cile precetaj

lotet-1.jpg
G. P.09:42 | 13/07/2018

Pete Gojcevic u zgjua në mëngjes të mërkurën dhe kuptoi se makthi që kishte përjetuar një ditë më parë në Romulus ishte e vërtetë.

Të martën, ai dërgoi në aeroport tre fëmijët e tij, në mënyrë që të kthehen në Shqipëri, atje ku bashkëshortja Cile Precetaj u deportua disa javë më parë nga autoritetet amerikane.

Pete nuk e ka idenë se kur do t’i shohë sërish fëmijët e tij.

“Nuk do doja të shihja në këtë situatë as armikun tim më të keq”, tha Gojcevic për mediat amerikane. Ai kishte bërë një pakt me Cilen, se nëse ajo do të deportohej në Shqipëri, fëmijët do t’i bashkoheshin asaj në atdhe.

Pavarësisht se fëmijët njohin vetëm Amerikën si shtëpi dhe nuk dinë shqip, hipën në Aeroportin Metropolitan të Detroit për në Romë dhe më pas drejt e në Shqipëri.

Gojcevic nuk është në gjendje të kujdeset për tre fëmijët dhe nënën e verbër e të sëmurë, ndërkohë që duhet të mbajë edhe punën.

“T’u thoja lamtumirë fëmijëve të mi ishte një nga gjërat më të vështira që kam bërë në jetë”, tha Gojcevic për djalin Michael, 16 vjeç dhe vajzat Megan e Martina përkatësisht 10 dhe 8 vjeç.

Vdekja e vëllait të tij, i cili ishte miku më i afërt, ishte e vështirë. Por Pete shprehet se kjo situatë është shumë më ndryshe. Familja është jeta e tij.

Pete emigroi që në 1973-shin në Michigan me prindërit e tij. Më parë, ai jetonte në Mal të Zi. Kishin qenë pikërisht prindërit e tij që i kishin sugjeruar t’i dërgonte letra Ciles, e cila njihej nga ta.

Ata u martuan në 2004-n dhe për të përfituar Cile nënshtetësinë kanë paguar mbi 250.000 dollarë nëpër procese gjyqësore.

Në Prill, Cile u ndalua nga autoritetet e emigracionit pas një vizite rutinë në agjencinë e Doganave dhe Emigracionit. Më pas ajo u deportua në Shqipëri pa pasur mundësinë të shohë familjen për herë të fundit.

Në një përpjekje tjetër për të bindur autoritetet amerikane që të rikthenin Cilen ishte edhe ajo e vajzës, Megan, e cila i dërgoi një letër Trump, por që mesa duket nuk gjeti zgjidhje.

pete1
pete 2
pete 3
pete 4
pete 6
pete 7
pete 9
pete

/abcnews.al

 

SHQIPTARJA-QE-U-DEPORTUA-NGA-SHBA-1280x720.jpg
ent ela21:31 | 11/07/2018

Çile Preçetaj është shqiptarja që dy muaj më parë u dëbua nga SHBA, ndonëse prej 18 vjetësh kërkonte t’i jepej mundësia për të marrë nënshtesësinë amerikane. Këtë të mërkurë Preçetaj priti në Rinas tre fëmijët e saj që vendosën t’i thonë lamtumirë babait për të jetuar me nënën e tyre në Shqipëri.

Nuk arriti t’i thotë mirupafshim tre fëmijëve të saj, dy muaj më pas është e emocionuar teksa pret për ti uruar mirëseardhjen.

Kjo është historia e Çile Precetaj që  mëngjesin e 26 prillit të këtij viti ajo u arrestua për t’u deportuar nga SHBA.

Faqet e para të mediave prestigjoze ndërkombëtare e treguan rastin e një nëne që e ndanë nga fëmijët e saj, një gruaje pa rekorde kriminale që nuk përbënte rrezik për askënd,  një emigrante që prej 18 vjetësh kërkonte me ngulm të bëhej shtetase amerikane por që në fund nuk ia doli.

Pjesa më e trishtë është mënyra e dëbimit, i menjëhershëm, bashkëshorti dhe fëmijët u njoftuan nga Cile Preçetaj ditën e doportimit, ndërsa priste avionin në aeroptin gjerman e shoqëruar nga dy punonjës të zyrës së emigracionit.

54 ditë më pas tre fëmijët amerikanë vendosën t’i thonë lamtumirë të atit duke zgjedhur të jetojnë pranë nënës .

Miki Migena dhe Martina janë ndërgjegjësuar se për ta të bashkohesh me një prind do të thotë të humbësh tjetrin. Janë shtetas amerikanë por zgjodhën Shqipërinë.

Janë në krahët e nënës shqiptare që nuk mundi të bëhet amërikane . or që për një gjë është e sigurtë, ëndrrën amerikane nuk e ka braktisur as sot. /abcnews.al

familja-cile-precetaj-850x445.jpg
ent ela18:10 | 10/07/2018

Tre fëmijët e mitur të Cile Precetaj janë detyruar të largohen nga Shtetet e Bashkuara të Amerikës dhe të udhëtojnë drejt Shqipërisë, ku do të ribashkohen me të ëmën e tyre. I dëshpëruar, babai Pete Gojcevic u ka dhënë lamtumirën fëmijëve Megan, Michael dhe Martina. Sonte të miturit do të nisen nga aeroporti i Detroit për në aeroportin e Romës, e më pas do të shkojnë në Shqipëri.

Fëmijët kanë lindur në Amerikë dhe nuk kanë probleme me qëndrimin aty, por do të udhëtojnë drejt Shqipërisë për të qëndruar me mamanë, Cile Precetaj. 46-vjeçarja u dëbua në Maj të këtij viti nga SHBA, pasi autoritetet amerikane nuk i dhanë leje qëndrimi. Pas 18 vitesh jetese në Shtetet e Bashkuara dhe pa asnjë rekord kriminal, për shkak të mungesës së dokumenteve u përball me dëbimin nga vendi.

Dy muaj më parë kur u largua, 46-vjeçares nuk iu dha as shansi për t’i thënë mirupafshim familjes së saj. Bashkëshorti i saj, Pete, është një emigrant jugosllav që ka jetuar në SHBA për 30 vjet dhe ka në pronësi një restorant. /tvklan.al

cile-precetaj.jpg
G. P.15:30 | 24/05/2018

Deportimi i shqiptares Çile Percetaj nga Shtetet e Bashkuara ka tërhequr vëmendjen e mediave ndërkombëtare. Daily Mail ka udhëtuar për në Shqipëri, ku është takuar me të. 46-vjeçarja, e ndarë nga fëmijët e saj për shkak të ligjeve të rrepta kundër emigracionit, thotë se vajza e saj do t’i shkruajë zonjës së parë Melanie.

Historia e një nëne shqiptare, të deportuar nga Shtetet e Bashkuara dhe për pasojë e ndarë nga 3 fëmijët e saj, ka tërhequr vëmendjen e mediave ndërkombëtare. Daily Mail ka ardhur në Shqipëri dhe është takuar me 46-vjeçaren Çile Percetaj.

Kjo e fundit, edhe pse e martuar po me një shqiptar me dokumenta të rregullta, është dëbuar nga SHBA pas 18 vitesh, ku janë ezauruar të gjitha mundësitë e apelimit të vendimit. Ajo ka mbërritur në tokën amerikane në vitin 2000 me anë të një pasaporte italiane që ishte false. Duke folur për median britanike, shqiptarja shprehet e pikëlluar dhe kërkon të rikthehet sa më parë tek fëmijët e saj.

“Jam ende në gjendje shoku dhe nuk mund ta besoj që më kanë sjellë në vendin që e lashë ku kisha frikë të jetoja. Fëmijët e mi janë me milje larg dhe unë nuk e di nëse do t’i shoh ndonjëherë sërish. Si mundet që një vend të ndajë nënën nga fëmijët e saj? Si mundet ta bëjnë këtë? Gruaja e Presidentit Trump, Melanie ishte një emigrante në një vend të ndërtuar nga emigrantët. Përse ata ia bëjnë këtë një nëne që e dashuron atë vend dhe nuk ka bërë asgjë të gabuar? Shkova në SHBA për një jetë më të mirë”.

Në intervistë për Dialy Mail, Percetaj zbulon se vajza e saj është duke i shkruar, Zonjës së Parë, Melanie për t’i kërkuar mëshirë. Tabloidi britanik nënvizon se me urdhërin e ri të miratuar nga presidenti Trump, janë ashpërsuar masat kundër emigracionit të paligjshëm dhe janë shtuar ndjeshëm rastet e deportimeve./abcnews.al

cile.jpg
G. P.09:25 | 18/05/2018

“Dua që njerëzit të luten për ne. Nuk kemi bërë asnjë krim. Erdhëm në këtë vend për të pasur një jetë më të mirë dhe edukim më të mirë për fëmijët. Kjo është arsyeja e vetme pse jemi këtu dhe i lutem Zotit që çdo gjë të funksionojë”.

Kështu është shprehur një nënë emigrante shqiptare me tre fëmijë të lindur në Amerikë dhe pa asnjë precedent të mëparshëm kriminal për mediat amerikane kohë më parë përpara se të deportohej për në Shqipëri të mërkurën. Ndërsa bashkëshorti i saj thotë që nuk pati mundësinë t’i thoshte mirupafshim.

Cile Precetaj, 46 vjeç, u arrestua në 26 Prill kur po shqyrtohej dosja e saj në një gjykatë në Detroit.

Ndërkohë, bashkëshorti i saj, Pete Gojcaj, shprehet se fëmijët e tyre janë të traumatizuar.

“Fëmijët e mi janë të shkatërruar. Vetëm qajnë. Ata janë traumatizuar”, tha Pete Gojcaj për Detroit Free Press.

Gojcaj thotë se gruas së tij nuk i është dhënë mundësia që të përshëndetet me fëmijët e tij dhe mësoi se ajo ishte larguar vetëm kur e telefonoi nga Gjermania, rreth orës 4:00 të mëngjesit të së enjtes, ku i tha se ishte duke u kthyer në Shqipëri me dy agjentë të zyrës së Emigracionit dhe Doganave (ICE).

Mirëpo, Khaalid Walls, zyrtar nga nga ICE, tha për Daily Mail se familja e saj ishte lajmëruar për dëbimin e shqiptares.

“Familja u lajmërua për deportimin  disa ditë më parë dhe ata sollën bagazhet dhe gjërat e saj personale në zyrat e agjencisë”, u shpreh Walls.

Sipas tij, Precetaj është urdhëruar nga një gjyqtar federal i emigracionit që të largohet nga SHBA-të që në vitin 2005.

Por Precetaj e ka apeluar vendimin në vazhdim. Përgjatë viteve 2007 – 2018, ajo ishte e lënë që të jetonte në SHBA pasi çështja ishte në gjykim.

Më 26 Prill të këtij viti, ajo kërkoi në Gjykatën e Apelit qëndrimin pasi nuk ishte kriminele, por ICE kërkoi arrestimin e saj sepse sidoqoftë ishte një person që kishte thyer ligjin dhe ishte qytetare e paligjshme.

Sipas agjencisë, të gjithë ata që thyejnë ligjin e emigracionit duhen arrestuar dhe mbajtur në paraburgim derisa të bëhet i mundur deportimi i tyre.

Kur u mor vendimi përfundimtar për deportimin e saj, Gojcaj tha se ajo kishte pësuar një krizë ankthi. Precetaj ishte dërguar në spital për 2-3 orë pasi mendonte se do të vdiste, thotë bashkëshorti i saj.

Bashkëshorti i Precetaj është një emigrant që ka jetuar në SHBA për 30 vjet. Ai zotëron një restorant dhe ka tre fëmijë me Cile Precetajn që janë të moshës 8, 10 dhe 16 vjeç.

Ndërkohë mësohet se Cile aplikoi për herë të parë për azil në vitin 2000 me justifikimin që disa kriminelë të rrezikshëm në Shqipëri donin ta rrëmbenin dhe ta shfrytëzonin për prostitucion./abcnews.al

cile-precetaj-12.jpg
G. P.11:16 | 28/04/2018

Cile Precetaj është një grua shqiptare, e cila ka jetuar prej 18 vitesh në Shtetet e Bashkuara të Amerikës. Atje, ajo ka krijuar familje, ku është martuar me Perter Gojcevic dhe është nënë e tre fëmijëve.

Mirëpo, Precertaj është duke u përballur me një vendim që e dëbon atë nga SHBA-të dhe e detyron të kthehet në Shqipëri.

Bashkëshorti i saj tha se ajo është dërguar në spital për shkak të ankthit para se të dërgohej në burgun e St. Clair County.

“Pati ankth. Ajo mendoi se po pësonte atak kardiak. Qëndroi në spital për 2-3 orë dhe më pas e dërguan në burg”, tha Gojcevic.

Precetaj është përballur edhe në 2013-n me një situatë të tillë, por iu lejua qëndrimi për shkak të një vendimi në vitin 2014.

Familja e saj, thotë se Cile është përpjekur që të bëhet qytetare e ligjshme që kur erdhi në SHBA në vitin 2018. Familjarët dhe avokati i saj thonë se Precetaj nuk ka bërë asnjë krim gjatë kohës që ka qenë pa dokumente.

“Nëse mbledh të gjithë  paratë që kam harxhuar nëpër avokatë është çerek milioni dollarë me të gjithë që premtonin dhe në fund jam këtu me tre fëmijë dhe një nënë që qajnë”, tha Peter Gojcevic për mediat amerikane.

“Ata thonë se ajo theu ligjin, erdhi këtu ilegalisht dhe qëndroi më shumë se ç’duhet. Mendoj se thyhet një ligj më i madh kur ndahet një familje”, tha Gojcevic.

Një zëdhënës i zyrës së Emigracionit dhe Doganave tha se do të ketë një përgjigje nga agjencia në ditët në vazhdim duke pasur parasysh situatën që është krijuar me këtë rast./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono