dekretimi

presidenti-ilir-meta-1280x824.jpg
nev ila21:26 | 13/11/2019

Në konferencën për shtyp, mbrëmjen e sotme, presidenti  Meta deklaroi se, do të qëndrojë në detyrën e Presidentit të Republikës deri në datën 24 Korrik 2022.

“Asnjë dyshim deri në 24 korrik 2022, do të jem në krye të Institucionit të Presidentit, me dorën mbi Kushtetutë. Të paktën ju nuk duhet të keni asnjë dyshim për këtë”, deklaroi Meta.

Më tej Meta tha se Presidenti i republikës nuk ka asnjë përplasje me askënd.

“Ka një vullnet sistematik, të vendosur, institucional, zyrtar të presidentit të republikës për të bashkëpunuar me KED. Në këtë aspekt ka një informim të vazhdueshëm  nga ana e presidentit edhe për parlamentin, në mënyrë që të ketë bashkëpunim. Është presidenti ai që kërkon zgjidhje,  kërkon respektimin e kushtetutës. Është presidenti ai që ditën e Hënë nga Parisi i ka kërkuar kuvendit të ushtrojë me përgjegjësi kompetencat e tij sepse ky është proces që ka të bëjë me të ardhmen evropiane të Shqipërisë, që dikush nuk e do me patjetër. Për këtë proces do të informohet edhe Bundestagu por edhe vendet e tjera. Nuk ka individ mbi kushtetutën, nuk ka fuqi  mbi kushtetutën. Nga ana e presidentit ka vetëm kërkesë për bashkëpunim. Do ju vëmë në dispozicion të gjitha letrat tona drejtuar KED dhe kryetarit, se çfarë i kemi kërkuar, ia kemi dërguar në kohë”, tha Meta./abcnews.al

ilir-meta-konference-1280x696.jpg
nev ila20:49 | 13/11/2019

Presidenti Ilir Meta gjatë mbrëmjes së sotme, në konferencën e tij për shtyp, iu përgjigj edhe pyetjeve të gazetareve.

I pyetur se, nëse ishte e rëndësishme data apo afati i përcaktuar në kushtetutë, prej 30 ditësh, pas vendimit të vetë Metës që të “ngrijë” procesi i përzgjedhjes së kandidatëve për në gjykatën kushtetuese,  Meta theksoi se në Kushtetutë nuk ka një afat të caktuar për Presidentin e Republikës, aq më tepër tha ai kur bëhet fjalë për krijimin e gjykatës kushtetuese.

“Duhet të kemi të qartë të gjithë që nuk ka një afat të caktuar për Presidentin e Republikës. Nuk kemi një afat të përcaktuar në Kushtetutë për Presidentin. Kushtetuta është mbi çdo gjë, aq më tepër kur bëhet fjalë për krijimin e Gjykatës Kushtetuese. Për herë të parë krijohet gjykata kushtetuese sipas kushteve të reformës në drejtësi. Çdo akt në këtë proces i Presidentit, Parlamentit,  dhe i gjithë institucioneve, është historik sepse do të ngelet një referencë në të ardhmen. Çdo veprim i Presidentit aktual do të mbetet si referencë për presidentët e ardhshëm. Duhet të kemi të qartë që Komisioni i Emërimeve në Drejtësi është një institucion që merret vetëm me menaxhimin administrativ, për të garantuar zbatimin e Kushtetutës dhe të ligjit për krijimin e gjykatës kushtetuese, asgjë tjetër. Kushtetuta tregon qartë se si krijohet gjykata kushtetuese. Kushtetuta e thotë qartë që presidenti ka të drejtën të zgjedhë i pari vakancën e parë, pastaj është parlamenti dhe në këtë mënyrë përsëritet e njëjta renditje. Është detyra e KED që të rregullojë listat e kritereve dhe të afateve në respekt të ligjit. KED është institucion kolegjial dhe merr vendime kolegjiale, dhe jo që Kryetari i KED të bëj lojëra të karakterit administrativ, duke vendosur vetë kohën se si i dërgon listat në mënyrë të atillë, tepër të dyshimtë, për të mos thënë mafioze, që të vendosë Presidentin në pozitën që, o të shkeli detyrimisht kushtetutën e Shqipërisë, o të bëhen interpretime qesharake, si ai që Presidentit i ka mbaruar afati. Kjo është e turpshme, skandaloze dhe mafioze“, tha Meta./abcnews.al

sander-lleshi111.jpg
ent ela12:46 | 16/11/2018

Presidenti Ilir Meta vendos t’i japë fund karrierës ushtarake të Gjeneral Sandër Lleshaj. Firma e kreut të shtetit plotëson dëshirën e vetë gjeneralit dhe kryeministrit Edi Rama që i hap rrugë emërimit të tij në detyrën e ministrit të Brendshëm.

Nga dy firma që priten këtë të premte, vetëm njërën ka hedhur në letër presidenti Ilir Meta, atë të dekretit që e nxjerrë në lirim. Por është dekreti i dytë ai që përcakton nëse Sandër Lleshaj do të ulet apo jo në karrigen e ministrit. Kryetari i shtetit ka zgjedhur t’i lërë të presin edhe pak orë.

“Besoj se do keni kohë deri në mbrëmje, kur të jem tek “Zonë e Lirë” tek kolegu juaj i nderuar Çani”, tha Meta.

Në ditën e fundit që i cakton Kushtetuta, presidenti Ilir Meta zgjodhi të jetë pjesë e aktiviteteve mediatike. Nuk i shmangu kamerat e gazetarët pasi përgjigjen e kishte gati.

Jashtë institucioneve zyrtare konsumoi një kafe me kryeparlametarin Gramoz Ruçi në një takim jo formal kokë më kokë që zgjati rreth 20 minuta. Nëse i referohemi deklaratave të presidentit, për të rëndësi ka vetëm zbatimi i Kushtetutës.

“Po të ketë ndonjë impresion do të marrë përgjigjen siç e meriton sepse Presidenti i shqipërisë nuk mund të vendoset në presione nga askush”, u shpreh Meta./acnews.al

MOISIU-PER-LLESHIN_ABC-M2-T1.mpg_snapshot_00.19-1280x671.jpg
ad min13:54 | 11/11/2018

Dekeretimi të gjeneral Sandër Lleshi, si ministër i Brendshëm shikohet paraardhësi i Metës në presidence. Ish-presidenti Alfred Moisiu foli për gazetarët nga qyteti i Korçës, aty ku ishte i pranishëm në një aktivitet.

Ish-presidenti Alfred Moisiu mendon pozitivisht për çështjen e dekretimit të gjeneral Sandër Lleshi. Nga Korça Moisiu tha se Meta do ta kalojë këtë dekret.
Sipas tij, këto çështje zgjidhen me mirëkuptim midis kryeministrit dhe Presidentit.

Alfred Moisiu, ish President: “Mendoj që po. Duke e parë se vërtet ka filluar procesi. Presidenti është përfaqësuesi i unitetit të kombit. Kjo do të thotë të mos lejosh kriza, kur ato krijohen ti zbusësh e jo ti ngacmosh.”

Dekretimi i ministrit të Brendshëm ka hapur nje debat mes Presidencës dhe Kryeministrisë që pas dorëheqjes së Fatmir Xhafës. Pas refuzimit të parë të Metës, i cili tha se nuk ishte i bindur për kandidaturën e Lleshit, kryeministri Edi Rama dergoi sërish dekretin në presidencë dhe tha se do të presë 7 ditë./abcnews.al

SINKRON-FLECKENSTEIN-PER-LLESHIN.mpg_snapshot_00.46-1280x720.jpg
ad min11:44 | 09/11/2018

Në një konferencë me gazetarët, raportuesi për Shqipërinë në Parlamentin Europian Knut Fleckenstein theksoi bindjen se Shqipërisë duhet ti hapen negociatat për antarësim me Bashkimin Europian, duke njohur punën e bërë derimëtani dhe duke nxitur vijimin e reformës në drejtësi dhe asaj zgjedhore.

“Shqipëria meriton hapjen e negociatave dhe pikë.” Deklarata u bë nga raportuesi për Shqipërinë në Parlamentin Europian Knut Fleckenstain gjatë një konference me gazetarët.

Knut Fleckenstain: “Të gjitha gjërat që kemi kërkuar janë bërë. Tani, Këshilli natyrisht që do të shikojë që në këtë periudhë deri në qershor-korrik që ata do të takohën, as qeveria dhe as Parlamenti në Shqipëri të ndalojë së punuari. Kjo do të thotë se procesi i Vettingut duhet të vazhdojë, lufta kundër krimit të organizuar duhet të na tregojë rezultate. Jam i sigurt se Parlamenti nuk do të ndryshojë mendimin që ka, por që do të shtyjë dhe nxisë sa më shumë të jetë e mundur dhe Këshilli duhet të marrë një vendim që duhet ta kishte marrë më herët”.

Sa i përket situatës ku Shqipëria prej tetë muajsh nuk ka një Gjykatë Kushtetuese, Fleckenstein duke folur në mënyrë kushtore, skenarin e komentoi si jo të favorshëm, por jo të pazgjidhshëm.

“Ne nuk do të na pëlqente situate, por nëse ju e keni një problem të tillë aktualisht mendoj që gjëja më e rëndësishme që dueht të bëhet është që të zgjidhet kjo situatë dhe antëarët e GJK të mund të zgjidhen dhe të keni një gjykatë funksionale. Nëse nuk ekziston një gjykatë e tillë situata nuk është e mirë, megjithatë ne e dijmë që në këtë process mund të ketë një efekt domino dhe ndoshta nuk funksionon që të gjitha masat të merren në të njëjtën kohë. Nuk e shoh si një problem që nuk mund të zgjidhet së shpejti”.

Sa i përket projektimit në shtetin gjerman, të një situate si ajo për të cilën akuzohet kreu i bashkisë Durrës Vangjush Dako, Fleckenstein drejtoi gishtin nga gjyqësori.

“Në gjermani ne kemi zyrën e prokurorisë dhe nëse prokurori identifikon të tilla raste deputeti shkarkohet. Dhe nëse bëhet fjalë për deputetin që ka miq e shok, është më e vështirë, por ndaj kemi gjyqësorin dhe nëse rezultati është i qartë ti nuk mund të jesh deputet, kjo është e sigurt. Ndaj duhet që prokuroria të bëj punën e saj”.

Sa i përket reformës zgjedhore, vlerësimin e shprehu për dy bashkëkryetarët, e paralajmërimin për shefat e tyre.

“Do ishte shenjë e mirë që në një cështje kaq themelore të arrihet një dakordësi. Jam shumë i lumtur për përpjekjet për marrëveshje për bashkëkryetarët dhe shpresoj që ata të mos lihen në mes të shiut nga dy liderët e tyre”.

Nëse parlamenti nuk do të arrijë të votojë ndryshimet në kodin zgjedhor edhe këtë session parlamentar, kjo nuk do të ishte fatale por sigurisht do të kishte një kontribut negativ në diskutimet që do të zhvillohen lidhur me çeljen apo jo të negociatave, përfundoi Fleckenstein./abcnews.al

SINKRON-META-PER-DEKRETIN_ABC-M1-T1.mpg_snapshot_00.32-1280x720.jpg
ad min10:10 | 09/11/2018

I buzëqeshur i doli pritës së gazetarëve. Këtë herë i gatshëm t’ia kthejë një përgjigje akuzave të Kryeministrit se Presidenti i republikës ka shkeluar kushtetutën me mos dekretimimin e ministrit të Brendshëm Sandër Lleshaj.

Ilir Meta, president i Republikës: “Pa dashur të jap leksione për Kushtetutën. Të gjithë amatorëve dhe dilentantëve të njëanshëm i ftoj të lexojnë Kushtetutën dhe kompetencat e Presidentit. Një akt formal apo ceremonial është vetëm betimi tek presidenti. Të gjithë ata që mendojnë se dekretimi nuk është një akt substancial por formal dhe se presidenti ka detyrë të firmosë një propozim”.

Por propozimi është përsëritur nga kryeministri Rama. Këtë herë dekreti shoqërohet edhe me një relacion shterues për emrin e propozuar prej tij për ministër të brendshëm- konfirmim e dha kryetari qeverisë me një status në rrjetet sociale. Sapo presidenti të shkojë në zyrë do ta gjejë atje si një shans të fundit që krisja të mos kalojë në thyerje me mazhorancën socialiste. Duket se Ilir Meta nuk është i surprizuar nga kjo lëvizje të cilës zgjedh ti përgjigjet me pyetje.

“Kam një pyetje tjetër: A mundet parlamenti të rrëzojë dekretin e presidentit për një ministër? Sepse dhe kjo nuk është shprehur në mënyrë eksplicite në Kushtetutë”.

Në emër të Kushtetutës bëhen deklaratat e dy institucioneve Presidencë-Kryeministri. Ajo që duhet të thotë fjalën e fundit është Gjykata Kushtetuese e cila pret të plotësohet me gjyqtarë. Megjithatë një funksion e ka, atë të arkivimit të kërkesave që do të shqyrtohet kur ajo të jetë e plotësuar.

Edi Rama, Kryeministër: “Të hënën këtë çështje do ta çojmë në Gjykatën Kushtetuese. Pas disa muajve, kur ajo të krijohet, nuk ka rëndësi edhe në pranverën e vitit të ardhshëm kjo gjykatë do marr vendimin e saj për të sqaruar Presidentët e ardhshëm. Do e çojmë atje padiskutim. Ne e kemi gati gjykatën.”

Pavarësisht përgjigjes së dytë të presidentit për emrin që i propozohet për ministër iu brendshëm, Kryeministri do tia dërgojë Gjykatës Kushtetuese pasi duhet një vendim që të sqarojë se kujt i jep të drejtë Kushtetuta e Republikës së Shqipërisë.

“Politika është shah nuk është dam. Ne e kemi votuar në një kohë kur nuk i kishim votat. Deri të shtunën, kur bëri këtë ekstravagancë Kushtetuese, ka qenë një President korrekt”.

“Më lini të bëj detyrën time me përgjegjshmëri të plotë”./abcnews.al

MBULIM-RAMA-CON-LLESHIN-TE-MINISTRIA-E-BRENDSHME.mpg_snapshot_00.09-1280x720.jpg
ad min15:07 | 06/11/2018

Gjeneral Sandër Lleshi u zyrtarizua ministër i komanduar i punëve të Brendshme. Këshilli i Ministrave fillimisht ka emëruar Sandër Lleshin në postin e zv/ ministrit të Brendshëm, ndërsa më pas Rama e ka komanduar në drejtimin e këtij dikasteri në vendin e Fatmir Xhafajt.

Rreth orës 12:30 të së martës, kryeministri Edi Rama iu drejtua ministrisë së Brendshme bashkë me Gjeneral Sandër Lleshi, të cilin e kishte emëruar zëvendësministër të Brendshëm.

Në një akt të rrallë, kryeministri ka bërë vetë prezantimin e zëvendësministrit që do drejtojë në vazhdim Ministrinë e Brendshme, pas dorëheqjes së Fatmir Xhafajt.

Ky i fundit u paraqit në zyrën e tij më herët sesa të vinte shefi i qeverisë së bashkashku me pasuesin e tij.

Të njëjtën gjë bënë edhe zëvendësmistrat e tjerë si edhe Drejtori i Pëgjithshëm i Policisë, Ardi Veliu.

Tashmë ministria e Brendshme kthehet në superministri me pesë zëvendësministria dhe për herë të parë pa një titullar siç është posti i ministrit të Brendshëm. Kjo zgjidhje e kushtëzuar ndodhi pasi, Presidenti i Republikës, nuk dekretoi Sandër Lleshin në vendin e lënë bosh pas dorëheqjes së ish ministrit Fatmir Xhafaj.

Prezantimi i Leshit ka patur gjithë elementët ceremonialë e në ministri ishte i pranishëm edhe ministri i dorëhequr Fatmir Xhafaj për t’I kaluar detyrën pasardhësit të tij në funksionin e zëvendësministrit.

Gjithcka zgjati rreth 30 minuta pa praninë e mediave, ndërsa në dalje, nuk pati asnjë koment për gazetarët që prisnin para ministrisë së Brendshme.

Ishte po kryeministri Rama që njoftoi emërimin e Lleshit me vendim qeverie. Në profilin e tij në Instagram, Rama publikoi një foto me Sandër Lleshin në zyrën e kryeministrit, e me komentin “ Me drejuesin e ri të Punëve të brendshme, gjeneral Sandër Lleshin pas mbledhjes së qeverisë, që vendosi emërimin e tij z.ministër i Brendshëm”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono