Byro Politike

abilekaj.jpg
G. P.20:57 | 10/04/2019

Drejtori i Dosja.al, Enton Abilekaj, ishte i ftuar këtë të mërkurë në emisionin “Byro Politike”, ku u diskutua mbi vizitën e Palmer në Shqipëri dhe qëndrimet që mbajti pas përfundimit të takimeve me liderët e shtetit dhe të opozitës.

Sipas gazetarit, ai erdhi në një kohë pas publikimit të raportit të DASH për drogat. Edhe pse raporti ndan të njëjtat shqetësime që ka opozita, sipas Abilekajt, SHBA mban anën e qeverisë për hir të stabilitetit për një vend të vogël si i yni.

“Ka një problem. Palmer vjen pak ditë pasi doli raporti i DASH për drogat. Pra DASH, ku zoti Palmer është një ndër funksionarët dhe jo shumë i rëndësishëm për atë që është atje. I rëndësishëm është për Shqipërinë, por për departamentin vetë jo shumë, është i sigurt për atë që ndodh në Shqipëri. Raporti ndan të njëjta shqetësimet që ndan jo vetëm opozita dhe media në Shqipëri. Problemi është që këta në komunikimet që mbajnë me palën shqiptare zgjedhin të mbajnë anën e qeverisë për hir të stabilitetit. Ata ndoshta mendojnë që një vend i varfër nuk e meriton demokracinë, por duhet të rrijë urtë dhe të ketë stabilitet”, tha Abilekaj.

Ndërkohë, më herët dy ish-deputetet e opozitës, Klajda Gjosha dhe Jorida Tabaku, deklaruan se nuk prisnin qënrdim ndryshe nga ana e Palmer në lidhje me djegien e mandateve.

Ky i fundit dënoi dorëzimin e mandateve të deputetëve pasi mund të krijojë precedent në vende të tjera të rajonit, por edhe në vendet me demokraci të brishtë. Ndërsa nga ana tjetër, ashtu siç pohoi dhe Gjosha, Palmer ishte plotësisht dakord me çështjet që ka ngritur opozita./abcnews.al

astrit-patozi1.jpg
G. P.23:27 | 08/04/2019

Ish-nënkryetari demokrat, Astrit Patozi, ishte i ftuar në “Byro Politike” këtë të hënë. Ai deklaroi përballë gazetares Juli Xhokaxhi në ABC News se aksioni opozitar që ka nisur prej gati 2 muajsh në vend nuk është një kauzë popullore.

Djegia e mandateve nga opozita, sipas Patozit, është një vendim i rrezikshëm për të ardhmen e PD-së. Patozi tha gjithashtu se Basha është i pabesueshëm në deklaratat për ndryshim të sistemit zgjedhor.

Për sa i përket zgjedhjeve të ardhshme lokale, Patozi theksoi se opozita duhet të futet në to ose në të kundërt do të dalë jashtë sistemit politik. Sipas tij, nëse Basha vendos bojkotimin e zgjedhjeve do t’i dhurojë Ramës një minierë ari./abcnews.al

astrit-patozi.jpg
G. P.20:47 | 08/04/2019

Astrit Patozi e konsideron një përrallë të shpifur idenë Bashës për zgjedhjen e kandidatëve për deputet nga anëtarësia duke i dhënë fund kështu listës së kryetarit të partisë. Mirëpo ish-deputetit Patozi, Basha e ka ndryshuar këtë cikël brenda 6 vitesh që është në krye të PD-së disa herë, duke marrë shembullin gjerman, amerikan dhe tani anglez.

“Kjo është një përrallë e shpifur dhe Zoti e faltë që ia lejon që ta thotë. E ka ndryshuar këtë cikël në këto vite nga CDU-ja, te sistemi amerikani, tani anglez. Online e kishim ne. Njerëzit i çuan partisë dëshirën për të kandiduar. Unë nuk e bëra atë gabim sepse nuk kam rrjedhur akoma, por pati njerëz që shprehën dëshirën online me email dhe ndodhi ajo që ndodhi. Vetëm pas një ndjese shumë të thjeshtë dhe marrjen e përgjegjësive kaq sa kanë ndodhur në këto 6 vite mund ta justifikonte, dhe të thoshte unë do ndryshoj.  Ai s’ka bërë as të parën dhe nuk do bëjë as të dytën”, tha Patozi në “Byro Politike”.

Patozi theksoi se nuk ka më lidhje me Partinë Demokratike dhe askush nuk e ka përzënë. Madje ai deklaroi se udhëheqës dhe mbështetës i kanë kërkuar të rikthehen.

 “Unë jam krejtësisht i çliruar nga emocioni. Unë nuk kam më asnjë llogari të hapur me atë parti dhe nuk më ka përzënë. Askush nuk më ka thënë dhe përkundrazi më kanë kërkuar dhe më kërkojnë të kthehem. Edhe udhëheqës dhe mbështetës. Unë nga ajo parti them se nuk më lidh më asgjë sepse aty mungon lidhja elementare e bashkekzistencës së një partie politike.  Është ky shkaktari dhe kur thotë që kur do e ndryshoj, pyetja është si ka mundësi që kaq reformator, një herë të erdhi rasti për të aplikuar atë sistem që kemi e aplikove në mënyrën më të keqe të mundshme duke kaluar të gjithë liderët politikë në Shqipëri nga ‘90 deri sot. Atë që bëri ky në 2017 nuk e ka bërë askush tjetër. As Fatos Nano, as Ilir Meta, as Sali Berisha, as Edi Rama, e bëri ky. Kapërceu dhe Berishën”, tha Patozi./abcnews.al

byro-emisioni.mp4_snapshot_03.13-1280x720.jpg
ent ela23:04 | 01/04/2019

Pas konstatimit të gazetarit Spartak Koka, se në Policinë vendore të Shkodrës ka mungesë të theksuar të oficerëve të policisë kriminale çka është një ndër faktorët për moszbulimin e vrasjeve të ndodhura përgjatë vitit 2018-19, Zëvendësministri i Brendshëm pranoi situatën. Në studion e Byro Politike në ABC News Julian Hodaj u shpreh se është e vërtetë që ka mungesë të oficerëve të policisë kriminale dhe ndodh për shkak të mungesës strukturore dhe është pasojë e vendimit për të mbyllur Akademinë e Policisë.

Koka: Nuk jemi për të mbrojtur as për të sulmuar individë të ndryshëm. B Bushati është oficer i nderuar kur ka drejtuar Policinë e Shkodrës. Ai duhet të kishte dhënë vetë dorëheqjne se është nga Shkodra dhe nga studimet e bëra nga studuies venda e ndërkombëtarë organizatat kriminale e Shkodrës njihen për ashpërsinë e atyre ata ta marrin personale ata dhe Bushati do bënte shumë  mirë detyrën e drejtorit në një zonë tjetër, por  jo në Shkodër.

Në Shkodër ti s’kishe oficerë policie, s’kishe numrin e nenvojshëm. Merrej shefi apo drejtori me zbardhje kamerash sigurie. Këtu nuk kemi asnjë nisme ligjore, një komision parlamentar antimafia për gjithë qytetet problematike.

Pse mban sot dojsen Prokuroria e Krimeve të Rënda të 7 vrasjeve në Shkodër dhe nuk nxjerr urdhër arresti për përgjimet që janë në këtë dosje. Se sot ku jemi vetëm kapim viktimat, ekzekutorët dhe ndihmësit.

Hodaj: Një gjë që doja të thoja për atë që tha Koka zëvendësimi bëhet për t’i dhënë një impuls. Bëhet fjalë për të njëjtën polici lokale dhe drejtues që me sukses mbështetën operacionin  e shtatorit, e tetorit  që u zhvilluan në Shkodër.

Përsa i përket numrit ka të drejtë Koka, mungojnë agjentët e policisë kriminale dhe me strukturën e re duhet të arrish në gradë që të bëhesh pjesë e policisë kriminale. Akademia e Policisë ka qenë e mbyllur deri në 2015 dhe brezi i parë ka marrë këtë vit. Mungesa e njerëzve si pasojë atij vendimi për ta shkrirë Akademinë e Policisë dhe për ta reduktuar në në qendër trajnimi.

Koka: Mund të merrnit efektivë e specialistë se keni atje njerëz që merren me burokraci, 3 veta të kishit marrë, por të ishin specialistë.

Hodaj: Një tentativë tjetër për të eliminuar efektet e këtij absurditeti që ndodhi me shkrirjen e akademisë  ishte dhe nisma e fundit që u hapën 150 vende të atyre me master në juridik, ekonomik, financë apo IT dhe të cilët kanë filluar kursin dhe për 6-7 muaj do jenë edhe ata nënkomisarë.

Koka: Ku do i merrni oficerët që do t’i çoni në Shkodër se Niko Brahimaj ka bërë kërkesë në drejtorinë e Përgjithshme dhe atë Qendrore

Hodaj: Drejtoria e Përgjithshme ka efektivë që kanë detyra të caktuara. Në situatën ku mund të jetë i nevojshme transferimi i tyre mund të bëhet pa problem, do varet nga drejtuesi i ri.

/abcnews.al

bujar-nishani1.jpg
G. P.20:30 | 06/03/2019

Ish-presidenti i Republikës dhe kreu i Këshillit Kombëtar të Partisë Demokratike, Bujar Nishani, ishte i ftuar këtë të mërkurë në emisionin “Byro Politike”. I pyetur nëse kishte dijeni përpara se Lulzim Basha të njoftonte se opozita do digjte mandatet, ish-kreu i shtetit tha para vendimit ka pasur një proces konsultimesh.

Mimoza Koçiu: Ju e dinit që Basha do të dorëzonte mandatet apo e mësuat si të gjithë të tjerët kur e shpalli.

Bujar Nishani: Ka pasur një proces bisedash dhe konsultimesh. Unë nuk e di kur ka qenë radha ime se kush e ka ditur më parë, apo jo. Ka qenë një proces diskutimi i kryetarit me paketën dhe bashkëpunëtorët e tij.

Ndër të tjera, në studio përballë gazetares Mimoza Koçiu dhe analistit Arian Curi, kreu i Këshillit Kombëtar të PD-së tha se qytetarët duhet ta shikojnë situatën politike si ndërpartiake. Nëse kjo nuk ndalet së shpejti sipas Nishanit atëherë pasojat do të shfaqen në 20 vitet e ardhshme.

“Unë mendoj që çdo qytetar duhet ta shikojë situatën si ndërpartiake. Jemi në situatë e cila nëse nuk ndalet shpejt, do fillojë ta japë impaktin e vet të fatalitetit, në 20 vitet e ardhshme. Po rrezikojmë një zhbërje, të këtij shteti dhe kësaj shoqërie. Kemi 4-5 vite që ka hemorragji masive të resurseve njerëzore. Për shumë arsye. Nga njëri ekstrem te tjetri. Unë e kuptoj pse ka hemorragji njerëzore nga Afrika, Siri, Lindja e Mesme, por që të kishim këtë hemorragji të rikthyer, unë mendoj që sot është një përgjegjësi e madhe dhe është një shoqëri që ka hyrë në ngecje. Zotëria që është kryeministër, nuk lëviz, sepse nëse lëviz duhet të marrë përgjegjësinë si autori kryesor i kësaj katandisje. Kemi një kolaps të tërë shoqëror, social, tani dhe institucional”, tha Nishani./abcnews.al

panariti-dhe-dule.jpg
ent ela21:14 | 27/02/2019

Seancën e djeshme në Parlament, ku u miratuan dy vendime të rëndësishme që kanë të bëjnë me strukturën e dy institucioneve të reja të drejtësisë, Këshilli i Lartë i Gjyqësorit dhe Këshilli i Lartë i Prokurorisë, kreu i PBDNJ-së Vangjel Dule e cilësoi provokative, në një kohë kur opozita protestonte jashtë parlamentit. I ftuar në studion e Byro Politike, Dule theksoi se Rama i përdori deputetët e tij mish për top, ndërkohë që bëri krahasime me protestat e jelekverdhëve në Francë.

“Seanca e djeshme ishte e konceptuar si provokim. Mënyra si u sollën disa deputetë. A do kalonte një përfaqësues i Macron krah jelekverdhëve. A do ishin të përmbajtshëm ata jelekverdhë. Ata duhet të respektonin ata që protestonin. Pse nuk ishte dje Kryeministri në seancë se i përdori deputetët e vet në mish për top. Dje e donte atë seancë me qëllim që të justifikonte apostioreri. Asnjë drejtues nuk lë ata që drejton vetëm”.

Sipas Dules, Rama ka përdorur kancelaritë në Tiranë dhe mediat se opozita është e dhunshme, në një kohë kur vetë Rama donte një seancë të dhunshme, ndërsa opozita dha leksion demokracie.

“Nuk lanë vend duke filluar nga kanceralitë në Tiranë  dhe media që ka opozitë të dhunshme. Opozita dha leksion demokracie, lëshoi mandatet dhe pasi dështoi, Rama donte seancë dhunshme, por që sërish dështoi”.

Ndërsa deklaratës së Ballës se opozita ka frikë nga ngritja e SPAK dhe BKH që dogji mandatet, Dule iu përgjigj: “Kushdo që ngre ketë arsyetim, kam një pyetje. Kur është i mbrojtur një gjyqtar kur ka imunitet apo kur nuk e ka atë dhe këtu rrëzohet ai që ka frikë nga drejtësia mbrohet pas mandatit të deputetit”.

Nga ana e tij përfaqësuesi i LSI Edmond Panariti tha se parlamenti është ilegjitim, sepse kushtetuta e përcakton 140 deputetë.

“Ata flasin me veten e tyre se është një parlament gjysmagjel. Ne jemi qytetarë të thjeshtë, është  e thjeshtë t’i thërrasësh në prokurori, përkundrazi mazhoranca e ka vështirësuar çështjen e marrjes së lejes për hetim për deputetët e saj, duke kërkuar prova e hetim. Ai parlament është ilegjitim se Kushtetuta e përcakton 140 deputetë. Ai parlament do jetë gjëja më qesharake të mbushet me deputetë të PS. Ne do kthehemi pastaj në Kuvendin Popullor të kohës së enverit. Jemi në të njëjtat ujëra”.

Zgjidhjen e kësaj situate politike Panariti e sheh te propozimi i opozitës për qeveri tranzitore.

“Nëse duhet zhbllokuar kriza duhet të kalojmë në një propozim të opozitës. Vendi të qeveriset nga një qeveri tranzitore me mandat të qartë me konsensus që të bëjë ndryshime në kod dhe vota të jetë  mbrojtur”. /abcnews.al

 

BYRO-DT-20-SHKURT.mpg_snapshot_09.32-1280x720.jpg
ent ela20:45 | 20/02/2019

Djegia e mandateve të deputetëve të opozitës, e konkretizuar tashmë me firmosjen e tyre pasditen e sotme është diskutuar në studion e Byro Politike nga deputetët opozitarë Enkelejd Alibeaj, Klajda Gjosha, Agron Duka dhe Klevis Balliu.

Enekelejd Alibeaj teksa e ka vlerësuar si një akt historik për të tashmen dhe të ardhmen e vendit, ka shpjeguar juridikisht lënien e mandatit. Sipas tij ka ligjshmëri që deputeti të vendosë për të lënë mandatin, por nuk ka ligjshmëri që Kuvendi të jetë i gjymtuar pa pjesën tjetër të deputetëve siç e thotë Kushtetuta.

“Është një akt historik për momentin, për të shkuarën dhe për të ardhmen. Kodi zgjedhor përcakton që nga momenti që një deputet, shumë deputetë vendosin të lënë mandatin me vullnetin e tyre të lirë, vijnë ata zëvendësues brenda listës së partisë ose koalicionit. Nuk ka koalicion vetëm një listë të përbërë dhe sot është proceduar me dorëheqjen e të gjithë atyre që kishin devizën e deputetit. Kanë firmosur edhe ata në lsitë në pritje, pasi jo vetëm ligji edhe precedentët se edhe ata që e kanë  fituar të drejtën e mandatit kanë te drejtën të shprehin vullnetin e tyre”.

Alibeaj theksoi se firmosja për lënien e mandateve u bë në mënyrë transparente pasi sipas tij është koncepti i besimit të publikut ndaj të zgjedhurve të vet dhe lënia duhet të jetë një akt në dritën e diellit.

“S’ka mënyrë të fshehtë. Ajo që mban fort autoritetin e parlamentit është marrëdhënia me qytetarët që i përgjigjesh çdo ditë është koncepti i besimit të publikut ndaj të zgjedhurve të vet dhe lënia duhet të jetë një akt në dritën e diellit. Ligji dhe logjika kushtetuese është që populli na ka dhënë mandate dhe është e drejta jonë t’i nënshtrohemi vullnetit të popullit”.

I pyetur a ka kushtetueshmëri një parlament pa opozitën, Alibeaj tha se ai është një parlament i gjymtuar, ndërsa pyetjes se nëse rama mund të plotësoje vendet, ai tha se kushtetueshmërisht dhe politikish nuk është e mundur.

“Jo nuk ka. Ka ligjshëmri e drejta e deputetit për të lënë mandatin e vet. Kushtetuta thotë që parlamenti përbëhet nga 140 deputetë absolutisht është i gjymtuar”.

A ka mundësi që Rama të plotësojë vendet?

Alibeaj: Kushtetueshmërisht jo, politikisht jo. Vetëm i çmendur.

Nga ana e saj deputetja e LSI-së Klajda Gjosha e vlerësoi lënien e mandateve si një nga aktet më madhështore që ka bërë opozita në këtë vend në emër të largimit të krimit nga politika.

“Të gjithë deputetë përveç Lefter Kokës të gjithë e votuam këtë nisëm. Një nga aktet më madhështore që ka bërë opozita në këtë vend në emër të largimit të krimit nga politika dhe besoj që akt më të madh se ky, opozita nuk mund të ndërmerrte”.

Ajo e konsideron këtë akt të duhurin në një kohë kur opozitës i ishin mbyllur të gjitha rrugët ligjore, si komisionet parlamentare, interpelanca dhe gjykata kushtetuese.

“Të gjithë komisionet ndërpriten kur opozita do të diskutojë.

Interpelancat. 3 herë është thirrur ministrja e Finacave dhe 3 herë ka dërguar që nuk do të jetë. Edhe ky mjet më hiqet se ministrat nuk i përgjigjen parlamentit të Shqipërisë.

Dhe akti i fundit cili është? Nëse mendoj që një ligj më duket antikushtetues duhet t’i drejtohem Gjykatës Kushtetuese dhe kjo më është hequr. Unë kur shkoj para qytetarëve me thonë që bëj diçka”.

Kreu i Partisë Agrare ambjentaliste Agron Duka edhe pse shpreh rezervat e tij për lënien e mandatit thekson se kjo justifikohet pas përgjimeve të Zërit të Amerikës.

“Kam demaskuar mënyrën si u bënë zgjedhjet, lidhjen e mazhorancës me të fortët. Dhe lidhja u përforcua pasi dolën përgjimet e Zërit të Amerikës.

Unë s’kam qenë për lënie mandatesh, as për bojkot dhe në takime me aleatët i kam thënë që nuk është kjo rruga, duhet rrugë institucionale nuk duhet të tërhiqesh nga parlamenti, por justifikohet më këtë të përgjimeve të fundit. Qe një lëvizje e detyruar edhe për arsye të mbledhjes së pushtetit në një dorë”.

Ndërsa deputeti demokrat Balliu shprehet se ky vendim nuk erdhi nga deputetët, por i diktuar nga revolta qytetare.

“Është hera e parë që aktiviteti politik i partive opozitare dhe reagimi qytetar bëhen njësh dhe nxjerrin një propozim, djegien e mandateve dhe kjo e bën historik vendimin se ky nuk erdhi si propozim i deputetëve, por i diktuar nga revolta qytetare. Ajo revoltë faktoi akuzat për mazhorancën”.

/abcnews.al

 

 

BYRO-DT-18-SHKURT.mpg_snapshot_20.15-1280x720.jpg
ent ela20:59 | 18/02/2019

Protesta e opozitës ishte pakënaqësia dhe kritika e popullit ndaj qeverisjes së kryeminsitrit Rama, ndërsa largimi i shqiptarëve nga vendi, për Gjergji Bojaxhiun nuk është vetëm për këtë arsye, por edhe për mungesën e shpresës dhe alternativës tjetër politike, ku ai bën përgjegjëse edhe opozitën.

Bojaxhi: “Shumë mirë që dolën shumë qytetarë për të protestuar se kush është kjo qeveri biem dakord të gjithë, por ndryshoj te fakti se shqiptarët po ikin nga Shqipëria se nuk kanë shpresë dhe shpresën nuk e jep vetëm qeveria, por edhe opozita, nuk kemi alternativë tjetër qeverisjeje. Ne kemi 25 vjet që votojmë të keqen më të vogël. Nëse ne nuk dimë me kë do e zëvendëosjmë këtë të keqe që kemi. Kjo është çështje e gjithë klasës politike. çështja është me çfarë alternative politike do e zëvendësojmë këtë qeveri. Mënyra si administrohet PS është e njëjta mënyrë si pD. Nëse do të bëshkarrierë politike është e njëjta gjë. Problemi është më i thellë se nuk arrijmë që këtyre qytetarëve t’u japim shpresë”.

Por ish deputeti demokrat megjithëse pranon që PD nuk ofron zgjidhje ideale, shprehet se pamundësia për të jetuar këtu nuk shkaktohet nga opozita.

Imami: “Pamundësia për të jetuar këtu nuk shkaktohet nga opozita. Ne është e vërtetë që PD është një element që për fat të keq nuk ka ndihmuar për ta krijuar atë shpresë. Problemi politik është se mundësitë e zgjidhjeve ideale janë të pamundura. A do arrijë PD të jetë kompetitve nuk e di, a do i fitoë PD zgjedhjet? nuk e di. Por që kjo qeveri nuk mund të qëndrojë jam 100% i sigurt”. /abcnews.al

BYRO-DT-18-SHKURT.mpg_snapshot_04.50-1280x720.jpg
ent ela20:44 | 18/02/2019

Protesta e opozitës dhe djegia e mandateve janë diskutuar sot në Byro Politike në një panel me të ftuarit  Arben Imami, ish deputet i PD, Artan Hoxha, analist, Andi Bejtja analist dhe Gjergj Bojaxhi.

Për ish-deputetin demokrat Arben Imami, protesta e 16 shkurtit tregoi që ka vullnet popullor për të mos pranuar këtë qeverisje që ka sot Shqipëria.

Imami: “Protesta ishte serioze masive, tregon që qeverisja e sotme nuk ka legjitimite. Kjo është qevrirsj amë e keqe që ka parë Shqipëria. Ne pamë që populli opozitar bëri protestë që tregon se kjo qeverisje nuk është më legjitime. I gjithë problemi është për të ardhmen. Nga kjo pikëpamje e shprehjes së vullnetit të sovranit unë besoj që e ka arritur suksesin. Thelbi i protestës tregoi që ka vullnet popullor për të mos pranuar këtë qeverisje të zezë që ka sot Shqipëria. Nuk di një rast të dytë të ketë ndodhur një bastisje totale e vendit sa këto 5 vitet e fundit. Një qeveri në mbështetje të krimit dhe jo të qytetarëve. Nuk është hera e parë. Kishte një masë kritike që thekson këtë mungesë legjitimiteti. Ata që dolën në shesh e vërtetuan këtë gjë”.

Në këtë linjë dhe Artan Hoxha tha se populli të shtunën foli, ndërsa sheh mungesë reflektimi te kryeministri Rama.

Hoxha: “Kush ka marrë për të mirëqënë që u rrëzoka një sistem i lidhur me krimin me tipare të qarta të autoratirizmit pse u mblodhën ca mijëra vetë në shesh brenda ca orësh është naiv. Qëllimi i protestës ishte për të treguar mbështjen popullore kundra kësaj qeverie dhe që ky është një hap i radhës drejt objektivit të vendosur politikisht për një qeveri tranzitoree që mund të zhveshë sistemin zgjedhor drejt një procesi real. Populli të shtunën foli. Ky miting i ftuar nga opozita ishte dyfish më i madh i organziar ndonjëherë se masa e njerëzve vinte përtej kufitit të partive opozitare. Pakënaqësia kundra kësaj qeverie ka tejkaluar shumicën absolute të shqiptarëve dhe një pjesë e kanë shndërruar në mëri dhe mërinë në urrejtje dhe procesi po shkon drejt atyre që e urrejnë dhe kanë mëri të thellë ndaj kësaj qeverie. Kjo mazhorancë do shkojë. Unë shoh te Rama mungesë arsyetimi për të reflektuar”.

I pyetur për antimitingun e Ramës në Vlorë, gazetari Bejtja e konsideroi atë si mitingun më qesharak me lekë e shtetit, ndërsa Imami e cilëosi të turpshëm dhe diktatorial.

Bejtja: Ishte miting qesharak i Ramës se ata që ishin aty kishin shkuar me lekët e shtetit me autobusa.

Imami: Ato pamje ndodhin vetëm në Korenë e Veriut, e turpshme, diktatoriale, moniste në thelb. /abcnews.al

sali-berisha-ne-byro-politike-12-shkurt-per-klan.mpg_snapshot_00.03-1280x725.jpg
ent ela14:41 | 13/02/2019

Ish-kryeministri Sali Berisha në Byro Politike. Protesta e 16 shkurtit, synimi për rrëzimin e Edi Ramës, qeveria kalimtare dhe zgjedhjet. Deri ku do shkojë mosbindja civile?

Koalicioni opozitar dhe përgatitja për të ardhur në pushtet. Qeverisja e Ramës dhe reagimet ndaj opozitës, Situata politike dhe institucionale e vendit. Apeli ndërkombëtar për debat parlamentar dhe çështjet që shqetësojnë sot botën shqiptare. Sali Berisha sot në orën 20:00 në ABC News. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono