka akuzuar sit ë dyshuar kryesor djalin e xhaxhait të viktimës Marash Arra, ndërsa më pas ka ndryshuar akuzën nga vrasje me paramendim në mos kallëzim krimi./abcnews.al

porti-i-durresit.jpg
ad min18:32 | 09/10/2019

Autoritetet greke kanë dhënë detaje për zbulimin dhe sekuestrimin e rreth 700 kilogramëve kokainë, mes të cilëve edhe 137 kilogramë që u kapën në fund të Shtatorit në portin e Durrësit. Gjatë një konference për shtyp, të mërkurën pasdite, përfaqësues të policisë dhe të doganës kanë thënë se pastërtia e kokainës së dërguar nga Ekuadori ishte 85%.

Rrjedhimisht, ata kanë përllogaritur se vlera e drogës së sekuestruar i kalon 10 milionë eurot. Ata kanë zbuluar se ranë në gjurmë të ngarkesës, pas një sinjalizimi nga një shërbim i huaj doganor.
Menjëherë kontaktuan me zyrën e DEA-s në Athinë, si dhe me policinë shqiptare.

Droga e fshehur në konteinerët me banane është zbuluar në Selanik dhe në Pire, gjatë disa datave, që nga fillimi i Gushtit, duke përdorur ekzamiminin me rreze X-Ray. Në disa raste droga ishte fshehur brenda mureve të konteinerëve, e në disa raste të tjera në motorët e frigoriferëve.

Në vendet ku ishte fshehur kokaina, kishte edhe aparate GPS, me qëllim që dërguesit të dinin në çdo moment vendndodhjen dhe të njoftonin pritësit e ngarkesës.

Autoritetet greke e kanë cilësuar gjithë operacionin si një sukses të jashtëzakonshëm dhe kanë bërë të ditur se në pesë porte të vendit kanë instaluar aparate X-Ray, me qëllim që siç thanë t’u heqin çdo shans rrjeteve të krimit të organizuar që të përdorin portet greke për veprimtaritë e tyre të paligjshme./abcnews.al

ngjarjavlore-1280x720.jpg
nev ila09:52 | 07/10/2019

Policia e Vlorës ka zbardhur vdekjen e një personi në Vlorë pasditen e së dieles, duke sqaruar se ishte vrasje.  Ai eshte dhunuar nga tre persona, pas një konflikti në lagjen “1 Maji” të qytetit bregdetar. Viktima quhej Stavri Mino.

Të arrestuarit për ngjarjen në fjalë janë A. H, N.H dhe
A. Hameti.

Ngjarja dyshohet se ka ndodhur pas një grindjeje për pronat.

“Policia ka arrestuar në flagrancë për veprën penale “Vrasje me dashje” kryer në bashkëpunim të shtetasve: A.H., 48 vjeç, banues në Vlorë, N.H., 57 vjeç, banues në Vlorë, A.H., 56 vjeç, banues në Vlorë.

Këta shtetas në bashkëpunim me njëri-tjetrin në lagjen “1 Maji”, gjatë një konflikti për motive të dobëta kanë goditur fizikisht shtetasin S.M., 56 vjeç, për pasojë ka gjetur vdekjen”, sqaron policia sot.

Materialet iu referuan Prokurorisë në ngarkim të tyre për veprime të mëtejshme.

 

mediat-greke.jpg
ad min12:20 | 03/10/2019

Mediat greke publikojnë detaje të reja për sekuestrimin e 2.5 tonë drogë të llojit marijuanë nga Shqipëria. Sipas raportimeve të tyre, trafikantët ndiqnin lajmet për të ndryshuar itinerarin ndërsa droga fshihej nëpër shpella dhe shkëmbinj.

Droga e llojit marijuanë transportohej me tonelata vetëm nëse moti ishte me rrufe apo me erëra të forta. Trafikantët madje ndiqnin lajmet për të ndryshuar itinerarin e tyre nëse do të ishte e nevojshme.

Janë këto disa nga detajet e publikuara nga mediat greke për sekuestrimin e 2.5 tonë marijuanë që vinte nga Shqipëria për në Greqi. Droga transportohej me skafe të modifikuar në mënyrë që shpejtësia të ishte e lartë dhe fshihej në shpella dhe shkëmbinj, ndërsa në Turqi shkëmbehej me heroinë.

Dy skafet transportonin 2.5 tonë marijuanë nga Vlora për në Turqi ku do të shkëmbehej me 150 kilogramë heroinë. Ky ishte informacioni i mbërritur tek policia greke që më pas u kalua tek rojet bregdetare, të cilët filluan menjëherë kërkimet në det.

Arsyeja e këtij shkëmbimi është rritja e kërkesës për marijuanë në Turqi, ku një kilogram kushton deri në 4 mijë euro, ndërsa në Greqi kushton një mijë euro. Ndërsa heroina do të shitej në Greqi dhe në Europë ku dhe është më e shtrenjtë.

Në 25 Shtator të këtij viti, skafi i parë u identifikua dhe policia vuri në pranga tre shtetas shqiptarë. Skafi e kishte lënë marijuanën në brigjet turke dhe po kthehej me heroinën, e cila ishte hedhur në det gjatë ndjekjes nga policia.

Operacioni i policisë, dhe pse duhej të mbahej sekret, u dëshmua dhe me një video, duke vështirësuar lokalizimin e skafit të dytë, që ndodhi aksidentalisht. Në 29 Shtator pra katër ditë më vonë, skafi u gjet i ndaluar në breg.

35-vjeçari shqiptar u tha agjentëve të policisë se ishte emigrant i paligjshëm, por ata nuk e besuan. Nga hetimet rezultoi se ai ishte pikërisht skafi i dytë, dhe të nesërmen në një shpellë aty pranë u gjetën 1 ton dhe 127 kilogramë marijuanë e paketuar.

Skafet ishin të pajisura me sisteme të tilla për të mos u gjurmuar dhe kishin një furnizimi që i lejonte të udhëtonin deri në 6 ditë në det. Trafikantët zgjidhnin pikërisht ditë me mot të keq për të lëvizur dhe për këtë arsye udhëtimi i tyre nisi në 24 Shtator.

Ata komunikonin online me njëri tjetrin dhe monitoronin agjencitë e lajmeve për të përmirësuar itinerarin e tyre. Dhe pasi u sinjalizuan nga policia ata nuk ndaluan por kërkonin ishuj të vegjël ku të mund të fshiheshin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono