Byro Politike

byro-politike-12.jpg
nev ila22:23 | 12/06/2019

Mbrëmjen e sotme në Byro Politike me gazetaren Juli Xhokaxhi kanë qenë të ftuar: Andi Bejtja analist dhe gazetar, Alfred Peza deputet i PS, Arion Sulo gazetar, Arben Pëllumbi deputet i PS. Të ftuarit kanë diskutuar në lidhje me nismën më të fundit që ka ndërmarrë Partia Socialiste për shkarkimin e Presidentit të Republikës Ilir Meta por edhe për nevojën e një dialogu në zgjidhjen e krizës politike që ka krijuar kaos mes institucioneve dhe aktorëve politikë. Të pyetur nga gazetarja Juli Xhokaxhi se cila do të ishte rruga që do të linte palët të kënaqura të ftuarit ndanë opinionin e tyre.

Për analistin Andi Bejtja situata aktuale është një moment reflektimi për politikën shqiptare. Sipas Bejtes nëse palët ulen për dialog, nuk do të dalin 100 % të kënaqura por që gjithsesi, kjo është e nevojshme pasi në rast të kundërt, vendi shkon në përplasje civile. Bejtja tha se Rama filloi “dishezën” që kur mori 74 votat dhe se ka 2 vjet që nuk qeveris dhe kjo duket nga investimet.

Në politikë po u ule në dialog nuk dalin 100 % të kënaqur por që palët duhet të ulen në dialog ndryshe shkojmë në përplasje civile. Po bindem që Rama do ti marrë të gjitha. Po ta vini re Rama filloi dishezën që kur mori 74 votat. Ka dy vjet që nuk qeveris”, tha Bejtja.

Për deputetin e Partisë Socialiste Alfred Peza, Partia Demokratike nuk do dialog por kërkon marrjen e pushtetit me dhunë. Peza tha se zgjedhjet e 30 qershorit nuk dialogohen nga Partia Socialiste, ndërkohë që shprehet e hapur për dialog pa kushte edhe për të ndryshuar sistemin zgjedhor pas 30 qershorit. Për sa i përket shkarkimit të presidentit Meta, Peza tha që nisma e Partisë Socialiste për shkarkimin e presidentit, është legjitime, pasi presidenti ka kryer shkelje të rëndë kushtetuese.

Udhëheqësi historik Sali Berisha ka thënë që o ikën Rama o shkrihet opozita. Ata nuk duan as dialog në tavolinë, as të shkojnë në zgjedhje, këta thonë të ikë Rama të vijë Luli. Ne Ilir Metës nuk i dhamë votën që të kthejë kushtetutën, ne i dhamë votën që të bëj detyrën. Zgjedhjet do bëhen në 30 qershor, sepse asnjë shqiptar nuk merr përsipër, të zgjidhë hallin e Monikës, Lulit apo të tjerëve. PS është e vendosur të nisë shkarkimin e presidentit. Zgjidhja padiskutim është dialogu”, tha Peza.

Gazetari Arion Sulo tha se shumica e shqiptarëve janë të pakënaqur nga qeverisja. Sipas tij korrupsioni është më i lartë dhe shqiptarët janë më të varfër. Sulo tha se qeverisja e PS është kapur në flagrancë në vjedhjen e votave dhe gjithashtu zgjedhjet në 30 qershor nuk duhet të bëhen.

Shumica e shqiptarëve janë të pakënaqur nga qeverisja, korrupsioni është më i lartë se më parë, krimi më i lartë, flasin raportet. Shqiptarët janë më të varfër.  Mazhoranca është kapur duke vjedhur në flagrancë. Radikaliteti i Bashës që nuk ulet në dialog e dëmtojnë atë vetë. 30 qershori ka rënë”, tha ai.

Ndërsa për deputetin e PS Arben Pëllumbi, opozita është duke krijuar precedentin e “mimoza llasticës” kështu që 30 qershori nuk negociohet. Pëllumbi tha se në 30 qershor votimet do të jenë të qeta, pasi edhe elektorati është i qetë dhe se vendi nuk është duke u destabilizuar.

“Ju garantoj që elektorati është i qetë dhe 30 qershori do jetë i qetë, ne jemi të hapur për të diskutuar pa kushte për më tej por 30 qershori nuk negociohet. Vendi nuk është duke u destabilizuar”, tha Pëllumbi./abcnews.al

byro-10-qershor.jpg
nev ila21:49 | 10/06/2019

Byro Politike në ABC News, i ka kushtuar vëmendje situatës aktuale politike në vend mbrëmjen e sotme, ku presidenti i Republikës Ilir Meta, ditën e shtunë gjatë mbajtjes së protestës së opozitës, me anë të një dekreti, shtyu zgjedhjet vendore me një afat të pacaktuar. Gazetarja Juli Xhokaxhi, për të diskutuar në lidhje me këtë çështje por edhe për diskutimin e vendimit të marrë sot nga KQZ, ku shpalli dekretin e presidentit si absolutisht të pavlefshëm, pati të ftuar në studio: Jordan Dacin jurist, Preç Zogajn gazetar e analist, Petro Kocin politikan dhe Alket Hysenin deputet të Partisë Socialiste.

Të pyetur nga gazetarja Juli Xhokaxhi se si e komentonin vendimin e KQZ sot në lidhje me dekretin e presidentit, të ftuarit patën qëndrimet e tyre në lidhje me këtë.

Për Juristin Jordan Daci vendimi i KQZ ditën e sotme, për shpalljen si absolutisht të pavlefshëm të dekretit të presidentit, ishte qesharak pasi KQZ, nuk ka asnjë tagër dhe asnjë të drejtë të komentojë apo gjykojë dekretin e presidentit.

Rasti i vendimit të KQZ nuk ka lidhje fare dhe nuk i jep asnjë lloj të drejte të komentoj dekretin. KQZ zbaton dhe nuk gjykon”,  tha Daci.

Edhe për analistin Preç Zogaj vendimi i KQZ është i gabuar. Ndërsa për politikanin Petro Koci, KQZ nuk zbaton çdo lloj dekreti apo vendimi që i serviret. Sipas Kocit presidenti cakton vetëm datën e zgjedhjeve dhe ai nuk mund ta zhbëjë atë. Alket Hyseni deputeti i PS shkon edhe më tej duke thënë se më këtë shkelje të rëndë të kushtetutës, presidenti duhet të shkojë në burg. Prandaj dhe KQZ mori vendimin që dekreti i presidentit është absolutisht i pavlefshëm. Sipas Hysenit edhe kryetari i KQZ ka gabuar që ka lënë detyrën e tij dhe është larguar.

Alket Hyseni: KQZ tha se është akt absolutisht i pavlefshëm. Më vjen keq për veprimin e kryetarit të KQZ që la detyrën. Presidenti ka shkelur hapur kushtetutën dhe duhet të shkoj në burg, nuk mund të bëj lodra në këtë vend. Më këto precedentë që po krijohen po lëmë nam.

Ndërsa për sa i përket shkarkimit të presidentit ata u shprehën:

Preç Zogaj: Për sa i përket shkarkimit, parlamenti mund të marrë nismë por nuk mund ta shkarkojë “de facto” sepse është kompetencë e gjykatës kushtetuese. Jemi në një situatë të panjohur dhe dekreti, rivendos gjendjen, qetëson disi situatën. Partia Socialiste nuk e shkarkon dot presidentin.

Alket Hysenaj: PS ka ndërmarrë dy nisma: Organizimi i një seancë me debat, me të gjithë organet përfshirë edhe presidentin, të enjten në parlament, dhe nisja e organizimit të procedurave, mbi 94 deputetë, për shkarkimin e presidentit, pasi presidenti ka bërë shkelje flagrante të kushtetutës. Pra presidenti ka bërë shkelje të kushtetutës dhe tradhti të vendit. Procedura e shkarkimit kalon në 2 etapa, pas votimit në kuvend për shkarkimin e tij, procedura vazhdon me kalimin e vendimit në gjykatën kushtetuese. Ngritja e gjykatës kushtetuese do të jetë proces shumë i shpejtë. Ilir Meta me këtë vendim nuk i dha të drejtën vetes për të qëndruar më në atë detyrë.

Jordan Daci: Presidenti ushtron kompetencat e tij deri sa të shprehet kushtetuesja dhe nuk ka asnjë institucion tjetër që mund të shprehet për këtë çështje.

Ditë e shtunë ndërsa mbahej protesta e opozitës, presidenti i republikës Ilir Meta vendosi të ç’dekretojë datën e zgjedhjeve vendore të 30 qershorit duke i shtyrë ato në një afat të pacaktuar, ndërsa paraditen e sotme KQZ, vendosi të mos e zbatojë ç’dekretimin e datës së zgjedhjeve vendore, duke e nxjerrë vendimin e presidentit si absolutisht të pavlefshëm./abcnews.al

 

mark-marku.jpg
nev ila21:25 | 29/05/2019

Mbrëmjen e sotme në Byro Politike me gazetaren Juli Xhokaxhi kanë qenë të ftuar:

Ervin Bushati, deputet i partisë socialiste dhe kreu i delegacionit shqiptar në asamblenë parlamentare të këshillit të europës;

Mark Marku analist, opinionist;

Alfred Peza sekretar për mediat në PS dhe gazetar;

Ralf Gjoni deputet i parlamentit të Shqipërisë.

Tema e diskutimit ka qenë progres-raporti i Komisionit Europian për Shqipërinë dhe Maqedoninë e Veriut. Drejtuesja e emisionit Juli Xhokaxhi i ka pyetur të ftuarit nëse shqiptarët duhet të ishin entuziastë kur flitet për prgres raportin e sotëm. Për Ervin Bushatin sot ishte një ditë ë rëndësishme për shqipërinë dhe duhej përshëndetur puna e bërë deri tani nga Shqipëria ndërsa për analistin Marku gjendja nuk është optimiste dhe se progres-raporti është i njëjtë në përmbajtje ashtu si edhe vitin e kaluar. Marku tha se këtë vit janë shtuar shtetet të cilat janë kundër hapjes së negociatave me Shqipërinë.

Ervin Bushati: Sot është ditë e mbarë për shqipërinë. Kemi marrë një rekomandim pa kushte në hapjen e negociatave. Puna që ka bërë shqipëria dhe Maqedonia e Veriut janë herkuliane dhe këto nuk janë fjalët e mia por janë zërat europian ditën e sotme. Ne e kemi bërë detyrën. Pas zgjedhjeve në parlamentin europian është treguar se shoqëritë europiane kanë votuar për zgjerim të europës dhe kjo është shenjë shumë e mirë. Ky është një moment shumë i përshtatshëm për shqipërinë, kemi probleme si të gjithë në europë por kemi vullnetin në masën 95 % për të qenë pjesë e europës.

Mark Marku: Është e njëjta gjë si vjet, madje më duket se nuk kanë punuar fare sepse kanë paraqitur të njëjtin raport si vitin e kaluar. Nuk ka gjë të re. Vjet na është thënë se u hapën negociatat dhe sivjet na thonë përsëri të njëjtën gjë, qeveria shqiptare ka mashtruar, kjo qeveri ka mungesë serioziteti. Sivjet janë bërë 5 shtete që janë kundër hapjes së negociatave për shqipërinë. Gjendja nuk është fare optimiste. Nëse vitin e kaluar ishte vetëm Franca principialisht kundër integrimit të shqipërisë tani janë shtuar edhe 4 shtete të tjera. Thelbi i asaj çfarë ka ndodhur është një diskutim shumë i madh se cila është europa? Unë shpresoj që ta marrim hapjen e negociatave por nuk besoj se do të ndodhë. Kjo çfarë ndodhi nuk është asgjë e re është deja vu’, ajo që mbetet për tu parë është cfarë do ndodhë në qershor.

Më tej diskutimi ka vijuar me Alfred Pezën i cili është shprehur se rekomandimi i Komisionit Europian ditën e sotme ishte për tu përshëndetur nga të gjithë palët politike. Peza tha se vetëm 3 grupe njerëzish nuk e përshëndetën rekomandimin e sotëm duke iu referuar kryesisht kreut të Partisë Demokratike Lulzim Bashës, i cili sipas Pezës ka kënduar këngë zie sot.

Alfred Peza: Për sa i përket rekomandimit të Komisionit Europian për tu celur hapja e negociatave sot të paktën ta përshëndesim të gjithë. Kanë qenë tri grupe që kanë kënduar këngë zie sot: Opozita jashtë parlamentit, Lulzim Basha i cili ishte në një lokal dasmash sot në Fier dhe këndoi këngën e mjelmës, bëri tersin e pojanit dhe sjellësin e fatkeqësive. Vetëm në shqipëri ndodh që kryetari që thërret për europën nuk e përshëndet rekomandimin. Gjithashtu Ilir Meta, kreu u shtetit nuk e ka përshëndetur. Ne kemi patur një pakt kombëtar ku kemi qenë në një zë për çështje kombëtare, pra kemi qenë bashkë. Kur ishte çështja e NATO, PS i la të gjitha pas dhe për hir të kësaj çështje madhore, u bënë të gjithë bashkë. Sot edhe komisioneri Hahn edhe Both kanë identifikuar opozitën si pjesa që pengon këtë proces. Është fatkeqësi për Shqipërinë që, të vijë ky moment, dhe palët nuk e përshëndesin. Në raport shkruhet se detyrat janë kryer.

Ndërsa Ralf Gjoni deputet i opozitës në parlamentin shqiptar tha se dita e sotme nuk ishte një ditë entuziazmi por një ditë reflektimi për tju përveshur punëve të shumta që Shqipëria ka për të bërë. Sipas Gjonit për raport-progresin e komisionit europian media ka dezinformuar në të kaluarën për cështjen e hapjes së negociatave sepse ajo është bërë palë me politikën. Më tej ai shtoi se rekomandimi i çeljes së negociatave nga Komisioni Europian është i vonuar në rastin e Shqipërisë.

Ralf Gjoni: Nuk mendoj se është ditë për entuziazëm por është ditë reflektimi, është abuzuar shumë me integrimin, mediat e kanë dezinformuar shoqërinë. Hapja e negociatave nuk është karamele që na hidhet nga Bashkimi Eurpian. Në opinionin tim është e vonuar rekomandimi për hapjen e negociatave. Unë mendoj që kur vjen puna te integrimi dhe hapja e negociatave, nuk ka pozitë dhe opozitë, por gjithë klasa politike duhet të fokusohen në detyrat që kanë. Në raport evidentohet problematika në sistemin e drejtësisë. Unë mendoj që nuk është ditë për tu festuar, edhe nga mazhoranca edhe nga ne, është koha të përveshim mëngët dhe ti futemi punës. Negociatat janë rekomanduar pa kushte edhe vitin e kaluar. Pse duhet të fshihemi pas fustanit të ndërkombëtarëve? Ne na interesojnë cfarë thonë qytetarët tanë./abcnews.al

Byro-politike.jpg
nev ila22:20 | 20/05/2019

Deklarata të forta kanë lëshuar përfaqësuesit e biznesit mbrëmjen e sotme në “Byro Politike”. Ata kanë thënë se në rast se situata nuk ndryshon ata do të jenë të detyruar tu imponohen politikës duke mos paguar taksat.

Juli Xhokaxhi ka pyetur Alban Zusin, Drejtorin Ekzekutiv të Industrialistëve Ushqimore se si mendonin se do i imponoheshin politikës duke parë situatën kritike ekonomiko politike në vend, Zusi tha:

Çështja është që nëse kjo krizë politike po agravohet unë bie dakord që kjo krizë i ka rrënjët në keqmanexhimin ekonomik që ka ndodhur në 2 ose 3 vitet e fundit, në janarin e vitit të kaluar filloi rënia e euros, filloi shkatërrimi i eksporteve. Sot ne mundemi të shohim qartësisht që eksportet shqiptare janë thuajse të rrënuara, për herë të parë kemi recension në rënie. Jam dakord se ka nevojë për një ofertë politike që deri më sot nuk e kemi një ofertë me karakter ekonomik. Ne mund të imponohemi duke mos bërë vetëm deklarata por duke u mbledhur dhe duke bërë veprime të forta të karakterit ekonomik, bllokim të tregut, bllokim të pagesës së taksave për një muaj, le të punojë politika më pas, e le ti gjej paratë e saj për të vazhduar lojërat e saj”./abcnews.al

byro-politike-20-maj-1280x704.jpg
nev ila21:39 | 20/05/2019

Në mbrëmjen e sotme në “Byro politike” me gazetaren Juli Xhokaxhi, kanë qenë të ftuar përfaqësues të sektorëve të konfidustrisë shqiptare. Të ftuar ishin, Gjergj Buxhuku President i Konfindustrias, Enver Mehmeti Kreu i Shoqatës së Turizmit në Shqipëri, Fatos Çoçoli ekspert i ekonomisë dhe gazetar, Alban Zusi Drejtor Ekzekutiv i Industrialistëve Ushqimore.

Të pyetur nga Juli Xhokaxhi se si ka ndikuar situata politike aktuale në vend në ekonominë shqiptare ata kanë theksuar se vendi është në krizë dhe pritet që vështirësia të jetë edhe më e madhe në muajt në vijim.

Presidenti i konfindustrias Gjergj Buxhuku tha se:

Situata e mossuksesit në Sektorin ekonomik në fakt kthehet më pas në problematikë në politikë. kemi të bëjmë me një sistem ekonomik dhe politik që ka falimentuar dhe këto janë shenjat e dhënies në praktikë të pasojave të falimentimit të një sistemi të plotë politik dhe ekonomik, pra sistemi politik ka prodhura një sistem ekonomik i cili është ezauruar

Ndërsa gazetari Fatos Çoçoli mendon se politika është e përpërgjegjshme që e ka sjellë situatën deri këtu.

Po jemi të vonuar, protesta e dhunshme që na dëmtoi ishte ajo e shkurtit. shpresoj që kjo dalje e fortë e përfaqësuesve të disa industrive kryesore të vendit të shërbejë për të frenuar deri diku atë dëm që politika me mënyrën e saj të papërgjegjshme po i bën interesave ekonomike të këtij vendi”.

Enver Mehmeti kreu i shoqatës së turizmit në shqipëri tha se efektet e kësaj krize politiko-ekonomike do ti shtrijë efektet e saj edhe në vitet e ardhshme.

Po kalojmë një suituatë ku vërteton se demokracia është e brishtë, përsëritje ciklesh mendoj ku për momentin kërkojmë të dimë arsyen dhe mënyrën e daljes nga kjo krizë. zhvillimet e fundit kanë dëmtuar jo vetëm imazhin por edhe ekonominë shqiptare, dëmton moralin e sipërmarrësve, të punonjësve. në industrinë e turizmit mund ta themi në mënyrë shumë të sinqertë se pas krizës së 97ës është dashur shumë vite të rikuperohet gjurmët që la në botë. situata aktuale ka filluar të trondisë tregun e industrisë së turizmit botëror të cilën me shumë mund kemi ndërtuar në këto vite. Rrisku është monetar, dimensional. Muajt maj, qershor dhe korrik janë vendimarrëse në përcaktimin e tregjeve në 2020. kjo klimë pasigurie do të transferohet në 2020”, tha Mehmeti.

Për Alban Zusin Drejtorin Ekzekutiv të Industrialistëve Ushqimore 4 muajt e fundit kanë qenë dukshëm problematikë dhe me ekonomi në rënie.

Po të shohësh parametrat e ekonomisë këto 4 muaj do të vëmë re se të gjithë parametrat janë në rënie, kemi tkurrje të eksporteve, edhe të fasonerisë, dhe kemi rritje të importeve. jemi shumë të shqetësuar për atë që po  ndodh, të gjithë klientët tanë thanë se kanë rënë shitjet sidomos muaji maj”, theksoi Zusi./abcnews.al

byro-politike-dt-15-maj.mpg_snapshot_15.38-1280x720.jpg
ent ela21:11 | 15/05/2019

Apeli i ndërkombëtarëve dhe rruga e opozitës ka qenë pjesë e debtit në studion e Byro Politike të Juli Xhokaxhi në ABC News me të ftuarit Enkelejd Alibeaj ish deputet i PD, Agron Duka, kreu i PAA-së, Anila Basha, gazetare dhe Mentor Kikia kryeredaktor i Klan Plus.

Për ish deputetin demokrat Alibeaj më i rëndësishëm se reagimi ndërkombëtar është situata ku ndodhet vendi dhe arsyet që e çuan opozitën në një vendim të tillë, në një kohë kur kriza është e shumëfishtë, shteti ka rënë dhe shoqëria shqiptare është nën depresion.

Alibeaj: “Lajmi kryesor është ajo që po kalon sot Shqipëria, kriza e shumëfishtë politike, institucionale, ekonomike, psikike. Ky është dhe nëna e të gjitha problemave dhe ky na agreson të gjithëve si shoqëri e shtet për të sotmen dhe të ardhmen.

Më e rëndësishme është arsyeja pse jemi në këtë situatë, rrënjët e problemit dhe mbi të gjitha si dilet nga kjo situatë, çështje kardinale për tu zgjidhur.

Bardhi ka nxjerrë dhe saktësimin e qëndrimit tonë. Dënojmë dhunën, çdo lloj dhune por duhet të saktësoj një gjë, si u prishën shtepite te Bregu i Lumit, unaza e re, si vidhen 20 mln euro, dhunë e strukturuar që është gjeneratori i cdo lloj reagimi. I shkon shteti me skafandër helmon pleq e fëmijë.

Shoqëria shqiptarë është në depresion se i janë mohuar të drejtat elementare si shqoëri civile, shteti ka rënë. Ka vetëm një zgjidhje, dyndje e madhe te ambasada gjermane të rinj e të reja”.

Në kundërpërgjigje të tij gazetarja Basha ka theksuar se historikisht krizat në këto 29 vite nuk janë zgjidhur me vullnet politik, por ajo akuzon opozitën se ka humbur kontaktin e merealitetin dhe po bllokon punën e qytetarëve dhe bizneseve me dhunën në protesta.

Basha: “Krizat asnjëherë nuk janë zgjidhur me vullnetin politik të palëve. Në 29 vjet ky vend i ka parë të gjitha, me vrasje protestuesish, me molotov, me shkatërrim institucionesh. Përse degradojmë në këtë pikë se duke ju parë ju në TV për 30 nuk kemi zgjidhur gjë. Ju nuk bëni forumi demokratike, keni shkëputur kontaktin me realitetin, keni djegur 50 kosha në tiranë. Ç’kusur kam unë që jetoj në Tiranë të paguaj taksa. Ti vësh zjarrin kryeqytetit, të bllokosh punën e bizneseve duhet të mbani përgjegjësi. Si nuk jeni mërzit duke i vënë flakën Shqipërisë, po alarmohen gjithë bizneset”.

Alibeaj: “Ne po vuajmë nga uzurpimi i pushtetit. Dhunë ishte dhe rrëizmi i bustit të Enver Hoxhës dhe jemi në të njëtën situatë si para 30 viteve. Se ata që janë atje e ndjejnë në lëkurën e tyre, se ata shprehin revoltën e  tyre, se këtu nuk bëhen zgjedhje. Kur na është eliminuar vota  e lirë dhe ky kyeministër njeh vetëm këtë gjuhë”.

Në këndvështrimin e tij Kikia thekson se të vetmen rrugë që e ka në dorë opozita, është dhuna, pasi ka dorëzuar mandatet dhe nuk pranon të ulet në dialog.

Kikia: “Ka një përpjekje nga ana e PD për të mos e konsideruar dhunë mënyrën e veprimit të protestuesve. Ndërkohë Pd është e bindur që e vetmja rrugë që ka në dorë është dhuna se ka dorëzuar mandate,i  ka lëshuar ultimatum qeverisë të ikë kryeministri, nuk ulet në bisedime dhe rrugën e ka një sens prapa nuk ka kthim. Artikulimet janë nga njëra protestë në tjetrën që protesta do intensifikohet më shumë.

Çfarë do të thotë më shumë përshakllëzim se tym e flakë, por më duket përpjekje për të hedhur gurin e fshehur dorën. Ti duhet ta pranosh publikisht që arma ime është flaka dhe nuk pres që Rama të dorëzohet por ta detyroj. Me afrimin e datës së zgjedhjeve dhe premtimin se zgjedhjet nuk do bëhen meraku im është se kemi dy kokëfortësi. A ka rrezik të na çojë përplasje që për ta shuar do jetë e vështirë?”

Alibeaj: “Rruga jonë e vetmje është zgjedhje të lira dhe të ndershme. Kemi humbur ligjin, kushtetutën demokracinë e të drejtën për të zgjedhur. Kur sheh një mur përballë si ky që ka ngritur Rama, demokracinë  e kanë humbur shqiptarët. Kemi protestë se revolta është kaq e madhe, se një revoltë që nuk është e orintuar politikisht shkon ne anarki, ndërkohë sot duhet dikush t’i ofrojë zgjidhje politike dhe këtë e kemi bërë ne”.

Për kreun e Partisë Agrare Ambjentaliste, sot po ndodh ajo që ai kishte paralajmëruar dy vjet më parë në zgjedhjet e 2017, ku njerëz të botës së krimti rrëmbyen kutitë  e votimit. Dhe në këtë situatë të vetmen zgjidhje ai sheh tërheqjen e Ramës, në të kundërt ka përplasje.

 Duka: “Ka riciklim krizash, ka gabime që bëhen nga të dy palët Anila, ta dish se kjo dhunë nuk është rrufe në qiell të pastër. U kam thënë dhe miqve të mis socialstë që këtë që po bëni në zgjedhjet e 2017 nuk do kalojë kaq lehtë dhe kjo dhunë një ditë do shpërthente. Këto po paguajnë këtë dhunë. Kam qenë në të gjitha qendrat e Durrësit dhe kam bërë sherr, jemi kacafytur me njerëzit e botës së krimit të cilët i zaptuan kutitë e votimit si ujqërit. Problemi është si do shikohet? Një pozicion i opozitës, e cila nuk ka as mandate, me qeveri tranzitore dhe nga ana tjeter një Kryeminstër, i cili hiqet sikur klima politike është e qetë. Do të marrë 61 bashki, mundohet të bëjë një opozitë farsë. Të dy palët kanë një pozicion stoik, por ndërkohë opozita nuk ka asgjë në dorë. Rama e ka në dorë, po nuk u tërhoq ai kjo punë do shkojë në përplasje”. /abcnews.al

 

Selami-Xhepa-borxhi-publik.jpg
nev ila21:24 | 08/05/2019

Një nga pyetjet e bëra nga Juli Xhokaxhi, natën e sotme, në “Byro Politike” drejtuar ekspertit të ekonomisë Selami Xhepa, ishte se sa është reflektuar në krahasim me rekomandimet e FMN në vitet e kaluara.

Xhepa tha se situata ishte agravuar në ekonominë shqiptare. Sipas Xhepës shifrat e qeverisë nuk janë raportuar të sakta dhe se nuk korrespodojnë me shifrat që ka raportuar Kontrolli i Lartë i Shtetit.

“Raporti i fundit është më i drejtpërdrejtë në gjuhë, vërejtje dhe në kritika. FMN ngre në mënyrë shqetësuese disa çështje që lidhen në mënyrë fondamentale me konsolidimin fiskal. FMN e përcakton si një nevojë për të ulur borxhin publik, i cili vazhdon në nivele shumë të larta. Ka ndodhur një mashtrim statistikor, sepse qeveria ka deklaruar tjetër shifër për borxhin publik, dhe FMN del me një tjetër shifër që është 3 deri në 4 pikë më i lartë nga sa ka raportuar qeveria. Vetë kontrolli i lartë i shtetit për herë të parë, si institucion përgjegjës për të audituar financat publike, del me një raport ndryshe ndërkohë që qeveria ka dalë me një raport tjetër. Pra hera e parë që vëmë në diskutim seriozitetin e shifrave me të cilat qeveria po i paraqitet publikut. Borxhi publik është në nivelet 70 % të PBB, si do realizohet konsolidimi fiskal?“, deklaroi Xhepa./abcnews.al

agim-nesho.jpg
G. P.20:52 | 06/05/2019

Diplomati Agim Nesho e konsideroi si historike për shqiptarët zgjedhjen e Stevo Pendarovskit në krye të shteit të MAqedonisë së Veriut. Gjatë emisionit “Byro Politike” nga Juli Xhokaxhi, ai theksoi se vendet perëndimore e kanë konsideruar njeriun e tyre presidentin e ri të Maqedonisë.

“Ai që është problem në Ballkan ëhtë që elitat ndryshojnë me vonesë. Ky (Pendarovski) e ka provuar veten sepse është një akademik. Ka punuar me ambientet dhe institucionet ndërkombëtare. Një njeri jep shpresën që do jetë njeriu që me të drejtë Perëndimi e ka quajur njeriu i tij. Ishim në një moment shumë kritik për sigurinë në Maqedoninë e Veriut. Një njeri që do i shërbejë interesave të gjithë popullit që rrallë herë ka ndodhur në këto vende. I urojmë suksese dhe duhet të themi që ishte zgjedhja më e mirë. Një zgjedhje historike jo vetëm për maqedonasit, por edhe për shqiptarët”, tha Agim Nesho.

Stevo Pendarovski do të jetë presidenti i ri i Maqedonisë së Veriut. Ai fitoi në raundin e dytë të zgjedhjeve presidenciale te zhvilluar të dielën në këtë vend. Pendarovski mori rreth 16 mijë vota me shumë se rivalja e tij Gordana Siliankovska.

Pendarovski u kandidua në këto zgjedhje nga koalicioni në pushtet, LSDM dhe BDI. Duket se në raundin e dytë është mbështetur edhe nga elektorati i kandidatit shqiptar Blerim Reka, që mori 10 % të votave në raundin e parë në 21 Prill. Kështu duket se mbështetja e shqiptarëve me votë për kandidatin pro-evropian ishte vendimtare në fitoren e tij përballë kandidates opozitare Silianovska./abcnews.al

BYRO-POLITIKE-DT-29-PRILL-mediu-1280x720.jpg
ent ela20:58 | 29/04/2019

Iniciativa e 5 partive të djathta, të cilat nesër do të priten nga Presidenti Meta për platformën e tyre për zgjidhjen e krizës që ka mbërthyer vendin, është disktuar në studion e Byro Politike në ABC News të Juli Xhokaxhiut me kreun e PR-së Fatmir Mediu dhe gazetarët Mimoza Koçiu dhe Mentor Kikia.

Iniciatori i kësaj platforme, Fatmir Mediu tha se ky grupim kërkon ndryshim të sjelljes politike për të pasur një republikë parlamentare të shtetit të së drejtës dhe balancim të pushtetit mbi parimet kushtetuese.

“Ne krijuam këtë grupim se mendojmë që secili duhet të ketë një rol në politikë dhe kemi bashkuar 5 parti, e cila nuk ka të bëjë me zgjedhjet lokale, por sesi duhet të ndryshojmë sjelljen politike për të pasur një republikë parlamentare të shtetit të së drejtës dhe balancim të pushtetit mbi parimet kushtetuese. I kemi kërkuar takim Presidentit dhe duke pasur në konsideratë ruajtjen e sistemit pluralist përmes zgjedhjeve pluraliste”.

I pyetur se çfarë do i kërkojnë konkretisht Presidentit, Mediu përgjigjet se Presidenti duhet të shmangë një konflikt që është në dëm të interesave të vendit, ndryshimin e sistemit zgjedhor dhe minimizimin e blerjes së votës.

“Debati ynë është për sistemin zgjedhor. Ne kërkojmë ndryshimin e sistemit zgjedhor e para, dhe e dyta parlament kushtetues për të minimizuar blerjen e votës.

Ne kemi President Republike dhe un abstragoj nga emri, se duhet të respektojë autoritetin kushtetues të Presidentit të Republikës dhe kur kërkoj të angazhohem me institucionin e Presidentit që ai në funksionin kushtetues të shmangë një konflikt që është në dëm të interesave të vendit

Ne kërkojmë nga Presidenti që nisur nga situata cënon integritetin tonë si popull dhe kushtetueshmërinë e vendit e cila është thuajse e rrëzuar dhe po shkojmë që s’do kemi as zgjedhje pluraliste, por farsë dhe shmangie nga qëllimi ynë kombëtar që është integrimi dhe Presidenti ka detyrën që palët duhet të gjejnë përgjegjshmërinë e tyre”. /abcnews.al

BYRO-POLITIKE-DT-17-PRILL.mpg_snapshot_17.35-1280x720.jpg
ent ela22:11 | 17/04/2019

Zëvendësministri për Europën dhe Punet e jashtme Sokol Dedja sqaroi në studion e Byro Politike bazat dhe kriteret ku mund të vendoset regjimi i vizave. Sipas tij ka një rregullore dhe janë 4 kritere ku mund të vendoset regjimi i përkohshëm dhe përcaktohet se mbi ç’baza miratohet kjo.

“Duhet të ketë rritje masive të emigracionit të paligjshme, ose rritje e kërkesave për azil, ose një rritje e adresimti të emigrantëve të parregullt, ose rritje e akteve kriminale me origjinë nga vendi në fjalë që të bëjë kërcënim serioz për vendet anëtare”.

Sipas tij nuk ekziston asnjë bazë ligjore që qeveria holandeze t’ia kërkojë aktivizimin e pezullimit të vizave Komisionit Evropian.

“Situata e krimit shqiptar është në rënie. Jo vetëm nuk kemi rritje masive, por kemi rënie të krimit me origjinë nga Shqipëria në Hollandë.

Për të evituar edhe panikun e panevojshëm nuk ekziston asnjë bazë që qeveria holandeze t’ia kërkojë aktivizimin e pezullimit të vizave.

Nuk ka asnjë bazë ligjore për t’ia kërkuar Komisionit Evropian. Qeveria holandeze është në situatë komplekse. Nga njëra anë ka kërkesën e parlamentit dhe nga ana tjetër nuk ka bazë ligjore për t’ia kërkuar Komisionit Evropian”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono