dënimit

Liverpool-0-1280x854.jpg
ent ela19:00 | 02/05/2019

Goli i Lionel Messiy nga goditja e dënimit ka sjellë reagim të fortë nga tifozët e Liverpool. Fansat anglezë kanë krijuar një peticion të titulluar “Jepini Messit një dënim” pasi pretendojnë se argjentinasi fitoi goditje të lirë duke e goditur vetë Fabinhon në kokë.

Një moment shumë deçiziv u ka shpëtuar edhe formacionit të gjykimit, por jo mediave, gjatë takimit Barca-Liverpul, për një veprim të Mesit ndaj Firminjos.

Për të fituar goditjen e lirë, Messi duhej “të aktronte” disi ndaj Fabinho, të sajonte një kontakt me mesfushorin brazilian dhe t’i shpëtonte vëmendjes së arbitrit kryesor. Kështu mendojnë tifozët e Liverpool, që ndihen të pakënaqur nga vendimi i Bjorn Kuipers.

Në fakt, një nga përkrahësit e të kuqve anglezë ka krijuar një peticion në “Change.org”, të titulluar: “Jepini Messit një dënim retrospektiv (me pamje filmike), për ta pastruar Fabinhon në kokë”. Peticioni thotë: ” Messi fiton një goditje të lirë, duke e goditur vetë Fabinho në kokë. Unë mendoj se kjo duhet të shikohet nga UEFA”.

Robertson, Van Dijk dhe Gomez kishin punë shumë me pleshtin që arriti në kuotën e 600 golave në një kohë që perla e golit të tretë ishte një kartolinë më vete për atë sfidë.

Mesi rregulloi topin në një largësi rreth 35 metra nga porta e Liverpool-it, mori frymë thellë dhe nuk i dha Alisson-it absolutisht asnjë shans për të evituar “kryeveprën”, që mahniti botën. /ABC News Albania 24/7

banoret-Ferizaj-1280x667.jpg
ad min16:30 | 22/04/2019

Banorët e Nerodimes së Epërme të Ferizajt janë rikthyer 20 vjet prapa pas arrestimit të Zllatan Kërstiç, i dyshuar për krime lufte. Ata shpresojnë që ai të marrë dënimin e merituar.

Avni Nuhaj nga fshati Nerodime e Epërme ishte vetëm 12 vjeç kur më 26 mars të vitit 1999 forcat serbe hynë në shtëpitë e tyre duke vrarë e dëbuar banorët nga fshati.

Ndërsa i kanë djegur të gjitha shtëpitë.

Përveç gjyshit Avniut i kishin masakruar edhe axhën dhe dy kushërinjtë e tij.

Ndonëse ishte i mitur thotë se i mban  në mend mirë bashkëfshatarët e tij serb që morën pjesë në këtë aksion. E në mesin e tyre sipas tij ishte edhe Zllatan Kërstiç i arrestuar ditë më parë në Ferizaj.

Krstiçin e ka identifikuar edhe bashkëfshatari i Avniut, Fazli Biba.

Kërstiç dhe shumë të tjerë që i përmendin dëshmitarët  ishin bashkëfshatarë të tyre por që kishin ikur nga fshati. Menjëherë pas përfundimit të luftës.

Këtu në këtë vend tani të mbuluar me ferra në Nerodime të Epërme të Ferizajt ka jetuar Zllatan Krstiç i dyshuar për pjesëmarrje në dëbimin dhe vrasjen e shqiptarëve nga po ky fshat. Ai është arrestuar nga policia ditë më parë në Ferizaj.

Ai aktualisht ndodhet në paraburgim, ndërsa prokuroria është duke hetuar rastin dhe janë duke marrë në pyetje shumë dëshmitarë të fshatit. Ndërsa banorët shqiptarë të Nerodimes jetojnë me shpresën se drejtësia një ditë do të triumfojë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono