deficiti

49627299_303.jpg
ad min23:04 | 22/08/2019

Presidenti amerikan, Donald Trump gjithmonë ankohet, se vendi i tij trajtohet kudo “jo drejt”. Madje edhe në tregjet financiare, gjermanët kanë kushte shumë më të mira se SHBA-ja e fuqishme, kjo nuk është “fair”…

“Gjermania paguan norma zero interesi dhe paguhet vërtet që të marrë borxh para?” -shkruan presidenti Trump në twitter dhe ankohet njëherazi, që SHBA “shumë më e fuqishme dhe më e rëndësishme” nuk merr kondicione të tilla kaq të favorshme. Në një kohë që dollari është më i fortë se kurrë, po ashtu edhe eksportet, dhe se nuk ka inflacion.

Vërtet për herë të parë Gjermania ia ka dalë që me një obligacion shtetëror për 30 vjet të fitojë madje para. Ankandi solli rendite mesatare prej minus 11%, përmes së cilës federata për një kohë të caktuar ka një suficit të ardhurash, megjithëse është kredimarrëse. Normat negative të interesit janë pasojë e kërkesës së lartë për letrat me vlerë, ku bëjnë pjesë obligacionet e federatës.

Është e qartë, se kujt i drejtohet ankesa e Trumpit: FED-i amerikan, Banka Federale Amerikane e Thesarit, i ka rritur përqindjet “shumë shpejt e pa kontroll”, sipas tij. Nëse FED do ta bënte punën e saj si duhet, do kishim një “rritje ekonomike si kurrë më parë”, ka thënë Trump.

Disa analistë thonë, se presidenti ka interes për normat e ulta të interesit për të zbutur efektet e konflikteve tregtare që janë ndezur prej tij. Prej kohësh qeveria amerikane flet shumë pozitivisht për gjendjen e mirë ekonomike në vend. Trump është në konflikt të vazhdueshëm me FED. Kreu i saj, Jerome Powell pritet të flasë këtë të enjte në Jackson Hole në takimin vjetor të bankave qendrore për zhvillimet e normave të interesit. Vendimi tjetër i FED pritet më 18 shtator.

Deficiti buxhetor amerikan, sipas të dhënave të zyrës së pavarur të buxhetit të kongresit amerikan, CBO do të rritet në vitin e ardhshëm me 1 bilionë dollarë. Me këtë ky deficit e arrin këtë shifër dy vite para parashikimit./DW

bashkimi-europian.jpg
ad min23:34 | 28/05/2019

Bashkimi Europian mund të ndëshkojë me një gjobë miliardere Italinë për shkak të nivelit të lartë të borxhit dhe defiçitit. Duke reaguar ndaj lajmit, zëvendëskryeministri Mateo Salvini ka deklaruar se do të luftojë kundër rregullave fiskale të Europës së vjetër.

Komisioni Europian mund të gjobisë me 3 miliardë euro Italinë për shkelje të rregullave financiare të BE-së. Sipas agjencisë së lajmeve “Reuters”, Brukseli ka gjithashtu gjasa të nisë një procedurë disiplinore ndaj Italisë më 5 Qershor, për shkak të gjendjes së rëndë të financave publike.

Masat ndëshkuese do të pasqyrohen në një letër që Komisioni pritet t’i dërgojë Romës zyrtare këtë javë. Lajmi është konfirmuar edhe nga vetë zëvendës kryeministri i Italisë, Mateo Salvini, partia e të cilit triumfoi në zgjedhjet europiane të mbajtura ditën e diel.

“Le të shohim nëse kjo letër do të vijë”, ka thënë Salvini, duke shtuar se do të përdorë të gjitha energjitë e tij për të luftuar rregullat fiskale të BE-së, sipas tij të padrejta dhe të papërshtatshme me kohën.

Numri dy i qeverisë italiane ka theksuar se është anormale që në një kohë kur papunësia tek të rinjtë në disa rajone të Italisë është 50 për qind nga Brukseli të vijë 3 miliardë euro gjobë dhe të kërkohen 20 miliardë euro rritje taksash në shtator.

“Votimi i së dielës ishte një refuzim i Europës së vjetër të bazuar tek shkurtimet. Tani, nëse dëshirojnë, liderët europianë mund të ulen në tryezë dhe të kenë në fokus punësimin, kuotën e papunësisë dhe ekonominë reale”, ka shtuar Salvini./ABC News Albania 24/7

trump-2-1280x723.jpg
ent ela23:45 | 06/03/2019

Defiçiti tregtar në Shtetet e Bashkuara ka kapur sërish një shifër rekord, duke shfryrë zotimin historik të presidentit Donald Trump për ta kthyer Amerikën nga një vend të varur tek importet në një vend promotor të eksporteve.

Hendeku tregtar mes Shteteve të Bashkuara dhe pjesës tjetër të botës arriti në 621 miliardë dollarë vitin e kaluar, duke i dhënë një goditje të fortë planit të presidentit Donald Trump për reduktimin e defiçitit. Defiçiti tregtar është diferenca mes sasisë së produkteve dhe shërbimeve që Shtetet e Bashkuara importojnë nga vendet e tjera dhe sasisë që eksportojnë. Reduktimi i hendekut ka qenë një pikë kyçe e politikave të presidentit Trump, por në vitin 2018 Shtetet e Bashkuara eksportuan më pak mallra krahasuar me sa importuan.

Trump pretendon se Amerika po rripet nga vende të tjera dhe ka kërkuar prej tyre që të ulin tarifat për mallrat amerikane dhe të blejnë më shumë prej tyre. Sidoqoftë, të dhënat zyrtare tregojnë se ndërsa eksportet e produkteve dhe shërbimeve amerikane u rritën me 148 miliardë dollarë, importet arritën në 217 miliardë. Kjo do të thotë se hendeku është më i madhi që prej vitit 2008, kur kriza financiare goditi globin dhe Shtetet e Bashkuara hynë në reçesion. Defiçiti në produkte dhe shërbime gjatë dhjetorit të kaluar thuajse preku rekordin 10-vjeçar prej 59 miliardë dollarësh. Ndërkohë, eksportet në pjesën tjetër të botës ranë me 1.9 për qind në 205 miliardë, ndërsa importet u rritën me 2.1 për qind në 264 miliardë./abcnews.al

MALI-I-ZI-EKONOMIA-INFORMALE-DEFICITI-KRYESOR-1280x720.jpg
ent ela23:02 | 28/12/2018

Autoritetet malazeze kanë paralajmëruar një betejë të ashpër ndaj ekonomisë informale. Kryeministri Dushko Markoviç bëri të ditur se 9000  ndërmarrje në vend kanë të regjistruar vetëm nga një punonjës.

Ekonomia informale është defiçiti kryesor në Mal të Zi dhe ata që punojnë në mënyrë të jashtëligjshme duhet ta dinë se po ua grabisin ardhmërinë fëmijëve tanë. Kështu ka deklaruar këto ditë kryeministri malazez, Dushko Markoviç, në një takim me ekonomistët e vendit ku kryesisht u diskutua për bërjen zap të ekonomisë ‘gri’, përkatësisht për masat që duhet të ndërmerren me qëllim të vendosjes së rregullit. Luftimi i ekonomisë informale, sipas Markoviçit do të sillte përfitime për të gjithë.

“Nuk është e logjikshme që në Mal të Zi të keni nëntë mijë kompani me nga një të punësuar! Çka është kjo? Mashtrim! Mashtrim, se ne i konsiderojmë subjekt afarizmi. Kush mundet në Mal të Zi dhe në botë të mund të realizojë profit me një të punësuar? Nuk mundet!”- bëri të ditur kryeministri malazez duke drejtuar gishtin nga ato firma për të cilat u shpreh se, sikurse tha në këtë mënyrë vjedhin paratë shtetërore:

“A është e logjikshme që në Ulqin tri ndërmarrje në fushën e industrisë dhe të pylltarisë të kenë tre të zënë me punë? Nuk është e logjikshme! Jo që nuk është e logjikshme, por nuk është e arsyeshme. Kjo është vjedhje e parasë shtetërore. Kjo është shkatërrim i resursit tonë. Përgjigjen për këtë duhet ta japim ne, ne që jemi këtu, por për këtë na duhet mbështetja juaj”, iu drejtua Markoviç këtë fillim javë ndërmarrësve nga Oda Ekonomike e Malit të Zi.

Ai bëri të ditur se fillim-vitin e ardhshëm të ndërmerren masa të vendosua për luftimin e ekonomisë informale, por edhe se për bizneset do të ketë benefite konkrete në bazë të taksave komunale. /abcnews.al

BANKA-E-SHQIPERISE-PER-BUXHETIN.mpg_snapshot_00.44-1280x720.jpg
ad min18:16 | 19/11/2018

Banka e Shqipërisë kërkon përmirësim të standardeve të kontabilizimit në buxhet të efekteve që do të kenë angazhimet në kontratat partneritet publik – privat. Për herë kreu i Bankës Qëndrore bëri të qartë rrezikqet që mund të kenë këto projekte për buxhetin dhe insistoi që të njihet efekti i mundshëm në borxhin publik të vendit.

Banka e Shqipërisë kërkon që qeveria të njohë efektin që do të kenë detyrimet e buxhetit ndaj projekteve partneritet publik-privat në rritjen e borxhi publik. Kjo është hera e parë që institucioni i bankës qendrore shpreh shqetësimin për rreziqet që kanë angazhimet e programeve PPP. Guvernatori Gent Sejko ndodhej në komisionin e Ekonomisë për dhënien e mendimit për buxhetin e 2019-s, ku kërkoi edhe vendosjen e një tavani buxhetor për këto kontrata në ligjin bazë të buxhetit.

Gent Sejko, guvernator i Bankës së Shqipërisë: “Ta njohim vlerën, efektin e PPP-ve në nivelin e borxhit në mënyrë realiste. Pra të dimë se sa këto pagesa për PPP do të ndikonin në nivelin e borxhit.”

Kreu i bankës qëndrore nuk përkrahu as idenë e përjashtimeve nga taksat për disa sektorë të caktuar.

“Një tipas tjetër i dëshirueshëm i politikës së taksave është edhe thjeshtimi i sistemit në drejtim të reduktimit të përjashtimeve tatimore.”

Por një tjetër shqetësim i Bankës së Shqipërisë është edhe defiçiti që kanë krijuar skemat e sigurimeve shoqërore dhe shëndetësore.

“Deficiti i skemave të sigurimeve shoqërore e shëndetësore është rreth 5.6% e PPB-së ose 2.6 herë më e lartë së deficiti i përgjithshëm buxhetor”.

Pavarësisht rreziqeve që sheh në buxhetin e vitit të ardhshëm, Banka Qendrore vlerësoi nismën e qeverisë për uljen e borxhit publik dhe po ashtu parimin për mosndryshimin e regjimeve tatimore. Ulja e tatimit të dividentit sipas Bankës, do të shtojë investimet vendase dhe të kompanive të huaja që operojnë në Shqipëri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono