Dashamir Shehi

ol-1.jpg
in a21:54 | 12/02/2020

I ftuar në “Byro Politike” me Juli Xhokaxhi kryetari i Partisë Lëvizja për Zhvillim Kombëtar, Dashamir Shehi nuk u shpreh optimist sa i përket situatës politike në vend.

Sipas tij Shqipëria është në një përmbysje të madhe ekonomike, ndërsa sa i përket ndërtimit të shtetit të së drejtës Shehi tha se deri tani kanë dështuar.

“I varfëri, i urituri nuk mendon për demokracinë. I urituri nuk njeh shije. Nga kjo pikëpamje Shqipëria është përmbysje e madhe ekonomike. Sistemi arsimor ende është difektoz. Ne kemi dështuar për të ndërtuar shtetin e së drejtës”, u shpreh Shehi.

Më tej ai theksoi se lidershipi shqiptar synon arritjen e interesave vetiake.

“Ishim të zotët të rrëzonim komunizmin, por për të ndërtuar demokracinë kishim të gjithë difektet tona. Edhe unë marr përgjegjësitë e mia për disa gjëra. Pak a shumë sot operojmë si ekonomitë e tjera, por si shtetet e tjera nuk operojmë akoma. I kemi shpërdoruar disa detyra për interesa vetiake. Lidershipi shqiptar mendon se kjo karrige është e imja dhe nuk lëshon më”, tha Shehi./abcnews.al

dadshamir-shehi-1.jpg
nev ila21:21 | 06/02/2020

Mënyra e re e komunikimit me qytetarët nga liderët politik shqiptarë ka tërhequr jo pak vëmendje. Gjatë pasdites së sotme kreu i Partisë Demokratike ka nisur një fushatë komunikimi me qytetarët. Për të folur në lidhje me këtë por jo vetëm, i ftuar në “Mbrëmje ABC” përballë gazetares Mirela Milori ishte i ftuar kreu i LZHK Dashamir Shehi.

Pjesë nga biseda në studio:

Mirela Milori: Si e shihni zgjedhjen e Z. Basha për të komunikuar me qytetarët live nga FB?

Dashamir Shehi:Është një metodë e re, është një nga mjetet që i ofron koha, teknologjia, bashkë me ndryshimin e teknologjisë ka ndryshuar edhe opinioni gjithsesi e gjykoj se ka bërë mirë. Është një armë më shumë në komunikimin me njerëzit, aq më tepër një opozitë si e jona që nuk është në parlament.

Mirela Milori: A mendoni se e djathta ka ardhur në një pikë që duhet të merret me substancën, pra që e djathta ka nevojë për një riorganizim të vetvetes, të bëjë disa bilance të saj?

Dashamir Shehi:Po patjetër, jo vetëm që ka ardhur por ky moment ka kaluar. Duhet të ishte një debat që duhej hapur me vite përpara. Ne nuk mund të bëjmë si Edi Rama që tregon vetëm histori suksesi, se çka bërë këto 7 vjet.

Ne duhet të shohim realitetin ku ndodhemi, në 30 vjet të ekzistencës së të djathtës shqiptare. E djathta shqiptare e para 30 vjetëve nuk ka asnjë lidhje me të djathtën aktuale.

Ne duhet të reflektojmë mbi këtë lloj situatë dhe të adaptojmë një të djathtë që është reale. 30 vjet politika shqiptare ka funksionuar sipas zgjedhjeve, votave, dhe nuk është pyetur kurrë është e majtë, apo është e djathtë, mjaftonte kush i sillte votat.

Mendoj që ne sot operojmë në dy rrafshe kryesore, në një opozitë të madhe që është kundër rilindjes dhe Edi ramës dhe e djathta shqiptare në dimensionin e vet natyral, që mund të jetë ndoshta më pak se votat që Partia Demokratike merr por në qoftë se duam të ndërtojmë esencën e një të djathte duhet të merremi me atë çfarë merret e djathta edhe në Evropë.

Mirela Milori: A mendoni se ka ardhur momenti të krijohet në grupin opozitar një koalicion apo një bashkim partish apo një qendër e djathtë?

Dashamir Shehi: Për situatën në të cilën ndodhemi unë maksimalisht do të ndërtoja opozitën më të madhe që është kundër Edi Ramës. Pra të gjithë ata që janë kundër Edi Ramës, grupit të tij dhe kundër këtij regjimi, gjykoj që është aleat potencial i kësaj opozite, i majtë apo i djathtë qoftë. Këta janë njerëzit tanë. Nuk duhet të bëjmë diference, nëse i themi “ky është me ne, ky s’është i yni” do të kemi tkurrje të bllokut opozitar. Kemi nevojë të mbarojmë këtë punë me ata që kemi kundërshtar dhe ti hapim rrugë një shteti të ri  ndryshe./abcnews.al

dashamir-shehi11.jpg
ger ta20:56 | 06/02/2020

I ftuar në “Mbremje në Abc” me Mirela Milorin, kreu i LZHK,  Dashamir Shehi e ka cilësuar si propagandë nismën “anti-KÇK”.

Shehi nuk hezitoi të thotë se se kjo nismë mund të përdoret edhe për një detaj të frikshëm. Sipas tij, Rama po u jep një sinjal grupeve kriminale.

“Mund të përdoret edhe për një gjë tjetër që është e frikshme. Ky po i lëshon një sinjal grupeve. Ju që do bashkëpunoni do ju mbrojmë. Ata nuk po i nënshtrohen ndonjë drejtësie të re. Ata po i nënshtrohen një trupe policie, zhurma është e madhe , puna është e vogël. Ç’është ky ligj që bëhet për dy ditë”, tha ai.

I pyetur më tej nëse është në gjendje opozita të largojë Ramën këtë vit, aleati i Bashës tha se opozita do të bëjë të pamundurën për zgjedhje të parakohshme.

Pjesë nga intervista në studio:

Milori: Tryeza jashtë Parlamentit, mendoni se do të ketë një produkt afatgjatë dhe korrekt?

Shehi: Unë shpresoj që kjo lloj reforme të shërbejë mininalisht për të bërë një palë zgjedhje të rregullta. Ky nuk është fundi se defektet janë aq të shumta. Kjo është një ndërhyrje specifike emergjente. Kjo lloj tryeze ka zëvendësuar atë lloj Parlamenti, ky është suksesi ynë opozitar. Unë kam një lloj optimizmi, por edhe më vjen keq që e them, nga trishtimi që ka masa e madhe nga kjo keqqeverisje. Megjithatë në këtë pikë që kemi mbërritur do jetë shumë e rëndësishme që ky grup të largohet.

Milori: Nëse nuk ndryshon sistemi dhe Basha ndryshon listat, mendoni se do jeni në listat e Bashës?

Shehi: Ne mendojmë se do jemi se jemi dikushi që kemi kontribuar. Nuk është kjo që më shqetëson. Unë dua të bëjnë një sistem të mirë për shqiptarët. Në fakt për partitë e vogla ky është sistemi më i mirë nga të gjithë.

Milori: Vala e paketës “anti-KÇK”, si ju duket?

Shehi: Ta shikojmë njëherë nëse është aksion apo jo. Zhurma është bërë e madhe, siç i bën Rama punët e veta, pastaj vjen puna që nuk ndodh asgjë. Tani unë po ju them shqiptarëve, nuk kam asgjë me atë OFL. Unë gjykoj që nuk është ko rruga, kjo është rruga e propagandës. Ky që mburret dhe ankohet, ka 7 vjet që thotë nuk më lënë të punoj. Kur do punojë ky? Tani na del që 7 muaj para zgjdhjeve ky i bën të gjitha. E megjithatë unë po i jap mirëbesimin. Po t’i japim kohën të tregoj që këto që janë vënë kanë ndërmend të merren me krimin. Edi Rama duhet të jetë subjekt dhe i trembur bashkë me deputetë nga këta që po hetojnë krimin

Milori: Parimi ligji i antimafias, ndiq paranë…

Shehi: Ligjin e anti-mafia e kemi pasur.

Milori: E shikoni një lloj amnistie, se nga “anti-KÇK” mund të dalin 40 familje. Këta që i dorëzojnë, e shikon që mund të përdoret edhe si amnisti?

Shehi: Mund të përdoret edhe për një gjë tjetër që është e frikshme. Ky po i lëshon një sinjal grupeve. ju që do bashkëpunoni do ju mbrojmë. Ata nuk po i nënshtrohen ndonjë drejtësie të re. Ata po i nënshtrohen një trupe policie, zhurma është e madhe , puna është e vogël. Ç’është ky ligj që bëhet për dy ditë. Një certifikatë për spërkatje do dy muaj. Sajuan një mënyrë se si do betohen gjykatësit, nga eksperienca negative që ndodhi. Sepse ishte një histori që e sajuan vetë.

Milori: E keni ndjekur Parlamentin?

Shehi: Më vjen turp.

Milori: Mbaron Rama, vjen Hajdari, ikën Hajdari dhe vjen Rama. Si ju duken?

Shehi: Kjo më duket një estradë. Kam parë që edhe ajo zonja Hajdari ka filluar të thotë ca të vëreteta tani. E kanë kuptuar se jo se jemi ne burrat e mirë që ikën, por me zotërinë përballë nuk mund të bashkëpunosh. Ne po presim që kjo KCK ndoshta do e bëjë ndonjë punë, por s’ka për të bërë asnjë punë. Ne kemi dyshimin se kjo nuk është formula. Që ditën e parë ndodhën situata qesharake. Realiteti është ky që bota e krimit ka kapluar një pjesë të shoqërisë shqiptare. Unë kam frikë që këtu është një skenë pastrimi, që bankat bëjnë sikur se dinë. Është qeveria që mbyll të dy sytë. Vetë zoti Rama mendon se e gjithë bota është kështu. Një pjesë e fshatarëve nuk duan të mbjellin më qepë. Një pjesë e rinisë është burgjeve. 24 vetë u arrestuan sot jashtë, ishin shqiptarë. Më duket si gjetje. Ky ka 7 vjet dhe krimi është bërë 7 herë më i lartë, droga është mbjellë 7 herë më shumë, admiistrata 7 herë më e korrutuar dhe pas 7 vjetëve do tu mbushë mendjen shqiptarëve sikur botë që keni jetuar është shumë e bukur. Këto që ndodhin janë vetëm në mendje të opozitës. Se ky po mundohet të na fusë në Europë. Sot mbajti një fjalim sikur europa ishte në tmerr, sikur ne jemi mirë

Milori: Opozita e rrëzon Ramën këtë vit, apo do shkojnë në 2021?

Shehi: Unë mendoj se do bëj ç’mos që zgjedhjet të bëhen në mënyrë të parakohshme.

/abcnews.al

dashi.jpg
ger ta17:04 | 05/02/2020

Propozimi i hartuar nga ekspertët zgjedhorë të Partisë Republikane dhe të mbështetur nga partitë e tjera të qendrës së djathtë tashmë është në tryezën e kreut të opozitës, Basha. Sipas kreut të LZHK-së, Dashamir Shehi qëllimi është që forcat e djathta të marrin çdo votë që mbështetësin e tyre shkojnë për ta.

Partitë e vogla aleternative marrin 100 mijë vota. Është në të mirë të gjithë opozitës dhe në radhë të parë të gjithë PD-së”, thotë Shehi.

E gjithë filozofia e kësaj pune është që çdo parti të mbyllë këto, aq deputetë sa vota ka. Sot nuk ndodh kështu, por partia më e madhe brenda një grupimi, apo e dyta, merr edhe votatat e këtyre mbrapa”, shton Shehi.

Por pavarësisht dëshirës së tyre për tu grupuar në një koalicion të ri brenda koalicionin opozitar, Kodi Zgjedhor në nenin 65 të tij e pamundëson grupimin e partive brenda dy koalicioneve të ndryshme. Dhe për këtë partitë do të kërkojnë ndryshime në Kod dhe në ndihmën e KQZ-së.

Po mundohemi të përmirësojmë kodin t’i japë përafërsisht gjithësecilit aq sa ka. Pas 15 marsit ndoshta këto disktume s’kanë më vlerë sepse mbyllet kjo punë’, shprehet kreu i LZHK.

Do të jetë kryedemokratit Basha ai që do të duhet të dakordësojë dhe të vendosë formulën e saktë për të plotësuar kërkesat e aleatëve dhe maksimalizuar votën brenda koalicionit opozitar./abcnews.al

 

dashamir-shehi-1280x700.jpg
nev ila15:54 | 17/01/2020

Opozita ka vendosur si objektiv zhvillimin e zgjedhjeve të parakohshme në përfundim të tryezës konsensuale për reformën zgjedhore.

Por i mësuar me lojërat e politikës me kohën, aleati i demokratëve, Dashamir Shehi thekson se zgjedhjet e parakohshme kanë vlerë nësë zhvillohet deri në qershor të këtij viti.

“Zgjedhjet eparakohëshme janë të nevojshme, janë të domosdoshme, por janë të parakohshme deri në 30 qershor. Kështuqë mendoj që gjithë forca opozitare  duhet përqendruar që të zhvillohen në këtë periudhë. Ditën që ndonjëri mendon se mund të bëhen nga vjeshta e tutje, vetëm për tu quajtur të parakohëshme, për mua skanë vlerë”.

Opozita ka hequr dorë nga kushti i disa muajve më parë dhe tani nuk do të refuzonte përballjen në zgjedhje edhe me një qeveri të drejtuar nga Edi Rama.

“Nuk më tremb Edi Rama, është një gogol që tremb të vetët”.

Tryezën e dakordësuar mes palëve e sheh si një dritë jeshile për t’i dhënë vendit ndryshimin ndonëse besimin te qëndrueshmëria politike e kundërshtarit e ka zero.

“Nuk kemi asnjë besim, në politikë këto janë rregullat. Rregullat kërkojnë që një letër të quhet e pranueshme dhe konsensuale, të ketë dy firma. Një njeri që nuk e kemi besuar për 10 vjet nuk kemi pse e besojmë për 10 ditë”.

Opozitës i kërkon të rikthehet te protestat si i vetmi instrument për të nxitur rotacionin politik.

“Unë mbështes idenë e protestave. Popujt seriozë kur janë të mërzitur, dalin në rrugë dhe e tregojnë mërzinë e tyre. Gjykoj që nga të gjithë këto bla-bla-të tona, opozita armën më të madhe ka sheshin atje, dhe flamujt opozitarë”.

Koalicioni opozitar ka dalë me një qëndrim të përbashkët sa i takon tryezës konsensuale të reformës zgjedhore, ndryshime që sipas tyre do të sigurojnë hapësirën për të çuar vendin drejtë zgjedhjeve të parakohshme. /abcnews.al

 

ivi-kaso-pd.png
R D16:23 | 07/01/2020

Opozita është drejtë finalizimit dhe prezantimit të draftit të saj për reformën zgjedhor. Por pavarësisht kërkesave të vazhdueshme të aleatëve, drafti i ekspertëve nuk përmban propozim për ndryshimin e sistemit zgjedhor. Në një intervistë për ABC News, Sekretari Zgjedhor i PD, Ivi Kaso thekson se ky ndryshim do të diskutohet në një moment të dytë. Dakordësinë për t’u tërhequr nga kjo kërkesë e konfirmon edhe aleati i Bashës, Dashamir Shehi.


Partia Demokratike dhe aleatët e saj në opozitë kanë gjetur dakordësinë për ndryshimet që do të propozojnë për Kodin e Ri Zgjedhor. Pas një takimi që do të mbahet pasditen e të mërkurës në selinë blu, opozita do të jetë e gatshme të bëj publike edhe draftin e saj, i cili do t’i vendoset në dispozicion edhe ndërkombëtarëve por jo përfaqsuesve të shumicës.

“Eshtë detyrim i opozitës që ndryshimet ti bëjë publike për shqiptarët, së dyti me ndërkombëtarët, ndaj nuk shoh nevoje për t’ia përcjell zyrtarisht një komisioni ilegjitim”, tha ai. 

Sekretari Zgjedhor i PD, Ivi Kaso nuk jep afate se kur mund të miratohet në parlament Kodi i ri zgjedhor, por maxhorancës i kujton një tjetër afat për çeljen e negociatave.

Eksperti zgjedhor i demokratëve është i bindur se opozita do të dal me një draft konsensual, ndërkohë që pranon se çështja e sistemit zgjedhor do diskutohet në një moment të dytë.

“Aspekte të tjera madhore kërkonin ndryshime kushtetuese edhe diskutimi mbi sistemin sigurisht mund ti përkasë një momenti tjeter”, shtoi Kaso.

Tërheqjen e kanë pranuar edhe aleatët e PD, të cilët kanë qënë të parët që folën për ndryshimet kushtetuese.  Kryetarin e LZHK-së, Dashamir Shehi nuk e entuziazmon propozimi i ardhur nga shoqëria civile për një sistem me lista të hapura, ndonëse nuk e fsheh dëshirën për një përballje kombëtare.

Ndryshimet në politikë sipas Shehit duhet të jenë rrënjësore ndaj edhe kreut të demokratëve Basha i kërkon të mos tërhiqet nga slogani i zgjedhjeve të 2017.

Opozita ka premtuar se pas finalizimit të draftit të saj për reformën zgjedhore do ti hapin rrugë një debati dhe konsultimi publik. /abcnews.al

dashiiii.png
R D21:50 | 19/12/2019

Kreu i LZHK-së, Dashamir Shehi pjesë e kampit opozitar i ftuar në “Mbrëmje në Abc” me Mirela Milorin foli reformën zgjedhore, duke theksuar se nuk është plotësisht dakord, por e ka pranuar për hir të PD-së.

I pyetur nga Mirela Milori, nëse është dakord me ndryshimet që po i bëhen ligjit të zgjedhjeve, ai tha se “kjo është një çështje që mbahet zvarrë prej vitesh. “Asnjëra prej partive të mëdha s’ka dëshirë ta bëjë reformën zgjedhore. Është e kot tu themi sot shqiptarëve se kjo quhet “reformë zgjedhore”, është një arnim i asaj që është bërë më parë. Për të qenë i sinqert ne e kemi pranuar për hir të PD-së. Arsyeja pse e kemi pranuar është se shpresojmë të shkojmë në zgjedhje të jashtëzakonshme me një ligj të jashtëzakonshëm. Duhet si fillim një marrëveshje e madhe në tavolinë dhe më pas rishkimi i sistemit zgjedhor. Nëse shkojmë në zgjedhjeve në pranvere, ia vlen të shkojmë me këtë lloj ‘reformë’. Nëse shkojmë në zgjedhje në kohën normale, në 2021 atëhere ka kohë për të bërë një reformë të plotë zgjedhore”, tha Shehi.

I pyetur se pse opozita e bashkuar kërkon me ngulm zgjedhjet e parakohshme, ai tha se “çdo ditë që rrimë në këtë lloj qeverisje nga ky grup politiko-oligark është një hall më shumë dhe vuajtje për popullin e varfër. Në këtë skenë s’po dominon e majta, por një grup kapitalistësh të egër që po pasurohen në kurriz të popullit”, u shpreh Dashamir Shehi.

Për ta ilustruar ai tha se këto qitë qeveria qetësisht kaloi një vendim në funksion të ligjit të koorporatës. “Për çfarë e bën këtë për të ndarë pasurinë publike tek aleatët e vet. I kanë edhe projektet gati për hotele me 5 yje. Kjo tregon se sa perfide është. Ndaj dua t’ju them shqiptarë mos shihni ç’bën në mëngjes ky njeri (Rama) që shfaqet sikur është në merak për ata që janë dëmtuar nga termeti, por shihni se çfarë vendimesh merr në darkë për ndarjen e pasurisë apo për ti mbyllur gojën medias”, theksoi ai./abcnews.al

DASHAMIR-SHEHI-1280x720.jpg
in a15:16 | 25/11/2019

Aksioni i Ilir Metës për të mbrojtur kushtetutën e Shqipërisë për kreun e LZHK-së, Dashamir Shehi është brenda kornizave institucionale që duhet të ketë një kryetar shteti. Por kur bëhët fjalë për thirrjet e tij për organizimin e protestave popullore, Shehi është kategorik dhe i kujton Presidentit se po hyn në terrenin e opozitës e cila prej 6 vitesh drejtohet nga Lulzim Basha.

Presidentit i prezantuan kërkesën për zgjedhje të parakohshme, por përballë kanë një kryeministër që nuk e konsideron opozitën në pozitat për t’i mponuar vendit zgjedhje të reja. Dhe këtë herë përgjegjësinë Shehi e sheh te vendimarrja  e kreut të opozitës për të ndalur protestat.

Sipas aleatit të demokratëve nëse në 2020-tën nuk do të ketë zgjedhje të parakoshme, nxitimi për një reformë të re zgjedhore është i panevojshëm.

Shehi kërkon që forcat e opozitës të rrisin presionin ndaj qeverisë, duke e detyruar kryeministrin Rama të çoj vendin drejt zgjedhjeve të parakoshme, duke kujtuar se zgjedhjet e 2021 do të ishin një goditje e fortë për opozitën por edhe për të gjithë vendin. /abcnews.al

 

dashamir-shehii.jpg
ad min21:56 | 19/09/2019

Kreu i LZHK-së, Dashamir Shehi kërkon që opozita e bashkuar, t’i vendosë si kusht qeverisë për zgjidhjen e krizës, 9 kërkesat e Gjermanisë për çeljen e negociatave. Për ABC Neës, Shehi ka deklaruar se opozita nuk ka thirrur protesta, pasi nuk do t’i japë alibi mazhorancës për çeljen e negociatave, ndërkohë që thekson se i gjithë spektri opozitar duhet të punojë për zgjedhje të parakohshme.

Aleati i Partisë Demokratike, Dashamir Shehi do t’i propozojë koalicionit opozitar që në tryezë me mazhorancën të ulen me të gjitha kushtet që Gjermania pritet të vendosë për Shqipërinë për çeljen e negociatave.

I ftuar në studionin e ABC News, Shehi tha se kërkesat e Gjermanisë përmbushin plotësisht kërkesat e opozitës për hetim të krimeve zgjedhore dhe zhvillimin e zgjedhjeve të lira dhe të ndershme.

Kreu i LZHK-së thekson se opozita në çdo situatë do të pranonte vetëm opsionin e zgjedhjeve të parakohshme dhe largimin e Edi Ramës si kryeministër.

Shehi ka shpjeguar edhe arsyen përse opozita nuk ka thirrur protesta kombëtare, duke theksuar se faturën për një dështim të mundshëm për negociatat duhet ta mbajë vetëm mazhoranca.

Partitë opozitare kanë dakordësuar hartimin e një platformë për daljen nga kriza, të cilën pritet ta bëjnë publike edhe si ofertën  e tyre për mazhorancën, duke kërkuar një tryezë dialogu për zgjidhjen e ngërçit politik. /ABC News Albania 24/7

dashamir-shehi-1.jpg
ad min20:30 | 19/09/2019

E respekton Presidentin Ilir Meta për pozicionin që ka marrë, por ka kundërshtitë e tij edhe për disa çështje të caktuara. Një ndër to është edhe deklarata e fundit e në Komisionin Hetimor Parlamentar se kishte informacion për djegien e Kuvendit në një protestë të opozitës.

Sipas kryetarit të LZHK-së, Dashamir Shehi, ky pozicion i ri i Metës nuk duket logjike. Ai tha gjatë rubrikës “Mbrëmje Ide” me gazetaren Mirela Milori se nuk kishte pasur më përpara një informacion të tillë.

Gjithashtu, Shehi tha se ka qenë pro pozicionit të Metës për t’i dhënë kohë politikës për të rinegociuar, por datën 13 Tetor për zgjedhjet e konsideron të pamjaftueshëm për të zgjidhur problemet që nxorrën opozitën jashtë Kuvendit.

“Nga e gjithë kjo histori do ju them që ka të vërteta, ka ekzagjerime. Ne respektojmë presidentin për një lloj pozicioni që ka marrë për t’u ndeshur me Ramën, i cili automatikisht përkthehet si një mbështetje ndaj opozitës. Mundet që në këtë mes të ketë edhe elementë të së vërtetës. Mos të harrojmë që Meta është një njeri politik. Shumë nga këto lëvizje i ka bërë me iniciativën e vet, jo me opozitën. E ka thirrur opozitën kur i është dashur për ta thërritur. Për shembull zoti President ka ngulur këmbë për zgjedhure më 13 Tetor. Ne e kemi çmuar pozicioni presidencial për të fituar kohë, për t’i dhënë shans edhe njëherë politikës shqiptare për të rinegociuar, por e konsiderojmë të pamjaftueshme datën 13 Tetor për të zgjidhur hallin e madh për të cilën opozita doli në rrugë. Këtu jemi kundër Presidentit.

Unë gjykoj që pozicioni i ri i Presidenti që po digjej parlamenti, do digjej parlamenti, domethënë që linja politike të kthehet në një linjë subversive me mua personalisht nuk takon. Pse? O duhej të na lajmëronin që brenda kësaj linjë ka edhe gjëra subversive, në qoftë se ka. Unë gjykoj që nga kampi opozitar nuk është hedhur kurrë në drejtim të Kuvendit edhe një shkrepëse.  Nuk kisha ndonjëherë informacion, por edhe kolegë të mi s’e kemi dëgjuar. Ne kemi dëgjuar nga presidenti vetë, i cili thotë që i shtyjmë zgjedhjet sepse kemi nevojë të gjithë për paqe, kohë dhe reflektim. Mrapsht nuk mund ta kthej analizën time. Mua nuk më duket logjike. Unë do ta kisha bërë dhe do ta quaja të pranueshme, justifikueshme dhe të moralshme që data është shtyrë për t’i dhënë shans palëve në Shqipëri të rimendojnë për një situatë politike.

Unë gjykoj që politika është një gjë që bëhet në sipërfaqe dhe duhet të jetë transparente. Lëvizje nga këto subversivet nuk jam në gjendje t’i interpretoj”, tha Shehi.

Ndërkohë Partia Socialiste do ta rrëzojë presidentin, sipas Shehit, të cilin e sheh atë si institucionin e fundit kundërshtar ndaj qeverisë, për të futur frikë si në kohën e komunizmit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono