denoncimi

gazetari-rus-1280x736.jpg
nev ila23:59 | 07/06/2019

Një gazetar që denonconte korrupsionin në nivele të larta të politikës është arrestuar në Rusi. Ngjarja, përveç se ka indinjuar shtypin lokal, ka shkaktuar edhe protesta në Moskë e Shën Pietërburg.

Një gazetar rus, autor i një seri shkrimesh mbi korrupsionin në nivelet e larta, është arrestuar në Moskë.

Ivan Golunov, 36 vjeç, u ndalua nga policia nën akuzën e përfshirjes në një linjë të trafikut të drogës të përmasave të mëdha. Avokati i reporterit, që punon për portalin e lajmeve Meduza, me bazë në Letoni, ka deklaruar se klienti i tij është dhunuar brutalisht nga agjentët e policisë, të cilët sipas tij ia kanë vendosur dhe drogën.

Ndërsa portali i lajmeve Meduza reagoi duke thënë se 36-vjeçari po persekutohet për shkak të aktivitetit të tij si gazetar. Golunov do të paraqitet në gjykatën e Moskës ditën e shtunë. Vazhdimisht ai ka ekspozuar me shkrimet e tij korrupsionin në radhët e politikanëve dhe biznesmenëve të nivelit të lartë.

Ne do ta gjejmë kush ia bëri këtë gazetarit tonë dhe do ta publikojmë informacionin”, paralajmëruan drejtuesit e portalit të lajmeve për të cilën Golunov punon.

Ata shtuan se ai kishte marrë një seri kërcënimesh në muajt e fundit, në lidhje me një histori që ai ende nuk e ka shkruar, por për të cilën po punonte. Arrestimi i tij shkaktoi protesta në Moskë dhe Shën Pietërburg, gjatë të cilave dhjetëra njerëz, mes të cilëve gazetarë, u arrestuan dhe u liruan më vonë./ABC News Albania 24/7

ASSANGE-PLANI-_ABC-M1-T1.mpg_snapshot_00.17-1280x712.jpg
ent ela14:21 | 20/05/2019

Pas rihapjes së çështjes për përdhunim në Suedi, prokuroria ka lëshuar një mandat arresti për themeluesin e Uikiliks, Julian Asanzh. Ky i fundit aktualisht ndodhet në një burg të sigurisë së lartë në Britaninë e Madhe.

Prokuroria suedeze ka lëshuar një mandat arresti për akuzën e përdhunimit, kundër themeluesit të Uikiliks Julian Asanzh. Një javë më parë u konfirmua rihapja e çështjes, edhe pse ishte mbyllur dy javë më parë. Zv/prokurorja e përgjithshme e Suedisë, deklaroi se nëse gjykatësi do të firmosë kërkesën e prokurorisë atëherë do të lëshohet një mandat arresti europian.

Gazetari Australian u arrestua një muaj më parë nga policia britanike në ambasadën ekuadoriane në Londër, kur ishte strehuar në vitin 2012 për të shmagur ekstradimin në Suedi, pasi Kuito i kishte hequr të drejtën e azilit politik. Asanzh i cili ndodhet në një burg të sigurisë së lartë, u dënua nga gjykata britanike me 50 javë burg për shkelje të rregullave të arrestit shtëpiak në vitin 2012, dhe është në pritje të kërkesës për ekstradim nga Shtetet e Bashkuara të Amerikës.

Rihapja e çështjes së Asanzh në Suedi, sipas prokurorit, vjen pas ndryshimit të situatës. Prokuroria suedeze theksoi se në rast të një konflikti mes mandatit europian të arrestit dhe ekstradimit në Shtetet e Bashkuara të Amerikës, atëherë autoritetet britanike duhet të vendosin për rendin e prioriteteve. /ABC News Albania 24/7

COLLAKU-1280x720.jpg
ent ela16:30 | 03/05/2019

Gjatë mbledhjes së sotme të Këshillit Bashkiak të Tiranës, u miratuan 6 vendime të cilat lidhen me administrimin, dhënien, përdorimin apo lënien me qira të pronave publike në Tiranë. Kryetari i këshilltarëve demokratë Kreshnik Çollaku akuzoi kreun e Bahskisë Erion Veliaj dhe Kryeministrin Edi Rama se për këto vendime nuk ka pasur dijeni asnjë këshillltar dhe se ata i miratuan në fshehtësi për të favorizuar klientë të tyre.

Çollaku paralajmëroi se do të ketë rezistencë dhe protesta deri në largimin përfundimtar të kryetarit të bashkisë dhe kryeministrit. /abcnews.al

tribunale-busto-arsizio-175956.610x431.jpg
ent ela22:52 | 04/04/2019

Tetë vjet në mëshirën e bashkëshortit të saj të imponuar nga familja: rrahjet, fyerjet dhe dhuna seksuale. Një shqiptare në Itali ka gjetur guximin për të denoncuar burrin, i cili ushtronte dhunë ndaj saj.

Ajo kishte plot 8 vitë që jetonte me një burrë i cili e dhunonte, fyente dhe madje kishte ushtruar edhe dhunë seksuale ndaj saj.

Por në në fund shqiptarja e ka denoncur burrin e saj tek autoritetet italiane, pasi prej vitesh bashkë me burrin jetonin në shtetin fqinj në kërkim të një jete më të mirë.

Historia daton në Mars të vitit 2017 ku gruaja (të cilën ne do ta quajmë Maria) vendosi të rebelohen, e ndihmuar nga një vëlla për t’i dhënë fund vuajtjeve.

Tregimi i gruas në sallën e gjyqit ishte zemërthyer. Kur u pyet nga prokuroja e cila kishte kryer hetimin, Nadia Alessandra Calcaterra, përpara gjykatës së kryesuar nga gjyqtarja Rossella Ferrazzi, foli për përvojën e hidhur të nënës së dy femijëve.

“Dhuna ndaj meje u rrit gjatë viteve dhe shpesh ishte i dehur, ai kontrollonte jetën time sepse ishte shumë xheloz. Ai nuk donte që unë të punoja, nuk mund të vishja ashtu siç dëshiroja, unë bëja dush kur ai nuk ishte aty, sepse ai pretendonte se lahesha pasi unë kisha dashnor”.

Së pari kontrolli, pastaj fyerjet dhe rrahjet: “Ai gjithmonë me godiste, më shkulte flokët, më qëllonte në kokë”, vijon më tej nëna shqiptare.

Kjo situatë kishte vijuar për 5 vite nga viti 2013 deri në vitin 2017: “Për vite me radhë unë nuk thashë asgjë për familjen time sepse kisha frikë se prindërit e mi do të zhgënjeheshin nga unë”.

Por sërish gjërat sa vinin dhe rëndoheshin dhe për 3 vite të tjera Maria vijoi të jetonte  në terr, në dhembje dhe në varfëri sepse burri i saj, ndërkohë, kishte mbetur pa punë: “ Ai vinte dhe dhunonte mua. Ai grindej me ndonjë mik dhe vinte e rrihte mia, nuk gjente punë dhe vinte më godiste. Kam qëndruar në shtrat për muaj të tërë nga dhuna pasi nuk më lejonte të shkoja në spital se kishte frikë se mjekët do e zbulonin dhe do e raportonin në polici. Nëse unë e kundërshtoja ai me kërcënonte me vdekje”.

Por pas një kohe Maria e detyruar nga gjendja e rëndë ekonomike kishte filluar punë në një restorant. Por pasi kthehej nga puna e ai e detyronte të zhvishej dhe e përdhunonte dhe rrihte për orë të tëra.

E gjendur në këtë situata një ditë ajo e kishte denonconte. Tahmë autoritetet italiane do të vendosin për fatin e tij. Por ajo nga ana tjetër vijon jetën e buzëqeshur bashkë me fëmijët e saj. /abcnews.al

besa-shahini-1.jpg
ent ela13:28 | 03/04/2019

Pas denoncimit në emisionin “Stop” në TV Klan Ministrja e Arsimit Besa Shahini ka pezulluar nga detyra mësuesen Bedrie Kastrati në shkollën “Bajram Curri” në Kukës. Mësuesja e shkollës 9-vjeçare ushtronte dhunë verbale dhe fizike ndaj nxënësve të saj.

Ministria e Arsimit Sportit dhe Rinise Besa Shahini ka pezulluar nga detyra mësuesen e shkollës 9-vjeçare “Bajram Curri” në Kukës, Bedrie Kastrati. Masa ndaj mësueses vjen pasi emisioni “Stop” në TV Klan denoncoi dhunën verbale dhe fizike që Kastrati ushtronte ndaj nxënësve të saj. Sjellje të tilla thotë Ministrja Shahini përmes një postimi në Facebook, janë të patolerueshme.

 E kam të pamundur të toleroj çdo lloj forme të dhunës ndaj nxënësve apo mësuesve brenda shkollave, qoftë kjo dhunë fizike, verbale apo psikologjike. 
Gjuha me të cilën mësuesja i referohet nxënëses dhe dhuna e përdorur në shkollën 9-vjeçare “Bajram Curri” në Kukës, nuk lë vend për justifikime.
Që sot, mësuesja është pezulluar dhe ndaj saj po merren urgjentisht masa. Falenderoj emisionin Stop që e solli rastin në vëmendjen e autoriteteve”,
shkruan Shahini.

Në emisionin “Stop” në TV Klan u shfaqën pamje të mësueses e cila ofendonte nxënësit e klasës së katërt, ndërsa u shpjegonte lëndën e matematikës.

Mësuesja: Po, i mori mësuese Aida. Mori Redin, Asin edhe Anën. Ku di unë, për ça i duhen?

Nxënësi: Pse? Për prova?

Në këtë orë mësimi nuk mungonin as goditjet fizike. Emisioni “Stop” erdhi pas denoncimeve të shumta për sjelljen e mësueses.

Mësuesja: Çfarë është elektriciteti?

Elektriku i dorës punon, kur x e tij prodhojnë elektricitet.

(Bërtet)

Këtu me…

A do tashti me ta lëshuar kokën te muri unë ty?!

Pise!

/abcnews.al

 

 

Mona-933x445.jpg
ent ela12:47 | 24/01/2019

Një qytetar, që endej në një proces privatizimi prej më shumë se 25 vitesh, e zgjidhi problemin e tij duke paguar rryshfet për zyrtare të Ministrisë së Financave. Emisioni Stop në TV Klan denoncoi këtë rast korrupsioni, përmes filmimit me kamera të fshehtë.

Mbrëmjen e djeshme emisioni “Stop” në Tv Klan transmetoi rastin korruptiv në Ministrinë e Financave, ku një qytetar ka më shumë se 25 vjet, që endet në një proces privatizimi.

Qytetari me ndërmjetësimin e sekseres Manushaqe Selita, funksionarja e Ministrisë së Financave, Mona Alickaj, i thotë atij, se ajo mund ta zgjidhë çështjen me 800 mijë lekë të vjetra, por drejtori i saj kërkon 1 milionë.

Funksionarja e Ministrisë së Financave, Mona Aliçkaj, i thotë qytetarit se  kur të dorëzohen paratë, mbaron edhe puna, madje qytetari edhe noterin do ta paguajë vetë. /abcnews.al

FIER-DENONCIMI-SPITAL-1280x720.jpg
ent ela16:27 | 31/12/2018

Në Fier një 43 vjeçar ka humbur jetën dhe familjarët akuzojnë se ai nuk u mjekua mirë, ndërsa shkoi natën në spital. Por mjekët thonë se ai kishte rënë nga lartësia. Porkuroria e Fierit ka nisur hetimet.

Në Fier një 43 vjeçar ka humbur jetën dhe familjarët akuzojnë se ai nuk u mjekua mirë, ndërsa shkoi natën në spital. Por mjekët thonë se ai kishte rënë nga lartësia. Prokuroria e Fierit ka nisur hetimet. Familjarët e një 43- vjeçari nga Fieri po kërkojnë ndëshkimin e mjekëve që sipas tyre e lanë pacientin të vdiste për shkak të mosdhënies së ndihmës së duhur.

Besnik Ramaj nga lagjja 1 Maj në Fier, humbi jetën disa ditë më parë në ambulancë. Ai po dërgohej drejt kryeqytetit, pasi kishte qëndruar në spital gjatë natës.

Babai i të ndjerit, Bajram Rama: “Neve nuk kemi asnjë lloj dokumenti, por nisemi nga kohëzgjatja që është mbajtur në spital, për mendimin tonë nuk i është dhënë ndihma e duhur”.

Rasti është bërë publik vetëm pasi familjarët kërkuan avokat për të bërë kallëzim penal. Ishte avokati Kujtim Cakrani që denoncoi rastin si neglizhencë të mjekëve, ndërsa drejtoria e spitalit të Fierit pretendon se mjekët nuk kanë neglizhuar në mjekimin e 43 vjeçarit.

E ëma Drita Ramaj: “E çuam në një të natës dhe në mëngjes e nisi doktori për në Tiranë, se e kërkuam ne. Tani ne nuk kërkojmë gjë tjetër, kërkojmë vetëm drejtësi. Të zbardhet e vërteta”.

Shkaku i vdekjes mbetet i paqartë. Nga njëra anë familjarët tregojnë se i ndjeri shkoi në spital me shqetësime në frymëmarrje dhe djersë të ftohta rreth orës 1 të mëngjesit kurse mjekët pretendojnë se 43- vjeçari kishte rënë nga lartësia. Kallëzimi penal i regjistruar në prokurori nëpërmjet shqyrtimit të kartelës mjekësore pritet të zbardhë shkakun e vdekjes./ abcnews.al abcnews.al

BE-RUSIA-LAJMET-1280x720.jpg
ent ela13:15 | 06/12/2018

Bashkimi Europian ka akuzuar Rusinë se shpenzon 1.1 miliard euro në vit vetëm për krijimin e lajmeve të rreme. Një zyrtar i Brukselit, i cili bëri të ditur shifrën e lartë, bëri thirrje për unitet për të luftuar këtë fenomen.

“Rusia investon me një buxhet të fuqishëm, 1.1 miliardë euro në vit, në mbështetje të dezinformimit dhe fabrika e lajmeve false e Shën Petërsburgut ka 1000 persona të punësuar me kohë të plotë”. Kjo është akuza e zëvendëspresidentit të Komisionit të Bashkimit Europian, Andrus Ansip. Ky i fundit publikoi edhe një Plan Veprimi kundër lajmeve false apo siç quhen ndryshe “Fake News”.

Akuzat e zyrtarit europian nuk përfundojnë këtu:

Andrus Ansip, Zv/President i KE: “Kemi parë tentative për ndërhyrje në zgjedhje dhe referendum, me prova që tregojnë Rusinë si burim kryesor të këtyre fushatave. Për këtë duhet unitet dhe të vendosim sëbashku forcat tona për të mbrojtur demokracitë tona kundër dezinformacionit”.

Ndërkaq kundër Rusisë ka akuza të forta nga vende të ndryshme, kryesisht SHBA, se ka punuar me lajmet e rreme për të ndikuar proceset zgjedhore. Për këtë, Kongresi amerikan dhe FBI kanë hapur hetime të ndryshme. Ndërsa më herët, inteligjenca e SHBA-ve ka konfirmuar ndërhyrjen e Rusisë në zgjedhjet presidenciale të vitit 2016. Sipas CIA-s, lajmet false të krijuara nga Rusia kanë luajtur një rol të rëndësishëm gjatë këtyre zgjedhjeve. /abcnews.al

KRONIKE-BALLA-PER-XHESIELEN_ABC-M2-T1.mpg_snapshot_00.43-1280x728.jpg
G. P.15:21 | 01/10/2018

Pas përballjes me denoncimin e ish-oficerit Emiliano Nuhu për prani në Policinë e Fushë-Krujës, deputeti socialist Taulant Balla, i kërkon llogari kompanisë së tij celulare. Përmes një shkrese zyrtare, deputeti Balla kërkon zbardhjen e qelizës telefonike të tij gjatë 24 orëve të datës 21 korrik.

Ndërkohë që dyshimet e ngritura nga denoncimi i ish-oficerit Emiliano Nuhu vunë emrin e deputetit socialist Taulant Balla në qëndër të debatit publik, vetë deputeti është angazhuar për të provuar të kundërtën. Burime të ABC News konfirmuan se një shkresë zyrtare e sekretarit i Përgjithshëm i Partisë Socialiste, Balla ka mbërritur në kompaninë telefonike në të cilën ai është abonent.

Objekti i kësaj kërkese është zbardhja e vendodhjes së qelizës telefonike të aparatit të tij celular për datën 21 korrik, datë kur ish-oficeri Nuhu pretendon se Balla ka qenë i pranishëm në zyrën e tij në Stacionin Policor të Fushë Krujës.

Sipas kërkesës së mbërritur në kompaninë celulare, Balla kërkon evidentimin e lëvizjeve të tij, bazuar në pasqyrimin e antenave telefonike, për gjithë harkun kohor prej 24 orësh të kësaj date.
Pas denoncimit publik të bërë nga ish-oficeri i Policisë, Emiliano Nuhu, përmes një interviste ku pretendonte se ishte kërcënuar në prani të deputetit Balla, ky i fundit mohoi kategorikisht këtë fakt. Në deklarata për median Taulant Balla tha se ditën e ngjarjes ka qenë në qytetin e Pogradecit për peshkim dhe se për këtë fakt ka edhe dëshmitarë./abcnews.al

POLICIA-PER-EMILIANO-NUHUN-1280x720.jpg
ent ela21:31 | 26/09/2018

Policia e Shtetit në një sqarim për akuzat e oficerit Emiljano Nuhu bën të ditur se në datë 21 korrik 2018, oficeri Nuhu nuk ka qenë fare në detyrë, ashtu siç pretendon në intervistë. I gatshëm në datën 21 korrik 2018 dhe që ka kryer veprimet ka qenë një tjetër punonjës policie, me iniciale G.Ç.

Nga verifikimet e kryera, sipas policise, ka rezultuar se asnjë nga shtetasit e pretenduar në deklarimet mediatike të oficerit Nuhu, se e kanë kërcënuar, nuk kanë hyrë në ambientet e Komisariatit siç pretendohet prej tij.

Takimi mes oficerit Emiljano Nuhu dhe shtetasit e pretenduar R.Rr. dhe R.Rr. në një lokal në Tiranë ka ndodhur.

Por nga verifikimet e kryera pas kallëzimit të bërë nga Emiljano Nuhu, rezulton se ata njiheshin shumë më herët, që në kohën kur Nuhu ishte me detyrë në Policinë e Tiranës. Policia ben te ditur me tej se komunikimet e kryera midis tyre përmes aplikacionit ‘Ëhatsapp’ kanë qenë miqësore dhe pa kërcënime. Këto komunikime gjenden të administruara në dosjen hetimore.

Gjithashtu në kallëzimin e tij, sipas policisë, Emiljano Nuhu i referohet vetëm 2 shtetasve të lartpërmendur,  por nuk përmend asnjë prej emrave që deklaron sot në intervistën në media. /abcnews.al

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono