deputete

kuvend.jpg
nev ila13:30 | 03/11/2019

Ishte data 23 shtator 2014. Deputeti socialist Arben Ndoka grushtoi në korridorin e Kuvendit, Gent Strazimirin, pasi demokrati i kishte drejtuar gishtin e akuzës si i dënuar për prostitucion gjatë seancës plenare.

Nga ky moment, demokratët ndërprënë cdo marrëdhënie me parlamentin, duke akuzar Ramën se i kishte fituar zgjedhjet me 19 kriminelë në parlament.

Ndërkombëtarët ndërmjetësuan krizën politike, e cila u mbyll me miratimin në 17 dhjetor 2015, të ligjit të dekriminalizimit.

Por, përpara se ligji të miratohej, Arben Ndoka dha dorëheqjen. Në 7 shtator 2015, përmes një letre publike sqaroi se ishte dënuar në mungesë për prostitucion, pas një historie të stisur nga e dashurua e të vëllait dhe një polici italian.

Dy muaj më vonë, në 26 nëntor 2015, teksa në parlament diskutohej ligji i dekriminalizimit, mandatin e dorëzoi dhe Mark Frroku. Deputeti ndodhej në paraburgim për deklarim të rremë mbi një atentat që pretendohej se Ilir Meta kishte porositur për të vrarë Tom Doshin.

Pas një sherri me armë në Luginën e Patokut, për të cilën u arrestua, edhe deputeti tjetër socialist Armando Prenga dorëzoi mandatin, në 2 dhjetor 2017.

Edhe pse ligji i dekriminalizimit u miratua në fund të dhjetorit 2015,  viktimat e para të tij, u shënuan një vit më pas.

Elvis Roshi ishte i rënë i parë. Një dënim i fshehur në Itali për përdhunim, i dha fund mandatit të tij si kryebashkiak i Kavajës, në 29 dhjetor 2016. SINK RAMA Edi Rama që kishte dalë publikisht garant për Roshin, u distancua pas vendimit të KQZ-së.

Në të njëjtën ditë me Roshin, KQZ preu edhe kokën e Dashamir Tahirit të PDIU-së dhe Shkëlqim Selamit të LSI-së.

Në 5 janar 2018, pas hetimit të prokurorisë, KQZ shkarkoi për emra të padeklaruar dhe hesape të fshehura me drejtësinë italiane dhe dy deputetë të tjerë, një të LSI-së e një të PDIU-së.

Gjatë vitit  2018 dhe gjysmës së parë të këtij viti, rrjeta e vettingut kapi dhjetra këshilltarë bashkiakë të partive të ndryshme.

Në 30 qershor, Edi Rama zgjodhi një ekip kryebashkiakës, të cilët në shumicën e vendit, nuk patën asnjë rival përballë, pas bojkotit të zgjedhjeve nga opozita.

Në Shkodër Edi Rama rriti menjëherë politikisht Valdrin Pjetrin, të cilin nga drejtues i përgjithshëm i hipotekave, e bëri kandidat për Shkodrën, e më pas largoi Ditmir Bushatin, duke e bërë Pjetrin drejtues politik të të gjithë qarkut Shkodër. (23 korrik) Por shkëlqimi i Pjetrit nuk zgjati shumë.

PD e akuzoi se kishte fshehur një dënim për trafik droge në Itali, por Pjetri e mohoi kategorikisht.

Pjetri dha dorëheqjen në 15 gusht, kur PD publikoi dokumentin italian të dënimit të tij. Po atë ditë, Edi Rama u divorcua prej tij, por, sërish, duke mbrojtur në formën e tij.

Në të njëjtën formë, Edi Rama mbrojti dhe kryebashkiakun e Vorës, Agim Kajmaku, të cilin PD e akuzoi se kishte fshehur një procedim në Greqi me emrin Jorgo Toto.

Por KQZ i hoqi Kajmakut mandatin në 1 nëntor, duke i zbehur shkëlqimin krenarisë kryeministrore.

Socialistët nuk kanë marrë asnjë përgjegjësi politike për përzgjedhjet e tyre, duke thënë se secili përgjigjet individualisht për veten.

Nën hetim nga prokuroria, është ende kryebashkiaku socialist i Vaut të  Dejës, Mark Babani. Edhe atë, PD e akuzon se ka pasur probleme me drejtësinë italiane./abcnews.al

dpeutet-1280x840.jpg
ad min23:07 | 08/10/2019

Parlamenti në Itali ka miratuar shkurtimin e numrit të deputeteve dhe senatorëve. Ligji është miratuar me shumicë dërrmuese votash dhe është përshëndetur nga kryeministri Giuseppe Conte, që e ka cilësuar një ligj historik.

Dhoma e ulët e Parlamentit italian ka miratuar përfundimisht pasditen e së martës ligjin që parashikon shkurtimin e numrit të ligjvënësve. Drafti kushtetuese është aprovuar me 553 vota pro, 14 kundër dhe 2 abstenime.

Ai shkurton numrin e deputetëve nga 630 që janë aktualisht më 400 dhe atë të senatorëve nga 315 në 200. Duke qenë se bëhej fjalë për një ligj kushtetues ishte e nevojshme shumica e anëtarëve të Asamblesë, ose 316 vota.

Miratimi është pritur me duartrokitje nga salla, kryesisht nga deputetët e Lëvizjes 5 Yjet, e cila kishte promovuar ligjin. I pranishëm në sallë ka qenë edhe kryeministri Giuseppe Conte, i cili megjithatë ka zgjedhur rrjetin social Tëitter për të reaguar.

“Bëhet fjalë për një reformë që ul shpenzimet e politikës dhe bën më funksionale dhomat e Parlamentit. Ky është një hap konkret për të reformuar institucionet tona dhe një ditë historike për Italinë”, ka shkruar Konte në profilin e tij. Në të njëjtat linja është shprehur edhe ministri i Jashtëm Luixhi di Maio, i cili ia ka dedikuar fitoren qytetarëve italianë.

“Kjo është një fitore historike. Është fitorja juaj”, ka thënë ai.

Shkurtimi i numrit të ligjvënësve në të dyja dhomat e parlamentit italian pritet të sjellë në arkën e shtetit një kursim prej 100 milionë eurosh në vit, ndërkohë që deri më sot kostoja ka qenë deri në 500 milionë euro për legjislaturë./ABC News Albania 24/7

kuvendi-i-republikes.jpg
ad min15:07 | 26/09/2019

Kuvendi nuk u mblodh sot në seancë plenare dhe një javë në muaj do të jetë pushim, kjo pasi rregullorja ka ndryshuar, dhe i detyron deputetët që javën e katërt të çdo muaji ta kalojnë në zonë, me banorët që përfaqësojnë. Të hënën do të zhvillohet një seancë parlamentare e posaçme për të diskutuar mbi problemet e zgjedhësve. 

Kjo e enjten e gjen oborrin e parlamentit pa makinat luksoze apo parakalimet përpara kamerave të deputetëve. Nuk ka seancë plenare. Kështu do të jetë në fakt një prej të enjteve të çdo muaji. Rregullorja e Kuvendit ka ndryshuar dhe java e katërt e çdo muaji nuk do të ketë as seancë parlamentare e as komisione, por ligjvënësit duhet të zhvillojnë gjithë javën takime me banorët e zonave që përfaqësojnë.

Në përfundim të kësaj jave të gjelbër siç e quajnë deputetët, menjëherë të hënën pasdite do të zhvillohet një seancë e posaçme parlamentare. Në të deputetët do të diskutojnë për 4 orë, mbi problemet që kanë evidentuar gjatë takimeve me zgjedhësit.

Të hënën e ardhshme do të zhvillohet një seancë e tillë në orën 5 pasdite, dhe meqë kjo javë e parë dedikuar zgjedhësve përkoi me tërmetet dhe përmbytjet, këto çështje do të jenë tema kryesore e debatit si nga mazhoranca edhe nga opozita e re./ABC News Albania 24/7

edi-rama12333.jpg
ad min15:40 | 22/09/2019

Qeveria kaloi e gjitha në gjendje gatishmërie pas tërmetit të fuqishëm që tronditi vendin. Kryeministri Rama zhvilloi mbledhje të njëpasnjëshme me ministrat, grupin parlamentar, kryebashkiakët, prefektët dhe shtabet e emergjencës. Rama kërkoi që të komunikohet me qytetarët për të ulur panikun dhe premtoi se grupe ekspertësh do të jenë në terren për të inventarizuar dëmet.

Deputetët e grupit parlamentar të PS, ministrat e qeverisë dhe kryebashkiakët në të gjithë vendin do të jenë të shpërndarë në shtabet e ngritura për të menaxhuar situatën e krijuar pas tërmetit. Kreu i qeverisë iu referua ekspertëve kur qetësoi qytetarët e qarkut të Durrësit dhe Tiranës mbi dëmet që kanë pësuar në banesat e tyre.

Godina e Këshillit të Ministrave kishte pësuar krisje të dukshme në pjesën anësore të saj, por për shkallën e dëmtimit do të duhet ta vlerësojë grupi i ekspertëve që do të inspektojë ndërtesat në terren. Edhe në hyrjen kryesore ku hynin deputetët e Kuvendit të Shqipërisë, krisjet e shkaktuara nga tërmeti ishin të dukshme.

Rrugët kryesore të kryeqytetit të dielën ishin të boshatisura. Ndaj edhe një kërkesë të veçantë kryeministri e kishte për kryebashkiakun e Tiranës në lidhje me anulimin e aktiviteteve të organizuara në ditën pa makina.

Duke rrëfyer eksperiencën personale në tërmetin e 30 viteve më parë, deputeti Paulin Stërkaj kërkoi të ketë një fond të posaçëm për emergjencat, në të cilin i bëri thirrje të parëve deputetëve të kontribuojnë.

Nga tërmeti 5.8 i shkallës Rihter, i cili e kishte epiqendrën në Adriatik, 10 km larg qytetit të Durrësit në vendin tonë janë shënuar edhe 320 lëkundje të tjera, por të gjitha të një magniture më të vogël./ABC News Albania 24/7

SHKRESA-PER-SHISH-MBULIM.mpg_snapshot_00.00-1280x720.jpg
ent ela20:00 | 12/09/2019

Një grup deputetësh të kuvendit të Shqipërisë i kërkojnë kryetarit të Shërbimit Informativ Shtetëror pjesëmarrjen në një seancë dëgjimore.

Kërkesa e 9 deputetëve drejtuar kreut të këtij institucioni Helidon Bendo, vjen pas deklaratës së presidentit të Republikës se kishte marrë informacione nga SHISH se më 8 qershor do të digjej parlamenti.

Këto informacione, sikurse është shprehur ditët e fundit presidenti, kanë çuar në vendimin e tij për anulimin e zgjedhjeve vendore të 30 qershorit.

Pikërisht për të mësuar më tepër rreth informacioneve që pretendon kreu i shtetit, deputetët kërkojnë seancë dëgjimore me kreun e Shërbimit Informativ Shtetëror, Helidon Bendo. /ABC News Albania 24/7

PARLAMENTI-BRITANI.mpg_snapshot_00.08-1280x720.jpg
ent ela19:45 | 11/09/2019

Një gjykatë në Britaninë e Madhe e ka shpallur të paligjshëm shpërndarjen e Parlamentit të vendosur nga kryeministri Boris Xhonson. Në vendim, gjykata shprehet se kreu i qeverisë nuk mund t’i mohojë Parlamentit të drejtën t’i kërkojë llogari ekzekutivit.

Pezullimi që kryeministri Boris Xhonson i bëri Parlamentit britanik është i paligjshëm. Kështu ka vendosur gjykata më e lartë civile e Skocisë, e cila ka mbështetur një grup politikanësh që kishin sfiduar lëvizjen e kryeministrit. Gjyqtarët deklaruan se kryeministri po përpiqej t’i ndalonte Parlamentit t’i kërkonte llogari qeverisë në prag të Breksit. Një apelim nga ekzekutivi ndaj vendimit pritet të bëhet javën e ardhshme në Gjykatën Supreme të Londrës. Vendimi i së mërkurës hedh poshtë një vendim të mëhershëm gjykate, që thoshte se zoti Xhonson nuk e kishte shkelur ligjin me zgjedhjen e tij për të pezulluar Parlamentin. Faktikisht, pezullimi prej 5 javësh i institucionit nisi në orët e para të së martës. Ligjvënësit nuk pritet të kthehen në Parlament deri më 14 tetor, kur do të ketë një fjalim të mbretëreshës për të parashtruar planet legjislative të kryeministrit. Mbretëria e Bashkuar pritet të largohet nga Bashkimi Europian më 31 tetor. Partitë e opozitës i kanë bërë thirrje Parlamentit që të rimblidhet menjëherë pas vendimit të gjykatës, por Dauning Strit ka deklaruar se një gjë e tillë nuk mund të ndodhë pa u shqyrtuar apeli në Gjykatën Supreme të Londrës. Qeveria britanike u distancua gjithashtu nga zërat se gjyqtarët skocezë ishin politikisht të njëanshëm, duke theksuar se kryeministri respekton pavarësinë e gjyqësorit. /ABC News Albania 24/7

besa-shahinii.jpg
ad min15:47 | 18/07/2019

Shtatë deputetë të Kuvendit të Shqipërisë kërkuan interpelancë urgjente me Ministren e Arsimit, Sportit dhe Rinisë Besa Shahini për rritjen e notës mesatarë për studimet e larta. Ky vendim i qeverisë sipas deputetëve penalizon maturantët ndërsa sipas ministres rrit cilësinë në arsim.

Rritja e notës mesatare për pranimet në universitet nxiti shtatë deputetë të Kuvendit t’i kërkonin shpjegime Ministres së Arsimit, Sportit dhe Rinisë Besa Shahini.

“Si mund të miratohet një vendim dy javë përpara se të mbarojë matura, duke përcaktuar mesataren e një procesi që ka filluar tre vite më përpara. A nuk do të ishte më e drejtë që ta vendosnit këtë vendim vlefshmërie që nga viti i parë i studimeve 2019-2020”?

Ministrja e Arsimit, Sportit dhe Rinisë doli në foltore për të treguar se vendimi vjen pas analizës së kryer në cikle të ndryshme të arsimit.

“Do të sigurohemi që vetëm më të mirët do të bëhen mësues, do të sigurohemi se do të rritet cilësia e arsimit të lartë si nga ana e universiteti, si nga ana e prurjeve të studentëve”.

Përgjigja nuk kënaqi deputetët që kërkuan interpelancën urgjente me ministren Shahini.

“Unë e shtrova me dashamirësi dhe me një ton tjetër gjatë gjithë pyetjeve pa dashur t’ju akuzoj për agjë në ndryshim nga përgjigjet tani ishte “a jeni ju të predispozuar ta shtyni këtë vendim të paktën për një vit” që ata të kenë një vit mundësi që ta përmirësojnë mesataren, jo si këta që ikën. Ju mesa duket nuk e zutë fare në gojë. Nuk dhatë asnjë përgjigje, po, jo, ndoshta”.

Ndërsa qeveria nuk tërhiqet në vendimin që ka marrë.

“Ka filluar të zbatohet qysh në vitin 2016 me notën mesatare 6, në vitin 2018 me notën 7 për mësuesi. Atëherë kemi folur publikisht, në të gjitha universitetit, që do të shkojmë tutje në studimet e mësuesisë me 7.5 dhe ashtu siç ju thashë sot do të shkojmë në 8”.

Maturantët që duan të ndjekin studimet e larta këtë vit akademik në programet bachelor gjatë viteve të gjimnazit duhet të kenë arritur mesatare të notave të paktën 6.5. Nëse zgjedhin degët e mësuesisë mesatarja duhet të jetë minimum 7.5 ndërsa për mjekësinë 8.5./ABC News Albania 24/7

anna-lika.jpg
ad min19:21 | 22/06/2019

Anna Lika ishte e ftuar këtë të shtunë në emisionin “Thumb”. Ajo është një ndër personazhet më karizmatikë dhe të këndshëm për publikun. Siç është bërë zakon në banakun e emisionit edhe Anna tregoi një histori kur ka qenë e dehur.

“Para shumë vitesh mbaj mend që njëherë nuk e di pse më dukej vetja sikur isha shumë e famshme, sikur isha deputete. Kisha pirë vetë, vodka pjepër dhe i kisha marrë dy shoqet dhe i thoja “shikoni si ju shoqëroj në shtëpi me eskortë”. Ato nuk e kuptonin dhe kujtonin se bëja shaka.

Nga mbrapa kishim një makinë policie se nuk kishim ndaluar një postbllok më përpara. Ata po na gjurmonin dhe unë mendoja se jam shumë e famshme. U thoja këtyre që “jeni me kryetaren këtu. Sa herë të doni, kur të doni”. Nuk u ktheva unë në realitet, thjesht na ndaloi një makinë policie përpara që na ndaloi dhe ne dolëm dhe thamë që nuk është makina jonë”, tha Anna./abcnews.al

PRONONCIMET-DEPUTETEVE-PER-PERGJIMET-KR.mpg_snapshot_00.14-1280x720.jpg
ent ela18:10 | 20/06/2019

Protagonistët e përgjimeve të “Bild” gjatë zgjedhjeve në Dibër nuk flasin për mikrofonët e mediave aq lirshëm sa në bisedat telefonike të përgjuara.

Qefalia: “Pallavra se nuk janë, janë biseda shoqërore, të flasësh me një shokun e klasës të fëmijërisë çfarë problemi ka”

Manja: “Për çështje të drejtësisë, flet drejtësia”

Fjalë pak është edhe Olta Xhaçka, aktualisht drejtuese politikë në Dibër.

“Prokuroria duhet të bëjë punën e vet”.

Nga këto biseda distancohet dhe deputetja e Dibrës, Almira Xhembulla.

“Unë në 2016 isha qytetare e zakonshme dhe me shumë kënaqësi kam votuar Muharrem Ramën”.

Heshtjes së disa deputetëve, ju bashkohen dhe koordinatorët elektoralë.

Zëvendëskryeministri Braçe përjashton blerjen e votës.

“Nuk është gjetur nga këto përgjime që të jetë komunikuar për çështje parash, për secilin përfshirë këta të dy prokuroria të kryejë veprimet e saj”.

Numri dy i qeverisë bën një hap pas kur i përmendet biseda e Damian Gjiknurit që dërgon një furgon me djem problematikë në Dibër.

“Nuk është normale, në krahun tjetër ju duket normale që ish ministri të mbledhë një makinë me djem problematikë nëse provohet të hetohet deri në fund”.

Një ndër deputetët më të vjetër të parlamentit, Musa Ulqini i thërret eksperiencës së tij për të bërë diferencën.

“Kushdo që keqpërdor lekët për të blerë votat duhet të dënohet. Kjo parti që ka bërë Libofshën që ka bërë krimin më të tmerrshëm elektoral në ‘96, që ka bërë ’97, ’98, Gërdecin dhe ka vrarë 4 vetë në 21 janar nuk mund të bëjë ëngjëllin dhe të na tregojë me gisht ne për gjëra që nuk shkojnë mirë sot. Në këtë moment të gjithë kanë përgjegjësi, të gjithë duhet të tregohen të drejtë në raport me interesat e vendit dhe mos bëjnë gjëra si kjo e Ilir Metës që do jetë në librin Guinness që në ditën më të rëndësishme në vend të bëjë detyrën e vet dhe tu ulë gjakrat, por i hedh benzinë tensioneve në Shqipëri”.

Bashkim Fino pretendon se ka edhe video kompromentuese për PD.

“Duhet të vepronte prokuroria para 3 vjetësh, dosjet janë të mbyllura këto janë indicie dhe duhen hetuar nga prokuroria të gjitha përgjimet edhe për partinë e opozitës”.

Fluturimet nga puna si ndëshkim partiak i përjashton dhe Bujar Cela deptuet i Lushnjës.

“Unë nuk jam nga Dibra të gjithë kolegët kanë emër”. /ABC News Albania 24/7

deputetet-1.jpg
ad min12:29 | 20/06/2019

Deputetët e mazhorancës dhe opozitës në parlament kanë qëndrime të ndryshme për audio përgjimet e publikuara për zgjedhjet e pjesshme vendore në Dibër. Ata bien dakord në një pikë, që ata që prokuroria të hetojë nxjerrjen e sekretit hetimor e kush ka vjedhur votat të ndëshkohet.

Almira Xhembulla, deputete e PS: Unë në 2016 isha një qytetare e zakonshme dhe me shumë kënaqësi kam votuar Muharrem Ramën.

Bashkim Fino, deputet i PS: Duhet të vepronte prokuroria para 3 vjetësh, dosjet janë pothuajse të mbyllura. Unë mendoj se këto janë indicie dhe indiciet duhet të vazhdojnë, të hetohen nga prokuroria. Madje të gjitha përgjimet. Ka përgjime edhe për partinë e opozitës, biles edhe përgjime.

Musa Ulqini, deputet i PS: Kushdo që guxon të keqpërdorë lekët për të blerë votat duhet të dënohet. Si ka mundësi që PD ka dy vjet që e mban këtë dosje dhe nuk ulet me ne te komisioni i reformës për të ndryshuar gjëra që duhen ndryshuar, por në vend që ta përdorë për të rregulluar situatën, e keqpërdor sot për të denigruar procesin. Në këtë moment të gjithë kanë përgjegjësi, të gjithë duhet të tregohen të drejtë, të përgjegjshëm në raport me interesat e vendit.

Bujar Çela, deputet i PS: Çmimi më i madh i votave në qarkun tonë është dëshira e popullit. Nuk ka ndodhur asnjëherë, por unë nuk jam nga Dibra.

Gazetarja: Fluturon njeri nga puna në vendin tuaj?

Bujar Çela: Unë nuk e di, por zakonisht në qarkun tonë nuk fluturon njeri.

Gazetarja: Zonja Mara sa ka qenë çmimi i votës për ju në Dibër?

Aurora Mara, deputete e grupimit të pavarur: Unë nuk i konceptoj fare këto gjëra./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono