deputet gjerman

balla-1.jpg
G. P.13:57 | 17/07/2018

Në përfundim të takimit me deputetin gjerman Frank Schwabe, numri dy i socialistëve Taulant Balla, gjatë konferencës së përbashkët për median, foli për rolin e rëndësishëm të mazhorancës por edhe opzoitës shqiptare në Asamblenë Parlamentare të Këshillit të Europës, duke zbardhur edhe temat kryesore të diskutuara me kryetarin e grupit Social Demokrat në këtë asamble.

“Shqipëria është një anëtar, i cili luan një rol të rëndësishëm në asamblenë parlamentare. Deputetët tanë luajnë një rol të rëndësishëm në drejtim të grupeve parlamentare, ku ata bëjnë pjesë dhe sigurisht kemi diskutuiiar për çëshjtej e rëndësishme në interes të Asamblë Parlamentare të Këshillit të Europës sikurse është edhe ajo që u theksua në raportin e Këshillit të Europës dhe që ka të bëjë me implementimin e menjëherëshëm dhe pa humbur kohë të rekomandimeve të raportit të OSBE/ODHIR për zgjedhjet në Shqipëri, kuadri dhe shinat në të cilat ne duhet të përmbyllim brenda këtij viti, miratimin në Kuvend të këtyre rekomandimeve në kuadër të reformës zgjedhore. Miku ynë Shuabe kishte interes për reformën në drejtësi ku bashkëndamë faktin se reforma po ecën me ritme të shkëlqyera”, tha Balla.

Ndajnë mendimin se reforma në drejtësi po ecën me hapa të shkëlqyer, e për këtë, deputeti gjerman i kërkoi Shqipërisë të vijojë me dhënien e sinjaleve të mira, në kaudër të integrimit europian.

“Në muajt në vijim kërkojmë nga vendi juaj vijimin e dhënies së sinjaleve të mira në funksionimin e reformës në drejtësi, për t’i dhënë kështu më shumë argument vendeve anëtare në Bashkimin Europian për të votuar pro hapjes së negociatave me Shqipërinë. Për këtë, duhet të vijojë konseguenca me zbatimin e reformës në drejtësi si dhe bërja e sa më shumë të jetë e mundur për antikorrupsionin në vend si dhe ndryshimin e Kodit electoral në kuadër të reformës zgjedhore”, tha Schwabe.

Gjatë vizitës 24 orëshe në tiranë deputeti gjerman Schwabe ka zhvilluar takim me kreun e shtetit Ilir Meta, kryeministrin Rama dhe kreun e Kuvendit Gramoz Ruçi./abcnews.al

gjermani-dhe-balla.jpg
G. P.12:48 | 31/05/2018

Rrëmuja e senacës plenare të radhës nuk e ka lëkundur qëndrimin e deputeti të Partisë Social Demokrate të Gjermanisë, Metin Hakverdi. Ai doli nga Kuvendi në shoqërinë e kryetarit të grupit parlamentar socialist, Taulant Balla, për të deklaruar publikisht mbështejen për hapjen e negociatave.

Metin Hakverdi: “Dy Partitë motra kanë të njëjtin qëndrim mbi zgjerimin e Bashkimit Evropian. Kështu që muajin tjetër në shpresojmë që të marrim një vendim të rëndësishëm jo vetëm për Shqipërinë por për Bashkimin Evropian. Ne e mbështesim dhe e kemi mbështetur këtë proces për një kohë të gjatë”.

Deputeti i SPD në Bundestagun gjerman, anëtar i Komitetit për çështjet e Bashkimit Europian në Bundestag tha se do të bëjnë gjithcka që në 28 Qershor të mundësohet nisja e bisedimeve të Shqipërisë me Bashkimin Evropian.

Metin Hakverdi: “Është Partia Social Demokrate në Gjermani që ka këmbëngulur gjithmonë në procesin e zgjerimit për anëtarësuimin e Shqipërisë, një proces jo vetëm i rëndësishëm për vendin tuaj por edhe për Bashkimin Evropian. Është një favor për të gjithë  dhe ne po bëjmë gjënë e duhur. Ne do të bëjmë gjithçka që kjo të ndodhe në fund të muajit tjetër dhe progresi do të arrihet në të ardhmen. Mezi pres që të rikthem përsëri”.

Për kreun e grupit parlamentar socialist ky është një tjetër konfirmim i mbështetjes që i jep Gjermania Shqipërisë. Deputeti i Partisë Social Demokrate në Bundestagun gjerman Metin Hakverdi po zhvillon për herë të parë një vizitë në Shqipëri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono