Byro Politike

salianjiii.jpg
nev ila23:07 | 29/01/2020

Ish deputeti i Partisë Demokratike Ervin Salianji këtë të mërkurë nga studio e “Byrosë Politike”, në ABC News është shprehur se  krimi në vendin tonë është i lidhur me shtetin.

Gjithashtu Salianji ka bërë me dije se personat e përfshirë në krim e cilësojnë veten se janë në territorin e tyre dhe kane mbrojtjen e PS-se.

“Ky personi ka ikur nga kërkimi 8 muaj apo një vit para zgjedhjeve dhe hiqet nga kërkimi unë kam parë kryetarin e bashkisë së Durrësit që i përdor në çdo qep. Këta janë persona që kanë pasur mbështje nga PS-ja, edhe dyshimi te pyetja jote se pse këta persona nuk kanë hequr kamerat e sigurisë është se ato mendojnë se janë në territorin e vet. Gjithçka që ka të bëjë me shtetin e kanë të vetin pasi emërojnë drejtues policie shkarkojnë drejtues policie në çdo vend ku ju duhet për të falicituar vepra”.

Ndër të tjera ish deputeti demokrat ka theksuar se shteti nuk ka forcë të hetojë pasi është bërë një me mafjan.

“Nuk ka funksionuar gjithmonë kështu po të dëgjosh gazetaret e kronikës mëson se nuk ka film që se ka arrit këtë imagjinatë që po ndodh këtu në realitet prandaj po ikin njerëzit. Nuk ka forcë shteti nuk dihet me ku fillon shteti dhe ku mafja ato janë të bëra në një. Mjafto që të bësh një bisedë me një qytetar të thjeshtë dhe e mëson se cili është banori i tij”, tha Salianji./abcnews.al

EMISIONI I PLOTË

bajramiiii.jpg
nev ila22:29 | 29/01/2020

Gazetari i kronikës, Armand Bajrami, ishte i ftuar në “Byrone Politike”, këtë të mërkurë ka dhënë detaje në lidhje me rrëmbimin dhe zhdukjen e 49 vjeçarit në Kamzë. Bajrami është shprehur se kanë qenë pamjet nga kamerat e sigurisë ato që kanë mundur që të zbulojnë dhe rrëmbyesit e Jan Prengës.

Gazetari ka thënë se pengamarrja e Prengës në Kamzë është një krim i ndodhur në mesin e ditës nga persona që nuk e njohin frikën, te cilet përveç dhunimit në rrugë e kane marre dhe futur  ne makine me dhune ne mes te nje zone te populluar, pa menduar fare per friken nga policia.

EMISIONI I PLOTË

“Është konsumuar vepra e rrëmbimit të personit janë mundur që të sigurohen pamjet e kamerave të sigurimit në vendin e ngjarjes. Është arritur që të regjistrohen pamjet e automjetit që e kanë marrë dhe e kanë çuar në kompleksion Golden në Shijak, deri në këtë moment kemi të dyshuar vetëm veprën penale të rrëmbimit, ndërsa të arrestuarit neser do të dalin para gjykatës dhe deri më tani nuk kanë pranuar krimin. Policia ka ngritur dyshime, është bërë një krim në mesin e ditës nga persona që nuk e kanë njohur frikën, përveç dhunimit në rrugë, futjes në makinë në një zonë të populluar. Ata e kanë marrë dhe e kanë futur në makinë nuk janë shqetësuar për kamerat e sigurisë së biznesit të familjeve të tyre, pasi ato kanë qenë dhe pamjet që kanë shërbyer për hetimet”, tha Bajrami.

Në studion e “Byrosë Politike”, me Juli Xhokaxhi, gazetari investigativ ndër të tjera ka theksuar se pritet që nesër të vendoset edhe masa e sigurisë për personat e arrestuar në lidhje me këtë ngjarje dhe pesë personat e tjerë të shpallur në kërkim që dyshohet se janë porositësit e kësaj pengamarrje e cila përfundoi tragjikisht për 49 vjeçarin.

Deri në këto momenti kemi 5 persona të arrestuar dhe 5 të tjerë të shpallur në kërkim. Prokurori i ka dërguar kërkesën gjykatës përcaktimin e masës së sigurisë për personat e arrestuar dhe pritet që të shpallet dhe masa për personat e tjerë të shpallur në kërkim të dyshuarit si porositëss të pengarrjes. Ndërkohë do  të jetë prokuroria e Tiranës që  do të merret me këtë çështje pasi ato e kanë në dore, apo  kjo çështje do të kalojë në Prokurorinë e Posaçme për korrupsionin dhe krimin e organizuar, pasi të vlerësohet nëse kemi të bëjmë me një grup të strukturuar kriminal,” është shprehur gazetari Bajrami./abcnews.al

Voda-Noka-1280x569.jpg
nev ila23:36 | 22/01/2020

Zv/ ministrja e brendshme Rovena Voda ka qenë e ftuar mbrëmjen e sotme në “Byro Politike” me gazetaren Juli Xhokaxhi.

Voda deklaroi se është arritur zbulimi i grabitjes në banesë dhe plagosjes së çiftit në Allias, dhe se shumë shpejt do të njoftohet edhe emri i autorit.

Për grabitjen e Alliasit, është zbuluar dhe shumë shpejt do të keni emrin e autorit. Kemi vrasjen e Tropojës dhe Rrëshenit ende pa u zbuluar, shumë shpejt do të kemi rezultate sepse grupet hetimore me ekspertë shumë të mirë, po punojnë për zbardhjen e këtyre dy ngjarjeve. Dua t’ju them që numri i vrasjeve, në vitet 2018 dhe 2019 janë vite me numrin në ulje të vrasjeve”, deklaroi Voda.

Më tej Voda tha se sipas statistikave, krimi në Shqipëri ka ardhur duke u ulur, por me këtë deklaratë të Zv/ministres Voda, nuk ka qenë dakord ish-deputeti i Partisë Demokratike dhe ish-ministri i Brendshëm Flamur Noka.

Noka tha se Ministri aktual i Brendshëm fsheh vrasjet dhe statistikat.

“Gjatë gjithë kohës ministria juaj e brendshme është përpjekur ta fshehë të vërtetën. Qasja  ndaj të vërtetës dhe ndaj realitetit është krejt tjetër. Ju mendoni se duke u fshehur statistikat  do fshihni të vërtetën. Perceptimin popullor nuk mund ta fshihni”, tha Noka./abcnews.al

rovena-voda-1-1280x680.jpg
nev ila23:00 | 22/01/2020

Mbrëmjen e sotme në emisionin Byro Politike me gazetaren Juli Xhokaxhi, ka qenë e ftuar Zv/ ministrja e brendshme Rovena Voda. Voda është pyetur në lidhje me rrëmbimin e një personi përpara 1 jave në Kamëz. Ngjarje për të cilën policia, nuk ka patur një komunikim zyrtar në lidhje me të.

E pyetur nga gazetari Mentor Kikia, se çfarë po bënte policia në lidhje me këtë ngjarje të rëndë, Voda tha se është arritur të zbulohen arsyet e rrëmbimit, dhe se grupi hetimor po punon ende. Kjo çështje, tha Voda është në rrugë të mbarë për zbulimin e plotë të saj.

Pjesë nga biseda në studio:

Juli Xhokaxhi: Është rrëmbyer një njeri përpara 1 jave, dhe nuk kemi asnjë komunikim publik nga rendi, çfarë ka ndodhur?

Mentor Kikia: Kemi një njeri të rrëmbyer në mes të ditës, në mes të lagjes, i cili është dhunuar, dhe nuk kemi ende një komunikim publik të policisë së shtetit, çfarë ka ndodhur dhe çfarë kemi deri tani? Policia dhe prokuroria ka dalë në konferencë shtypi, paradë mode, për të treguar sa mirë kishin bashkëpunuar dhe se kishin arrestuar nja 30 vetë, që u liruan të nesërmen. Për ngjarje të tjera komunikimi me median është zero. Ngjarjet sado të rënda, kanë nevojë për një komunikim, sepse krijojnë panik tek publiku kur nuk ka informacion.

Rovena Voda: Kuptoj gjithë kuriozitetin e medias për të ditur çfarë po ndodh. Është një ngjarje e rëndë. Edhe në këto momente që flasim në Drejtorinë e Tiranës po punon grupi i përbashkët hetimor i Departamentit të Krimit të Organizuar dhe Krimeve të Rënda në Drejtorinë e Përgjithshme të Policisë së Shtetit, bashkë me disa prokurorë që po hetojnë çështjen, është arritur deri diku të kuptohet se cilat kanë qenë shkaqet e rrëmbimit. Është arritur të zbulohen shkaqet e rrëmbimit. Pra kemi pista hetimi, dhe kjo është shumë e rëndësishme, më tepër nuk mund të flas. Di t’ju them se po punohet fort për zbulimin e kësaj ngjarje.

Në mesditën e 17 janarit një 49 vjeçar u rrëmbye në qendër të kamzës në rrugën “London”. Bëhet fjalë për Jakë Prenga, i cili në momentin e rrëmbimit ndodhej në automjetin e tij.

Deri më sot nuk ka asnjë të dhënë zyrtare dhe jozyrtare, se cili ka qenë autori/ët dhe cfarë po bëhet me këtë ngjarje./abcnews.al

byro-politike-1-1280x605.jpg
nev ila22:18 | 22/01/2020

I gjashti i PS, Video Droga”! Kjo ka qenë tema në të cilën është zhvilluar emisioni “Byro Politike” me gazetaren Juli Xhokaxhi gjatë mbrëmjes së sotme në ABC News.

Me një panel të ftuarish të cilët kanë qenë: Flamur Noka, Spartak Koka, Mentor Kikia, Rovena Voda dhe Fatos Klosi nën moderimin e gazetares Juli Xhokaxhi, kanë dhënë opinionet e tyre në lidhje me videon e publikuar ditën e sotme, ekskluzivisht për ABC News, nga gazetari investigativ Artan Hoxha.

Në videon e publikuar ditën e sotme, shihej kryebashkiaku i Bulqizës ndërsa thithte lëndë narkotike (kokainë), në ambiente publike.

Gazetari dhe analisti Mentor Kikia tha se diskutimi mbi atë çfarë shihet në video, duhet të fillojë duke u distancuar nga rasti, dhe personazhi që shihet në video, pasi për të kjo gjë është një turp.

“Unë e kam përballë këtë video dhe më vjen turp, ju duhet të kishit mbajtur një qëndrim, dhe duhet të ishit distancuar menjëherë nga ky personazh. Nëse kjo do të kishte ndodhur në çdo qytet të Europës, do ishte bërë lajm edhe tek ne. Gjithçka duhet diskutuar duke u distancuar nga ky rast, nuk ka nevojë për ekspertizë apo gjë tjetër”, tha Kikia.

Pas opinionit që dha gazetari Kikia, zv/ministrja e brendshme Rovena Voda deklaroi se kishte një qëndrim korrekt të cilin e tha që në nisje të emisionit.

Sipas Vodës nëse kjo video është reale, atëherë organet ligjzbatuese të bëjnë detyrën e tyre.

“Unë e dhashë qëndrimin tim, dhe mendoj se ishte shumë korrekt. Nëse kjo video është reale agjencitë ligjzbatuese të bëjnë detyrën”, deklaroi Voda.

Për ish-kreun e SHISH Fatos Klosi, ajo që shihet në këtë video ndodh edhe në vendet e tjera të Europës me zyrtarë të lartë.

“Në vendet e Europës pinë drogë kryeministrat, mos na tregoni përralla”, tha Klosi.

Gjatë diskutimit në studio zv. Ministrja e Brendshme tha se ligji i dekriminalizimit po jep efektet e tij, duke marrë shkas nga rastet e publikuara për zyrtarët e inkriminuar.

Por këtij qëndrimi të zv.ministres, i ka ardhur përkundër përgjigja e ish-deputetit të PD, Flamur Noka.

Ligji i dekriminalizimit erdhi si pasojë e presionit të opozitës, sepse ne konstatuam se në parlament kishte njerëz me të shkuar kriminale, brenda parlamentit u zhvilluan akte banditeske, dhe ndaj ne e propozuam. E keni mbështetur dhe miratuar ju nga halli, sepse keni patur presion nga ndërkombëtarët por ligjin e bëri opozita. E pamë se ku ishte katandisur pushteti”, tha Noka në replikë me Vodën.

Për gazetarin Spartak Koka, nga ajo që shihet në video, ndodhemi përpara konsumimit të 2 veprave penale, atë të “prodhimit dhe shitjes së lëndëve narkotike” dhe “përshtatja e ambienteve publike për përdorimin e drogës”.

Koka tha se kjo video do të duhet ti nënshtrohet ekspertizës, pasi kryebashkiaku Alla, ka deklaruar në mënyrë kategorike se është e montuar. Më tej Koka tha se kryebashkiaku i Bulqizës, për të vërtetuar se nuk është përdorues i drogës, do të duhet ti nënshtrohet analizave mjekësore.

“Jemi përpara dy veprave penale, ku akuzën duhet ta ngrejë policia bashkë me prokurorinë, atë të “prodhim shitje e lëndëve narkotike” dhe “përshtatja e ambienteve publike për përdorimin e drogës”.  Ajo që duhet të provohet është video, pasi kryebashkiaku pretendon se video është e montuar, video të dorëzohet, dhe të provohet nëse është autentike në gjithë gjatësinë e saj, dhe nga ana tjetër, normalisht Kryebashkiaku ka një detyrim moral përballë qytetarëve të Bulqizës. Z. Alla të provojë dhe të paraqitet për të bërë testin e drogës, nëse është përdorues i lëndëve narkotike apo jo. Ashtu siç tha edhe zoti Klosi, për arsye personale mund ta përdorë lëndën narkotike, por zoti Alla ka mbajtur qëndrim kategorik mohues. Madje ditën e djeshme i vinte turp të përmendte emrin e kokainës gjatë një prononcimi që kishte dhënë në një portal, ndërkohë ditën e sotme shfaqet kjo video. Kjo video nuk tregon asgjë në thelb procedurialisht, dhe ligjërisht, por sigurisht moralisht tregon shumëçka për zotin Alla, si i zgjedhur nga qytetarët e Bulqizës. Për të dy veprat penale për të cilat fola, duhet që prokurori dhe policia të bëj hetimet e nevojshme, deri tani nuk ka ndonjë reagim për këtë”, tha Koka./abcnews.al

nokaaa.jpg
ger ta21:35 | 22/01/2020

Ish deputeti, Flamur Noka i ftuar në “Byro Politike” me Juli Xhokaxhi u shpreh se PD ishte në dijeni për rastin e kryebashkiakut të Bulqizës.

Noka theksoi se PD ishte në dijeni, por nuk kishte videon që u publikua sot në Abc News nga gazetari Artan Hoxha. Sipas demokratit video është shokuese.

“Ishim në dijeni, por nuk e kishim videon. Është një video shokuese sepse kryetari i një pusheti vendor të katandiset në atë farë derenxheje. Kjo është shëmbëlltyrë totale e kryeministrit. Të gjithë marrin shembullin e udhëheqësit”, tha ai.

E pyetur nga gazetarja nëse mund të konsiderohet kjo çështje si personale e Allës, Noka tha: “Të jesh përdorues një qytetar i thjeshtë është tjetër gje, por kur është përdoruer një person që ka pushtet është tjetër gjë. Nuk duhet ti ngatërrojmë. Kjo është fytyra e qeveritarëve të Edi Ramës. Nuk është i pari dhe as i fundit janë një seri. Por askush nuk mund ta kundërshtojë sepse përfaqësojnë një pushtet të inkriminuar”./abcnews.al

byro-1280x707.jpg
in a23:29 | 15/01/2020

I ftuar në studion e “Byro Politike” me Juli Xhokaxhi, sekretari për çështjet ligjore në PD, Çlirim Gjata ka folur për marrëveshjen e reformës zgjedhore. Sipas tij opozita ka dalë e fituar nga kjo marrëveshje. Duke e vlerësuar si një marrëveshje spektakolare Gjata u shpreh se opozita rrëzoi Paralmentin, ndërsa tha i bindur se aksioni i opozitës do të vazhdojë me të gjitha format.

“Pika e Bundestagut ishte e nxehtë edhe në raport me opozitën. Donim që të vendosnim kriteret tona në ligjin e ri elektoral si opozitë e bashkuar. Kjo që ndodhi është fitore spektakolare e opozitës me këtë lloj mazhorance e cila shprehej se nuk pyeste për protestat e opozitës. Opozita rrëzoi parlamentin, do bëhet një Këshill politik jashtë këtij parlamenti. Marrëveshja do bëhet vetëm për reformën zgjedhore. Kjo është baza më e mirë për të shkuar në zgjedhjet e parakohëshme, nuk kemi hequr dorë nga kërkesat tona, ata që kanë dalë në përgjimet për vjedhjen e votave do hyjnë në burg. Nuk mund ti jepnin Ramës 3 deri në 6 muaj kohë dhe të mërreshim me Gjiknurin. Nuk do të biem më kurthin e Edi Ramës, por askush nuk e ka falur”, deklaroi Gjata.

Më tej ai theksoi se nuk ka ende një datë dhe orë fikse, por do të rifillojnë protestat.

Konomi: Kur u rikthyet në tryeze morët garanci se do të keni zgjedhje të parakohëshme?

Gjata: Ulja në atë takim është si plotësim i kushtit të Bundestagut, zgjedhjet e parakohëshme do të jetë si kërkese parlele. “Ne nuk bëmë marrëveshje që të bëjmë reformën dhe do të arrinim zgjedhje të parakohshme”, u shpreh Gjata.

Qeveri kujdestare 6 muaj para zgjedhjeve

Çlirim Gjata tha gjithashtu se PD do negociojë në tryezën e reformës zgjedhore krijimin e një qeverie kujdestare 6 muaj para zgjedhjeve.

kauza jonë ka qenë kauza e zjedhje të të lira e të ndershme të votojnë në mënyrë të lirë dhe të ndershme. Nga kjo nuk kemi lëviz. Po përdorim të gjitha format demokratike. Kemi garanci nga Bundestagu gjerman. Ajo luftë 9 mujore me protesta solli vemendje të madhe të kauzës sonë për zgjedhje të lira.

Konomi: Pasi të përfundoni këtë reformë me sukses a do të hyni në zgjedhje të parakohshme?

Gjata: Kërkesa jonë është për qeveri kujdestare. Nuk shkojmë me Ramën kryeministër në zgjedhje. E përsëris ne u ulëm në tryezë për të plotësuar kushtet e Bundestagut gjerman. Nuk e dimë ende nëse gjatë këtyre negociatave, Rama do i pranojë të gjitha kushtet tona.

/abcnews.al

byro-politike.jpg
ger ta22:41 | 25/12/2019

Samiti i mini-Shengenit Ballkanik që u mbajt fundjavën e kaluar në Tiranë ishte temë e debatit në emisionin ‘Byro Politike” në Abc News.

Analistit Frrok Çupi, duke iu referuar deklaratave të politikanëve, vë në dukje atë të kryeministri në detyrë Ramush Haradinaj.

“Haradinaj ka pushkën, fjalën nuk di ta përdorë. Ka humbur vëllezërit, ai thotë nuk e ha bukën e serbit se më kanë vrarë vëllezërit, nuk flet një kryeministër kështu…’, shprehet Çupi.

Pjesë nga biseda në studio:

Çupi: Problemi i ngërçeve në Ballkan, është një çështje e njohur. Më pak se askush ka të drejtë Kosova të kërkojë atë që e ka. Edhe Zoti të bjerë në tokë, se Kosova mund të bjerë në Serbi. “Ne kemi frikë se një ditë do na dalë  Serbia”,.. po ku ka mundësia Serbia, Rusia apo Kina ti thotë Kosovës kthehu në Serbi. Pse nuk themi ne shqiptarët që nuk shkojmë në zgjedhje se nuk jemi ndarë nga krimet e Enver Hoxhës. Tani këta thonë na pastroni Serbinë.

Xhokaxhi: Si i shihni përplasjet politike?

Çupi: S’ka përplasje. Ai Haradinaj ka pushkën, fjalën nuk di ta përdorë. Ka humbur vëllezërit, ai thotë nuk e ha bukën e serbit se më kanë vrarë vëllezërit, nuk flet një kryeministër kështu…

Karadaku: Prandaj Kosova me të gjithë të drejtën e Zotit kërkon që Serbia të pranojë krimet e kryera dhe të kërkojë falje.

Çupi: Pse duhet të kthehet Serbia në regjim. Politikanët e Kosovës veprojnë siç na u kthye ne në regjim Lufta e Ftohtë. Një politikan kosovar që në mëngjes ngrihet dhe thotë… e ka mendjen Serbia. Unë do bëj këtë kundër Serbisë.

Çollaku: Ua ka nxirë jetën, po bëjnë fushatë për të tërheuqr njohjet.

Karadaku: Në atë vend nuk janë bërë akoma 20 vjet, krimet e luftës, vazhdojnë të hapen varrezat. Sindroma e Serbisë si e tillë mund të jetë kështu si thoni ju. Sikur Vuçiç të mos kishte dalë dy ditë para samitit dhe të mohonte Recakun, kjo vë alarmin në Kosovë dhe të bën të kujtosh se çfarë synon Serbia në Kosovë. Problemi i madh mes nesh është për ti thënë Kosovës ti nuk di ti nuk bën…/abcnews.al

 

byroja.png
R D22:20 | 18/12/2019

Debati pro dhe kundër ligjit të medias është duke u zhvilluar mbrëmjen e sotme në “Byro Politike” nga gazetarët Bledian Koka e Mimoza Koçiu përballë deputetes Milva Ekonomi e analistit Frrok Çupi. Ndërsa Çupi u shpreh pro ndryshimeve ligjore, sepse sipas tij shpifja është kthyer në kolerë, ka reaguar Mimoza Koçiu, e cila e tha se ky ligj nuk është konsultuar me komunitetin e gazetarëve, ndaj nuk e pranojmë. Më tej ajo e pyeti Çupin, e indinjuar nëse ka dijeni për faktin se prej 7 vitesh Rama nuk lejon kamerat në aktivitete, por transmeton vetëm nga ERTV. Çupi u shpreh i habitur dhe tha se media nuk duhet te pranojë kaseta.

Më tej, Mimoza Koçiu si pjesë aktive e organizatave të gazetarëve tha se do të ndiqen të gjitha hapat që do pengojnë zbatimin e këtij ligji. Si fillim, u shpreh ajo, do i kërkojmë Presidentit të mos e dekretojë e më pas do e çojmë në Gjykatën Kushtetuese, madje do e çojmë deri në Strasburg. /abcnews.al

ergys-mertiri-byro.jpg
nev ila22:24 | 11/12/2019

Të ftuar në Byro Politke mbrëmjen e sotme ishin Eno Bozdo ish ministër i ekonomisë, Ergys Mërtiri aktivist, analisti Shpërim Nazarko dhe ekonomisti Ermal Tehla.

Të ftuarit kanë diskutuar në Studio me gazetaren Juli Xhokaxhi se si do të ringrihen ndërtesat pas dëmeve që shkaktoi tërmeti dhe cilat janë zgjidhjet më të mira të situatës emergjente në të cilën ndodhen zonat e prekura nga tërmeti.

Sipas aktivistit Ergys Mërtiri situata është alarmante, pasi ka ende njerëz të cilët flenë jashtë, dhe nuk kanë marrë asnjë ndihmë. Zgjidhja më e mirë momentale, sipas Mërtirit, është instalimi i kontenierëve, për banorët pa strehim.

“3 ditë më parë kam qenë në një fshat në Manzë në një familje tepër të varfër, mes të tjerash kishin dhe njerëz invalidë. Aty kishte edhe çadra të tjera, njerëz të tjerë. Nga bisedat me banorët aty, ata na thanë që askush nuk i ka ndihmuar, kishin shkuar me dhjetëra herë derisa më në fund kishin arritur të merrnin një çadër pas 1 jave e gjysmë ku kishin fjetur nëpër mullarë nëpër plastmasë etj, duke parë këtë situatë kam menduar që shteti ynë është i dështuar në çdo hap dhe nuk është i përgatitur për të përballuar situata të tilla. Në lidhje me menaxhimin e situatës, të gjithë njerëzit që kanë shkuar tek banorët e prekur nga tërmeti panë se aty ishte një batërdi e vërtetë, një mizerabilitet, shteti nuk i kishte siguruar as ushqimin, të mos flasim për higjenën që ishte katastrofë, batanije nuk kishin, kishte njerëz që me fëmijë të vegjël nuk kishin marrë dot asgjë, situata ishte aq keq sa shteti filloi duke mos lejuar mediat të hyjë, dhe të filmojë, për mos të nxjerrë në pah çfarë bëhej aty.

Çfarë duhet të bëhet?

Alternativa më e mirë për strehim të përkohshëm janë kontenierët sepse kanë edhe kushte dhe mundet të qëndrohet aty, në çadra është tmerr të qëndrohet”, tha Mërtiri./abcnews.al.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono