denoncim
MELBOURNE, AUSTRALIA - OCTOBER 18: Meghan, Duchess of Sussex attends a Reception hosted by the Honourable Linda Dessau AC, Governor of Victoria and Mr. Anthony Howard QC at Government House Victoria on October 18, 2018 in Melbourne, Australia. . The Duke and Duchess of Sussex are on their official 16-day Autumn tour visiting cities in Australia, Fiji, Tonga and New Zealand. (Photo by Samir Hussein/Samir Hussein/WireImage)

koronavirus.png
R D23:45 | 02/02/2020

Disa tregtarë kinezë në Tiranë denoncojnë ardhjen e një bashkëkombasi të tyre ditën e shtunë (1 shkurt) në Rinas. Ata thonë për ABC News se personi në fjalë punon si kuzhinier në një restorant kinez në kryeqytet dhe kanë frikë se mund të jetë bartës i koronavirusit. Denoncuesit këmbëngulin se kuzhinieri kinez nuk është kontrolluar imtësisht dhe nuk është vendosur në karantinë.


Tregëtarët kinezë pranë Medresesë në Tiranë, janë të shqetësuar. Ata thirrën ABC News për të denoncuar një rast, që sipas tyre, rrezikon të sjellë koronavirusin në Shqipëri.

Sipas tyre, kuzhinieri i një restoranti kinez në zemër të Tiranës, ka mbërritur ditën e shtunë në Rinas, pasi ishte nisur nga Pekini.

Shuo Chen shprehet se “minoriteti kinez që jeton në Tiranë ka shqetësimin e vet sepse ky person që ka ardhur një ditë më parë është edhe kuzhinier, punon në restorant, ndaj rreziku është më i madh. Sipas njoftimit të ambasadës, personat që vijnë nga Kina duhet të qendrojnë 14 ditë në karantinë”.

Shtetasit kinezë thonë se kuzhinieri me inicialet L. F. nuk i është nënshtruar një kontrolli shëndetësor të imtësishëm në aeroport dhe ai mund të mbart virusin vdekjeprurës.
ABC News kontaktoi restorantin kinez ku punon kushinieri L.F. Në një bisedë telefonike ata thanë se punonjësi i tyre është i kontrolluar dhe i sigurt.
Pas shfaqjes së Koronavirusit, jeta e qyetarëve kinezë në vendin tonë, ka ndryshuar. Tregëtarët janë në kontakt të vazhdueshëm më familjarët e tyre, për tu siguruar që virusi nuk u është afruar.

Pas publikimit të kronikës në Abc News, Njësia e Shëndetësisë në aeroportin e Rinasit reagoi duke thënë se kuzhinieri kinez është kontrolluar ashtu si gjithë pasagjerët e tjerë dhe rezulton pa probleme shëndetësore.  /abcnews.al

bardhi-4.jpg
nev ila11:30 | 16/01/2020

Partia Demokratike ka publikuar sot dokumente, sipas të cilave kryebashkiaku i Matit, Agron Malaj nuk mund të vazhdojë detyrën sepse rezulton i dënuar.

Përmes një konference për shtyp, sekretari i Përgjithshëm i PD Gazmend Bardhi tha se Malaj është në kushtet e ndalimit për të ushtruar një funksion publik.

“Ai është i dënuar me vendim të formës së prerë për armëmbajtje pa leje, theksoi Bardhi.

“Sipas ligjit për dekriminalizimit i ndalohet përjetë kandidimi në një funksion publik. Është rasti i pestë që konfirmon se Edi Rama ka ardhur në pushtet falë mbështetjes së krimit.

Partia Demokratike i kërkon Prokurorisë së Përgjithshme dhe më pas KQZ, të veprojë pa asnjë vonesë, me administrimin zyrtar ,të Vendimit të Gjykatës së Matit dhe heqjen e menjëhershme të mandatit për kryetar Bashkie të Matit. Koha që ligji të veprojë dhe Edi Rama të mos veprojë pas kryebashkiakëve të inkriminuar”, vijoi ai.

Gjatë javës së shkuar, PD ka paralajmëruar se do të verifikonte kryebashkiakët e qarkut Dibër duke theksuar se mes tyre kishte të dënuar.

Por më herët KQZ në mbledhjen e datës 15.05.2019 njoftoi se Malaj kishte deklaruar në formularin e tij vendimin e dënimit dhe në bazë të ligjit “Për garantimin e integritetit të personave që zgjidhen, emërohen ose ushtrojnë funksione publike”, si dhe në Vendimin e Kuvendit nr.17/2016  “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015, “Për garantimin e integritetit të personave që zgjidhen, emërohen ose ushtrojnë funksione publike”, vendosi se dënimi i Malaj, për “armëmbajtje pa leje”, nuk përbën kusht për mos regjistrimin si kandidat.

Duke vendosur kështu KQZ i hapi rrugë kandidimit të Malaj, dhe njoftoi KZAZ nr. 16 në Dibër, për vazhdimin e procedurave dhe regjistrimin e tij.

Njoftimin e KZAZ-së nr. 16 për vazhdimin e procedurave për rregjistrimin e kandidatit për kryetar Bashkia Mat, Qarku Dibër, të propozuar nga Koalicioni “Aleanca për Shqipërinë Europiane” për zgjedhjet për organet e qeverisjes vendore të datës 30 qershor 2019”, thuhet në vendimin e KQZ.

VENDIM-KQZ/abcnews.al

 

benziii.jpg
So Nila12:36 | 13/01/2020

Ish-kryeministri Sali Berisha ka ndarë me ndjekësit e tij në “Facebook” denoncimin e një qytetari nga Bulqiza, I cili ka treguar se çfarë I ka ndodhur nga një makinë Benz në mes të qytetit.

Sipas postimit të Berishës, qytetari shkruan se teksa po kalonte rrugës një automjet me xhama të zi e ka ndjekur nga pas, ku një nga personat që ndodhej në makinë i ka nxjerrë  kallashin ne dritare.

Qytetari në mesazhin e tij shprehet i frikësua dhe thekson se shteti dhe policia duhet të marrin përgjegjësi për rrezikun që na kanoset në rrugë.

POSTIMI I PLOTE:

Bulqiza ne duart e gangstereve dhe krimineleve te partise se droges!

Lexoni denoncimin e qytetarit dixhital. sb

Mirmbrema Dr.Sali Berisha.

Zgjodha t’ju shkruaj juve pasi nuk dim ku te drejtohemi tjeter.

Ne Bulqize jan shtuar shum kto ganksterat.

Teksa po shkoja ne shpi rruges me afrohet nje Benz i Zi dhe u ndalua pran meje. Me muzik ne fund dhe une vazhdova rrugen teksa une hecja ato hecnin ktheva koken dhe i njoh si fytyra edhe shoferin edhe ate tjetrin qe ishte ne vend te pare, Nuk pash nese kishte te tjer pas se ishte mjeti me gjama te zinj mbrapa.

Teksa vazhdoja rrugen mjeti filloj te me ndicte dhe personi qe ishte ne vendin e pare nxorri kallashin ne dritare dhe duke shar e bertitur por nuk qelloi makina nderkoh ishte ne ecje.Me sa dukej ishin ne gjendje te dehur dhe jan rreth moshes 18-19 Vjec. Ky eshte shteti kjo eshte policia e Bulqizes. Te kesh frik te hecesh rrugve se nuk i dihet me cfar perballesh.”

mmo.jpg
in a17:29 | 30/12/2019

Tërmeti i 26 nëntorit sipas demokratëve nxorri në pah abuzimin me taksën e arsimit dhe projektin e Bashkisë së Tiranës “Adopto një shkollë”. Ish-deputetët e Partisë Demokratike, Jorida Tabaku dhe Klevis Balliu ishin në shkollën “Musine Kokalari” në Kombinat e cila pas lëkundjeve të një muaji më parë është shpallur si jofunksionale. Ish-deputetja Tabaku denoncoi abuzimin që Bashkia ka bërë me fondet që i vjel çdo vit qytetarëve të Tiranës.

22 milion euro janë mbledhur nga viti 2016 deri më sot për taksën e infrastukturës në arsim, të cilat duhet të ishin investuar në shkolla, kopshte dhe çerdhe”, deklaroi Tabaku.

Të njëjtat abuzime demokratët i denoncuan edhe në Shkollën “Lasgush Poradeci”. Për Klevis Balliun bojërat dhe fasadat pas 26 nëntorit nuk i fshehin dot vjedhjet e oligarkëve të preferuar të Bashkisë.

Gjithashtu Partia Demokratike ka denoncuar të gjithë abuzimet e bëra me institucionet arsimore në qytetet e prekura nga tërmeti. Disa shkolla të cilat u rikonstruktuan pak muaj më parë, pas tërmetit janë shembur ose janë nxjerrë jashtë funksionit./abcnews.al

 

boci-1.jpg
in a13:53 | 23/12/2019

Partia Demokratike ka denoncuar mbylljen e shkollave si pasojë e dëmeve të shkaktuara nga tërmeti i 26 nëntorit.

Boçi është shprehur për mediat se kjo vepër është një krim korruptiv që po përpiqet të fshihet, kjo shkollë është rikonstruktuar para një viti më një bujë të madhe.

Denoncimi u bë nga shkolla “Samir Frashëri” nga përfaqësuesi e PD Luçiano Boçi.

“Kjo shkollë është rikonstruktuar  para një viti ku vet kryetari i bashkisë ka garantuar për sigurinë.  Por në këtë shkollë nuk ka siguri as për nxënësit dhe as për prindërit. Madje mungon transparenca e dokumentacionit që duhet të paraqesë bashkia. Sot ndërtesa është e rrënuar dhe e pa frekuentuar nga nxënësit  dhe mësuesit”, u shpreh Boçi./abcnews.al

termeti-durres.jpeg
in a10:24 | 14/12/2019

Partia Demokratike ka deklaruar se po abuzohet me bonuset e qerave për tërmetin.

Në rrjetin social “facebook” ka publikuar një foto duke theksuar se militantët socialistë marrin qera të shumëfishta.

“Për Manzën janë dhënë 7 bonuse qeraje, 3 prej të cilave janë për familjen e Kryetarit të Partisë Socialiste të fshatit Radë, Armand Basha. Ai është njëkohësisht shpërndarës i ndihmave në Manzë dhe pronar i firmës së ndërtimit “Armandi shpk.”. Siç tregon dokumenti, bonus qeraje ka përfituar edhe babai i Kryetarit të PS, Hysni Basha, edhe ky ndërtues dhe gjyshi i Kryetarit të PS, Murat Basha. Të tre këta jetojnë në një shtëpi, por paratë për qeranë e kanë marrë sikur të jetonin të ndarë për arsyen e vetme se drejtojnë Partinë Socialiste në zonën e manzës”, shkruhet në deklaratën e PD.

Deklarata:

SKANDAL! Provohet abuzimi i qeverisë me bonuset e qerave për tërmetin. Militantët socialistë marrin qera të shumëfishta.

Bashkia e Durrësit publikoi pak ditë më parë familjet që përfitojnë bonuset e qerasë për shkak të dëmtimeve të shtëpive të tyre pas tërmetit të 26 nëntorit. Në media janë publikuar shpesh herë akuzat e banorëve të Durrësit dhe zonave përreth, më të godituart ga tërmeti, se qeveria po i diskriminon ata banorë që njihen si kundërshtarë politikë, duke favorizuar deri në abuzim militantët e saj. Një rast i tillë është provuar me Manzën. Ajo është një nga zonat më të godituar nga tërmeti, por shumë banorë vazhdojnë të flenë në çadra, ndërsa drejtuesit socialistë zhvasin bonuset e qerasë që nuk u takojnë. Për Manzën janë dhënë 7 bonuse qeraje, 3 prej të cilave janë për familjen e Kryetarit të Partisë Socialiste të fshatit Radë, Armand Basha. Ai është njëkohësisht shpërndarës i ndihmave në Manzë dhe pronar i firmës së ndërtimit “Armandi shpk.”. Siç tregon dokumenti, bonus qeraje ka përfituar edhe babai i Kryetarit të PS, Hysni Basha, edhe ky ndërtues dhe gjyshi i Kryetarit të PS, Murat Basha. Të tre këta jetojnë në një shtëpi, por paratë për qeranë e kanë marrë sikur të jetonin të ndarë për arsyen e vetme se drejtojnë Partinë Socialiste në zonën e manzës.

Fotografia e Partia Demokratike e Shqipërisë

 

donald-trump-1280x785.jpg
ent ela10:13 | 05/10/2019

Kreu i Shtëpisë së Bardhë Donald Tramp është sërish në qendër të vëmendjes për sa i përket çështjes që tashmë njihet si “Ukrainagate”. New York Times shkruan se një drejtues i dytë i shërbimit amerikan të inteligjencës mund të denoncojë Presidentin për ndërveprimin e tij me Ukrainën.

Një tjetër drejtues i shërbimit amerikan të inteligjencës i alarmuar nga ndërveprimi i Donald Trump me Ukrainën po merr në konsideratë nëse duhet të bëjë një denoncim të dytë ndaj kreut të Shtëpisë së bardhë, dhe të dëshmojë në Kongresin Amerikan.

Lajmi është raportuar nga New York Times që citon dy persona në dijeni të ngjarjes. Bëhet fjalë për një person i cili ka informacione më të drejtpërdrejta për ngjarjen në krahasim nga denoncuesi i parë i cili akuzoi Tramp se po përdorte pushtetin e tij që Ukraina të hetojë ndaj Biden dhe djalit të tij.

Për këtë arsye demokratët kanë nisur procedurat e “Impechmeant”. Agjenti i dytë i shërbimit amerikan të inteligjencës është mes atyre që janë marrë në pyetje nga inspektori i përgjithshëm për të vërtetuar akuzat e denoncuesit të parë.

Nuk është ende e qartë nëse ai ka nevojë të bëjë një denoncim për të përfituar mbrojtje ligjore sepse dëshmitarët të cilët flasin me inspektorët e përgjithshëm janë të mbrojtur nga ligjet federale. /ABC News Albania 24/7

EMIGRANTET-1280x744.jpg
ad min18:20 | 03/06/2019

Krime kundër njerëzimit. Është kjo akuza ndaj Bashkimit Evropian në denoncimin e dorëzuar në Gjykatën Penale Ndërkombëtare në Hagë. Vende anëtare të BE-së akuzohen për vdekjet e refugjatëve në detin Mesdhe. Më shumë se 12 mijë prej tyre kanë humbur jetën në atë që cilësohet si itinerari më vdekjeprurës i emigrantëve.

Bashkimi Evropian dhe shtetet anëtare që kanë pasur rol të planit të parë në krizën e refugjatëve, më saktë Italia, Gjermania dhe Franca, duhet të përndiqen për vdekjen e mijëra emigrantëve të mbytur në detin Mesdhe. Është ky denoncimi i dorëzuar në gjykatën penale ndërkombëtare në Hagë. Dy autorët kryesorë të dokumentit prej 245 faqesh janë Huan Branko, i cili ka punuar në të kaluarën në këtë gjykatë, dhe avokati izraelit Omer Shatz.

Akuza për krime ndaj njerëzimit e prezantuar në Gjykatën Penale Ndërkombëtare, mbështetet në hipotezën se funksionarë dhe politikanë në mënyrë të vetëdijshme kanë krijuar itinerarin emigrator më vdekjeprurës në botë. Kjo me pasojën e më shumë se 12 mijë refugjatëve të mbytur në det.

Denoncimi mbështetet pjesërisht në dokumente të brendshme të Frontex, organizatës së Bashkimit Europian të ngarkuar për të mbrojtur kufijtë e jashtëm, e që sipas avokatëve, kanë paralajmëruar se braktisja e misionit Italian të shpëtimit ‘Mare Nostrum’ do të kishte shkaktuar një numër më të madh viktimash.

Avokatët nuk citojnë në dokumentin e tyre përgjegjësi specifike të politikanëve apo zyrtarëve në veçanti, por citojnë mesazhe diplomatike dhe komente  të liderëve kombëtarë, mes të cilëve, kancelarja gjermane Angela Merkel dhe presidenti francez Emmanuel Macron./ABC News Albania 24/7

shkencetari.jpg
ad min11:59 | 03/05/2019

Një shkencëtar në Rusi denoncoi një televizion vendas pas transmetimit të një lajmi, sipas të cilit planeti tokë do të shkatërrohet në 3 Tetor të këtij viti. Sipas shkencëtarit, lajmi është i rremë dhe synon të përhapë panik.

Televizioni rus “REN TV” publikoi një video ku paralajmërohet fundi i botës për në datën 3 Tetor. Në atë datë duhet të ndodhë përplasja me tokën e një asteroid të gjatë 340 metra. Për të mbrojtur tezën e tij, gazetari rus citoi astronomë anonimë.

Vitalij Egorov, shkencëtar i cili studion hapësirën, denoncoi televizionin në fjalë për lajmin dhe për faktin se krijon gjendje alarmi. Sipas Egorov, lajmi është tërësisht i pabazuar dhe synon të krijojë gjendje alarmi dhe panik në popull.

Denoncimi është bërë duke u bazuar në një ligj rus, i miratuar së fundmi, për dënimin e atyre që konsiderohen gënjeshtra. Agjencitë e lajmeve online që publikojnë dhe shpërndajnë lajme false, rrezikojnë të mbyllen.

Ndërsa personat fizikë rrezikojnë një gjobë nga 400 deri në 20 mijë euro në bazë të pasojave dhe të rëndësisë së shpërndarjes së lajmeve false. Prokuroria ruse duhet të thotë fjalën e saj brenda 30 ditësh./ABC News Albania 24/7

gazment-bardhi-1280x736.jpg
ad min13:10 | 25/04/2019

Sekretari i Përgjithshëm i Partisë Demokratike Gazment Bardhi konfirmoi në një intervistë për Abc Neës se ka një tjetër dosje që do ta bëjë publike së shpejti që denoncon një tjetër aferë korruptive të qeverisë që ka të bëjë edhe me shitblerjen e votës.

Një tjetër denoncim po përgatit Partia Demokratike që sipas saj janë përfshirë në aktivitet kriminal anëtarët e qeverisë.

“Konfirmoj që po, kemi informacione të cilat i kemi në përpunim dhe verifikim të mëtejshëm, dhe sapo të jenë të të gatshme për tu ndarë me opinionin publik sigurisht që do të bëjmë denoncimin përkatës”.

Në studion e ABC News përballë gazetares Mirela Milori sekretari i përgjithshëm i Partisë Demokratike paralajmëron se denoncimi i radhës mund të jetë më i rëndësishmi ndër ata që ka bërë deri më tani. Në thelb është shitblerja e votës ku janë përfshirë ministra dhe ish ministra.

“Ministra, ish-ministra. Pra ministra në detyrë dhe ish-ministra e gjithë veprimtaria e kësaj qeverie. Kjo qeveri sillet si bandë. Në çdo veprim që kryen sillet si bandë. Mungesë respekti ndaj ligjit dhe shërbim ndaj grupeve kriminale dhe një grushti të caktuar njerëzish. Edi Rama është njeriu që zgjohet në mëngjes, hap hartën e Shqipërisë dhe vendos se çfarë do të bëjë me Shqipërinë dhe cilën copë do ti japë kujt krimineli apo oligarku”.

Partia Demokratike është ende në procesin verifikues dhe dokumentues të këtyre informacioneve dhe sapo të jetë gati do të bëhet publik njofton Gazment Bardhi sipas të cilit dosjet denoncuese nuk janë të pakta.

“Prokuroria ka dosjet e veta, ashtu siç partnerët ndërkombëtarë dhe shërbimet partnere kanë informacione e tyre. Prokuroria, besoj unë, ka të dokumentuara mal me material që provojnë. Nëse prokuroria do të ishte në krye të detyrës, sot gjysma e qeverisë apo ish-ministrave të kësaj qeverie, do të ishin në burg, përfshirë edhe Edi Ramën”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono