deklarata

BABALE-1280x720.jpg
G. P.13:41 | 17/07/2019

Ka dëshmuar në Gjykatën e Tiranës e ish-drejtori i Policisë së Qarkut Fier, Albert Nushi, në lidhje me dosjen Babale. Bashkë me Nushin ka dëshmuar edhe Erzen Breçani ish-punonjës policie i liruar nga detyra në vitin 2013. Në dëshminë e Nushit në gjykatë, ai pohoi se Fredin Alizotin e njihte për shkak të detyrës.

“Unë doja ta çoja në prokurorisnë e Fierit, por aty me thanë se kishte një çështje te Krimet e Rënda për Fredi Alizotin”. Më tej Nushi shtoi se Fredi Alizoti i kishte thënë se ishte ai që e interpretoi Agron Xhafajn në lidhje me përgjimin e publikuar në ata kohë në media.

Ndërkohë Breçani deponoi se me Alizotin dhe Albert Veliun janë takuar rastësisht te selia e PD.

“Alizoti në atë kohë më tha se kishte besim te unë duke shtuar se ishte përdorur nga pala tjetër”.

Në listë për të dhënë dëshmi janë edhe ish-deputeti i PD-së Enkeled Alibeaj dhe Besim Hajdarmataj ish- kreu i Prokurorisë së Krimeve të Rënda./ABC News Albania 24/7

Rama-pas-kryesise-1280x717.jpg
nev ila11:45 | 15/07/2019

Kryeministri nuk do ta ndryshoje qeverinë e tij. Edi Rama ju tha gazetarëve në fund të mbledhjes së kryesisë socialiste, se ministrat e tij i kishin përmbushur detyrat. PS do të mbledhë të hënën Asamblenë Kombëtare për organizimin e brendshëm, teksa kryeministri përjashtoi mundësinë për zgjedhje të parakohshme.

Ministrat e Edi Ramës mund të shkojnë të qetë me pushime.

Kreu i qeverisë do të mbledhë Asamblenë e Partisë Socialiste të hënën e 22 korrikut, por jo për të bërë ndryshime në kabinet.

Socialistët do të nisin një proces riorganizimi të brendshëm, por jo për zgjedhje të parakohshme.

I pyetur për mundësinë për planet e tij për shkatërrimin e LSI-së, siç kishte deklaruar Ilir Meta, Edi Rama ka këtë përgjigje:

Për fat të keq të atyre që ende e besojnë këtë opozitë, nuk ka nevojë për plane për të eliminuar opozitën, sepse opozita është në kapacitete të plota për t’u vetë eliminuar dhe siç e shikoni procesi i degradimit vazhdon në një rrugë që e kanë zgjedhur vetë. E rëndësishëm për ne është t’i qëndrojmë besnik të gjithëve edhe atyre që na votuan dhe atyre që nuk na votuan, pastaj këto historitë 7 herë 7 bëjnë 42, ja lemë opozitës”, tha kryeministri.

Bashkë me punën për shkarkimin e Metës, Edi Rama duket se ka menduar emrin e Presidentit të ri, por nuk është gati që planet e tij t’i bëjë publikë.

Me rikthimin nga pushimet, socialistët do të nisin zgjedhjet brenda  forumeve të partisë që ju ka mbaruar mandati.

Në këtë komunikim, Edi Rama nuk është gati të thotë nëse edhe ai vetë do t’i nënshtrohet procesit zgjedhor si kryetar partie./ABC News Albania 24/7

TAHIRI-930x445.jpg
Sej rie23:45 | 04/07/2019

Institucionet e Kosovës kanë reaguar ndaj deklaratës së presidentit të Serbisë, Aleksandar Vuçiç në lidhje me hetimet për vrasjen e politikanit serb nga Kosova, Oliver Ivanoviç.

Ministri i Drejtësisë, Abelard Tahiri, përmes një deklarate për media, ka thënë se deklarata e Vuçiçit është “tërësisht politike, mbi një fushë për të cilën ai nuk e ka asnjë kompetencë”.

“Është për keqardhje që presidenti i Serbisë, Aleksandar Vuçiç, ka marrë rolin e gjykatësit, prokurorit, hetuesit dhe secilin rol tjetër që atij i nevojitet, në përpjekje e sipër për ta fshehur të vërtetën, kurdo që ajo afrohet të dalë në pah”, thuhet në deklaratë.

Ndaj kësaj deklarate të ministrit Tahiri, ka reaguar drejtori i Zyrës për Kosovën në Qeverinë e Serbisë, Marko Gjuriq, i cili ka thënë se “Tahiri po mbron kriminelët e luftës dhe po i fsheh vrasësit e Oliver Ivanoviçit”.

Të mërkurën, presidenti i Serbisë, Aleksandar Vuçiç tha se Beogradi “mendon se e ka emrin e vrasësit të Oliver Ivanoviçit”, por po përpiqet të sigurojë prova materiale.

Ai tha se Milan Radojçiç, nënkryetar i partisë së serbëve të Kosovës “Lista Serbe”, nuk ka lidhje me këtë vrasje.

Autoritetet e Kosovës dyshojnë se ai është i përfshirë në këtë krim.

Oliver Ivanoviç është vrarë më 16 janar, 2018, para selisë së partisë së tij në Mitrovicën e Veriut. Ai ka qenë kryetar i Iniciativës qytetare “Liria, Demokracia dhe Drejtësia”.

Në nëntor të vitit të kaluar, Policia e Kosovës ka arrestuar tre persona në veri të Mitrovicës, të cilët dyshohet se kanë lidhje me vrasjen e Ivanoviçit, ndërsa Radojçiç, i cili është kërkuar po ashtu, nuk është gjetur në banesën e tij./REL

damianii-1280x724.jpg
Sej rie20:58 | 04/07/2019

Damian Gjiknuri kryetari i Komisionit për Reformën zgjedhore është shprehur sot se nëse PD kërkon largimin e tij do të veprojë si Presidenti i vendit që ofron largimin për t’i dhënë udhë dialogut PD-PS në lidhje me reformën zgjedhore. I ftuar në “Mbrëmje Ide”, ish-deputeti Enkelejd Alibeaj është shprehur se PD nuk kërkon vetëm largimin e Damianit, Ramës, Taulanti apo Ulsiut, por pret që ata të shkojnë në burg.

“Nuk ka seriozitet në gjithë këtë histori. Çfarë kemi kërkuar ne? Ne kemi kërkuar që Damiani, Ulsi dhe Taulanti dhe Edi të shkojnë në burg. Jo se është dëshira jonë por që kanë shkelur ligjet e këtij vendi dhe besoj se nuk ka të madh e të vogël të majtë e të djathtë dhe pa parti që nuk e kanë marrë vesh, së paku nga përgjimet e fundit të “Bild” se çfarë masakre kriminale dhe elektorale kanë bërë në kurriz të popullit, publikut dhe demokracisë. Në burg po dhe kjo dhe kjo është një zgjidhe por ajo që kemi kërkuar shumë kohë më parë është ndëshkueshmëria apo pandëshkueshmëria ndan demokracinë dhe shtetin e së drejtës nga diktatura. Kjo mund të ishte një zgjidhje për të gjithë ata që listova dhe të gjithë ata që në një sistem i pavarur që do të hetonte t’i dërgonte atje ku duhet. Nga provat që kanë dalë unë besoj që askush nga këta nuk e ka vendin në Parlament sepse është turpi i shqiptarëve që të përfaqësohet”.

I pyetur se me cilin kusht hyjnë në tryezën e reformës zgjedhore, Alibeaj tha se: “Nuk besoj se është më kusht i ynë dhe ne nuk kemi artikuluar ndonjëherë  kusht për reformën zgjedhore dhe në vetvete reforma zgjedhore nuk përbën një çështje nga të cilat na ndan”./abcnews.al

oerd-bylukbashi-1280x853.jpg
nev ila18:21 | 01/07/2019

Ish-deputeti Oerd Bylykbashi ka dalë sot para mediave pas publikimit të raportit paraprak për 30 qershorin nga OSBE/ODIHR.

Bylykbashi tha se ODIHR u tha shqiptarëve se më 30 qershor nuk pati zgjedhje dhe se mungesa e zgjedhjes e ka bërë nul 30 qershorin. Sipas Bylykbashit kjo është deklarata më e ashpër në 28 vjet e OSBE/ODIHR.

“Mosrespektimi i standardeve për zgjedhje demokratike ka detyruar opozitën që të marrë një vendim shumë të fortë, për të mos u futur në zgjedhjet e dekretuara të 30 qershorit dhe më pas të anulluara nga presidenti i republikës.
“Zgjedhjet, më shumë se për këdo tjetër, kanë interes dhe rëndësi për zgjedhësit”. Këtë deklaroi sot ODIHR dhe pikërisht këtë ka deklaruar dhe ka mbështetur fuqimisht edhe Partia Demokratike, gjatë gjithë kësaj periudhe, kur jemi përpjekur për zgjedhje të lira dhe të ndershme. ODIHR u tha shqiptarëve se me 30 qershor nuk pati zgjedhje, ku zgjedhësit shqiptarë të kishin mundësi për të bërë zgjedhje të lira, të ndershme dhe me plot mundësi për ata që t’i përfaqësojnë. Mungesa e zgjedhjes i ka bërë këto zgjedhje nul.
ODIHR u tha shqiptarëve se ata nuk patën mundësi për të zgjedhur dhe se kandidatët e qeverisë nuk kishin rivalë. Pavarësisht kësaj, qeveria vendosi të ecte përpara, duke organizuar një farsë me 30 qershor, pa marrë në konsideratë interesin bazë dhe themelor të zgjedhësve, që është e drejta e tyre për të zgjedhur.
ODIHR deklaroi pa asnjë ekuivok se e vetmja gjykatë për të shqyrtuar dekretet e presidentit të republikës për datën e zgjedhjeve është Gjykata Kushtetuese.
Kapja e plotë e Komisionit Qendror të Zgjedhjeve dhe të gjitha komisioneve zgjedhore nga Partia Socialiste si dhe refuzimi i të drejtës së partive opozitare për të patur anëtarët e tyre në komisione, sipas ODIHR-it dhunoi Kodin Zgjedhor dhe qëllimin e tij për të siguruar balancimin politik të komisioneve zgjedhore, me qëllim garantimin e të drejtave bazë të zgjedhësve.
Kjo është deklarata paraprake më e fortë dhe më e ashpër që ka bërë ndonjëherë në 20 vitet e fundit OSBE/ODIHR-i, duke kritikuar rëndë rolin e qeverisë në shkatërrimin e zgjedhjeve, pasi u pamundësoi zgjedhësve shqiptarë të vendosnin ata vetë për ata që do t’i përfaqësojnë.
Kjo deklaratë e sotme bëri nul të gjitha përpjekjet e Edi Ramës për organizimin e farsës zgjedhore të 30 qershorit. Opozita do të vazhdojë të provojë çdo shkelje që është konstatuar në procesin e votimit të datës 30 qershor dhe do të bëjë të mundur që shqiptarët të kenë mundësi për të zgjedhur në zgjedhje të lira, të ndershme dhe demokratike”, deklaroi Oerd Bylykbashi./abcnews.al

lulzim-basha-8-1280x688.jpg
nev ila20:05 | 27/06/2019

Ajo që mbeti pa u zbardhur nga takimi që kryedemokrati zhvilloi me Presidentin e Republikës vendosi ta thotë vetë Lulzim Basha.

“Partia Demokratike dhe Opozita e Bashkuar nuk merr pjesë në asnjë proces zgjedhjesh dhe në asnjë diskutim për zgjedhje, nuk merr pjesë në asnjë diskutim për zgjidhje politike apo për reforma apo për çfarëdo formule pa dalë para drejtësisë të gjithë ata që janë përfshirë në vjedhjet e zgjedhjeve në bashkëpunim me krimin”.

Këtë ia bëri të ditur edhe presidentit Ilir Meta. Sipas kryetarit të Partisë Demokratike fundi i pandëshkueshmërisë së politikanëve të lidhur me krimin është kushti i panegociueshëm që opozita t’u kthehet proceseve politike.

“Ne nuk bëjmë marrëveshje me Edi Ramën, në asnjë rrethanë dhe në asnjë kusht. Në as nuk diskutojmë më me Edi Ramën në asnjë rrethanë. Tashmë ikja e tij është e vetmja rrugë për të zgjidhur krizën. Ata që mendojnë se Edi Rama do t’ia hedhë gabohen”.

Kryeministri Rama është në fund të rrugës së tij politike sipas kryedemokratit Basha.

“Dhe do të jetë një fund i keq, por i denjë për një rrugëtim të bërë, më së shumti, në shoqërinë e kriminelëve”.

Por ikja e Ramës është gjithashtu, në interes të integrimit të Shqipërisë në BE vë në dukje kreu demokrat.

“Klouni që bëri për të qeshur Evropën me veshjen dhe sjelljen e tij, tashmë është lakuriq si njeri i lidhur me krimin. Dhe në botën demokratike perëndimore ka vetëm një vend për politikanët e lidhur me krimin, burgu”.

I kërkon shqiptarëve të ndalen e të thellohen në rëndësinë e një procesi zgjedhor. 30 qershori nuk është dita kur qytetari vendos me votën e tij u tha shefi i opozitës.

“Është thjesht dita kur aleanca krim-qeveri mendon se do të forcojë pushtetin e saj. Por 30 qershori është dhe do të jetë nul. Ai do t’i japë goditje të rëndë psuhtetit të Edi Ramës dhe krimit”.

Lulzim Basha premton se opozita do të bëjë ç’të mundet që 30 Qershori të hyjë në histori si dita fatale e pushtetit të Edi Ramës.

“Shumë shpejt ky regjim do të mbarojë. Këtë do të tregojmë edhe më 30 qershor”./ABC News Albania 24/7

presidenca-1-1280x533.jpg
nev ila18:42 | 27/06/2019

Presidenca i ka dhënë përgjigje indirekt qëndrimit të dhënë nga Zv.Ndimës Sekretari i SHBA-ve, Mathew Palmer, duke dhënë vlerësime vetëm për qëndrimin e Kryetarit të Komisionit të Politikës së Jashtme të Kongresit Amerikan, Eliot Engel.

Zëdhënësi i Presidentit, z.Tedi Blushi i pyetur nga mediat mbi deklaratat e bëra nga z.Palmer në VOA deklaroi se:

Presidenti i Republikës Sh.T.Z Ilir Meta vlerëson deklaratën e përgjegjshme, të vëmendshme e njëkohësisht shqetësuese të Kryetarit të Komisionit të Politikës së Jashtme të Kongresit Amerikan, Eliot Engel, këtij miku të sprovuar të Shqipërisë, Kosovës dhe shqiptarëve, mbi situatën e vështirë politike në Shqipëri dhe mbi rëndësinë imediate të rivendosjes së dialogut dhe shtetit të së drejtës.

Presidenti i Republikës siguron Kryetarin e Komisionit të Jashtëm të Kongresit Amerikan, z.Eliot Engel dhe të gjithë miqtë e vërtetë të Shqipërisë në Shtetet e Bashkuara të Amerikës, se po bën dhe do të bëjë të gjitha përpjekjet që Shqipëria të mund të organizojë zgjedhje vendore gjithëpërfshirëse, demokratike, me standarde, të lira dhe të ndershme, ashtu siç e meriton një vend i NATO-s dhe një vend që dëshiron të bëhet anëtar i Bashkimit Europian“, duke mos u shprehur për qëndrimin e Matthew Palmer./abcnews.al

 

erion-veliaj-7.jpg
G. P.17:54 | 26/06/2019

Kryetari i Bashkisë së Tiranës, Erion Veliaj, deklaroi këtë të mërkurë se do të jenë mbi 1000 vëzhgues në zgjedhjet lokale të 30 Qershorit. Gjatë një takimi elektoral ku prezantoi projektet për zonën e Dajtit dhe të Freskut, Veliaj tha se Basha gënjeu kur deklaroi se nuk do të ketë vëzhgues të huaj.

“Do flitet mirë për ta që ndërtojnë shkolla, që ndërtojnë parqe, që ndërtojnë muze, jo për ata që i djegin. Sot që kanë mbaruar komplet , tani që janë komplet të falimentuar, tani që i ka plas sherri Saliut me Lulin, tani që i ka plas sherri Lulit me kryetarët e bashkive që i mori në qafë dhe që për tre ditë do i nxjerrë të gjithë në rrugë, tani që po shpërbëhen dhe kanë dalë parti të tjera, tani që nuk iu bindet më njeri se përfundon në burg dhe pastaj nuk del më nga Shqipëria, tani që ka prek fundin mendoi që t’i fuste dhe një rrenë tjetër. Sot e pashë Lul Bashën dhe tha nuk do të ketë vëzhgues të huaj. Në një moment mendova që hunda po i rritej aq shumë dhe mendova do na thyejë televizorin duke iu rrit hunda se po shtoheshin rrenat. Raporti i fundit nga KQZ-ja që deri më sot janë 40 organizata të huaja dhe 900 vëzhgues në total me të gjithë stafet mbështetëse që do të vëzhgojnë zgjedhjet në Shqipëri. Jam i bindur që nesër do të kalojnë mbi 1000”, tha Veliaj.

Veliaj deklaroi se organizata “Kongresi i Autoriteteve Vendore” që deklaroi se nuk do të sillte vëzhguesit e saj nuk është Këshilli i Europës, por një trupë vullnetare e saj. Sipas Veliajt, kryetarët e bashkive të djathta duke qenë se janë pjesë e këtij organizmi kanë raportuar se në zgjedhje do të ketë dhunë. Por kryebashkiaku të Tiranës tha se pasi foli me përfaqësues të kësaj organizate, ata do të jenë në fundjavë për të vëzhguar zgjedhjet.

“Çfarë kishte ndodhur? Ishte një nga 40 organizatat e cila thoshte që kemi marrë raportime për dhunë. Kjo organizatë nuk është KiE. Është një trupë vullnetare brenda KiE-s që quhet “Kongresi i Autoriteteve Vendore”. Nga e di unë këtë? Si kryetar i bashkive të Shqipërisë jam përfaqësues i Shqipërisë në këtë kongres, por Luli nuk ka nga ta dijë këtë se kur ishte kryetar bashkie jo që nuk dinte ku binte Kongresu, por nuk dinte ku binte sahati, nuk dinte ku binte shkolla, ku binte kopshti, çerdhja. Çfarë ndodhi? Duke qenë se pjesë e delegacionit që kryesoj unë si pjesë e kongresit e Këshillit të Europës, pra në këtë trupë brenda një institucioni që ka disa organizma, kishin marrë gjithashtu informacion nga Voltana. Dhe kur marrin informacion nga bashkiakë të tjerë që thonë “ne këtu ju presim me zjarr, ne këtu ju presim me gurë, ne këtu ju qëllojmë me fishekzjarre”. Ata thanë “dy duar për një kokë. Kur kjo e çmendura të vret pse duhet të shkojmë në Shqipëri”. Dua t’ju them, pasi fola me përfaqësuesit e kongresit dhe pasi ju thashë që ne shqiptarët nuk jemi të dhunshëm një grup i vogël kryetarësh bashkie që djegin shkolla nuk përfaqësojnë bujarinë dhe mikpritjen edhe kongresi i KiE do të jetë këtë fundjavë në Tiranë për të vëzhguar zgjedhjet dhe për t’i treguar Lul mashtruesit se nuk ke ku kapesh, nuk ke alibi dhe nuk ke asnjë shpjegim pse e more partinë tënde në qafë”, tha Veliaj./abcnews.al

edi-rama-3.jpg
Sej rie15:20 | 26/06/2019

Pas deklaratës se kryetarit te Partisë Demokratike Lulzim Basha ka reaguar kryeministri Edi Rama.

“Sajo Artist sajo, çdo ditë një sajesë, s’zhgënjen asnjë ditë o Njish. Po si mund t’u thuash shqiptarëve Këshilli i Europës mori vendim politik për t’u tërhequr nga zgjedhjet se janë të paligjshme? Tani mezi pres çfarë do thuash kur të dalë rrena në shesh. Apo rrena tjetër gati?”  shkruan shefi i qeverisë në Twuitter.

 

spiropali-1280x712.jpg
Sej rie09:45 | 25/06/2019

Ministrja për Marrëdhëniet me Parlamentin, Elisa Spiropali ka reaguar pas deklaratës së Presidentit Ilir Meta.

 Me anë të një status në Twitter Spiropali shkruan se “Ilir Meta që pa gdhirë tha se nuk ka anulluar zgjedhjet në SHBA, Itali apo Kinë, kështu që bota duhet ta mbyllë gojën se në Shqipëri vendos Ai se kur voton Populli!”.

Ministrja Spiropali në Twitter:

Ilir Meta që pa gdhirë tha se nuk ka anulluar zgjedhjet në SHBA, Itali apo Kinë, kështu që bota duhet ta mbyllë gojën se në Shqipëri vendos Ai se kur voton Populli! Dmth sa të kem Lulin&Monën me vete s’pyes për Amerikën&Europën – historia që përsëritet si komedi me Haxhiun e ri!/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono