darke informale

vial.jpg
ent ela22:50 | 28/05/2019

Mbi tre orë e gjysmë ka zgjatur darka e punës së kryeministrit Rama me deputetët e ministrat socialistë me qëllim koordinimin e fushatës elektorale të 30 qershorit. Në darkën që nisi në orën 19.00 në ambientet e vilës 31 në ish bllok ishte i gjithë shtabi elektoral i PS, përfshi grupet e komunikimit.

Nuk pati asnjë komunikim me mediat e pranishme jashtë ambienteve të vilës 31, por siç ka njoftuar kryeministri, socialistët do e çelin fushatën zgjedhore të shtunën e 1 qershorit.

Një tubim elektoral për hapjen e fushatës në kryeqytet do mbahet në orën 17:00 në ambientet e parkut olimpik. Pjesë e strategjisë së socialistëve për fushatën e vendoreve është edhe marrëdhënia me opozitën, e cila ka bojkotuar procesin e zgjedhjeve./ABC News Albania 24/7

lideret-Be.jpg
nev ila19:05 | 28/05/2019

Udhëheqësit e 28 vendeve të BE, përfshi kryeministren britanike në largim Tereza Mey kanë mbërritur në Bruksel për një darkë informale pune. Anëtarët e Këshillit Evropian do diskutojnë për pasardhësin e presidentit të Komisionit Evropian Zhan Klod Junker dhe postet e tjera kyçe, përfshi edhe kreun e Bankës Qendrore Evropiane, bazuar në rezultatin e zgjedhjeve te 23-26 Majit në 28 vendet e BE.

Negociata të vështira, interesa kombëtare, linja partiake e çështje gjinore do vazhdojnë të zhvillohen deri në samitin kyç të Këshillit Evropian që do mbahet me 20 e 21 qershor. Një pengesë mund të vijë nga brenda parlamentit evropian, pasi liderët e BE duan që kryetarët e shteteve të tërhiqen nga refuzimi për të zëvendësuar Junkerin me një ligjvënës nga radhët e tyre.

Po tentohen të krijohen aleancat e para, ndërsa ndryshe nga e kaluara këtë herë partitë e qendrës së djathtë e të majtë, dy grupimet tradicionalisht më të mëdha në parlamentin evropian po përballen me diferenca nga aktorë të tjerë të votuar e darka e mbrëmjes së sotme është një tentativë e parë për kompromis./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono