debat

Biden_Sanders_img-1280x806.jpg
nev ila23:45 | 14/06/2019

Në Shtetet e Bashkuara kanë nisur ethet për debatin e parë presidencial, mes kandidatëve që vijnë nga radhët e demokratëve. I planifikuar për në fund të qershorit, debati më i nxehtë pritet të jetë ai mes Xho Bajden, i pari në sondazhe, dhe Berni Sanders që vjen menjëherë pas tij.

Kandidatët për nominimin e demokratëve në zgjedhjet e ardhshme presidenciale të Shteteve të Bashkuara do të përballen në debatin e parë televiziv më vonë gjatë muajit. Debati do të jetë i ndarë në dy netë, më 26 dhe 27 qershor, ku protagonist absolut pritet të jetë ish-zëvendës presidenti Xho Bajden, më i kuotuari në sondazhet e fundit.

Bëhet fjalë për 20 pjesëmarrës, të cilët janë ndarë 10 me 10 sipas një shorti të rastësishëm të hedhur nga NBC, që do të transmetojë dhe debatin. Natën e parë do të jenë në të njëjtën skenë mes të tjerësh Elizabeth Uorren, Kori Buker, Emi Klobuçar, Bet Ou Rurk, si dhe 6 rivalët e mbetur. Më e nxehtë pritet të jetë ndërkohë nata e dytë, ku Xho Bajden do të ketë përballë rivalët më të akredituar si Berni Sanders, Kamala Herris dhe Pit Butixhixh.

Radha premton shkëndija mes Bajden dhe Sanders, që në anketa ndodhet në vendin e dytë dhe që ka treguar vullnet për të kritikuar kryesuesin e garës, ish-krahun e djathtë të Barak Obama. Ndërkohë që nata e parë mund të shërbejë si skenë për Uorren, që në shumë sondazhe ka zënë vendin e tretë.

Dy netët e debatit do të transmetohen direkt në rrjetet NBC dhe Telemundo, si dhe do të transmetohen online falas, në një seri platformash dixhitale dhe sociale. Pavarësisht emrave më të kuotuar, nuk është për t’u nënvlerësuar edhe kandidati homoseksual Butixhixh, që në fushatat e deritanishme ka fituar simpati tek elektorati, përmes premtimeve për ta bërë Amerikën një shtet më social./ABC News Albania 24/7

hashim-thaci-3.jpg
G. P.22:31 | 30/05/2019

Presidenti i Kosovës, Hashim Thaçi i është kundërpërgjigjur Sali Berishës, duke deklaruar se ky i fundit kërkon të qëndrojë në skenë duke u marrë me kreun e shtetit të Kosovës.

Sipas Thaçit, Berisha do të përdorë debatin kundër tij për fushatën në Shqipëri.

“Ndjej keqardhje kur e shoh në këtë gjendje të arrogancës dhe humbjes së kontrollit si gërmadhë apo si fosil. Mendoj se ka nevojë për një trajtim mjekësor se sa të merret seriozisht në kuptimin e një debati politik. Është humbje e madhe e kohës për të diskutuar për të, por vendimin më të madh e  kanë marrë vetë qytetarët në Shqipëri, por ndoshta mendon me qëndruar në skenë duke u marrë me mua dhe ka nxjerrë mllefin që ka pasur 3 dekada. Ai dëshiron që të qëndrojë në këtë debat për shkak të fushatës që ka në Shqipëri dhe nuk do dëshiroj që të interferoj në këtë proces. Është punë e tyre. Urrejtje ndaj Ramës mund ta shprehë atje, por jo ndaj meje në Kosovë”, tha Thaçi.

Ai i ka kthyer përgjigje edhe për akuzat që Sali Berisha deklaroi në emisionin “Opinion” në TV Klan, në lidhje me arrestimin e kreut të shtetit të Kosovës për shkak të vrasjes së gazetarit Ali Uka bë vitin 1997. Thaçi theksoi se është arrestuar nga autoritetet e Berishës dhe kur është vrarë gazetari ka qenë në komisariat.

Argati i Millosheviçit thotë që jam arrestuar për çështje ordinere. Viti ‘97 Shqipëria ka qenë me pushkë në dorë për shkak të politikave të tij të dobëta me fajde. Unë jam arrestuar, kjo është e vërtetë, për armëmbajtje dhe për disa krehra kallashnikovësh për t’i sjellë në Ushtrinë Çlirimtare të Kosovës. Unë jam arrestuar 10 orë para se të vritej Ali Uka. Jam arrestuar tek ura e Elbasanit, në mënyrë brutale, nga autoritetet e Sali Ramë Berishës. Kam qëndruar 24 orë në komisariat dhe kur është vrarë Ali Uka unë kam qenë në komisariat”, tha Thaçi./abcnews.al

hilaa.jpg
G. P.20:59 | 14/05/2019

Do të zhvillohen apo jo zgjedhjet e 30 Qershorit është një nga çështjet më të debatuara që prej fillimit të krizës politike në vend. Dritan Hila, gjatë emisionit “Provokacija” ka deklaruar se mendon që Rama do ta çojë vendin në zgjedhje edhe pa opozitën.

“Ndryshe nga shumë gazetarë dhe miq të mi që janë të majtë, por mendojnë që nuk do shkojë vendi në zgjedhje pa opozitën kam një mendim i cili po fiton mazhorancën në mendjen time. Rama ka për ta çuar vendin në zgjedhje dhe do t’i bëjë zgjedhjet pa opozitën dhe ka për të ndjekur këtë rrugë. Nuk e di se sa janë të investuar perëndimorët në këtë pikë, por nëse perëndimorët do t’i thonë që ta bëjë këtë, Rama ka për ta bërë. Ta harrojnë ata njerëz që mendojnë se Rama është një frikacak, se është një klishe e përhapur kjo që Rama është një frikacak. Rama sot është kryeministër i vendit. Ka 30 mijë policë nën urdhra. Ka dhe 4 miliardë e gjysmë investime, buxhet shteti. Nuk është më ai njeriu i cili kishte frikë, por ai njeriu që përveç resurve dhe armatës që ka mbrapa ka rezultuar deri më tani që është njeriu planifikues më i mirë strategjik. Ka nxjerrë nga loja Metën. Ka nxjerrë nga loja Nanon. E nxorri Metën prapë nga loja si aleat”, tha Hila.

Ndërkohë për sa i përket opozitës, ai theksoi që ajo njihet nga ndërkombëtarëve. Por nëse ajo humbet konfirmimin popullor, sipas tij nuk mund të jetë më opozutë zyrtarë, çka mund të sjellë edhe nrsyhimin e qëndrimit të ndërkombëtarëve.

“Unë them që një opozitë shquhet e tillë kur konfirmohet në votime, njihet zyrtarisht, kur e njohin ndërkombëtarët. Momentalisht pavarësisht tentativave që ka është kjo opozitë që është. Është e konfirmuar në votime, njihet zyrtarisht dhe e konfirmojnë dhe ndërkombëtarët. Në momentin që kjo opozitë nuk do marrë pjesë në votime sipas mendimit tim humbet konfirmim popullor nuk do jetë opozitë zyrtare, dhe kam frikë se qëndrimi i ndërkombëtarëve do thotë “ok ju nuk morët pjesë në zgjedhje dhe ne nuk do ju njohim si opozitë. Atëherë rruga e vetme mbetet prishja e momentit të votimit. Po sikur në këtë moment ndërkombëtarët të thonë “që çfarë që të ndodhë ne i njohim votimet që u zhvilluan në Shqipëri” çfarë do bëhet? Sepse do ta çosh vendin drejt një konflikti civil. Nuk besoj që edhe brenda PD ka njerëz që duan një përsëritje të konfliktit civil”, tha Hila./abcnews.al

maqedoni-5.jpg
G. P.18:50 | 26/04/2019

Debati politik mes kandidatëve presidencialë në Maqedoni ka patur në fokus shqiptarët. Gjatë replikave, kandidatja Gordana Siljanovska ka akuzuar LSDM-në për episodet e verifikuara në Gostivar e Tetovë. Ndërsa Stevo Pendarovski është përgjigjur duke ia faturuar përgjegjësinë VMRO-së.

Ashtu siç pritej, pjesa më e nxehtë e debatit të parë të rrethit të dytë mes dy kandidatëve për President ishte për shqiptarët. Të dy kandidatët i numëronin të bërat e qeverive të kaluara ndaj shqiptarëve dhe tentonin që fajin t’ia hedhin njëri-tjetrit.

Gordana Siljanovska Davkova, kandidate për presidente: “Kam frikë se keni qenë të shpërblyer për aksionet e “suksesshme” në Gostivar dhe Tetovë. Episodi më turpshëm i politikës maqedonase ndaj shqiptarëve. Rastet si Ladorishta, Bit Pazari, Tetova, nuk harrohen”.

Stevo Pendarovski, kandidat për president: “Gjatë rastit të Ladorishtës, unë nuk kam qenë i punësuar në Ministrinë e Punëve të Brendshme. Gjatë kohës së ngjarjeve për Universitetin e Tetovës, unë kam qenë bashkëpunëtor i ri profesional. Ky tip i amnezisë selektive harron se nuk mund ta krahasoni dikë që në vitet ‘90 ka qenë nëpunës civil, me dikë që ka qenë pjesë e qeverisë së Cërvenkovskit dhe LSDM-së në atë periudhë të errët gjatë fazës së tranzicionit tonë”.

Gordana Siljanovska Davkova: “Kam qenë pjesë e qeverisë si përfaqësuese e Liberalëve dhe është mirë që disa nga ministrat shqiptarë të asaj qeverie janë gjallë dhe shëndoshë i dinë mirë qëndrimet e mia për disa nga ngjarjet”.

Por, sipas ish-Ministrit Xhevdet Hajredini, qëndrimet e Siljanovskës aspak nuk kanë qenë ndryshe nga politika e atëhërshme maqedonase karshi shqiptarëve.

Xhevdet Harjedini, ish-ministër: “Në qoftë se punon gjatë kohë bashkë me dikë, marrëdhëniet personale mund të jenë edhe të mira, por kur është fjala për interesat e shqiptarëve, për kërkesat e shqiptarëve të atëhershme, që kishin të bëjnë me arsimin në gjuhën shqipe, ajo aspak nuk ka pasur një rol ndryshe nga partitë tjera”.

Ish-ministri Hajredini kohën e VMRO-DPMNE-së e quan si kohën më të errët në historinë e shtetit, periudhë, që siç thotë ai, kur edhe Siljanovska ka qenë pjesë e ekzekutivit./abcnews.al

parlamenti-grek.jpg
G. P.14:33 | 07/02/2019

Sot pasdite në parlamentin grek nisin debatet per protokollin e nenshkruar nga  Maqedonia e veriut për anëtarësimin në Nato. Debati do të përfundojë nesër në mbrëmje me votimin për këtë protokoll.

Drafti me titull “Ratifikimi i protokollit për anëtarësimin e Maqedonisë së Veriut në NATO” do të diskutohet pasditen e të enjtes në parlamentin grek me komitetet e mbrojtjes kombëtare dhe çështjeve të jashtme. Debati për të miratuar ose jo anëtarësimin e vendit fqinj në aleancën atlantike pritet të përfundojë mbrëmjen e të premtes kur dhe do të votohet

Për sa i përket procesit të debateve në sallën e parlamentit, është rënë dakord se kryetari i tij dhe përfaqësuesit e të gjitha partive, por dhe raportuesi për deputetët e pavarur, ministri përkatës dhe kryetarët e grupeve parlamentare mund të marrin fjalën. Gjithashtu në listën me 14 folës përfshihen pesë nga Syriza, tre nga “Demokracia e re” dhe nga një për çdo parti si dhe një folës për deputetët e pavarur

Pas ratifikimit të protokollit, një notë verbale do i dërgohet nga ministria e Jashtme greke, asaj të Maqedonisë së Veriut.  Panos Kamenos i Grekëve të Pavarur deklaroi se të paktën 180 deputetë do të votojnë pro ratifikimit të anëtarësimit të Maqedonisë së Veriut në NATO./abcnews.al

merkelii.jpg
G. P.09:40 | 17/11/2018

Para gati tre muajve, vrasja e një gjermani në Chemnitz do të shkaktonte një valë protestash kundër të huajve. Tani, kancelarja ishte aty për herë parë, për një vizitë që shumë e quajnë të vonuar.

Përse keni ardhur?

Kancelares gjermane Angela Merkel nuk i lanë shumë kohë të zinte vend në aktivitetin dyorësh të organizuar nga një gazetë lokale (Freie Presse), të premten në Chemnitz. Kur kishte hyrë në sallën e ish-fabrikës së rinovuar, nga 120 pjesëmarrësit, disa e kishin pritur me duartrokitje, të tjerë të ulur me duart të mbledhura.

Që para se të mbërrinte në Chemnitz, kancelarja kishte qenë në shënjestër të kritikave që e quanin tepër të vonuar vizitën e saj. Tre muaj më parë, qyteti ishte përfshirë nga valët e dhunës, demonstratave ekstremiste të djathta dhe kundër-demontrata kundër të djathtëve. Ngjarje që do ta bënin Chemnitzin të famshëm në mbarë botën.

“Tani të shohim se ç ‘mund të bëjmë në nivel federal që qytetit të mos i mbetet përgjithmonë nami i keq,” tha ajo. Duke mbrojtur vendimin e vet për të mos e vizituar qytetin ish-gjermanolindor menjëherë pas ngjarjeve të dhunshme të gushtit, Merkel tha se donte të shmangte polarizimin e mëtejshëm për shkak të pranisë së saj.

Zemërimi në rrugë

Gusht 2018: Vrasja me thikë e një gjermani 35-vjeçar, me gjasë nga dy azilkërkues, u bë shkak për demonstrata që shpejt u përshkallëzuan në trazira. Ndër protestuesit ishin ekstremistë të krahut të djathtë. Në regjistrimet e videove shiheshin protestues duke sulmuar njerëz që dukeshin si të huaj për nga pamja. Që nga gushti janë sulmuar një restorant hebre, një persian dhe një turk, si edhe është zbuluar një grup i djathtë ekstremist që e quan veten “Revolucioni Chemnitz”.

“Ka njerëz që shqetësohen se ndoshta këtu ka shumë refugjatë”, tha kancelarja Merkel. “Ka edhe njerëz që kanë paragjykime të hapura ndaj njerëzve që thjesht duken ndryshe. Mes këtyre dy llojeve duhen bërë dallime”. Me qindra qytetarë të Chemnitzit e kanë refuzuar dhunën dhe janë aktivizuar në iniciativa kundër dhunës. “Kjo është një shenjë e mirë,” tha Merkel. “Këta njerëz duhet të dëgjojnë zërin e tyre – sepse janë shumica,” shtoi ajo

Trashëgimia e Gjermanisë Lindore

Duke u mbështetur në përvojën e saj në rritje në RDGJ-në e mëparshme, Merkel u bëri thirrje ish-gjermano lindorëve që të jenë më të sigurt. “Ju keni çdo arsye të jeni krenarë për atë që keni bërë”, tha Merkel, duke iu referuar revolucionit paqësor të vitit 1989 që pati si pasojë rënien e Perdes së Hekurt.

Por shumë gjermano-lindorë e ndiejnë tani veten të lënë pas dore. “Unë kam qenë një nga humbëset e ribashkimit”, tha njëra nga pjesëmarrëset e aktivitetit për DW. “Shumë nga diskutimet e kësaj mbrëmjeje kanë të bëjnë me migracionin. Dhimbjet dhe ndjenja e të lënit pas dore ka ekzistuar shumë kohë para 2015-ës.” “Por kjo ende nuk është arsye për të marshuar së bashku me këta demonstrues të djathtë”, shtoi ajo.

Protesta jashtë

Jashtë fabrikës ishin mbledhur afro 500 demonstrues të organizuar nga grupi djathtist “Pro Chemnitz”. Rrethuar nga një prani e madhe policore, kënga e tyre “Merkel muss weg!” (Merkel ik!) kondensohej në ajrin dimëror dhe nuk arrinte deri te veshët e kancelares, që ishte brenda.

Por ajo e dëgjon atë vazhdimisht, sidomos prej vitit 2015, kur mori vendimin për t’u hapur dyert rreth 1 milionë azilkërkuesve. Njoftimi i saj në fillim të nëntorit se nuk do të kandidonte më përsëri për kancelare në zgjedhjet e 2021-shit, nuk u mjafton kritikëve më të zëshëm të saj. Ata duan që Merkel të japë menjëherë dorëheqjen..

Ndërkohë, gjatë diskutimit, një anëtar i audiencës që iu dha mikrofoni për një pyetje, shfrytëzoi momentin që ishte në qendër të vëmendjes, për t’u bërë thirrje të tjerëve të bashkoheshin me demonstruesit jashtë. Kancelarja priti me qetësi sa të mbaronte, duke rregulluar bllokun e shënimeve dhe stilolapsin që kishte përpara në podium, ku ishte vetëm.

‘Ne do t’ia dalim’

Migracioni e mbizotëroi gjithë debatin. Merkel e pranoi se ishin bërë gabime në politikat e refugjatëve në Gjermani. Por gabimi nuk është ndihma për azilkërkuesit në një moment të caktuar, tha ajo. Por që ishte bërë shumë pak për të shmangur shkaqet që i bëjnë njerëzit të largohen nga vendet e tyre,

Merkel u pyet edhe njëherë për fjalinë e saj të famshme në kulmin e krizës së migrantëve 2015: “Wir schaffen das” (Do t’ia dalim). “E çfarë kancelare do të isha nëse nuk do ta thosha këtë?” ia ktheu Merkel pyetëses.

“Das Schaffen (puna),” vazhdoi ajo më tej, “ende nuk ka përfunduar”./DW

KRONIKE-OPINION-SHERRI-FEVZIU-NOKA-ABC-M1-T3.mpg_snapshot_00.54-1280x720.jpg
G. P.15:09 | 07/11/2018

Debati në emisionin Opinion ka degraduar në ngritje të tonit të zërit dhe akuza personale. Moderatori i emisionit Blendi Fevziu është përplasur me demokratin Flamur Noka, pasi ky i fundit e akuzoi se po i mbyllte gojën opozitës, kur nuk ka guxuar të bëj të njëjtën gjë teksa është poshtëruar nga mazhoranca në pushtet.

Debati në emisionin televiziv Opinion, mbi përplasjen Rama – Meta lidhur me propozimin e kryeministrit për ministrin e ri të Brendshëm, solli përplasje përtej atyre të opinioneve politike. Debati mes drejtuesit të emisionit Blendi Fevziu dhe demokrtit Flamur Noka nisi pasi i pari i fiku mikrofonin të dytit gjatë emisionit.

Blendi Fevziu: “Ulja içik mikorofnin. Nuk dëgjohesh se je pa mikrofon. Stop stop, ti nuk mund të mbash fjalim si në parlament ktu”.

Lëvizje të cilën deputeti demokrat e përmendi në fund të emisionit.

Flamur Noka: “Të lutem herë tjetër mos i bëj fresk Rilindjes, se ke bërë kurrë ti fikësh mikrofonin opozitës”.

Kjo mënyrë të shprehuri ktheu debatin në personal.

Fevziu: “Nuk ja fika opozitës por Flamur Nokës, nëse nuk e bën dot diferencën është faji yt”.

Noka: “Ktu zotëri ty të ka poshtëruar Saimir Tahiri dhe nuk ja ke fikur mikrofonin, unë thjesht po bëja debat”.

Sulmit iu përgjigj me sulm.

Fevziu: “Mua nuk ma mbmyll gojën asnjeri në botë, kam 22 vjet që e bëj, fjalën fresk mos më thuaj që mos flasim për mesazhet që i çoni lart e posht qeverisë se është turp. Turp që i çoni mesazhe ju qeverisë, xhafes si të hoqi etj. Bën opozitarin në kamera jo mbrapa, ti nuk guxon të më thuash fjalën fresk”.

Në fund një shpjegim procedure.

Fveziu: “Ktu nuk bëni ju ça të doni, nuk ke të drejtë të flasesh kaq.”/abcnews.al

eni-shehu.jpg
G. P.22:11 | 04/06/2018

Eni Shehu ishte i ftuar në Mbrëmje në ABC News për të folur rreth koncertit të Rita Orës të mbajtur më 3 Qershor në sheshin “Skëndërbej” në Tiranë.

Sipas gazetarit, debati zhvillohet në rrafshin politik dhe në rrafshin artistik.

Artistja ishte kritikuar më parë në lidhje me përdorimin e gjuhës shqipe dhe sipas Shehut, kjo është një nga arsyet pse nuk foli shumë shqip.

Më tej, gazetari shtoi se e gjitha ishte një strategji e stafit të bashkisë për të kulmuar me 3 vite punë./abcnews.al

be-1.jpg
G. P.09:16 | 16/05/2018

Në Shqipëri, Delegacioni i Bashkimit Europian reagoi lidhur me debatin e hapur mbi ndryshimin e nenit për ekstradimet në Kodin e Procedurës Penale. Duke ju përgjigjur interesimit të “Zërit të Amerikës” për këtë çështje, duke qenë se i gjithë procesi i Reformës në Drejtësi dhe paketa e ligjeve shoqëruese u asistua ngushtësisht dhe nga misioni europian Euralius, Delegacioni i BE-së sqaroi se “ka patur variante të ndryshme rreth Nenit 491 (f) të Kodit të Procedurës Penale, që janë diskutuar nga Grupi i Punës për Rishikimin e Kodit të Procedurës Penale – pjesë e të cilit ka qenë edhe Euralius – deri në miratimin e ndryshimeve të Kodit më 30 mars 2017. Thelbi i varianteve të ndryshme mbeti i pandryshuar gjatë gjithë diskutimeve, përfshirë dhe variantin përfundimtar të miratuar të Nenit 491 (f) të Kodit”.

Kjo çështje u hap nga Partia Demokratike, si pjesë e akuzave që ajo ka ngritur ndaj ministrit të Brendshëm Fatmir Xhafaj, lidhur me të vëllanë e tij të arrestuar në Itali në vitin 2002 e më pas të dënuar në 2012-ën me 7 vjet e dy muaj burgim për pjesmarrje në një organizatë kriminale që merrej me trafikun e drogës. Sipas opozitës, në cilësinë e kryetarit të Komisionit parlamentar të ligjeve, zoti Xhafaj ka ndërhyrë duke bërë një ndryshim që sipas opozitës mbron direkt të vëllanë e tij, gjë e cila është hedhur poshtë nga socialistët. Pika që është shtuar në nenin për ekstradimet, dhe që është aktualisht në fuqi, parashikon se ekstradimi nuk mund të kryhet “kur personi i kërkuar është dënuar në mungesë, me përjashtim të rastit kur shteti kërkues jep garanci për rishikimin e vendimit”. Sipas opozitës një formulim i tillë “pamundëson ekstradimin e vëllait të tij Agron Xhafaj të dënuar me vendim gjyqësor të formës së prerë nga Gjykata Italiane e Kasacionit, si dhe pamundëson njohjen e vendimit nga drejtësia shqiptare në mënyrë që vëllai i tij Agron Xhafaj të mos bëj asnjë ditë burg as në Shqipëri nga dënimi i tij nga drejtësia italiane për trafik droge”.

Në shpjegimin dhënë “Zërit të Amerikës”, Delegacioni i BE-së shprehet se “Neni 491 (f) i miratuar i Kodit, garanton se personi i cili është gjykuar dhe dënuar në mungesë ka mundësinë që të ketë një rishqyrtim të çështjes në prani të tij/saj përpara Gjykatës. Kjo masë është në përputhje me Standartet europiane të përcaktuara nga Gjykata Europiane e të Drejtave të Njeriut, Konventa Europiane për Ekstradimin dhe Vendimi kuadër i BE-së për Urdhër-arrestin europian. Kodi garanton se Shqipëria mund të ekzekutojë një vendim penal të huaj edhe nëse ekstradimi nuk është i mundur për arsyet e përcaktuara në Nenin 491 (f) të Kodit.” Delegacioni i BE-së shton se “Shqipëria ka ratifikuar gjithashtu Konventën Europiane mbi Transferimin e Procedimit të Çështjeve Penale, një tjetër alternativë për ekstradimin, për rastet kur zbatohet Neni 491 (f) i Kodit”, përfundon shpjegimi i Delegacionit të BE-së dhënë “Zërit të Amerikës”.

Demokratët e kanë bërë një sërë akuzash ndaj ministrit Xhafaj, lidhur më të vëllanë, që nga fakti që pavarësisht dënimit në Itali ai nuk ka vuajtur asnjë ditë nga ky dënim, te mbrojtja që sipas opozitës ministri i ka bërë atij në shkelje të ligjit, apo mos zbatimi nga ana e policisë së Ligjit Antimafia. Dy ditë më parë, demokratët publikuan rregjistrimin audio të një bisede që sipas tyre është zhvilluar mes vëllait të ministrit dhe një ish të dënuari për trafik droge, e që sipas Partisë demokratike tregon se ai vazhdon të jetë i përfshirë në aktivitete të paligjshme. Por mbrëmjen e së martës, vëllai i ministrit bëri kallzim penal ndaj përfaqësuesve demokratë, pasi sipas tij bëhet fjalë për një “material të rremë, të konsumuar nëpërmjet sajesës dhe manipulimit të provave”. Nga ana e saj, Prokuroria kërkoi dje nga Partia demokratike që të marrë regjistrimin audio të publikuar prej saj.

Kryetari demokrat Lulzim Basha, kërkoi të mërkurën, “në emër opozitës, largimin e menjëhershëm të Fatmir Xhafajt nga detyra e Ministrit të Brendshëm”. Ajo ka paralajmëruar zhvillimin sot të një proteste përpara ministrisë së Brendshme, ndërsa të enjten në parlament, ka vendosur të mos lejojë diksutimin e asnjë çështjeje tjetër.

Po sot gjatë ditës pritet që për këtë çështje, të shprehet, siç e ka njoftuar vetë përmes një postimi në Facebook, edhe kryeministri Edi Rama, në një fjalë që do të mbajë përpara grupt parlamentar të partisë socialiste./VOA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono