dalja

rinas-1.jpg
ger ta10:06 | 01/02/2020

Britania e Madhe mesnatën e mbrëmshme u larguar përfundimisnt nga blloku i Bashkimit Europian, 47 vite pas anëtarësimit.

Ndërkohë, Autoritet i Aviacionit Civil Shqiptar ka dhënë mbrëmë një njoftim të rëndësishëm për këtë  vendim historik të Britanisë. Sipas AAC dalja e Britanisë nga BE nuk do të ndryshojë asgjë për pasagjerët dhe kompanitë ajrore.

“Në mesnatë Mbretëria e Bashkuar del përfundimisht nga Bashkimi Evropian.

Sqarohen të gjithë të interesuarit se asgjë nuk do të ndryshojë në fushën e aviacionit civil për pasagjerët dhe kompanitë ajrore.

Fluturim të mbarë dhe të sigurt të gjithë qytetarëve të dy shteteve që kanë planifikuar të udhëtojnë midis dy kryeqyteteve”, njofton Aviacioni Civil”, thuhej në njoftimin e AAC. 

 

brexit.jpg
nev ila23:22 | 09/01/2020

Dhoma e përfaqësuesve në Britaninë e madhe ka votuar për miratimin e ligjit për daljen e Britanisë së Madhe nga Bashkimi Europian, duke i hapur kështu më në fund rrugën Brexitit më 31 Janar, pas vitesh bllokimit politik të këtij procesi. Deputetët votuan me shumicë votash pro marrëveshjes ligjore për daljen nga BE, që do kthehet në ligj sapo të miratohet siç pritet nga Dhoma e Lartë e Lordëve.

Kalimi i këtij ligji është një fitore për kryeministrin Boris Xhonson, që ka kërkuar gjithnjë largimin e Britanisë nga BE në datën e caktuar.

Britanikët kanë votuar pro daljes nga BE në referendumin e 2016. Por përpara zgjedhjeve parlamentare të 12 dhjetorit, deputetët kanë penguar sistematikisht përpjekjet si të kryeministrit Boris Xhonson, ashtu edhe të paraardhëses së tij Tereza Mej, për të siguruar mbështetje në planet e tyre për Brexit.

Sidoqoftë, premtimi i përsëritur i Xhonson për ta realizuar Brexitin në 31 janar, nisja e procesit do jetë vetëm fillesa e etapës së parë për daljen e vendit nga BE. Britania dhe BE do duhet të nisin negociata për marrëdhënien e tyre të ardhshme, në një garë për të arritur marrëveshje të reja për tregtinë, sigurinë dhe një mori fushash të tjera deri në fund të vitit 2020.

“Largimi nga BE, nuk do të thotë se e kryem Brexit-in”, tha një zëdhënës i Partisë Laburiste në opozitë.

“Ne plotësuam hapin e parë, largimin, por etapat e vështira i kemi ende përpara”.

Zyrtarët e lartë në Britani e BE thonë se arritja e një marrëveshje të re do jetë shumë e vështirë. Negociatori i BE për Brexit-in, Mishel Barier thotë se insistimi i Xhonson për të arritur një marrëveshje të tregtisë së lirë brenda fundit të 2020-ës nuk është realist.

“Ne nuk presim të biem dakord në çdo aspekt të këtij partneriteti të ri”, tha Barnier, duke shtuar se “ne jemi gati të bëjmë më të mirën në 11 muaj”.

Kryeministri Xhonson thotë se Mbretëria e Bashkuar po kërkon një marrëveshje të gjerë të tregtisë së lirë me Unionin, por nuk do të pranojë të respektojë të gjitha rregullat e standardet e BE. Ç’ka kërkon është liria për të vepruar e kërkuar marrëveshje të reja tregtare në të gjithë botën./abcnews.al

mbreteresha-elisabet-1280x826.jpg
nev ila15:51 | 14/10/2019

Britania e Madhe do të dalë nga Bashkimi Europian në 31 tetorin e ardhshëm. Vendimi i qeverisë Johnson është ritheksuar dhe njëherë nga Mbretëresha Elizabet gjatë fjalës së saj në parlamentin britanik.

Brexit, është mbretëresha Elizabetë ajo që ka lexuar programin e qeverisë, në parlamentin britanik, për kohën e daljes së Britanisë së madhe nga Bashkimi eruropian. Ndër të tjera ajo u shpreh se qeveria dëshiron daljen nga BE në 31 tetor të këtij viti. Qeveria britanike e Boris Johnson, në këtë mënyrë rithekson fort vendimin që Brexit të hyjë në fuqi në 31 tetor.

Ndërkohë një pikë tjetër e rëndësishme e programit të qeverisë britanike është ajo e një marrëveshjeje të re bashkëpunimi me Brukselin, por dhe për ndalimin e lëvizjes së lirë.

Mes ligjeve të programit të muajve të ardhshëm, konfirmohet gjithashtu dhe objektivi për hyrjen në fuqi që nga 2021, të lejimit të hyrjes së emigrantëve në Mbretërinë e Bashkuar, duke u bazuar tek aftësitë e tyre./abcnews.al

johnson-2.jpg
ent ela15:50 | 29/09/2019

Kryeministri britanik Boris Xhonson nuk ka ndërmend të heqë dorë nga premtimi për ta nxjerrë Mbretërinë e Bashkuar nga BE-ja më 31 tetor. Duke ritheksuar parullën e tij “Bëj ose vdis”, Xhonson ka lënë të kuptohet se do të shpërfillë ligjet e miratuara në Parlament, që i vendosin shkopin ndër rrota planeve të tij.

Kryeministri britanik Boris Xhonson u zotua ditën e diel se do të vazhdojë të qëndrojë në detyrë edhe nëse nuk arrin të sigurojë një marrëveshje për Breksit. I cituar nga mediat ndërkombëtare, Xhonson deklaroi se qeveria e tij konservatore do ta nxjerrë Mbretërinë e Bashkuar nga BE-ja më 31 tetor, çfarëdo që të ndodhë.

Në fillim të konferencës vjetore të partisë së tij, që mbahet  në qytetin e Mançesterit, Xhonson do të përpiqet të përcjellë mesazhin “bëj ose vdis”, që është dalja nga BE-ja në fund të tetorit me apo pa një marrëveshje. Por në rrugën e tij ka shumë pengesa, shkruan BBC, sipas të cilës një prej tyre është ligji i miratuar në Parlament, që e detyron Xhonson të kërkojë një shtyrje të Breksit nëse nuk siguron dot një marrëveshje me Brukselin brenda datave 17-18 tetor, kur mbahet dhe samiti i vendeve të BE-së. Xhonson sërish refuzoi të shpjegojë se si ka në plan ta devijojë ligjin dhe të mbajë premtimin e bërë për Breksit, duke thelluar pasiguritë mbi atë që pritet të jetë ndryshimi më i madh tregtar dhe diplomatik i Britanisë së Madhe në më shumë se 40 vjet.

“Njerëzit e ndjejnë se ky vend po i afrohet një momenti të rëndësishëm, kur duhet të bëjë një zgjedhje. Neve na duhet ta realizojmë Breksit më 31 tetor dhe unë do ta bëj këtë”, tha Xhonson për BBC.

I pyetur nëse do të jepte dorëheqjen në rast se do t’i duhej të kërkonte një shtyrje të afatit, ai u përgjigj: “Jo. Unë kam marr përsipër të udhëheq partinë dhe vendin tim në një kohë të vështirë dhe do të vazhdoj ta bëj. Besoj se kjo është përgjegjësia ime”, tha Xhonson. /ABC news Albania 24/7

BREXIT-OPOZITA_ABC-M4-T2.mpg_snapshot_00.02-1280x720.jpg
ent ela18:34 | 27/08/2019

Partitë e opozitës në Britani kanë bashkuar forcat në përpjekje për të ushtruar presion ndaj kryeministrit Boris Xhonson që të kërkojë një shtyrje tjetër të Breksit. Sipas opozitës, kryeministri nuk mund të anashkalojë Parlamentin në këtë proces të rëndësishëm.

Partitë e opozitës në Mbretërinë e Bashkuar kanë deklaruar se do të përpiqen të miratojnë një ligj që detyron kryeministrin Boris Xhonson të kërkojë një shtyrje të daljes së Britanisë nga BE-ja dhe që parandalon në këtë mënyrë daljen kaotike pa marrëveshje. Mbretëria e Bashkuar po shkon drejt një krize kushtetuese të brendshme dhe njëkohësisht drejt një përplasjeje me BE-në, pasi Xhonson është betuar se do ta braktisë bllokun brenda 66 ditësh pa një marrëveshje, veç rastit nëse Brukseli pranon ta rinegociojë divorcin. Parlamenti britanik do të mblidhet sërish javën e ardhshme dhe po përgatitet për një debat të fortë me Xhonson. Kryetari i laburistëve Xheremi Korbin organizoi takimin me partitë e opozitës ditën e martë, takim në të cilin u ra dakord se miratimi i ligjit që detyron qëverinë të kërkojë një shtyrje të Breksit do të gëzojë mbështetjen e shumicës së ligjvënësve. “Ne do të bashkohemi dhe do të bëjmë gjënë e duhur për vendin tonë”, deklaroi Ana Subri, kryetare e partisë Grupi i Pavarur për Ndryshim. Ajo theksoi se opozita është kundër një kryeministri që nuk ka mandat për të bërë manovrat që ai kërkon dhe që shpërfill parlamentin. Faktikisht, partitë e opozitës po përpiqen të përsërisin atë që bënë më herët gjatë vitit, kur ligjvënësit morën nën kontroll axhendën parlamentare për miratimin e një ligji që detyronte ish-kryeministren Theresa Mej të kërkonte një zgjatje të anëtarësisë së Britanisë në BE. /ABC News Albania 24/7

XHONSON-NE-PARLAMENT-ABCM5T1.mpg_snapshot_00.24-1280x720.jpg
ent ela15:10 | 25/07/2019

Në fjalën e tij të parë si kryeministër në parlamentin e vendit, Boris Xhonson premtoi se do ta nxjerrë Britaninë e Madhe nga Bashkimi europian Brenda datës 31 tetor. Madje ai tha se Mbretëria e Bashkuar në qeverisjen e tij do të bëhej vendi më i mirë në botë për të jetuar.

Boris Xhonson në fjalimin e tij të parë si kryeministër në parlamentin britanik konfirmoi objektivin për të kompletuar Brexit deri në 31 tetor. Mes protestave të opozitës në sallë ai theksoi se do të bënte Mbretërinë e Bashkuar vendin më të mirë në tokë për të jetuar. Një vend të gjelbër, të zhvilluar, besimplotë dhe ambicioz, i cili mund të jetë ekonomia e parë në Europë, shtoi ai, duke ironizuar mbi negativitetin e opozitës dhe pesimistëve. Më pas Xhonson tha se Brukseli duhet të rishohë qëndrimin e tij dhe të pranojë ndryshimet në marrëveshje. Në rast të kundërt, paralajmëroi ai, Mbretëria e Bashkuar do të dalë nga Bashkimi Europian pa një marrëveshje. Vendi deklaroi ai, është më i përgatitur nga sa mendohet për këtë skenar. Mbretëria e Bashkuar nuk do të emërojë, në asnjë rrethanë, një komisioner europian britanik, theksoi kryeministri Xhonson.

Madje ai e renditi si një prioritet të qeverisë së tij impenjimin për tu përgatitur për një Brexit pa marrëveshje. Xhonson refuzoi në këtë mënyrë marrëveshjen e arritur nga Tereza Mej duke thënë se është rrëzuar tashmë tre herë nga parlamenti. Ai tha se dëshironte të negocionte një alternativë të mirë me Bashkimin europian duke u shprehur i bindur se pikat e ndalimit mund të zëvendësohen me zgjidhje të tjera për të garantuar kufirin e hapur irlandez pa u dashur që vendi të qëndrojë në unionin doganor dhe në tregun e përbashkët.

Xhonson theksoi se në rast se Brexit do të dështonte vendi do të përballej me një humbje totale të besimit të elektoratit ndaj politikës, duke shtuar se dhe sistemi i emigracionit ka nevojë për ndryshime.

Ndërkohë qeveria e re e Xhonson tashmë ka ekipin e saj të ministrave. Ndër emrat kryesorë figurojnë:

Saxhid Xhavid – Ministër Finance

Dominik Rab – Ministër i Jashtëm

Priti Patel – Ministër i Brendshëm

Robert Baklend – Ministër Drejtësie

Ben Uallas – Ministër Mbrojtjeje

Met Henkok – Ministër Shëndetësie.

/ABC news Albania 24/7

mirela-kumbaro.jpg
ent ela17:43 | 05/03/2019

Deputetja e PS-së Mirela Kumbaro për “Abc news” ka folur për betimin e 4 deputetëve të rinj në Kuvend, si dhe i ka bërë thirrje opozitës për dialog ose sipas saj lind mundësia për krijimin e opozitës së re.

E pyetur se si mund të dilet nga ky ngërç politik, ajo u shpreh se ndoshta është mundësia të krijohet një grup i ri politik, nga kandidatët që po shkojnë në KQZ për të pranuar mandatin e deputetit.

“Ndoshta një histori e re po lind dhe mund të themi se çdo grupim i ri politik ka të drejtë të jetë në Kuvend. Për të gjithë ka pasur një fillim dhe një seleksionim. Ne kemi detyrë se kur krijohen vakanca në Parlament, lista vijon me kandidatët e tjerë”.

Duke folur për betimin e 4 deputetëve të rinj nga radhët e LSI-së sot në Kuvend, Kumbaro tha:

“Të ndajmë një gjë se po thoni se opozita nuk ka pranuar mandate dhe ka refuzuar mandate. Mandati është individual dhe nuk ka mandat politik. Mandatin ta japin zgjedhësit e qarkut. Individët nuk e japin dhe marrin mandatin në emër të partisë. Kanë të drejtën se në moment që krijohet vakanca në Kuvend kanë të drejtë të marrin mandatin e radhës. Nuk është hera e parë që krijohen vakanca dhe vijnë kandidatë nga lista e partisë përkatëse. E kemi treguar në këto 6 vite  se kjo forcë politike është në qeverisje dhe kemi bërë të gjitha hapat për të qenë në komunikim me opozitës. Ne të parët jemi të interesuar për të pasur një opozitë. Opozita është adrenalinë dhe është një goditje”.

Ndërsa duke komentuar kërkesën e opozitës për zgjedhje të parakohshme, Kumbaro tha se nuk u është kërkuar votëbesim nga Rama.

“Nuk kemi asnjë arsye aktualisht që të flasim për zgjedhje të parakohshme dhe nuk ka kërkuar një votëbesim Kryeministri. Nuk kemi krizë institucionale, kushtetuese por kemi vetëm krizë të provokuar nga opozita. Opozita duket si fëmijë që tund këmbët tek dera e dua dhe pik”.

E u pyet për ulejn në tavolinë të partive nga Presidenti Meta, Kombaro tha se:

“Unë nuk mund të flas nuk flas as në emër të Presidentit dhe as në emër të opozitës. Vlerësoj shumë pozitivisht sinjalet që jep Presidenti dhe ekspozetë të opozitës, për dialog dhe jo për pazar”.

Ndërsa akuzën e opozitës se mazhoranca është arrogante, e ka cilësuar si një problem emocional.

“Futemi në një diskutim etik-emotiv. Subjektivizmi është i gjerë sa oqean. Nëse është vetëm kjo problematikë do të thorë se nuk kemi asnjë problem institucional dhe asnjë problem kushtetues, por kemi vetëm një problem emocional”.

Si i përket faktorit ndërkombëtar, ajo tha se ai është kundër ‘kamikazit” që krijoi opozita.

“Unë mendoj se përgjegjësinë më të madhe në raport me ndërkombëtarët e ka forca politike që është në pushtet. Shumë qartazi janë shprehur SHBA dhe të gjitha kancelaritë evropiane, janë shprehur kundër këtij kamikazi që po krijon opozita. Nuk mund të ulemi dhe të bëjmë pazar në tryezë. Ne po themi dialog dhe jo pazar”./abcnews.al

may-junker.jpg
ent ela11:38 | 30/12/2018

Gjasat që Britania e Madhe të dalë nga BE sipas afateve të parashikuara janë 50 me 50 për qind. Sipas ish-ministrit të Breksit, gjithçka varet nga mbështetja që marrëveshja e kryeministres Mej do të marrë në Parlament.

Ish-ministri i Brexit, Liam Fox ka deklaruar se shanset që Mbretëria e Bashkuar të mos largohet nga BE-ja më 29 mars janë 50 me 50 për qind. Fox, aktualisht sekretar për marrëdhëniet ndërkombëtare, ka nënvizuar se dalja në datën e parashikuar do të jetë e sigurtë vetëm nëse marrëveshja që kryeministrja Theresa May arriti me BE-në do të mbështetet 100 për qind nga ligjvënësit. Deputetët britanikë pritet të votojnë për marrëveshjen në javën e dytë të janarit, për t’i paraprirë largimit të planifikuar në mars. “Në rast se marrëveshja refuzohet, atëherë do të kemi një krisje të besimit mes elektoratit dhe Parlamentit”, ka deklaruar Fox. Marrëveshja e negociuar nga kryeministrja May me BE-në, që përcakton kushtet e daljes së Britanisë së Madhe dhe marrëdhëniet e ardhshme dypalëshe, do të mund të hyjnë në fuqi vetëm nëse marrëveshja miratohet. Dhoma e Përfaqësuesve ishte planifikuar të mblidhej më 11 dhjetor, por Mej e shtyu votimin pasi i druhej dështimit. Lideri i laburistëve Jeremy Corbyn i bëri thirrje këtë javë kryeministres që të shkurtojë pushimet e deputetëve për festa, në mënyrë që votimi të mbahet më herët. Ndërkohë, Fox paralajmëroi kolegët ligjvënës se dështimi në kalimin e marrëveshjes do të ishte fatale dhe se tashmë mbështetja e saj është një çështje nderi. “Ajo që mund të themi me siguri është se, nëse votojmë për marrëveshjen e kryeministres, atëherë është 100 për qind e sigurtë se ne largohemi më 29 mars. Në rast të kundërt, gjasat janë 50 me 50”, tha Fox. Ai shtoi se, opsioni i dytë do të përcjellë mesazhin se politika ka tradhtuar atë pjesë të popullit që votoi pro Brexit në referendumin e dy viteve më parë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono