deshmite

bastar-1280x733.jpg
ent ela16:54 | 28/01/2019

Zbardhet roli i autorëve të vrasjes së pasionit të ndodhur pak ditë më parë në periferi të Tiranës. Sipas akuzës, Arben Gjeçi u qëllua 3 herë me shufër hekuri pas koke nga Esat Cani, i cili dyshonte se motra e tij kishte një lidhje jashtëmartesore me viktimën.

Vrasja e Arben Gjeçit nga Bastar i Mesëm pak ditë më parë sipas prokurorisë së Tiranës ka si motiv kryesor një lidhje dashuri ndërmjet viktimës dhe një vajze të re nga fshati i tij i lindjes. Edhe pse fillimisht mohoi të kishte dijeni për ngjarjen, Elida Cani, personazhi kryesor në këtë histori pasioni pranoi të kishte një lidhje disa mujore me Gjeçin, baba i tre fëmijëve. Ajo shpjegon se nuk e pa autorin e vrasjes edhe pse për krimin prokuroria akuzon vëllain e Elidës, Esat Canin, i cili u ndihmua për të fshehur trupin edhe nga bashkëshorti i saj, Dëfrim Kurti.

Elide Cani: “Arbeni erdhi kur im shoq nuk ishte në shtëpi. Vendi ku takoheshim ne të dy është një dhomë e veçuar nga shtëpia. Pata merak se mos vinte burri dhe i thashë Arbenit, por ai më tha të rrija e qetë se burri po pinte kafe. Nuk pashë askënd se kush e qëlloi, sepse aty është një mur që s’të lejon të shikosh. Dola me vrap dhe e pashë të përpëlitej, hodha sytë ngado, por nuk pashë askënd. Arbeni gjendej aty në mes të pellgut me gjak. Jam e traumatizuar nga ngjarja që ka ndodhur. Mua më tha burri që të fshija gjakun dhe e fshiva. Në lidhje me ngjarjen unë shpjegimet do i jap vetëm në prani të avokatit”.

Dëshmi kyçe sipas organit të akuzës është edhe ajo e autorit të dyshuar të vrasjes, Esat Cani. Dyshimet për 31-vjeçarin lindën pasi ishte kthyer nga Greqia. Sipas deklarimit të Esatit, Aben Gjeçi kishte e linjën e trasportit me furgon nga Bastar i Mesëm në Tiranë dhe po ngacmonte me sy nga pasqyra si të fejuarën e tij e po kështu edhe motrën.

Esat Cani: “Ditën e ngjarjes dola nga banesa dhe i thashë babait që po iki për në punë, kur po kaloja te lokali, pashë furgonin e Arbenit, por jo atë. Në këtë moment shkova në shtëpi mora një shufër hekuri dhe ika të shtëpia e motrës dhe qëndrova pas kashtores. Nga ai pozicion pashë te dera ku depërtonte drita një lëvizje, pasi u hap dera doli Arben Gjeci. Nuk kam pasur qëllim që ta vrisja, por ta rrihja që të vuante ca kohë”.

Një ndër personat kryesor në këtë histori është edhe bashkëshorti i Elida Canit, Dëfrim Kurti. Sipas tij, lajmin e goditjes së Arben Gjeçit ia kishte thënë Elida, duke i kërkuar të shkonte sa më shpejt në banesë. 29-vjeçari Kurti theksoi se, ishte ai personi që kishte hartuar skenarin që Arbeni ishte plagosur në rrugë për të fshehur ngarjen, ku fillimisht u raprotuar në Spitalin e Traumës si akidentale./abcnews.al

KASEMI-DESHMITE-POLICET-1280x720.jpg
ent ela18:08 | 13/09/2018

Dy efektivë të Komisariatit të Policisë nr.1 në Tiranë dëshmuan para një trupi gjykues takimin e parë me Fadil Kasemin vetëm pak minuta pasi ai kishte vrarë ish-gruan gjyqtare, Fildes Hafizi. Dëshmitë e tyre mbi fjalët e para të Kasemit u dëgjuan në procesin ndaj tij tek Krimet e Rënda.

Dy efektivët e policisë që u përballën të parët me Fadil Kasemin pak minuta pasi ai kishte vrarë me armë zjarri ish-bashkëshorten e tij gjyqtare, Fildes Hafizi, dëshmuan të enjten në procesin ndaj tij tek Krimet e Rënda. Inspektorët Dashnor Murataj dhe Nazmi Kosta, rrëfyen para gjykatës çastet kur Fadil Kasemi ishte shfaqur në oborrin e Komisariatit nr. 1.

“Sapo kishin marrë turnin për të dalë në patrullim, kur pashë një person të armatosur në oborrin e Komisariatit. Mbante pistoletën në një dorë dhe krëhrin e saj në tjerën. Më tha: “Kam vrarë një njeri dhe kam ardhur për t’u dorëzuar”. Ia mora armën dhe e shoqërova për një komisariat. Ai nuk bëri asnjë rezistencë, madje edhe armën ma la vetë në dorë”, tha dëshmitari Dashnor Murataj.

Në kryerjen e ketyre veprimeve dëshmitari ishte ndihmuar nga kolegu i tij dëshmitari tjetër, Nazmi Kosta. Para trupit gjykues Kosta tha se Fadil Kasemi kishte zbritur nga një furgon i bardhë që kishte ndaluar me shpejtësi dhe në kundravajtje para portës së Komiariatit. Kur e shoqëruan tha që kishte vrarë ish-bashkëshorten e tij, Fildes Hafizi tek “Xhamlliku” dhe se kishte ardhur të dorëzohej.

Dy dëshmitarët i thanë gjykatës se nuk e kishin vënë re, nëse Kasemi kishte zbritur nga vendi i pasagjerit, apo nga drejtuesit të furgonit.

Sipas prokurorisë, pas vrasjes së ish-bashkëshortes në 31 gusht 2017, ka marrë nën kërcënimin e armës drejtuesin e furgonit, Klodian Tafa, automjeti i të cilit ka ndaluar para komisariatit nr.1. Për këtë fakt, përveç akuzës së “vrasjes për shkak të marrëdhënieve familjare”, Kasemi akuzohet edhe për “rrëmbim ose mbajtje peng të personit”.

 

viktimat.jpg
ent ela23:53 | 15/08/2018

Skandali i cili ka shpërthyer në një kishë katolike në Pensilvani ka shkaktuar reagime të shumta në Shtetet e Bashkuar atë Amerikë. Sipas të dhënave të publikuara nga Gjykata Supreme e Pensilvanisë më shumë se 300 priftërinj rezulton të kenë abuzuar me 1000 të mitur.

Gjykatësit vendosën të publikonin në mënyrë të detajuar emrat dhe detajet e të gjitha ngjarjeve, edhe pse kjo gjë u kundërshtua nga klerikë katolikë të cilët pretendonin se po i shkeleshin të drejtat kushtetuese.

Mediat e huaja kanë publikuar historitë e tre personave të cilat janë abuzuar seksualisht.

Viktimat e akuzimeve të tmerrshme seksuale kanë gjetur guximin dhe kanë rrëfyer tmerrin që kanë përjetuar. Ata kanë thënë se jeta e tyre është shkatërruar.

“E gjithë jeta ime ka qenë një gënjeshtër” .

Shaun Dougherty, tani 48 vjeç, u abuzua kur ishte në klasën e tetë.

Shaun Dougherty

Abuzimi e ndaloi atë të pasurit një familje dhe i ‘shkatërroi’ jetën e tij.

“Nuk kam për ta harruar kurrë, abuzimi më ka lënë një shenjë të tmerrshme në jetën time, më ka shkatërruar plotësisht. Nuk kam pasur asnjëherë dëshirë për të pasur një fëmijë.  As sot nuk kam një fëmijë, pasi e kam pasur të pamundur kur kujtoj tmerrin që kam përjetuar.Unë kam pritur një kohë të gjatë që kjo që ndodhtë”, ka thënë ai.

Carolyn Fortney, 37 vjeç, u abuzua  kur ajo ishte vetëm 18 muajshe.

Carolyn Fortney

“Sot ndihem shumë mirë që më në fund dolën në dritë këto krime. Më në fund do të lirohem nga ndjenja e keqe që kam pasur prej vitesh. Më ka shkatërruar tërësisht. Nuk kisha dëshirë të kisha fëmijë”, është shprehur ajo.

Tre motrat e saj u abuzuan seksualisht nga prifti i tyre, Ati Augustine Giella, i cili vdiq në pritje të gjykimit në vitin 1992, pasi u arrestua më në fund për krimet e tij.

Robert Corby, tani 83, ishte ‘në shënjestër’ nga priftërinjtë në vitin 1947, sepse ai ishte jetim.

Robert Corby

Ai tha se askush nuk do t’i kishte besuar atij nëse ai do të fliste në atë kohë.

“Askush nuk do të më dëgjonte fjalën në atë kohë, prandaj vendosa të hesht”.

Viktima të tjera treguan historitë e tyre në një konferencë shtypi në Pensilvani të martën.

Raporti përshkruan keqpërdorimet e tmerrshme që bëheshin ndaj fëmijëve, duke i droguar, përdhunuar, rrahur dhe detyruar të ushtronin prostitucionin.

Nga hetimet që zgjatën afro 18 muaj ku u përfshinë 6 nga tetë dioqeza u identifikuan se 300 priftërinjtë kishin abuzuar seksualisht me të mitur.

Ky skandal vjen pas dorëheqjes së kardinalit Teodor Mekerik, një figurë e rëndësishme e kishës amerikane, i akuzuar se ka abuzuar me fëmije dhe të rritur prej dekadash./tvklan.al

vlcsnap-error987-1280x720.jpg
ent ela11:40 | 23/02/2018

Hetimet për çështjen “Tahiri” kanë çuar në një kerkesë të radhës të Prokurorisë shqiptare për palën italiane. Burime nga prokuroria bëjnë me dije se Prokuroria ka përcjellë një letërporosi të re në Itali për marrjen e dëshmive të akuzuarve pjese e dosjes ‘Habilaj”.

Të përfshirë në këtë kërkesë për marrjen e dëshmive është emri i kreut të grupit të “Habiljave” Moisi Habilaj dhe Nezar Seitin, i dyshuar si financier i këtij grupi. Më herët Prokuroria për Krimet e Rënda i dërgoi dhe palës greke një letërporosi pikërisht me hetimet lidhur me çështjen Tahiri, pasi organi i akuzës pretendon se gjatë kohës që ushtronte funksionin e ministrit të Brendshëm, Tahiri ka favorizuar grupin e “Habilajve” gjatë përfshirjes së tyre në trafikun e drogës nga Shqipëria në Itali./abcnews.al

vlcsnap-error421-1280x720.jpg
ent ela13:18 | 20/02/2018

Autoritetit për Informimin mbi Dokumentat e ish- Sigurimit të Shtetit në 27 vjetorin e rrëzimit të monumentit të ish-diktatorit prezantoi një nismë, mbledhja e dëshmive dhe përjetimeve të atyre që vuajtën në regjimin komunist. Projekti mbështetet edhe nga bashkia e Tiranës.

Sipas kreut të bashkisë së Tiranës ErjonVeliajt, dëmshpërblimi i ish-të përndjekurve politikë, si dhe miratimi i ligjit për hapjen e dosjeve, kane dhënë rezultatet e pritshme për të gjithë ata që vuajtën në diktaturë.

Erjon Veliaj: Më vjen mirë që kemi ecur me kompensimin financiar të ish të përndjekurve, jemi thuajse në këstin e 8-të. Më vjen shumë mirë që në disa simbolika, duke qenë se sot është përvjetori i rënies së shtatores, në qendër të sheshit ‘Skënderbej’ kemi vendosur njeriun e thjeshtë dhe jo shtatoren e ish diktatorit. Po i shohim dukun këtij ligji të rëndësishëm për hapjen e dosjeve, ku shumë autoritete me peshë në qytetin dhe në vendin tonë, po i hapin dosjet e tyre për publikun”,

 

Veliaj i bëri këto deklarata në prezantimin e nismës se Autoritetit për Informimin mbi Dokumentat e ish Sigurimit të Shtetit te titulluar “Edhe muret kanë veshë”. Kjo nisme ka per qellim mbledhjen e dëshmive të të gjithë atyre që vuajtën gjatë regjimit komunist. Bashkia e Tiranës është e para që e ka mbështetur këtë projekt, i cili kurohet nga kryetarja e Autoritetit për Informimin mbi Dokumentat e ish Sigurimit të Shtetit, Gentjana Sula.

 

Gentjana Sula: Është një projekt i Autoritetit, që bashkë me dosjet, që janë përgjithësisht instrumente të shtypjes dhe denigrimit të personave të rëndësishëm të shoqërisë sonë të asaj kohe, dhe dëshmive gojore, ta themi historinë në 360 gradë. Pra, për të thënë atë që është shkruar, por edhe për atë që është përjetuar në atë kohë”

 

Projekti do të mbledhë histori në mbarë vendin, duke përzgjedhur kontributet më të mprehta nga secili rajon ku kanë ndodhur këto drama çnjerëzore, për t’u projektuar në një monument ose pikë referimi në disa qytete të Shqipërisë. Më pas këto “tekste të ndaluara” do të projektohen në formate të mëdha, në date 09 maj në të njëjtën kohë nëpër qytete të ndryshme te vendit./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono