dështon takimi

BRUKSEL-TAKIMI-1280x720.jpg
ent ela21:26 | 08/11/2018

Takimi i radhës mes presidentëve Hashim Thaçi dhe Aleksandar Vuçiç ka përfunduar më shpejt nga sa mendohej. Sipas mediave kosovare, takimi i ndërmjetësuar nga shefja e Politikës së Jashtme Federika Mogerini është mbyllur pa një marrëveshje. I pari që ka dalë nga takimi ka qenë presidenti serb Vuçiç, i cili nuk është ndalur të flasë për mediat që e prisnin për një prononcim. Ndërsa presidenti Thaçi ka deklaruar se takimi dështoi për shkak të qëndrimit të homologut serb, i cili sipas tij ka qenë shumë arrogant. “Fjalimi i tij ishte agresiv dhe arrogant, ndërsa fokusi ynë ishte tek arritja e një marrëveshjeje të balancuar që do të nënkuptonte njohjen reciproke, anëtarësimin e Kosovës në OKB dhe zëvendësimin e rezolutës 12-44”, ka thënë Thaçi. Presidenti i Kosovës ka shtuar se shpreson që takimi i radhës të mbahet së shpejti dhe që Beogradi ta ndryshojë qasjen në mënyrë që të arrihet një marrëveshje. /abcnews.al

ITALI-TAKIM-1280x720.jpg
ent ela18:43 | 29/05/2018

Takimi mes kryeministrit në detyrë dhe presidentit të Italisë për listën e ministrave ka dështuar. Sipas mediave italiane, ka gjasa që Carlo Cottarelli të dorëzojë detyrën e marrë vetëm një ditë më parë. Në këto kushte, partitë bëjnë thirrje për zgjedhje të reja.

Kryeministri në detyrë i Italisë, Carlo Cottarelli është larguar në heshtje nga selia presidenciale pas bisedimeve kokë më kokë me kreun e shtetit. Cottarelli duhej t’i dorëzonte Mattarellës listën e ministrave një ditë pas marrjes së detyrës, por takimi duket se nuk ka qenë efikas. Sipas “Corriere della Sera”, palët nuk kanë rënë dakord mbi listën dhe do të takohen sërish mëngjesin e së mërkurës. Ndërsa “La Repubblica” thotë se ka gjasa që Cottarelli të heqë dorë nga detyra që ka marrë përsipër. Në këto kushte, partitë po bëjnë thirrje për mbajtjen e zgjedhjeve të reja. “Të jetë për mua, le të shkojmë sa më parë në votime”, ka thënë kryetari i Lëvizjes 5 Yjet, Luigi di Maio. Për 5 Yjet, mbajtja e një procesi të ri elektoral është edhe një detyrim ndaj italianëve. Edhe Partia Demokratike e majtë është shprehur e gatshme për votime të reja në korrik. Figurat kyçe të saj, Andrea Orlando dhe Lorenzo Guerini kanë deklaruar se do ta diskutojnë këtë opsion në kryesinë e partisë para se të bëhet votëbesimi i qeverisë Cottarelli. Pro zgjedhjeve të reja, sipas raportimeve të mediave italiane, është shprehur edhe kryetari i Ligës së Veriut, Matteo Salvini. Salvini është shprehur kritik ndaj presidentit Mattarella për refuzimin e emrit të Paolo Savonës në postin e ministrit të Ekonomisë. Sipas kryetarit të radikalëve, Savona ishte personi i duhur që trembi arrogancën ekonomike të Gjermanisë dhe Francës. Por një ditë më parë, Mattarella ia preu shkurt atij: Nuk pranoj diktat! – deklaroi kreu i shtetit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono