deklaratat

taulant-balla.png
nev ila14:41 | 02/07/2019

Përmes një statusi në rrjetet sociale, Taulant Balla ka komentuar deklaratat e Presidentit Meta ditën e sotme. Balla shkruan se deklaratat e Presidentit Meta sot, meriotojnë injorim dhe ai si president meriton vetëm shkarkim.

“Presidenti na ka dhënë një provë tjetër shumë bindëse të nevojës për lirimin e zyrës, ku ai ka humbur të drejtën të qëndrojë. Ai tanimë është një subjekt keqardhjeje njerëzore dhe vendosmërie ligjore nga ana jonë.

Ne po presim të votojmë Komisionin Hetimor për shkarkimin e tij dhe do të presim pastaj raportin e Komisionit për të miratuar shkarkimin, të cilin natyrisht do ta shqyrtojë Gjykata Kushtetuese, por deri atëherë jemi të vetëdijshëm se do të kemi një President që si njeri meriton keqardhje, si politikan meriton injorim, si president meriton vetëm shkarkim! Dhe për sjelljen prej gaztori cirku sot dhe gjatë gjithë këtyre kohëve, meriton vetëm përqeshje popullore!”, shkruan Balla./abcnews.al

juristi-1-1280x717.jpg
ad min21:15 | 22/05/2019

Juristi Sokol Azizaj i ftuar në “Byro Poltike”, ka folur për deklaratat që bëri sot Meta për mënyrën se si po ecën procesi i reformës në drejtësi. Juristi u shpreh se reagimi i Presidentit duhet lexuar në dy dimensione.

“Duhet thënë me pak fjalë dhe kam përshtypjen që deklarimet e Presidentit të Republikës duhen parë në dy dimensione: Dimensioni i parë është se për shkak të detyrimit kushtetues Presidenti mund të bëjë një deklaratë të karakterit publik edhe brenda institucioneve publike si Parlamenti. Kuvendi për të thënë të vërtetën sot ka mare pamje njëngjyrëshe. Dhe çdo lloj deklarate e Presidentit në një Kuvend i cili është njëngjyrësh nuk do të kishte marrë përmasa dhe sensibilitetin e asaj çka ne konstatojmë dhe diskutojmë sot. Dhe momenti i dytë është se Presidenti të gjithë deklaratën e tij, e ka si pjesë të gjithë aktivitetit prej tre vjetësh, ose asaj çka ai ka grumbulluar dhe akumuluar në raport me atë se çka qëndron pas reformës në drejtësi. Me atë çka në mënyrë të përhershme politikanët, pse jo edhe Kryeministri kanë motivuar atë që thotë reforma në drejtësi. Nëse ju i referoheni kujtesë historike të këtyre tre viteve, që nga momenti i konceptimit të reformës një nga momentet që është thënë dukshëm por pa e përmendur ka qenë që Meta është thelbi i gjithë akumulimit të perceptimit negativ për drejtësinë. Kjo do të thotë se nëse drejtësia do të këtë një pasojë pozitive është figura e Metës. Normalisht kjo ka sjellë sensibilitetin e duhur tek ai që sot për shkak të marrëveshjes ka ardhur si President i Republikës. Në këto kushte unë mendoj se nuk janë fare të rastësishme deklarimet e tij”, tha Sokol Azizaj./abcnews.al

HARADINAJ-DEKLARATAT-1280x720.jpg
ent ela16:41 | 02/05/2019

Edhe njëherë më shumë kryeminsitri i Kosovës Ramush Haradinaj ka këmbëngulur në të vërtetën e tij. Sipas të cilës në samitin e Berlinit kryeministri i Shqipërisë Edi Rama dhe presidenti i Kosovës Hashim Thaçi i kishin bërë presion për heqjen e taksës ndaj Serbisë.

Kryeministri i Kosovës Ramush Haradinaj u qëndron fort deklaratave të tij se Presidenti i Kosovës Hashim Thaçi dhe kryeministri i Shqipërisë Edi Rama në samitin e Berlinit i kishin bërë presion më shumë se ndërkombëtarët për heqjen e taksës.

Madje disa media kanë raportuar se në pauza të takimeve në samit është dëgjuar Haradinaj ti ketë thënë Ramës që të mos përzihet në cështje të brendshme të Kosovës.

Në një konferencë për mediat pas mbledhjes së sotme të qeverisë Haradinaj i është kundërpërgjigjur reagimit të kryeministrit Rama, i cili kishte thënë se Haradinaj do të duhej të ishte më i kujdesshëm të mos i komentoj në publik bisedat informale e aq më tepër t’i shtrembëroj ato.

Ai ka thënë se i pëlqeu dikujt ose jo gjithmonë do ta tregoj të vërtetën.

“Do t’ua tregoj të vërtetën edhe kur ju pëlqen edhe jo, do ta bëjë dhe në të ardhmen. ‘Rrno për me tregu, ka thënë At ZefPllumi’”.

Ndryshe sipas Haradinajt Samiti i Berlinit qartësoi se më nuk do të diskutohet për kufijtë dhe taksën.

Nuk është hera e parë që kryeministrat e dy vendeve replikojnë mes vete për cështjen e Kosovës. Përplasje verbale ata kishin pasur edhe pas mbledhjes së përbashkët të dy qeverive që u mbajt në fund të vitit të kaluar në Pejë. /ABC News Albania 24/7

Palmer-deklaratat-1280x739.jpg
nev ila18:35 | 10/04/2019

Pas deklaratave të Zv/ndihmës Sekretarit në Byronë për Çështjet e Evropës dhe Euro-Azisë Matthew Palmer, aleatët e Partisë Demokratike Dashamir Shehi dhe Agron Duka, në një intervistë për ABC News, i kanë komentuar qëndrimet e zyrtarit të DASH, si brenda standarteve diplomatike.

Deklaratat e zyrtarit të DASH Matthew Palmer të konsideruara si shuplakë ndaj aksionit opozitar, aleatët e demokratëve Dashamir Shehi dhe Agron Duka i shohin si të pritshme dhe brenda kornizës diplomatike.

Dashamir Shehi shprehet se:

Unë gjykoj që janë brenda standartit diplomatik, nuk kam dëgjuar ndonjëherë të thonë nuk është legjitime qeveria, i bie që atë ditë të fillojë revolucioni, ndaj Z.Palmer ndenji brenda kufijve të diplomacisë”.

Ndërsa Agron Duka tha se:

“Axhenda e Palmer nuk ishte për krizën politike, natyrisht braktisja e institucioneve gjykohet si negative dhe mendoj se ka folur parimisht pa e parë gjendjen në detaje”.

Për Shehin, takimi i zhvilluar në selinë blu me kreun e opozitës Lulzim Basha, ka ndihmuar në krijimin e një ideje të qartë mbi situatën në vend.

Nga kjo pikëpamje, takimin që pati me opozitën e quajmë pozitiv. Fatkeqësisht në Shqipëri, ndodhi një krim i rëndë gjatë qëndrimit të tij këtu. Kjo gjë e ka sqaruar edhe më mirë gjendjen, vetë departamenti e njeh problematikën shqiptare dhe e shprehu në raportin e tij”, tha ai.

Për aleatët e Partisë Demokratike, të huajt po interesohen për situatën në Shqipëri dhe kjo vjen pikërisht pas djegies së mandateve të deputetëve.

 “P.sh deklarata  e ambasadorit italian që mazhoranca duhet të bëj hap prapa është domethënëse, tha Duka.

S’ishte thënë deri më sot nga të huajt se mazhoranca duhet të bëj një hap prapa. Kjo nuk është çështje që proteston opozita, por cili është reagimi nga kjo mazhorancë”, nënvizon Shehi.

“Ka zëra, si nga Bundestagu Gjerman, njerëz të kancelerive të ndryshme, mediat botërore, të cilat tashmë po shohin kush është shkaku i kësaj pasoje. Si ka mundësi që një opozitë në zemër të Evropës, të marrë një veprim in- ekstremis të djegies së mandateve”, u shpreh Duka.

Për sa i përket zgjedhjeve Dashamir Shehi thotë se:

“Sigurisht edhe ne mendojmë që zgjedhjet duhet të bëhen. Ne gjykojmë që zgjedhjet janë e vetmja mënyrë,  për të ndryshuar pushtetin. Sigurisht me kushte të tjera nga këto që janë sot”.

Duke bërë dallimin stabilitet – demokraci, Shehi mendon se:

 “Realiteti fatkeqësisht është shumë i rëndë, nuk është i rëndë se e marrin vesh të huajt, por sepse e jetojnë shqiptarët. Të huajt sigurisht që e shohin nga pikëpamja e interesit të vet, ata kanë vënë stabilitetin përpara demokracisë. Mendoj që, ne meritojmë një minimum demokracie dhe respekti për punën e shqiptarëve të ndershëm, nuk mund ta dorëzojmë pushtetin në duart e 10 apo 15 vetave, vetëm sepse u ka rënë pushteti në dorë atyre”.

Ndërsa Agron Duka shprehet:

 “Duke marrë parasysh edhe kohën, duket sikur vëmendja ndaj Shqipërisë nuk është në fokus, por në një kohë të afërt besoj do jetë më shumë.  Insistoj se opinioni ndërkombëtar ka rëndësi, por më shumë rëndësi ka cfarë bëjmë ne dhe opinioni vendas, për zgjidhjen e krizës”.

Thellimi i kësaj krize, do të sjellë si pasojë edhe ndërhyrjen e ndërkombëtarëve, theksojnë aleatët sipas të cilëve zgjidhja në mënyrë pozitive do të vijë pikërisht përmes kësaj rruge./abcnews.al

TSIPRAS-DEKLARATA-1280x609.jpg
ent ela13:28 | 10/01/2019

Në një intervistë televizive, kryeministri grekAleksis Tsipras u shpreh se marrëveshja e Prespës i shërben edhe  Greqisë. Tsipras tha se Greqi nuk ka interes për një Shqipëri të madhe, pranë kufijve te saj.

Kryeministri grek Aleksis Tsipras ka paralajmëruar se një shpërbërje e mundshme e Maqedonisë, mbart rrezikun e krijimit të Shqipërisë së Madhe. Tsipras e përdori këtë hamendje gjatë një interviste televizive, duke argumentuar se Marrëveshja e Prespës i shërben interesave të Greqisë.

Alexis Tsipras, Kryeministër i Greqisë:  “Greqia nuk ka asnjë interes nga një destabilizim në kufijtë e saj veriorë. Nuk ka asnjë interes të ketë një front të hapur në një vend që do të mund të ishte një hapësirë jetike për ekonominë tonë dhe bizneset tona. Nuk ka asnjë interes nga shpërbërja e atij vendi dhe mundësia e një “Shqipërie të Madhe” në kufijtë tanë. Dhe sigurisht, nuk ka asnjë interes të shpenzojë kapitale diplomatike në një periudhë kur kemi një komshi nevrik (Turqia), i cili përbën kërcënim për Greqinë, ndërsa ish Republika  Jugosllave e Maqedonisë nuk përbën kërcënim”.

Gjatë intervistës për televizionin Open, Tsipras tha se e konsideron marrëveshjen e Prespës si arritjen më të madhe të mandatit të tij, pas daljes së Greqisë nga programet e shpëtimit. Kryeministri grek sqaroi se ai do të nisë procedurën për miratimin e marrëveshjes nga parlamenti grek, sapo të përfundojnë procedurat në parlamentin e Shkupit.

Alexis Tsipras, Kryeministër i Greqisë:  “Synoj që sapo të votohet në parlamentin e Shkupit dhe ministria e jashtme greke të njoftohet me notë verbale mbi përfundimin, menjëherë do t’ia kaloj rezultatin presidentit të republikës, kryetarit të parlamentit dhe partive politike, që të verifikojnë. Nëse ndryshimet kushtetuese respektojnë kuadrin e marrëveshjes së Prespës. Pastaj do të merrem vesh me kryetarin e parlamentit që të fillojnë procedurat”.

Tsipras tha se nota verbale nga Shkupi do të mbërrijë jo më vonë se fundi i javës së ardhshme. Rrjedhimisht, kryeministri grek, ai parashikoi se Marrëveshja e Prespës do të kalojë për votim në parlamentin vendas brenda janarit.

Gazetar i ABC News, Greqi: Robert Goro

/abcnews.al

ANILA-TRIMI-1280x720.jpg
ad min19:21 | 28/09/2018

SHÇBA i quan të pabaza deklaratat e ish-oficerit Emiliano Nuhu për kërcënim me armë në postën e policisë të Fushë Krujës, bazuar në dokumenta, pyetjen e punonjësve të policisë në këtë postë si dhe shqyrtimin e pamjeve të kamerave të sigurisë.

Po ashtu sipas policisë, ish oficeri Nuhu nuk ka qenë në shërbim dhe i ngarkuar me dosjen e Xhisela Malokut, në datën kur pretendon se është kërcënuar.

SHCBA në ministrinë e Brendshme si dhe Policia e Shtetit hedhin poshtë pretendimet e ish-oficerit të policisë Emiliano Nuhu se në 21 korrik është kërcënuar me armë nga vëllai i deputetit Rahman Rahja në prani të deputetit Taulant Balla, në postën e policisë në Fushë Kruje.

1.Nga intervistat e drejtuesit dhe punonjësve të Policisë së Stacionit Fushë Krujë rezulton se më datë 21/07/2018, pra data e pretenduar, nga ish punonjesi Nuhu nuk ka qenë fare prezent në ambientet e Stacionit të Policisë Fushë Krujë.

  1. Nga Urdhri i Brendshëm për planëzimin e shërbimit, rezulton se, më datë 21/07/2018, Emiljano Nuhu nuk ka qenë OPGJ i gatshëm, por një tjetër punonjës i Policisë së Shtetit.

 Ditën e Hënë më datë 23.07 2018 çështja e shtetases Maloku është referuar në Prokurori. Në këtë moment çështja kaloi nën kompetencë të Prokurorisë dhe prokurorja duke e patur tanimë çështjen nën kompetencën e saj, vendosi që këtë procedim t’ia kalojë për kryerjen e veprimeve të mëtejshme oficerit të policisë Emiljano Nuhu, në datën 27.07.2018.

Oficeri i Policisë Emiljano Nuhu, ka filluar të kryejë veprime me këtë çështje pas kësaj date.

Por edhe pas datës 27 korrik, sipas policisë, ish oficeri Nuhu nuk ka përmbushur detyrat e lëna nga prokurorja për këtë çështje.

Oficeri i Policisë Emiljano Nuhu, ka filluar të kryejë veprime me këtë çështje pas kësaj date. Në zbatim të urdhërit të delegimit nga Prokurorja nga 11 detyra ka zbatuar vetëm 4 prej tyre.Në asnjë prej këtyre detyrave të zbatuara, nuk është kryer marrja në pyetje e personit nën hetim Rexhep Rraja. Sqarojmë se marrja në pyetje e shtetasit Rexhep Rraja, marrja e tabulateve si dhe kqyrja e telefonit për këtë shtetas, ka qenë detyra e parë e deleguar nga Prokurorja e çështjes, dhe që nuk janë zbatuar.

 Sipas drejtores së SHCBA Anila Trimi, ish-oficeri Emiliano Nuhu ka kryer disa shkelje ligjore.

  1. Shpërdorim detyre
  2. Kalim i paligjshëm i kufirit
  3. Nxjerrje e sekretit hetimore
  4. Shkelja e procedurave të punës në hetimin e çështjeve
  5. Shkelja e rregullave mbi armatimin personal të punonjësit të Policisë së Shtetit

 Zv/drejtorja e Policisë së Shtetit Aida Hajna bëri të ditur se Policia nuk ka ndërprerë hetimet pas denocnimit të bërë nga shtetasja Xhisiela Maloku, dhe brenda 24 orësh e ka referuar çështjen në prokurori, edhe pse vajza, siç tha zyrtarja e policisë,  ka hequr dorë nga kallëzimi i bërë prej saj dhe ka tërhequr denoncimin.
/abcnews.al

thaci.jpg
ent ela22:15 | 06/09/2018

Presidenti i Kosovës, Hashim Thaçi ka mohuar akuzat ndaj ish-kryeministrit Sali Berisha, duke thënë se në asnjë deklaratë të tij nuk ka përmendur emra. I pyetur nga gazetari Blendi Fervziu nëse kishte biseduar me politikanët në Shqipëri dhe reagimin ndaj ish kryeminsitrit Sali Berisha, i cili kërkonte respektimin e kufijve të Kosovës, Thaçi u shpreh se raportet mes Kosovës dhe Shqipërisë kanë qenë institucionale.

 “Ky është interepretimi juaj. Në asnjë deklaratë timen nuk përmendet asnjë njeri me emër. As në Kosovë, as në Shqipëri. Raportet e mia me institucionet e Shqipërisë kurrë nuk kanë qenë në raport privat, por në interesin e përbashkët Kosovë-Shqipëri”.

Sipas tij kushdo që tenton të vonojë dialogun vonon të ardhmen e Kosovës.

“E theksoj se ata dhe kushdo që pretendon me vonu dialogun, negociatat dhe marrëveshjen e kanë gabim, sepse vonojnë të ardhmen e Kosovës në anëtarësim në BE, NATO dhe OKB”. /abcnews.al

MBULIM-LDK-PER-THACIN.mpg_snapshot_00.23-1280x720.jpg
ent ela22:42 | 07/08/2018

Lidhja Demokratike e Kosovës i cilëson të pamatura deklaratat e fundit të presidentit Thaçi dhe për këtë arsye LDK-ja do të kërkojë mendimin e Gjykatës Kushtetuese.

Pas mbledhjes të Kryesisë së kësaj partie, në të cilën pas një kohe të gjatë mori pjesë edhe lideri Isa Mustafa, ish-aleatët e Thaçit kanë deklaruar se Presidenti aktual nuk mund të përfaqësojë Kosovën në procesin e dialogut me Serbinë.

Lidhja Demokratike e Kosovës ripërsërit se kufijtë dhe subjektiviteti shtetëror i Kosovës janë përcaktuar me Deklaratën e Pavarësisë, Opinion e Gjykatës Ndërkombëtare të Drejtësisë. LDK thekson se marrëveshja përfundimtare me Serbinë duhet të arrihet: “Duke mos e cënuar në asnjë formë integritetin territorial të Kosovës; duke e ruajtur karakterin unitar të shtetit të Kosovës dhe duke e respektuar frymën e Kushtetutës” – thuhet në qëndrimin e bërë publik nga Lidhja Demokratike e Kosovës./abcnews.al

SAMITI-ABC-1280x720.jpg
ent ela12:55 | 09/06/2018

Kryeministri Italian Xhuzepe Konte dhe presidenti amerikan Donald Tramp patën një bisedë private në përfundim të punimeve të ditës së parë të samitit të G7-ës në Kanada. Sipas mediave që citojnë delegacionin Italian, Kontes i është bërë një ftesë jo zyrtare për në Uashington nga Kreu i Shtëpisë së Bardhë.

Në përfundim të ditës së parë të një samiti G7 pak të komplikuar, kryeministri Italian Xhuzepe Konte nuk i ka prishur marrëdhëniet me Bashkimin Europian dhe pse mbajti një qëndrim pro hapjes së dialogut me Moskën. Presidenti francez Emanuel Makron në përfundim të takimit të parë me homologun e tij Italian shkruajti në Tuiter se të dy kishin të përbashkët një kontinent: Europën si dhe një histori e vlera që i lidhin. Pas miratimit të marrë nga Trump pasi mbështeti propozimin për risjelljen e Rusisë në tryezën e të mëdhenjve, kryeministria italiane theksoi me anë të një deklarate për shtyp se Roma nuk vendos e vetme. Por kancelarja gjermane Merkel frenon, duke thënë se vendet europiane janë unanime për faktin se do të vendosin për këtë vetëm kur të ketë një progress në krizën ukrainase.

Ndërsa për sa i përket tarifave për hekurin dhe aluminin të vendosura nga administrata Trump, presidenti francez Makron deklaroi se ekziston vullneti i mirë për të arritur një marrëveshje në interes të të gjitha palëve të përfshira. Edhe presidenti amerikan konfirmoi se janë bërë hapa para, gjithësesi mediat raportojnë se ai mund të largohet nga Kanadaja para përfundimit të samitit.

Ndërkohë mediat italiane shkruajnë se Donald Trump ka ftuar kryeministrin Italian Konte në Shtëpinë e Bardhë për një takim të dytë, por nuk jepet asnjë detaj për datën. /abcnews.al

vlcsnap-error379-1280x720.jpg
ad min20:49 | 27/11/2017

Skënderbeu ishte superior ndaj Partizanit, sipas trajnerit të tij, Ilir Daja. Kryeqytetasit kanë mendim tjetër për sfidën që përfundoi barazim, duke gjykuar se atyre u mungoi fati.

Pika ndaj Partizanit nuk e la të pakënaqur.
Jo vetëm ajo, por edhe forma e skuadrës, pavarësisht se në fund Skënderbeu mund të ishte mundur.
Trajneri Ilir Daja refuzon kritikat.
Trajneri tiranas pranoi se skuadra e tij vuajti mungesën e Kristi Vangjelit, për shkak të karakterit dhe përvojës së mbrojtësit, por ishte i lumtur që disa nga lojtarët me dëmtime u rikthyen.
Për Partizanin, foli ndihmësi i Sulejman Starovës, Klevis Dalipi, meqë trajneri kryesor ishte i pezulluar.
Ai vlerësoi dy elementë të ndryshëm që ndikuan në barazimin 0-0.
Partizani është larg vendeve të para, por ende mund të luftojë për Europën, si dhe për Kupën, ndërsa me Starovën kanë ndodhur ndryshime të mëdha në formacion./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono