departamenti i shtetit

dash.jpg
G. P.21:35 | 11/07/2019

Departamenti amerikan i Shtetit e ka vlerësuar si katastrofike klimën e biznesit në Shqipëri. Në raportin vjetor mbi mundësitë për investimet e huaja, Uashingtoni thotë se vendi vuan nga korrupsioni i lartë në institucione, favorizimi i sipërmarrjeve të lidhura me politikën dhe ligjet e dështuara të qeverisë për të bërit biznes.

Shqipëria është një vend i korruptuar, ku mungon transparenca, ligjet janë joefikase dhe favorizohen kompanitë sipërmarrëse të lidhura me politikën. Kështu thuhet në raportin vjetor të Departamentit Amerikan të Shtetit në lidhje me klimën e investimeve, i publikuar këtë të enjte.

Sipas raportit, investitorët e huaj ankohen për korrupsionin e lartë, sidomos në gjyqësor, për mungesën e transparencës në prokurimet publike dhe për kontratat e pafuqishme.

Dokumenti vlerëson se pavarësisht reformës në drejtësi, investitorët e huaj e perceptojnë klimën e biznesit si problematike dhe thonë se Shqipëria mbetet një vend i vështirë për të bërë biznes.

Një tjetër shqetësim në rritje për investitorët e huaj, sipas raportit të Departamentit të Shtetit, është se entet rregullatore e kanë të vështirë të interpretojnë legjislacionin kontradiktor dhe rregulloret dhe përfundojnë duke favorizuar kompanitë e lidhura me politikën.

“Rregullat dhe ligjet për qeverisjen e biznesit ndryshojnë shpesh dhe pa konsultime domethënëse me komunitetin e biznesit. Gjithashtu, biznesmenët e huaj ndodhen nën presion për të punësuar nënkontraktorë të lidhur me qeverinë”, vijon raporti.

Një tjetër pikë ku Departamenti i Shtetit ndalet në analizën e tij është partneriteti publik-privat, që sipas tij ka reduktuar ndjeshëm shanset për një konkurrencë të drejtë në treg.

“E drejta e pronës mbetet një tjetër sfidë për Shqipërinë, pasi titujt e pronësisë janë shumë të vështirë për t’u siguruar dhe legjislacioni për këtë është i papërshtatshëm”, nënvizon më tej raporti.

Sipas dokumentit, një tjetër problematikë në këtë fushë është edhe fenomeni i korrupsionit në gjykata për të përfituar ilegalisht prona. Gjithashtu, Agjencia për Kthimin dhe Kompensimin e Pronave nuk është funksionale dhe dështon në implementimin e procedurave – thotë raporti.

Sa i takon legjislacionit, Departamenti i Shtetit vlerëson se ligjet e miratuara nga qeveria, si ai për Investimet Strategjike dhe ai për krijimin e zonave ekonomike nuk kanë dhënë rezultate.

“Shqipëria perceptohet si vendi më i korruptuar në Ballkanin perëndimor dhe vazhdon të shënojë progres të dobët në fushat e forcimit të kontratave, regjistrimit të pronave, dhënien e lejeve të ndërtimit dhe sigurimin e energjisë elektrike”, përfundon raporti./ABC News Albania 24/7

rus.jpg
G. P.15:22 | 16/06/2018

Departamenti Amerikan i Shtetit udhëzon shtetasit amerikanë të mos udhëtojnë drejt Rusisë. Sipas DASH, aktivitete si botërori i futbollit zgjon interesin e terroristëve, të cilët mund të ndërmarrin sulme në stadiume apo qendra turistike.  

Departamenti Amerikan i Shtetit ka paralajmëruar shtetasit amerikanë të shmangin planet për turizëm në Rusi, për shkak të rrezikut të terrorizmit apo ngacmimeve.

Përmes një udhëzimi të publikuar në faqen zyrtare në internet DASH i kërkon qytetarëve amerikanë të rikonsiderojnë udhëtimin drejt Rusisë, ku po zhvillohet aktualisht kampionati Botëror i futbollit.

DASH thotë se ngjarjet e mëdha ndërkombëtare si Botërori i futbollit paraqesin objektiv tërheqës për terroristët.

Megjithëse siguria për Kupën Botërore do të jetë gjithëpërfshirës, paralajmëron DASH, terroristët mund të kërkojnë të sulmojnë vende të tilla si stadiumet dhe fushat e shikimit të Fan Fest, vendet turistike, shpërndarjet e transportit dhe vende të tjera publike.

Departamenti i Shtetit saktëson të paktën dy destinacione, ku nuk duhet shkuar, Kaukazi e Veriut, përfshirë Çeçeninë dhe Malin Elbrus për shkak të trazirave dhe terrorizmit, si dhe Krimenë për shkak të shkak të pushtimit të huaj dhe abuzimeve nga autoritetet.

Sipas udhëzimit, qytetarët e SHBA-së shpesh janë viktima të ngacmimit, keqtrajtimit dhe zhvatjes nga ana e zbatimit të ligjit dhe zyrtarëve të tjerë. Kjo edhe për faktin se, asistenca konsullore e SHBA-ve për personat e ndaluar zakonisht vonohet në mënyrë të paarsyeshme nga zyrtarët rusë.

Në përfundim DASH theksonte se Rusia zbaton kufizime të veçanta ndaj shtetasve të dyfishtë amerikanë. Për shkak të reduktimit të personalitetit diplomatik amerikan prej imponimeve të qeverisë Ruse, qeveria e SHBA ka aftësi më të pakët për të ofruar shërbime për qytetarët e saj. /abcnews.al

pompeo.jpg
G. P.22:41 | 12/04/2018

Ish-shefi i CIA-s, Mike Pompeo, në seancën që do ta konfirmojë në postin e ri, atë të sekretarit të Shtetit, ka deklaruar se prioritet i tij do të jetë ringritja e atij që e ka quajtur institucioni diplomatik më elitar në botë.

I emëruari nga presidenti Trump për postin e sekretarit të Shtetit, Mike Pompeo, premtoi të enjten se do të ringrejë Departamentin e Shtetit, që sipas tij është gërryer nga largimi i diplomatëve dhe është anashkaluar në vendimmarrjet e politikës së jashtme.

Në fjalimin e tij përpara Senatit, Pompeo ka thënë se, skema e riorganizimit e nisur nga parardhësi i tij Rex Tillerson e ka lënë institucionin me staf të demoralizuar dhe me mungesa në postet kyçe, të cilat janë plotësuar nga emërime politike. Pompeo, ish-drejtor i Agjencisë Qendrore të Inteligjencës, ka shtuar se do të punojë me ritme të shpejta në detyrën e re për të mbushur boshllëqet e krijuara.

“Është jetike përforcimi i trupit diplomatik më elitar në botë. Amerika dhe bota kërkojnë që ne të bëjmë sa më parë një gjë të tillë”, ka deklaruar Pompeo në seancën e konfirmimit.

Presidenti Trump e emëroi ish-shefin e CIA-s në krye të diplomacisë amerikane më 13 Mars, kur shkarkoi Tillerson. Ata njihen për marrëdhëniet e tyre të ngrohta dhe më herët gjatë së enjtes Trump e uroi Pompeon në rrjetin e tij social të preferuar.

“I uroj fat Mike Pompeos në seancën e konfirmimit. Ai do të jetë një diplomat i shkëlqyer”, u shpreh Presidenti në Twitter./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono