denoncim

paligjshmeria.jpg
ad min09:54 | 17/04/2019

Një 28-vjeçar nga Vlora ka përfunduar nga prangat pas denoncimit të qytetarëve. Këta të fundit dyshonin se i riu shpërndante drogë dhe mbante armë pa leje.

Menjëherë pas denoncimit, uniformat blu organizuan një operacion që bëri të mundur kapjen e 28-vjeçarit. Gjatë kontrollit të detajuar në banesën e tij, ata gjetën të fshehur një pistoletë si dhe një sasi kanabisi. Sipas policisë, lënda narkotike do të shitej në doza të vogla.

Ndaj të riut nga Vlora rëndojnë veprat penale të “Mbajtjes pa leje dhe prodhimi i armëve, armëve shpërthyese dhe municioneve” dhe “Prodhimi dhe shitja e narkotikëve”./abcnews.al

donika-prela.jpg
ad min09:27 | 05/02/2019

Titullarja e komanduar e Prokurorisë për Krimet e Rënda, Donika Prela, u shfaq krejtësisht e qetë në seancën ku do të vendosej vijimi apo ndërprerja e punës së saj në sistemin e drejtësisë.

Para se të lexonin verdiktin përmes të cilit e konfirmuan në detyrë, Komisioni sqaroi se shpallja e vendimit u shty nga 29 Janari në 5 Shkurt, për shkak të nevojës për verifikim të një denoncimi publik të bërë ndaj Prelës, i përcjellë përmes medias. Bëhet fjalë për dënoncimin e artikuluar edhe në selinë e Partisë Demokratike, ku pretendohej se në vitin 2018 Prela kishte liruar nga burgu Astrit Avdylin, i arrestuar aktualisht si anëtar i një grupi kriminal në Shijak.

Pas vendimit Prela mori një shtrëngim dore edhe nga vëzhguesi ndërkombëtar Teo Jacobs, që në seancën dëgjimore tha se dosja e saj i kishte lënë një shije të keqe. Në seancën e zhvilluar në 22 Janar, KPK konstatoi si problematikë për Prelën punësimin e bashkëshortit të saj inxhinier “në të zezë” në një firmë ndërtimi. KPK pretendoi se për disa vite me radhë ai ishte paguar me para në dorë, duke shmangur kështu pagesën e tatimeve dhe sigurimet shoqërore.

Por shpjegimet e dhëna më tej nga Prela duket se bindën Komisionin për të kundërtën. Komisioni nuk gjeti probleme në pastërtinë e figurës apo profesionalizimin e saj. Qetësia e treguar në fillim të seancës nuk u reflektua nga Prela në mbyllje të saj. Ajo  zgjodhi të mos komentojë dhe përgjigjet në do kandidojë për në SPAK.

Gjatë hetimit administrativ, në korrespondencën elektronike mes Prelës, KPK-së dhe ONM-së, kryeprokurorja e Krimeve i serviri vëzhguesve ndërkombëtarë edhe një informacion të kërkuar prej tyre për dosjen “Shullazi”. /abcnews.al

strazimiri.jpg
ad min13:13 | 26/01/2019

Sipas Partisë Demokratike, Prokurori i Apelit të Krimeve të Rënda, Bujar Sheshi është emëruar në Këshillin e Lartë të Prokurorisë në kundërshtim me Ligjin, pasi ai ka qenë bashkëpunëtor i Sigurimit të Shtetit gjatë komunizmit. Në një reagim të PD-së theksohet se Vettingu ka mbajtur në sistemin e drejtësisë gjyqtarë dhe prokurorë në kundërshtim me ligjin, që i shërbejnë Edi Ramës për të mbajtur nën kontroll organet e reja të drejtësisë.

Sipas PD-së dokumentet zyrtarë tregojnë se Sheshi ka rezultuar nga verifikimet të ketë qenë bashkëpunëtor i Sigurimit të Shtetit dhe për këtë fakt procedura e emërimit të tij duhet të ishte ndërprerë menjëherë.Sipas ligjit, thekson selia blu, kandidatët për organet e reja të drejtësisë duhet të mos kenë qenë anëtarë, bashkëpunëtorë ose të favorizuar të ish-Sigurimit të Shtetit.

“Bujar Sheshi nuk duhet të ishte anëtar i Këshillit të Lartë të Prokurorisë, por Arta Marku e kualifikoi atë në kundërshtim me ligjin, në mënyrë që qeveria dhe ajo vetë, ta shantazhojnë për ta mbajtur nën kontroll”, thuhet ne deklaraten e Partise Demokratike.  /abcnews.al

MBULIM-IZMIRA-FONDI-I-KUJDESIT-SHENDETESOR.mpg_snapshot_00.03-1280x720.jpg
ad min13:50 | 08/11/2018

Partia Demokratike ka denoncuar qeverinë për favorizim të familjarëve në marrjen e posteve drejtuese shtetërore. Bëhet fjalë për Fondin e Kujdesit të Detyrueshëm Shëndetësor, ku zëvendës drejtoreshë e përgjithshme është votuar motra e ministrit të financave dhe ekonomisë Arben Ahmetaj nga vetë ky i fundit, anëtar bordi i Këshillit Drejtues. Por nuk mbaron këtu, sipas demokratëve, pasi anëtare është edhe ministrja Manastirliu, kunata e së cilës punon në këtë institucion, sëbashku me kunatën e Taulant Ballës, kunatën e Fatmir Xhafës dhe atë të Engjëll Agaçit.

Nga 310 milionë euro buxhet i Fondit, 110 milionë euro paguhen direkt nga shqiptarët, si sigurim shëndetësor dhe 200 milionë vijnë nga taksapaguesit për t’u ndarë më pas mes klientëve të qeverisë, sipas Partisë Demokratike, e cila denoncon se qeveria vetëm në një vit, paguan 24 milionë euro për koncesionet në shëndetësi, 90 milionë euro për rimbursimet dhe me pjesën tjetër financojnë spitalet.

Është ky model i motrave dhe kunatave të ministrave në administratë që detyron 79 % të rinisë mendojë largimin nga vendi, theksojnë demokratët sipas të cilëve, vëmendja e qeverisë jo vetëm nuk është tek qytetarët, por është vetëm tek familja e kryeministrit, ministrave dhe pushtetarëve të tjerë, gjë e cila duhet ndaluar me masa të rrepta ligjore sipas kësaj force politike./abcnews.al

94774f47381d645509c6bc10ec3b8af5f2d75ba0d5ed186412fb352711227033.jpg
ad min11:51 | 18/10/2018

Shpërthejnë polemikat në Itali pas deklaratës së europarlamentares Alesandra Musolini. Kjo e fundit mbesë e Musolinit, deklaroi se do të denonconte këdo që ofendon gjyshin e saj në rrjetet sociale.

Me anë të një mesazhi në Tuiter, europarlamentarja Alessandra Mussolini ka paralajmëruar se një ekip avokatësh kanë nisur punën për të verifikuar nëse dikush ka ofenduar nëpër rrjetet sociale gjyshin e saj Benito Musolini. Ajo u shpreh se ka nisur monitorimi dhe nëse do të ketë raste ofendimesh apo sharjesh, autori i tyre do të denoncohet. Kaq ka mjaftuar dhe në Itali kanë shpërthyer polemikat, pro dhe kundër saj.

Në këtë mënyrë politikania është detyruar të sqarojë se do të sinjalizohen ata që përdorin fjalë vulgare duke mos shprehur gjykime politike apo historike. Apologjia e fashizmit dënohet me ligjin Skelba të 1952-shit, dhe parashikon sanksione penale për këdo që bën propagandë ndonjë shoqatë. Lëvizje apo grupi me karakteristika fashiste. Por dhe ata që lavdërojnë përfaqësuesit e lartë të kësaj ideologjie, në këtë rast Benito Musolini./abcnews.al

ilir-meta.png
ad min18:58 | 03/10/2018

Në një intervistë për Zërin e Amerikës presidenti Ilir Meta ka folur lidhur me marrëveshjen që vendi ynë po bën me shtetin fqinj grek për çështjen e kufirit detar, marrëveshje e cila, sipas kreut të shtetit, duhet të kalojë në parlament vetëm në momentin kur Gjykata Kushtetuese të jetë funksionale.

“Me kryeministrin Rama kemi pasur një dakordësim të plotë… në rast se ai është i bindur se është tërësisht e mundur për t’u finalizuar një marrëveshje e tillë ai do të ketë autorizimin nga ana ime… por natyrisht ia kam bërë të qartë dhe më duhet ta them edhe këtu, se është shumë e rëndësishme që një marrëveshje e tillë duhet të ratifikohet në parlament në një moment kur Shqipëria të ketë një Gjykatë Kushtetuese funksionale. Përndryshe, kjo nuk do t’i shërbente mbarëvajtjes dhe përmbylljes përfundimtare të kësaj çështjeje në interes të dy vendeve”, u shpreh Meta.          

Gjendja e vendit pa Gjykatë Kushtetuese është rezultat i zvarritjes së zbatimit të reformës në drejtësi, për të cilën kreu i shtetit shqiptar një pjesë të përgjegjësisë duket se ia lë edhe përfaqësuesve ndërkombëtarë në vend.

“Mendoj që mund të ishte bërë shumë më tepër edhe nga përfaqësuesit e Shteteve të Bashkuara të Amerikës, edhe të Bashkimit Europian për të përshpejtuar zbatimin e reformës në drejtësi dhe njëkohësisht në frymën e ndryshimeve kushtetuese në mënyrë që reforma dhe zbatimi i saj të mos ishte objekt i polarizimit, që për fat të keq edhe ka sjellë një dëmtim të këtij procesi le të themi apo qoftë edhe një zvarritje të tijën. Sepse u bënë më shumë se dy vite nga votimi konsensual në Kuvend dhe ne ende nuk i kemi institucionet kryesore të drejtësisë të ngritura dhe jemi edhe pa Gjykatë Kushtetuese”, presidenti i Republikës.

I pyetur lidhur me rastin e Xhisiela Malokut, presidenti i bëri thirrje organeve shtetërore të zbardhin denoncimin e nënkomisarit Emiljano Nuhu.

“Për rastin konkret, është një çështje për të cilën unë kam marrë një letër, që i drejtohej edhe kryeministrit, ministrit të Brendshëm dhe prokurores së Përgjithshme të Përkohshme në mos gabohem, përpara se të nisesha për në Shtetet e Bashkuara, nga oficeri Nuhu. Nuk kam besuar se mund të ndodhin ato çështje, por me çështjen në fjalë është marrë dhe po e ndjek ekipi im me në krye këshilltarin për Sigurinë Kombëtare, zoti Bahri Shaqiri, kështu që do të më duhet, për të mbajtur një qëndrim më qartë, të kem një informacion edhe më të plotë, edhe më të besueshëm”, theksoi Meta.

Presidenti Meta ka shprehur edhe njëherë bindjen lidhur me tezën e hedhur për ndryshim kufijsh mes Kosovës dhe Serbisë, se në rastin më të mirë kjo do të ishte një humbje kohe dhe në atë më të keq do të sillte hapjen e kutisë së pandorës në Ballkan./abcnews.al

SINKRON-SALIANJI-DENONCIMI.mpg_snapshot_00.15-1280x720.jpg
ad min14:19 | 08/09/2018

Partia Demokratike ka denoncuar rastin e një përplasje me armë në Lezhë, pas së cilës personat e përfshirë janë lënë të lirë nga policia. Deputeti Ervin Salianji tha nga selia e PD se lirimi është bërë me urdhër nga ministria e brendshme, si shembull i mbështetjes ndaj krimit e tradhëtisë së punonjësve të policisë.

Ervin Salianji, deputet i PD: “Policia e tradhëtuar, liron edhe banditët në Lezhë me urdhër politik nga ata që refuzojnë vettingun e politikës. Faza edytë e dekriminalizimit jetike për çlirimin e qeverisë nga krimi.

Bandat kriminale qeverisin në çdo cep të Republikës, duke sfiduar plotësisht autoritetin e shtetit. Pas ngjarjeve të rënda kriminale në Shkodër, Vlorë dhe Elbasan, krimi ka treguar se bën ligjin edhe në Lezhë.Partia Demokatike po denoncon një rast skandaloz, që tregon se policia është e tradhëtuar nga drejtuesit politikë të saj në Ministrinë e brendshme.
Dy ditë më parë, të enjtën qytetarët kanë telefonuar në sallën operative të Policisë së Shtetit për të denoncuar një shkëmbim zjarri tek zona e njohur si Rana e Hedhun. Patrulla policore ka bërë ndalimin e personave me inicialet E.S. nga Lezha, F.F. nga Shkodra dhe I.S. nga Kopliku. Pas kontrollit atyre iu gjetën armë zjarri, një foto prej të cilave Partia Demokratike e disponon. Njësoj si në rastin e Shkodrës, ku për 6 vrasje dhe 2 rrëmbime nuk ka autor, edhe për shkëmbimin e zjarrit në Lezhë, krimi ka dalë mbi forcën e ligjit. Pavarësisht se policët e thjeshtë, ata që po i nënshtrohen vettingut, kanë kryer të gjitha veprimet proceduriale, kriminelët janë liruar pas një telefonate nga Ministria që drejton Fatmir Xhafaj, i cili refuzon t’i nënshtrohet vettingut njësoj si policët. Pas kësaj telefonate nga të pushtetshmit që nuk e duan vettingun në politikë, armët e zjarrit janë kthyer në lodra dhe kriminelët në qytetarë të respektuar.
Kjo është situata me të cilën përballën çdo ditë ata policë që luftojnë krimin.Kjo është tradhtia që u bëhet policëve që janë të rrethuar jo vetëm nga krimi, por dhe nga aleatët e tij në qeveri.
Prandaj, është jetike miratimi sa më shpejt i fazës së dytë të dekriminalizmit, që do të pastrojë qeverisjen nga krimi.

Partia Demokratike është e vendosur të luftojë në çdo kohë të gjithë politikanët e lidhur me krimin, duke i larguar ata nga politika dhe për t’i nxjerrë para drejtësisë”./abcnews.al

jorida-tabakkk.jpg
ad min12:23 | 28/08/2018

Në pesë vite, kryeministri Edi Rama sipas Partisë Demokratike i ka dhënë baxhanakut të tij 27 tendera me vlerë mbi 15 milionë euro. Nënkryetarja e Komisionit Parlamentar të Ekonomisë, Jorida Tabaku, ka publikuar dokumentet, të cilat tregojnë se garat ku pjesëmarrëse ka qenë kompania e të afërmit të shefit të qeverisë kanë qenë një farsë.

“Firma ABS që Partia Demokratike po denoncon sot,  jo rastësisht është e lidhur me familjen e kryeministrit, ka mundur të përfitojë 15.6 milion euro tendera nga shtatori 2013 deri më sot. Kompania “Advanced Business Solution” zotërohet në bashkëpronësi nga baxhanaku i kryeministrit Armand Frangu, i cili së bashku me kompaninë B360 marrin pjesë gjithmonë në të njëjtat tendera, gjithmonë duke ndarë përfitimet me njëri-tjetrin. Si rregull për ta bërë garën në dukje të ligjshme, por nga ana tjetër është thjesht vetëm një farsë. Në tenderin e fundit të ofruar nga OSHEE me një vlerë prej 1.94 mld lekësh (të vjetër) kompania ABS ka pasur ofertën më të lartë dhe përsëri ka fituar. Ndërkohë që kompania B360 shpk ka marrë pjesë në këtë tender si spectator.Tenderi më i fundit i marrë nga kompania e tij nga AKSH-i, ka një vlerë prej 1.56 miliardë lekësh dhe përsëri ka fituar oferta më e lartë.”

Abuzimi me tenderat publik që faktohet nga ky rast sipas deputetes Tabaku është reflektuar dhe në raportin e Gjykatës së Auditit të Bashkimit Europian sipas të cilit 1 në 3 tendera në vendin tonë jepet pa garë.

 “Jo vetëm kaq, shembulli i kompanisë së baxhanakut të Ramës, dëshmon edhe raportimet e Departamentit Amerikan të Shtetit që thekson se “Raportet e korrupsionit në prokurimin e qeverisë janë të zakonshme. Vetëm për vitin 2017 sipas të dhënave publike të disponueshme online nga Agjensia e Prokurimit Publik, 1281 ose 26% të tenderave të prokuruar, janë dhënë me ofertën më të lartë. Kjo i ka kushtuar buxhetit të shtetit 41 milionë euro, që mund të ishin përdorur për ndihmën ekonomike, që  mund të ishin përdorur për mirëmbajtjen e të gjitha rrugëve në Shqipëri. Prokurimet publike janë dëshmi e qartë e dështimit të turpshëm dhe vjedhjes së hapur që një qeveri e korruptuar ka prodhuar nga shtatori i vitit 2013 e deri më sot. Tenderat që i shpërndahen oligarkëve, ofiqarëve të PS-së, të inkriminuarve që mbajnë me oksigjen deputetët e mazhorancës dhe së fundi familjen e kryeministrit, janë një provë e rëndë për krimin që po kryhet me tenderat publik në Shqipëri.”

Partia Demokratike deklaroi nënkryetarja e komisionit parlamentar të ekonomisë angazhohet të ndryshojë ligjin e koncesioneve ate të partneritetit publik privat dhe prokurimeve dhe që çdo tendertim abuziv ta çojë përpara ligjit./abcnews.al

 

MBULIM-METALIAJ-SHENDETESIA.mpg_snapshot_00.08-1280x691.jpg
ad min13:26 | 16/08/2018

Partia Demokratike ka vijuar denoncimin lidhur me koncesionet e dhëna në sistemin e shëndetësisë, sektor ky që sipas selisë blu është në gjendje tepër të rëndë. Deklarata erdhi nga deputetja Lindita Metaliaj 5 vjet pas premtimit të kryeministrit Rama për shëndetësi falas, shqiptarët paguajnë edhe më shtrenjtë për kujdesin shëndetësor. Demokratët i referohen edhe raportit të fundit të Kontrollit të Lartë të Shtetit duke cituar gjetjet e tij lidhur me mungesën e specialiteteve në spitalet rajonale dhe bashkiake si dhe mungesën e performancës së shërbimit parësor, gjë e cila rrit kostot dhe përqëndron pacientët në qendrën universitare QSUT.

Ndërkohe, theksojnë demokratët, shqiptarët paguajnë minimalisht 385 milionë euro nga taksat e tyre për 4 koncesionet e dhëna në shëndetësi, asnjë prej të cilëve nuk ka përmirsuar shërbimin në rrethe, thekson Metaliaj, duke përsëritur premtimin e demokratëve për anullim të atyre që cilësojnë koncesione korruptive./abcnews.al

SINKRON-LEALBA-TENDERAT-KLSH.mpg_snapshot_00.20-1280x720.jpg
ad min14:32 | 14/08/2018

Në Shqipëri nuk ka konkurencë të hapur dhe 1 në 3 tendera jepen pa garë. Në këtë përfundim ka arritur edhe Kontrolli i Lartë i Shtetit, sipas denoncimit të Partisë Demokratike, si edhe disa institucione të rëndësishme ndërkombëtare si Departamenti Amerikan i Shtetit apo Gjykata Europiane e Auditit. Deklarata e ardhur nga selia blu, përmes drejtueses së Departamentit të Antikorrupsionit, Lealba Pelinku, përllogarit se kjo mungesë konkurrueshmërie për dhënien e parave publike, e përkthyer në shifra, zbulon se kryeministri Edi Rama i ka dhënë klientëve të tij në 1 vit, plot 70 milionë euro pa garë. Ndërkohe, Partia Demokratike thekson se kjo qeveri, e cila shpenzoi 91 milionë euro vetëm për fasadat e rilindjes urbane, gjysmën e këtij fondi, plotë 53.4 milionë euro i ka shpenzuar për karburant, si dhe 16 milionë të tjera për pajisje kancelerie dhe internet./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono