cakaj

cakaj-3-1280x711.jpg
Sej rie19:30 | 18/06/2019

Bashkimi Evropian do të marrë në fund të Tetorit vendimin përfundimtar për hapjen e negociatave të anëtarësimit të Shqipërisë dhe Maqedonisë së Veriut. Vendet anëtare kërkojnë më shumë kohë për të shqyrtuar raportet e Komisionit Evropian për vendet aspirante.

Lidhur me këtë vendim ka reaguar ministri i Jashtëm në detyrë Gent Cakaj, ku është shprehur se për Shqipërinë do të jepet vendim pozitiv në Tetor. Nga ana tjetër ai tha se kjo shtyrje e vendimit nuk është një lajm inkurajues, sepse Shqipëria e ka merituar hapjen e negociatave që vitin e kaluar.

“Shqipëria mbetet shpresëplotë për një vendim pozitiv në muajin Tetor. Shpresa jonë në fakt nuk do të thotë pritje pasive, por duhet të marrë trajtën e një angazhimi aktiv për t’i paraprirë pozitivisht vendimit të Tetorit për hapjen e negociatave për anëtarësim. Shtyrja e vendimmarrjes sidoqoftë nuk është një lajm inkurajues për Shqipërinë. Nuk mund të jetë një lajm inkurajues sepse Shqipëria e ka merituar hapjen e negociatave që vitin e shkuar, që në Qershor të viti 2018. Vonesa e vitit të shkuar nuk është shkaktuar aspak nga rezultatet e padiskutueshme të Shqipërisë në agjendën evropiane, por nga shpërpushja midis rekomandimeve teknike të Komisionit dhe llogarive politike të Këshillit. Nga kjo pikëpamje nënvizoj se Shqipëria e ka merituar hapjen e negociatave që vinin e shkuar”, tha Cakaj./abcnews.al

MBULIM-CAKAJ-NE-PARIS.mpg_snapshot_00.20-1280x720.jpg
ent ela10:35 | 15/06/2019

Në turin e takimeve në Paris, Ministri në detyrë për Evropën dhe Punët e Jashtme, Gent Cakaj, zhvilloi edhe një takim me Sekretaren e Shtetit për Çështjet Evropiane të Francës, Amélie De Montchalin.

Në takim të dy bashkëbiseduesit ndanë bindjen se rritja e angazhimit të BE-së dhe veçanërisht e Francës është shumë e rëndësishme për zhvillimin e mëtejshëm të Ballkanit Perëndimor.

Angazhimi i shtuar i vendeve anëtare nuk do të thotë zëvendësim për procesin e zgjerimit të BE-së në rajon si dhe hapja e negocitave për anëtarësim me Shqipërinë nuk është e domosdoshme vetëm për faktin se Shqipëria tashmë ka përmbushur të gjitha kushtet e nevojshme teknike, por edhe jetike për ta ruajtur besueshmërinë e vetë politikave të zgjerimit të BE-së. /ABC News Albania 24/7

cakaj-1-1280x714.jpg
Sej rie19:45 | 06/06/2019

Pavarësisht këtij qëndrimi, gjatë një takimi me ministrin e Jashtëm në detyrë Gent Cakaj, ministri i Jashtëm i Holandës Stef Blok ka vlerësuar arritjet e reformave të Shqipërisë veçanërisht në fushën e drejtësisë. Në një njoftim zyrtar të Ministrisë sonë të Jashtme, thuhet se në takimin mes Cakajt dhe homologut të tij holandez, është vlerësuar se progresi i Shqipërisë është i padiskutueshëm.

Po ashtu, u vlerësua bashkëpunimi bilateral midis mekanizmave të rendit dhe sigurisë, në mënyrë që të adresohen shqetësimet e ndërsjella, përfshirë edhe ato në fushën e migracionit të parregullt.

Ministri Cakaj theksoi nevojën për një vendim pozitiv të Këshillit për hapjen e negociatave të anëtarësimit, i cili do të ishte një mesazh inkurajues për Shqipërinë dhe Ballkanin Perëndimor./ABC News Albania 24/7

1559202465_cakaj.jpg
Sej rie10:15 | 30/05/2019

Pas rekomandimit pozitiv të Komisionit Evropian  për çeljen e negociatave, ministri i Jashtëm në detyrë, Gent Cakaj ka dalë në një konferencë për mediat. Ai u ka bërë thirrje grupeve politike në vend që të mos merren me polemika shterpe, por të bëhen të gjithë bashkë për integrimin e Shqipërisë në BE.

“Interesi i integrimit evropian duhet të tejkalojë çdo dallim partiak dhe çdo marrëdhënie pozitë opozitë. Prandaj në vend të polemikave shterpe që nxisin luftë interpretimesh pa përmbajtje, ka ardhur koha e dialogut të brendshëm e komunikim aktiv me vendet anëtare. Jo vetëm që bashkërisht jemi më bindës sepse jemi më të fortë, por jemi edhe më evropianë brenda sepse jemi ën vendin që asnjëherë nuk ka prodhuar euro- skepticizëm masiv dhe po jemi edhe më shqiptarë jashtë sepse flasim me një zë për vendin që duam dhe për të cilën angazhohemi përulësisht. Raporti i KE nuk është vetëm një moment i ri ndërkombëtar për Shqipërinë sepse krijon kushte teknike për hapjen e negociatave, por është edhe një shans për grupet politike në Shqipëri për të reflektuar për rrugëtimin Evropian të saj. Sfida jonë është shndërrimi i vlerësimit teknik të komisionit në vullnet politik të Këshillit. Kjo kërkon punë e pakursyer të qeverisë dhe të gjithsecilit”, tha ministri. 

Më tej ministri i Jashtëm në detyre Cakaj, theksoi se Shqipëria është një rast shembullor dhe këtë e ka dëshmuar falë reformës së bërë në radhë të gjyqtarëve dhe prokurorëve.

“Për të merituar çeljen pa kushte të negociatave, nuk është thjesht përsëritje të vitit të kaluar. Raporti i ri është dëshmi e sukseseve të reja, dëshmia e përmbushjes së të gjithë rekomandimeve të KE. Në mënyrë kompetente aq sa voluminoze në një vlerësim milimetrit, KE ka vlerësuar evoluimin në kohë të Shqipërisë. Cilësi dhe entuziazëm shtesë të institucioneve në rrugën e BE. Nuk është thjeshtë “po” çështja kryesore, por edhe vetë mënyra se si janë paraqitur argumentet. Shqipëria rast shembullor i transformimit të sistemit te drejtësisë dhe vlerësimin e gjyqtarëve dhe prokurorëve. Duke konsideruar numrin e konsiderueshëm të prokurorëve, raporti vlerëson lartë faktin se gjithë kjo punë është kryer nën monitorimin e OMN. Ka një vlerësim ndërkombëtar se si është bërë Reforma në Drejtësi, për shkak të pastrimit të tij, vendi ka ngritur dhe institucionet gjyqësore. Raporti konfirmon përpjekjen e qeverisë për të luftuar krimin e organizuar”./abcnews.al

cakaj-1280x716.jpg
Sej rie15:10 | 29/05/2019

Raporti i Komisionit Evropian është i qartë si kristali- shkruan ministri në detyrë për Evropën dhe punët e jashtme Gent Cakaj. Shqipëria ka shënuar progresin e nevojshëm për hapjen e negociatave për anëtarësim në Bashkimin Evropian. Tani është koha e bashkëpunimit ndërpartiak në shërbim të integrimit dhe angazhimit maksimal politik për ti shpalosur domosdoshmërinë hapjes së negociatave Evropës.- shkeuna në tëitter ministri në detyrë Cakaj sipas të cilit -Vlerësimi teknik i Komisionit duhet të shndrrohet në vullnet politik të Këshillit dhe Shqipërisë duhet ti hapen negociatat menjëherë./ABC News Albania 24/7

cakaj-1280x716.jpg
Sej rie14:50 | 28/05/2019

Shqipëria ka bërë një progres të jashtëzakonshëm në avancimin e prioriteteve dhe meriton hapjen e negociatave.  Me këto fjalë i është drejtuar Ministri i Jashtëm në Detyrë Gent Cakaj, ministrave të jashtëm të vendeve të Vishegradit dhe Ballkanit Perëndimor të cilët u mblodhën në Bratislavë për të diskutuar mbi mundësitë e bashkëpunimit dhe perspektivën evropiane të vendeve të rajonit.

Ministri në detyrë  gjithashtu, vuri në dukje se Shqipëria e sheh dialogun politik dhe bashkëpunimin rajonal si një ndër elementët kryesorë që bashkuan rajonin dhe e pozicionuan atë në rrugën e duhur të integrimit evropian.

Në fokus të këtij takimi ishte gjithashtu mbështetja e fuqishme politike e vendeve të Vishegradit në këtë moment të rëndësishëm për hapjen e negociatave për Shqipërinë dhe Maqedoninë e Veriut, si dhe liberalizimin e vizave me Kosovën dhe avancimin e proceseve integruese në përgjithësi./ABC News Albania 24/7 

58647183_2314550495481245_7278528321724350464_o-1280x853.jpg
ent ela18:15 | 29/04/2019

Edhe ministri në detyrë Gent Cakaj ka folur për takimin e delegacionit shqiptar me kancelarin gjermane Angela Merkel. Në një postim në Facebook shoqëruar me foto, ministri Cakaj shkruan se “Takimi me Kancelaren Angela Merkel konfirmoi edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE. Progresi i madh i Shqipërisë në 5 prioritetet kyçe, me theks të veçantë në reformën në drejtësi, merr vlerësimin më të lartë nga Gjermania. Shqipëria do të vazhdon të luajë rolin e saj të pazëvendësueshëm në stabilitetin rajonal dhe afirmimin e vlerave evropiane në Ballkanin Perendimor! Shumë mirënjohës për përkushtimin e Kancelares Merkel ndaj Shqipërisë!” është ky komenti i përcjellë nga ministri Cakaj për takimin me Kancelaren Merkel.

ABC News

58384724_2312540355682259_1968670522946355200_n.jpg
Sej rie15:16 | 26/04/2019

Ministri në Detyrë Gent Cakaj zhvilloi një takim në Austri me homologen Karin Kneissl e cila i konfirmoi mbështetjen në hapjen e negociatave me Bashkimin Evropian.

Ministri në detyrë bëri me dije se fokusi i takimit ishte edhe rritja e bashkëpunimit dypalësh në fushën e ekonomisë, veçanërisht për rritjen e investimeve të huaja në Shqipëri.

Ministrja e Jashtme e Austrisë inkurajoi Shqipërinë të çojë përpara reformat e ndërmarra, reformën në drejtësi, luftën kundër korrupsionit.

gent-cakja-opinion-1280x672.jpg
Sej rie12:50 | 24/04/2019

Ministri i Jashtëm Gent Cakaj në një intervistë televizive ka njoftuar krijimin e një task -forcë në dikasterin që drejton, me qëllim fuqizimin e rolit ndërkombëtar të Kosovës edhe përmes shkëmbimit të stafit profesional.

Jetëshkrimin e tij, të munguar fillimisht, dhe zbuluar pas marrjes së postit të ministrit të Jashtëm, Gent Cakaj e nisi nga shumëkush dhe e sheh si thembrën e Akilit: moshën dhe eksperiencën në politikë.

Cakaj: “Unë jam 28 vjeç me 14 vjet përvojë politike”.

Ministri Cakaj njoftoi ngritjen e një task- force përkundër përpjekjes Serbe lidhur me njohjën e pavarësisë së Kosovës nga shtete të tjera.

Cakaj: “Për ne është e papranueshme fushata e Serbisë për tërheqjen e njohjeve të pavarësisë së Kosovë dhe Shqipëria do të ngrejë një task-forcë të veçantë për të adresuar këtë problem”.

Pjesë e punës së saj do të jetë edhe forcimi i rolit të shtetit Kosovar në arenën ndërkombëtare, deklaroi ai.

Ministria do të ngrejë task-focën për formimin e pozicionit ndërkombëtar të Kosovës me diplomatët më të kualifikuar nga Kosova dhe Shqipëria. Do të procedohet shumë shpejt me marrëveshje ndërministrore me 4 komponentë.

Cakaj: “Ambasada për përdorim të përbashkët. Elementi i dytë do të jetë konsullor. Planifikojmë hapjen e menjëhershme të tre konsullatave të reja. Elementi i tretë do të jetë profesional që përfshinë mundësinë e këmbimit të stafit profesional. Dhe i katërti do të jetë elementi kulturor”.

Sa i përket vendimit të parlamentit holandez, Cakaj ri-theksoi qëndrimin e tij se ky veprim lidhet me populizmin dhe politikat përjashtuese anti-emigracion në Holandë, e nxitur nga fushata elektorale atje./abcnews.al

KRONIKE-CAKAJ-NE-VARSHAVE.mpg_snapshot_00.36-1280x720.jpg
ent ela11:29 | 12/04/2019

Sot kemi një rajon i cili po shndërrohet gjithnjë e më shumë në konservativ dhe nacionalist, pikërisht për shkak të mosmarrëveshjeve politike mes shteteve. Është ky qëndrimi i Ministrit në Detyrë për Evropën dhe Punët e Jashtme Gent Cakaj në Ministerialin e Varshavës ku nënvizoi se vendet duhet të jenë më të vendosura për të zgjidhur mosmarrëveshjet dypalëshe.

Ministri në Detyrë për Evropën dhe Punët e Jashtme Gent Cakaj, u bëri thirrje Ministrave të Jashtëm të vendeve pjesëmarrëse në Procesin e Berlinit të shohin me më shumë vëmendje sfidat e të rinjve në Shqipëri dhe në rajonin e Ballkanit Perëndimor. I pranishëm në Ministerialin e Varshavës Cakaj vlerësoi se Procesi i Berlinit ka rritur në mënyrë të ndjeshme ndërlidhjen mes vendeve të rajonit, por theksoi se ende fatkeqësisht vihet re se është shumë e vështirë të ofrohen arritje konkrete në një ambient, i cili karakterizohet nga mosmarrëveshje të vazhdueshme me retorikë politike.

Ai cilësoi paradoksale që nga njëra anë nismat rajonale si Organizata Rajonale e Bashkëpunimit Rinor, apo Fondi i Ballkanit Perëndimor përpiqen të ofrojnë projekte që adresojnë pajtimin mes kombeve, për ta kthyer rajonin në një hapësire sa më vibrante të bashkëpunimit rajonal dhe, nga ana tjetër kemi një rajon i cili po shndërrohet gjithnjë e më shumë në konservativ dhe nacionalist, pikërisht për shkak të mosmarrëveshjeve politike mes shteteve. Për këtë arsye, Ministri në Detyrë për Evropën dhe Punët e Jashtme theksoi se është shumë e rëndësishme që vendet tona të jenë më të vendosura për të zgjidhur mosmarrëveshjet dypalëshe dhe kjo do të mund të arrihet vetëm nëse ka sinqeritet dhe përgjegjësi në adresimin e reminishencave të së kaluarës.

Ajo që duhet të kuptohet vijoi ai, është se Rajoni ynë nuk po kërkon të hyjë nesër në BE, por procesi i integrimit është shumë i rëndësishëm dhe inkurajues për ndërmarrjen e reformave të nevojshme si shteti i së drejtës, reforma në arsim, zhvillimi ekonomik etj. Në këtë kontekst, liberalizimi i vizave me Kosovën apo hapja e negociatave për Shqipërinë dhe Maqedoninë e Veriut janë instrumentale për rritjen dhe thellimin e reformave. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono