darkat e luksit

XVM73d90f44-a3e9-11e9-b82e-7537cbeba650.jpg
ent ela12:15 | 12/07/2019

Ministri francez i ambientit është përfshirë në një skandal financiar me mediat që e akuzojnë se po bën jetë luksi me paratë e taksapaguesve. Ai ka pranuar të rimbursojë personalisht shpenzimet e tepruara por nuk pranon të japë dorëheqjen.

Është gati të rimbursojë çdo shpenzim të tepruar ministri francez i ambjentit Fransua de Rugi, i akuzuar nga mediat se po bën jetë luksi me paratë e taksapaguesve, me darka me shampanjë dhe gaforre për bashkëshorten e tij dhe miqtë. Ministri nuk do të japë dorëheqjen pavarësisht se janë disa palët që kërkojnë largimin e tij nga posti pas publikimit të pamjeve ku shihet ministri në një tryezë të zbukuruar për Shën Valentin, e ndriçuar me qirinj përballë gaforreve gjigante dhe një tapeti me petale trëndafilash.

Darkat e shtrenjta si dhe ristrukturimi i zyrës që i ka kushtuar taksapaguesve 63 mijë euro, daton në periudhën qershor 2017 – tetor 2018, kur ai ishte kryetar i parlamentit. Ministri francez i cilësoi groteske akuzat, ndërsa mediat raportojnë se ai është njeriu kyç për reformën e ambientit të kërkuar nga presidenti Emanuel Macron. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono