Debate

oriola-pampuri.jpg
G. P.16:00 | 30/07/2018

Ilaçet për të sëmurët me kancer kanë përplasur në distancë Partinë Demokratike me mjekët e Shërbimit Onkologjik në QSUT. Sipas opozitës medikamenti mungon në spital, ndërkohë mjekët thonë se janë furnizuar rregullisht.

Herceptina, ilaçi me të cilin trajtohen shumë të sëmurë me kancer në gji vijon të mungojë në shërbimin onkologjik në Qendrën Spitalore “Nënë Tereza” në Tiranë ndonëse pak muaj më parë u përfshi edhe në listën e barnave me rimbursim. Denoncimi vjen nga Partia Demokratike përmes deputetes Oriola Pampuri, e cila thotë se shqetësimin ja kanë shprehur vetë pacientet.

 “Herceptina vjen në një mase të caktuar, larg masës së nevojave të pacienteve me kancer gjiri edhe këtë se mohojnë dot profesionistët. Kryeministri premtoi që herceptina do të jetë ndër barnat e rimbursueshme, në fakt ajo jo vetëm që nuk është, por mbetet në regjistrin e barnave të farmacisë së QSUT, sikurse dhe kimiopreparatet e tjera. Fakti që nuk ka buxhet për të përmbushur nevojat e këtyre pacientëve nuk duhet t’ju indinjojë ju, por qeverinë e nëse bëheni palë me të, atëherë jeni dhe ju po aq bashkëfajtorë, por kjo në kurriz të shëndetit të qytetarëve. Ju e dini mirë që shumë pacientë detyrohen ta blejnë herceptinën, të tjerë e bëjnë kurën jashtë Shqipërie e të tjerë mundohen të njohin dikë që të jenë në listë për ta peërftuar”, tha ajo.

Një orë e gjysmë mëpas vjen reagimi i Qendrës Spitalore “Nënë Tereza”. Shefja e shërbimit onkologjik e quajti të pavërtetë deklaratën e deputetes së Partisë Demokratike.

“Sqarojmë se në sajë të mbështetjes së Qeverisë Shqiptare dhe Ministrisë së Shëndetësisë dhe Mbrojtjes Sociale, gjatë këtij viti Shërbimi Onkologjik është furnizuar rregullisht me këtë medikament në dy formë dozat e veta (venoze dhe sub/kutane). I ftojmë deputetet të mos përhapin lajme të rreme, duke krijuar panik të panevojshëm tek pacientët. Dzinformimi nuk ndihmon askënd, aq më pak këta pacientë, që edhe pa të tilla deklarata të pavërteta, janë mjaft të ngarkuar prej sëmundjes”. 

Sipas mjekes onkologe Çeliku vetëm këtë të hënë me këtë medikament në shërbimin onkologjik janë trajtuar 27 pacientë./abcnews.al

dwftesa.jpg
G. P.13:52 | 17/07/2018

Mazhoranca dhe opozita u përfshinë në debate në komisionin parlamentar të edukimit dhe mjeteve të informimit publik. Shkak u bë shperndarja e dëftesave për nxënësit e arsimit parauniversitar.

Një pyetje provokuese që deputetja demokrate Albana Vokshi i drejtoi ministres së Arsimit, Lindita Nikolla, për shpërndarjen e dëftesave për nxënësit në arsimin parauniversitar nxiti debat në komsionin parlametar për edukimin dhe mjetet e informimit publik.

“Ndiheni e turpëruar për deklaratën tuaj publike të fundit, ku keni mashtruar publikisht në lidhje me lëshimin e dëftesave? Këni gënjyer për dëftesat dhe ja ku e keni dëftesën, e cila është e gabuar dhe ju e keni mohuar këtë fakt. Këtu keni mashtruar kur keni thënë që dëftesat janë shpërndarë, ndërkohë mijëra mesazhe na kanë ardhur që njoftojnë se dëftesat do të shpërndahen në Shtator”, tha Vokshi.

Akuzat, ministrja Lindita Nikolla, i cilësoi shpifje, ndërsa u shpreh se për to i është drejtuar Prokurorisë.

“Padyshim do t’i shkoj deri në fund në organet e drejtësisë të gjitha akuzat që janë bërë publike karshi personit tim. Shpif, shpif se diçka mbetet nuk mund të jetë një vijë sjelljeje që na kalon duke mbyllur sytë edhe veshët. Sigurisht ka mbetur sjellja e një partie që ka humbur çdo kauzë, por për ne që punojmë me mish e me shpirt, me ndershëri për të  ndryshuar shumë nga zullumet e bëra qoftë edhe në sistemin arsimor, sigurisht kërkohet një sjellje tjetër. Ju sapo gënjyet, ku thatë që dëftesat do të shpërndahen në Shtator sepse është një proces që po vazhdon në të gjitha shkollat e Shqipërisë”, tha ministrja Nikolla.

Demokrati Luçiano Boçi sfidoi ministren e Arsimit me një email që Drejtoria Arsimore e Durrësit gjashtë ditë më parë i kishte dërguar drejtorive të shkollave në këtë zonë.

“Nëse jeni në procesin e dorëzimit të dëftesave në klasën së 9 të ndërpritet puna deri në një njoftim të dytë pasi do të riprintohen dhe njëherë dëftesat e tërhequra nga ju. Nëse keni shpërndarë dëftesa, se thatë nuk janë shpërndarë dëftesa ju lutem të gjeni mundësinë t’i mblidhni në shkollë”, tha deputeti Luçiano Boçi.

Ministrja Nikolla pranoi se ka pasur një gabim rendor nga 9 tek 11 vetëm tek dëftesat e klasës se nëntë, të cilat tha se pas publikimit të deputetit në rrjetet sociale dëftesat janë tërhequr. Në komisionin parlamentar të medias dhe mjeteve të informimit publik, ministrja e Arsimit ishte thirrur në një seancë dëgjimore për projektligjin për arsimin parauniversitar, por pjesën më të madhe të diskutimit e zuri çështja e dëftesave./abcnews.al

debatt.jpg
G. P.15:28 | 16/07/2018

Në komisonin e medias ishte thirrur për dëgjesë drejtori i Përgjithshëm i Hipotekave, Valdrin Dalipi. Por opozita e ka mbyllur mledhjen me pretendimin se kryeregjistruesi nuk pranon të përgjigjet se sa metra katror truall publike dhe private do t’i jepen kompanisë që do të ndërtojë Teatrin e ri Kombëtar.

Prej kohësh Komisionin e Medias dhe Edukimit e karakterizon zhurma dhe debatet me zë të lartë.

Deputetë të majtë e të djathtë janë mbledhur të dëgjojnë drejtorin e Përgjithshëm të Hipotekave, Valdrin Pjetri, i cili duhet t’i informojë mbi truallin, ku do të ndërtohet Teatri i ri Kombëtar.

“Kërkesa juaj që keni firmosur ishte vetëm për kartelë”, tha Pjetri.

“E ke kërkesën në hartë”, u shpreh deputeti i PD-së, Luçiano Boçi.

Por kryeregjistruesi nuk është përgatitur t’i japë përgjigje pyetjeve të opozitës.

“Por refuzoni të përgjigjeni sa ka kompania “Fusha” dhe sa kanë privatët. Harta duhet të vinte bashkangjitur”, tha Vokshi.

“Zona kadastrale nuk është hartë. Duhet ta kuptoni mirë këtë. Zona kadastrale përbëhet nga 14 mijë e 700 e 50 pasuri. Këtyre pyetjeve nuk kam çfarë t’ju shtoj asnjë presje më”, u përgjigj Pjetri.

Përballë akuzave të opozitës, drejtori i Përgjithshëm i Hipotekave nuk u ndje i vetmuar, në krah i dolën deputetët e majtë.

“Këtu krijohet iluzioni sikur harta është sekret. Absolutisht jo. Nëqoftëse ne nuk e kemi specifikuar këtu që jemi të interesuar për filan pronar, por kemi thënë për pronat në tërësi, zotëria duke iu referuar zonave kadastrale e dha përgjigjen”, shtoi Besnik Bare.

Dhe siç ndodh rëndomë në Komisionin e Medias dhe Edukimit mbledhja mbaron ashtu siç fillon, me pyetje pa përgjigje. Teatri vazhdon të ketë role pro dhe kundër shembjes së tij./abcnews.al

BLLOKIMET-PLAZHI-VELIPOJA-1280x720.jpg
ent ela19:50 | 12/07/2018

Policia bashkiake e Shkodrës e mbështetur nga Forcat e Ndërhyrjes së Shpejtë, bllokuan shezlonët dhe çadrat pa leje të disa bizneseve, që kishin zaptuar hapësirat publike bregdetare. Gjatë aksionit në Velipojë, pati dhe debate mes policisë dhe biznesmenëve.

Hapësira të rrethuara me shirita të një skene krimi. Shezllone të hequra. Kurse plazhistët pushojnë poshtë çadrave prej kashte. Është kjo panorama në një pjesë të plazhit të Velipojës pas aksionit të një nate më parë  Shtatë stacione plazhi u bllokuan. Kurse një i tille u sekuestrua.

Gjatë orëve të natës Forcat e Ndërhyrjes dhe shpejtë dhe policia bashkiake e Shkodrës gati u përplasën me biznesmenët në plazhin e Velipojës.

Mbi 1 mijë shezlone dhe çadra pa leje u bllokuan. Në operacion kanë qenë 150 forca policiete cilet hasen me qëndresën e pronarëve të bizneseve të cilët nuk pranuan t’i dorëzojnë objektet.

Njëri nga personat që u konfrontua me policinë ishte edhe Nikoll Marku, ish-kryetari i komunës i Velipojës, pasi policia bllokoi disa shezlone të biznesit të nipit të tij. Në krye të operacionit ishte drejtori i policisë së Shkodrës, Vehbi Bushati dhe n/drejtori.

Operacioni do të vijojë edhe në biznese të tjera, që kanë zënë hapësirën publike në plazhin e Velipojës.

Gazetar i ABC News, Shkodër: Simon Shkreli

veliaj-vokshi-1280x722.jpg
ent ela10:33 | 19/06/2018

Ka degjeneruar në sherr banal dëgjesa e parashikuar sot me ministren e Kulturës Mirela Kumbaro në komisionin e medias për Teatrin Kombëtar. Prania në dëgjesë e kryebashkiakut Veliaj, i parashikuar të dëgjohej nesër, ka sjellë përplasje të fortë mes palëve.

Komisioni i Medias  zhvilloi me debate seancën dëgjimore me Ministren e Kulturës Mirela Kumbaro dhe kryetarin e Bashkisë së Tiranës Erion Veliaj, në lidhje me Godinën e Teatrit Kombëtar. Partia Demokratike është kundër prishjes së tij. Kryetarja e Komisionit të Medias e ka cilësuar arrogante ardhjen e kryetarit të Bashkisë së Tiranës, Erjon Veliaj  në Komision, pasi sipas saj ai duhet të jetë nesër në komision. Nga ana e tij Veliaj është shprehur se erdhi siç i ishte kërkuar, pasi nesër do të jetë në Barcelonë, pasi merr çmimin Sheshi Skënderbej. Sipas Veliajt çdo projekt i Bashkisë së Tiranës që ka sulmuar opozita ka dalë më i bukur.

Veliaj: “Çdo projekt i Bashkisë së Tiranës që ka sulmuar opozita ka dalë më i bukur. Unë erdha për respekt, me kënaqësi dhe tani më thua çohu ik, është fyerje e inteligjencës. Tirana është sot më e suksesshme në të gjitha projektet që keni kundërshtuar”- u shpreh Veliaj.

Vokshi: Ki kujdes me gjuhën

Veliaj: Ti nuk meriton respekt, ju shfrytëzoni çdo kauzë, e humbisni kauzën, ju bëni të njëjtin gabim

Vokshi:  Jeni bërë për të ardhur keq.

Veliaj: Ja ku jemi sot Tirana është me e suksesshme në të gjitha projektet.

Vokshi: Unë mund t’ju nxjerr nga mbledhja jashtë, se jeni i paftuar. Keni ardhur të bëni zhurmuesin.

Veliaj: Çdo gjë që ju sulmoni bëhet më e bukur

Vokshi: Këtu jam unë kryetare

Veliaj: Je kryetare por jo kryegënjeshtare, ju thashë nesër merr cmim sheshi skenderbej, nuk mund të jem.

Vokshi: Për ca ke ardhur po bën figurë të keqe.

Veliaj: Nëse do të bësh aktoren, bëj audicion. Ke pasion të bësh aktore. Dështove si aktore dhe ke sjellë teatrin në parlament. Shkon i vjedh protestën aktorëve.

Vokshi: Mos bëj arrogantin. Me mua nuk ia del dot, se ka një rend dite të bazuar në rregullor. Fike mikrofonin se me mua nuk ia del dot.

Veliaj: Çdo gjë që ju sulmoni del më e bukur, sulmoni teatrin se do dalë më i bukur.

Vokshi: Fike mikrofonin se do të nxjerr përjashta, do thërras oficerët t’ju nxjerr përjashta.

Pas debatit kryetarja e komisionit të medias Albana Voshki ndërpreu seancën deri sa u largua kryebashkiaku Veliaj./abcnews.al

 

komisioni-i-medias.jpg
G. P.20:07 | 04/06/2018

Seanca dëgjimore me gazetarin e Rilindjes Demokratike, Bledi Kasmi, të thirrur nga opozita në komisionin e medias për të dëshmuar lidhur me dëmtimin gjatë protestës së 26 majit, zgjati mbi 3 orë dhe u dominua nga debate me tone të ashpra dhe ofendime mes grupit parlamentar demokrat dhe mazhorancës.

Bledi Kasmi: “Pati një agresion dhe një dhunë nga këto forca speciale ndaj disa protestuesve. Vendosa të vetëmbrohesha duke vendosur duart dhe nuik e di se pse shkopi i hekurt më përzgjodhi vetëm mua. Anëtari i forcave speciale që më goditi erdhi nga radha e dytë e forcave të policisë dhe iu krijua një korridor nga policët e rreshtit të parë. Pasi goditi ai u tërhoq dhe korridori i policëve u mbyll”.

Fidel Ylli: “Nuk është hera e parë që ky komision mblidhet për protesta dhe për gazetarët pasi me 21 Janar, ju e dini që qeveria e asdaj kohe, Sali Berisha, shpalli puçistë 4 gazetarë, të cilët pobënin detyrën e tyre”.

Edmond Spaho: “Desha të shpreh indinjatën dhe dëshiroj ta hedh poshtë me përbuzje, fjalorin që u përdor ndaj kolegëve të opozitës duke u quajtur vrasës. Vrasësit i keni pasur midis jush, në parlamentin tuaj. Një takëm prej këtyre e kanë lënë tashmë parlamentin, por nuk është se kanë mbaruar. Ka edhe të tjerë, kështu që këto fjalë merrini mbrapsht”.

Milva Ikonomi: “Në manualin e gazetarit është e shkruajtur shumë qartë që një gazetar pavarësisht i kujtdo media qoftë, duhet të ketë shenjat dalluese në trup që është duke bërë detyrën, ndërkohë që nga pamjet e asaj dite kemi edhe pamje të këtij lloji që tregon se policia ka marrë masa mbrojtëse ndaj gazetarëve”.

Albana Vokshi: “Po e mbyll këtë mbledhje me thirrjen të distancohemi nga  dhuna. Të gjenden autorët e kësaj dhune! Të gjenden urdhëruesit e kësaj dhune! Të fillojë hetimi”!

Opozita vijoi strategjinë e pjesëmarrjes në komisione vetëm për çështjen që sipas tyre është më e rëndësishmja për shqiptarët, shkarkimi i ministrit të Brendshëm, Fatmir Xhafaj./abcnews.al

DEBATI-POLITIK-NE-KOMISIONIN-PARLAMENTAR-1280x720.jpg
ent ela17:41 | 16/05/2018

Njëlloj si ditët e fundit edhe këtë të martë deputetët e Partisë Demokratike kanë marrë pjesë në komisionet parlamentare për të folur vetëm për çështjen Xhafaj. Shohim se c’ka ndodhur në komisionin e ligjeve.

Skenarin politik të komisioneve parlamentare për ditën e mërkurë opozita e kishte paralajmëruar më parë.

Alibeaj: “Cili është personi i zhdukur sot e prej disa ditësh, personi që nuk bëzan sot për cështjen më të rëndë që i ka rënë atij, qeverisë e shtetit, ministrit të Brendshëm. Ky komision i cili duhet të përkujdeset për jetën, shendëtin, ardhmërinë e çdo shqiptari, ne do të diskutojmë si na ndodh që kemi një ministër të Brendshëm të zhdukur që nuk merr përgjegjësitë e veta dhe kemi vëllain e tij Agron a Geron Xhafaj që me vendim të formës së prerë që shëtit i lirë”.

Të mbledhur në komisionin e ligjeve rreth seancës dëgjimore me institucionet shtetërore mbi zbatimin e konventës për mbrojtjen e personave të zhdukur me forcë në kohën e regjimit komunist, zv.kryetarja e komisionit Vasilika Hysi provoi të sillte diskutimin në çështjen e paracaktuar të ditës.

Hysi: “Është hera e parë që shqyrtojmë një raport zyrtar për një çështje që besoj se PD duhet ta kishte kauzë, ne kemi 5 mijë persona që nuk dihen ku prehen. Më vjen mirë qe keni ardhur, po kjo nuk do të thotë që të dalim nga rendi i ditës. Këtu sot ka një seancë e angazhim, për çështjen e Alibeajt mund të kemi ditë të tjera. Tema dhe dita që keni zgjedhur është e gabuar”.

Kjo nuk devijoi retorikën e demokratëve.

Bylykbashi: “A e kuptoni që duke u bërë palë me zotin Xhafa keni bërë bërë një gjë më të rëndë se kaq, për të shpëtuar Agron Xhafajn keni zhbërë tre konventa që ka Shqipëria. Kriminelët e dënuar sot gjejnë strehë te ky parlament. Çdo gjë që bëni ju sot përveçse turp e krim”

Ndërprerja e fjalës së deputetit Bylykbashi nga e ftuara në komision për të raportuar, zv.ministjra e Brendshme Rovena Voda, e cila u thirri demokratëve të kenë turp për retorikën pasi nuk janë në mbledhje të grupit të tyre parlamentar, ndezi gjakrat.

Në pamundësi për të kontrolluar situatën, Vasilika Hysi hodhi në votim mbylljen dhe shtyrjen e seancës për një datë tjetër. /abcnews.al

 

KOMISIONI-TAHIRI.mpg_snapshot_00.00-1280x720.jpg
ent ela17:48 | 02/05/2018

Kallëzim penal për të gjithë drejtuesit e institucioneve që nuk i kthejnë përgjigje komisionit hetimor parlamentar për çështjen Tahiri. Është ky propozimi i opozitës në mbledhjen e sotme pasi sipas tyre po pengohet procesi hetimor.

Për të hetuar komisionit  hetimor të ngritur edhe për çështjen Tahiri i nevojiten dokumente të klasifikura sekrete . Por këto mungojnë në tryezën e deputetëve. Sipas kreut të komisionit hetimor Edi Paloka, shumica e institucioneve në varësi të Kryeministrit nuk japin informacionin e kërkuar duke penguar punën u bërë pengesë për punën.

Paloka: “Duke filluar nga Kryeministria, Ministria e Drejtësisë Ministria Brendshme e drejtoria e policisë gjithçka varet nga Rama përgjigjet në forma të ndryshme kanë qenë negative”.

Murrizi: “Këto ditë që ka kërkuar ministria e Brendshme që kërkon afat 50- 60 ditë  ndoshta nuk keni qenë i qartë si kryetar se çfarë keni kërkuar

Se mos e kanë ngatërruar me ditët e ngarkesës që vjen droga nga Kolumbia në Durrës. Se për 50 ditë vjen ngarkesa nga Kolumbia çfarë keni kërkuar?!”

Letra i ke kërkuar?! Po i ke kërkuar letra duken si shumë mos i ka ngatërruar me ngarkesë. Kërkoj që t’ia speficikosh Nuk dum mall dum letra”.

Ndaj drejtuesëve të këtyre institucioneve duhet bërë kallzim penal tha deputeti demokrat Enkelejd Alibeaj  i cili përjashtoi vetëm Shërbimin Informativ Shtetëror që i ka dorëzuar  dokumentat e kërkuara nga komisioni.

Alibeaj: “Ne u bëjmë kallzim penal të gjithë këtyre drejtuesve të institucioneve. Deri sa të shkojmë te plani përfundmitar më duhen këto dokumente që i ke në kasafortë”.

Për rreth dy orë anëtarët debatuan  me akuza dhe justifikime për rolin e institucioneve që i është kërkuar informacion.

“Mirë do ishte të ishim një komision dhe jo dy”.

Në fund komsioni nuk solli asgjë të re për ecurinë e hetimeve por u vendos për një datë tjetër mbledhjeje me shpresën se dokumentet do t’i kenë në duar për të vazhduar më tej./abcnews.al

kuvedni-i-kosoves-4692_1521582219-4651832.jpg
ent ela22:57 | 20/03/2018

Seanca për ratifikimin e demarkacionit me Malin e Zi, në Kuvendin e Kosovës, do të vijojë ditën e mërkurë, kur pritet të mbahet dhe votimi. Gjatë së martës, nga ora 16 deri në 23, ligjvënësit kanë diskutuar mbi variantin e marrëveshjes për vijën kufitare. Në fjalën e tij, kryeministri Haradinaj tha se, versioni është i pranueshëm për të gjithë dhe ftoi deputetët ta votojnë. “Vota për këtë ligj është votë për shtetin, për perspektivën euro-atlantike dhe lirinë e lëvizjes”, theksoi Haradinaj. Por lëvizja Vetëvendosje doli kundër, duke thënë se Haradinaj kërkoi votën për një variant, të cilin vetë ai e kishte kundërshtuar kur ishte në opozitë. /abcnews.al

seanca-1280x669.jpg
G. P.17:36 | 15/03/2018

Mazhoranca dhe opozita kanë kundërshtuar deklaratat e njëri tjetrit në Mocionin me debat për heqjen e mbi 20 mijë familjeve nga skema e ndihmës ekonomike. Ndjekim disa nga deklaratat që janë bërë deri tani.

Grida Duma: “Pikavarazhi që ju kërkojmë është qëllimi i keq i përdorimit të kësaj skeme tani. Po, filloi në 2012, por tre herë radhazi ju e shtytë VKM-në, që mos t’i niste efektet në vitin elektoral 2017, po t’i nisnit pasi të kishit marrë pushtetin në mënyrë që sapo të vini te zgjedhjet elektorale, përsëri ju me fshehjen e kritereve, t’i çoni te kompjuterat e fshehur me të cilën talleni, “e ka sistemi” dhe më pas mund t’i fusim në skemë dhe 10.000 dhe hajde voto këtu. Njësoj si bëtë për legalizimet, njësoj si bëtë për tapitë dhe për çdo gjë tjetër”.

Ogerta Manastirliu: “Banka Botërore nuk ka thënë kurrë, siç u tha këtu, që 70 përqind e atyre që meritojnë ndihmën ekonomike janë të përjashtuar. Ku e gjetët ju këtë? Banka Botërore ka reaguar në një deklaratë të datës 6 Mars, ku flet për të pavërtetat mediatike mbi ndihmën ekonomike. Sidoqoftë koha e ka treguar edhe siç e ka treguar koha, kush i bën njerëzit për budallenj e paguan kur njerëzit votojnë”.

Albana Vokshi:Askush nuk është kundër pastrimit të skemës, por jemi kundër abuzimit të skemës ekonomike sa herë që vijnë zgjedhjet. Po hiqni 30.000 familje që t’i përdorni si kontigjent për zgjedhjet e ardhshme lokale”.

Dashamir Shehi: “Këta vejnë hartën e Shqipërisë për të ngrënë ndonjë copë Shqipërie për natë. Prandaj ka fukarallëk sot”.

Pandeli Majko: “Unë nuk e kuptoj thelbin e diskutimit tuaj të nderuar kolegë, arsyen se përse doni të ndryshojë ky sistem që ka funksionuar fillimisht në trekëndëshin Durrës, Elbasan, Tiranë dhe nuk kemi folur. Dhe çfarë doni të ndryshoni në këtë sistem, të cilin me letra e keni krijuar ju”.

Arben Ahmetaj: “Këtë e bëni vetëm për arsye politike. Situata e opozitës është e zezë. Nuk ka kauz. Vjen këtu dhe po të dëgjoni kryetarin e opozitës që është monumenti i paaftësisë dhe korrupsionit që në CV-në e tij ka gërhitje, 21 Janarin. Besoj se e mbani mend se si kapiten i parë i gardës doli në majën e çatisë, kryetari i opozitës”.

Blendi Klosi: “Edhe folët shpesh që ku është kryeministri, ku është qeveria, ndërkohë që lidershipi i PD-s e ka braktisur sallën që në mëngjes. Ka lënë këtu kolegët deputetë që presin radhën për të folur, por që serioziteti i tyre dhe pasqyrimi i atyre problematikave e që paraqesin atë debat me të varfrit nuk janë sot në sallë”.

Oriola Pampuri: “Edhe një thirrje tjetër do t’i bëja të gjithë qytetarëve që janë përjashtuar nga ndihma e skemës ekonomike. Ata 30 mijë sepse nuk janë njëzet. Vetë e pohuat ndoshta pa e ditur që janë 30 mijë. Ndoshta janë më shumë. Do të doja të vinin këtu, ne do jemi deri në darkë te dera e parlamentit. Këtu nuk ka shumë deputetë të majtë, shumë deputetë të mazhorancës dhe a e dini përse? Sepse këtu punësimet i bën vetë kryeministri. Kështu që, kë ka takuar kryeministrin e ka punësuar, i ka dhënë medikamentin. Unë do doja të ftoja të gjithë ata që nuk i ka punësuar ende kryeministri. Të vijnë te dera, ta takojnë dhe të punësohen”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono