deshtimi

ERDOGAN-OKB-1280x720.jpg
ent ela23:36 | 25/09/2018

Në fjalimin e tij në Asamblenë e Përgjithshme, presidenti turk Erdogan ka akuzuar OKB-në se ka dështuar në zgjidhjen e konflikteve botërore. Duke fajësuar 5 vendet anëtare të Këshillit të Sigurimit, Erdogan ka shtuar më tej se, edhe vendosja arbitrare e sanksioneve ekonomike është e papranueshme.

Presidenti turk Recep Taip Erdogan ka deklaruar të martën në selinë e Kombeve të Bashkuara se organizata ka dështuar në zgjidhjen e konflikteve botërore, që kanë marrë mijëra jetë. Sipas Erdogan, veprimi me standarde të dyfishta ka çuar në krijimin e mosbesimit, në humbjen e sensit të drejtësisë dhe në dëshpërimin e mijëra personave. “Indiferenca ndaj vrasjes së fëmijëve i shërbeu terrorizmit në mbarë botën”, ka thënë Erdogan. Sipas tij, mungesa e veprimit në kohën e duhur ka bërë që zgjidhja e problemeve ndërkombëtare të bëhet më e vështirë. Erdogan i është referuar në veçanti çështjes së Palestinës, zgjidhja e të cilës me opsionin e dy shteteve është shumë larg. “Bota është më e madhe se vetëm 5 vende”, ka thënë Erdogan, duke iu referuar Këshillit të Sigurimit, një organ sipas tij jofunksional pasi vetëm një vend, përmes së drejtës së vetos mund të bllokojë gjithçka. Sa i takon Turqisë, presidenti ka nënvizuar se vendi i tij nuk mund të heshtë përballë përdorimit të sanksioneve të njëanshme si armë ekonomike, duke iu referuar masave të Uashingtonit ndaj Ankarasë. Ai ka theksuar se Shtetet e Bashkuara duhet të respektojnë procesin e drejtësisë turke në lidhje me rastin e pastorit amerikan, Endriju Branson dhe të drejtën e vendit të tij për të blerë armatime nga Rusia. “Ne jemi në favor të zgjidhjes së kontesteve përmes dialogut në kushte të barabarta”, ka vijuar Erdogan. Kreu i shtetit turk u ka kujtuar të pranishëmve se sesioni i sivjetshëm i Asamblesë së Përgjithshme të OKB-së përkon me 100-vjetorin e Luftës së Parë Botërore, efektet e të cilës sipas tij ndihen edhe sot, kur ka kaluar një shekull. /abcnews.al

HETIME-PER-AKSIONIN-E-NIKLES-1280x720.jpg
ent ela16:43 | 13/09/2018

Grupi i të fortëve nga Nikla të prangosur nga RENEA të mërkurën në mëngjes dyshohet se ishin të përfshirë në aktivitete kriminale si shantazhe gjobëvënie, kërcënime, apo edhe përfshirja në vrasje.

Për prangosjen e tyre, forcat operacionale special, qëndruan rreth një javë parën Niklës, por nuk mundën të infiltronin banor të zonës për monitoruar lëvizjet e anëtarëve të 3 familjeve, Bami, Haka dhe Çengu.

Kur kanë kaluar më shumë se 24 orë nga ndërhyrja e forcave të RENEA-s dhe FNSH-së në zonën e Niklës në Krujë, Policia e Shtetit publikon videon gjatë operacionit.

Siç duket edhe nga pamjet, gjithçka ka qenë e organizuar në mënyrë të koordinuar për krotrollin e ushtruar në banesat e familjeve, Bami, Haka dhe Çangu.

Fillimisht u fikën dritat për të gjithë zonën, ku banojnë të Fortët e Niklës e më pas vijoi, duke sekuestruar armë zjarri, para dhe një automjet të blinduar.

MJETET E SEKUESTRUARA

2 armë zjarri pistolete

4 armë gjahu e pushke sportive

5 armë të ftohta

sasi fishekësh

4 palë dylbi

1 radio transmetuese

39 000 Euro

1 200 dollarë amerikanë

2 900 000 lekë të

8 aparate celularë

Ndërkohë hetimet, për të kryer një kontroll të befasishëm në Nikël  ishte programuar rreth një javë më parë. Forcat Operacionale Speciale nuk kishin mundur të depërtonin brenda territorit ku banonin anëtarët e 3 familjeve, pasi ishte pamundur për të rekrutuar apo infiltruar persona të tjerë që nuk janë të zonës. Dyshimet kryesore për agjentët e policisë ishin anëtarët e bandës së Niklës po përgatiteshin për të krye veprime të jashtëligjshme, por nuk është saktësuar ende se çfarë konkretisht. Në ato kushte u dha urdhër nga vetë drejtori i Policisë së Shtetit, Ardi Veliu për të ndërhyrë në benesat e të fortëve, ku më herët ishin siguruar mandatet e kontrollit nga gjykata e Krujës.

Nga 11 të ndaluar, 5 prej tyre janë arrestuar nga policia dhe po qëndrojnë në qeli. Lista fillon me Marklen Haka, të cilit policia i ka sekuestruar armë zjarri, 3 milion lekë dhe 35 mijë euro në banesë, të cilët dyshohet se rrjedhin nga aktiviteti kriminal.

Një emër tjetër i arrestuar është Valter Bami, vëllai i Durim Bamit. Valter Bamit, në banesë i është sekuestruar një pistoletë.

Ndërsa persona të tjerë të arrestuar janë Lutfi Haka, Ylli Çangu dhe Skënder Leza.  Të prangosurit akuzohen për disa vepra të rënda kriminale si “vrasje” “rrëmbim personi me qëllim përfitimin” dhe  “vjedhjen me dhunë”. /abcnews.al

 

 

SI-E-PERJETUAN-HUMBJEN-ANGLEZET-1280x720.jpg
ent ela19:16 | 12/07/2018

Tifozët anglezë, krenarë për kombëtaren e tyre, edhe pas humbjes me Kroacinë. Besimi është i madh se rezultatet do të jenë më të mira në të ardhmen

Pati dëshpërim, por jo fatalitet.

Eleminimi i Anglisë nga Kupa e Botës solli thyerje zemre dhe lot tek tifozët, edhe pse nuk e zhduku optimizmin dhe shpresën.

Mijërat e tifozëve, në Moskë, në Londër apo kudo gjetkë, ëndërruan dhe dëshiruan vetëm fitoren dhe kalimin në finale, veçse gjithkush ishte I ndërgjegjshëm se një epokë e re po hapej.

Ndjenjat e tifozëve i shprehu besnikërisht media britanike, aq shumë e kritikuar për komercializmin e saj të skajshëm.

“Metro”: Një goditje në Ballkane! Anglia humbet ndaj Kroacisë në Kupën e Botës, por ata mbeten heronjtë tanë!

“Deili Meil”: Heronjtë! Thyerje zemre në Kupën e Botës për Anglinë! Ne jemi krenarë për ju të gjithë!

“Star Sport”: Kro No! Agoni në kohën shtesë, ndërsa luanët trima rrëzohen!

“Deili Mirror”: Thesar kombëtar! Luanët trima të Sauthgejtit kthyen besimin për ëndrrën angleze, pavarësisht humbjes së Moskës!

“Dhë Tajms”: Ata po kthehen në shtëpi me kokën lart!

Trajneri Garet Sauthgejt u ngushëllua nga e shoqja, në stadiumin bosh, pas ndeshjes, ndërsa u shpreh pozitivisht.

“Jam i ndërgjegjshëm se kemi humbur një ndeshje shumë, shumë të rëndësishme, – tha ai, – dhimbja është e madhe, por gjithsesi askush nuk priste që ne të arrinim deri këtu. Jam krenar për lojtarët e mi”.

Tifozët anglezë bënë thirrje që Sauthgejt të marrë përsipër detyrën e kryeministrit, në vend të Tereza Mejit.

Sidoqoftë, u humb një mundësi të madhe.

“Anglia ka arsye për të qarë, por edhe për të qenë optimiste, – tha trajneri I Mançester Junajtidit, Zhoze Murinjo, – një skuadër shumë e re, që u përmirësua shumë. Por, Anglia nuk e mbylli ndeshjen në pjesën e parë dhe pagoi çmimin”.

Hidhërimi tek tifozët ndonjëherë ishte aq i madh, saqë ata u përleshën me policinë. /abcnews.al

SAMITI-DESHTIMI-1280x720.jpg
ent ela20:42 | 29/06/2018

Presidenti i Këshillit Europian, Donald Tusk ka shfryrë optimizmin e shprehur më herët nga liderët e BE-së, për arritjen e marrëveshjes për emigracionin. Në një konferencë shtypi të mbajtur të premten, disa orë nga përfundimi i samitit, Tusk ka deklaruar se është ende herët të flitet për sukses. “Arritja e një marrëveshjeje ishte shumë më e lehtë krahasuar me atë që na pret në terren”, ka thënë Tusk për gazetarët. Krisjet e marrëveshjes janë vënë re edhe më herët, me kryeministrin e Italisë, Xhuzepe Konte që ka refuzuar të pranojë emigrantët që kanë udhëtuar drejt Gjermanisë e që janë kthyer mbrapsht prej kësaj të fundit. Një veprim të tillë kanë pranuar ta bëjnë vetëm Spanja dhe Greqia. Marrëveshja u arrit në orët e para të së premtes, pas një seance bisedimesh maratonë. /abcnews.al

BERISHA-PER-NEGOCIATAT-1280x720.jpg
ent ela16:54 | 27/06/2018

Ish kryeministri Berisha e cilëson vendimin e djeshëm të ministrave të jashtëm në Luksemburg si një ndëshkim fatal për kryeministrin Rama dhe qeverinë e tij.

Ndryshe e lexon ish-kryeministri Sali Berisha vendimin e Luksemburgut për hapjen e negociatave të Shqipërisë me Bashkimin Evropian. Në një status në rrjetin social facebook ai sqaron se vendi ynë është ndëshkuar për shkak të qeverisë së drejtuar nga Edi Rama.

“Në Luksemburg, ministrat e jashtëm të Bashkimit Evropian pasi shqyrtuan propozimin e dytë pas vitit 2016 të Komisionit Europian për hapjen pa kushte të negociatave me Shqipërinë, hodhën poshtë këtë kërkesë dhe jo vetëm kaq, por ata nuk pranuan as hapjen e negociatave pas 6 muajve dhe as pas një viti, por kërkuan reforma të tjera dhe jo fjalë, por rezultate konkrete nga këto reforma për hapjen e tyre”.

Dy qëndrime ka patur në takimin e këshillit të ministrave të jashtëm të Bashkimit Evropian sipas ish kryeministrit Berisha.

Komisioni Europian dhe disa vende qe kerkonin miratimin e propozimit te tij per hapjen pa kushte te negociatave ose caktimin e nje date vetem me nje apo dy kushte per hapjen e negociatave. Kurse vende te tjera u shprehen kunder hapjes se negociatave pa kushte si dhe kunder caktimit te nje date pas 6 muajve apo nje viti vetem me 1 apo 2 kushte- sqaron ish-kreu qeverisë.

“Në një akt ndëshkimi shembullor të paprecedentë ndaj Ramës dhe Narkoqeverisë së tij, u vendos që për shkak të përkeqësimit të gjendjes në vend, nga 6 kushte që ishin në vitin 2016 të përcaktohen 13 kushte, të cilat duhet të plotësohen dhe vetëm në rast se plotësohen ato, negociatat do mund të hapen pas një viti e gjysëm, pra në fund të vitit 2019 siç thuhet në mënyrë eksplicite në komunikatën e takimit të ministrave”.

Sipas ish-kryeministrit Sali Berisha ky vendim i Këshillit të Ministrave për moshapjen e negociatave as tani, as në vjeshtë, apo dhjetor të këtij viti, por vetëm pas një viti e gjysëm, pra në fund të vitit 2019, dhe vetëm në rast se janë plotësuar 13 kushtet, është vërtet ndëshkimi më i rëndë për klikën e Edvin Kristaq Ramës në pushtet.

“Ata që besuan se Edi Rama do të plotësonte 6 kushtet, dhe se tani pas dështimit të plotë ai do mund të plotësojë 13 kushtet, kanë humbur çdo lidhje me realitetin, vlerat dhe standardet e BE dhe janë shndërruar në skllevër të interesave të tyre më të ngushta dhe kockave që u hedh për të lëpirë piktori dështak”. /abcnews.al

berisha1.jpg
ent ela21:05 | 26/06/2018

Pas vendimit të ministrave të jashtëm të BE-së për hapjen e negociatave me Shqipërinë, qershorin e ardhshëm, ish kryeministri Sali Berisha ka akuzuar qeverinë shqiptare se e shet dështimin për sukses. Në një reagim në rrjetet sociale, Berisha shkruan se këta janë turpi i Shqipërisë, Ballkanit dhe Europës.

“Me Ramën nuk ka integrim!

Një dështim i plotë dhe i merituar i Noriegës dhe Narkoshtetit të tij!

Të dashur miq, pasi kishin premtuar hapjen pa kusht të negociatave në qershor të vitit 2018, narkoqeveritarët me në krye Noriegen morën sot për të dytën herë kartonin e kuq mos hapjen e negociatave me BE!

Me gjithë këtë, Noriega dhe narkoministrat e tij, si horra dhe fundërrina, për të mashtruar shqiptarët me gojën e Ditziut shprehin gëzim dhe servirin si sukses vendimin për shtyrjen dhe vendosjen e kushteve për hapjen e tyre në fundin e vitit 2019 siç thotë deklarata e Këshillit të Ministrave.

Kësaj i thonë të konsiderosh dështimin sukses! Këta nuk kanë fytyrë, moral as dinjitet! Janë turpi i Shqipërisë, Ballkanit dhe Europës!”– shkruan Berisha. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono