cakaj

Peter-Handke.jpg
R D14:38 | 09/12/2019

Shqipëria do të bojkotojë ceremoninë e ndarjes së çmimeve Nobel në Suedi. Lajmi konfirmohet nga ministri i Jashtëm, Gent Cakaj, i cili shkruan se justifikimi i mizorive të luftës gjatë shpërbërjes së Jugosllavisë nuk duhet të shpërblehet.

“Ne kemi urdhëruar Ambasadorin e Shqipërisë në Suedi që të bojkotojë ceremoninë solemne të ndarjes së Çmimit Nobel për Letërsi për Peter Handken. Justifikimi i mizorive të luftës gjatë shpërbërjes së Jugosllavisë nuk duhet të shpërblehet. Çdo shpërblim i personaliteteve që kanë mohuar gjenocidin edhe nëpërmjet veprave të tyre letrare, vetëm forcon prirjet për t’iu shmangur përgjegjësive historike dhe relativizuar peshën e rëndë të krimeve të luftës, pastrimit etnik dhe gjenocidit.” shkruan Cakaj në Twitter.

Çmimi Nobel në Letërsi për Peter Handken, i njohur si adhurues i Millosheviçit, ngjalli reagime të forta dhe indinjatë në Kosovë e Shqipëri. /abcnws.al

cakaj.jpeg
ent ela20:15 | 20/11/2019

Ministri për Evropën dhe Punët e Jashtme, Gent Cakaj, mori pjesë në takimin e Ministrave të Punëve të Jashtme të vendeve aleate që u mbajt në Bruksel. Ky takim ju dedikua kryesisht përgatitjeve për takimin e rëndësishëm të krerëve të  shteteve dhe qeverive të vendeve anëtare të NATO-s, që do të zhvillohet në Londër, më 3-4 dhjetor të këtij viti.

Ministrat e Jashtëm të vendeve aleate trajtuan çështje thelbësore të lidhura me të ardhmen e NATO-s, si çështja e buxheteve të mbrojtjes dhe sfidat ndaj kërcënimeve kibernetike dhe lufta kundër terrorizmit.

“Në 70 vjetorin e formimit të Aleancës Atlantike dhe në 10 vjetorin e anëtarësimit të vendit tonë në NATO, Shqipëria i qëndron vendosmërisht angazhimeve të saj në kuadrin e përpjekjeve të Aleancës për mbrojtjen dhe sigurinë e përbashkët.” – u shpreh Cakaj në fjalën e tij.

Duke u ndalur në çështjen e rritjes së buxhetit të Mbrojtjes, Ministri Cakaj theksoi se vendi ynë ka bërë hapa të rëndësishëm në zbatim të angazhimeve të Samitit të Uellsit, Varshavës dhe Brukselit për arritjen e objektivave në rritjen e buxhetit të mbrojtjes në 2% deri në vitin 2024.

CAKAJ-MOGERINI-MBULIM-_ABC-M4-T2.mpg_snapshot_00.01-1280x720.jpg
ent ela19:45 | 23/09/2019

Federika Mogherini dhe Gent Cakaj ndajne qendrimin se mbyllja e çështjeve të hapura në Ballkanin Perëndimor është thelbësore për të garantuar jo vetëm stabilitetin, por edhe zhvillimin e përgjithshëm social-politik të tij.

Përfaqësuesja e Lartë e Bashkimit Evropian për Punët e Jashtme dhe Sigurinë u takua me ministrin  ne detyre te puneve te jashme Gent Cakaj në Neë York, ku ndodhen për të marrë pjesë në punimet e sesionit të 74 të Asamblesë së Përgjithshme të Kombeve të Bashkuara.

Në  një darkë të shtruar për krerët e delegacioneve të vendeve të Ballkanit Perëndimor, fokusi ka qenë tek integrimi i Rajonit në BE dhe tek thellimi i mëtejshëm i bashkëpunimit.

Nga  të gjithë të pranishmit u theksua nevoja për hapjen e negociatave për anëtarësim në BE të Shqipërisë dhe Maqedonisë së Veriut në tetor. /ABC News Albania 24/7

 

CAKAJ-HAJDARI-NE-KOMISION.mpg_snapshot_00.19-1280x720.jpg
ent ela15:25 | 17/09/2019

Ministri i jashtëm në detyrë Gent Cakaj tha gjatë një seancë dëgjimore në Komisionin Parlamentar të Integrimit se Shqipëria i ka plotësuar të gjitha kushtet për çeljen e negociatave të anëtarësimit në BE. Ministri Cakaj theksoi vlerësimin e veçantë që i është bërë vendit për ecurinë e reformës në drejtësi.

Gjithçka në rregull sipas ministrit në detyrë për Evropën dhe punët e jashtme. Ka mbetur vetëm që Shqipërisë t’i hapen negociatat. Ky optimizëm e ka karakterizuar Gent Cakaj në të gjitha përgjigjet që dha në seancën dëgjimore në Komisionin për integrimin Evropian.

Kryetarja e komisionit ngriti edhe një tjetër pikëpyetje, i druhet se vendit nuk do t’i hapen negociatat për shkak të mos realizimit të reformës zgjedhore. Por edhe në këtë pikë e qetëson ministri në detyrë.

Edhe shqetesimit të ngritur nga deputeti Ralf Gjoni për deklaratat e fundit të kryeministrit Grek ndaj Shqipërisë, ministri në detyrë i dha zgjidhje.

Ministri në detyrë për Evropën dhe punët e jashtme informon se  aktualisht janë ngritur grupet e punës për procesin e negociatave që korrespondojnë me numrin e kapitujve përkatësisht 35. /ABC News Albania 24/7

MBULIM-CAKAJ-DENONCIMI-NE-AMBASADA.mpg_snapshot_00.09-1280x720.jpg
ent ela10:42 | 17/09/2019

Ministria për Evropën dhe Punët e Jashtme i kërkon të gjithë shqiptarëve që jetojnë jashtë vendit të raportojnë çdo problem që mund të hasin gjatë Shërbimeve Konsullore. E këtë, ata mund ta bëjnë duke shkarkuar aplikacionin “Ambasada Ime”. Thirrjen ua drejton ministri në Detyrë Gent Cakaj me anë të një postimi në Facebook. Pas shkarkimit të aplikacionit “AmbasadaIme” ndiqen hap pas hapi procedurat me anë të të cilave qytetarët kanë mundësinë që të raportojnë çdo abuzim, problem, apo papërgjegjësi që shfaqet para tyre në komunikimin me përfaqësitë e Shqipërisë nëpër botë. /ABC News Albania 24/7

 

arberii.jpg
ad min09:12 | 12/09/2019

Ende nuk ka të dhëna për autoret dhe motivet pse iu vu flaka mjetit të oficerit të krimeve në Shkodër. 34-vjeçari ka mohuar në polici që të ketë konflikte me persona të tjerë. Ngjarja dyshohet të ketë ndodhur për shkak të detyrës që mban prej 10 vitesh në Policinë e Shkodrës.

Oficeri i krimeve Arbër Duli ka deklaruar në Policinë e Shkodrës se nuk ka konflikte me askënd dhe nuk ka dijeni se kush mund të jenë personat që i vunë flakën makinës së tij.

Policia dyshon për zjarrvënie të qëllimshme, për shkak të detyrës që mban efektivi. Mjeti tip “Volkswagen” u përfshi nga flakët teksa ndodhej e parkuar.

Ngjarja ndodhi mëngjesin e së enjtes në lagjen “Fahri Ramadani”. Automjeti tip “Volksgawen” është djegur pjesërisht dhe nga zjarri nuk pati të lënduar. Mësohet se 34-vjeçari Arbër Duli ja kishte dhënë në përdorim mjetin një kolegu të tij.

Por shënjestra sipas burimeve ishte oficeri dhe policia po vazhdon hetimet për rastin. Duli ka ushtruar detyrën e oficerit të krimeve për 10 vite në Policinë e Shkodrës./ABC News Albania 24/7

SINKORN-BARDHI-PER-CAKAJ.mpg_snapshot_00.03-1280x720.jpg
ent ela13:43 | 06/09/2019

Raporti i ODIHR për opozitën për herë të parë nuk deklaroi se një process zgjedhor i mbajtur në Shqipëri nuk ishte legjitim dhe demokratik. Sekretari i Përgjithshëm, Gazment Bardhi iu përgjigj akuzave të ministrit të Jashtëm Gent Cakaj se për cilësinë e zgjedhjeve përgjegjëse ishte opozita.

Numri dy i demokratëve akuzon kryeministrin se në vështirësi përballë skanimit që ODIHR i ka bërë zgjedhjeve në të cilat ai mori të gjithë drejtimin e pushtetit vendor, nxjerr referenca të cilat nuk gjenden në asnjë rresht të raportit të vëzhguesve ndërkombëtarë.

Opozita do të japë kontributin e saj në reformën zgjedhore, por sipas Bardhit Kodi Zgjedhor nuk mundet ta frenojë Edi Ramën të ndërpresë aleancën me krimin, duke paralajmëruar se në ditët në vijim do të dalin faktet për një tjetër kryebashkiak të inkriminuar.

Partia Demokratike do të paraqesë në javët e ardhshme një platform për daljen nga kriza. Për numri dy të demokratëve kjo platformë është për qytetarët jo si ofertë negocimi për maxhorancë. /ABC News Albania 24/7

 

SINKRON-CAKAJ.mpg_snapshot_00.03-1280x720.jpg
ent ela13:16 | 06/09/2019

Qeveria mandatoi sot ministrin për punët e jashtme të komentonte raportin e OSBE ODIHR për 30 qershorin. Gent Cakaj tha se krritikat janë për opozitën dhe se pasojat në zgjedhje janë për shkak të sjelljes së PD e LSI. Anëtari i qeverisë tha se zgjedhjet ishin legjitime.

Qeveria nuk i kundërshton problemet e evidentuara nga misioni i OSBE ODIHR për zgjedhjet e 30 qershorit, por thotë se ato janë pasojë e sjelljes jo institucionale të opozitës. Ministri i jashtëm në detyrë, Gent Cakaj tha se raporti ishte kritikues për opozitën.

Presionin ndaj votuesve, klimën konfliktuale, mos arritjen e balancës politike në KQZ, Cakaj ja faturon Partisë Demokratike dhe Opozitës.

Në sytë e qeverisë, 30 qershori ishte një proces zgjedhor demokratik i certifikuar.

Qeveria përsërit sërish thirrjen ndaj opozitës për një reformë zgjedhore të shpejtë dhe konsensuale. /ABC News Albania 24/7

 

Cakaj-gent-1280x853.jpeg
nev ila11:21 | 31/08/2019

Gjatë qëndrimit në Helsinki, për takimin joformal të Ministrave të Jashtëm të Bashkimit Evropian dhe Ballkanit Perëndimor, formati Gymnich, Ministri për Evropën dhe Punët e Jashtme, Gent Cakaj, zhvilloi takime me homologët e tij, Ministrat e Jashtëm të Danimarkës, Rumanisë, Kroacisë, Çekisë, Sllovenisë dhe me Sekretaren e Shtetit për Çështjet Evropiane të Portugalisë.

Fokusi i diskutimit në këto takime ishte perspektiva e zgjerimit të BE-së në Ballkanin Perëndimor, si dhe ambicia e Shqipërisë për marrjen e një përgjigje pozitive për çeljen e negociatave me BE në tetor.

Ministri Cakaj rikonfirmoi gjatë këtyre takimeve se Shqipëria ka përmbushur të gjitha kushtet teknike për fillimin e negociatave, çka mbështetet plotësisht edhe nga progres raporti i Komisionit Evropian, dhe vijon thellimin e reformave, duke shprehur bindjen se çelja e negociatave me BE-në është më se e merituar.

Ministri slloven Miroslav Cerar vlerësoi kriteret e plotësuara nga Shqipëria, për të merituar çeljen e negociatave me BE. Ministri Cerar siguroi Ministrin Cakaj për mbështetjen e Sllovenisë për të mundësuar një vendim pozitiv në mbledhjen e ardhshme të Këshillit në tetor.

Gjatë takimit me Ministrin e ri kroat Gordan Grlic-Radman, ky i fundit rikonfirmoi mbështetjen e fuqishme dhe aktive të Kroacisë për çeljen e negociatave të Shqipërisë me BE-në, duke ritheksuar qëndrimin e palëkundur për integrimin e plotë të Ballkanit Perëndimor në Bashkimin Evropian si një nga prioritetet e pritshme kryesore të presidencës së ardhshme kroate të BE-së.

Ministri danez Jeppe Kofod vlerësoi progresin e bërë deri tani në drejtim të plotësimit të prioriteteve kyçe, si dhe inkurajoi Ministrin Cakaj për vazhdimin e reformave në vend. Ai siguroi për një vlerësim të drejtë mbi bazën e arritjeve për çeljen e negociatave për anëtarësim.

Ministrja rumune Ramona Manescu siguroi për vijimin e mbështetjes së Rumanisë, të shprehur edhe gjatë presidencës së tyre për avancimin e vendit tonë në procesin e integrimit evropian nëpërmjet hapjes sa më parë të bisedimeve të anëtarësimit.

Ministri çek Tomáš Petříček konfirmoi se vendi i tij do të vijojë të jetë i zëshëm dhe aktiv në mbështetje të perspektivës evropiane të Ballkanit Perëndimor dhe do të mbrojë bindshëm objektivin e Shqipërisë për hapjen e bisedimeve të anëtarësimit në tetor.

Shqipëria ka bërë progresin e nevojshëm për plotësimin e kritereve për këtë faze të procesit dhe tashmë i takon Bashkimit Evropian të mbajë premtimin e tij.

Sekretarja e shtetit për Çështjet Evropiane të Portugalisë, Ana Paula Zacarias, u interesua për zhvillimet më të fundit në vendin tonë, veçanërisht për ecurinë e reformës në drejtësi. Ajo vlerësoi rezultatet konkrete të arritura që do të shërbejnë si një bazë e qëndrueshme për diskutimet dhe vendimmarrjen në Këshillin e tetorit ku vendi i saj do të kontribuojë në mënyrë konstruktive.

Ministri Cakaj mori mbështetje edhe nga përfaqësues të vendeve të tjera të Bashkimit Evropian gjatë bisedave me ta në margjinat e takimit të Gymnich.

Kryefjala e këtyre bisedave ishte se i takon Bashkimit Evropian tashmë t’i përgjigjet pozitivisht Shqipërisë për reformat e ndërmarra, duke i kurorëzuar këto përpjekje të vendit tonë me një vendim të merituar dhe pozitiv nga Këshilli në tetor./abcnews.al

14-patenta-shqiptare.jpg
ad min19:45 | 15/08/2019

Ministri në Detyrë për Evropën dhe Punët e Jashtme Gent Cakaj, në një postim në rrjetin e tij social Facebook njofton qytetarët shqiptarë me banim apo që vizitojnë Italinë për realizimin e  “Marrëveshjes ndryshuese për konvertimin e lejeve të drejtimit”. Kjo marrëveshje do të hyjë në fuqi më datën 8 shtator 2019.

Hyrja në fuqi e kësaj marrëveshjeje ndryshuese i vjen në ndihmë shtetasve shqiptarë rezidentë në Itali, pasi bën njohjen e modeleve të reja të lejeve të drejtimit të lëshuara nga shteti shqiptar, duke lehtësuar shpenzimet dhe kohën për konvertimin apo pajisjen me leje drejtimi italiane pa kaluar testet teorike e praktike të drejtimit të automjetit.” shkruan Cakaj.

Gjithashtu, ai njofton shtetasit shqiptarë me lejet e reja të drejtimit që vizitojnë e qëndrojnë në Itali për deri 3 muaj, se nuk kanë nevojë të pajisen me leje ndërkombëtare të drejtimit të automjetit.

Cakaj thekson se të njëjtat përpjekje e hapa Shqipëria i ka ndërmarrë edhe me shtete të tjera ku ka komunitete shqiptare, por për arsye e procedura të brendshme të këtyre shteteve ato nuk janë përfunduar ende.

“Ministria e Jashtme do të vijojë të nxisë realizimin e marrëveshjeve të tilla edhe me këto vende duke i ardhur sa më shumë në ndihmë bashkëkombasve tanë nëpër botë.” përmbyll Cakaj postimin e tij./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono