ceki

Kosova.jpg
Veronik Istrefaj19:35 | 14/11/2019

Trajneri i Kosovës, Bernard Challandes, ka zgjedhur 11 futbollistët titullar për sfidën ndaj Çekisë. Mungesa më e madhe është padiskutim ajo e Vedat Muriqit, me bomberin që është zëvendësuar nga Nuhiu.

Rashica dhe Hadërgjonaj do të luajnë nga krahët, ndërsa Celina pas bomberit Nuhiu. Vojvoda, Rrahmani, Aliti dhe Kololli do të rreshtohen në mbrojtje, ndërsa para tyre Berisha dhe Rashkaj. Mes shtyllave, do të jetë si gjithmonë gardiani Muric.

E enjte, më 14 nëntor 2019, 20:45
Stadiumi “Štruncovy Sady”, Plzen

ÇEKI-KOSOVË 

Çekia: Vaclik, Celustka, Brabec, Coufral, Darida, Kremencik, Masopust, Jankto, Soucek, Boril, Kral. Trajner: J. Silhavy

Kosova: Muric, Vojvoda, Aliti, Rrahmani, Kololli, Hadërgjonaj, Rashkaj, Berisha, Celina, Rashica, Nuhiu. Trajner: B. Challandes

Gjyqtarë: Gianluca Roçhi, Filippo Meli, Ciro Carbone, Massimiliano Irrati (ITA)

/abcnews.al

Tifozet-e-Kosoves.png
Veronik Istrefaj19:07 | 14/11/2019

Ndeshja mes Çekisë dhe Kosovës po afron dhe tensioni mes dy tifozerive, po ndihet.

Shumë dardanë kanë udhëtuar drejt Çekisë dhe ka pasur disa tensione në rrugë, por pak minuta para se të futen në stadium, ka krisur gjithçka.

Një tifoz i Kosovës është sulmuar nga tifozët e Çekisë dhe ka mbetur i gjakosur mbi syrin e tij të djathtë.

Foto është siguara nga Indeks dhe shihet qartë dëmtimi në fytyrën e tifozit dardan./abcnews.al

Kosova.png
Vladimir Prenga18:26 | 14/11/2019

Pritej dhe ka ndodhur. Tifozët çekë kanë provokuar me thirrjet “Kosova është Serbi”. Kjo ka ndodhur para hotelit ku qëndrojnë lojtarët e përfaqësueses së Kosovës në Plzen. Ndërhyrja e forcave të rendit ka qenë e menjëhershme, sikurse raporton “Koha Televizion.

Bëhej fjalë për rreth 20 tifozë, të cilët u afruan pranë hotelit dhe provokuan. Fatmirësisht gjithçka u mbyll shumë shpejt. Çeki-Kosovë luhet prej orës 20:45 dhe është një takim shumë i rëndësishëm për fatet e kualifikimit në Euro 2020.

TIFOZI I VEÇANTË – Ka edhe përjashtime. Një çek, i quajtur Martin, ka zbuluar për KTV se është tifoz i Kosovës. Ai ka koleksionuar një album me fotot e futbollistëve të lojtarëve dardanë dhe sot ka pasur mundësinë edhe të marrë autografet e tyre në fotoalbumin e tij.

“Për herë të parë për lojtarët e Kosovës kam dëgjuar në vitin 2010. I njoh shumicën e tyre, si Valon Berisha, Bersant Celina, Milot Rashica. Ka kohë që i ndjek. Arsyeja pse e kam bërë këtë është pasi më pëlqejnë këta lojtarë dhe do t’i mbaj si kujtim në albumin tim”, ka thënë mes të tjerash Martini. /abcnews.al

arrestime.jpg
Vladimir Prenga10:31 | 12/10/2019

Anglezët janë të pandreqshëm kur vjen puna për sherret në ndeshje futbolli. Kohët e trazirave në stadiume kanë ikur, por në rrugë u pëlqen akoma të kenë përplasje. Të fundit sherr e kanë regjistruar në Çeki, aty ku kombëtaraja e tyre është mundur me rezultatin 2-1 një ditë më parë.

Sky Sports ka publikuar video nga trazirat që kanë shkaktuar tifozët anglezë, të cilët janë konfrontuar me policinë çeke dhe tifozë vendas. Sende të forta të hedhura dhe kapsolla, kjo është ajo çka shihet në videon, ku forcat e rendit vërshojnë për të shpërndarë turmën e tifozëve. Disa përfundojnë të shtrirë, pasi u përdor edhe gaz lotësjellës.

Policia çeke ka bërë me dije se janë bërë 31 arrestime, 14 prej tyre të anglezë. Incidentet ndodhen në dy bare. Tifozët anglezë kishin konsumuar sasi të mëdha alkooli dhe i janë përgjigjur negativisht kërkesës së policisë për të larguar flamujt e mëdhenj nga ndërtesat, si dhe të hiqnin maskat dhe materialet piroteknike. /abcnews.al

babis-1.jpg
ad min13:45 | 14/09/2019

Janë rrëzuar akuzat kundër kryeministrit çek Andrej Babis, i cili akuzohej për mashtrim. Sipas policisë, kreu i ekzekutivit ka përfituar dy milionë euro nga fonde europiane të destinuara për ndërtimin e një qendre pritjeje në periferi të kryeqytetit.

Prokuroria e Pragës ka arkivuar akuzat kundër kryeministrit çek Andrej Babis, i cili akuzohej për mashtrim. Sipas policisë, miliarderi ka përfituar dy milionë euro subvencione europiane të destinuara për ndërtimin e një qendreje pritjeje, dhjetë vjet më parë, në periferi të kryeqytetit.

Sipas hetuesve kompleksi i ndërtuar nuk përputhej me të dhënat pasi ndodhej në orbitën e gjigandit industrial Agrofert, në atë kohë në pronësi të Babis. Ky i fundit e kishte zgjidhur problemin duke i kaluar pronësinë të afërmve të tij. Gjithsesi, gjykata vendosi se provat konfirmojnë që bëhej fjalë për një sipërmarrje të pavarur e cila korrespondonte me kërkesat. Por fjala e fundit i takon Prokurorit të Përgjithshëm.

Në pranverë, Praga u përfshi nga një valë protestash anti-qeveritare ku morën pjesë një numër shumë i madh manifestuesish, të cilët kërkonin dorëheqjen e kryeministrit. Në një nga protestat morën pjesë 250 mijë persona, një rekord që pas rënies së regjimit komunist. Gjithsesi Babis dhe pse me një mazhorancë të brishtë në parlament, vijon të qëndrojë në pushtet dhe partia e tij është e para në vend./ABC News Albania 24/7

HARADINAJ-PRAGA-MBULIM-ABCM5T2.mpg_snapshot_00.01-1280x720.jpg
ent ela20:33 | 11/09/2019

Kryeministri i Kosovës, Ramush Haradinaj ka anuluar pjesëmarrjen në samitin e Vishegradit dhe Ballkanit Perëndimor që zhvillohet të enjten në Pragë. Lajmi konfirmohet për “ABC Neës” nga burime pranë qeverisë së Kosovës. Ditët në vijim, përfaqësues të këtij institucioni do të dalin me deklarate zyrtare ku edhe do te tregojnë arsyet e anulimit te pjesemarrjes se Haradinajt ne kete samit.

Burimet japin si shkak për këtë anulim angazhimet e kryeministrit. Por motivet reale të bojkotit dyshohet se janë bërë deklaratat e presidentit çek Milosh Zeman në Beograd, se do të shikonte mundësinë për tërheqjen e njohjes së pavarësisë së Kosovës. Ndërkohë, bojkoti është konfirmuar edhe nga zëdhënësja e qeverisë çeke, e cituar nga mediat vendase. Gjatë vizitës së zhvilluar në Beograd, presidenti Zeman tha se i pëlqente shumë Serbia dhe aspak Kosova dhe shtoi se do të shikonte mënyrën për tërheqjen e njohjes së pavarësisë. /ABC News Albania 24/7

 

shba.jpg
ad min16:05 | 06/09/2019

Në botërorin e basketbollit që po zhvillohet në Japoni, Shtetet e Bashkuara të Amerikës mundën Japoninë me rezultatin 98-45. Në ndeshjet e tjera Turqia humbi ndaj Çekisë, Brazili fitoi kundër Malit të Zi ndërkohë që fitore arritën edhe Franca dhe Australia.

Në botërorin e basketbollit që po zhvillohet në Kinën e largët janë zhvilluar edhe takimet e treta për grupet E, F, G dhe H. Në grupin E nuk ka surpriza me Shtetet e Bashkuara të Amerikës që janë konfirmuar si dominues.

Fitorja e fundit u regjistrua ndaj Japonisë me rezultatin e thellë 98-45. Në duelin e zhvilluar në Shanghai amerikanët ishin superiorë dhe nuk e vendosën në dyshim fitoren.

Në ndeshjen tjetër në po këtë grup, Turqia mori një leksion të mirë ndaj Republikes Çeke. Edhe pse Turqit ishin ndër pretendetët për të fituar këtë botëror të magjishëm të basketbollit nuk ia dolën të mposhtin Çekinë, e cila i imponoi fitoren me rezultatin 91-76.

Në grupin F, Brazili nuk zhgënjeu ndaj Malit të Zi duke fituar me shifrat 84-73. Një ndeshje e lehtë për amerikano-latinet të cilët e interpretuan më mirë këtë takim. Në sfidën tjetër, Greqia fitoi me shumë vështirësi ndaj Zelandës së Re. Ballkanasit realizuan 103 pikë kundrejt 97 të Zelandës, e cila dha gjithçka deri në vërshëllimen e fundit.

Në grupin G, Franca përmbushi pritshmëritë duke fituar ndaj Republikës Domenikane me rezultatin 90-56. Një paraqitje e magjishme nga francezët të cilët janë udhëheqësit e grupit. Fitore e lehtë edhe për Gjermaninë përballë Jordanisë.

Me grupin H, Australia rikonfirmohet sërish si skuadra më me tepër potencial. Australianët fituan kësaj radhe ndaj Lituanisë me një diferencë prej vetëm 5 pikësh. Në takimin tjetër, Kanadaja fitoi bindshëm ndaj Senegalit me rezultatin 85-60./ABC News Albania 24/7

fadil-vokrri.jpg
ad min20:23 | 19/08/2019

E ndërsa tifozeria shqiptare ende nuk ka arritur në pritshmëritë për të mbushur stadiumin në sfidat e përfaqësueses kuqezi, në Kosovë, të gjithë biletat për ndeshjen zyrtare eliminatore të 7 Shtatorit Kosovë-Çeki shiten për 15 minuta.

Rezultati sjell publikun në stadium afër ekipit kombëtar. E ndërsa për kombëtaren shqiptare tifozeria shqiptare nuk është në nivelet e pritshme për të parë ekipin kombëtar në stadium, në Kosovë mjaftojnë 15 minuta për tu ezauruar komplet në rezervimin online kapaciteti i vendeve ulëse në stadiumin “Fadil Vokrri”.

Për pak minuta janë shitur të gjitha biletat për ndeshjen mes Kosovës dhe Çekisë në kualifikueset për Euro 2020 të datës 7 Shtator. Lajmin e ka konfirmuar edhe kryetari i Federatës së Futbollit të Kosovës, Agim Ademi, që ka thënë se si rezultat i kërkesave të shumta ka pasur probleme me sistemin online të biletave. Ai ka bërë të ditur se për vetëm 15 minuta pas daljes së biletave në shitje, në platformën “tiks.app” janë bërë gati dy milionë klikime.

“Brenda 15 minutave, 1 milion e 800 mijë klikime janë bërë në sistem për të blerë bileta online. Ka pasur probleme me sistem, dhe kjo ka ardhur edhe si rezultat i kërkesave të shumta, por edhe për shkak të një problemi të një kablloje të internetit. Si do që të jetë, të gjitha biletat janë shitur brenda dy orëve. Kjo është diçka e jashtëzakonshme. Ky interesim i madh i popullit, po vjen si rezultat i lojërave të mira që po bëjnë djemtë në fushë dhe ne jemi krenarë me ta”, ka thënë Ademi për KTV-në.

Federata e Futbollit të Kosovës ka njoftuar se interesimi ka qenë i jashtëzakonshëm për të siguruar bileta të ndeshjes Kosovë – Çeki. Një interesim i jashtëzakonshëm për ekipin kombëtar të Kosovës nga vetë kosovarët. Krejtësisht e kundërta ndodh me kombëtaren e Shqipërisë, që do ti duhet të kthejë besimin te tifozeria, më pas rezultatin dhe më tej akoma, praninë e tyre në stadium./ABC News Albania 24/7

ceki-protesta-1280x578.jpg
ent ela23:05 | 13/05/2019

Protestat kundër kryeministrit Andrej Babis në Çeki kanë hyrë në javën e tretë. Këtë të hënë manifestuesit kanë kundërshtuar emërimin e ministres së re të Drejtësisë, e cila mund të ndikojë në hetimet për përvetësim parash që po zhvillohen ndaj kreut të qeverisë.

Disa mijëra qytetarë kanë protestuar të hënën në Pragë dhe qytete të tjera të Republikës Çeke kundër kryeministrit Andrej Babis dhe emërimit të ministres së re të Drejtësisë, Marie Benesova. Manifestuesit druhen se ministrja e re mund të ndërhyjë në favor të kryeministrit në një hetim që po zhvillohet ndaj tij për përvetësim parash nga fondet e BE-së. Ata kanë shqetësimin se Benesova ka qenë një aleate e Babis, që akuzohet se ka përfituar ilegalisht 2 milion euro një dekadë më parë, kur ishte ende biznesmen. Parardhësi i ministres Benesova dha dorëheqjen pa dhënë shumë sqarime një ditë pasi policia përfundoi hetimin dhe rekomandoi që ndaj Babis të niste procesi gjyqësor. Ndërkohë, prokurorët nuk janë shprehur ende në lidhje me çështjen. Nga ana e tij, Babis i mohon akuzat dhe e cilëson çështjen një komplot politik në dëm të tij. Ndërsa protestat ai i konsideron një teatër në prag të zgjedhjeve euro-parlamentare që mbahen më vonë gjatë muajit. Ndërkohë, ministrja e re e Drejtësisë ka mohuar të ketë në plan një ndryshim radikal në radhët e personelit të drejtësisë, siç është kryeprokurori i Republikës Çeke, një lëvizje e të cilit do të mundësonte alternimin e hetimit dhe është ajo çfarë shqetëson protestuesit. /ABC news Albania 24/7

 

ambasadori.jpg
ad min14:38 | 02/03/2019

Një sinjal i mirë është konsideruar nga ambasadori çek në Tiranë ftesa e Ramës drejtuar Bashës për t’u ulur në bisedime. Jaroslav Ludva tha se politika duhet të diskutojë për situatën në vend pasi kjo është rruga më e mirë.

Ambasadori çek, Jaroslav Ludva: Një takim është gjithmonë rruga e mirë.

Pyetje: Që do të thotë se mund të ketë një zgjidhje nëse dy liderët e forcave politike në Shqipëri, Edi Rama në një anë dhe Lulzim Basha në tjetrën ulen për të biseduar?

Ambasadori çek, Jaroslav Ludva: Nuk di çfarë do diskutojnë, por unë them që një takim gjithmonë është rruga më e mirë. Shqipëria ka bërë progres në reformën e drejtësisë, ka disa gjëra për të punuar. Shpresojme që mund të hapen negociatat por është shumë e vështirë ta them tani. Do ta shohim në Qershor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono