dënimi

MASA-PER-PROTESTUESIT-KUKES_ABC-M2-T1.mpg_snapshot_00.25-1280x720.jpg
ent ela13:05 | 21/09/2019

Gjykata e Kukësit ka dënuar me 1 vit shërbim prove 8 protestuesit e rrugës së Kombit. Ata kanë pretenduar pafajësi para trupit gjykues duke u shprehur se çështjen do ta çojnë në Apel. Pas vendimit ka reaguar edhe dega e PD në Kukës, e cila deklaroi se dënimi është politik dhe i pambështetur në prova.

Pas disa seancave maratonë prej më shumë se një viti e gjysëm, Gjykata e Kukësit ka dënuar  me 6 muaj  burgim të konvertuar në periudhë prove një vit, tetë prej protestuesve kundër taksës në “Rrugën e Kombit”.

Ervis Oruçi, Armand Ademaj, Fatos Harulla, Mirdaim Nerguti, Lulzim Popa, Ahmet Tobli, Shpetim Todaj dhe Shaban Selmanaj, u akuzuan nga prokuroria për veprën  penale të “Shkatërrimi i pronës” dhe “Kundërshtimit të punonjësit policisë së rendit publik”.

Vendimin e  Gjykatës së Shkallës së Parë të Kukësit ata nuk e kanë pranuar dhe do e apelojnë në Gjykatën e Apelit në Shkodër duke pretenduar pafajësi.

Pas vendimit ka reaguar edhe kreu i PD në Kukës Arif Rexhamati i cili e konsideroi të padrejtë dhe të pambështetur në prova.

Më 31 mars të viti të kaluar qytetarët e Kukësit dolën në protestë kundër pagesës pesë euro për kalim në “Rrugën e Kombit”. Protesta doli jashtë kontrollit kur protestuesit sulmuan dhe shkatërruan vendpagesën. Në qershor të vitit kaluar, Gjykata e Kukësit shpalli fajtorë edhe 25 protestues të akuzuar për dëmtimin e pikës së pagesës. Vendimi  u mor në një seancë të vetme gjyqësore. /ABC News Albania24/7

SINKRON-TAHIRI.mpg_snapshot_00.03-1280x720.jpg
ent ela11:46 | 21/09/2019

“Që ditën e parë që hyra në Politikë zgjodha rrugën e së vërtetës”. Me këto fjalë e nisi Sajmir Tahiri komunikimin parë me mediat pas dhënies së vendimit, ku u dënua, me 3.4 vjet burg për shpërdorim detyre.

‘Me ketë rrugë do edukoj fëmijët e mi, këtë rrugë zgjodha. Mbajta në kurriz akuza nga më monstruozet, më akuzuan se fitoja 5 mln euro në mua se harxhoja 20 mln euro në muaj. fati im ishte që prokuroria  italiane hetoi dhe e panë qartë. Kjo për mua nuk është drejtësi e plotë, beteja për të vërtetën  time është stacioni i parë, ka plot rrugë përpara. Do i shkoj deri në fund të vërtetës sime”.

Pjesë nga fjala e Saimir Tahirit

Pas dy vitesh hetimet nga prokuroria, karroca e prishur e dyshimeve mbi mua ndaloi në stacionin e parë. Heshta për të respektuar drejtësinë jo se nuk di të flasë. Unë kam besuar që ditën e parë që nuk duhet të ishte një gjyq popullor, por një gjyq shembullor. Unë heshta i bindur dhe e bëra vetëm në respekt të drejtësisë. Unë e kisha shumë kollaj të mbaja mandatin e deputetit. Unë lash mandatin e deputetit.

Gënjeshtrat morën një përgjigje edhe pse as e plotë, as përfundimtare. Vendimin unë do ta ankimoj sapo të zbardhet.

Kush mendon para se të merrja unë detyrën, që kanabis kishte vetëm në Lazarat, gabohet rëndë. Unë sot akuzohem për shpërdorim detyre. Unë edhe mbrojtjen për këtë akuzë do e bëj përballë gjykatës siç më takon. Ka pasur Shqipëria ministra të Brendshëm të tjerë, ministrja, Kryeministra. Një ministër i Brendshëm kur u vranë 4 qytetarë nuk u akuzua për shpërdorim detyre. Shesin mend e dëngla në emër të popullit dhe më bëjnë mua gjyqin në emër të popullit. Mua më intereson vetëm e vërteta ime dhe do t’i shkoj deri në fund. Mua më takon të rri e të pres, të marr vendimin e zbardhur të gjykatës dhe ta apeloj urgjentisht.

Ka shumë qytetarë që sot më besojnë. Ka plot të tjerë që s’më besojnë dhe as do më besojnë kurrë me gjasë. I falenderoj dhe gazetarët, analistët dhe komentatorët që nuk janë kursyer. Ju them të gjithëe prisni, bëni durim, prisni! Në këtë vend që duket sikur parimet vlejnë pak, në këtë vend mund të bëhet dhe ndryshe dhe Shqipëria e fëmijëve të mi nuk mund të jetë kjo. Unë do vazhdoj ta bëj këtë betejë. /abcnews.al

 

MBULIM-AMBASADA-AMERIKANE-PER-PROTESTEN.mpg_snapshot_00.02-1280x720.jpg
ent ela14:57 | 20/09/2019

Ambasada amerikane e cilësoi shkurajues vendimin e Gjykatës së Krimeve të Rënda për Sajmir Tahirin, edhe pse tha se ishte provë e rritjes së pavarësisë së gjyqësorit. Pikërpyetje për mos dënim për akuzat e forta ngriti dhe ambasada angleze, ndërsa ambasadori i BE-së, në anë tjetër, tha se nuk mund të fliste pa e parë dosjen.

Ambasada amerikane e cilëson dënimin e Sajmir Tahirit me 5 vite burg, e konvertuar vetëm në shërbim prove, një shenjë e pavarësisë së gjykatave.

“Vendimi i djeshëm kundër ish-Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta”.

Megjithëkëtë, ambasada e SHBA-së, e cila është shprehur disa herë gjatë hetimit të ish ministrit me kërkesë për hetim të thelluar, shprehet se dënimi është i lehtë në raport me akuzat.

“Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat. Ata që shpërdorojnë besimin publik dhe shkelin ligjin duhet të përballen me pasoja domethënëse”.

Ambasadori britanik nënvizoi faktin se gjyqësori dështoi të japë dënim për akuzat serioze.

“Vendimi për Saimir Tahiri tregon se sistemi ligjor i Shqipërisë po maturohet. Por dështimi për tu dënuar për akuzat më serioze, ngre pikëpyetje dhe tregon rëndësinë e çuarjes së reformës në drejtësi deri në fund”.

Ndërkohë, ambasadori Soreca, tha se si ish-prokurori, nuk mund të fliste pa parë dosjen e plotë./ABC News Albania 24/7

pp-1.jpg
ent ela08:20 | 20/09/2019

Dy vëllezër australianë janë dënuar në Australi sepse kishin planifikuar të shpërthenin një avion. Të dy personat dyshohet se janë të lidhur me Shtetin Islamik ISIS.

Mahmoud Khayat, 34 vjeç, synoi të rrëzonte avionin që fluturonte nga Sidnei në Abu Dhabi në korrik 2017, shrkuan tch, transmeton Klan Kosova. Vëllai i tij, Khaled Khayat, 51 vjeç, u shpall fajtor për të njëjtën vepër në maj.

Juria dhe vëndimin për dënimin e këtyre dy personave të enjten.

Plani i tyre dështoi kur çanta që mbante bombën u fut për kontroll të imtësishëm sepse ishte mbipeshë. /klankosova

zykaj-1280x725.jpg
ent ela12:00 | 06/09/2019

Gjykata e Vlorës ka marrë vendimin e formës së prerë për autorin e masakrës së Selenicës në Vlorë. Ai u dënua me burgim të përjetshëm për tetë të vrarët dhe nuk është cilësuar i sëmurë mendor. Në vendimin e gjykatës thuhet se Ritvan Zyka ka qenë i përgjegjshëm për veprat që ka kryer.

Ishin tre gjyqtarë që vendosën burg përjetë për Ritvan Zykën, autorin e masakrës së Selenicës në Vlorë.

Skënder Haluca, Laurent Fuçia, Ervin Trashi, të cilët zhviluan procesin gjyqësor nga fillimi në fund, panë vetëm një buzëqeshje të frikshme të 25 vjeçarit.

Kur atij iu lexua vendimi nuk foli asnjë fjalë. Vetëm vuri buzën në gaz dhe i shikonte në sy gjyqtarët.

Një vështrim i frikshëm, i sikletshëm, tregon njëri nga vendimmarrësit. Autori i tetë të vrarëve do të kalojë pjesën tjetër të jetës në burg.

Për juristët dhe policët që për shkak të procesit u është dashur të përballen me të, Ritvan Zyka ishte një njeri pa jetë. Me mimikë të çuditshme, që nuk tregon asnjë lloj ndjesie.

Nuk ka folur me askënd gjatë gjithë kohës së qëndrimit në izolim.

Kurse beteja më e madhe për shtetin ka qenë gjetja e një avokati, pasi askush nuk e merrte përsipëer mbrojtjen e tij.

Familjarët nuk ishin prezentë në asnjë seancë gjyqësore ndaj tij.  Vizita e vetme i është bërë nga i vëllai në izolim.

“Sikur aty nuk ishte një vrasës i tete veteve, por një hije si djalli që rrinte tërë kohën mbështetur pas murit të qelisë” tregon një polic shërbimi.

Masakrën 25 vjeçari e bëri një vit më parë, në muajin gusht. Pas një dreke të përbashkët kushërinjsh. I qëlloi me automatik njëri pas tjetrit, midis tyre dhe fëmijë.  Atëkohë Zyka tha se i kishte vrarë pasi e vinin në loje si hajdut pulash.

Me pas nuk foli më.

Kurse në Resulaj të Selenicës  familjet që u dëmtuan nga ai braktisën shtëpitë dhe emigruan. /ABC News Albania 24/7

GRUAJA-DENIMI-KOSOVE.mpg_snapshot_00.05-1280x720.jpg
ent ela15:11 | 03/09/2019

Është dënuar me dy vjet e gjysmë burgim me kusht gruaja e parë e kthyer nga Siria në Kosovë në prill të këtij viti. Ajo u shpall fajtore për organizim dhe  pjesëmarrje në grupet terroriste.

Ishte rreth 27 vjeç kur vendosi të shkojë në Siri pa dijeninë e familjes.

Ajo paraprakisht ishte njohur përmes rrjeteve sociale me një djalë nga Maqedonia, i cili ishte inkuadruar në luftën e Sirisë, ndërsa qëllimi i saj ishte që të lidhë kurorë me të.

Merita Aliu nga Zhegra e Gjilanit kishte qëndruar për rreth tre vjet në Siri dhe nga kjo martesë kishte lindur dy vajza.

Bashkëshorti i saj kishte humbur jetën atje, ndërsa kjo me dy vajzat ishte në mesin e të kthyerve muaj më parë nga Siria.

Meqë e ka vajzën e vogël, të sëmurë dhe për shërim e dërgon shpesh në Turqi gjykata kishte veçuar rastin e saj.

Ajo është dënuar sot me dy vjet e gjysmë burgim me kusht.

Është dënuar sot për veprën penale, organizimi dhe pjesëmarrja në grupet terroriste dhe të njëjtës i është shqiptuar dënim me kusht prej 2 vjet e gjysmë.

Sipas avokates në fjalën e saj para trupit gjykues, Aliu është penduar për shkuarjen në Siri.

Kjo prej fillimit ka pranuar që ka shkuar me vetëdëshirë atje, ajo ka shprehur pendimin e thellë..

33 gra dhe vajza janë në mesin e 110 të kthyerve nga Siria në prill të këtij viti në Kosovë. Ato ishin në Siri bashkë me bashkëshortët e tyre.

/ABC News Albania 24/7

JETMIR-1280x709.jpg
Sej rie16:30 | 13/07/2019

Dënimi i Skënderbeut ishte i rëndë, por i pritshëm. Kryeredaktori i gazetës “Panorama Sport’, Jetmir Halilaj, flet për vendimin e KAS-it dhe të ardhmen e klubit korçar.

U dënua më i miri dhe hamendësimet nuk mungojnë.

Ishte apo jo i pritshëm konfirmimi i ndëshkimit të Skënderbeut nga gjykata e arbitrazhit sportiv në Lozanë, dhe për më tepër, çdo të thotë kjo për futbollin shqiptar.

Halilaj: Personalisht prisja diçka tjetër sepse fundja dënimin e mori pasi ka tre vjet që nuk merr pjesë në Kupat e Evropës  dhe mendova se mund të kishte një zbutje të dënimit ndoshta sepse për falje totale nuk besoja. Nuk i kemi fare mirë punët në sport dhe në futboll në veçanti sepse është fundosur klubi më i suksesshëm por nga ana tjetër kemi një Vllazni që është në hall të madh, kemi Tiranën që është me probleme të mëdha që nuk licensohet dot të shkojë në Evropë dhe i ka llogaritë e bllokuara. Flamurtari që është një klub në krizë totale dhe ka një vit që nuk i paguan futbollistët.

Le të japim një gjykim të sinqertë, jo thjesht si shqiptarë, e meritonte apo jo Skënderbeu?

 Halilaj: Unë e theksoj se dënimi ishte shumë i rëndë por nuk është kështu “rrufe në qiell” të hapur dhe një dënim i papritur sepse gjërat kanë ndodhur dhe ne kemi qenë dëshmitarë dhe nuk kemi pasur nevojë fare as të niste hetimi në UEFA dhe ne kemi parë se çfarë ka ndodhur me Skënderbeun por jo vetëm , por edhe me klube të tjera shqiptare. Sa i përket menaxhimit dhe nëse mund të vazhdohet kështu me futbollin unë mendoj se nuk mund të vazhdohet kështu. Është faji i shteti sepse kemi një ligj për sportet për të cilin e ka ngritur zërin edhe federata, edhe zyrtarë të Federatës, por jo vetëm të futbollit por edhe të basketbollit edhe të volejbollit.   

Çfarë mund të bëjë tani presidenti Takaj, dhe cili do të jetë fati i Skënderbeut?

Halilaj: Është i lirë Skënderbeu dhe drejtuesit e tij ta bëjnë një tentativë në Gjykatën  Federale dhe për të qenë të sinqertë unë e shikoj të vështirë duke iu referuar edhe rasteve ndërkombëtare. Por për hir të një qyteti si Korça, për hir të një investimi kolosal që është bërë aty edhe në infrastrukturë do ishte mirë nëse këta drejtues do të vazhdojnë të qëndrojë sepse nëse do ta nisin diçka nga zero dhe me kosto do jetë kjo pjesë sepse do e nisin nga Kategoria e tretë dhe juridikisht do të shkrihet një klub me tetë trofe.

Tani që betejat ligjore në Europë thuajse përfunduan, çfarë i takon të bëjë Federatës Shqiptare të Futbollit?

Halilaj: FSHF mendoj se do ta dënojë Skënderbeun, duke pasur parasysh se pritet që Takaj të nisë punën me klub tjetër./ABC News Albania 24/7

skenderbeu.jpg
G. P.19:26 | 12/07/2019

Pas vendimit përfundimtar të CAS duke hedhur poshtë apelimin e Skënderbeut ka reaguar edhe UEFA që mirëpret vendimin e Gjykatës së Arbitrazhit Sportiv.

“UEFA mirëpret refuzimin e apelimit të Skënderbeut në Gjykatën e Arbitrazhit Sportiv ndaj Komisionit të Apelit në UEFA. Ky është një konfirmim i mëtejshëm i besueshmërisë së sistemit të zbulimit të mashtrimit të basteve që përdor UEFA në identifikimin e modeleve të basteve në ndeshjet që zhvillohen në Europë”, është reagimi i UEFA-s, për dënimin e Skënderbeut me 10 vite jashtë kupeve të Europës dhe 1 milionë euro gjobë./ABC News Albania 24/7

PD-KERKON-DENIMIN-E-EDI-RAMES.mpg_snapshot_00.15-1280x720.jpg
ent ela18:00 | 18/06/2019

Partia Demokratike ka sjellë në vëmendje përmes juristëve të saj përgjimet e fundit të publikuara nga tabloidi gjerman Bild, pjesë e dosjes 184. Në një konferencë për mediat, Sekretari i Përgjithshëm Gazmend Bardhi, ish-deputeti Enkelejd Alibeaj dhe Sekretari për Çështjet ligjore Çlirim Gjata thanë se audio-përgjimet tregojnë se Kryeministri Rama, qeveria dhe Partia Socialiste kanë vepruar si një grup i strukturuar kriminal, për të marrë dhe mbajtur pushtetin në mënyrë të paligjshme. Ndjekim një pjesë të deklaratës së sekretarit të përgjithshëm Gazment Bardhi.

Ka ardhur koha e ndëshkimit.

Përgjimi ku kryeministri Edi Rama bisedon me Arben Keshin nuk është një bisedë rutinë për përfaqësuesit e Partisë Demokratike.

“Neni 328/a, paragrafi 4 i Kodit Penal i cili dënon nga 1-3 vite burg i dedikohet pikërisht këtyre dy funksionarëve, funksionarit të Ministrisë së Brendshme dhe Kryeminsitrit të cilëve me ligj nuk i lejohet as të ndërhyjë e as të favorizojë në një proces zgjedhor një parti apo një kandidat”.

Si rrjedhojë kryeministri duhet të shkojë në burg sipas ish deputetit Enkelejd Alibeaj.

“Neni 328/a, paragrafi 4 i Kodit Penal është totalisht i konsumuar, si nga shtetasi Edi Rama, ashtu edhe nga shtetasi Arben Keshi në këtë rast.”

Të gjithë zyrtarët dhe politikanët e përfshirë në përgjimer e publikuara nga gazeta gjermane Bild duhet të ishin në burg, nënvizoi sekretari i Përgjithshëm i PD Gazment Bardhi.

“Damian Gjiknuri, Vangjush Dako, Pjerin Ndreu, Ulsi Manja, Saimir Tahiri, Taulant Balla, Arben Keshi, Drini Gjeçi, Artan Gaçi, Sali Skura, Bekim Krashi dhe çdo person tjetër që i garanton Edi Ramës funksionimin e skemës së tij kriminale për vjedhjen e zgjedhjeve janë sot e kësaj dite të pandëshkuar nga drejtësia”.

Sipas demokratëve Durrësi dhe Dibra janë dy krime të rënda elektorale, që vërtetojnë se Edi Rama di vetëm të vjedhë, të kërcënojë, të shantazhojë e të blejë vota, duke përdorur krimin, policinë dhe administratën.

“Por Durrësi dhe Dibra nuk janë thjesht dy krime të shkëputura dhe rastësore. Përgjimet faktojnë se vjedhja e zgjedhjeve, në bashkëpunim me krimin, është një skemë e ngritur nga Edi Rama dhe e zbatuar nga bashkëpunëtorët e tij”.

Kjo skemë duket e kopsitur sipas Sekretari për Çështjet Ligjore në Partinë Demokratike Çlirim Gjata, nga blerja e votës tek bërja e saj publike.

Për demokratët sot nuk mjafton vetëm largimi iEdi Ramës, por edhe vënia e tij para drejtësisë së bashku me bashkëpunëtorët që kanë kontribuar në cënimin e të drejtës për të votuar i lirë.

/ABC news Albania 24/7

skn.jpg
G. P.13:32 | 18/06/2019

Skënderbeu hedh poshtë çdo koment për vendimin e pritshëm të Gjykatës Sportive në Lozanë të Zvicrës. Klubi korçar thekson se nuk dihet se çfarë vendimi do të merret në 21 Qershor.

Besimi është i madh tek suksesi, por ftesa vjen për përmbajtje. Skënderbeu konfirmon datën 21 Qershor si përfundimtare në betejën e tij kundër dënimit të UEFA-s, veçse klubi korçar nuk dëshiron të ngrihen shumë hipoteza e të bëhen shumë komente.

Në një reagim zyrtare në rrjetet sociale, ish-kampionët e Shqipërisë deklaruan se çdo koment apo shkrim në media duhet të quhet i pavërtetë dhe i pasaktë.

“Në korrespondencën mes palëve është njoftuar se klubi do të njihet me vendimin në datë 21 qershor, – shkruhet në deklaratë, – lutemi, prisni me qetësi datën dhe njoftimin zyrtar”.

Duket se Skënderbeu mori shkas nga një artikull në mediat e shkruara, saktësisht në “Panorama Sport”, ku flitej për një akord mes palëve që klubi shqiptar të marrë pafajësinë, por të përfitojë 5 milionë euro dëmshpërblim, jo 25 milionë.

Në klubin e Korçës, optimizmi është theksuar disa herë nga burime pranë presidentit Takaj, duke theksuar se ka tërheqje nga personat që kanë dëshmuar në UEFA.

Po ashtu, presidenti beson tek studioja ligjore që ka pajtuar, dhe që është ndër më të mirat në Zvicër dhe në Europë, për të cilën thuhet se ka shpenzuar 500 000 euro.

Skënderbeu u dënua nga UEFA i akuzuar për trukim ndeshjesh në Champions dhe në Ligën e Europës, vendim që u mbajt në fuqi edhe nga komisionet e apelit./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono