Champions

OLAJINKA-NGA-SKENDERBEU-NE-CHAMPIONS-_ABC-M1-T1.mpg_snapshot_00.03-1280x720.jpg
ent ela11:50 | 18/09/2019

Një ish-yll i Superligës shqiptare shkëlqen në Champions. Peter Olajinka, ish-lojtar I Bylisit dhe Skënderbeut, shënoi gol në “San Siro” duke treguar talentin e tij.

Ky gol ishte thjesht si kujtesë.

Tregon se deri ku mund të arrijë një njeri nëse ka talentin e duhur, por edhe fatin, dhe kështu po ndodh me Peter Olajinkën.

Sulmuesi afrikan nga Nigeria ka jo pak Shqipëri në karrierën e tij, ndërsa tani po shkëlqen në Champions, ku u bë protagonist me golin shënuar për Sllavian e Pragës në portën e Interit të Milanos, madje brenda në “San Siro”.

Ai është ende 23-vjeç, siç e thonë dokumentet e tij, por ka një karrierë tashmë të gjatë.

Pasi nisi futbollin si fëmijë, në moshën 15-vjeçare ishte pjesë e Akademisë 36 Lion FC në vendin e tij, ndërsa më pas erdhi emigrimi.

Europa fillimisht për të ishte qyteza e vogël e Ballshit, ku Peter Olainka u bashkua me Bylisin në moshën 17-vjeçare, verën e vitit 2012

Ndonëse nuk shënoi dot asnjë gol në kampionat, ai ndihmoi ekipin në Kupë, duke realizuar dy herë ndaj Skënderbeut, dhe ishin pikërisht kampionët që e morën në 2014, pas gjyqeve ndaj Kukësit, që e lanë lojtarin të dënuar për 1 vit.

Olajinka u bë një bast I fituar nga presidenti Takaj, duke shënuar gola, e duke ndihmuar korçarët për të fituar një tjetër titull.

Po ashtu, ai shkëlqeu në kupat e Europës, dhe ishte pjesë e skuadrës së trajnerit Mirel Josa që arriti në fazën e grupeve të Ligës së Europës, e para herë për një klub shqiptar.

Në bazë të sistemit të Skënderbeut, ai u arrit të transferohej në Belgjikë, fillimisht te Genti, dhe pastaj luajti i huazuar tek Zulte Varegemi dhe Dukla e Pragës.

Informacionet jozyrtare ishin se transferimi i tij në Belgjikë arriti në 1 milionë euro, dhe se menaxherët nxorrën përfitime të mëdha.

Sezonin e kaluar, Peter Olajinka kaloi në Superligën e Çekisë, pasi Sllavia e Pragës i pagoi Gentit belg plot 3.2 milionë euro për kartonin e tij. /ABC News Albania 24/7

 

Liverpool-0-1280x854.jpg
ent ela17:32 | 17/09/2019

Liverpuli fillon sot mbrojtjen e titullit në Champions. Anglezët luajnë në orën 21:00 në fushën e Napolit, dhe jepen favoritë për të fituar.

Ajo që ndodhi vjet nuk harrohet lehtë.

Liverpuli i gjithi, me lojtarë, trajnerë e tifozë festoi si i çmendur për fitoren e titullit në Champions, veçse gjithçka tani është fashitur, pasi objektivi është një tjetër triumf.

Pikërisht, një mentalitet I tillë po ndihmon për kryesimin bindës në Premier Ligë pas pesë javësh, ecuri që duhet të vazhdojë edhe në Europë.

Dueli i parë i vitit të ri sportiv nuk është aspak i lehtë, në fushën e Napolit, aty ku të kuqtë vjet humbën e luajtën keq.

Trajneri Jurgen Klop ka disa shqetësime, që fillojnë me mungesën e portierit Alison, me mesfushorin e dëmtuar Nabi Keita dhe sulmuesin, gjithashtu të lënduar, Origi.

Gjermani u detyrua të sqaronte edhe të ardhmen e tij pas 4 vjetësh në stolin liverpulas, pasi agjenti i tij hodhi dyshime për vazhdimësinë për shkak të motit aspak të mirë në Angli.

“Mesa duket askush nuk e kuptoi shakanë e tij, – tha Klopi, – ishte humor gjerman, por ndoshta në Angli janë mësuar ndryshe. Moti nuk luajti asnjë rol në vendimin tim për të ardhur tek Liverpuli. Nëse themi “mos shkoni në Liverpul në tetor, është errësirë dhe ftohtë”, duket sikur po këndon refrenin e një kënge, jo sikur po jep një fakt të vërtetë”.

Më pas, trajneri foli edhe për ndeshjen.

“Pres që të jetë shumë e vështirë, – u shpreh ai, – Napoli vjet na mundi, dhe së pari ne duhet të luajmë mirë, ndryshe nuk ia dalim dot. Jemi kampionë të Europës, por nuk mendoj se jemi skuadra më e fortë në kontinent, nuk jemi favoritë. Mendoj se Mançester Siti është më i forti”.

Napoli është i fortë në fushën e tij, por trajneri Ançeloti tregohet i kujdesshëm në parashikim.

“Duam të bëjmë figurë të mirë dhe të mos humbim identitetin e lojës sonë, – u shpreh tajneri I shquar italian, – në ndeshjet e mëparshme ndaj Liverpulit kemi pasur probleme, dhe duhet të nxjerrim përfundimet tona. Në mbrojtje ishim mirë, por duhet që individët të dalin në pah, në mënyrë që të fitojmë. Napoli është forcuar, por po kështu edhe Liverpuli”.

Napolitanët mund të mos kenë sulmuesin Milik, ndërsa Elseid Hysaj nuk pritet të jetë titullar.

Parashikimet nxjerrin fitues kampionët e Europës, por rezultati I një ndeshjeje përcaktohet nga ajo që japin skuadrat në fushë.

CHAMPIONS-DINAMO-DHE-ZVEZDA.mpg_snapshot_00.02-1280x720.jpg
ent ela12:18 | 22/08/2019

Dy skuadra nga ish-Jugosllavia janë pranë kualifikimit për në fazën e grupeve në Champions. Crvena Zvezda e Serbisë dhe Dinamo e Zagrebit e Kroacisë, hodhën hapin e parë drejt suksesit të madh.

Dikur ishin fuqi e futbollit europian, por duket sikur janë harruar.

Skuadrat nga ish-Jugosllavia e kanë pasur të vështirë të shkëlqenin në Champions, por kjo ndoshta mund të ndryshojë.

Crvena Zvezda, kampione e Serbisë, dhe Dinamo e Zagrebit kampione e Kroacisë, janë më pranë kualifikimit për në fazën e grupeve, pas ndeshjeve të para të plej ofit.

Beogradasit barazuan 2-2 në fushën e Jang Bojsit, rivalit të parvjetshëm të Skënderbeut në grupet e Ligës së Europës, ndërsa zagrebasit triumfuan 2-0 në fushën e tyre ndaj Rozenborgut të Norvegjisë.

Millosh Degenek dhe Mateo Garsia ishin autorët e golave për Zvezdën në Bernë, duke përmbysur avantazhin e hershëm të zviceranëve, arritur me Rozher Asalenë.

Në minutën e 76-të, Gijom Horo barazoi me penallti për Jang Bojsin që pati dy mundësi të shkëlqyera në fund, por nuk i shfrytëzoi.

Dhjetëra mijë tifozë do ta mbështesin Zvezdën në kthim, në stadiumin “Rajko Mitiç”.

Dinamo e Zagrebit është edhe më pranë grupeve të Championsit, pasi Bruno Petkoviç me penallti dhe Mislav Orshiç shënuan “shpejt e shpejt” në “Maksimir”, ku ishin mbi 25 000 shikues.

Në formacion për kroatëve, edhe kapiteni Arijan Ademi, madje shqiptari i Maqedonisë humbi rast për gol tjetër.

Edhe pse me djem të rinj, “Blutë” treguan cilësi më të lartë se norvegjezët, që gjithashtu mbeten të rrezikshëm. /ABC News Albania 24/7

STUDIO-SPRINT-22-30.mpg_snapshot_05.12-1280x720.jpg
ent ela23:00 | 18/07/2019

Partizani e kënaqi trajnerin e tij, Franko Lerda, me lojën që zhvilloi ndaj Karabakut, pavarësisht eleminimit. Tani, skuadra shqiptare do të ndeshet në Ligën e Europës me një klub milioner si Sherifi i Moldavisë.

Humbja nuk e la jashtë Europës.

Partizani ka favorin e skemës së UEFA-s, që do të vazhdojë në Ligën e Europës, edhe pse sërish nuk do ta ketë të lehtë.

Pas disfatës nga Karabaku në Champions, rivali I radhës quhet Sherif i Tiraspolit, një emër I njohur për futbollin shqiptar, pasi u ndesh me Kukësin dy vjet më parë.

Si e vlerëson veten Partizani në dy duelet ndaj Karabakut?

Trajneri Franko Lerda theksoi diferencën financiare të dy klubeve.

Gjithsesi, kryeqytetasit morën vlerësime për lojën e tyre të organizuar në të dyja ndeshjet, pavarësisht epërsisë së kundërshtarit.

Për më tepër, duke luajtur thuajse me lojtarët e vjetshëm, pasi përforcimet erdhën me vonesë, ndaj Lerda i vlerëson futbollistët e tij.

Gjithsesi, vëmendja duhet zhvendosur tek Sherifi i Tiraspolit, me të cilin do të ndeshet në 25 korrik e 1 gusht.

Kundërshtari i Ligës së Europës ishte i suksesshëm kohët e fundit, por Championsi përfundoi me eleminim nga Saburtalo e Gjeorgjisë.

Humbje 0-3 në Tiraspol, dhe fitore 3-1 jashtë fushe.

Nëse Karabaku kishte buxhet deri në 15 milionë euro, Sherifi po ashtu është klub I pasur, edhe pse pjesë e një vendi të varfër, si Republika e Transnistrisë, e shkëputur nga Moldavia, dhe e afruar me Rusinë.

Me paratë që vijnë nga Moska, dhe me financim të kompanisë së madhe vendase me të njëjtin emër, Sherif, klubi ka një kompleks futbolli, të përbërë nga stadiumi, fushat stërvitore dhe ambientet e tjera që kushtuan 200 milionë euro, dyfishi I buxhetit të Transnistrisë si shtet.

Pavarësisë shkëputjes nga Moldavia, skuadra merr pjesë në kampionatin moldav, të cilin e ka fituar 10 herë.

Sherifi I Tiraspolit do të niset si favorit ndaj Partizanit, por nuk duhet harruar se në 2017, Kukësi fare mirë mund ta kishte eleminuar.

Pas humbi 0-1 në Tiraspol, skuadra e trajnerit Gjoka fitoi 2-1 në “Elbasan Arena”, duke humbur penallti e duke goditur shtyllën në fund. /ABc News Albania 24/7

partizani.jpg
G. P.14:33 | 06/07/2019

Trajneri i Partizanit po punon paralelisht me mbrojtjen dhe me sulmin, në prag të ndeshjeve në Europë. Italiani ende nuk është i kënaqur me nivelin e lojës, ndërsa shumë futbollistë të rinj duhet të përshtaten me ekipin.

Afrimi i Championsit po e rrit edhe më shumë shqetësimin. Partizani ende nuk është plotësisht gati dhe trajneri Franko Lerda nuk dëshiron të humbasë kohë.

Pas kthimit nga Sllovenia, pas ngarkesave të rënda dhe ndeshjeve miqësore, erdhi koha për t’u dhënë dorën e fundit përgatitjeve, sidomos atyre taktike, ndaj italiani punoi paralelisht në stërvitje, me mbrojtjen në një krah, si dhe me sulmin e mesfushën.

Ai deshi të kishte qetësi absolute, ndaj edhe e mbylli totalisht seancën stërvitore ndaj kamerave apo fotoaparateve. Me skuadrën të ndarë në dy grupe, Lerda u përqëndruar fillimisht tek mbrojtja, ende i shqetësuar nga golat e pësuar në miqësoret ndaj Sarajevos dhe Murës.

Me largimin e Lum Rexhepit, frika më e madhe është për qendrën e mbrojtjes, ku ka pak alternativa, vetëm Bitri me Belicën. Në kohën që punohej taktikisht me prapavijën, pjesa tjetër vazhdonte ushtrimet përkatëse, dhe trajneri u bashkua me mesfushorët dhe sulmuesit në gjysmën e dytë të seancës.

Nuk dihet sesa gati do të jetë kampionia e Shqipërisë për ndeshjet e Championsit ndaj Karabakut të Azerbajxhanit, përballje që nisin javën e ardhshme, kjo edhe sepse në ekip ka ndryshime.

Janë afruar portiere Aldo Teqja, mesfushori Romero, mbrojtës si Melo e Hakaj, mesfushorët Broja e Romero apo sulmuesit Jozef Ekuban e Solomon. Labinot Ibrahimi, ashtu si Egzon Belica kanë rinovuar kontratat, ndërsa janë larguar jo pak lojtarë. Nga sezoni i kaluar nuk janë Lum Rexhepi, si Atanda, Duka, Hebaj e Hila./ABC News Albania 24/7

liverpool.jpg
G. P.11:30 | 03/06/2019

Plot 750 000 tifozë të Liverpulit festuan në rrugët e qytetit fitoren e Championsit në Madrid. Skuadra udhëtoi në autobusin tradicional pa çati, në një festë që nuk ishte parë prej 14 vitesh

Gjithçka nisi që përpara ndeshjes, në Madrid. Mbi 50 000 tifozë të Liverpulit e bënë të shkëlqyer atmosferën në vigjilje të finales së Ligës së Kampionëve ndaj Totenhemit, dhe festimi i tyre, për fat, nuk do të prishej në përfundim.

Ndërsa, skuadra harbohej në dhomën e zhveshjes në stadiumin “Uanda Metropolitano”, qyteti priste kthimin e saj në shtëpi, për t’i dhënë mirëseardhjen e merituar. Ndodhi pikërisht si 14 vjet më parë, pas finales së paharruar të Stambollit fituar me penallti ndaj Milanit, duke u ndodhur në humbje 0-3.

Drama në Madrid nuk ishte e njëjta, por elektrizimi nga triumfi nuk ishte aspak më i vogël. Plot 750 000 tifozë u mblodhën në rrugët e qytetit bregdetas anglez, duke e kthyer parakalimin e të kuqve, në një ceremoni triumfale.

Ajri u mbush me tymin me ngjyrë të kuqe, lëshuar nga flakadanë dhe gjithçka tjetër tymuese, me letra të vogla gjithashtu të kuqe, ndërsa flamujt e banderolat ishin të shumta, sipas traditës liverpulase, thuajse unike në futbollin anglez.

Rrugët drejt qendrës së qytetit u bllokuan për shumë orë, ndërsa tabelat e qarkullimit dhe semaforët u kthyen në ulëse për tifozët më të zjarrtë. Tifozët mezi pritën një rast për të kremtuar, pasi kishin kaluar 7 vjet nga trofeu më i vonshëm, Kupa e Ligës, si dhe 14 vjet që nga Championsi i fundit.

Përkrahësit shpresojnë që trajneri Jurgen Klop do të dijë ta forcojë skuadrën për të fituar edhe titullin kampion sezonin e ardhshëm./ABC News Albania 24/7

gatusso.png
Sej rie23:03 | 25/05/2019

Trajneri i Milanit Xhenaro Gatuso kerkon të heq presionin nga skuadra në prag të ndeshjes së fundit në kampion. Kreu i pankinës se kuqezinjve zbulon se skuadra nuk i vendosi kusht kualifikimin ne Champions.

Edhe pse nuk është plotësisht në këmbët e Milanit sërish Gennaro Gattuso, në transfertën kundër Spal do tentojë të mos lërë asnjë pikë, për të arritur një fitore që më pas do të vendosë në raport me rezultatet e Interit dhe Atalantës, pjesëmarrjen ose jo në Champions League sezonin e ardhshëm, edhe pse sipas Gatuzos, siç e ka pohuar edhe vetë klubi nuk i ka vënë asnjë herë objektivin e zonës Champions.

“Nesër duhet të vëmë qershinë mbi tortë. Kam vetëm fjalë pozitive për këtë grup dhe meritojnë respekt. Të drejtoj Milanin ka qenë një ëndërr e bërë realitet dhe shpresoj  të vazhdojë. E kam për nder të trajner këtë skuadër dhe shpresoj ta bëj për një kohë të gjatë.

Këtë sezon kemi grumbulluar më shumë pikë se vjet. Atalanta po bën një mrekulli sportive. Skuadrat e tjera kanë bërë diçka më shumë se ne, por edhe ne jemi këtu. Është bërë shumë punë nga ana jonë. Klubi nuk më ka vënë objektiv asnjëherë që të kap zonën Champions, më kanë kërkuar që ta provoj. Jemi në javën e fundit dhe ja ku po e provojmë. Duhet të luftojmë dhe të mendojmë vetëm për ndeshjen tonë”,- theksoi Gatuzo që gjithsesi dha disa sinjale përshëndetëse me median, në këtë fund kampionati. Milani jashtë Champions mund të vërë në pozitë tërësisht delikate vazhdimësinë e tij si trajner në këtë klub që ka vite që nuk po ngre dot kokë./ABC News Albania 24/7

LIONI-CHAMPIONS-PER-FEMRA.mpg_snapshot_00.12-1280x720.jpg
ent ela14:38 | 19/05/2019

Lioni fitoi Ligën e Kampionëve për femra, duke mundur në finale Barcelonën. Suksesi ishte i thellë, arritur me 3 gola të norvegjezes Hegerberg.

Reali i Madridit në futbollin e femrave është francez.

Lioni u kurorëzua sërish me titullin e Championsit, të gjashtin në histori, edhe pse përballë në finale pati një emër të madh, Barcelonën.

Të kuptohemi, katalanaset janë tepër larg emrit të skuadrës së meshkujve, ndonëse patën mundësi t’i jepnin klubit të tyre Ligën e Kampionëve këtë sezon.

Nuk ia dolën përballë një skuadre të madhe, tashmë gjashtë herë në krye të Europës, duke humbur 1-4 në Budapest të Hungarisë.

Nëse vajzat e Barçës ishin për herë të parë në një finale të tillë, Lioni luante sfidën e tetë, ndërsa pati në radhët e veta lojtaren më të mirë të Europës, e ndoshta të botës, norvegjezen, Ada Hegerberg.

Pikërisht biondia skandinave ishte autore e tre golave, duke I rreshtuar pasi Lioni kaloi në epërsi falë gjermanes me origjinë hungareze, Xhenifer Marozhan.

Dominimi i Olimpikut ishte kaq i madh saqë pjesa e parë u mbyll 4-0, ndërsa pas pushimit, kampionet e ulën ritmin, duke mos shënuar më.

Katalanaset realizuan një gol ngushëllimi pranë fundit, me autore nigerianen Asisat Oshoala, duke mbrojtur në një farë mënyre, nderin.

Një sukses i madh i futbollit francez, edhe pse shpërblimi financiar është shumë më I ulët sesa tek djemtë, me Lionin që fitoi vetëm 250 000 euro për titullin. /ABC News Albania 24/7

poketino.jpg
Sej rie14:55 | 09/05/2019

Maurisio Poçetino është personazhi i momentit në Champions. Pas Jurgen Klopit, edhe trajneri argjentinas realizoi një mrekulli duke treguar se është një profesionist i madh.

Futbollin për herë të parë e ndjeu në 1978.

Argjentina u shpall kampione e botës në Buenos Aires, dhe një fëmijë 6-vjeçar me emrin Maurisio Poçetino ndoqi ndeshjet në fshat me babanë e tij.

Kur Diego Armando Maradona fitoi Kupën e dytë të Botës të Argjentinës, Poçetino sapo kishte nisur karrierën.

U zbulua nga një skaut i trajnerit të famshëm, Marselo Bielsa, dhe shkoi tek Njuell’s Old Bojs.

Fitoi titullin kampion në 1991 dhe titullin Klauzura në 1992, si dhe arriti finalen e Kupës Libertadores.

Më pas kaloi Atlantikun për të provuar veten në elitën e futbollit, në Europë.

Me Espanjolin në Spanjë fitoi dy Kupa të Mbretit, dhe u bë i njohur si një qendërmbrojtës pa kompromis.

Pasi provoi edhe Francën, tek Paris SG dhe Bordoja, mbylli karrierën e futbollistit tek Espanjoli me një tjetër fitore të Kupës së Mbretit në 2006.

Me kombëtaren e Argjentinës, Poçetino mbahet mend më shumë për penalltinë fatkeqe që shkaktoi ndaj Majkëll Ouenit, në Botërorin 2002, duke I dhënë fitoren Anglisë me golin e Dejvid Bekamit.

Lavdia duket se e priste si trajner.

E filloi në 2009, ku tjetër përveçse, tek Espanjoli, ku drejtoi për 3 vjet, dhe nisi të shquhej për mënyrën e tij të trajnimit.

Në Angli shkoi pa shumë bujë në 2012, tek Sauthemptoni, por shpejt tërhoqi vëmendjen e klubeve të mëdhenj.

Fati i tij i radhës quhej Totenhem Hotspur, ku firmosi në 2014.

Trajneri argjentinas ishte i prerë dhe i sigurt në konferencën e parë për shtyp.

“Synimi ynë është që të arrijmë maksimumin, kam nevojë për kohë, por do të bëjmë gjithçka që të jemi mes më të mirëve në Angli dhe në Europë”, – ishin fjalët e tij.

Që në seancën e parë stërvitore, lojtarët kuptuan se Poçetino ishte një njeri tek i cili mund të mbështeteshe.

Kanë kaluar gati pesë vjet dhe argjentinasi është bërë i famshëm, edhe pse ende nuk ka realizuar atë që ëndërrojnë tifozët, të fitojë trofeun e parë që nga viti 2008.

Gjithsesi, në epokën e milionave, Poçetino ka siguruar diçka tepër të rëndësishme, prej 3 vitesh, Spërsat luajnë në Ligën e Kampionëve, dhe pritet të jenë aty edhe vitin e ardhshëm, garancia për të qenë një klub i madh.

Falë sukseseve të tij, presidenti Daniel Levi bëri realitet projektin prej 1 miliardë paund stërlinash të stadiumit të ri, që e bën edhe më shumë Totenhemin një klub të elitës.

Tashmë, u arrit finalja e Championsit, e para në histori.

A do të jetë pikërisht ky trofeu i parë i Maurisio Poçetinos?

Nëse do të ndodhte kështu, do të ishte maksimumi, por ndoshta edhe mbyllja e një epoke, dhe trajneri 47-vjeçar do të largohej nga Totenhemi për të provuar një sfidë të re./ABC News Albania 24/7

atalanta-1280x572.jpg
nev ila12:42 | 30/04/2019

Atalanta është në zonën Champions në Serinë A, pas fitores së fundit. Skuadra e shqiptarëve Etrit Berisha e Berat Gjimshiti, po realizon një mrekulli të vërtetë.

E tillë ishte atmosfera pas hapit të madh në Kupë.

Atalanta mbërriti në finale dhe festa shpërtheu në stadiumin “Atleti d’Italia”, por imagjinoni se çfarë do të ndodhë këtu nëse arrihet Championsi.

Trajneri Xhampiero Gasperini dhe djemtë e tij arritën një tjetër fitore, një tjetër rezultat në drejtimin e duhur, duke mundur 2-0 Udinezen në Serinë A.

Kjo do të thotë ngjitje e vetme në vendin e katërt, pozicioni i fundit që të kualifikon në Ligën e Kampionëve, edicionin e ardhshëm.

Atalanta ka 59 pikë ndaj 58 të Romës, ndërsa më prapa janë Torino, Milani e Lacio. Gjithsesi, fitorja doli tepër e vështirë, dhe golat u shënuan vetëm në minutat e fundit. Marten De Ron realizoi me penallti në të 82-ën dhe Mario Pashaliç në të 85-ën.

Mbeten edhe katër ndeshje deri në realizimin e ëndrrës, por edhe vetë trajnerit nuk i duket i vërtetë ky realitet.

“Tashmë e kemi fatin në duart tona, gjithsesi, ende nuk arrij ta besoj këtë që po bëjmë. Duhet të përqendrohemi dhe të fitojmë ndeshjet që na mbeten, edhe pse kundërshtarët janë të fortë. Duam të bëjmë diçka të veçantë”, theksoi trajneri.

Le të japim edhe paradën e zakonshme të mediave italiane.

“La Gazeta dello Sport”: Përralla pa mbarim! Atalanta mposht edhe Udinezen. Është e vetme në vendin e katërt, që do të thotë Champions!

“Tutosport”: DEA, kështu shkon në Champions! Atalanta kalon Romën dhe ngjitet në vend të katërt, të dielën dueli direkt me Lacion!

“Il Korriere delo Sport” lavdëron trajnerin Bergamask: Parakalimi i Gaspit! Gara për Championsin, Atalanta kalon Romën, të dielën sfida me Inzagin!

Për fat të keq, dy shqiptarët e Atalantës u aktivizuan pak.

Etrit Berisha prej kohësh është në stol, ndërsa lojtari tjetër i kombëtares, mbrojtësi Berat Gjimshiti, luajti vetëm në 12 minutat e fundit.

Gjithsesi, nëse arrihet Championsi, kënaqësia do të jetë e madhe edhe për ata, pasi që të dy kanë dhënë kontribut, sidomos Gjimshiti./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono