ceshtjet

MITSOTAKIS-ALBANIA-RAMA2-1280x804.jpg
nev ila18:28 | 29/10/2019

Kryeministri Edi Rama është pritur në një takim nga Kryeministri i Greqisë Kyriakos Mitsotakis.

Në këtë takim u diskutuan të gjitha çështjet e përbashkëta. Kryeministri i Shqipërisë theksoi se pavarësisht vendimit të Këshillit të BE-së, Shqipëria do të vazhdojë zbatimin e reformave me të njëjtën vendosmëri.

Në të njëjtën kohë është në interesin e Shqipërisë po aq sa është në interesin e Greqisë fqinje, theksoi Rama, të diskutohen të gjitha çështjet me interes të përbashkët dhe të forcohet bashkëpunimi mes të dyja palëve.

Kyriakos Mitsotakis theksoi se Greqia mbështet prespektivën europiane të vendeve të Ballkanit Perëndimor, për sa kohë këto vende përmbushën të gjitha kërkesat për anëtarësim.

Më tej, ai mirëpriti angazhimin e palës shqiptare për të vazhduar punën me çështjet e pronave dhe të vetëdeklarimit/censusit, të cilat janë shqetësime për minoritetin grek në Shqipëri.

Veç kësaj, Kryeministri grek theksoi se marrëveshja bilaterale për njohjen e ndërsjelltë të patentave do të kalojë së shpejti për miratim në parlamentin grek.

Kryeministri i Shqipërisë ftoi Kryeministrin e Greqisë për të vizituar Shqipërinë në të ardhmen e afërt, ftesë të cilën ai e pranoi./abcnews.al

europol-ndertesa-1280x960.jpg
nev ila16:56 | 03/10/2019

Në ambientet e Europol-it në Hagë, Holandë u zhvillua Konventa e Drejtorëve të Policive Europiane për vitin 2019, e organizuar nga Europol-i dhe Presidenca Finlandeze e Këshillit të Bashkimit Europian.

Në fokus të konventës ishin lufta ndaj krimit të organizuar, ndikimet e tij në shoqëri dhe roli i Europol-it si një platformë e Policimit Europian, evoluimi i krimit dhe bashkimi i forcave në luftën ndaj tij, si dhe domosdoshmëria e forcimit të bashkëpunimit policor europian.

Gjatë konventës, Drejtori i Përgjithshëm Ardi Veliu mori pjesë në takimin e Drejtorëve të Policisë në Forumin e Salzburgut, si dhe zhvilloi disa takime bilaterale me delegacionin e policisë spanjolle, me delegacionin e xhandarmërisë holandeze dhe me delegacionin e policisë holandeze.

Takimi i Drejtoreve të Policisë në Forumin e Salzburgut u kryesua nga Drejtori i Përgjithshëm i Komanduar për Sigurinë Publike në Austri z. Franz LANG, Kryetari i Sekretariatit të PCC SEE-së Z. Ottavio Bottecchia dhe Miqtë e Forumit të Salzburgut nga Ballkani Perëndimor dhe Moldavia.

Në takim u diskutua për forcimin e mëtejshëm të bashkëpunimit në fushën e implementimit të teknologjisë bashkëkohore në fushën e IT dhe investimet në këtë drejtim, me qëllim ndjekjen dhe arrestimin sa më të shpejtë të personave të përfshirë në veprimtari kriminale, të cilët cënojnë sigurinë publike në vendet e përfshira në këtë forum.

Drejtori i Përgjithshëm Veliu zhvilloi një bisedë miqësore me Drejtorin e Përgjithshëm të Policisë Kombëtare Spanjolle Z. Francisco Pardo Piqueras, Shefi i delegacionit.

Veliu dhe Piqueras diskutuan çështjet që kanë të bëjnë me krimin e organizuar, emigracionin e paligjshëm dhe terrorizmin.

Në takimin mes Drejtorit të Përgjithshëm Ardi Veliu dhe Gjeneralit të Xhandarmërisë Holandeze z. Marinus Hendrickx, u theksua rëndësia e koordinimit të përpjekjeve te përbashkëta në luftën ndaj emigrimit të paligjshëm.

Në këtë kuadër, u ra dakord për një takim të ekspertëve të dy agjencive, për të koordinuar veprimet e mëtejshme në luftën ndaj emigrimit të paligjshëm.

Gjenerali Holandez z. Marinus Hendrickx shprehu falënderimet e tij për punën e përkushtuar të Policisë së Shtetit, për parandalimin e emigrimit të paligjshëm.

Po gjatë Konventës, drejtor Veliu u takua dhe bisedoi me Drejtorin e Përgjithshëm të Policisë Holandeze Z. Erik Akkerboom.

Gjatë bisedës, të dy drejtorët vlerësuan marrëdhëniet mjaft të mira mes dy policive dhe theksuan se është i rëndësishëm forcimi i bashkëpunimit ndërmjet dy policive në luftën ndaj grupeve kriminale që shtrijnë aktivitetin e tyre në Shqipëri dhe Holandë.

Për këtë u ra dakord që të zhvillohet një takim ndërmjet ekspertëve të dy policive për të koordinuar veprimet e mëtejshme në luftën ndaj krimit të organizuar.

Z. Erik Akkerboom ka pranuar me kënaqësi ftesën e bwrë nga Drejtor Veliu për të vizituar Policinë e Shtetit.

Gjithashtu, po në kuadrin e takimeve bilaterale Veliu u takua edhe me znj. Jurgita Peciuriene, Drejtuese e Insitutit për Barazinë Gjinore Europiane EGE.

Gjatë takimit u diskutua mbi rolin dhe pjesëmarrjen e grave në Policitë Europiane./abcnews.al

vlcsnap-2018-09-14-21h11m35s661-1280x720.png
ad min17:27 | 14/09/2018

Nga 61 vendime të dhëna nga Komisioni i Pavarur i Kualifikimit për llogari të Vettingut të gjyqtarëve, deri më tani vetëm 16 prej tyre kanë mbërritur në Kolegjin e Posaçëm të Apelimit. Në shtatë raste, ankimi është bërë nga ana e Komisionerit Publik, përfaqësuesit të publikut në procesin e Vettingut.

Nga nisja e procesit të Vettingut para trupave të Komisionit të Pavarur të Kualifikimit kanë dalë 48 gjyqtarë dhe prokurorë, ndërsa 13 të tjerë iu shmangën filtrave duke u dorëhequr nga sistemi. Por ndonëse totali i tyre shkon në 61 subjekte, deri më tani vetëm 16 prej tyre kanë shkuar në shkallën e dytë të Vetingut, Kolegjin e Posaçëm të Apelimit. Në shtatë raste ankimi është bërë nga Komisioneri Publik, ndërsa në rastet tjera nga vetë subjektet e rivlerësimit. Sipas të dhënave zyrtare nga ky institucion, për gjashtë prej tyre KPA ka përfunduar gjykimin duke i dhënë formë të prerë vendimit për fatin e tyre në sistemin gjyqësor.

Në vendimet e marra Kolegji i Posaçëm i Apelimit, në Dhomë Këshillimi apo seanca publike, ka lënë të pandryshuar vendimin për ndërprerje të procesit të rivlerësimit për ish-kryeprokurorin Adriatik Llalla, për ish-gjyqtaren e Lartë, Mirela Fana dhe për ish-prokurorin e Krujës, Sulejman Tola. Në tre vendime të tjera, trupa gjykuese të KPA-së, lanë në fuqi vendimet e KPK për shkarkim nga detyra të ish-gjyqtarit të Lartë, Fatos Lulo, ish-prokurorit të Apelit Durrës, Besim Trezhnjeva dhe ish-prokurores së Shkodrës, Besa Nikëhasani.

Ndërkohë dhjetë ankime të tjera të depozituara pranë Kolegjit të Posaçëm të Apelimit janë në fazë përgatitore. Mes tyre është ankimi i bërë nga ana e Komisionerit Publik për kryetarin e Gjykatës Kushtetuese, Bashkim Dedja, i konfirmuar në Shkallën e Parë dhe ish-anëtarët e Kushtetueses të “djegur” nga KPK, Fatmir Hoxha e Altina Xhoxhaj. Në pritje është gjykimi edhe për ankimi i bërë nga Komisioneri Publik kundër konfirmimit të gjyqtarit të lartë Edmond Islamaj, apo apelimi i ish-anëtarit të Gjykatës së Lartë, Tom Ndreca kundër shkarkimit nga detyra. Deri më tani KPA ka përcaktuar datën e seancës vetëm për një prej tyre, ndërsa për shtatë prej janë përcaktuar vetëm trupat gjykuese.

Në pritje të gjykimit:

Fatmir Hoxha
Altina Xhoxhaj
Edmond Islamaj
Bashkim Dedja
Luan Kaloçi
Gentian Trenova
Alma Brati
Astrit Faqolli
Artan Lazaj
Tom Ndreca

Çështjet e gjykuara:

Adriatik Llalla
Mirela Fana
Sulejman Tola
Fatos Lulo
Besim Trezhnjeva
Besa Nikëhasani/abcnews.al

vlcsnap-error579-1280x720.jpg
ent ela15:11 | 03/03/2018

Zëvendësministri i jashtëm i Greqisë, Jorgos Katrougalos, duke folurnë Forumin Ekonomik të Delphit që zhvillohet në Athinë, ka zbuloi detaje për bisedimet me Tiranën zyrtare. “Sa i përket Shqipërisë, Greqia është shumë pranë zgjidhjes së të gjitha çështjeve me vendin fqinj”, nënvizoi ai. Gjithashtu zëvendësministri i Jashtëm tha se “Greqia ka marrëveshje bilaterale bashkëpunimi me të gjitha vendet e Ballkanit Perëndimor, pasi dëshiron të luajë një rol të rëndësishëm në rajon”. Katrougalos kritikoi dhe Bashkimin Europian, ndërsa nënvizoi se janë rritur pabarazitë brenda Unionit dhe standardi i jetesës së qytetarëve evropianë është përkeqësuar. /abcnews.al

vlcsnap-error295.jpg
ad min22:13 | 19/12/2017

Ministri i Jashtëm i Greqisë, Nikos Kotzias, përshëndeti vendimin e palës shqiptare për varrezat greke dhe nënvizoi rëndësinë e abrogimit të ligjit të luftës. Ndërsa theksoi se përcaktimi i hapësirës detare me Shqipërinë është një çështje që duhet të zgjidhet.

Në një emision televiziv, ministri i Jashtëm i Greqisë, Nikos Kotzias i është rikthyer diskutimit për çështjet e hapura me Shqipërinë por edhe me vende të tjera fqinje si Turqia apo Maqedonia. “Politika aktuale e jashtme ka një qëllim, për të zgjidhur problemet në një mënyrë që i shërben vendit, por pa cënuar palën tjetër”, u shpreh zyrtari i qeverisë së kryeministrit Aleksis Tsipra. Më tej ai konfirmon se koha është në favor të Greqisë për të zgjidhur gjithë problemet me Shqipërinë.

Në emisionin e televizionit “ERT”, Kotzias sqaroi se është “e drejta e Greqisë për të zgjeruar hapësirën e saj detare”. “Greqia e shikon me rëndësi të madhe përcaktimin e EEZ(zonës ekonomike ekskluzive) me të gjitha vendet, veçanërisht me Shqipërinë. Ujërat territoriale, të drejtat dhe interesat tona sovrane janë me rëndësi të madhe për të gjitha palët”, theksoi shefi i diplomacisë së jashtme i Athinës zyrtare.

Në emsionin e televizionit grek, Kotzias nënvizon edhe rëndësinë e abrogimit të ligjit të luftës me Shqipërinë, i cili është ende në fuqi pavarësisht se të dy vendevet janë anëtare të NATO-s. “Çështja kryesore që duhet të zgjidhim pozitivisht është ligji për luftën. Pasojat ligjore do të rregullohen me një procedurë të veçantë”, u shpreh ministri i Jashtëm.
Gjithashtu, kryediplomati i Athinës përshëndeti vendimin e palës shqiptare për varrezat e ushtarëve grekë të rënë gjatë luftës së dytë botërore./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono