demokratet

TRUMP-INKRIMINIMI_ABC-M4-T2.mpg_snapshot_00.16-1280x720.jpg
ent ela20:45 | 12/09/2019

Demokratët në Shtetet e Bashkuara kanë miratuar një rezolutë për përshpejtimin e hetimeve mbi ato raste që mund të çojnë në inkriminimin e presidentin Donald Trump. Duke reaguar, republikanët e kanë quajtur nismën një farsë që synon të dëmtojë figurën e kreut të shtetit.

Komisioni për çështjet gjyqësore në Kongresin amerikan votoi të enjten për intensifikimin e hetimeve mbi presidentin Donald Trump, për të vendosur më pas nëse do të rekomandojë inkriminimin e tij. Paneli prej 41 anëtarësh miratoi një rezolutë që i lejon të caktojë seanca dëgjimore, t’u bëjë dëshmitarëve pyetje më agresive dhe të përshpejtojë hapat e hetimit në ato aspekte që mund të rezultojnë më eksplozive për presidentin dhe Kongresin gjatë kohës që kontrollohej nga republikanët. “Me proçedurat e reja ne do të nisim javën e ardhshme një seri seancash për të hetuar dyshimet për korrupsion, pengim të drejtësisë dhe abuzim me pushtetin që rëndojnë mbi presidentin”, deklaroi kryetari i komisionit gjyqësor, Xherold Nedllër, pas votimit me 24 vota pro dhe 17 kundër. Nga ana e tyre republikanët e hodhën poshtë nismën e demokratëve dhe e quajtën rezolutën e miratuar prej tyre një “fantazi”. Ata thanë se demokratëve u mungojnë votat për të marrë një autorizim zyrtar nga Kongresi për të hetuar, sikurse ndodhi në rastin e epokës Uotërgejt, apo në atë të ish-presidentit Bill Klinton. Në reagimin e tij, kryetari i republikanëve në komisionin gjyqësor, Dag Kollins tha se rezoluta thjesht i jep komisionit kompetenca që i ka patur gjatë gjithë kohës. /ABC News Albania 24/7

ITALIA-KUSHTET.mpg_snapshot_00.03-1280x720.jpg
ent ela22:20 | 30/08/2019

Me një lëvizje të papritur, Lëvizja “5 Yjet” në Itali ka frenuar optimizmin për formimin e një qeverie të re. Kryetari Luixhi Di Maio i ka vendosur si kusht demokratëve pranimin e programit të tij qeverisës, në të kundërt ka paralajmëruar me zgjedhje.

Lëvizja 5 Yjet në Itali ka bërë të ditur se do t’i bashkohet koalicionit me Partinë Demokratike vetëm nëse kjo e fundit pranon t’i përmbahet disa politikave të caktuara. Deklarata është bërë nga kryetari Luixhi Di Maio, i cili ka përdorur një ton që nuk ka lënë vend për kompromis. Mesazhi i tij frenoi optimizmin se me demokratët mund të arrihet një marrëveshje, duke bërë që tregjet financiare të pësojnë rënie. Ndërkohë, demokratët kanë kërkuar nga 5 Yjet sqarime të menjëhershme mbi ato që kërkojnë dhe nëse duan vërtet të bëjnë një koalicion së bashku. Koalicioni i mëparshëm, i përbërë nga 5 Yjet dhe Liga e Veriut u shpërbë më herët gjatë muajit kur lideri i ekstremistëve Mateo Salvini u tërhoq me shpresën të çonte vendin në zgjedhje të parakohshme, i nxitur nga rritja e popullaritetit. Por lëvizja e tij rezultoi një taktikë e gabuar kur 5 Yjet dhe PD papritur deklaruan se ishin gati të linin pas armiqësitë historike dhe të formonin një koalicion të ri, sërish me kryeministër Xhuzepe Konten. Por papritur Di Maio ka zgjedhur të vendosë një linjë të ashpër, duke deklaruar se PD duhet të mbështesë politikat e tij nëse dëshiron të formojë qeverinë. “Kërkesat tona janë të qarta. Nëse ata pranojnë programin tonë qeverisës, atëherë mund të nisim nga puna. Nëse jo do të ishte më mirë të shkonim në zgjedhje dhe madje sa më shpejt të jetë e mundur”, tha Di Maio për mediat. Mes politikave që kërkon Lëvizja 5 Yjet renditen reduktimi i numrit të ligjvënësve, heqja e liçencës për mirëmbajtjen e autostradave kompanisë “Atlantia” dhe pranimi i një ligji që synon kufizimin e burimeve njerëzore për emigrantët. /ABC News Albania 24/7

SHBA-DEBATI-ABC-1280x720.jpg
nev ila19:00 | 30/08/2019

10 janë kandidatët demokratë për Shtëpinë e Bardhë, të cilët janë kualifikuar nga partia për të marrë pjesë në debatin televiziv, ku do të prezantojnë platformat e tyre për fushatën e zgjedhjet presidenciale.

Në Shtetet e Bashkuara të Amerikës, dhjetë kandidatë janë kualifikuar për debatin e ardshëm të demokratëve në prag të zgjedhjeve paraprake në kuadër të presidencialeve.

Zgjedhjet do të mbahen në 2 shtator.

Kanidatët janë: Xho Bajdën, Kori Buker, Pete Batgieg, Julian Kastro, Kamala Harris, Ami Klobuka, Beto O Rurk, Berni Sanders, Elizabet Uoren dhe Endrju Jang.

Parametrat e vendosur nga partia për kualifikimin në debat përjashtuan menjëherë gjysmën e kaandidatëve ende në garë: çdo kandidat duhet të mblidhte deri mbrëmjen e së enjtes të paktën 130 mijë donator të vecantë dhe të merrte 2 për qind të paktën në katër sondazhe.

Mes kandidatëve më të rëndësishëm që mbetën jashtë debatit janë guvernatori i Montanës, Stiv Bullok, shkrimtarja Marian Uilliamson dhe deputetja Tulsi Gabard.

Për në tetor është parashikuar një debat tjetër me të njëjtat parametra pranimi, disa kandidatë janë shumë pranë kualifikimit, për këtë arsye numri i pjesëmarrësve mund të jetë më i lartë.

Zgjedhjet paraprake të demokratëve për të zgjedhur kandidatin që do të garojë me presidentin Donald Trump do të nisin zyrtarisht në 13 shkurt të 2020-ës në Ajoua./ABC News Albania 24/7

demokratet-amerikane-1280x852.jpg
nev ila22:45 | 27/08/2019

Kandidatët demokratë që synojnë të sfidojnë Donald Trump në zgjedhjet e ardhshme presidenciale e kanë fokusuar fushatën e tyre në zonat rurale. Xho Bajden por edhe kandidatët e tjerë kërkojnë të fitojnë mbështetjen e elektoratit rural, i dëmtuar nga lufta tregtare e Trump me Kinën.

Duke përfituar nga shqetësimi i fermerëve nga axhenda ekonomike e presidentit Trump, rivalët demokratë po rrisin përpjekjet për të rimarrrë kontrollin e Amerikës rurale, që në 2016-n ndikuan në fitoren e miliarderit.

Zona në fjalë i ka qëndruar besnike presidentit republikan, edhe pse fermerët nga Ajoua në Uiskonsin e deri në Pensilvani po vuajnë barrën e luftës së tij tregtare me Kinën.

Këshilltarët e Trump insistojnë se linja e ashpër e zgjedhur prej tij kundrejt Kinës vetëm sa do të kënaqë më shumë bazën elektorale, sesa do ta asgjësojë atë.

Por demokratët që po përpiqen të përballen me Trump në nëntor të 2020-s, synojnë marrjen e mbështetjes së fermerëve për shkak të rënies së ndjeshme të çmimeve dhe mbetjes stok të të korrave, teksa beteja tregtare me Kinën po zgjat prej më shumë se një viti.

Fermerët dhe prodhuesit e etanolit janë gjithashtu të dëshpëruar nga vendimi i fundit i administratës për të lejuar kompanitë e naftës të shmangin ligjet për biokarburantet dhe të përdorin më pak etanol me bazë drithërash.

Kështu, nga Xho Bajden deri tek senatoret Elizabeth Uorren dhe Emi Klobuçar, të gjithë kandidatët gjatë fushatës e kanë vënë theksin tek dëmi ekonomik i shkaktuar nga lufta tregtare e Trump dhe shmangia e biokarburanteve.

Në disa ndalesa të bëra në Ajoua që prej qershorit, Bajden ka deklaruar se lufta tregtare po shkatërron fermerët amerikanë.

“Sa fermerë në këtë shtet, ose në këtë vend duhet të përballen me frikën se mos humbin fermat e tyre për shkak të këtyre tarifave?”, tha Bajden gjatë një mitingu në Kontenë Uorren javën e kaluar.

Dhe këshilltarët e tij thonë se Bajden do ta kthejë fushatën në zonat rurale në prioritetin kryesor të tij. Por jo vetëm ai.

Në javët e fundit edhe shumë kandidatë të tjerë, përfshirë Elizabeth Uorren dhe Pit Butixhixh kanë shpalosur planet e tyre për Amerikën rurale, duke prekur çështje që variojnë nga subvencionet tek shëndeti rural dhe lidhja me internetin./ABC News Albania 24/7

donald-trump-1280x785.jpg
Sej rie17:15 | 14/08/2019

Demokratët në Shtetet e Bashkuara i kanë bërë të qartë presidentit Trump se do t’ia bllokojnë marrëveshjen që ai dëshiron të nënshkruajë me Britaninë e Madhe pas Breksit. Për demokratët, që kontrollojnë shumicën në Kongres, për çdo marrëveshje duhen marrë parasysh efektet anësore të saj.

Demokratët në Shtetet e Bashkuara kanë paralajmëruar se nuk do ta lejojnë një marrëveshje tregtare me Britaninë, nëse ajo minon akordin e paqes së Irlandës, e njohur si Marrëveshja e së Premtmes së Mirë.

Paralajmërimi është bërë nga kryetarja e demokratëve në Dhomën e Përfaqësuesve, Nensi Pelozi, e cila ka theksuar se dalja e Mbretërisë së Bashkuar nga BE-ja nuk mund të pranohet nëse vë në rrezik marrëveshjen në fjalë.

Komentet e saj vijnë pasi këshilltari i presidentit Trump për sigurinë kombëtare, Xhon Bolton deklaroi se Britania e Madhe do të jetë e para në radhë për një marrëveshje tregtare sapo të lërë Bashkimin Europian.

Vetë Bolton foli pas një takimi të zhvilluar në Londër me kryeministrin britanik Boris Xhonson. Rivendosja e kontrolleve kufitare mes Irlandës së Veriut dhe Republikës së Irlandës nëse Mbretëria e Bashkuar largohet pa një marrëveshje më 31 Tetor shihet si kërcënim për paktin e vitit 1998, Marrëveshja e së Premtes së Mirë, që i dha fund dekadave gjakderdhje në Irlandën e Veriut.

“Çfarëdo forme që të marrë, Breksit nuk mund të lejohet të vërë në rrezik këtë marrëveshje, përfshirë kufirin pa vijë ndarëse mes Republikës Irlandeze dhe Irlandës së Veriut”, tha Pelosi./ABC News Albania 24/7

Basha-11.jpg
ent ela09:30 | 27/07/2019

Lideri i opozitës Lulzim Basha në takimin me demokratët e Delvinës, shprehu shqetësimin e PD për varfërimin e shqiptarëve për shkak të grabitjes së tyre nga qeveria.

“Një grusht klientësh bashkë me Edi Ramën dhe qeverinë e tij janë shndërruar në grabitës të çdo pasurie publike dhe të çdo burimi natyror të vendit. Ata janë shkaku i thellimit të varfërisë,papunësisë, mungesës së mundësive.”

Basha i quajti klientët e Edi Ramës një grusht biznesmenësh grabitqarë që ndajnë paratë dhe pasuritë me njëri- tjetrin.

“Ekonomia dhe pasuritë e vendit janë në duart e këtyre pak njerëzve përreth Edi Ramës. Bregdetin ua ka grabitur qytetarëve dhe, me vendime speciale, ua ka dhënë oligarkëve që kanë ndërtuar në toka të vjedhura buzë detit’-tha Kreu i Opozitës.

Kryetari i PD tha se braktisja e interesit publik për të pasuruar veten dhe një grusht biznesmenësh dhe kriminelësh, është një nga arsyet e refuzimit plebishitar të Edi Ramës më 30 Qershor. Basha u shpreh se kjo ishte një datë që e vilulosi Edi Ramën, edhe sipas raportit të OSBE/ODIHR, në një grabitës votash dhe të një politikani qe shkel Kushtetutën për të uzurpuar çdo pushtet.

“30 qershori është nul dhe i pavlefshëm. Çdo produkt i tij është nul dhe i pavlefshëm”– tha kreu i opozitës duke u shprehur mirënjohës për çdo banor të Delvinës që iu bashkua shumicës absolute të 85 përqind të shqiptarëve, të cilët duan ndryshimin.

Lideri i opozitës Lulzim Basha tha se angazhimi i tij madhor është t’ua kthejë mirënjohjen shqiptarëve me vepra konkrete për mirëqenien e tyre, kur PD të marrë drejtimin e vendit. /abcnews.al

SHBA-INSTITUCIONET-1280x720.jpg
ent ela23:32 | 02/07/2019

Një komision demokrat nga Kongresi amerikan depozitoi të martën një padi në një gjykatë federale, ndaj institucioneve që nuk po bëjnë publike shlyerjen e detyrimeve tatimore nga presidenti Donald Trump dhe bizneset e tij. Sipas mediave amerikane, komisioni ka paditur Shërbimin për Mbledhjen e të Ardhurave dhe Departamentin e Thesarit, pasi sekretari i tij Stiven Mnushin refuzoi kërkesën ligjore për të dorëzuar dokumentet e presidentit dhe po ashtu thirrjet për të dëshmuar në Kongres. Padia shënon fillimin e asaj që pritet të jetë një betejë e gjatë gjyqësore dhe që sipas mediave amerikane ka gjasa të përfundojë në Gjykatën Supreme. Nga administrata presidenciale nuk ka patur një koment, por avokati i Trump, Xhej Sekulou deklaroi se do t’i përgjigjet me të gjitha forcat asaj që e quajti “persekutim presidencial”. Demokratët kërkojnë të dhënat mbi detyrimet tatimore të Donald Trump nga viti 2013 në 2018, që sipas ekspertëve ligjorë mund të hedhin dritë mbi bizneset e presidentit. Një proces i tillë gjyqësor, sipas specialistëve, mund të rrjedhë me ngadalë dhe të kthehet në një argument në zgjedhjet e 2020-s. /ABC News Albania 24/7

border-shba-1280x723.jpg
nev ila20:05 | 26/06/2019

Demokratët në Shtetet e Bashkuara kanë miratuar një projekt/buxhet për emigrantët në kufi me Meksikën. Ndërkohë, republikanët kanë kërcënuar se do ta bllokojnë draftin në Senat, pasi nuk bien dakord me mënyrën e shpenzimit të fondeve.

Demokratët në Kongresin amerikan kanë aprovuar një buxhet prej 4.5 miliardë dollarësh për t’u ardhur në ndihmë emigrantëve në kufirin jugor të Shteteve të Bashkuara. Vdekjet e fundit të emigrantëve dhe raportimet për mbajtjen në kushte çnjerëzore të fëmijëve të tyre i hapën rrugë miratimit të fondit.

Por drafti pritet të përballet me një pengesë të fortë në Senatin e kontrolluar nga republikanët, që po konsideron miratimin e një drafti rival me më pak kufizime për përdorimin e fondit nga agjencitë ligjzbatuese që kontrollojnë kufirin.

Varianti demokrat, ndryshe nga ai republikan, parashikon që fondi të përdoret vetëm për ndihma humanitare dhe jo për operacione kundër emigracionit, apo ngritjes së kampeve për mbajtjen e refugjatëve dhe ngritjen e murit në kufi. Sidoqoftë, drafti kaloi me 230 vota pro dhe 195 kundër, i kundërshtuar edhe nga disa prej demokratëve.

Duke reaguar, Shtëpia e Bardhë ka deklaruar se presidentit Trump do t’i sugjerohet nga këshilltarët që të vendosë veton ndaj draftit nëse ai shkon në tryezën e tij në formën aktuale.

Administrata amerikane akuzoi demokratët se po përpiqen të përfitojnë politikisht duke shfrytëzuar krizën aktuale të emigracionit./ABC News Albania 24/7

Edi-rama-kandidateve.jpg
ent ela09:43 | 01/06/2019

Kryeministri Edi Rama, njëherësh dhe kryetar i Partisë Socialiste, vetëm pak orë para hapjes zyrtare të fushatës për forcën e tij politike, publikoi një letër të shtatë, të cilën kësaj here nuk ia drejtoi kreut të PD-së Basha, por të gjithë demokratëve. Sipas Ramës, ky bojkot i zgjedhjeve i opozitës ka ardhur sepse kanë frikë nga zgjedhjet dhe se Basha i trembet një disfate elektorale.

E kishte paralajmëruar.

Përpara se këtë të shtunë t’i drejtohej socialistëve të tij, Edi Rama e nisi diten me nje leter te hapur drejtuar te gjithe demokrateve.

 “Sot Partia Socialiste nis zyrtarisht fushatën e zgjedhjeve të 30 qershorit. Ndërsa partia të cilës ju i përkisni si anëtarë apo që e keni votuar, si mbështetës ose simpatizantë, nuk merr pjesë në këto zgjedhje. Braktisja pa kthim e parlamentit, nxitja e dhunës, bojkotimi i zgjedhjeve, janë në thelb arratisje nga misioni, funksioni dhe korniza e vlerave të një partie demokratike. Jam sinqerisht i keqardhur për këtë”.

Më pas letra vijon me një skaner që ai i bën situatës së demokratëve si socialist dhe kryeministër.

“Askush ndër ju mbase, unë jo e jo, s’e kishte menduar se do të vinte dita kur partia juaj, e lindur si parti parlamentare nga zgjedhjet e para pluraliste, as të mos ishte më parlamentare dhe as të mos futej në zgjedhje. Çudi dhe degradim i madh njëkohësisht! Por sot, me një vendim sovran të udhëheqjes së asaj partie jemi përpara këtij fakti të kryer dhe s’kemi, mesa duket, asnjë mundësi ta zhbëjmë një zhvillim kaq negativ”, vijon kryeministri.

Kërkesës për shtyerjen e zgjedjeve Rama i përgjigjet me një kundër pyetje.

“Kam dëgjuar shpesh pyetjen: A mund të bëhen zgjedhje demokratike pa opozitën? Zgjedhje demokratike do të thotë që të gjithë të gëzojnë të drejtën të zgjidhen. Por nëse përjashtimi në çfarëdo forme i opozitës nga zgjedhjet i bën ato antidemokratike, vetëpërjashtimi i një partie kryesore nga zgjedhjet nuk i bën ato jodemokratike. Prandaj, shkruan Rama,  unë e ngre ndryshe pyetjen: A mundet që zgjedhjet demokratike të bëhen vetëm nëse do opozita?”.

Letrën e tij drejtuar demokratëve Rama e mbyll me  dy fjalë për moslejimin apo prishjen e procesit te zgjedhjeve. Ai I kujton të gjithëve se eshtë krim dhe ndëshkohet rëndë nga Kodi Penal i Republikës së Shqipërisë, kushdo që e kryen një krim të tillë. Ai I kujton demokrateve se cilido qe prish procesin do të dënohet për krime zgjedhore nuk do ta kete më të mundur të shkele për gjithë jetën në Shtetet e Bashkuara të amerikes dhe në Bashkimin Europian. /ABC News Albania 24/7

 

 

 

 

trump-1.jpg
nev ila23:45 | 22/05/2019

Presidenti Donald Trump i ka dhënë fund të mërkurën bashkëpunimit me demokratët, duke u thënë atyre se nëse dëshirojnë koordinim ndërpartiak për të mirën e Shteteve të Bashkuara, më parë duhet të mbyllin hetimet e shumta të hapura ndaj tij.

Presidenti Donald Trump ka shpërthyer të mërkurën ndaj liderëve demokratë, pas deklaratave të tyre se ai po përpiqet të mbulojë aferat e tij. “Unë nuk po mbuloj asgjë”, tha presidenti republikan në një deklaratë të jashtëzakonshme për shtyp nga Shtëpia e Bardhë.

Reagimi i tij erdhi pasi kryetarja e Dhomës së Përfaqësuesve, Nensi Pelozi u takua me figurat kyçe të demokratëve për të diskutuar inkriminimin e presidentit.

Trump ndodhet në një periudhë përballjeje me Kongresin, gjatë të cilës ka injoruar thirrjet për të dëshmuar, ka refuzuar publikimin e dokumentave dhe ka bllokuar dëshmitë e ish-këshilltarëve të tij.

Presidenti mbajti të mërkurën një takim me liderët demokratë, Pelozi dhe Çak Shumer, që kishte në fokus bashkëpunimin për investimet në infrastrukturë, por që u mbyll pas vetëm 5 minutash.

Më pas Trump u tha gazetarëve se gjithçka që po bëjnë demokratët është një përpjekje për rrëzimin e tij.

“I thash senatorit Shumer dhe kryetares Pelosi se unë dua të bëj projekte në infrastrukturë, por më parë ata duhet t’u japin fund këtyre hetimeve farsë”, deklaroi Trump.

Shefi i Shtëpisë së Bardhë përjashtoi çdo bashkëpunim të mëtejshëm me demokratët.

Ua kam thënë që në fillim, nuk mund të ecni në dy korsi. Ose do të ecni në atë të hetimeve, ose në atë të infrastrukturës”, shtoi Trump./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono