dedikim

vanessa-kobe-bryant-1280x720.jpg
Vladimir Prenga09:06 | 30/01/2020

Cobe Bryant u nda nga jeta në mënyrë tragjike dhe pikëlloi mbarë botën. Iku një legjendë e basketbollit, një nga më të dashurit e botës së sportit. Nga jeta u nda edhe vajza e tij, Gianna, por edhe shtatë të tjerë që ishin në helikopterin me të cilin Bryant po fluturonte të dielën.

Dhimbjen më të madhe pa diskutim që e kanë familjarët e të vdekurve dhe njëra prej tyre është Vannesa, bashkëshortja e ish-basketbollistit. Përmes llogarisë së saj në “Instagram”, ajo ka fjalë zemrë për të gjithë ata që i kanë mbështetur në një momente kaq të vështirë, ndërkohë që nuk mungojnë fjalët e ndjera për Cobe dhe Gianna.

“Vajzat e mia dhe unë duam t’i falënderojmë miliona njerëzit që kanë treguar mbështetje dhe dashuri gjatë kësaj periudhe të tmerrshme. Ju faleminderit për të gjitha lutjet. Ne padyshim që kemi nevojë për to. Jemi plotësisht të shkatërruara nga humbja e papritur e burrit tim të adhurueshëm, Kobi – babai i mrekullueshëm i fëmijëve tanë dhe Gianna-n time të bukur e të ëmbël – një vajzë e dashur, e mrekullueshme dhe e kujdesshme, si dhe një motër e mrekullueshme për Natalia-n, Bianka-n dhe Capri-n.

 

Familja Bryant

Ne jemi të shkatërruara edhe për familjet që i humbën të afërmit e tyre të dielën. E ndajmë në mënyrë intime dhimbjen me ta.  Nuk ka mjaftueshëm fjalë për ta përshkruar dhimbjen tonë tani. Unë gjej ngushëllim te fakti se Kobi dhe Gigi e dinin të dy se sa të dashur ishin për njerëzit. Ne ishim jashtëzakonisht të bekuar që i kishim ata në jetën tonë. Do ta doja të ishin këtu me ne përgjithmonë. Ata ishin bekimi ynë i bukur, i marrë nga ne shumë shpejt.

Nuk jam e sigurt se çfarë do të bëhet me jetët tona më pas dhe është e pamundur ta imagjinoj jetën pa ta. Por, ne zgjohemi çdo ditë, duke tentuar të vazhdojmë përpara sepse Kobi dhe vajza jonë, Gigi, janë duke na e ndriçuar rrugën. Dashuria jonë për ta është e pafund, e pamatshme. Unë thjesht dëshiroj të kisha mundësi t’i përqafoja, t’i puthja dhe t’i bekoja ata, t’i kem ata këtu me ne, përgjithmonë.

Faleminderit që e keni ndarë gëzimin tuaj, mërzinë tuaj dhe mbështetjen tuaj me ne. Ju kërkojmë që të na i jepni respektin dhe privatësinë që na duhet për ta gjetur rrugën tonë në këtë realitet të ri. Për ta nderuar familjen Team Mamba, fondacioni Mamba Sports e ka nisur fondin MambaOnThree për t’i ndihmuar familjeve të tjera të prekura nga kjo tragjedi. Për të dhuruar, ju lutem shkoni te MambaOnThree.org. Faleminderit shumë që na keni mbajtur në lutjet e tuaja dhe që na keni shprehur dashurinë mua, Kobe, Gigi, Natalia, Bianka dhe Capri”, shkruan Vannesa. /abcnews.al

View this post on Instagram

My girls and I want to thank the millions of people who’ve shown support and love during this horrific time. Thank you for all the prayers. We definitely need them. We are completely devastated by the sudden loss of my adoring husband, Kobe — the amazing father of our children; and my beautiful, sweet Gianna — a loving, thoughtful, and wonderful daughter, and amazing sister to Natalia, Bianka, and Capri. We are also devastated for the families who lost their loved ones on Sunday, and we share in their grief intimately. There aren’t enough words to describe our pain right now. I take comfort in knowing that Kobe and Gigi both knew that they were so deeply loved. We were so incredibly blessed to have them in our lives. I wish they were here with us forever. They were our beautiful blessings taken from us too soon. I’m not sure what our lives hold beyond today, and it’s impossible to imagine life without them. But we wake up each day, trying to keep pushing because Kobe, and our baby girl, Gigi, are shining on us to light the way. Our love for them is endless — and that’s to say, immeasurable. I just wish I could hug them, kiss them and bless them. Have them here with us, forever. Thank you for sharing your joy, your grief and your support with us. We ask that you grant us the respect and privacy we will need to navigate this new reality. To honor our Team Mamba family, the Mamba Sports Foundation has set up the MambaOnThree Fund to help support the other families affected by this tragedy. To donate, please go to MambaOnThree.org. To further Kobe and Gianna’s legacy in youth sports, please visit MambaSportsFoundation.org. Thank you so much for lifting us up in your prayers, and for loving Kobe, Gigi, Natalia, Bianka, Capri and me. #Mamba #Mambacita #GirlsDad #DaddysGirls #Family ❤️

A post shared by Vanessa Bryant 🦋 (@vanessabryant) on

 

xh-ferri.jpg
ger ta10:05 | 17/01/2020

Ndarja nga jeta e aktorit të mirënjohur Xhevdet Ferri ishte një humbje  e madhe për kinematografinë shqiptare.

Momentet më të vështira janë për familjen e aktorit, bashkëshorten dhe vajzën. Prekës është reagimi i Borës, vajzës së aktorit në rrjetete sociale. Teksa ka publikuar një foto bardh e zi me të atin, ajo shkruan: “O Captain! My Captain!”.

Kjo shprehje është pjesë e poemës së famshme të Walt Whitman, dedikuar presidentit amerikan Abraham Lincoln, pas vdekjes së tij./abcnews.al

 

aliji.jpg
Vladimir Prenga14:12 | 24/11/2019

Naser Aliji nuk është nga ata mbrojtës që shënon. Deri ditën e djeshme kishte shënuar dy herë, në kampionat me Basel dhe në kupat e Europës me Vaduz. Futbollisti i Honved, në Hungari, dje ndihmoi skuadrën e tij të fitonte ndaj Paksi SE.

Aliji realizoi në minutën e 83-të dhe Honved me përmbysje triumfoi dhe mori tre pikët. Ditën e sotme, mbrojtësi ka diçka për të thënë në lidhje me atë gol të shënuar. Një dedikim special, për familjen dhe babanë e tij, i cili para disa kohësh u nda nga jeta.

“Më në fund erdhi dita, kur unë mund të shënoja golin tim të parë për Honved Budapest. Një ditë e mbushur me emocione, sepse dua t’ia dedikoj këtë gol të gjithë njerëzve, veçanërisht familjes time, gruas dhe miqve më të mirë, të cilët më kanë mbështetur në ditë të mira dhe gjithashtu edhe në ditët më të vështira të jetës sime. E fundit, jo nga rëndësia, ky gol ishte për babanë tim. Gjithmonë do të të dua!”, shkruan Aliji në llogarinë e tij në “Instagram”. /abcnews.al

edi-rama-3.jpg
ad min23:10 | 22/10/2019

Ka gjithmonë një mesazh për gratë. Këtë vit ka bërë bilancin e duket se nuk e kanë zhgënjyer kryeministrin Rama.

“PS është partia më e votuar nga gratë dhe vajzat e këtë e tregojnë të gjitha anketimet që ne kemi bërë. Në rast se në Shqipëri do të votonin vetëm gra e vajza, Partia Socialiste do të ishte me 85 deputetë. Po të votonin vetëm burrat, do të ishim rrotë më rrotë ose pak nën rrotë”.

Ka ardhur koha që gratë socialiste të drejtojnë organizatat e partisë  e kjo nuk duhet të mbetet një nismë tha kreu i qeverisë në takimin që zhvilloi me këshilltarët bashkiakë në kuadër të rrjetit “Edhe një” të sekretaritarit të burimeve njerëzore në Partinë Socialiste.

“Të mos lejoni që materializimi i kësaj nisme të jetë fiktiv, të mos lejojmë që gratë dhe vajzat të përdoren si dekor”.

Ndryshe nga zakonisht, mesazhin e ia dedikoi burrave./ABC News Albania 

BRUNO-SHLLAKU-PER-SHFAQJEN-_ABC-M1-T1.mpg_snapshot_00.31-1280x720.jpg
ent ela16:15 | 15/06/2019

Shfaqja “Të korrat e gjelbërta” vjen nga Bruno Shllaku në skenën e Teatrit Metropol në Tiranë. Shllaku këtë pjesë e ka shkruar vetë, frymëzuar nga vepra e At Zef Pllumbit “Rrno për me tregu” .  Këtë dramë  Bruno Shllaku e ka dedikim për intelektualët e persekutuar.

Bruno Shllaku vjen kësaj here si dramaturg, regjisor dhe aktor në dramën “Të korrat e gjelbra”.

Ngjarjet e së cilës zhvillohen në harkun kohor 1945-1967.

Të gjithë personazhet në letër i ka patur të projektuar se kush do i interpretonte.

Kjo vepër është një dedikim për të pafajshmit, të cilët as dje dhe as sot nuk marrin vendin e merituar sipas  Bruno Shllakut.

Ndërsa vetë i jep frymë memories kombëtare. Shfaqja pas Tiranës do të rrugëtojë në disa qytete evropiane. /ABC News Albania 24/7

fjolla-juxhin-dauti-933x445.jpg
nev ila19:10 | 24/05/2019

Ajo është padyshim një nga këngëtaret më të përfolura në mediat rozë, jo vetëm për këngët e saj, por edhe për jetën private. Bëhet fjalë për Fjolla Morinën. Projekti i saj i fundit muzikor në bashkëpunim me këngëtarin Valon Bytyqi, “Si ta pranoj” po komentohet prej disa ditësh në media për tekstin e këngës po ashtu edhe për klipin.

Këngëtarja ishte sot e ftuar në emisionin “Rudina” në Tv Klan ku zbuloi më tepër detaje rreth këngës dhe klipit të saj të ri.

“Kjo këngë nuk është bërë vetëm për një person, por për njerëzit që i humbim nga jeta, të dashurit tanë. Rozana Radi e ka bërë tekstin. Jam ndjerë mirë, por ka qenë edhe e vështirë për mua sepse kjo pjesë është e ndjeshme. Ne s’duam ta pranojmë vdekjen, por është diçka që na përfshin të gjithëve. Unë e kam bërë për të gjithë njerëzit që kam humbur nga jeta, miqtë e mi, familjarët, ia dedikoj njerëzve të mi të dashur që nuk jetojnë më. Kemi xhiruar në orën 22:30 në varreza. Nuk deshëm të xhirojmë natën në fakt, por ashtu ndodhi sepse nuk na premtoi koha. Ka qenë shumë i vështirë realizimi i këtij projekti dhe ka marrë 8 muaj kohë”, tha këngëtarja./tvklan.al

ismalil-mqemali.jpg
ad min18:28 | 12/01/2019

Akademia e Shkencave ngre një grup pune për të nderuar themeluesin e shtetit shqiptar Ismail Qemalin për 100-vjetorin e vdekjes. Anëtari i Akademisë, Myzafer Korkuti, thotë se përgjatë këtij viti do të zhvillohen një sërë aktivitetesh për Ismail Qemalin.

Asambleja e Akademisë së Shkencave në mbledhjen e saj ka marrë vendimin për ngritjen e një grupi pune, për të realizuar disa aktivitete për nderimin e figurës së Ismail Qemalit në kuadër të 100-vjetorit të vdekjes së tij. Anëtari i Akademisë dhe ish-kryetari i këtij institucioni, Myzafer Korkuti thotë se Akademia do të bashkëpunojë me institucionet e tjera për realizimin e një konference shkencore, ku do të pasqyrohet e plotë figura e themeluesit të shtetit shqiptar në këtë përvjetor.

Korkuti është i mendimit se në këtë vit duhet të realizuar edhe një konkurs për realizimin e një shtatorje  për Ismail Qemalin, por kujtojmë se edhe për festimet e 100-vjetorit të pavarësisë u organizua një konkurs dhe veprat e paraqitura u vlerësuan si të parealizuara nga juria, ndaj u vendos që shtatorja e Ismail Qemalit, e cila ndodhej në muzeun Historik Komëbtar të vendosej në sheshin afër presidencës.

Krahas Akademisë së Shkencave edhe Muzeu Historik Kombëtar ka deklaruar më herët se ky vit do t’i kushtohet figurës së Ismail Qemalit, i cili ka qenë firmëtari i parë i aktit të pavarësisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono