cilesia

produktet-vlonjate.jpg
nev ila15:54 | 23/11/2019

Vlonjatët duket se e kanë zgjidhur dilemën për produktet, që konsumojnë. Ata kanë më shumë besim tek ato vendase se mendojnë se ka ende fruta dhe perime të pamodifikuara, pra bio.

Korrespodenti i ABC News, Elton Nika ka biseduar me konsumatorët dhe tregtarët që tregojnë mes të tjerash se ekonomia e dobët  i pengon të blejnë sasinë e nevojshme.

Cilat janë produktet më cilësore ato të importit apo vendase?

Vendimi për të zgjedhur ushqimet është i vështirë për konsumatorët sa herë që shkojnë në treg. Vlonjatët kanë nisur të kthejnë vëmendjen tek produktet vendase, pasi besojnë se mund të gjejnë ende bio.

Ndërsa për ato të importit kanë nisur të kenë rezerva.

Nëse shumë e kanë zgjidhur deri diku dilemën mbi cilësinë kur bëhet fjalë për sasinë e blerjeve tregtarët thonë se konsumatorët kanë vështirësi ekonomike.

Produktet vendase janë më shumë të kërkuara, qoftë për t’u tregtuar apo edhe blerë nga konsumatori. Për vetë faktin e thjeshtë sepse si tregtarët apo edhe konsumatorët kanë më shumë besim tek prodhimi vendas, e njohin më mirë dhe besojnë shumë se janë prodhime bio.

Ndërsa e kundërta ndodh me produktet e importit, për të cilat kanë shumë më pak njohuri./abcnews.al

 

 

edi-rama-gramoz-ruci.jpg
ad min08:33 | 10/09/2019

Presidenti i Republikës, Ilir Meta, reagoi në rrjetet sociale në lidhje me takimin që pati me kryetarin e Kuvendit, Gramoz Ruçi, pas dëshmisë që dha tek komisioni hetimor parlamentar.

Meta shprehet se sëbashku me Ruçin kanë rëndë dakord se cilat kanë qenë dy opozitat parlamentare më cilësore në gjithë historinë e tranzicionit shqiptar.

Në postimin e shoqëruar me një foto ku ai shfaqet sëbashku me kryeministrin Rama dhe Gramoz Ruçin, kreu i shtetit thotë se cilësia është më e rëndësishme se sasia për të udhëhequr ndryshimin e një shoqërie.

“Ishte kënaqësi dje të rikthehesha në Kuvend. Po kështu të shkëmbeja disa mendime dhe kujtime me Kryetarin e Kuvendit z.Gramoz Ruçi. Së bashku ramë dakord se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96. Kjo më përforcon bindjen se në demokraci, cilësia është më e rëndësishme se sasia, për të udhëhequr ndryshimin e një shoqërie, edhe kur “sasia” duket fuqiplotë”, shkruan Meta në Facebook.

/abcnews.al

klqsh-1280x702.jpg
ad min14:30 | 10/08/2019

Rreth 11.7 milion lekë dëm i janë shkaktuar buxhetit të shtetit për shkak të keq-menaxhimit te barnave nga ana e institucioneve shëndetësore.

Konstatimi vjen nga Kontrolli i Larte i Shtetit pas auditimit të kryer pranë Ministrisë së Shendetesise dhe Mbrojtjes Sociale, Agjencisë Kombëtare te Kontrollit të Barnave e Pajisjeve Mjekësore dhe Qendrës Spitalore Universitare “Nene Tereza” ne Tirane.

Shkeljet e konstatuara Kontrolli i Lartë i Shtetit i ka përmbledhur në këtë vendim prej 18 faqesh të datës 4 Gusht 2019 që mban firmën e kryetarit Bujar Leskaj.

Kërkesat e qytetareve para miratimit të ligjit të barnave Korrikun e vitit 2014 si nevoja e uljes se çmimit, garantimi i cilësisë, rritja e kategorive përfituese në skemën e rimbursimi dhe aksesi i barabartë në blerjen e ilaçeve sipas KLSH janë shumë larg realizimit.

 “Mungesa e objektivave strategjikë për shërbimin farmaceutik në vend ka bërë që politikat e ndërmarra nga qeveria për këtë sektor të mos jenë efektive në drejtim të garantimit të cilësisë dhe sigurisë së barnave. Ndërkohë që heqja e detyrimit ligjor për importin e barnave të prodhuara në vendet e Ballkanit, që ato të qarkullojnë në një nga vendet e BE-së, me amendimin e Ligjit ne tetor 2015, duke u mjaftuar vetëm që ato të kenë regjistrim lokal në vendet e origjinës, e ka ekspozuar qytetarin shqiptar ndaj ilaçeve, të cilat vijnë nga vende që nuk kanë standardet e BE-së, në drejtim të garantimit të cilësisë dhe sigurisë së barnave”  vë në dukje KLSH.

Agjencia Kombëtare e Kontrollit të Barnave dhe Pajisjeve Mjekësore sipas Kontrollit të Lartë të Shtetit vijon të jetë inefektive.

Laboratorëve të saj të analizave i mungon certifikim dhe akreditimi ndërsa numri i analizave te kryera është i papërfillshëm.

Agjencia e Kontrollit të Barnave thotë KLSH nuk ka kryer asnjë kontroll pranë farmacive spitalore, për kushtet në të cilat ruhen dhe qarkullojnë barnat, për llojin e pullës e sigurisë së vendosur në paketimin e tyre, duke ndikuar negativisht në cilësinë dhe sigurinë e barnave që qarkullojnë në spitalet publike. Ajo nuk ka kontrolluar as prodhuesit vendas të barnave, për proceset dhe lëndët e para, që përdoren duke cenuar rëndë cilësinë dhe sigurinë e barnave të fabrikuara ne Shqipëri.

Ne Qendrën Spitalore Universitare “Nene Tereza” planifikimi i barnave dhe materialeve mjekësore vëren Kontrolli i Lartë i Shtetit zhvillohet si një procedure rutinë pa analizuar konsumin mesatar mujor dhe vjetor duke krijuar sasi të mëdha të stokut të ilaçeve të skaduara.

Nga verifikimi në depon qendrore të farmacisë në QSUT Kontrolli i Lartë i Shtetit thotë se ka konstatuar  barna që nuk ishin pajisur me pullën me mbishkrimin “çmim spitalor”, por me pullën “çmim në vlerë leku” që  përdoret vetëm për barnat që qarkullojnë në rrjetin e hapur farmaceutik. Kjo rrit mundësinë për abuzime nga strukturat spitalore, duke i kaluar këto barna nga farmacia spitalore në farmacitë e rrjetit të hapur me qëllim tregtimi.

Barnat që qarkullojnë në tregun vendas, në pjesën më të madhe të tyre nuk janë të pajisura me fletë-udhëzuesin në gjuhën shqipe. Megjithëse ky është një detyrim i përcaktuar në rregulloren për dhënien e autorizimit për tregtim të barit nuk është respektuar nga subjektet tregtare të sektorit faramceutik.

Problemet e konstatuara kanë shkaktuar një dëm ekonomik prej 11. 7 mln lekë në buxhet të cilin Kontroll i Lartë i Shtetit e ka detajuar sipas institucioneve përgjegjëse të cilëve iu rekomandon dëmshpërblimin./ABC News Albnia 24/7

ushqimet-kukes-1280x724.jpg
nev ila15:09 | 15/07/2019

Në Kukës qytetarët janë të shqetësuar për cilësinë e ushqimeve që konsumojnë. Ata thonë për ABC News se prodhimet janë me kimikate dhe preferojnë më shumë ato të zonës. Edhe tregtarët shprehen se kur marrin furnizimin nga Lushnja apo Tirana nuk pajisen me asnjë certifikatë sigurie apo fletë analize të prodhimeve.

Konsumatorët janë më të shpeshtë në tregun e fruta perimeve të Kukësit, por skeptike për atë çfarë blejnë. Preferojnë të marrin pak gjëra, mundësisht të jenë prodhime të zonës.

Qytetarët ndihen të shqetësuar për ushqimet që u duhet të konsumojnë. U duken pa shije dhe nga viti në vit produktet humbin cilësi.

Tregtarët përpiqen që pjesën më të madhe të prodhimeve ta marrin në Kukës.

Pjesën tjetër të furnizimit thonë se e sigurojnë nga duar të sigurta por edhe pse të tillë nuk marrin asnjë certifikatë sigurie për mallrat apo fletë analize që shoqërojnë prodhimet.

Në këto kushte konsumatorët janë të orientuar të blejnë me shumë prodhime të Kukësit se sa ato që vijnë nga Lushnja apo Tirana./ABC News Albania 24/7

klosi-2.jpg
ad min15:10 | 17/04/2019

Ministri i Turizmit dhe Mjedisit, Blendi Klosi, iu la detyra të qarta me afate të përcaktuara kryetarëve të bashkive të zonave bregdetare, e kjo për të garantuar një sezon të mbarë turistik.

“Vendimmarrja për bashkitë tani në muajin Prill të ndahet se kush janë operatorët që do të administrojnë plazhin. Brenda muajit Prill, maksimalisht në fillim të muajit Maj do duhet të administrojmë siç duhet hartat e vendosjes së zhurmave”, tha ai.

Siguria e jetës së pushuesve, pastërtia e mjedisit dhe cilësia e shërbimit duhet të jenë në fokus të institucioneve, porositi ministri Klosi.

“Instituti i Higjienës, AKU dhe Inspektoriati i Mjedisit të bëjnë që sot një verifikim në terren të gjithë këtyre subjekteve që ne kemi evidentuar nga tr operatorët që të jenë subjekte që do presin sërish turistë të huaj. Të paktën për gjëra që ne i kemi në dorë, të jemi korrekt dhe të kontrolluar. Edhe eliminimi i gropave septike, apo mekanizmave që iu ka ikur koha për të kryer këtë funksion janë evidentuar nga Inspektoriati i Mjedisit dhe të gjitha këto, Inspektoriati do të ketë një forcë më të madhe për të kontrolluar dhe vendosur deporatorët e standardeve të lejuara për deporimin e ujërave të zeza gjatë sezonit turistik”, tha Klosi.

Synimi i Ministrisë së Turizmit dhe Mjedisit u shpreh ministri Klosi është kthimi i Shqipërisë në një destinacion të qëndrueshëm turistik dhe zgjatja e sezonit turistik përtej periudhës klasike nga Qershori në Shtator. /abcnews.al

tiranee.jpg
ad min14:45 | 14/03/2019

Tirana renditet e 175-a nga 231 qytete kryesore në botë, për cilësinë e jetesës në vitin 2019. Të dhënat janë publikuar nga indeksi i përvitshëm i kompanisë këshilluese Mercer, që e bën vlerësimin duke u bazuar në 39 kritere të ndryshme.

Kryeqyteti shqiptar renditet e fundit në rajon e në Evropë për cilësinë e jetës. Përllogaritjen e ka bërë indeksi të përvitshëm të kompanisë këshilluese Mercer që analizon 39 kritere të ndryshme ndërmjet të cilave edhe mjedisin politik e shoqëror, mjedisin ekonomik, atë socio-kulturor, shërbimin mjekësor, arsimin, shërbimet publike, mallrat e konsumit e strehimin.

Tirana renditet e 175-a nga 231 qytete kryesore në botë, për cilësinë e jetesës në vitin 2019, duke u ngritur një vend më sipër krahasuar me vitin e kaluar. Qyteti më i mirë për të jetuar në botë vijon të jetë Vjena e Austrisë, e ndjekur nga Zyrihu në Zvicër, Mynih në Gjermani, Vancouver në Kanada, Auckland-Zelanda e Re, Düsseldorf e Frankfurt-Gjermani, Kopenhagen-Danimarkë, Gjeneva e Basel në Zvicër. Listën e qyteteve më të këqija në botë për të jetuar e mbyll Bagdadi në Irak./abcnews.al

PRODHIMET-SHQIPTARE-ME-TE-MIRAT.mpg_snapshot_00.15-1280x720.jpg
ad min12:35 | 28/10/2018

Frutat dhe perimet shqiptare, sipas ministrit të Bujqesisë dhe Zhvillimit Rural Niko Peleshi, janë më të kërkuarat në rajon. Kjo pasi sipas tij, për shkak të cilësisë që ofrojnë.

Ky është një ndër vitet më të mira të prodhimit të fruta-perimeve në vend dhe eksportit të tyre. Ministri i Bujqësisë dhe Zhvillimit Rural Niko Peleshi, e bëri të ditur nga Lushnja ku vizitoi disa ferma dhe pika grumbullimi.

Niko Peleshi, ministër i Bujqësisë dhe Zhvillimit Rural: “Produktet shqiptare janë siç e thashë, gjithmonë e më të kërkuara në rajon. Prodhimet tona sot gjenden në vendet e Bashkimit Evropian, në Suedi, në Çeki, në Itali, në Rumani, Bullgari, Greqi, Zvicër dhe shumë vende të tjera.”

Ministri zgjodhi këtë kompani e cila sipas tij eksporton 10 deri në 12 mijë ton në vit produkte bujqësore dhe bashkëpunon me 40 firma në Ballkan dhe vendet e Bashkimit Europian për të dhënë mesazhin se cilësia e produkteve shqiptare është e garantuar.

“Shkalla e reklamimit është pothuasje e papërfillshme, pra kthimi i prodhimeve tona pothuasje nuk është fare si fenomen, ç’ka do të thotë, se kur një produkt konsumohet në tregjet me standarde shumë të larta, siç janë tregjet e Bashkimit Evropian, padyshim që duhet të konsiderohet i sigurt dhe i garatuar dhe për konsumatorin shqiptar.”

Ministri pranoi se ka edhe fermerë që përdorim pa kriter pesticide dhe kimikate, por sipas tij nuk përgjithësojnë situatën.

“Dua të them, të përmend dhe një fakt tjetër, do t’i ftoja, do t’ju përulesha të gjithë mediave, që jo të mbyllin sytë dhe veshët, para fenomeneve që padyshim ekzistojnë, negative. Të spekullimit të fermerëve të papërgjegjshëm lidhur me trajtimin apo me përdorimin ndonjëherë dhe pa kriter të kimikateve dhe pesticideve, por do t’ju lutesha që t’i bëjmë jehonë lajmit pozitiv.”

Në vendin tonë prodhimi bujqësor jep 20% të Prodhimit të Brendshëm Bruto./abcnews.al

FISHOP-1280x720.jpg
ent ela22:06 | 18/08/2018

Gazetari i Edicionit Veror Eni Shehu ka ndarë këtë fundjavë për shikuesit e ABC News, eksperiencat cilësore që ai përjetoi në Jug. Duke nisur nga akomodimi te historia dhe ushqimi i shijshëm, ja vendet që sugjeron të provoni.

Sëbashku me Fjonën e “INTU Albania” ata e nisën nga Himara udhëtimin në kërkim të cilësisë, duke vizituar një nga shtëpitë historike të restauruara, që është kthyer në bujtinë mikpritëse për turistët me çmime të arsyeshme.

“Është në mes të qytetit po ke një qetësi dhe izolim që nuk e gjen në vend tjetër, është ariktekturë moderne, po ka elementë tardicionalë. Ka disa ambjente ku mund të rrihet më të gjithë të ftuarit. Muret janë që nga viti 1922, por të restauruar dhe përshtatur me kohën e sotme. Dhomat janë të thjeshta, të freskëta, të rehatshme, duket si stil i huaj, por janë të gjitha objekte nga punishte lokale të Himarës. Çmimet janë të arsyeshme, dhoma dyshe me 45 euro nata, përfshirë mëngjesin që e merr në një restorant afër”- tregon Fjona, synimi i së cilës është që të gjejë të gjitha vendet më interesante dhe të bukura për të mbushur aktivitetet e sezonit.

Nga Himara Eni dhe Fjona u zhvendosën në zonën e Dhërmiut në Manastirin e Shën Theodhorit, që është i pashmngshëm.

“Është një pikë me panoramë kryevepër të të gjithë plazhit, është një rrugë që mund ta bësh me ecje ose makinë, pra është një pushim” –vijon Fjona, e cila shpjegon edhe platformën e saj turistike për destinacionet, rezervimet dhe akomodimet etj.

Dhe më në fund te FISHOP, një nga lokalet më të suksesshëm të sezonit, po për herë të parë në kameran e ABC News. Aty mirëpriten nga Edi, me prodhimet e tij të freskëta të detit, i cili shpjegon edhe vlerat ushqyese të secilit produkt që konsumojnë. Edi thekson se, pjata e preferuar e turistëve për këtë sezon mbetet sardelja, çka sipas tij tregon se njerëzit janë më të informuar për vlerat ushqyese.

“Nëse do ta quanim eksperiencë është shumë më tepër, që do të thotë se kemi kaluar ca kapacitete që as vetë nuk mund t’i parashikonim. Pjata më e preferuar, pa e tepruar do të thoja është sardelja. Këto kohët e fundit njerëzit janë të informuar mbi produktet dhe vlerat ushqyese.  Edhe midhja e Butrinit, është lagunë, ku ka prurje të ujërave të lumenjeve, por edhe lidhje të detit. Midhja e Butrinit për shumë pak kohë ka për të qenë një nga eksportet më të mëdha që do ketë Shqipëria, me shumë vlera dhe të ushqyeshme”– thotë Edi, i cili shton edhe vlerat e produkteve të tjera dhe habitatet e tyre.

Ai shpjegoi se të gjithë stafin e ka marrë nga Tirana, ndërsa kërkon që të vendoset një standard i ri cilësie në Jug, për të gjitha që ofron bregdeti ynë. /abcnews.al

vlcsnap-error001-1280x720.jpg
ent ela15:35 | 02/02/2018

Për herë të parë në vendin tonë studentët do të jenë ato që do të vlerësojnë cilësinë e universiteteve. Në muajin mars në institucionet e arsimit të lartë do të nisë një sondazh kombëtar. Rezultatet e tij do të orientojnë studentet e vitit te ardhshem për atë që iu ofron çdo fakultet publik apo privat.

Cilësinë e universiteteve në vend do ta tregojnë vetë studentët. Ata do t’i përgjigjen një pyetësori të hartuar nga ekspertë të pavarur. Sondazhi kombëtar do të zhvillohet nga muaji mars deri në maj dhe rezultatet e tij do të dalin në korrik. Ky proces që në vendin tonë zhvillohet për herë të parë në Britaninë e Madhe është i vetmi element që vlerëson nëse një universitet do të licensohet apo jo.

Sondazhi kombëtar i universiteteve vjen pas akreditimit të tyre. Raporti final nxorri në pah se vetëm 4 institucione të arsimit të lartë kanë marrë vlerësimin maksimal, akreditim për gjashtë vjet, ndërkohë që mesatarja në universitetet private është 3.9 vite dhe në ato publike 3.3 vite.

Akreditim i programeve të studimit në universitete publike është një proces që ende nuk ka nisur ndryshe nga një pjesë e privatëve. Synimi i Ministrisë së Arsimit është realizimi i tij gjashtë muajt e parë të vitit që vjen. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono