Çlirim Gjata

clirim-gjata.jpg
G. P.19:35 | 06/09/2019

Raporti përfundimtar i OSBE/ODIHR është tema kryesore që diskutohet mes palëve politike që pas publikimit të saj dy ditë më parë. I ftuar në ABC News, Sekretari për çështjet ligjore, Çlirimi Gjata tha se raporti rrëzoi institucionet bazë të shtetit.

“Copa-copa e bën KQZ-në. Nuk na ka ndodhur në historinë e KQZ-ve ti thotë ODIHR një mijë e një të zezat si këtu. Në 2005 deri në 2009 janë bërë të meta dhe adresoheshin tek partitë, por për KQZ janë thënë fjalë të mira. Rrëzoi KQZ për shkak të interpretimeve tejet të zgjeruara. Administratën. Lexoni çfarë thotë për administratën. Unë po marr administratën shtetërore që mori pjesë edhe ty ku nuk lejohet të marrë pjesën në fushatën elektorale.  Ka hedhur poshtë Kolegjin Zgjedhor. Ka marrë vendime nën kërcënimin e Vettingut. Përveç kolegjit, prokurorinë. Gjithë këto shkelje ditën e votimit, asnjë veprim prokuroria. Ka rrëzuar pesë institucionet bazë të shtetit me këtë raport”, tha Gjata.

Sipas Gjatës, ky raport provoi tezën e Partisë Demokratike dhe është në disfavor të çeljes së negociatave. Gjata tha se raporti i OSBE/ODIHR ka pikasur mungesën e besimit te procesi zgjedhor dhe te institucionet. Ndërkohë njësoj si Grida Duma një ditë më parë, edhe Gjata paralajmëroi të tjera përgjime si të BILD për funksionarë të lartë të mazhorancës./abcnews.al

Clirim-Gjata-1280x710.jpg
ent ela12:03 | 23/08/2019

Partia Demokratike i ka kërkuar kryeministrit Rama dhe kryebashkiakut të Vorës të japin shpjegime nëse Agim Kajmaku ka probleme të hapura me drejtësinë greke të cilat nuk i ka deklaruar në formularin e dekriminalizimit. Sekretari për çështjet ligjore në PD, Çlirim Gjata kërkoi shpjegime, nëse ka kryer falsifikim dokumentash kryebashkiaku i ri i Vorës.

Me një skenar të ngjashëm me atë të denoncimit të kryebashkiakut të zgjedhur të Shkodrës, Valdrin Pjetri, Partia Demokratike kërkon të nxjerrë nga zyra e kryetarit të Bashkisë së Vorës, edhe Agim Kajmakun. Me pyetje të drejtëpërdrejta për kryeministrin dhe kryebashkiakun socialist, sekretari ligjor i demokratëve kërkoi shpjegime nëse Kajmaku ka dënime të formës së prerë apo dosje të hapura me drejtësinë greke.

Gjata pretendoi se Edi Rama është në dijeni të plotë të dënimit të kryebashkiakut të Vorës, por po përpiqet të fitojë kohë për të falsifikuar dokumentat.

Të martën sekretari i Përgjithshëm i Partisë Demokratike, Gazment Bardhi i kërkoi sektorit të Dekriminalizimit në Prokurorinë e Përgjithshme të nisë verifikimet për kryebashkiakun socialist, Agim Kajmaku duke hedhur dyshime të forta për pastërtinë e figurës së tij. I pyetur nga ABC News,  kryebashkiaku i Vorës Kajmaku ka pranuar se ka ndërruar identitet kur ka jetuar në Greqi, siç edhe e ka deklaruar në formularin e dekriminalizimit. Por  ai mohon të ketë qenë i dënuar apo dëbuar nga ndonjë shtet i Bashkimit Europian dhe i quan akuzat e PD si sulme politike ndaj tij. /ABC News Albania 24/7

 

clirim-gjata-1-1280x853.jpeg
G. P.14:05 | 15/08/2019

Valdrin Pjetrin thanë se ia dorëzuan ligjit socialistët, por janë po këta të fundit që nuk po lejojnë zbatimin e tij. Në këtë përfundim ka arritur Partia Demokratike pas heshtjes që kanë marrë si përgjigje nga organi i akuzës.

“Valdrin Pjetri është dënuar me burg për trafik droge, por as policia, as prokuroria nuk kanë bërë asnjë lëvizje për të zbatuar ligjin. E vetmja forcë që mund t’i ndalojë ata është ajo e kryeministrit të vendit, i cili ndryshe flet dhe ndryshe vepron, duke garantuar paprekshmëri për kriminelët dhe trafikantët e tij”. 

Për demokratët Valdrin Pjetri është subjekt i Ligjit Antimafia dhe këtë do t’ia komunikojë të premten edhe Prokurorisë së Krimeve të Rënda që sipas sekretarit për ccështjet ligjore në këtë parti ka detyrimin të nisë menjëherë hetim pasuror ndaj kryebashkiakut të zgjedhur të Shkodrës.

“Parimi se të gjithë janë të barabartë përpara ligjit, nuk ekziston më! Edi Rama e ka fshirë atë nga Kushtetuta dhe ligji, njësoj siç po përpiqet të fshijë zgjedhjet e lira e të ndershme”.

Për Partinë Demokratike me Edi Ramën në krye të qeverisë Ligji Antimafia nuk ka shpresë të zbatohet./ABC News Albania 24/7

CLIRIM-GJATA-PER-REFORMEN-NE-DREJTESI.mpg_snapshot_00.21-1280x720.jpg
ent ela15:00 | 22/07/2019

Tre vjet pas miratimit të reformës në drejtësi nuk është ndëshkuar asnjë zyrtar i lartë. Konstatimin e bëri sekretari për çështjet ligjore në Partinë Demokratike Çlirim Gjata. Duke iu referuar vendimit të fundit të Gjykatës së Durrësit, demokratët akuzojnë kryeministrin se e ka shndërruar këtë sistem në drejtësi private.

Vendimi i Gjykatës së Durrësit për të ndryshuar një vendim pa e apeluar atë ka një simbolikë për Partinë Demokratike.

“Është simboli i drejtësisë private që ka ngritur Edi Rama. Vendimi skandaloz, i paprecedentë në historinë e qytetërimit perëndimor, ku vendimi i gjykatës ndryshohet të nesërmen nga e njëjta gjykatë, sipas interesit të kryeministrit, është dëshmia më tronditëse për kapjen totale të drejtësisë nga Edi Rama dhe grupi i strukturuar kriminal i Rilindjes”.

Tre vjet pas miratimit konsensual të ndryshimeve kushtetuese nuk është ndëshkuar asnjë zyrtar i lartë- u thotë sekretari për çështjet ligjore në Partinë Demokratike shqiptarëve.

“Asnjë ministër, asnjë zyrtar i lartë publik, asnjë politikan nuk ka dalë para drejtësisë për vjedhjen e përditshme të shqiptarëve”.

Zgjidhja që përsërisin demokratët është një drejtësi e cliruar që do të garantojë zgjedhje të lira e të ndershme, që mundësojnë qeverisje në interes të qytetarëve dhe çojnë përpara axhendën europiane të Shqipërisë. /ABC News Albania 24/7

 

gazment-bardhi-1.jpg
G. P.16:30 | 23/06/2019

Kanë për qëllim të rrëzojnë mendësinë shqiptare se çudia më e madhe zgjat tre ditë. Pas përgjimeve të publikuara nga gazeta gjermane Bild, demokratët nuk duan të qëndrojnë vetëm tek konstatimi i krimit elektoral, por edhe te ndëshkimi i vjedhësve të votave.

Krimet zgjedhore të Edi Ramës nuk mund dhe nuk do të kalojnë pa u ndëshkuar. Dhënia fund e pandëshkueshmërisë së politikanëve dhe kriminelëve që kanë vjedhur zgjedhjet është rruga e vetme për të garantuar se në Shqipëri nuk do të ketë më masakra elektorale me bashkëpunimin e qeverisë me krimin”, tha Bardhi.

Duke i risjellë në vëmendje përgjimet e fundit të publikuara nga gazeta Bild, sekretari për çështjet ligjore në Partinë Demokratike Çlirim Gjata ndalet në bisedën e ish-ministrit Damian Gjiknuri me Imer Lalën.

Dhënia e parave nuk kalon pa u ndëshkuar u kujton Çlirim Gjata. Sipas demokratëve përgjimet e Dibrës faktuan se ne kryeministrin Rama nuk ka fshehtësi të votës. Në mënyrë të përmbledhur sekretari i përgjithshëm tregon se çfarë i pret ata që kanë kryer krime elektorale.

“Këto janë krime zgjedhore që një drejtësi e pavarur do ti kishte ndëshkuar me të paktën 30 vjet burg për të gjithë ata që janë përfshirë në shkelje të ligjit”, u shpreh Bardhi.

Për Partinë Demokratike kjo kohë nuk është e largët, kur si kryeministri, si krimineli,si qytetari i zakonshëm janë të gjithë të barabartë përpara ligjit./ABC News Albania 24/7

clirim-gjata.jpg
nev ila15:10 | 17/05/2019

Demokratët kthehen në Komisionin Qendror të Zgjedhjeve. Pavarësisht vendimit të kësaj force politike për të mos qenë pjesë e zgjedhjeve të 30 qershorit, përfaqësuesi i demokratëve Njazi Kosovrasti kaloi pragun e godinës së Komisionit Qendror të Zgjedhjeve, një ditë pas shprehjes së qëllimit nga kjo forcë politike, për dërgimin e propozimeve që Kodi Zgjedhor i njeh partive parlamentare opozitare, për komisionerë të zonave administrative. Arsyen për këtë, sekretari për çështjet ligjore në partinë demokratike, ia veshi faktorit manipulues që beson se mund ta faktojë tashmë me dokumente.

“Arsyeja pse po i dërgojmë ne, këta komisionerë, është sepse po shohim dhe na vijnë informacione për komisionet se po ndodhin manipulime. duam ti demaskojmë dhe të tregojmë se cfarë zgjedhjesh po përgatit Edi Rama. Dhe kur të shtyhen e të përcaktohet data e re e zgjedhjeve bashkë me zgjedhjet e përgjithshme të mos na kthehen në bumerang. Gjerat e regjistruara tani nuk i rregullon dot atëherë, prandaj ne duam të kemi komisionerë për të mos lejuar manipulime që po mundohet të bëjë zoti Rama në këto komisione. KZAZ-të shikojnë ndarjen e qendrave të votimit, ndarjen e listave nëpër lista të votimit, mbi të gjitha mbi regjistrimin e kandidatëve sepse kandidatët regjistrohen në KZAZ tani, nuk regjistrohen në KQZ sic ndodh me deputetët. është rasti i Kavajës ku është dashur të regjistrohet një kandidat dhe ai ndodhet jashtë shtetit, ne i kemi të gjitha të dhënat, ka kaluar afatin e regjistrimit, është kthyer dhe shënohet sikur është regjistruar në kohën e duhur. pra është manipulim i saktë e i provuar. për këtë arsye ne kërkojmë të çojmë, të bllokojmë, ti ndalojmë këto manipulime, ti demaskojmë dhe të përgatitemi për zgjedhjet e shtyra. Zgjedhje në 30 qershor nuk ka, ta harrojnë”, tha Gjata.

Habinë për pjesëmarrjen në mbledhjen e radhës së KQZ-së, nënkryetari i Komisionit Qendor të Zgjedhjeve ja shprehu përfaqësuesit të demokratëve në sallë.

Denar Biba: Jeni subjekt zgjedhor, jeni regjistruar për zgjedhjet e 30 qershorit?!!

 Njazi Kosovrasti: Jo, e çdo të thotë kjo. Por kam një nen. Unë jam parti parlamentare dhe si e tillë më takon të marr pjesë në KQZ dhe meqë ju dëshironi po ju citoj Kodin Zgjedhor…

Denar Biba: E njoh ligjin nuk keni pse të ma lexoni. PD ka një marrëdhënie të shkëputur nga parlamenti aktualisht është fakt i njohur publikisht…

Njazi Kosovrasti: Cfarë pune keni ju. Padiskutim që jemi parti parlamentare dhe kuptimi i partisë parlamentare përcaktohet nga rezultati i zgjedheve të radhës… Denar Biba: Po, por ju ato mandate i keni dorëzuar …

Njazi Kosovrasti: Bëni detyrën zoti Biba si anëtar i KQZ mos u merr me probleme të politikës.

Partia Demokratike dhe ato të opozitës së bashkuar nuk janë regjistruar si subjekte zgjedhore në garën elektorale të 30 qershorit, afati përfundimtar për të cilët ka përfunduar, ashtu si afati për regjistrimin e kandidatëve të pavarur./ABC News Albania 24/7

Clirim-Gjata-1280x758.jpg
ent ela20:45 | 26/03/2019

Sekretari për Çështjet Ligjore në PD Çlirim Gjata është shprehur se dosjet e famshme 339 dhe 184 nuk i ka prekur kush me dorë dhe se ndaj tyre nuk ka nisur asnjë hetim. Këto deklarata Gjata i bëri në emisionin “Provokacija”. Ndër të tjera ai theksoi se këto dy dosje janë vetëm maja e ajsbergut, ku eksponatet të lartë të PS flasim me bosët e krimit në Shqipëri për blerje votash.

Çlirim Gjata: Askush nuk i prek dy dosjet e famshme sepse vetëm dy dosje janë që dimë ne që kanë dalë kanë marrë dhen lere sa ka atje. Përgjimet ku politikanët e lartë të mazhorancës thuhet se kanë komunikim me bosët e bandave në Shqipëri për blerje votash. Çfarë ka ndodhur? Shërbimet e huaja kanë përgjuar bandat e drogës, për trafik ndërkombëtar droge dhe i kanë përgjuar për hesap të tyre. Nuk e dinin ata se po merreshin me blerje votash pasi nuk u intereson shënimeve të huaja partnere çështja e blerjes së votave në Shqipëri, ata kanë problemin e trafikut të drogës. Duke hetuar këta banda ka dalë se shumë nga eksponatët dhe shefat e këtyre bandave flasin me politikanë të lartë për blerje votash.

Mustafa Nano: Më politikanë të lartë për cilët, e keni fjalën për Durrësin?

Çlirim Gjata: Duke filluar  që nga Vangjush Dako, ministri Gjiknuri e deri tek Edi Rama ka biseda.

Mustafa Nano: Ka biseda kur Edi Rama…

Çlirim Gjata: Po po e kanë thënë vetë prokurorët dhe vetëm majën e ajsbergut kanë nxjerrë BIRN dhe Zëri i Amerikës. Kjo pjesë e përgjimeve ka ardhur pastaj në Shqipëri dhe janë dy dosjet e famshme 339 dhe 184. Pse nuk hetohen? Nuk po themi pse nuk po i marr t’i arrestojë, t’i dënojë, por kërkojmë t’i hetojë. Por nuk i prek kush me dorë./abcnews.al

gjata-3.jpg
G. P.12:24 | 24/03/2019

Janë këto përgjime, të ndodhura në dosjen e prokurorisë ato që sollën reagimin për të dytën ditë radhazi të Partisë Demokratike. Këto biseda sipas selisë blu, faktojnë se pushteti i kryeministrit Edi Rama është i njëjtë me personin e interceptuar në biseda telefonike, Fredi Alizoti, dëshmi e një pushteti kriminal.

“Përgjimet zyrtare të Prokurorisëë faktojnë përdorimin si seksion i rilindjes të Prokurorisë së Krimeve të Rënda dhe Prokurorisë së Tiranës. 4 prokurorë u përdorën politikisht për të shpëtuar nga dënimi trafikantin e drogës Geron Xhafaj dhe vëllain e tij ministër të brendshëm.

I publikoi vetëm një ditë më parë ish-deputeti demokrat Salianji.

“Pas publikimeve të përgjimeve zyrtare, prokuroria duhet të merrte të pandehur, Taulant Ballën, Fatmir Xhafajn, Ard Veliun, Albert Nushin dhe një sërë strukturash policore që kanë shërbyer për manipulimin e ngjarjes me qëllim shpëtimin e pushtetit të Ramës dhe dënimin e opozitës që denoncoi aferën.

Por këto biseda nuk janë zbardhur nga prokuroria sipas demokratëve, dhe kjo me një qëllim.

“Heshtja e plotë e qeverisë, bllokimi ditën e djeshme i transmetimit të provave dhe fakteve skandaloze që implikojnë zyrtarët më të lartë të policisë në bashkëpunim dhe përulje ndaj elementeve kriminale, është prova e plotë e vullnetit të Ramës për të vazhduar qeverisjen pro krimit”.

gjata-2.jpg
G. P.20:04 | 19/03/2019

KQZ bëri thirrje ditën e hënë që partitë politike të dërgojnë komisionerët e tyre për zgjedhjet e 30 Qershorit. Por Sekretari për Çështjet Ligjore i PD-së, Çlirim Gjata tha se dërgimi i komisionerëve është shkelur në KQZ historikisht.

I pyetur nëse ky është hapi i parë drejt bojkotimit të zgjedhjeve, Gjata tha se gjërat do të vijnë gradualisht. Sipas tij, akoma nuk është vendosur për bojkotin e zgjedhjeve, por kur të dërgohen komisionerët në KQZ do të dërgohen edhe për zgjedhjet vendore edhe për ato parlamentare tha Gjata.

Çlirim Gjata: Gjërat po vijnë gradualisht. Ajo që kemi bërë si opozitë është djegia e mandateve. Kemi vënë kushtet përkatëse si të ndërhyhet politikisht pra me largimin e Ramës, rrëzimin e regjimit, qeveria tranzitore. Këto pastaj ço komisionerët edhe në rastet më normale është shkelur në KQZ historikisht ka pasur vonesa. Gradualisht do bëhen zgjedhjet e parakohshme politike parlamentare, edhe zgjedhjet vendore, por gradualisht.

Mirela Milori: Do bëhen para Qershorit?

Çlirim Gjata: Nuk mund ta them këtë. Janë probleme teknike. Platforma jonë është ne jemi qytetarë që së bashku qindra mijëra qytetarë që kërkojmë rrëzimin e këtij regjimi dhe krijimin e një rruge të re drejtë zgjedhjeve të lira dhe të ndershme. Kjo është platforma. Nuk mund të themi që është vendosur bojkoti i zgjedhjeve. Tani për tani s’kemi çuar komisionerë sepse do shikohen gjërat. Kur të çojmë komisionerët do çohen edhe për politiket edhe për vendoret. Do bëhen zgjedhje. Nuk themi që nuk do bëhen zgjedhjet.

Ndërkohë, Gjata tha gjithashtu në “Mbrëmje Ide” në ABC News se brenda PS-së janë në tavolinë 5 emra për kryeministër.

“Janë nja 5 emra socialistë në tavolinë në tavolinë për kryeministër. Unë më shumë i dëgjoj nga gazetarët nga deklaratat e ndryshme, që kanë parë që po u ikën partia”, tha Gjata.

Për sa i përket zgjidhjes së kësaj situate, Gjata tha se ndërmjetësimi i ndërkombëtarëve është i mirëpritur, por gjithashtu ai vlerësoi dhe qëndrimin e Presidentit të Republikës, Ilir Meta. Ndërsa për protestën e paralajmëruar për të enjten, Gjata tha se do të ketë surpriza.

“Ka surpriza! Pas kësaj, protesta të tjera në tërësi surprizë. Do të shohim. Do ketë surpriza”, tha Gjata./abcnews.al

gjata-1.jpg
G. P.19:45 | 19/03/2019

Këshilli i Lartë i Prokurorisë çeli këtë të martë garën për Prokurorin e Përgjithshëm. Sekretari për Çështjet Ligjore në PD, Çlirim Gjata, ishte i ftuar në emisionin “Mbrëmje Ide” nga Mirela Milori, ku tha se KLP ndodhet në një gjendje paligjshmërie për momentin.

“KLP ndodhet në një gjendje paligjshmërie. Aty janë zgjedhur anëtarë të paligjshëm të kundërshtruar nga ONM. Janë zgjedhur anëtarë që nuk kanë marrë nga dokumenti Autoritetit i Pastërtisë së Figurës ku prokuroria e kishte pranuar anëtar pa marrë një dokument. Një anëtare është shkarkuar nga KPA. Të tjerë janë në KPA mund të pësojnë të njëjtën fat. Sikur ti lemë këto kemi një situatë të zgjedhur 5 nga parlamenti dhe 4 nga konferenca e prokurorëve që vjen në kundërshtim me Kushtetutën se kur u bë u tha që këto organe do të vetëqeverisen, prandaj ka shumicën e prokurorëve në KLP. Të ka rënë kolona bazë e këtij institucioni nuk mund të vazhdojë pa u plotësuar”, tha Gjata.

Sipas Gjatës, brenda Partisë Socialiste po bëhet luftë e brendshme pasi ka dy klane, njëri që mbështet kryeprokuroren e përkohshme Arta Marku dhe njëri që mbështet persona të tjerë.

“Po nguten të zgjedhin Prokurorin e Përgjithshëm përpara se të shkojmë në zgjedhje të parakohshme. Ka një luftë të brendshme se kush do jetë kryeprokuror, dhe ka një klan që mbështet Arta Markun. Ai që fitoi me zotin Rama dhe e vendosi në mënyrë të kundraligjshme. Ka një klan tjetër që do persona të tjerë dhe po bëhet luftë e tmerrshme por që ne e shohim si gati me përbuzje që tregon pikën e fundit ku ka shkuar mazhoranca”, u shpreh ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono