deklarimet

VJERO-PER-TVSH-TE-BIZNESI-I-VOGEL-1280x720.jpg
ent ela16:46 | 10/07/2018

11 mijë e 700 biznese të vogla që kanë hyrë për herë të parë në skemën e TVSH-së kanë dorëzuar pranë administratës tatimore librat e blerjes dhe të shitjes. Drejtoresha e Tatimeve tha se penalitete do të ketë vetëm për vonesat, ndërsa për plotësimin gabim të saj nuk do të vendosen gjoba.

Sot përfundon afati i dorëzimit të librave të blerjes dhe shitjet për bizneset e vogla me xhiro mbi 2 milion lekë në vit që kanë hyrë për herë të parë në skemën e tatimit mbi vlerën e shtuar. Afati për dorëzimin e deklaratës së tvsh-së përfundon ditën e hënë më 16 korrik. Gjatë një bashkëbisedimi me gazetarët, drejtorja e Përgjithshme e Tatimeve Vasilika Vjero, tha se deri tani janë 11 mijë e 700 biznese që kanë dorëzuar dokumentacionin, ndërsa 60% e tyre kanë plotësuar deklaratën e TVSH-së.

Për bizneset që nuk dorëzojnë në afat deklaratën masa e penalitetit do të jetë 5 mijë lekë të rinj, ndërsa për ata që i plotësojnë gabim nuk do të ketë gjoba, por do t’u lihet mundësia t’i korrigjojnë. Nga 6900 deklarata, vetëm 50 kanë patur gabime.

Deklarta e TVSH-së për biznesin e e vogël është më e thjeshtuar se për kategoritë e tjera, ndërsa Vjero deklaroi se të ardhurat e mbledhura nga taksa e TVSH-së për bizneset e vogla kanë pësuar një rritje modeste. /abcnews.al

 

VETINGU-NE-POLICI-1280x720.jpg
ent ela15:17 | 10/04/2018

Mbi 12 mijë efektivë të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat prej datës 5 prill kanë filluar të dorëzojnë formularët e vetëdeklarimit, “Për vlerësimin kalimtar dhe periodik të punonjësve”, apo siç njihet ndryshe Vetting-u në Polici.

Për t’i ardhur në ndihmë efektivëve blu lidhur me plotësimin e formularit janë ngritur grupe pune në 12 Drejtori të Policive Vendore. Procesi i Vetting-ut mbështet në tri kritere; pastërtia e figurës, pasuria dhe tek aftësitë profesionale. Ndërkohë , sistemi i gradave i ndan këta punonjës edhe në tri kategori të tjera.

Fillimisht do të kalojnë në “sitë” efektivët me grade të lartë ku bëhet fjalë për 300 punonjës, ata me gratë të mesme që janë 3 mijë policë dhe me grate të nivelit bazë rreth 9 mijë punonjës.

ABC News ka mësuar se, efektivët duhet t’i përgjigjen edhe pyetjeve nëse kanë qenë bashkëpunëtorë, apo anëtarë të ish-Sigurimit të Shtetit dhe, nëse janë përdorues të lëndëve narkotike. Gjithashtu punonjësit duhet të deklarojnë edhe nëse kanë patur takime me persona të përfishirë në krimin e organizuar.Për vlerësimin e gradave të larta, do përdoret një komision me anëtarë nga jashtë sistemit të Policisë së Shtetit. Konkretisht 5 anëtarë vijnë nga ILDKPI, 5 anëtarë nga radhët e pedagogëve, dhe 5 anëtarë përzgjidhen me konkurim nga. Në fazë të dytë është Komisioni Qendror i Vlerësimit që do të ketë 45 anëtarë, 30 nga të cilët do të shtohen nga radhët e policisë që e kanë kaluar Vetting-un në fazën e parë.  Në fazën e fundit, ku edhe janë edhe numri më i lartë i pononjësve të policisë, komisioni i vlerësimit do të ketë 135 anëtarë, që do të shtohen nga radhët e Policisë që kaluan me sukses fazën e dytë. Vetting në radhët e policisë vjen pas atij të nisur më herët  edhe në sistemin e Drejtësisë. Në mbështetje të ministrisë së Brendshme, janë edhe partnerët ndërkombëtarë me misionet e tyre si Pameca e Europol të cilët kanë asistuar më herët në hartimin e kuadrit ligjor. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono