deputetja

rudi-hajdari-1280x668.jpg
G. P.20:39 | 18/09/2019

Një nga kushtet për çeljen e negociatave sipas deputetes Rudina Hajdari do të jetë ndëshkimi i të gjithë politikanëve të korruptuar dhe që kanë vjedhur vota. Gjatë një interviste në rubrikën “Mbrëmje Ide” me gazetaren Mirela Milori, deputetja e opozitës pohoi se kjo ka qenë një kërkesë e faktorit ndërkombëtar, sidomos palës gjermane, në takimet e vazhdueshme që janë kryer.

Rudina Hajdari: Mos harrojmë se krahas reformës zgjedhore, na ndan një muaj nga vendimi i çeljes së negociatave i cili do vijë me kushte të qarta. Ju e patë qartë sot, ishin nëntë kushte dhe një nga kushtet ishte shumë e qartë. Jo në mënyrën e nëntë kushteve pra të detajuara në atë lloj mënyre, por gjithë kohës, sidomos pala gjermane, kanë kërkuar që të ketë ndëshkime ndaj figurave politike që janë të korruptuar apo që janë akuzuar për vjedhje votash. Kanë kërkuar që të ketë ndjekje penale ndaj figurave të rëndësishme politike.

Mirela Milori: Do vendosen kushte për çeljen e negociatave për figura të rëndësishme do të kërkohet ndjekje penale? Në takimet që  keni pasur ky ka qenë konteksti?

Rudina Hajdari: Kanë kërkuar që të ketë ndjekje penale dhe ndëshkim të figurave në nivel më të lartë politik, jo vetëm në nivelet e mesme të administratës shtetërore.

Mirela Milori: Çfarë kuptoni me nivel të lartë politik?

Rudina Hajdari: Në funksionet më të larta.

Mirela Milori: Ministra?

Rudina Hajdari: Kjo është një gjë për t’u parë. Nëse rezultojnë të tillë persona të cilët kanë një precedent penal, atëherë patjetër që do ketë ndjekje penale dhe hetim të mëtejshëm në lidhje me këta persona.

Deputetja opozitare tha më tej se pala gjermane nuk ka përmendur emra dhe sipas saj për këtë çështje duhet shikuar vullneti i qeverisë. Sipas Rudina Hajdarit, çuarja përpara e reformës në drejtësi, që ka të bëjë me ngritjen e SPAK, BKH, Gjykatën e Lartë, Gjykatën Kushtetuese, është kusht më vete i ndërkombëtarëve.

Për sa i përket komisionit të reformës zgjedhore, deputetja tha se “është një nga betejat që do tregojë vlerësimin e opozitës brenda parlamentit. Mendoj me mënyrën se si do udhëheqim këtë betejë do krijojmë besueshmëri te publiku. Patjetër që është një betejë shumë e rëndësishme”./abcnews.al

kodheli-1-1280x716.jpg
Sej rie20:45 | 17/06/2019

Në kohën kur ka qenë në krye të Ministrisë së Mbrojtjes, deputetja e PS-së Mimi Kodheli  ka dërguar 36 dosje ndaj zyrtarëve të PD-së në Prokurori. Sipas saj ata akuzohen për një zërë veprash të rënda. Ajo është shprehur se dosjet në atë kohë janë mbyllur, por shpreson shumë që ata do të hapen një dita pasi beson shumë tek drejtësia e re.

Mimi Kodheli: Ju me prezantuat mua si ish-ministre të Mbrojtjes. Unë di t’iu them një gjë. Unë personalisht kam çuar në Prokurori 36 dosje kur isha në  Ministri, të cilat përmbajnë shkelje të rënda të Kushtetutës, shkelje të renda të shumë ligjeve. Dosjet janë mbyllu. Disa përgjigje janë për pamundësi dhe për paaftësi për t’i hulumtuar.

Mirela Milori: Dosjet janë atje?

Mimi Kodheli: Patjetër që janë. Çfarë të them unë tani? Të dal dhe të them që këto janë bërë enkas kështu sepse njerëzit që janë çuar aso kohë në Prokurori janë njerëz që kanë qenë më pushtet, janë njerëz që kanë qenë të PD-së. Nuk janë një e dy, por janë 36 dosje për vepra të rënda penale, për tradhti ndaj atdheut, shkelje të Kushtetutës sepse flisnin për Forcat e Armatosura dhe fjalët janë shumë të mëdha në këtë rast. Janë atje dhe janë të mbyllura. A duhen rihapur? Po patjetër. Do të vijë koha që do të rihapen dhe kjo është e sigurt sepse nëse nuk e kam këtë besim,  nuk bëj dot këtë punë që bëj.

Mirela Milori: Sa e qetë jeni ju që keni bindjen kur shiko njerëz që kanë bërë qoftë tradhti ndaj atdheut, apo abuzime të mëdha monetare, të cilët jo vetëm që shëtisin të lirë, por mund të jenë edhe njerëz përfaqësues në politikë dhe në vendimmarrjen e këtij vendi?

Mimi Kodheli: Po patjetër janë njerëz që i thirrini edhe nëpër tryeza ju dhe që shpalosin këtu gjithfarë opinionesh.

Mirela Milori: Sa e qetë jeni ju?

Mimi Kodheli: Unë nuk jam e qentë, por kjo më nxit që të punoj më fort dhe të luftoj më shumë për të drejtën.

Mirela Milori: Dhe ju besoni prek Prokuroria që iu ka mbyllur 36 dosje?

Mimi Kodheli: Unë besoj tek institucioni dhe nuk besoj tek ata njerëzit që kanë punuar deri dje, që kanë qenë të politizuar që nuk është dashur të rrinin atje sepse shumica e tyre kishin bërë vetëm 6 muaj shkollë, ndërsa ne të tjerëve na ka rënë kurrizi me vite për të marrë një diplomë. Besoj tek fryma dhe besoj rek besimi që duhet t’i japim. Besoj tek ky procesi i vettingut. Besoj tek drejtësia e re./abcnews.al

klotilda-1280x715.jpg
Sej rie19:45 | 05/06/2019

Gazeta gjermane “Bild” ka publikuar regjistrime audio të “Dosjes 339/1”, pjesë e së cilës është grupi i Avdylajve të Shijakut. Në 6 përgjime audio të publikuara online dëgjohet Astrit Avdylaj, që sipas “Bild”, mbledh vota në favor të Partisë Socialiste në qarkun e Durrësit, përpara zgjedhjeve të 2017-s.

E ftuar në “Mbrëmje Ide”, deputetja e PS-së Klotilda Ferhati, u shpreh se është drejtësia ajo që duhet të vendose për çështjen në fjalë. Madje ajo  theksoi se prokurorët duhet të kishin punuar për çështjen në fjalë dhe sipas saj asgjë nuk i ka penguar.

“Këto janë çështje të drejtësi dhe në bazë të ligjit dhe kuadrit ligjor, jo vetëm në Shqipëri por në të gjithë botën, çështje të tilla janë objekt i hetimeve nga organet përkatëse, nga gjykatat. Lajme të tilla në media, apo investigime në gazetari, sado prestigjioze qofshin edhe media edhe gazetaria mund të shërbejnë si indicie për të nisur hetimet, për të zbardhur një të vërtetë, por nuk mund të jenë vendimtare për të përcaktuar të vërtetën në lidhje me çështjen” tha Ferhati.

Mirela Milori: Duke qenë njeri i ligjit mendoni se Prokuroria duhet të kishte thirru zotin Dako apo kryetarin e PS-së në Shijak?

Klotilda Ferhati: Që t’iu jap një përgjigje për këtë çështje më duhet të njoh dosjen. Më duhet të di se çfarë ka pas këtyre 5 rreshtave. Ka proceduara ligjore dhe prokurorët kanë në dorë të gjithë mekanizmat e tyre për të pyetur këdo që e çmojnë të rëndësishëm për të zbardhur një fakt apo një ngjarje. Nuk mendoj se e pengon ndonjë gjë në këtë drejtim. Unë mendoj se nëse zellin që kanë për të bërë këto scupet, ta harxhojnë për të bërë profesionin nuk do kishte fare situata të tilla sepse në fund të fundit edhe drejtësia i ka të qarta mekanizmat e veta. Fakti kur është fak dhe provohet askush nuk e kundërshton dot. Ama kur fakti rri kaq shumë kohë duke u bërë vorbull thashethemesh, vorbull opinionesh dhe e humb kuptimin e tij të vërtetë, edhe drejtësinë e kanë cenuar. Do doja nga të gjithë të bëjnë detyrën e tyre.

Mirela Milori: Prokuroria ka reaguar ndaj gazetarëve duke thënë nëse ju nxirrni informacionet dhe materialet që keni… nuk është puna jo të mos nxjerrim materialet. Puna është se nëse ne kemi materiale për të cilat prokuroria nuk punon, nuk është faji jonë dhe nuk do ngelemi ne pa i publikuar.

Klotilda Ferhati: Përgjegjësia për rrjedhje informacioni sipas ligjit i takon në radhë të parë atyre që punojnë në prokurori. Një hetim duhet bërë brenda institucionit dhe ata kanë detyrimin të parit./abcnews.al

BROVINA-FOTOJA.mpg_snapshot_00.19-1280x720.jpg
ent ela21:05 | 17/05/2019

Marrja në pyetje nga Prokuroria Speciale duket se e ka gjunjëzuar deputeten Flora Brovina, e cila të premten ka kërkuar falje për publikimin e fotos që sipas saj tregonte dhunimin që ushtarët serbë i bënin një vajze nga Kosova. Në reagimin e saj, Brovina ka deklaruar se nuk e kishte verifikuar origjinalitetin e fotos që ngjalli diskutime të shumta.

Vërtetësinë e fotografisë së publikuar dje para mediave nga deputetja Flora Brovina e ka vënë në pikëpyetje edhe vetë ajo duke thënë se nuk e ka verifikuar. Brovina ka kërkuar falje në një konferencë për media pasi u mor rreth tri orë në pyetje nga Prokuroria Speciale.

Flora Brovina- Deputete PDK: “Fotografia me gjasë është e falsifikuar. Ju kërkoj falje të gjithëve, sidomos grave të dhunuara. Mua ma kanë dorëzuar foton diku në vitin 2003 në një zarf”.

Brovina thotë se foton, e cila dyshohet të jetë e falsifikuar, e ka marrë nga një anëtar i KMDLNJ-së, por nuk ka përmendur emra konkretë. Ndërsa sipas saj fotografia i është dorëzuar përmes nënkryetares së komisionit në atë kohë, ish-deputete e LDK-së Mevlude Saraçi Sahatçiu. Kjo e fundit e ka demantuar Brovinën duke thënë se do ta padisë për shpifje.

Edhe kryetar i KMDLNJ-së ka mohuar se ndonjë aktivisti i këtij këshilli t’i ketë dorëzuar Flora Brovinës një foto të tillë. Ndërsa prokuroria thotë se Brovina ka pranuar se fotoja mund të jetë nga Iraku dhe për këtë fakt ndihet e shqetësuar.

Deputeti i Lëvizjes Vetëvendosje, Xhelal Sveçla ia ka kujtuar Brovinës se kushdo që ofron prova të rreme në bazë të kodit penal mund të dënohet me gjobë ose me burgim nga tre muaj deri në tre vjet. Ndërsa për të hënën është paralajmëruar një marsh protestues në mbrojtje të viktimave të dhunës seksuale gjatë luftës në Kosovë. Fotografia e publikuar dje dyshohet të jetë falsifikuar dhe një e ngjashme është gjetur në  faqe të huaja të internetit me përmbajtje pornografike. /ABC News Albania 24/7

 

deputetja-kosovare.jpg
G. P.22:20 | 16/05/2019

Fotoja e një vajze kosovare të dhunuar nga ushtarët serbë gjatë luftës ka shkaktuar debate në Parlamentin e Kosovës, ku do të votohej një rezolutë për krimet e luftës.

Debat i gjatë dhe i ashpër është zhvilluar para miratimit të rezolutës për dënimin e krimeve e gjenocidit serb në Kosovë.

Kadri Veseli: Plaga më e madhe është mungesa e drejtësisë për viktimat e gjenocidit, të cilin shteti serb e ushtri mbi popullin tonë gjatë viteve të luftës.

Ndërsa publikimi i fotografisë nga deputetja Flora Borvina, ku shihet dhunimi i një gruaje nga serbët gjatë luftës në Kosovë ka zgjuar reagime të mëdha. Reagimi i parë ishte nga deputetja Saranda Bogujevci, e cila ishte plagosur rëndë gjatë luftës në masakrën e Podujevës, ku edhe humbi një pjesë të madhe të familjes.

Saranda Bogujevci, deputete: Për mua është shumë shqetësuese qysh dikush shfrytëzon vuajtjen e dikujt tjetër, prapë për përfitime të veta. Është komplet e padinjitetshme që të tregohet një fotografi e tillë, çka nëse identifikohet viktima.

Por kjo nuk e ndali deputeten Brovina që të publikojë edhe një tjetër fotografi. Ndërsa Prokuroria e Shtetit nëpërmjet një komunikate për media ka bërë të ditur se do të hapë hetimet për dhunim, fotografinë e së cilës e publikoi Brovina.

Ish-presidentja Atifete Jahjaga veprimin e sotëm të deputetes Brovina e ka quajtur të turpshëm, ndërsa rrjeti i Grupit të Grave të Kosovës thotë se Brovina shkeli dinjitetin e të të mbijetuarave të dhunës seksuale./ABC News Albania 24/7

rudina-hajdari-2-1280x748.jpg
G. P.23:51 | 11/05/2019

“Sonte, familjet e zakonshme me fëmijë të vegjël do të kthehen në shtëpi me frikë nga pasiguria”.

Kështu e nis reagimin e saj në lidhje me protestën e sotme, kryetarja e grupit parlamentar demokrat, Rudina Hajdari sipas së cilës do të jenë njerëzit, ata që do të paguajnë dëmet që janë shkaktuar për shkak të bombave molotov.

Hajdari shkruan se shqiptarët kanë zgjedhur demokracinë dhe sipas saj, Azem Hajdari nuk do të kishte mbështetur veprimet e Bashës sot. Sipas deputetes, Basha po minon parimet e paqes, prosperitetit dhe pluralizmit.

“Mos e quani veten një “demokrat” z. Basha, dhe mos besoni që im atë do të kishte mbështetur veprimet tuaja sonte. Azemi dhe e gjithë Shqipëria në 1990 protestuan për të sjellur demokracinë në Shqipëri jo nëpërmjet dhunës. Ju po protestoni ta grisni atë demokraci copë e grimë. Shqiptarët e zakonshëm e panë të vërtetën e shëmtuar sonte se, dhe s’mund të gabojmë t’iu quajnë ju një “demokrat”. Ky është një mashtrim. Edhe pas 30 vjetësh e kopjon Azemin shëmtuar duke përsëritur refrenin “E duam Shqipërinë si gjithë Evropa”.

Shqiptarët nuk e përdorin dhunën për të manipuluar njerëzit e zakonshëm, z. Basha, e aq më tepër demokratët të cilët kanë qenë përherë paqësor. Ata nuk i kërcënojnë institucionet dhe proceset politike sepse nuk mund të fitojnë zgjedhjet. Ata nuk bëjnë kompromis paqen dhe stabilitetin e një kombi, sepse ata nuk mund të fitojnë zgjedhjet – dhe e dinë që pas humbjes dy herë, ata kurrë nuk do të fitojnë herën e tretë përmes kësaj shfaqje të shëmtuar.

Im atë nuk bëri gjithë atë sakrificë që një ditë Partia Demokratike të bënte këtë që bëri sot sepse – ju po minoni parimet e paqes, prosperitetit dhe pluralizmit, me keq akoma. Im atë nuk kërkoi t’i japë fund 5 dekadave të sundimit komunist, që Shqiptarët që të jetojnë përsëri në frikë për të nesermen. Frika nuk ka vend në demokraci dhe njerëzit e zakonshëm e dinë se kjo sjellje e pakicës nuk ka vend në një vend demokratik”, shkruan Hajdari.

Sipas deputetes, sjellja e Bashës nënkupton që koha e tij është e shkuar.

“Me këtë sjellje mendoj se është e qartë se edhe e vetë e kuptoni se koha juaj është e shkurtër. Dhuna është mjet i fundit i të dëshpëruarve. Ju nuk do të detyroni popullin e këtij vendi të zgjedhë ju nga frika.

Gjenerata ime edhe pse ja vratë shpresën vazhdojnë vlerësojnë demokracinë dhe s’kanë për të rënë pre e rikthimit në kohë. Gjenerata ime do shpresë, do alternativë, do vizion, do njerëz të mirë, e të tillë ka plot ky vend!

Ata që morën pjesë në protestën e PD në mënyrë të dhunshme këtë mbrëmje nuk e bënë këtë në emrin e tim atë, por të dhunshmit ishin një pakicë e vogël. Shumica e heshtur e Shqipërisë e di se udhëheqësit që shpërthejnë molotov në vend të dialogut, nuk janë udhëheqës të cilët luftojnë për një Shqipëri si Evropa”, shprehet Hajdari./abcnews.al

 

heshtje-1280x689.jpg
Sej rie10:45 | 08/05/2019

Parlamenti ka mbajtur një minutë heshtje për efektiven e Forcave të Armatosura shqiptare të gjendura në Letoni për një mision të Aleancës së Atlantikut të Veriut, gjatë të cilit humbi jetën efektivja Zarife Hasanaj. Por moment nuk ka kaluar pa konfuzion në Parlament, kur deputetja Hajdari kërkoi nderimin.

Doli për të nderuar efektiven e vrarë në kampin Adazi në Letoni, por informacionin e kishte të gabuar.

 “Zoti kryetar ditën e hënë më 6 Maj humbën jetë tre ushtarakë shqiptarë në Letoni gjatë misionit të NATO-s”.

Nuk vonoi reagimi i kolegëve. “Dy të plagosur jo të vrarë…”, zëra nga salla.

E pavarësisht këmbënguljes së saj. “Tre, mund t’ua them emrat”, vijon Hajdari.

Deputetët në sallë i kursyen familjarëve dhe miqve dizinformimin, ndërsa asaj vetë, turpin… pasi e informuan aty për aty.

“Dakord! Do i kërkoja Kuvendit të Shqipërisë një minutë heshtja për zonjën Zarife Hasanaj, 32-vjeç e lindur në “Bajram Curr” Tropojë”.

Deputëtë mbajtë një minut heshtje në nder të nëndetares.  Ngjarja e ndodhur pak ditë më parë  në Letoni, ku gjatë një misioni të NATO-s si shkak i një shpërthimi të municioneve të paplasura, humbi jetën nëntetare Zarife Hasanaj dhe u plagosën rreshter Julian Kapaj dhe major Klodian Tanushi. Ky i fundit është në gjendje të rëndë shëndetësore në spitalin Riga East University Hospital në Letoni./ABC News Albania 24/7

Alexandria_Ocasio-Cortez.jpg
nev ila18:45 | 18/04/2019

Deputetja amerikane 29 vjeçare Alesandria Okasio Kortez, ka hequr dorë nga Facebook, duke e konsideruar si një rrezik për shëndetin publik. Ngritja e saj në skenën politike kishte nisur pikërisht nga rrjetet sociale.

Personi i radhës që kritikon Facebook është deputetja më e re në historinë e Shteteve të Bashkuara të Amerikës, e cila pikërisht duke përdorur këtë rrjet social, nisi me sukses karrierën e saj politike.

Alessandria Okasio Kortez, një nga emrat në ngritje në radhët e demokratëve amerikanë, i cilësoi rrjetet sociale si një rrezik për shëndetin publik me efekte dhe pasoja për të gjithë. Ajo konfirmoi se do të mbyllë faqen e saj në Facebook.

Ajo shpjegoi se personalisht kishte hequr dorë nga Facebook.

Dhe pse e pranon se fushatën elektorale e kishte nisur pikërisht në këtë rrjet social, i cili kishte qenë mjeti i saj organizativ për shumë kohë. 29 vjeçarja shtoi se kishte reduktuar ndjeshëm dhe përdorimin e rrjeteve të tjera sociale si Twitter apo Instagram, platforma në të cilat ndiqej nga miliona persona./abcnews.al

28153537.460272.2687.jpg
ent ela12:00 | 10/04/2019

Praktikimi i “jogës” në dy nga burgjet e Moskës në kuadër të një projekti pilot, ka shkaktuar reagime në radhët e deputetëve konservatorë. Një deputete ruse i ka kërkuar prokurorit të përgjithshëm të ndalojë këtë projekt, pasi sipas saj provokon homoseksualitetin.

Deputetja ruse Elena Mizulina i ka kërkuar Prokurorit të Përgjithshëm Juri Çaika, që të ndalojë praktikimin e “jogës” në burg. Leksionet e jogës janë bërë pjesë e jetës së përditshme të të dënuarve, aktualisht në formë eksperimenti në kuadër të një projekt piloti, në dy prej burgjeve të Moskës. Deputetja ultra konservatore, e cila ka firmosur dhe ligjin kundër propagandës homoseksuale para të miturve, këmbëngul se “joga” provokon seksualisht dhe në mënyrë të pakontrollueshme. Dhe një gjë e tillë sipas saj mund të çojë drejt homoseksualitetit. Për zëvendës drejtori i njërit prej burgjeve në kryeqyteti rus reagoi duke thënë se leksionet e jogës po japin efekte shumë pozitive. Sipas tij në të gjithë botën ekziston kjo praktikë dhe askush nuk është bërë homoseksual prej saj./abcnews.al

MBULIM-DEPUTETJA-GJERMANE.mpg_snapshot_00.01-1280x720.jpg
G. P.20:24 | 24/09/2018

Deputetja gjermane liberale, Renata Alt kërkon nga qeveria gjermane që të bëjë më shumë presion për njohjen e Kosovës nga vendet anëtare të BE-së. Ajo bën me dije se nuk e mbështet planin për ndryshimin e kufijve. “Nuk është e këshillueshme që në Ballkan të ketë ndryshime kufijsh mbi baza të pastra etnike.

Është një lojë e rrezikshme që mund të ketë pasoja të paparashikueshme që nuk i merr dot me mend askush në këtë moment”, shprehet ajo në një intervistë për Dojçe Vele. Deputetja e Bundestagut nënvizoi se Gjermania do të mbështesë Prishtinën dhe Beogradin në transformimin e tyre në një sistem të mirëfilltë demokratik, në mbështetjen e shtetit të së drejtës dhe të të drejtave të njeriut./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono