DASH

ilir-meta-1.jpg
in a19:56 | 22/11/2019

Presidenti i Republikës, Ilir Meta ka reaguar pas deklaratës së Departamentit Amerikan të Shtetit. Presidenti Meta konfirmon vendosmërinë e Tij për të bashkëpunuar ngushtë me DASH dhe SHBA për zbatimin e Reformës në Drejtësi sipas Kushtetutës së miratuar në bashkëpunim me SHBA dhe Komisionin e Venecias.

Deklaratë e Presidentit të Republikës Ilir Meta:

Presidenti i Republikës, Meta vlerëson maksimalisht deklaratën e sotme të Departamentit të Shtetit të SHBA. Presidenti Meta përshëndet qëndrimin e DASH se: “respektimi i ligjit është mbi të gjitha”. Presidenti Meta konfirmon vendosmërinë e Tij për të bashkëpunuar ngushtë me DASH dhe SHBA për zbatimin e Reformës në Drejtësi sipas Kushtetutës së miratuar në bashkëpunim me SHBA dhe Komisionin e Venecias.

Presidenti Meta i qëndron besnikërisht të gjitha qëndrimeve të tij të qarta dhe transparente, të shprehura zyrtarisht për përfaqësuesit e lartë amerikanë gjatë 5 viteve të fundit, që i përsëriti dhe në bisedën zyrtare telefonike që zhvilloi mbrëmjen e 20 nëntorit me Zv.Ndihmës Sekretarin e Shtetit të SHBA, z.Matthew Palmer. Aleanca strategjike midis Shqipërisë dhe SHBA dhe miqësia e shkëlqyer midis dy vendeve dhe popujve tanë është e palëkundur./abcnews.al

Edi-Paloka-1280x853.jpeg
in a18:52 | 22/11/2019

Nënkryetari i Partisë Demokratike, Edi Paloka ka reaguar në rrjetin social “Facebook” pas deklaratës së Departamentit Amerikan të Shtetit i cili vlerësoi si synim parësor respektimin e ligjit.

“Jo shtet të bandave dhe oligarkëve, por shtet të ligjit dhe te lirise . Duam një Shqipëri si gjithe Evropa”, shkruan Paloka.

Statusi:

Edhe një here Departamenti Amerikan i Shtetit vendoset ne krah te shqiptareve dhe tregon se perse SHBA jane kampionet e lirise dhe demokracise ne bote.

“Ligji mbi te gjitha”…Kaq e thjeshte eshte  dhe kete po kerkojne shqiptaret, kete po kerkon dhe opozita shqiptare ; rikthimin tek ligji, tek Kushtetuta dhe tek rregullat elementare te Demokracise.

Jo shtet te bandave dhe oligarkeve, po shtet te ligjit dhe te lirise . Duam nje Shqiperi si gjithe Evropa!/abcnews.al

sta.jpg
in a16:49 | 22/11/2019

Departamenti i Shtetit thotë se “është në dijeni” të komenteve të Presidentit Ilir Meta ndaj ambasadës së Shteteve të Bashkuara dhe diplomatëve amerikanë dhe se “është duke e vëzhguar situatën”.

Duke iu përgjigjur interesimit të “Zërit të Amerikës” për komentet e djeshme të Presidentit Meta, zëdhënësi i Departamentit të Shtetit tha se “respektimi i ligjit është mbi të gjitha”.

“Qëndrimi i Shteteve të Bashkuara nuk ka ndryshuar”, thotë zëdhënësi, duke shtuar se “vazhdimi i përparimit me reformat është jetik për stabilitetin dhe begatinë e Shqipërisë, si dhe për çuarjen përpara të synimit tonë të përbashkët, atë të anëtarësimit të Shqipërisë në Bashkimin Evropian”. Shtetet e Bashkuara, shton më tej zëdhënësi, “do të vazhdojnë të mbështetin Shqipërinë si një vend mik, partner dhe aleat, teksa vendi kryen reforma jetike”.

Dje, Meta u përplas me ambasadën amerikane, pasi kjo e fundit, sugjeroi që konflikti nëse gjyqtare kushtetuese duhet të jetë Arta Vorpsi apo Marsida Xhaferllari, të zgjidhej nga Komisioni i Venecias./abcnews.al

zvsekretari.jpg
ad min20:11 | 22/10/2019

Nuk mund t’ia dalë e vetme qeveria shqiptare të ngrejë strukturat e reja anti-korrupsion. E përfshirë në këtë proces është veçanërisht qeveria e shteteve të Bashkuara të Amerikës. Këtë e konfirmon zv/ Ndihmës Sekretari amerikan për Çështje të Narkotikëve dhe Ligjzbatimit Jorgan Andreës në një intervistë për Zërin e Amerikës.

“Kemi punuar fort për të ndihmuar Shqipërinë që të krijojë procesin e përzgjedhjes, për të siguruar që personat që vijnë në këto struktura të jenë kontrolluar (vetuar), dhe sillen si duhet pasi bëhen pjesë e atyre strukturave. Ideja është që pasi këto struktura të jenë themeluar dhe ngritur me personat e duhur, ata të mund të ndihmojnë institucionet shqiptare të bëhen më të forta, më transparente dhe të ofrojnë shërbime më të mira dhe drejtësi për qytetarët”.

Një pikë tjetër kyçe për reformimin e sistemit të drejtësisë janë burgjet. Së fundmi u njoftua për një mbështetje prej 920 mijë dollarësh amerikanë për përmirësimin e sistemit të burgjeve në Shqipëri që për Zv. Ndihmës Sekretari amerikan për Çështje të Narkotikëve dhe Ligjzbatimit qeveria shqiptare ka nivel të lartë vullneti politik të investuar në reformimin e të gjithë sistemit.

“Nëse reformohet policia, prokurorët dhe gjykatat, por nuk ke bërë gjë me burgjet, pavarësisht nëse arreston, heton dhe dënon një anëtar të krimit të organizuar, ai person mund të shkojë në burg dhe prapë ta drejtojë sipërmarrjen kriminale nga burgu. Pra, sistemi i burgjeve është pjesë kyç e përpjekjes për reforma në sistemin e drejtësisë dhe interesi ynë është që të ndërtojmë një program që ndihmon për të siguruar që qeveria në fakt t’i kontrollojë burgjet dhe të sigurohet që të burgosurit nuk vazhdojnë të drejtojnë sipërmarrjet e tyre kriminale nga burgu”.

Për qeverinë e Shteteve të Bashkuara zbatimi i masave antikorrupsion do të forconte rolin e agjencive ligjzbatuese në luftën kundër krimit të organizuar dhe trafiqeve të drogës./ABC News Albania

arben-pellumbii.jpg
ad min21:41 | 21/10/2019

Sekretari organizativ i Partisë Socialiste, Arben Pëllumbi, deklaroi në televizionin ABC News se selia rozë është e gatshme të futet në zgjedhje të parakohshme nëse e kërkon elektorati.

Por sipas tij është shumë e rëndësishme që të realizohet reforma zgjedhore. Kjo pasi, reforma do të plotësonte kushtet që zgjedhjet e ardhshme të njihen nga forcat politike.

Mirela Milori: Më thatë që PS është e gatshme të hyjë në zgjedhje. Nëse e keni këtë siguri përse nuk mendoni që të hyni në zgjedhje të parakohshme dhe të fitoni?

Arben Pëllumbi: Politika nuk është kështu. Nuk është se na mbushte mendja dhe bëjmë çdo gjë. Ne jemi përfaqësues. Jemi votuar dhe një elektorat i caktuar i joni na ka votuar për të bërë qeverisjen e vendit në katër vjet. Humbja e mazhorancës, zgjedhjet e parakohshme duhet të kenë arsye shumë të forta. Ose duhet të humbësh mazhorancën në parlament ose duhet të ndiesh që nuk ke mbështetjen e elektoratit.

Mirela Milori: Edhe JO-ja e negociatave është arsye e fortë.

Arben Pëllumbi: Ne mendojmë që çështja e negociatave bën mirë të mos artikulohet kaq shumë se në fund fare në elektorat përkthehet si në një mbështetje për ne. Patëm një mbështetje të qeverisë gjermane, asaj italiane, të DASH. Franca nuk e ka ndryshuar pozicionin e Francës dhe është drejtpërdrejtë në raport me BE-në.

Mirela Milori: Nëse jeni kaq të bindur për fitoren pse nuk hyni në zgjedhje?

Arben Pëllumbi: Duhet fillimisht të kemi kushtet e përshtatshme për të bërë një palë zgjedhje për të mos qenë një palë zgjedhje që prapë s’njihen. Hë për hë është reforma zgjedhore.

Mirela Milori: Nëse do e keni këtë reformë zgjedhore mund të filloni të mendoni për opsionin e zgjedhje të parakohshme?

Arben Pëllumbi: Nëse elektorati na e kërkon, PO./abcnews.al

edi-rama-fcb-1280x693.jpg
nev ila23:26 | 18/10/2019

Në lidhje me reagimin e DASH për zhgënjimin e kësaj të fundit, në lidhje me hapjen e negociatave me Shqipërinë dhe Maqedoninë nga Këshilli Evropian, ka reaguar Kryeministri Rama, ku përmes një postimi në rrjetet sociale, falënderon Departamentin e Shtetit për këtë reagim.

“Faleminderit”, shkruan Rama ndërsa ka postuar të plotë reagimin nga DASH.

“THANK YOU?????

Departamenti Amerikan i Shtetit mbi “Konkluzionet e Këshillit Europian për Zgjerimin” deklaron:

Shtetet e Bashkuara mbështesin përkushtimin e Maqedonisë së Veriut dhe Shqipërisë ndaj integrimit transatlantik dhe aspiratat e tyre për anëtarësim në Bashkimin Europian.

Jemi të zhgënjyer që Këshilli Europian nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë. Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik.

Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër.

Shtetet e Bashkuara do të mbeten partner strategjik i Maqedonisë së Veriut dhe Shqipërisë teksa vazhdojnë punën për të forcuar sundimin e ligjit, për të çuar përpara përpjekjet anti-korrupsion, për të zhvilluar ekonomitë e tyre dhe për të luftuar krimin e organizuar. I nxisim të dy vendet të mbeten të palëkundur në ndërtimin e shoqërive transparente, të bazuara në rregulla dhe demokratike që iu përgjigjen nevojave të qytetarëve. Shtetet e Bashkuara do të vazhdojnë të punojmë me partnerët europianë për të çuar përpara synimet e përbashkëta të stabilitetit dhe sigurisë në Ballkanin Perëndimor“./abcnews.al

dash.jpg
nev ila23:19 | 18/10/2019

Departamenti Amerikan i Shtetit përmes zëdhënëses Morgan Ortagus ka shprehur zhgënjimin në lidhje me refuzimin e hapjes së negociatave me Shqipërinë dhe Maqedoninë e Veriut nga Këshilli i Europës. DASH ka deklaruar se të dy vendet bënë përpjekje shumë të forta dhe se një vendim pozitiv do të rikonfirmonte besueshmërinë e rrugës drejt BE dhe pengimin e aktorëve të jashtëm dashakeq të cilët kërkojnë të minojnë vlerat perëndimore euro-atlantike.

“Shtetet e Bashkuara mbështesin angazhimin e Maqedonisë së Veriut dhe Shqipërisë për integrimin transatlantik dhe aspiratat për t’u anëtarësuar në Bashkimin Evropian. Jemi të zhgënjyer që Këshilli Evropian nuk i njohu përpjekjet shumë të forta të reformës së secilit vend duke rënë dakord për të hapur negociatat e pranimit në këtë kohë. Një vendim pozitiv do të rikonfirmonte besueshmërinë e rrugës së tyre në BE dhe do të shtyhej fort kundër aktorëve të jashtëm keqdashës, të cilët kërkojnë të minojnë vlerat perëndimore dhe komunitetin euro-atlantik. Ne e pranojmë që Këshilli Evropian nuk i tha “jo” as Shqipërisë, as Maqedonisë Veriore, dhe as BE-ja nuk vendosi kushte të reja për hapjen e negociatave të pranimit. Shpresojmë që Këshilli Evropian të arrijë një konsensus mbi një vendim pozitiv për të dy vendet përpara Samitit BE-Ballkan Perëndimor në majin e ardhshëm.

Shtetet e Bashkuara do të mbeten një partner strategjik i Maqedonisë së Veriut dhe Shqipërisë pasi ata vazhdojnë punën e tyre për të forcuar sundimin e ligjit, përpjekjet e mëtejshme kundër korrupsionit, zhvillimin e ekonomive të tyre dhe luftimin e krimit të organizuar. Ne i inkurajojmë të dy vendet të qëndrojnë të palëkundura në ndërtimin e një shoqërie transparente, të bazuar në rregulla, demokratike, të përgjegjshme për nevojat e qytetarëve. Shtetet e Bashkuara do të vazhdojnë të punojnë me partnerët evropianë për të përparuar qëllimet e përbashkëta të stabilitetit dhe sigurisë në Ballkanin Perëndimor“, shkruan në reagim DASH./abcnews.al

931D93AB-F3F3-47DC-A112-8E6BBE1EF722_w1023_r1_s.jpg
ent ela15:08 | 08/10/2019

Në deklaratën e parë për zgjedhjet në Kosovë, një zëdhënës i Departamentit të Shtetit tha se Shtetet e Bashkuara presin që qeveria e re të rifillojë menjëherë bisedimet me Serbinë drejt një marrëveshjeje për normalizimin e marrëdhënieve.

Shtetet e Bashkuara tha zëdhënësi, urojnë popullin e Kosovës për përfundimin e suksesshëm të zgjedhjeve parlamentare. Ai shtoi se SHBA pret që punojë me një qeveri të re pro-dialog, që të jetë e angazhuar për forcimin e demokracisë dhe paqes, për drejtësi dhe mirëqenie për gjithë qytetarët e Kosovës.

“Ne mirëpresim mundësinë të punojmë me një qeveri të re pro-dialog, që të jetë e angazhuar për forcimin e demokracisë dhe paqes, për drejtësi dhe mirëqenie për gjithë qytetarët e Kosovës. Ne kemi qenë të qartë për pritshmërinë tonë, që udhëheqja e re e Kosovës të jetë e gatshme të rifillojë menjëherë bisedimet me Serbinë dhe të punojë drejt një marrëveshjeje për normalizimin e marrëdhënieve”. /abcnews.al

lulzim-basha123.jpg
ad min16:28 | 04/09/2019

Për rreth një orë, kryetari i Partisë Demokratike Lulzim Basha ka zhvilluar një takim me David Kostelancik, Drejtori për Europën Qendrore e Jugore në Departamentin e Shtetit. Sipas burimeve nga selia blu, në fokus të takimit ka qenë reforma zgjedhore dhe kriza politike në Shqipëri.

“Zgjedhjet e 30 qershorit treguan se Shqipëria me këtë qeveri nuk organizon zgjedhje të lira dhe të ndershme”, mësohet t’i ketë thënë Basha zyrtarit të lartë të Departamentit Amerikan të Shtetit.

Burime bëjnë të ditur se zyrtari i DASH i ka kërkuar shefit të opozitës angazhim në reformën zgjedhore./ABC News Albania 24/7

DASH-1280x720.jpg
nev ila10:06 | 20/07/2019

Ka reaguar edhe Departamenti Amerikan i Shtetit për dorëheqjen e kryeministrit të Kosovës Ramush Haradinaj. Në një deklaratë të shkurtër për Zërin e Amerikës thuhet

 “Shtetet e Bashkuara përgëzojnë respektimin nga ana e tij, të thirrjes për t’u paraqitur para Zyrës së Prokurorit të Posaçëm të Dhomave të Posaçme për Kosovën”.

Haradinaj tha dorëheqjen të premten, dhe deklaroi se arsyeja ishte ftesa për t’u marrë në pyetje si I dyshuar nga Dhomat e Specializuara në Hagë si i dyshuar.

Dhomat e Posaçme, apo siç njihen në Kosovë, Gjykata e Posaçme me seli në Hagë, u themelua me vendim të parlamentit të Kosovës. Në të punojnë prokurorë e gjykatës ndërkombëtar që trajtojnë pretendimet për përfshirjen e ish pjesëtarëve të Ushtrisë Çlirimtare të Kosovës në krime lufte dhe të pasluftës./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono