chelsea

Kepa.jpg
Igli Nikolli13:28 | 19/01/2020

Chelsea zhvilloi një ndeshje të mirë kundër Newcastle, por pësoi një gol në sekondat e fundit dhe u largua me zero pikë nga “St James Park”. Hayden u ndihmua nga pasiguria e Kepës dhe shënoi me kokë golin e fitores.

Një humbje e hidhur për ekipin e Lampard që vijon të renditet në vend të katërt në kampionat. Ky ishte goli i 30-të që pëson Chelsea dhe një shifër e tillë është e madh duke llogaritur që janë luajtur 23 javë kampionat.

Spanjolli Kepa u ble për shumën e 80 milion eurove nga Athletic Bilbao gushtin e vitit 2018, por nuk ka arritur ta justifikojë investimin e madh deri tani. Sipas një studimi të UTD Arena, 25-vjeçari është portieri më i keq në kampionatin anglez.

Kepa ka arritur të presë vetëm 55.4% të gjuajtjeve drejt tij, teksa ka pësuar 29 gola në 22 ndeshje që është aktivizuar. Përveçse renditet i fundit në Premier, Kepa renditet keq edhe në pesë kampionatet kryesore të Europës, aty ku mban vendin e 127-të nga 132 portierë në total. /abcnews.al

Newcastle-Chelsea.jpg
Veronik Istrefaj20:36 | 18/01/2020

Është mbyllur takimi mes Newcastle dhe Chelsea, me “Qymyrxhinjtë” e drejtuar nga Steve Bruce që kanë marrë një fitore të madhe 1-0 në sekondat e fundit. Ishte mesfushori Isaac Hayden ai që gjeti rrjetën, në minutën e katërt shtesë.

Futbollisti i dalë nga Akademia e Arsenalit shënon një gol të bukur me kokë, pas një krosimi perfekt nga Allan Saint-Maximin. Numri 10 i Newcastle është i lirë në krahun e majtë dhe ka kohën e hapësirën e duhur për të prodhuar një krosim të shkëlqyer.

Nga një distancë e afërt, Hayden nuk e ka të vështirë të mposhtë Kepan me kokë. Një humbje shkatërruese kjo për Frank Lampard dhe të besuarit e tij, që e dominuan totalisht këtë takim./abcnews.al

Premier League, java 23

Newcastle – Chelsea  1-0
Hayden 90+4′

Mourinho1-1280x761.png
Igli Nikolli23:39 | 17/01/2020

Jose Mourinho vazhdon të shohë alternativa të ndryshme për të përforcuar Tottenhamin e tij. Një ndër objektivat e portugezit zbulohet nga The Sun, që raporton se trajneri po tenton të sigurojë shërbimet e Willian.

Braziliani është pjesë e Chelsea dhe ka një kontratë deri në fund të sezonit me “Blutë e Londrës”. Rinovimi është shumë larg, por trajneri Lampard po e aktivizon si titullar brazilianin.

Mourinho ka një raport shumë të mirë me sulmuesin e djathtë 31-vjeçar, madje ishte ai që e bindi të zgjidhte Chelsea në verën e vitit 2013. Willian ishte pjesë e rusëve të Anzhit dhe ishte një hap larg transferimit te Tottenham, por “Special One”, asaj kohe trajner i Chelsea, bindi lojtarin latin që të zgjidhte kalimin në “Stamford Bridge”. /abcnews.al

 

Mourinho dhe Willian
Chelsea-e1576171299779.png
Veronik Istrefaj10:25 | 17/01/2020

Skuadra e Chelsea do të ketë mudnësinë të bëjë merkato, pasi dënimi për Blutë e Londrës nga FIFA është hequr. Gjithsesi, duket se akademia e ekipit londinez prodhon mjaftueshëm lojtarë dhe kjo gjë është vërtetuar edhe këtë sezon. Frank Lampard po bën një punë të shkëlqyer me një skuadër shumë të re në moshë dhe këtë formulë, pritet të ndjekë dhe vitet e ardhshme.

Mesfushori i talentuar, Mason Mount, rinovoi disa javë më parë, ndërsa sot, ka rinovuar dhe mbrojtësi Reece James. Ky i fundit luan në të dy krahët e mbrojtjes dhe shihet si pasardhësi ideal i veteranit Cesar Azpilicueta, i cili është në perëndim të karrierës.

James ka rinovuar edhe për 5 vite e gjysmë me Chelsea, çka e mban atë në “Stamford Bridge” deri në verën e vitit 2025. Një firmë e rëndësishme për Lampard, i cili beson shumë tek aftësitë e 20 vjeçarit./abcnews.al

Rinovimi i Reece James
Inter-e1579113683477.jpg
Igli Nikolli19:27 | 15/01/2020

Drejtuesit e Interit po punojnë në shumë drejtime për t’i dhuruar Antonio Contes përforcimet e duhura. Objektivi për sulmin quhet Oliver Giroud dhe akordi me Chelsea është çështje kohe. Mediet italiane raportojnë se zikaltrit do të paguajnë 4.5 milionë euro dhe 2 milionë të tjera në formë bonusesh për francezin 33-vjeçar.

Agjenti i sulmuesit do të jetë i pranishëm nesër në Milano për të diskutuar detajet e fundit të marrëveshjes 2.5-vjeçare. Mungesa e hapësirave te “Blutë e Londrës” dhe fakti që dëshiron të grumbullohet nga Deschamps për Euro 2020, kanë shtyrë Giroud të transferohet në Serie A, aty ku do të jetë zëvendësuesi i Lukakut në majën e sulmit të Interit.

Vizitat mjekësore do të kryhen këtë fundjavë dhe më pas do të vijë zyrtarizimi. “Po largohem për të siguruar grumbullimin për në Europian? Jo, po ndodh prej faktit që pankinat në Serie A janë më komode“, thekson duke buzëqeshur sulmuesi francez. /abcnews.al

Chelsea-1.jpg
Veronik Istrefaj19:12 | 14/01/2020

Mbrojtësi i majtë i Chelsea, Marcos Alonso, do të largohet nga Blutë e Londrës. Drejtuesit e skuadrës londineze kanë vendosur që t’i hapin derën mëngjarashit spanjoll dhe ky i fundit, ka vendosur që të rikthehet në Serie A.

Chelsea siguroi shërbimet e Marcos Alonsos nga skuadra e Fioretinës, që po ashtu synon rikthimin e spanjollin. Përveç ekipet viola, edhe dy skuadra tjera të Serie A janë të interesuara për shërbimet e Alonsos. Interi dhe Roma janë dy skuadrat tjera të interesuara për kartonin e spanjollit.

Marcos Alonso e ka humbur vendin e titullarit te Chelsea dhe Emerson është zgjedhje e parë e Frank Lampard. Rikthimi në Serie A pritet të ndodhë brenda këtij muaji janar./abcnews.al

Marcos Alonso
Lampard.jpg
Igli Nikolli11:50 | 12/01/2020

Roma-Juventus është kryendeshja e mbrëmjes së sotme në Serie A. Dueli që zhvillohet në “Olimpico” është tepër interesant. Vendasit do të tentojnë të marrin pikë për t’u konfirmuar në vendin e katërt, ndërsa bardhezinjtë e Sarrit duan fitoren për të parakaluar Interin në krye.

Të pranishëm në stadium do të jenë dhe përfaqësues të dy skuadrave angleze. Tottenham dhe Chelsea po garojnë për shërbimet e Amadou Diawara. Mesfushori i Romës pëlqehet shumë nga Mourinho dhe Lampard, të cilët kanë dërguar njerëzit e tyre të besuar për të ndjekur nga afër paraqitjen e 22-vjeçarit nga Guinea.

Diawara numëron 15 ndeshje aktivizim këtë sezon, ndërsa kontrata me verdhekuqtë i përfundon në vitin 2024. Dy klubet londineze do monitorojnë nga afër performancën e sotme ndaj rivalit më të fortë në Itali dhe më pas do të përgatisin ofertat e tyre ndaj Romës dhe vetë lojtarit. /abcnews.al

 

Amadou Diawara
Ings-1-1280x783.jpg
Veronik Istrefaj17:54 | 11/01/2020

Southampton është hakmarrë ndaj Leicester City për atë humbje të turpshme 0-9 në fazën e parë, pasi i ka mposhtur “Dhelprat” me rezultatin 1-2 në “King Poëer Stadium”.

Për më tepër, golin e fitores e shënoi një ish-lojtar i Liverpoolit, Danny Ings, duke iu dhënë mundësinë të kuqve të shkëputen edhe më tepër në krye të renditjes.

Chelsea dhe Manchester United kanë fituar me goleada. Blutë e Londrës shkatërruar 3-0 ekipin e Bunrley, ndërsa “Djajtë e Kuq” i shënuan katër gola Norwichit.

Wolverhampton dhe Newcastle janë ndarë në barazim 1-1, ndërsa Everton vazhdon të fitojë me Ancelottin në krye, duke mposhtur 1-0 ekipin e Brighton./abcnews.al

Rashford shënon për United
Lampard.jpg
Igli Nikolli17:39 | 10/01/2020

Frank Lampard është ndalur te merkato në konferencën e dhënë përpara ndeshjes së nesërme kundër Burnley në shtëpi. Trajneri i Chelsea i hap rrugë largimit të Oliver Giroud drejt Interit dhe pranon se largimi i tij nuk varet nga blerja e ndonjë sulmuesi tjetër.

Ndryshe ndodh me Milanin. Kuqezinjtë pëlqejnë mbrojtësin Andreas Christensen, por trajneri anglez e përjashton si mundësi, teksa flet edhe për interesimin ndaj Moussa Dembele, sulmuesit të Lyon.

GIROUD – “Nëse të gjithë palët bien dakord do të diskutojmë nëse Giroud mund të largohet, por nuk kemi marrë ende asnjë vendim. Largimi i tij nuk lidhet me afrimin e ndonjë sulmuesi tjetër”.

 

Giroud dhe Christensen, në një seancë stërvitore

 

DEMBELE – “Po flasim për një futbollist që e njoh mirë, edhe klubi e njeh mirë, por jam befasuar nga fakti që emri i tij lidhet me ne. Nuk është i vetmi për të cilin kanë thënë që do të transferohet te Chelsea. Po kërkojmë për një lojtar që do të përforconte sulmin tonë, por nuk po bisedojmë as me Dembele dhe me as ndonjë tjetër”.

CHRISTENSEN – “E përjashtoj mundësinë që Andreas do të transferohet te Milani. Më pëlqen shumë si lojtar, më ka pëlqyer gjithmonë dhe e kam dalluar talentin e tij që prej kohës kur stërviteshim së bashku. Dua që të përmirësohet edhe më shumë”. /abcnews.al

Odoi.jpg
Veronik Istrefaj11:59 | 10/01/2020

Talenti i Chelsea, Callum Hudson-Odoi, ishte shumë pranë një kalimi te Bayern Munchen janarin e vitit të shkuar, si dhe në merkaton e verës. Megjithatë, ky transferim nuk u krye dhe Odoi rinovoi me Chelsean.

Pas më shumë se një viti nga ajo “telenovelë” e merkatos, Odoi është rikthyer të flasë, kësaj radhe pa doreza. 19 vjeçari pranoi se e tundonte ideja për të provuar një eksperiencë të re, por vendosi që të rinovojë me Chelsean dhe tani është shumë i lumtur.

“Nuk mund të them se isha pranë largimit, por më tundonte ideja e një eksperience të re dhe kisha një mendim për t’u larguar. Ajo që ndodhi në janar, ndodhi. Unë rinovova me Chelsea dhe jam i lumtur që jam këtu tani. Gjithçka po shkon shumë mirë”, tha talenti i Bluve të Londrës/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono