Byro Politike

BYRO-DT-12-00001.mpg_snapshot_11.54-1280x720.jpg
ent ela22:28 | 12/12/2018

Në punatën e sotme të emisionit “Byro Politike” nga gazetarja Juli Xhokazhi, studentet diskutuan gjithashtu edhe për problemet nëpër konvikte. Njëri nga studentët tregoi se u duhej 6 orë të prisnin për ujë të rrjedhshëm dhe se muret ishin me lagështirë.

Studenti: “Aty nuk përmendet fjala larje fare, aty mund të lahesh nga lagështia që qëndron në mure. Është e vështirë që të presësh mbase edhe 6 orë për ujë dhe do të ishtë gjëja më e bukur sikur të futeshe në dush dhe të gjeje ujë të ngrohtë.”

Tupe: “Pse nuk e ftoni Kryeministrin që të bëjë një vizitë tek dushet?”

Curri: “Ose të jetojë 24 orë me ju, do të ishte më origjinale.”

Studentja: “24 orë i përballon çdokush, por të jetosh 9 muaj dhe me vite, nuk besoj se do i përballonte dot.”/abcnews.al

BYRO-DT-12-00001.mpg_snapshot_14.42-1280x720.jpg
G. P.21:58 | 12/12/2018

Në studion e Byro Politike ishte i pranishëm edhe artisti i proceduar nga Policia, Robert Aliaj. Ai shprehu mbështejen ndaj studentëve protestues. I pyetur për dhunën e ushtruar në protestë, Aliaj dha këtë përgjigje: “Nuk është në natyrën time të hedh vezë dhe gurë. Unë kam qenë në palestër”.

Artisti shprehu besimin se këta të rinj protestues do të ndryshojnë Shqipërinë.

“Jam atje me zemër dhe për ta mbështetur. Këta janë ata që do ta ndryshojnë Shqipërinë. Jemi infantilë nga të kuptuarit e demokracisë dhe jemi në këtë kaos që lexohet në mënyrë të mrekullueshme që dalin dhe nuk kanë një lider”. /abcews.al

tupja-1280x720.jpg
ent ela21:32 | 12/12/2018

Profesor Edmond Tupja ka folur në studion e Byro Politike për protestën e studentëve dhe në lidhje me procedimin e tij nga policia. Tupja është një nga pedagogët protestues të proceduar nga policia, pavarësisht se zyrtarisht nuk është bërë me dije. Ai shpreh mbështetjen e hapur për studentët protestues.

Xhokaxhi: Ke dy ndjesi të veçanta , protestën e të rinjve dhe të ndjesh i proceduar nga policia e shtetit?

Tupja: Janë këto dy polet e personaliteti tim në këto javë.

Profesor Tupja ka shprehur mbështetjen për studentët protestues, ndërkohë që e quan të justifikuar revoltën e tyre.

“Janë më të lirë se sa ne të vjetrit. Mua më mbush me gëzim sepse studentët tanë nuk janë ata të para 10-15 viteve. Ata jetojnë në kushte psikologjike të caktuara dhe vuajnë. Kushtet që kanë në konvikt, çmimet që rriten, prinërit që fitojnë me pak janë të gjitha probleme. Revolta ishte shumë e justifikuar. Ata janë të vendosur dhe unë i përkrah. Unë nuk jam protestues por mbështetës.

“Kanë qëndruar jashtë në të ftohtë pa qëlluar me një gur. Nuk është e lehtë. Nuk kanë treguar asnjë shenjë agresiviteti. Hodhën vetëm disa vezë por veza ka hyrë në kodin se si zhvillohen protestat në botë.” /abcnews.al

byro-politike.jpg
G. P.21:25 | 12/12/2018

Puntata e sotme e emisionit “Byro Politike” nga gazetarja Juli Xhokaxhi ishte e fokusuar tek protesta e studentëve dhe dita e 8 e saj. Të ftuar ishin studentët: Megi Mustafaraj studentet në Fakultetin e Shkencave Sociale, Mario Nesuri, student në Fakultetin e Mjekësisë Veterinare, Erjola Rranga studente në Fakultetin e Drejtësisë, Altin Kola student i Fakultetit të Ekonomisë, gjithashtu dhe profesor Edmon Tupe, analisti Arjan Curri dhe artisti Robert Aliaj.

Fillimisht studentët treguan së çfarë kanë arritur deri tani me anë të protestës së tyre.

“Jemi në ditën e 8 të protestës. Anuluam VKM-në. Arritëm të bëjmë 8 kërkesat që nuk janë miratuar. U kërkua dialog, por ne nuk duam atë, duam të plotësohen këto kërkesa.”

Të pyetur nga gazetarja Xhokaxhi, studentët treguan synimet e tyre dhe se si i kërkojnë ata plotësimin e këtyre 8 kërkesave.

“Brenda dhjetorit të miratohej ulja e tarifave dhe karta e studentit. Kërkesat e tjera kuptohen që duan kohën e vet. ”

“Ne nuk pretendojme që këto të plotësohen sot për nesër, por jo të gjitha janë kërkesa që duan një kohë të gjatë për tu zbatuar. Shumë prej tyre janë premtuar vite më parë.”

“Metoda e kryeministrit është për t’ju shmangur gjërave. Plotësimit të kërkesave i qëndrojmë deri në fund.”

Profesor Tupe dha këndvështrimin e tij në lidhje me protestën dhe se ai e mbështeste këtë liri të tyre.

Tupe: “Janë më të lirë se sa ne të vjetrit. Mua më mbush me gëzim sepse studentët tanë nuk janë ata të para 10-15 viteve. Ata jetojnë në kushte psikologjike të caktuara dhe vuajnë. Kushtet që kanë në konvikt, çmimet që rriten, prinërit që fitojnë me pak janë të gjitha probleme. Revolta ishte shumë e justifikuar. Ata janë të vendosur dhe unë i përkrah. Unë nuk jam protestues por mbështetës.”

Curri reagoi mbi procedimin penal të shpërndarë në media ndaj Tupes dhe studentët treguan nëse kjo gjë i ka trembuar ata.

Curri:Shpresoj të mos jetë zyrtare kjo e Tupes sepse do të ishte e tmerrshme. Procedimi penal njoftohet personi dhe nxirret një njoftim zyrtar. Mundet të jetë e gjitha një lojë për të intimituar pedagogët dhe studentët.”

“Në fakt nëse hapin procese të tilla duhet të na arrestojnë të gjithëve.”

Gjithashtu u diksutua fakti i të mospasurit të një kryesie në protestë dhe se si kanë tentuar ti përçajnë.

Curri: “Të mospaturit një kryesi bëri që nga dje dhe deri sot protesta të ndahet në dy vende”.

“Nuk do e cilësoja ndarje, mospasja e një strukture të mirëfilltë bëri që të jemi aq shumë të pranishëm, qëllimi i të gjithëve është i njëjtë.”

Duke qenë edhe nga kokat e forumeve rinore kanë marrë fjalën, por nuk kemi lejuar që të ndodhë.”

“Kemi fillluar të identifikojmë stereotipët që mundohet të përçajnë. Qytetarët duhen të bashkohen.”

Tupe: “Kanë qëndruar jashtë në të ftohtë pa qëlluar me një gur. Nuk është e lehtë. Nuk kanë treguar asnjë shenjë agresiviteti. Hodhën vetëm disa vezë por veza ka hyrë në kodin se si zhvillohen protestat në botë.”

Pikë e rëndësishme diskutimi ishte edhe pasyrimi i kushteve të konvikteve nëpër të cilët studentët duhet të jetonë.

“I falenderojmë të gjithë ata që na kanë mbështetur në protestë. Në konvikt mund të lahesh nga lagështira e mureve. Mund të presësh 6 orë për ujë në dush dhe je me fat nëse gjen ujë të ngrohtë. Dhe këta kërkojnë negociata.”

Curri: “Ftojeni të jetojë 24 orë në konvikt”.

“Ne do të vazhdojmë të protestojmë. Ne jemi të bashkuar jo të përçarë. Nuk ka gjë më të bukur se sa të përkrahësh njëri-tjetrin. Vërtet jemi dy vatra, por këto mund ti shohim në vijë të drejtë dhe kushdo mund të na bashkohet.”

Studentët u pyetën nga paneli nëse ka ardhur koha që një grup udhehqës tashmë të krijohet?

“Të krijohet një reformë e re nga pedagogë dhe studentë. Me ata që e kanë vullnetin, ndershmërinë dhe moralin e duhur për ta bërë këtë gjë. Përveç 8 pikave tona na duhet dhe vullneti i pedagogëve.”

“Ne kemi grupe të caktuara për koordinimin dhe informimin dhe jo për përfaqësimin. Nesër do të jemi tek parlamenti.”

Curri: “Duke qene ne 2-3 vende të ndryshmë fuqia pakësohet. Ka ardhur koha që më të hedhurit mes jush të jenë të paktën një grup koordinuesish të nxjerrë lidera studentorë kjo protestë”.

Së fundi Aliaj dha mbështetjen e tij për studentët dhe ata kërkuan mbështetje nga qytetarët në protestën e nesërme.

Aliaj: “Jam atje me zemër dhe për ta mbështetur. Këta janë ata që do ta ndryshojnë Shqipërinë. Jemi infantilë nga të kuptuarit e demokracisë dhe jemi në këtë kaos që lexohet në mënyrë të mrekullueshme që dalin dhe nuk kanë një lider. Nuk është në natyrën time të hedh vezë dhe gurë. Unë kam qenë në plestër”.

“Ne kemi provuar se shumë qytetarë na mbështesin. Çdokush është i ftuar të na bashkohet dhe të protestojë ndaj të drejtës për një arsimim të mirë.”

“Protesta do të vazhdojë dhe ne i bëjmë thirrje të gjithëve.”/abcnews.al

byro10.jpg
G. P.21:25 | 10/12/2018

Në këtë puntatë të emisionit “Byro Politike” nga gazetarja Juli Xhokaxhi u fol për protestën e studentëve dhe vrullin e rinisë shqiptare. Analizë në ditën e gjashtë të protestave për 8 kërkesat të mirqartësuara dhe publikuara që presin realizimin e tyre. Të ftuar ishin: Nikolina Qirjazi studente në Fakultetin e Teknologjisë së Informacionit, Kristaq Kajo student në universitetin Bujqësor, Albi Arapi student në universitetin politeknik, gjithashtu Mentor Kikia drejtori i Klan Plus dhe Mark Marku pedagog.

Fillimisht Kikia dhe Marku shprehën mendimin e tij personal për protestën duke treguar se të gjithë studentët meritojnë një mirënjohje nga shoqëria për këtë lëvizje.

Kikia: “Protesta ishte nje gjë që na kishte munguar. Na ishin tharë sytë për të parë një protestë qytetare. Të gjithë meritojnë një mirënjohje të madhe. I mungonte shoqërisë shqiptare një lëvizje e tillë. Prej 30 vitesh mungonte një protestë e dalë nga vetë njerëzit si formë e shprehjes së pushtetit të tyre.”

Marku: “Jashtëzakonisht i impresionuar si ish student i dhjetorit. Pas 28 viteve rikthehet dinjiteti i Shqipërisë.”

Studentët diskutuan për peshën emocionale të protestës.

Nikolina: “Nuk është hera e parë që ne protestojmë. Që në momentin e parë që ka filluar hartimi i ligjit kemi qenë gjithë kohës duke kundërshtuar. Problemet që kemi tani vijnë si pasojë e këtij ligji. Emocioni është i madh sepse u bëmë aq shumë sa zëri ynë do të dëgjohet.”

Ata treguan dhe për arsyet se përse kanë vendosur të qëndrojnë larg politikës në këtë protestë.

“Nuk duhet të kemi qëllime politike sepse organizimi nuk është politik. Për aq kohë sa qëllimet tona janë vetem në procesin mësimor unë e quaj jo politike.”

Pikë e rëndësishme dikutimi ishte dhe fakti se nëse ka pasur dhunë tek studentët dhe presione tek maturantët që duan ti bashkohen kauzës.

“Është tendencë nga forumet rinore që të përçajnë protestën por studentët janë të bashkuar. Masa ka një qëllim, vetëm 8 pikat që kemi parashtruar.”

“Pjesa e gjimnazeve janë kërcënuar për mungesa dhe për pasoja në nota. Në fakultete ka qenë situata më pozitive.”

Ata u shprehën dhe për bashkimin me fakultetet e rretheve të tjera dhe çfarë do të ndodhte nësë ulen dhe bisedojnë me Kryeministrin.

“Dimë që të premten u bashkua Kukësi, Elbasani dhe sot Velipoja. Nesër do të jetë kulmi i protestës dhe presim të bashkohen dhe universitete të tjera. Do ketë dhe bashkime dhe organizime. Ka arritur në një nivel që të gjithë studentët janë ndërgjegjësuar.”

“Ne nuk kemi përfaqësi, nuk përfaqësohemi nga askush. Kemi zgjedhur të dialogojmë nëpërmjet letrave. Kemi bërë kërkesat, të cilat i janë dërguar minstrisë, nëpërmjet këtij dialogu presim një përgjigje. Në 2015-n kemi qenë gjithë kohës në protestë dhe askush nuk na pyeti. Tani ne e kemi bërë dialogun dhe kërkojmë zbatim.”

Kikia dhe Marku u dhanë këshillat e tyre studentëve duke u rikujtuar se protesta sot është pushtet.

Kika: “Kjo protestë të mos jetë thjesht një tubim, tashmë kjo protestë e ka fituar autoritetin e pushtetit. Kryeministri hapi dyert dhe tha hajdeni të flasim. Kjo ndodhi sepse protesta sot është një pushtet. Mendoj se keni një përgjegjësi që nuk e kuptoni. Kjo protestë do të krijojë precedentin e pushtetit tek populli. Do isha i të njëjtit mendim edhe sikur të përdoreshin gurë në protestë nëse do e dojë qëllimi diçka të tillë. Nëse rrëzohet qeveria, tjetra do matej dy herë kur të bëjë veprime që mund të bien ndesh me interesat e popullit. Nuk është e trembur vetëm qeveria, por edhe opozita.”

Marku: “Më pëlqen fakti që e mbajnë protestën brenda vetes sepse kanë disa qëllime dhe po realizojnë shqetësime konkrete. Ajo ç’ka është pagë simbolike për të tjerët, për studentët është paga e familjes për një vit. Bravo që po zgjidhin një problem të tyrin konkret. Ka një keqkuptim që duan t’ja vendosin universitetit këto. Nuk asnjë arsye që të paguajnë provimet pasi nuk ka shpenzim shtesë për to. Ata po dialogojnë me shoqërinë. Po kërkojnë diçka që ua kan mohuar. Atë që keni të drejtë mos ia kërkoni si favor qeverisë. Këta po rithemelojnë kontratën me qeverinë shqiptare.”

Studenti: “Unë besoj se kemi treguar se jemi të aftë si numër me fjalë dhe mendoj se vezët që janë hedhur janë bërë nga 3 elemete që i kanë bërë për të nxitur turmën dhe jo nga studentët. Forca e studentëve tregohet me fjalë.”

Kikia i pyeti studentët çfarë do të ndodhtë nëse qeveria nuk plotëson kërkesat e tyre dhe reagimet e mëtejshme që studentët do të kenë.

“Nëse nuk pranohen kërkesat, flas personalisht, nuk jam për një përshkallzim, por duhet të vazhdojmë më tej.”

“Nëse zgjedhim përfaqësi do të jetë e lehtë për ta kompromentuar. Që nga fillimi ka qenë thirrja “jo politika”. Kanë qenë forumet rinore që kanë dashur të dalin si organizueset. Por pikënisja ka qenë tek Fakultetit i Arkitekturës.”

Të pyetur nga gazetarja Xhokaxhi se si mund të ndalohen përçarësit nga forumet rinore, studentët treguan se ata do të përpiqen që të mos i bëjnë protagonistë.

“Ata janë studentë si ne, qe kanë të drejtë të protestojnë. Mundohemi qe ata të mos jenë protagonistë në mënyrë që të mos prishet kjo protestë.”

Gjithashtu ata reaguan ndaj dialogut të Kryeministrit Rama ditën e sotme dhe mënyrën e zbatimit të tyre.

“Nëse qeveria është e aftë që të nxjerrë një VKM dhe ta rrëzojë kaq shpejt atëherë është po aq e aftë që të ulë tarifat e universiteteve.”

“Një pjesë e kërkesave janë afatgjata, por nëse nje qeveri mashtron sudentët do të jenë përsëri në shesh.”

“Ai ishte monolog i dështuar i një kryeministri. Të gjithë e dimë se në çfarë gjendje është arsimi. Në kanalin e tij kishte komnetne të përsëritura nga militantë të partisë. Çfarë dialogu është ai?…”

Në fund ata i bënë thirje qytetarëve që ti bashkohen protestës së nesërme.

“Ftojmë të gjithë në protestë të jenë me ne. Jemi pa parti, pa lidhje me forume. Ju lutem na mbështesni…”/abcnews.al

patozi-1280x866.jpg
ent ela15:47 | 06/12/2018

Ish nënkryetari i Partisë Demokratike Astrit Patozi është shprehur i gatshëm të bëhet pjesë e një lëvizje të re politike. Në Byro Politike në ABC News, Astrit Patozi është shprehur optimist për krijimin e një force të re, pasi sipas tij shqiptarët gjenden përballë një qeverie të korruptuar dhe opozite të kompromentuar.

Gjithçka që bën e nuk bën Lulzim Basha, nuk ia kanë ndryshuar mendimin që ka për të Astrit Patozi. Qeveri e korruptuar dhe opozitë e kompromentuar është binomi që përsërit prej kohësh ish nënkryetari Partisë Demokratike .Sot ai del me një mendim të ri, krijimin e një lëvizje politike, për të cilën ai shprehet i gatshëm të kontribuojë.

Shkëndijën e krijimit të një lëvizje të re politike e sheh edhe në radhët e studentëve që protestojnë. Prandaj ai këshillon që të rinjtë të mos lejojnë praninë e opozitës e cila për patozin do të shërbejë vetëm si një mjet zjarrifikës.

Ish deputeti demokrat argumenton edhe pse mund të ndodhë kështu. Sa për kauzat e opozitës janë të gjitha të lëna rrugëve dhe nuk ngjallin shpresë e besim për ish nënkryetarin demokrat.

Braktisja e parlamentit nuk është e vetmja mënyrë për të mundur kundërshtarin.Për më tepër deklaratat për djegie të mandateve duken sporadike pasi në këtë pikë opozita nuk është e bashkuar deklaron Astrit Patozi duke iu referuar Lëvizjes socialiste për integrim.

Tre partitë që qeverisin vendin nuk janë ato që meritojnë shqiptarët sipas Astrit Patozit. Edi Rama dhe Lulzim Basha vazhdojnë marrëveshjen e pashkruar thotë ai.

Ndërsa lëvizja socialiste e drejtuar nga Ilir Meta po bën gjithçka për të marrë më shumë karrige në parlament.

Prandaj lëvizja e re politike është zgjidhja për të dalë nga e gjithë kjo situatë që po kalon vendi. Këto deklarata duhet ti lexojnë drejtë shqiptarët jo si opozitë për opozitën – shpjegoi Astrit Patozi në Byro Politike me gazetaren Juli Xhokaxhi. /abcnews.al

 

 

juli-xhokaxhi.jpg
G. P.09:28 | 06/12/2018

Astrit Patozi ishte i ftuar në “Byro Politike” ku diskutoi  mbi aktualitetin në Shqipëri, qeversjen e Edi Ramës, 4 protestat në 24 orë. Ai dha mendimin e tij edhe për presidentin Ilir Meta, Lulzim Bashën e Sali Berishën. Patozi foli edhe rreth të ardhmes së tij politike./abcnews.al

juli.jpg
ent ela20:43 | 05/12/2018

Ish-nënkryetari i PD Astrit Patozi, i ftuar në emisionin Byro Politike nga Juli Xhokaxhi, diskutoi për ngjarjet më të rëndësishme politike në vend. Ai tregoi mendimin e tij për përgjigjen e Komisionit të Venecias dhe se si e sheh ai në politikën e sotme kryetarin e PD-së Lulzim Basha.

I pyetur nga gazetarja Xhokaxhi nëse Komisioni i Venecias mund të jetë shpëtimi i opozitës shqiptare, Patozi tregoi se Venecia kishte dhënë një përgjigje taktike.

“Ajo që unë parashikova arrita në përfundimin se kërkesa e opozitës për Vetting politik nuk ishte argumenti i fortë që të përligji braktisjen e parlamentit. Unë shpresoj që të kthehen në parlament. Venecia kishte një përgjigje taktike. Bojkoti shërbeu për të krijuar idenë që opozita është e persekutuar nga një qeveri harbute, një pjesë e së cilës është e vërtetë për shkak të paaftësisë së opozitës. Në këtë kuptim unë besoj se bojkoti nuk ka qenë instrumenti i duhur. Nuk kanë nevojë për pretekst për tu kthyer, ata kanë ikur me dëshirë nga parlamenti me pretekst Vettingun, tani kanë dy rrugë: ose do të thonë që Venecia është blerë nga qeveria, ose të kthehen që të diskutojnë me qeverinë. Opozita nuk mund ta përdori vetëvrasjen si instrument për të luftuar me qeverinë.”

Patozi diskutoi dhe për idenë e dhënë nga ish-Kryeministri Berisha se djegia e mandatit mund te ishte e vetmja zgjidhje dinjitoze.

“Opozita nuk mund t’i shkojë deri në fund kësaj as për çështje taktike ku PD të lejë mandatet dhe LSI të shkojë në parlament. Disa figura të PD-së i mëshojnë idesë se djegia e mandateve është e vetmja rrugë. 140 mandatet e parlamentit i përgjigjen gjendjes në terren pavarësisht legjendave për shit-blerje votash.”

Ai gjithashtu tregoi mendimin e tij për udhëheqjen e PD-së nga Basha dhe se çfarë ka ndryshuar tek figura e tij.

“Nuk shoh ndonjë ndryshim të madh. Ajo që vihet re është që ai ka filluar të trashi zërin dhe ndërkohë qëndrimet politike ti ketë me të pafuqishme se kur erdhi në krye të PD. Ka një mospërputhje ndërmjet impostimit të tij dhe vendimeve politike. Nuk besoj se ka një marrëveshje të dakordësuar midis Bashës dhe Ramës. Ka një marrëveshje të pa shkruar, merren vesh ne distancë për disa koncepte. Ajo që i bashkon është ruajtja e sistemit. Mbas 2 vjetësh ka ikur nga parlamenti dhe përsëri nuk do kemi reformë zgjedhore edhe nëse do kemi do të jetë një arnim i lehtë. Unë mendoj që në Shqipëri ka ardhur koha që ky sistem të varroset. Unë jam për një sistem politik që duhet të vazhdojë me ndryshimet kushtetuese.”/abcnews.al

opozita.jpg
G. P.20:30 | 05/12/2018

Sipas Astrit Patozit, opozita e sotme nuk frymëzon. I ftuar në emisionin “Byro Politike” nga Juli Xhokaxhi, Patozi foli për protestën e banorëve të “Astirit”. Ai tha se opozita ka arritur me vonesë aty dhe kërkon që ta përdorë si “karburant” për zgjedhjet e ardhshme.

“Opozita nuk është iniciatore e kësaj proteste. Protesta ka lindur nga banorët për një hall konkret. Banorët tek “Astiri” apo Unaza së Re nuk janë ngritur për mënyrën si qeveris qeveria apo për korrupsionin që pretendohet se ka tek Unaza e Re, janë ngritur që të mos u prishen shtëpitë e tyre. Ata janë në të drejtën e tyre legjitime. Është shumë sensitive halli i tyre. Opozita ka mbërritur me vonesë aty, dhe ka mbërritur njësoj si gjuetarët që dalin në mëngjes që të gjejnë ndonjë shpend rrugës, dhe ka gjetur një grumbullim dhe ka shkuar që të mbajë veten me karburant deri sa të vijnë zgjedhjet e radhës, duke vazhduar një lloj politike anemike. prandaj  Opozita sot nuk frymëzon. Nuk shtohen njerëzit te protesta e “Astirit” as kur është Lulzim Basha dhe as kur është Klevis Balliu”, u shpreh ai.

Më tej ai shtoi se Lulzim Basha ka dështuar në premtimet e tij për të rrëzuar qeverinë. Sipas Patozit, kur opozita shkoi në protestën e Kukësit e shoi atë.

“Historia ka treguar që Basha ka dështuar në dhjetëra raste në premtimet e tij për të rrëzuar qeverinë apo për të mbajtur një revoltë popullore. Protestat janë një mesazh shumë i mirë për shoqërinë shqiptare që do të thotë se po reagojnë madje më mirë se opozita sepse janë të vërtetë”, tha ai.

“Protesta duhet të jetë e sinqertë. Në rast se ajo që thotë opozita që qeveria është në grahmat e fundit dhe kjo është një qeveri e korruptuar dhe kjo është e vërtetë dhe njerëzit kanë kthyer sytë te opozita si shpresë atëherë askush nuk mund të presë që njerëzit të ngrihen vetë që të shpresojë se kjo qeveri mund ta ndjejë reagimin. Një opozitë anemike e ka këtë problem dhe është në gjuetinë e popoullit. Kërkon që të gjejë grumbuj njerëzish dhe të thotë jam me ju. Kjo nuk është kauza. Opozita shkoi në Kukës dhe e shoi protestën. Kur nuk ishte opozita protesta kukës, qeveria u tërhoq nga disa vendime”, u shpreh më tej Patozi./abcnews.al

byroja.jpg
G. P.23:30 | 03/12/2018

Braktisja e vendit nga të rinjtë apo shtresa e mesme është një nga fenomenet më shqetësuese dhe debatuese në Shqipëri. Kjo ishte tema e emisionit “Byro Politike” në këtë puntatë. Arsyet pse braktiset Shqipëria? Çfarë duhet të bëhet që të mbahet ai që kondsiderohet  asetii i vendti. Këto e shumë të tjera u diskutuan në “Byro Politike”.

Të Ftuar: Dashamir Shehi, kreu i LZHK-së; Arian Curi, analist; Denada Seferi, drejtoreshë e programit të zhvillimit në Minsitrinë e Shëndetësisë dhe Çështjeve Sociale dhe Edmond Dragoti, psikolog./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono