ceremoni

islane-1280x728.jpg
Sej rie17:45 | 17/08/2019

Si pasojë e ndryshimeve klimatike një akullnajë në Islandë është zhdukur. Shkencëtarë të Shteteve të Bashkuara të Amerikës dhe Islandës organizuan një ceremoni funebër për të tërhequr vëmendjen e opinionit publik për këtë fenomen

Në Islandë është organizuar një ceremoni funebër pas zhdukjes së akullnajës së parë të vendit si pasojë e ndryshimeve klimatike si pasojë e aktiviteteve të njeriut. Ideja ishte e një grupi shkencëtarësh dhe ambientalistësh të Shteteve të Bashkuara të Amerikës dhe Islandës.

Pjesëmarrësit u ngjitën në një lartësi prej 1400 metrash që çojnë në majë të akullnajës dhe bënë homazhe duke vendosur një tabelë për të tërhequr vëmendjen e opinionit publik për rreziqet e ndryshimeve klimatike. Sipas shkencëtarëve parashikohet se në 200 vitet e ardhshme të gjitha akullnajat kryesore do të jenë zhdukur.

Akullnaja shtrihej për rreth 15 kilometra katrorë, ndërsa në vitin 2014 u reduktua për të paktën një kilometër katror, duke bërë që gjeologët ta konsiderojnë zyrtarisht si një akullnajë të vdekur.

Ekspertët shprehen se fakti që një akullnajë e vogël islandeze është zhdukur, nuk përbën ndonjë ndryshim të madh, por është një tregues I qartë për atë që po ndodh në të gjithë botën.

Diçka që do të ketë pasoja të mëdha në pjesën më të madhe të vendeve dhe personave. Në fakt gjeologët konfirmojnë se me dhjetëra akullnaja janë zhdukur në Islandë dekadat e fundit. Nëse parashikimet për rritjen e temperaturave me dy gradë për shekull do të ishin të sakta, pas 200 vitesh rreth 300 akullnaja ekzistuese në ishull do të zhduken./ABC News Albania 24/7

danish.jpg
G. P.23:37 | 11/07/2019

Kancelarja Merkel e ka kaluar e ulur ceremoninë e radhës për të pritur një kryetar shteti, një ditë pasi përjetoi sërish dridhje trupore. Të enjten ajo u shfaq e qeshur përkrah kryeministres daneze, por ndërkohë u përball edhe me një presion në rritje mbi gjendjen e saj shëndetësore.

Kancelarja gjermane Angela Merkel qëndroi ulur të enjten teksa ndoqi një ceremoni publike të mbajtur në nder të kryeministres daneze Mete Frederiksen, që vizitoi Berlinin.

Merkel ndoqi nga karrigia e saj ceremoninë e shoqëruar nga nderime ushtarake, një ditë pasi pësoi sërish dridhje trupore teksa priste kryeministrin finlandez Anti Rine.

Për fat të mirë, këtë herë Merkel nuk shfaqi shenja shqetësuese dhe dhuroi disa herë buzëqeshje përpara kamerave. Megjithatë, kancelarja u përball me një presion në rritje për informacione mbi gjendjen e saj shëndetësore.

“Jam e ndërgjegjshme për përgjegjësinë që kam si zyrtare dhe sa i takon shëndetit tim mund të them se veproj në mënyrë të përshtatshme”, tha Merkel në një konferencë shtypi pas takimit me Frederiksen.

Gjithashtu, shtoi ajo, si person ka interesin më të madh për të patur një gjendje shëndetësore të mirë, “ndaj dhe kujdesem për këtë”, u shpreh Merkel. Kancelarja, që mbush 65 vjeç javën e ardhshme, e kaloi me një buzëqeshje batutën e saj se çdo ditëlindje ndihet më e moshuar.

Merkel nuk ka ndonjë precedent serioz sa i takon gjendjes shëndetësore, por zyra e saj nuk ka dhënë asnjë sqarim për rastet kur ajo është dridhur dhe vetë kancelarja nuk ka folur asnjëherë për këshillat apo trajtimin mjekësor që ka marrë./ABC News Albania 24/7

deshmore.jpg
Sej rie16:40 | 04/05/2019

5 maji, Dita e Dëshmorëve të Atdheut, ndryshe nga vitet paraardhëse e cila është mbajtur me homazhe përkujtimore pranë varrezave, këtë herë do i kushtohet fëmijëve.

Në rrugët e kryeqytetit nuk do të qarkullojnë makina duke i dedikuar të gjithë qytetin këmbësorëve. Njoftimin e bëri kryetari i bashkisë, Erjon Veliaj gjatë ceremonisë së hapjes së Festivalit Ndërkombëtar të Kukullave.

Kryebashkiaku theksoi se është më e rëndësishme që kjo ditë t’ i kushtohet këmbësorëve dhe një qyteti me ajër të pastër. Dita e diel do të jetë e boshatisur nga automjetet dhe me aktivitete të shumta për fëmijët./ABC News Albania 24/7

maqedonia.jpg
G. P.18:35 | 12/02/2019

Ndërkohë që në vend vijon procesi për hyrjen në fuqi të emrit të ri Maqedonia e Veriut, para ndërtesës së qeverisë në Shkup është ngritur flamuri i NATO-s. Ceremonia u zhvillua pasi vendet anëtare me anë të ambasadorëve të tyre në Aleancën Euro-Atlantike nënshkruan protokollin për anëtarësim në Bruksel.

Me një ceremoni solemne në Shkup, Flamuri i NATO-s sot është ngritur para ndërtesës së qeverisë së Maqedonisë, pasi vendet anëtare, nëpërmjet ambasadorëve të tyre në Aleancës, të mërkurën e kaluar kanë nënshkruar në Bruksel protokollin qasës të Maqedonisë. Ndërkohë, vazhdojnë aktivitetet për hyrjen në fuqi të emrit të ri të, Republika e Maqedonisë së Veriut.

Sipas Kryeministrit të Maqedonisë, Zoran Zaev, vendosja e flamurit të NATO-s para qeverisë nuk është vetëm akt simbolik. Ai tha se flamuri përfaqëson përcaktimin e shtetit për t’u anëtarësuar në NATO dhe BE. Meritat janë të qytetarëve, të cilët në numër të madh i dhanë mbështetje anëtarësimit, shtoi kryeministri, pa harruar t`i falënderojë edhe deputetët grek dhe ata të Maqedonisë.

Zoran Zaev: Falënderim të veçantë kam për kryeministrin e Republikës së Greqisë, mikun tim Aleksis Tsipras, për vizionin dhe guximin që me vendosmëri të përcaktohemi për të gjetur zgjidhje për një problem që për shumë njerëz ishte problem i pazgjidhur. Zgjidhje që do të jetë shembull për marrëveshje të kompromisit mes fqinjëve në Ballkan. Kjo do t’i fshijë memorjet e këqija për Ballkanin që ekzistojnë në vetëdijen e shumë evropianëve.

Ndërkohë, gjatë ditës së sotme, me siguri deri në mbrëmje Greqia do ta dërgojë notën verbale me të cilën do ta njofton qeverinë e Maqedonisë për ratifikimin e Marrëveshjes së Prespës dhe protokollin për NATO. Siç thuhet kanë mbetur vetëm disa detaje diplomatike dhe se kjo do të ndodh së shpejti. Ndërkohë, tabelat me emrin e ri të shtetit janë gati dhe po presin vetëm aprovimin e qeverisë. Do të fillohet me pikat kufitare, në jug të vendit, kurse pritet shpallja e vendimit nga ana e qeverisë në gazetën zyrtare./abcnews.al

Pastor-appears-to-grope-Ariana-Grande-at-Aretha-Franklins-Funeral-lailasnews-2-418x410.jpg
G. P.08:52 | 01/09/2018

Mbrëmjen e djeshme u zhvillua ceremonia përcjellëse e këngëtares së ndjerë Aretha Frankling. I organizuar si një eveniment për mbretëreshën e muzikës soul, organizimi u bë në Detroit të Shteteve të Bashkuara.

Në nder të karrierës dhe trashëgimisë kulturore të saj u mbajtën fjalime nga njerëz të rëndësishëm dhe u performuan disa nga këngët më të suksesshme të divës. I gjithë funerali ishte i denjë për ta nderuar artisten e njohur deri në detaje.

Por ajo ç’ka ra në sy gjatë ceremonisë ishte dhe një moment i sikletshëm që shkaktoi shumë pakënaqësi dhe reagime nëpër rrjetet sociale.
Pasi këngëtarja Ariana Grandë këndoi këngën “Natural Woman”, peshkopi, i cili udhëhoqi ceremoninë, si pjesë të fjalimit të tij falenderoi dhe këngëtaren e re për perfromancën që realizoi.

Ithtari Charles H. Ellis III, në tentativa për ta përqafuar këngëtaren duket se i ka prekur gjoksin duke shkaktuar dhe disa mimika të sikletshme nga ana e saj. Momenti i papërshtatshëm është vënë re nga fansat të cilët e kanë quajtur këtë incident jo dhe aq aksidental.
I menjëhershëm ka qenë dhe reagimi i tij, duke kërkuar ndjesë dhe se nuk kishte qenë ky qëllimi i tij, por thjesht kishte synuar ti jepte këngëtares një përqafim miqësor.

Me të gjithë akuzat për ngacmime seksuale të nxjerra në pah së fundmi, fatmirësisht gjykimi i Hollywood-it nuk lë pa prekur as peshkopët, vlen për tu parë se si do të gjykohet kjo çështje nga gjyqtarët më të mirë, populli./abcnews.al

michael-jackson-getty-luke-frazza.jpg
ent ela16:35 | 29/08/2018

Në Los Anxhelos të Shteteve të Bashkuara do të festohet datëlindja e 60 e Majkëll Xhekson. Pavarësisht se ai ndërroi jetë rreth 10 vite më parë, familjarët dhe fansa të shumtë do të celebrojnë sukseset e tij.

Këtë fundgusht Majkëll Xhekson do të festonte 60 vjetorin e lindjes, nëse rreth 10 vjet më parë nuk do të ishte gjetur i pajetë në vilën e tij si pasojë e një ataku kardiak të shkaktuar nga ilaçet që duhej ta ndihmonin për të fjetur për një natë, por jo për ta vënë në gjumin e përjetshëm. Pas një karriere të pabesueshme që e ktheu Xheksonin në një yll absolut të muzikës botërore, ai u shua në Los Anxhelos. Por në nderim të 60 vjetorit të tij, me dhjetra celebrime do të mbahen në nder të tij, mes të cilëve dhe një festë e madhe në Las Vegas, ku familja ka ftuar të gjithë fansat e Xheksonit në të gjithë botën që festojnë Ditëlindjen e diamantë të Majkellit.

Festimet do të nisin me performacën e jashtëzakonshme të trupës së Cirkut të Diellit, e cila do të interpretojë një reportor të veçantë me numra kushtuar Xheksonit të cilat do të kenë në sfond këngët më të famshme të popstarit, mes të cilave “Thriller”, “Bad”, “Billie Jean”, “Smooth Criminal”, “Beat It”. Në Las Vegas do të jenë dhe bijtë e Majkëllit: Paris e Prince si dhe vëllezërit Jackie, Marlon e Tito.

Për ata që nuk do të jenë në Las Vegas, kujtimi i Xheksonit do të jetë i gjallë nën iniciativën e quajtur “blej përsëri Triller”, referuar njërit prej hiteve më të njohura të popstarit. Pas fushatës së koleksionit të hiteve më të mëdha të viteve 1971-1975 të grupit Eagles, të cilat janë bërë në absolut disku më i shitur në SHBA, duke kaluar dhe primatin ikonik të albumit të Xheksonit të dalë në vitin 1982 dhe të shitur në mbi 110 milion kopje, fansat kanë hedhur të njëjtën ide edhe për rikthimin në garën e shitjeve më të mëdha historike të hiteve të Majkëll Xheksonit. /abcnews.al

ariana-grande-mtv-vmas-show-aug-20-2018-billboard-1548-1280x847.jpg
G. P.13:03 | 21/08/2018

Mbrëmjen e së hënës u zhvillua ceremonia e ndarjes së çmimeve MTV VMA 2018. Një nga kompeticionet muzikore më të shumëpritura të vitit, mblodhi bashkë artistët më në zë të muzikës botërore për një mbrëmje plot spektakël dhe të papritura.

Performanca mbreslënëse, momente komike, ndarje çmimesh dhe emocione e pushtuan skenën amerikane të manifestimit të muzikës komerciale. Momenti kulminant i evenimentit ishte performanca e këngëtares ikonë Jenifer Lopez, e cila u nderua me çmimin e “Michael Jackson Video Vanguard Award”, një atribut i cili u jepet artistëve që kanë lënë gjurmë në realizimin e videove muzikore gjatë karrierës së tyre. Nuk mund të lihet pa përmendur dhe performanca energjike e një përmbledhjeje prej këngëve më të suksesshmë të saj me një koreografi të realizuar në detaje. Perfomanca të tjera të mbrëmjes ishin edhe reperja Nicki Minaj, ylli i popit Ariana Grande, këngëtari i ri Shawn Mendes, Maluma etj.

Një moment i veçantë i kushtua dhe këngëtares së ndjerë Aretha Franklin e cila u nda nga jeta pak ditë më parë. Asaj iu kushtuan homazhe nga Madonna, e cila ndau gjithashtu disa histori të lidhjes që dy divat kishin me njëra-tjetën.

Camilla Cabello, ishte këngëtarja e cila pati triumfin më të madh, duke rrëmbyer çmimin “Video e Vitit” dhe “Artistja e Vitit”. Hapja e ceremonisë u bë nga artistja e shumkërkuar Cardi B, e cila falenderoi fansat e saj për detikimin dhe suksesin që i kishin dhënë. Prezantuesit ishin komedianët e njohur Tiffany Hadish dhe Kevin Heart. Dyshja e mbushi audiencën me humor dhe me thirrje kundër Donald Trump. MTV VMA edhe këtë vit rezultoi i suksesshëm duke dhuruar momente argëtuese dhe emocionuese për publikun dhe këngëtarët. Pjesë e këtij festimi ishin dhe këngëtaret shqiptare Rita Ora dhe Bebe Rexha, të cilat prezantuan dhe erdhën më rrëzëllitësë se kurrë. Gjithashtu Rita rrëmbeu dhe çmimin “Video më e mirë e muzikës dance” për këngën e saj “Lonely Together” në bashkëpunim me të ndjerin Aviici.

Lista e plotë e fituesve:
Video of the Year: Camila Cabello -“Havana” [ft. Young Thug]
Best Collaboration: Jennifer Lopez – “Dinero” (ft. DJ Khaled & Cardi B)
Best New Artist: Cardi B
Artist of the Year: Camila Cabello
Best Latin Video: J Balvin – “Mi Gente” [ft. Willy William]
Song of the Year: Post Malone – “Rockstar” [ft. 21 Savage]
Best Pop Video: Ariana Grande – “No Tears Left to Cry”
Best Hip Hop Video: Nicki Minaj – “Chun-Li”
Push Artist of the Year: Hayley Kiyoko
Song of Summer: Cardi B / Bad Bunny / J Balvin: “I Like It”
Michael Jackson Video Vanguard Award: Jennifer Lopez
Best Dance Video: Avicii ft. Rita Ora – “Lonely Together”
Best Rock Video: Imagine Dragons – “Whatever It Takes”
Video With a Message: Childish Gambino – “This Is America”
Best Cinematography: The Carters – “APES**T”
Best Direction: Childish Gambino – “This Is America”
Best Art Direction: The Carters – “APES**T”
Best Visual Effects: Kendrick Lamar & SZA – “All The Stars”
Best Choreography: Childish Gambino – “This Is America”
Best Editing: N.E.R.D – “Lemon” [ft. Rihanna]/abcnews.al

blendi-klosiiii.jpg
G. P.12:24 | 31/05/2018

Mbi 300 çartera me turistë do të ulen në tokën shqiptare këtë vit. Ministri i Turizmit dhe Mjedisit, Blendi Klosi, e deklaroi gjatë çeljes së sezonit turistik në Golem, ku u shpreh se shumë shpejt  pritet të mbërrijë edhe çarteri i parë nga Rusia.

E ardhmja e rajonit është paraqitja në një ofertë të përbashkët turistike. Ministri i Turizmit dhe Mjedisit, Blendi Klosi, e deklaroi gjatë hapjes së sezonit turistik në Golem, ndërsa theksin e vuri tek koordinimi mes palëve.

Blendi Klosi: “Standartet i kemi të njëjta, mundësitë dhe argëtimet i kemi të njëjta natyrën e kemi shumë të bukur, kushtet i kemi po ashtu shumë të mira dhe ndaj na mbetet që vetëm të koordinohemi dhe atë që kanë bërë djemtë ta ndjekim të gjithë së bashku”.

Gjatë ceremonisë u dhanë edhe çmime mirënjohje edhe për tur-operatorët nga Sllovakia, Polonia, Hungaria dhe Rusia që kanë sjellë çarterat e parë në Shqipëri, numri i të cilëve pritet të jetë mbi 300.

Blendi Klosi: “Tui është kompania më e madhe në botë dhe afrimi për herë të parë i një çarter nga Rusia hap përSshqipërinë një histori krejt të re përsa i përket turizmit botëror, pasi Tui shënon një rritje globale me rreth 30 për qind çdo vit duke qenë lideri i padiskutueshëm në turizmin botëror”.

Sipas ministrit të Turizmit dhe Mjedisit, shtimi i numrit të turistëve mundësoi rritjen e kapaciteteve të hoteleve dhe përmirësimin e cilësisë së shërbimit përgjatë bregdetit shqiptar. Më pas, mbrëmja vijoi me një paradë të veshjeve tradicionale dhe muzikë shqiptare./abcnews.al

NDERIMI-I-POLICIT-FRANCE-1280x720.jpg
ent ela13:00 | 28/03/2018

Franca ka nderuar me një ceremoni shtetërore, heroin që i dha fund sulmit terrorist, duke u shkëmbyer me një peng, në një supermarket në jug të vendit. Oficerit Arno Beltram, i është dhënë dekorata “Legjion i Nderit”.

Oficeri i policisë franceze, i cili u vra pasi shkëmbeu vendet me një peng në sulmin terrorist të së premtes në një supermarket në Trebe, është nderuar me një ceremoni në Paris. Koloneli Arnaud Beltrame, 44 vjeç, ishte një nga 4 viktimat e ngjarjes tragjike më të shtëna armësh. Ai është dekoruar me nderimin më të lartë të Francës, medaljen e “Legjionit të Nderit”.

Presidenti Emmanuel Macron tha se ai “ra si një hero” pasi tregoi një guxim të jashtëzakonshëm. Gjithashtu kreu I shtetit mbajti një fjalim përpara miqëve, fmailjarëve dhe kolegëve të oficerit ku përmendi vlerat e larta të tij, “i cili dha jetën në këmbim të mbrojtjes së qytetarëve të pafajshëm”.

Më herët një minutë heshtje u mbajt në oborrin e Ministrisë së Brendshme të Francës në Paris. Koloneli Beltrame ishte një anëtarë shumë i vlerësuar i Xhandarmësirë Kombëtare dhe është përshkruar nga Macron si dikush që “luftoi deri në fund dhe që nuk u dorëzuar kurrë, ndaj meriton admirimin dhe respektin e të gjithë kombit”.

Ndërkohë, veprimet e oficerit ndihmuan në dhënien fund të sulmit terrorist në supermarket, që u krye nga 25-vjeçari Redouane Lakdim. Ai ishte një listën e ekstremistëve dhe ishte I njohur për autoritetet si një kriminel shumë I rrezikshëm, por inteligjenca e konsideronte atë si një person që nuk përbente kërcënim. Ladim u qëllua për vdekje nga policia franceze. 16 persona u plagosën gjatë sulmit terrorist, i cili është më i ashpri nën presidencën Macron. Një nga kërkeat e tij ishte lirimi i Salah Abdeslam, i dyshuari më i rëndësishëm i mbijetuar në sulmet e 13 nëntorit 2015 në Paris, ku u vranë 130 persona. E fejuara e Lakdim është arrestuar nga policia dhe akuzohet për “bashkëpunim me terroristët në përgatitjen e sulmeve”. Ndërsa një 17-vjeçar, mik i autorit të sulmit, u la i lirë pas marrjes në pyetje. /abcnews.al

vlcsnap-error268-1280x720.jpg
ent ela14:23 | 13/01/2018

Policia e Tiranës theksoi gjatë ceremonisë së 105-vjetorit të krijimit të uniformave blu se duhet ende punë për të fituar besimin e publikut.  Ndërkohë jashtë ambienteve të policise së shtetit, efektivët e liruar hodhën akuza të forta për kupolën e policisë.

Edhe policia e kryeqytetit ishte pjesë e ceremonies per 105-vjetorin e krijimit të saj. Drejtuesit e policisë së tiranës theksuan se duhet ende punë për të arritur pritshëritë dhe fituar besimin e publikut tek uniformat blu.

Ndërkohë që kolegët e tyre kremtonin ceremonin e krijimit të policisë brenda ambienteve të saj, jashtë në kangjellat e drejtorisë së policisë së shtetit, përfaqësuesit e punonjësve të policisë në lirim, kishin zgjedhur një formë tjetër të përkujtimin të 105-vjetorit. Ismail Elezi theksoi se policia u përdor për kanabizimin e vendit, duke mbartur shumë mëkate në kurriz.

Në fund përfaqësuesit e punonjëve të policëve në lirim pohuan se nuk do te ndalemi deri sa policia te shkoje ne drejtimin e duhur./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono