dëshmi

3d7e2589-2115-4238-9760-c23bad230714.jpg
R D22:16 | 13/01/2020

51-vjeçarja Drita Saliaj nga Gjerbësi i Mallakastrës është përdhunuar nga një prej agresorëve në banesën e saj para se të vritej prej tyre. Këtë fakt tronditës e ka rrëfyer një prej autorëve të dyshuar të krimit makabër 16 vjeçari Sindi Shehaj gjatë marrjes në pyetje. Kjo e dhënë e prokurorisë përmendet në vendimin e gjykatës për caktimin e masës së sigurisë për 3 të rinjtë.

Sindi Shehaj ka rrëfyer se Luis Saliaj dhe Ervis Zotaj shkuan në banesën e Drita Saliajt për të blerë hashash dhe Ervisi më pas e përdhunoi atë.

“Kur kam dale jashtë dëgjova të bërtiturat e Dritës. U afrova tek dritarja dhe pashë Ervisin, që i hoqi me dhunë pantallonat, Dritës dhe më pas kreu marrëdhënie seksuale me të. Ndërkohë që Ervisi kryente marrdhënie seksuale, Luisi ka dalë jashtë ku ka gjetur dy litarë me të cilët lidhën Dritën. Ervisi dhe Luisi i futën në gojë një shall dhe e kanë nxjerrë jashtë duke e mbajtur në krahë dhe çuan tek makina e Ervisit. Unë e drejtova makinën dhe Ervisi qëndroi me Dritën mbrapa”.

Më pas, sipas dëshmisë së Sindit, dy shokët I kërkuan të shpejtojë drejt rezervuarit ku e hodhën viktimen të lidhur. Me tej ata u ndanë dhe porositën Sindin, banor i një fshati tjetër, të mos flasë me askënd. Dhunën në trupin e gruas e ka pohuar dhe ekspertiza mjeko-ligjore.

“Pantallonat dhe mbathjet kanë qëne të ulura deri tek kërcinjtë e këmbëve. Rreth kofsheve janë vërejtur ekimoza të shumta, të vogla, me permasa 1×1 cm, me ngjyrë të kuqe. Në të dy kërcinjtë janë vërejtur shirita ekimotike rrethore, me gjatësi 0.5 dhe thellësi 1 cm”.

Në dëshminë e tij adoleshenti Sindi Shehaj, tregon një tjetër fakt tronditës të rinjtë kishin shkuar në banesën e 51 vjeçares për të blerë hashash. Por kishin debatura per çmimin e tij.

“Luisi kërkoi, që hashashi ta blinte me 50 Euro, ndërsa Drita thoshte me 200 Euro”.

Luis Saliaj dhe Sindi Shehaj japin dëshmi të ndryshme, secili duke mohuar pranine e tij brenda banesës gjatë kryerjes së krimit. Por Luisi që ishte dhe I afërm I viktimës përmend blerjen e hashashit, por jo aktin e përdhunimit.

Ndërsa 26 vjeçari Ervis Zotaj ka deklaruar se nuk ka asnjë lidhje me vrasjen e Drita Saliaj. Por pranon njohjen me dy adoleshentët. Në dëshminë e tij, thotë se ata i kishte takuar për herë të fundit në datat 28 dhe 29 dhjetor. /abcnews.al

Lexo edhe:DOSJA E PLOTE E KRIMIT

Screenshot_10.png
R D22:21 | 02/12/2019

Genz Neziri është një ndër banorët e Thumanës që ka mbërritur ne minutat e parë të katastrofës së 26 nëntorit, tek pallatet e shembura. Ka parë me sytë e tij gjithçka ndodhi aty, që prej fillimit e deri me sot kur Thumana është gërmadhë. Mes dhimbjes Genci rrëfen per “Abc News” skenat e tmerrshme te ditëve që pasuan tërmetin e 26 nëntorit.

Thumana është sot një gërmallë me prigje të larta inertesh që vranë më 26 nëntor, fëmijë, te rinj, gra, burra e pleq. Genc Neziri është banor i Thumanës. Banesa e tij është pak metra larg pallateve ku ndodhi tragjedia. Ka mbërritur i pari për të ndihmuar edhe sepse atje kishte familjarë të tij.

Pas gjashtë ditësh ai është ende shumë i traumatizuar, ka përjetuar me dhimbje çdo sekondë të secilës viktimë nën rrënoja.

Kishte mundur të dilte bashkë me familjet i padëmtuar nga rrënojat e shtëpisë së tij në Thumanë, kur mori një telefonatë nga miku i tij. Ishte nisur me urgjerncë drejt bllokut të pallatëve në Thumanë.

Ka parë njerëz të ngujuar nëpër rënoja, gjysma njerëz në përpjekje për ti mbijetuar përbindëshit me beton e hekur që ishte hedhur pamëshirë mbi ta… ka dëgjuar ulurima fëmijësh grash, djemsh e burrash…

Genci është ende shumë i lënduar për llahtarinë që pa ndër njerëz me të cilët është rritur e ka jetuar në ato anë, por ka parë me sytë e tij se si dy kompani ndërtimi pa asnjë lidhje profesionale me situata të tilla janë caktuar të gërmojnë mbi trupa në pritje që shteti të japë zgjidhej për qytetetarët e tij nën rrënoja.

Nuk do ti largoget kurrë nga mendja thirrja e djemve të familjes Çupi e pamundësia për ti ndihmuar…

Si shumë banorë të tjerë të Thumanës, Genci ishte aty për të ndihmuar këdo gjendej në rrezik por atje në njërin prej pallateve gjendej kushëriri i tij Bujari, bashkë me bashkëshorten dhe djalin…

Ka parë përkushtimin e pashoq të forcave kosovare por edhe atyre greke e të tjera që me profesionalizëm bënë gjithccka për të nxjerrë jetë të shpëtuara nga ato rrënoja.
/abcnews.al

lulzim-basha23.jpg
ad min13:15 | 03/10/2019

Sipas kreut të Partisë Demokratike, Lulzim Basha, kryeministri Rama është përgjegjës për dështimin për herë të katërt për hapjen e negociatave.

“Përgjegjësinë për dështimin për herë të katërt për hapjen e negociatave e ka Edi Rama dhe askush tjetër. Është dështimi i Edi Ramës. Është ky njeri në pushtet, vitin e fundit me dekret edhe Ministër i Jashtëm dhe ky dekret ka vulën e tij. Premtoi se do hapë negociatat dhe dështoi siç ka dështuar në çdo premtim tjetër. Ky nuk është dështimi i parë, as i dytë, as i tretë, por më i fundit në kaosin dhe krizën ku e ka futur vendin me qeverinë e tij të korruptuar”, tha Basha, sipas të cilit kjo është arsyeja pse largohen shqiptarët dhe kushtet për Shqipërinë shtohen.

Për kreun e PD-së, deklaratat që bën Rama se disa vende evropiane nuk duan zgjerim është mashtrim.

“Mashtrim se këto vende janë kundër zgjerimit, atëherë pse i thonë Po Maqedonisë dhe Jo Shqipërisë. Arsyeja është e thjeshtë, sepse Shqipëria ka dështuar në fushat ku Shqipërisë i është kërkuar progres”, tha Basha.

Ndër të tjera, kreu i selisë blu tha se Rama do t’i ikë përgjegjësisë. Sipas Bashës, 9 kushtet e Bundestagut gjerman janë një udhërrëfyes për daljen nga kriza.

“Nuk është momenti për të vazhduar një lojë 6-vjeçsre për të hedhur fajin, kur përgjegjësi është vetëm Edi Rama. Shqipëria është në krizë të thellë ekonomike, punësimi, politike dhe 9 kushtet dhe kërkesat e Bundestagut përbëjnë shprehjen më koncize të një udhërrëfyesi për daljen nga kjo krizë. Nuk kemi kohë për të humbur. Me njerëz që kanë dështuar, kanë vjedhur kanë dështuar dhe nuk mbajnë përgjegjësi. Është koha që njerëzit e përgjegjshëm të tregojnë se dinë t’i dalin zot këtij vendi”, tha Basha./abcnews.al

vangjush-dako-deshmi.jpg
ad min11:52 | 02/08/2019

Nuk ka qetësi për ish-kryebashkiakun e Durrësit, Vangjush Dako. Pas shpalljes familjarisht “Non grata” nga autoritetet amerikane, Prokuroria për Krime të Rënda ka vendosur ta marrë Dakon sërish në pyetje, për dosjen “339”.

“Telashet për ish-kryetarin e Bashkisë së Durrësit Vangjush Dako nuk kanë të sosur, pasi në Shtator do të përballet sërish me organin e akuzës për dosjen e famshme “339””.

Thirrja e Dakos nga organi i akuzës vjen mënjëherë pasi Departamenti Amerikan i Shtetit e shpalli atë dhe familjen e tij “non grata”.  Vendimi nga autoritetet amerikane u mor pas informacioneve të sigurta se Dako ishte përfshirë në afera korruptive.

“Prokuroria e Posaçme Antikorrupsion pritet të ngrihet në Shtator dhe mesa duket Vangjush Dako do të jetë i pari që do të përballet me SPAK, ku pritet të japë edhe njëherë sqarime për audipiopërgjimet e publikuara nga gazeta gjermane BILD, ku Dako dëgjohet duke folur me një nga anëtarët e grupit kriminal të Avdylajve”.

Dako u thirr nga Prokuroria për Krime të Rënda edhe në muajin Maj, ku ka dhënë sqarime për lidhjen e tij me grupin e Aldylajve të Shijakut. Gjithashtu edhe për fenomenin e shitblerjes së votave në zgjedhjet lokale të 2017. Dako nuk ka dhënë asnjë informacion që mund t’i vinte në ndihmë grupit hetimor, madje ka mohuar lidhjet e tij me grupin kriminal, duke thënë se i ka takuar ata si çdo zgjedhës tjetër.

Këshilli i Lartë i Prokurorisë i ka zgjedhur 15 anëtarët e SPAK, 10 prej të cilëve e kanë kaluar shkallën e parë të Vettingut. Në bazë të rregullore së miratuar nga KLP Struktura e Posaçme Antikorrupsion mund të nisë nga puna edhe më 10 anëtarë e të plotësohet më vonë.

/ABC News Albania 24/7

junior.jpg
ad min23:59 | 12/06/2019

Komisioni i Senatit amerikan që vazhdon të hetojë ndërhyrjen e përfolur ruse në politikën amerikane ka thirrur për të dëshmuar djalin e madh të presidentit Trump. Në përfundim të seancës, Donald Trump Junior ka deklaruar se nuk ka ndryshuar asgjë në qëndrimin e tij.

Donald Trump Junior, djali i madh i presidentit të Shteteve të Bashkuara, u paraqit të mërkurën në komisionin për shërbimet sekrete të Senatit amerikan, për të dëshmuar në një seancë me dyer të mbyllura në lidhje me ndërhyrjen ruse.

Konkretisht, intervista ka patur në fokus investimin privat të familjes Trump në Moskë dhe takimin e përfolur me një avokate ruse që pretendonte se kishte material që mund të ndihmonte presidentin Trump në zgjedhjet e 2016-s.

“Nuk mendoj se kam ndryshuar diçka në qëndrimin tim, sepse nuk ka patur asgjë për të ndryshuar”, deklaroi Trump Junior pas seancës.

Ai u shpreh i kënaqur që kjo çështje është mbyllur dhe sqaruar, si nga ana e tij ashtu edhe nga komisioni. I pyetur nga mediat nëse druhet se ka bërë një dëshmi të rremë, ai u përgjigj shkurt: “Aspak”.

Komisioni i Senatit për shërbimet sekrete, që udhëhiqet nga senatori republikan Riçard Burr, po kryen një hetim dypartiak mbi ndërhyrjen ruse në politikën amerikane, përfshirë këtu zgjedhjet presidenciale të tre viteve më parë.

Hetimi i Senatit vazhdon edhe pse hetuesi i posaçëm Robert Mueller e ka mbyllur hetimin e tij lidhur me marrëdhëniet e përfolura të stafit të Trump me rusët gjatë fushatës dhe nëse presidenti pengoi drejtësinë në hetime./ABC News Albania 24/7

lac-vrasja.jpg
ad min14:07 | 01/05/2019

Dy ditë pas vrasjes së dyfishtë në Laç, policia ka siguruar dëshminë e të arrestuarve të dyshuar si autorë. Ata kanë treguar se konflikti nisi pas publikimit të fotove në rrjetet sociale.

Fotografitë e publikuar në rrjete sociale u bënë shkak i konfliktit mes 5 të rinjve në Laç të Kurbinit.  Sherr që përfundoi me dy të vrarë, kushërinjtë Erjon dhe Kelvin Jushi, 36 dhe 30 vjeç, dhe plagosjen e dy të tjerëve.

Tre autorët që u vetëdorëzuan të martën në Komisariatin e Laçit u kanë treguar hetuesve detajet që çuan në masakrën e mbrëmjes së dielë. Referuar dëshmive,  viktimat dhe autorët njiheshin dhe mbrëmjen e ngjarjes ishin bashkë.

Fotot në Instagram u komentuan gjatë qëndrimit në lokal. Por pas një farë kohe komentet nuk ishin me miqësore. Aty nisi konflikti verbal mes kushërinjve Erjon e Kelvin Jushi dhe 28-vjeçarit Vinçens Bushi që u pasua me atë fizik jashtë lokalit.

Në ndihmë të Vinçensit shkuan edhe vëllezërit Markel dhe Manuel Bushi. Autorët pretendojnë se arma u përdor pasi edhe viktimat ishin të armatosur, por kjo nuk është vërtetuar nga hetuesit. Në vendngjarje u gjetën vetëm gëzhoja të qitura nga një armë e vetme.

Pistoleta  dyshohet se u përdor nga 25-vjeçari Markel Bushi, një person me precedentë të mëparshëm kriminal, pasi viktimat po dhunonin Vinçens Bushin.

Qitjet ishin në një largësi 4-5 metra nga njëra tjetra duke lënë të plagosur rëndë Erjon dhe Kelvin Jushin, të cilët ndërruan jetë në spital në Tiranë.

Autorët Manuel Bushi 23 vjeç, Markel Bushi 25 vjeç dhe Vinçens Bushi 28 vjeç, të tre banorë të Laçit u larguan menjëherë për t’u dorëzuar të martën pas negociatave të dajës së tyre me shefin e Komisariatit të Laçit.

/ABC News Albania 24/7

marvii.jpg
ad min15:58 | 03/12/2018

Procesi gjyqësor ndaj 4 të akuzuar për vrasjen e 22-vjeçarit Marvi Mihali pas konfliktit për një karikues celulari vijoi të hënën me pyetjen e prindërve të viktimës. Pavllo dhe Fatmira Mihali hodhën akuza direkte drejt të pandehurve duke i kërkuar trupit gjykues drejtësi dhe dënim maksimal.

Prindërit e Marvi Mihalit, 22-vjeçarit të vrarë me thikë në Gusht të vitit 2017 në Tiranë, dëshmuan të hënën në gjykatën e kryeqytetit në procesin kundër katër të akuzuarve për krimin. Të pikëlluar nga humbja e djalit, dëshmitarët Pavllo dhe Fatmira Mihali, gjetën forcë të flasin për ngjarjen më të rëndë të jetës së tyre.

“Unë i kam humbur të gjitha”, tha babai i Mihalit, ish-rekordmeni i atletikës, Pavllo Mihali.

“Kriminelët më vranë djalin, investimin më të madh të jetës sime”.

Dëshmitari tha se kishte investiguar mbi të pandehurit dhe kishte mësuar se ata ishin kontigjent kriminal, ç’ka e ilustroi edhe disa postime të tyre në Facebook. Por gjykata ndërpreu dëshmitarin duke i kërkuar të fliste vetëm mbi dijeninë për ngjarjen. Ditën e ngjarjes dy bashkëshortët kishin qënë në Sarandë, por dëshmitari theksoi se kishte folur me dëshmitarët dhe parë videon e vrasjes, aktualisht e administruar si provë nga prokuroria.

“E kam parë me qindra dhe mijëra herë videon e vrasjes së djalit. Marvi në ngjarje vetëm ka ndarë Armend Haxhiun dhe Dejvi Bitrajn. Eugeni vjen nga disa metra larg me vrull, e godet dhe e hedh në tokë dhe më pas ia bën gati djalit të xhaxhait të tij, Dejvi Bitraj. E kanë qëlluar me thikë e më pas me shkelma. Dënimi duhet të jetë maksimal”, rrëfeu i tensionuar Pavllo Mihali.

Jo më pak e tronditur, nga tavolina e dëshmitarit, nëna e të ndjerit Mihali tha se këto kanë qenë muaj tmerri për të.

“Ata ishin përgatitur për të vrarë”, tha dëshmitarja Fatmira Mihali, duke iu referuar të pandehurve.

“Do vrisnin këdo që do u dilte para”.

“Kam besim tek drejtësia, vijoi dëshmitarja dhe sa të kem jete do luftoj, pastaj, po të jetë nevoja do kaloj në vetëgjyqësi. Askush nuk mund të dalë i palagur nga kjo histori”.

Në lidhje me vrasjen e 22-vjeçarit Mihali në Gjykatën e Tiranës po gjykohen të pandehurit Eugen e Dejvi Bitraj dhe Kridens e Marsel Alla. Sipas prokurororisë, vrasja ndodhi pas një konflikti të të pandehurve me një shok të Marvi Mihalit për një karikues telefoni celular. /abcnews.al

kacifasss.png
ad min15:38 | 02/11/2018

Babai i 35 vjeçarit Jani Kacifa, i eliminuar nga forcat RENEA në Bularat gjatë një shkëmbimi zjarri, ishte të premten tek Krimet e Rënda. Ai u pyet për dy orë për llogari të hetimit të nisur mbi rrethanat e vrasjes së të birit. Ndërkohë prokuroria ende nuk ka autorizuar familjarët të tërheqin trupin e 35 vjeçarit.

Për dy orë me radhë, Jani Kacifa, babai i Konstandino Kacifas, i ekzekutuar nga forcat RENEA në fshatin Bularat, u mor në pyetje në Prokurorinë për Krimet e Rënda. Kacifa u thirr nga ana e prokurorit Njiazi Seferi pas kalimit e hetimit të vrasjes së djalit të tij në Prokurorinë për Krimet e Rënda. I moshuari mbërriti në godinën e xhamtë mesditën e së premtes, i shoqëruar nga një avokat dhe nga nje person i rrethit familjar.

Burime pranë organit të akuzës bënë me dije se Jani Kacifa u pyet nga Oficerët e Policisë Gjyqësore në mënyrë të detajuar për gjithë dijeninë e tij mbi agresionin e të birit paraditen e 28 tetorit në fshatin Bularat dhe për rrjedhën e ngjarjes në vijim deri në përballjem e tij me efektivët e RENEA-s. Pyetja e tij u pa e nevojshme për shkak të pretendimeve të ngritura prej tij se i biri është qëlluar nga distancë e afërt.

Gjatë dhënies së shpjegimeve, Kacifa ka kërkuar zbardhjen e plotë të ngjarjes ku humbi jetën i biri.

Ardhja në prokurori e Jani Kacifës u ndoq me interes edhe nga dy grupe xhirimi të televizioneve greke.

Në këtë moment Jani Kacifa sapo kishte përfunduar seancës e pyetjee, por japë asnjë koment për mediat. Avokati i tij tha se klienti ndjehej tepër i lodhur.

Disa minuta më vonë, pasi morën dhe një kontakt me prokurorin Seferi, Kacifa u largua nga godina nga dera e pasme, duke shmangur kontaktin me gazetarët. Sipas burimeve, Prokuroria për Krimet e Rënda ende nuk ka lëshuar një autorizim që familjarët të tërheqin trupin e Kacifës nga Mjekësia e Ligjore, për shkak të veprimeve të nevojshme nga ana e grupit të ekspertizës.

Konstandin Kacifa u qëllua nga efektivët e RENEA-s në shpatin pranë Bularatit, teksa nuk pranoi të dorëzohej dhe hapi zjarr drejt forcave të policisë. /abcnews.al

robotiii.png
ad min14:56 | 13/10/2018

Parlamenti britanik do të marrë në pyetje për herë të parë një robot. Qëllimi është që të kuptohet se çfarë roli do të kenë robotët në tregun e ardhshëm të punës në Mbretërinë e Bashkuar.

Quhet Pepper, është në robot dhe do të jetë i pari i llojit të tij që do të dëshmojë para parlamentit të Mbretërisë së Bashkuar. Arsyeja është revolucioni i katërt i të cilit Pepper është një prej protagonistëve. Komisioni parlamentar do ta pyesë për rolin që do të kenë automatizimi dhe robotika në tregun e ardhshëm të punës.

Prania e Pepper në parlament do të jetë në fakt një mënyrë për të bërë më konkrete situatën. Roboti nuk ka një inteligjencë artificial të aftë për të argumentuar apo përpunuar mendime komplekse. Por ai mund të recitojë fraza paraprake që i janë vendosur nga jashtë.

Për këtë arsye, dhe pse emri i tij është në të njëjtën listë me të ftuar të tjerë si profesorë të rëndësishëm dhe akademikë, Pepper do i përgjigjet pyetjeve të përgatitura më parë. Në takim ai do të shoqërohet nga pronarët e tij, kërkuesit e Universitetin e Midëllseks të Londrës, të cilët janë dhe autorë të përgjigjes së tij.

Roboti i prodhuar nga japonezi “SoftBank”, normalisht pret klientët e qendrave tregtare në hotel dhe u jep udhëzime udhëtarëve në aeroport. Por kjo do të jetë hera e tij e parë në parlament. Ky vendim ka arritur objektivin e tij, të vërë në dukje faktin se shumë shpejt do të duhet të përballemi me robotë gjithnjë e më inteligjentë. Dhe të paktën në Mbretërinë e Bashkuar, edhe politika e ka kuptuar./abcnews.al

basha-1.png
ad min13:49 | 12/10/2018

Për rreth 30 minuta kreu i opozitës Lulzim Basha dha deklarime në Prokurorinë e Tiranës në lidhje me një kallëzim të bërë ndaj tij nga Taulant Balla për çështjen “Xhisiela”. Basha zgjodhi pragun e institucionit të akuzës për t’i përcjellë një mesazh qeverisë.

Mesditën e së premtës, me 14 minuta vonesë nga orari i paracaktuar, kryetari i Partisë Demokratike, mbërriti në Prokurorinë e Tiranës. Ai u paraqit në institucion për të dhënë  deklarime për kallëzimin e bërë ndaj tij nga kreu i grupit parlamentar të PS, Taulant Balla pas deklaratave publike të tij mbi çështjen e Xhisiela Malokut.

Sipas Ballës, Basha ka konsumuar veprat penale të “shpërdorim detyre”, “kallëzim të rremë” dhe “fyerje” kur ka përsëritur publikisht pretendimet e ish-oficerit Emiliano Nuhu, sikur ishte kërcënuar me armë në praninë e deputetit socialist.

Për 30 minuta me radhë Basha iu përgjigj pyetjeve të prokurores Elsa Miha, ku dha qëndrimin e tij mbi pretendimet e Ballës.

Para mikrofonëve Basha nuk ndau detaje të seancës së pyetjeve, por tha se thirrja e kreut të opozitës për t’u paraqitur në Prokurori nuk është fundi i opozitës, por fillimi i fundit të regjimit kriminal. Nga pragu i prokurorisë Basha dha një mesazh për qeverinë.

“PD, unë dhe shqiptarët e vendosur për të larguar krimin nga politika as nuk trembemi as nuk shantazhohemi dhe as nuk impresionohemi nga makinacionet politike të shtetit privat të Edi Ramës, por jemi të vendosur për të vazhduar deri në fund betejën tonë për çmontimin e këtij shteti privat dhe shkatërrimin e diktaturës mafioze”, u shpreh Basha.

Përveç Lulëzim Bashës, deputeti Balla ka kallëzuar penalisht edhe deputetët Enkeled Alibeaj e Edi Paloka, ish-oficerin Emiliano Nuhu, si edhe gazetarin Basir Çollaku. Javën e kaluar, prokurorja Miha mori deklarime nga kallëzuesi Taulant Balla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono